Category: Uncategorized

Thierry Froger nyuma yo kumva ibyo abafana bamwifuzaho yatangaje ijambo rikomeye n'ubundi rikora mu gikomere aba bafana yafashe nko kwirushya mu byo barimo

Ku munsi w'ejo hashize ikipe ya APR FC yakinnye umukino n'ikipe ya Gasogi United, umukino urangira ikipe zombi zinganyije ubusa ku busa bigoranye cyane.

Nyuma y'umukino abafana batangaje amagambo akomeye benshi bongera kwibutsa ubuyobozi ko bakumbuye Adil Erradi Mohamed wagiye batabyifuza nubwo yashinjwaga umwuka mubi muri iyi kipe.

Aba bafana banavuze ko umutoza Thiery Froger Ari kwica ikipe ndetse bakumbuye Shaiboub mu kibuga ndetse na Bizimana Yanick ariko uyu mutoza ntabwo abikozwa ibyo abafana bavuga.

Umutoza w'ikipe ya APR FC Thiery Froger mu kiganiro yagiranye n'itangazamakuru yavuze ko abanyamahanga bose ikipe ifite batajya mu kibuga ahubwo ari we ufite guhitamo abakina ariko kandi ashishikariza abafana gukomeza ibyo barimo gukora abafana.

Source : https://yegob.rw/thierry-froger-nyuma-yo-kumva-ibyo-abafana-bamwifuzaho-yatangaje-ijambo-rikomeye-nubundi-rikora-mu-gikomere-aba-bafana-yafashe-nko-kwirushya-mu-byo-barimo/

Kwizera Olivier yagaragaye mu buryo bwatumye umukinnyi w'ikipe y'igihugu yerura akavuga ko amufana bikomeye cyane gusa nawe yahise amusubiza.

Umuzamu w'ikipe y'igihugu y'u Rwanda Amavubi Kwizera Olivier udaheruka guhamagarwa yashyize amafoto ku mbuga nkoranyambaga ze maze rutahizamu wabiciye bigacika mu makipe y'i Nyarugenge no mu ikipe y'igihugu Amavubi Usengimana Danny uherutse gusezera kuri ruhago ahita atangaza ko amufana cyane maze Kwizera nawe ahita amubwira ko amwemera ahubwo abura kwisiga iranjye.

Amafoto:

Ibyo Usengimana Danny yatangaje ubwo yabonaga aya mafoto ndetse nibyo Olivier yamusubije:

Source : https://yegob.rw/kwizera-olivier-yagaragaye-mu-buryo-bwatumye-umukinnyi-wikipe-yigihugu-yerura-akavuga-ko-amufana-bikomeye-cyane-gusa-nawe-yahise-amusubiza-amafoto/

Umwaka wa 2023 ubura iminsi 25 gusa ngo ugere ku musozo, wabaye udasanzwe mu bisata byose bigize imyidagaduro, abahanzi baca uduhigo ku rwego mpuzamahanga, sinema nyarwanda iraguka, urwenya ruzamura urwego, abanyarwanda bahindura imyumvire.

Byumwihariko, muri uyu mwaka, u Rwanda rwakiriye ibyamamare bikomeye ku Isi, habera ibitaramo byitabiriwe n'amahanga, abanyarwanda baserukira u Rwanda hanze yarwo ndetse bamwe banegukana ibihembo byabonaga umugabo bigasiba undi.

Nubwo hari ibintu byinshi byagarutsweho cyane muri uyu mwaka, InyaRwanda yaguhitiyemo iby'ingenzi cyane bidateze kwibagirana mu mitwe y'abanyarwanda ndetse n'abanyamahanga bashoboye kubikurikirana.

1.     Ibitaramo mpuzamahanga byabereye i Kigali

Ku bakunzi b'ibitaramo n'ibirori muri rusange, uyu mwaka wababereye uw'amateka kuko ntibigeze babona akanya n'ako guhumeka. Mu Rwanda habereye ibitaramo mpuzamahanga bikomeye byitabiriwe n'ibyamamare binyuranye.

Muri ibi bitaramo twavuga nka Trace Awards 2023 yabereye mu BK Arena ku ya 21 Ukwakira, Giants of Africa Festival yamaze icyumweru cyose ibera muri BK Arena kuva tariki 13-19 Kanama 2023, Move Africa yatumiwemo Kendick Lamar iri kubica bigacika i Kigali n'ibindi byinshi.

Ibi bitaramo byahaye ibyishimo abanyarwanda, ibitangazamakuru bibyandikaho inkuru zitabarika, imbuga nkoranyambaga zirashyuha, ubukerarugendo burushaho kwinjiza.

2.     Ubukwe bw'ibyamamare nyarwanda

Kimwe mu bintu binezeza mu buzima bwa muntu, ni ubukwe bikaba akarusho noneho iyo ari ubw'icyamamare.

Muri uyu mwaka habaye ubukwe bwinshi bw'ibyamamare haba mu bwiza, sinema, muzika ndetse no mu zindi nzego

Mu bukwe butazibagirana harimo ubwa Nyampinga w'u Rwanda wa 2017, Miss Iradukunda na Ishimwe Dieudonne [Prince Kid] bwabaye nyuma y'ifungurwa ry'uyu mugabo wamaze igihe kinini afunzwe azira ibyaha yashinjwaga bishingiye ku ihohoterwa byavugwaga ko yakoreye abakobwa baciye mu irushanwa rya Miss Rwanda yari ahagarariye.

Ubundi bukwe butegerejwe mu mpera z'uyu mwaka, ni ubwa Miss Uwicyeza Pamela na Mugisha Benjamin [The Ben] nabwo buri mu bwavuzwe cyane muri uyu mwaka bitewe n'uburyo budasanzwe aba bombi bahisemo kubuteguramo, ibihe bidasanzwe n'amagambo yuje urukundo yagiye abaranga.

Hari kandi ubukwe bwa Bishop Gafaranga na Annette Murava bwateje impagarara mu itangazamakuru no ku mbuga nkoranyambaga.

Muri Werurwe 2023 nabwo habaye ubukwe bwa Uwineza Kelly wo mu Itsinda Mackenzies wasezeranye imbere y'amategeko ndetse n'imbere y'Imana n'umukunzi we Nsengiyumva David uri mu basirikare bafite ipeti rya Lieutenant mu Ngabo z'u Rwanda unakinira APR BBC.

Ubundi bukwe bwarikoroje, ni ubwa Bahati wamenyekanye mu itsinda rya Just Family warushinze na Unyuzimfura Cécile, wari usanzwe utuye hanze y'u Rwanda nyuma y'iminsi bakundana. Aba bombi basezeranye imbere y'Imana tariki 5 Kanama 2023 mu rusengero rwa Noble Family Church rwa Apôtre Munezero Alice Mignonne, maze buravugwa biratinda bamwe bashinja Bahati gukurikira Visa.

3.  Abahanzi nyarwanda baserukiye u Rwanda mu mahanga

Muri uyu mwaka, abahanzi benshi bashoboye kurenga umupaka w'u Rwanda bagurira ibikorwa byabo no mu mahanga binyuze mu bitaramo bagiye bahakorera, kuzenguruka imigabane ndetse n'ibindi bikorwa binyuranye bagiye bakorera hanze y'igihugu.

Mu bahanzi nyarwanda bahagarariye neza urwababyaye harimo Bruce Melody umaze iminsi muri Leta Zunze Ubumwe za Amerika, aho yahuriye ndetse agataramana n'umunyabigwi Shaggy wubashywe ku rwego rw'Isi ndetse banakoranye indirimbo 'When She is Around' ikomeje kuzenguruka umubumbe.

Abandi harimo Kenny Sol ukubutse muri Canada, Bushali wanditse amateka muri Uganda binyuze mu iserukamuco rya Nyege Nyege aherutse kuhakorera, Bwiza, Ariel Wayz, Massamba tutibagiwe igitaramo cy’amateka The Ben yakoreye mu Burundi  n'abandi benshi bagize uruhare rukomeye mu kumenyekanisha umuziki nyarwanda ku rwego mpuzamahanga.

4.     Imanza z'ibyamamare

Imanza z'ibyamamare nyarwanda zaravuzwe, zirandikwa biratinda. Mu bibanzweho cyane, harimo urubanza rw'umubyinnyi Tity Brown wafunzwe ashinjwa gusambanya umwana utujuje imyaka y'ubukure nyuma akaza kugirwa umwere, urwa Prince Kid wanaje gukatirwa  imyaka Itanu mu bujurire bw’Ubushinjacyaha  ariko  bikaba bivugwa ko  yacitse ubutabera atari mu Rwanda. 

Urundi rubanza n'ubu rukivugwa cyane ku mbuga nkoranyambaga, ni urw'umunyamakuru wari umenyerewe mu biganiro yatambutsaga kuri Youtube, Jean Paul Nkundineza warezwe na Nyampinga w'u Rwanda wa 2016, Mutesi Jolly. Mu byo Jean Paul aregwa harimo gutukana mu ruhame, guhohotera uwatanze amakuru ku byaha, gukoresha ibikangisho n'icyaha cyo gutangaza amakuru y'ibihuha.

Umuhanzi Jowest umenyerewe mu ndirimbo z'imitoma nka 'Pizza' n'izindi yatawe muri yombi ku ya 01 Gashyantare 2023 akurikiranweho gukoresha undi imibonano mpuzabitsina ku gahato. Yaje kurekuwa tariki 21 Gashyantare 2023 nyuma y'uko urukiko rubonye ko nta mpamvu zifatika zatuma akomeza kuburana afunzwe.

5. Ibihangano nyarwanda byihariye imbuga nkoranyambaga muri uyu mwaka

Igihangano aho kiva kikagera, kimenyekana cyane bitewe n'imbaraga nyiracyo yashyize mu kucyamamaza. Abanyarwanda, nabo bamaze kwiyungura ubumenyi mu bijyanye no kwamamaza ibikorwa byabo ndetse bagaragaje ko bavumbuye ibanga riri mu kwifashisha imbuga nkoranyambaga.

Mu ndirimbo zacicikanye ku mbuga nkoranyambaga harimo Bana ya Chriss Eazy yahuriyemo na Shaffy, Confirm ya Danny na None, Munda ya Kevin Kade, When She is Around ya Bruce Melodie afatanije na Shaffy, Oya Shn ya Butera Knowless, Njyenyine ya Yverry na Butera Knowless, One Time ya Shemi, Nuyu ya Malani Manzi, Fou De Toi ya Element EleéeH, Bruce Melodie na  Ross Kana, Mama Loda ya Calvin Mbanda na Kenny Sol, n'izindi nyinshi.

Hari n'ibisigo byakunzwe cyane ku mbuga nkoranyambaga nka 'Rudahinyuka' cya Junior Rumaga na Bahali Ruth, Narakubabariye Rumaga yakoranye na Bruce Melodie, Ndatsinzwe cya Dinah Poetess n'ibindi.

Hari kandi filime zakunzwe zirimo 'Umuturanyi Series,' 'Bamenya Series,'My Heart ya Killer Man , Impanga Series, Papa Sava, Maya Series na Comedy zitandukanye.

  

Source : https://inyarwanda.com/inkuru/137266/ibintu-5-byingenzi-byihariye-imyidagaduro-nyarwanda-muri-20223-137266.html

Byari ku Cyumweru tariki 03 Ukuboza 2023, nibwo hari hateganyijwe kuba igitaramo cyiswe ‘University Connect Festival 2023’ cyari cyatumiwemo abahanzi babiri; B Threy ndetse na Davis D.

Iki gitaramo byarangiye kitabaye kubera habuze abantu na bake bakitabira, abahanzi bahita bakata bisubirira i Kigali bataririmbye n’akanya na gato.

Gupfa kw’iki gitaramo,benshi bagiye babigereka ku bintu bitandukanye, bagaragaza zimwe mu mpamvu zatumye abantu batacyitabira.

Abaturage batari bake batuye hanze ya Kaminuza, bavugaga ko  bahemukiwe kuba bimwe uburenganzira n’ubuyobozi bwa Kaminuza bwo kwinjira muri iki gitaramo.

Umwe yagize ati:” Ntakubeshye byarambabaje cyane, twaraje turi abantu benshi mu ma Saaha ya saa Saba ariko batwangira ko twinjira ngo ntabwo tubyemerewe kandi ubundi mbere twarabaga tubyemerewe nta mananiza, rero iyo baza kureka tukinjira, ntabwo igitaramo rwose cyari guhomba kubera ko twari turi benshi”.

Ushinzwe umutekano muri kaminuza ya Huye, Rutayisire Claude,avuga ko impamvu batigeze bemerera abo bantu kwinjira mu kigo, atari ikindi ahubwo ariyo masezerano uwateguye igitaramo yagiranye n’ubuyobozi bwa Kaminuza.

Agira ati:” Twebwe nta ruhare tujya tugira mu gutuma ibitaramo bihomba cyangwa se mu kwica imyidagaduro y’i Huye. Abantu bo hanze bakomeje kwijujutira ko tutigeze tubareka ngo binjire, ariko uwateguye igitaramo yari yabyumvikanyeho na Kaminuza. Ni ukuvuga ngo, iyo umuntu agiye gutegura igitaramo yumvikana na Kaminuza abakiriya ashaka, niba ari abanyeshuri cyangwa se abantu bose (no hanze ya Kaminuza) muri rusange”.

“Hanyuma rero uriya wateguye kiriya gitaramo yari yemeye ko abakiriya be ari abanyeshuri gusa. Ikindi kandi iyo aramutse avuze ko abakiriya be ari abanyeshuri ndetse n’abandi bantu bo hanze, icyo gihe hari ibindi bintu byinshi twumvikanaho bijyanye no gukaza umutekano kuko gucunga ubuzima bw’abanyeshuri bo muri Kaminuza, ni inshingano zacu”. 

Mu karere ka Huye ahazwi nko ku Mukoni munsi ya Kaminuza, hakunze kurangwa n’ubujura bwo kwambura abantu ibirimo telephone, Mudasobwa n’ibindi. Uyu muyobozi rero akomeza avuga ko ushobora kureka abantu bose bakinjira nta mutekano wakajijwe ugasanga habereyemo ibyaha bigendanye n’urugomo. Avuga ko iyo wemeye gukorera igitaramo i Huye, ukavuga ko abakiriya bawe harimo n’abantu bo hanze, haba hagomba kuzanwa abantu benshi bashinzwe umutekano urugero nko ku gitaramo cyabaye cya MTN Iwacu Muzika Festival, hari abashinzwe umutekano benshi baturutse hanze.

Urugero, ku masezerano InyaRwanda.com yabonye  agaragaza ko uwateguye iki gitaramo  cya B Threy na Davis D yari yiyemereye ko abo akeneye ari abanyeshuri gusa.

Hari abandi bantu bategura ibitaramo bavuga ko mbere Kaminuza yajyaga ifasha mu gutegura igitaramo, ugasanga nk’urugero Kaminuza ikijyanye n’amajwi n’urumuri (lighting and Sound), ariko kuri ubu umuntu akaba abyifasha byose.

Umuyobozi ushinzwe Umuco na Siporo muri Kaminuza,Gatsinzi Apolo, agira ati “Ariko se ubwo ni gute abantu baba batabafashije?, Iriya Sallé yonyine kuyikodesha hano hanze ni amafaranga atari make, umuriro ukoreshwa muri icyo gitaramo uba mwinshi cyane ndetse  n’amazi akoreshwa byose biba bihenze, ibyo rwose biba bihagije”.

Ubuyobozi  bwa Kaminuza kandi  bwongera kwibutsa abategura ibitaramo kwirinda kwipasa muremure ahubwo bagashima aho bishyikira. Bagira bati :” Erega na none nibo babyitera kenshi, usanga umuntu agiye gutegura igitaramo hanyuma udufaranga twose yifitiye akatumarira mu gutumira umuhanzi uhenze cyane urenze urwego rwe, kubera iki bagiye batumira abahanzi batari bubahende?.

Ku rundi ruhande na none, abashaka gutegura ibitaramo bavuga ko kuri iki gihe kugira ngo uzabone inzu mberabyombi ‘Main Auditorium’ yo gukoreramo igitaramo biba bigoye  kuko usanga haberamo ibintu byinshi bitandukanye.

Nyamara Gatsinzi we agira ati “Ntabwo abantu bose baba bagambiriye kujya hariya kubyina indirimo z’isi, hano muri Kaminuza abana bose tubafata kimwe. Hari abo usanga bashaka gusenga, kubyina indirimbo za gakondo, ndetse no gukoreramo ibindi bintu bitandukanye, rero ntabwo byashoboka ko kuva ku wa mbere kugeza ku cyumweru hahora hatumirwamo abahanzi gusa b’indirimbo z’Isi kuko haba hari n’abanddi bana bakeneye kwidagaduro mu bintu bakeneye”.

Si ibyo gusa bikomeza bishinjwa Kaminuza y’ u Rwanda mu kwica imyidagaduro y’i Huye, kuko abandi bavuga ko mbere hajyaga habaho amarushanwa agamije guteza imbere abahanzi bakiri bato no kubafasha kumenyekanisha impano zabo, ibi byose bikaba biri mu bituma i Huye hatakibasha kugira impano zikomeye mu buhanzi zihava ngo zijye guhatana ku isoko ry’umuziki.

Ku ruhande rw’abayobozi ba Kaminuza  bagira bati ” Kuri iki gihe ubundi usanga kwiga biba bingana na 90%, rero ugasanga kugira ngo bazabone umwanya wo kujya mu bindi birimo n’ubuhanzi birabagoye kuko kenshi baba bananiwe”.

Icyakora Gatsinzi, yahamirije InyaRwanda.com  ikintu kijyanye n’amarushanwa y’abafite impano mu ngeri zitandukanye agiye kugaruka vuba cyane ko kiri imbere mu bintu biri kwigwaho.

Muri rusange, Ubuyobozi bwa Kaminuza bunyomoza amakuru y’ibivugwa ko muri iyi minsi bari kugira uruhare mu kwica imyidagaduro y’i Huye, ahubwo bakemeza  bayishyigikiye bikomeye ahubwo abantu bakaba batabimenya. Ku ruhande rwabo, bavuga ko ku kijyanye no kuba ibitaramo bimwe bikorerwa i Huye bigashya/bigahomba, nta ruhare na ruto baba babigizemo ahubwo ko byose n’impamvu zitandukanye zirimo:

Kutamenya igihe nyacyo cyo guteguriraho igitaramo (ugasanga ateguye igitaramo abanyeshuri batarabona Buruse , cyangwa se akagitegura mu gihe cyo kwiga, harimo kandi kutamenyekanisha igitaramo cyabo, gukorana n’abantu batari abizerwa aho gukorana umwete n’umurava, bakiryamira gusa ndetse na duke turi kuvamo bakatwirira, kuzana abahanzi badakunzwe cyangwa se batagezweho  n’ibindi byinshi bitandukanye.

Ubwo Davis D na B Threy bazaga gutaramira muri Kaminuza nabuze  n’umwe 

Kaminuza y’u Rwanda ishami rya Huye bavuga ko ruhare na ruto  bagira mu gutuma ibitaramo bihomba

Ubuyobozi bwa Kaminuza buvuga ko buri kwiga ku kintu cyo kugarura amarushanwa agamije guteza imbere abahanzi bakiri bato no kubafasha kumenyekanisha impano zabo 

Source : https://inyarwanda.com/inkuru/137275/b-threy-na-davis-d-basomyeho-icyihishe-inyuma-yo-guhomba-kwibitaramo-bitegurirwa-muri-ur-h-137275.html

Data umbyara yatangiye kuryamana nanjye ubwo nari nkiri muto cyane, icyo gihe nigaga muri secondary. Nari umwana data yakundaga cyane kurusha abandi, yanyishyuriraga amafaranga y'ishuri mbere ndetse akanangurira ibintu byiza ataguriraga abandi bana twavukanaga.

 

 

Ijoro rimwe nibwo narindyamye numva umuntu ankozeho mu ijoro, nubuye amaso mbona ni Papa umbyara. Icyo gihe nari ndyamanye na Mushiki wanjye mukuru nuko papa arambira ngo mbyuke mukurikire.

 

 

Naramwizeraga cyane, kuko yarankundaga cyane rero ntacyari kumbuza kumukurikira, narabyutse ndamukurikira musanga mu cyumba cye, mama umbyara yari yaragiye kurangura ibicuruzwa yacuruzaga. Iryo joro papa yari wenyine maze ansaba ko nakicara ku buriri. N'uko arambwira ngo urabizi ko nkukunda cyane, bumbura amaso yawe neza undebe, Hari ikintu tugiye gukorana njye nawe, ngiye kukwigisha ikintu uzakoresha kugira ngo ubone umugabo. Ni wowe mwana wanjye nkunda kurusha abandi, ibi ukwiye kubimenya mbere Yuko ukura cyane ngo ugire umukunzi mukundana nyuma muzabane nk'umugore n'umugabo.

 

 

Ubwo nibwo yahise amfata ansunikira ku buriri, ubwo nahise menya ikigiye gukurikiraho kuko sinari umwana cyane, natangiye kumurwanya ngerageza kwirwanaho ariko biba ibyubusa. Yarambwiye ngo ashaka ko ibintu bigenda neza mu mahoro ko ninkomeza kumurwanya n'ubundi birangira arinjye ubibabariyemo.

 

 

Nahise menya ko ntakundi biragenda, ndamureka yewe nanga no gusakuza kuko yari papa umbyara numvaga ko ninsakuza bitera ikibazo mu muryango ugasanga umuryango wanjye urasebye hejuru y'igikorwa cy'Ubujiji data yarari gukora. Data yantwariye ubusugi muri iryo joro ndetse andahiza kutazagira umuntu n'umwe mbibwira. Ubwo ntakundi nemeye ko nta kintu nzavuga kugira ngo andeke ngende.

 

 

Nari mu buribwe cyane, anjyana kwa muganga, ndetse ibibazo byose muganga yamubazaga niwe wabisubizaga mu kimbo cyanjye. Nagerageje gucira amasiri muganga ariko iyo aza kuyabona yari kumenya ibyo nashakaga kuvuga. Byaje kurangira nsoje amashuri kuko n'ubundi nendaga gusoza, gusa nari nararambiwe mbana n'umutwaro ukomeye, ntagisinzira, nsigaye nduka bya hato bahato, maze nigira inama yo kubibwira mama umbyara.

 

 

Mama yandebye mu maso maze atangira kumbaza ibyo nariye, ibyo nanyoye, inzozi ndi kurota , Niba nta bwonko mfite, ubwo narimaze kumubwira ko papa yamfashe ku ngufu. Yatangiye kureba mu maso neza Niba meze neza ndetse atangira kumva Niba mfite umuriro kuko we ntago yemeraga ibyo namubwiraga. Ubwo Papa yazaga mama yamubwiye ko navuze ko yamfashe kungufu, maze mama asaba papa kuza gusubiza ibyo bibazo.

 

 

Mama yabivuganye ubwoba yumvaga bidashobora ariko isura ya papa yarahindutse nanjye ndabibona maze arambaza ngo umudayimoni wanteye witwa gute!! Ubwo mama nawe yahise yemera ko Ari umudayimoni wanteye maze banjyana kwa Pasiteri kunsengera. Ubwo mama yavugaga ko amakosa Ari Aya papa kuko yankundaga cyane bityo nkaba natangiye kurota njye nawe twaryananye.

 

Mu maso yabo, mu nda yanjye numvishe bihindutse mpita ngwa hasi, nuko mama ahita avuga ko n'ubundi yabibonaga ko ntameze neza. Icyo gihe papa yatangiye guhagarika kunyitaho nkuko yabikoraga mbere ndetse impano yampaga arazihagarika ndetse ageraho aba ahagaritse kongera kuryamana nanjye.

 

 

Ubwo mu minsi yakurikiye nendaga gusubira ku ishuri kuko ikiruhuko cyari kirangiye, ubwo Papa yaraje arambwira ngo ninkomeza kumurwanya ntago Nzajya kwiga. Nanjye kumurwanya narimbirambiwe tujya kubukorera mu gikoni kuko ntago twari kujya mu buriri bwe na Mama. Umunsi ukurikira nagiye ku ishuri maze aza kunsura anzaniye ibiryo ndetse n'ibindi bintu byiza. Icyo gihe sinashakaga kumubona kuko yanyibutsaga byose ntashaka kongera kwibuka.

 

 

Nagarutse mu kiruhuko birakomeza kuko yakoreshaga amafaranga y'ishuri nkiturufu insinda. Ijoro rimwe ubwo nagarutse mu buriri nararize cyane nuko mukuru wanjye arabyumva maze atangira kumbaza ikiri kundiza, mpita ndekera kurira ariko mbona ko atanyuzwe. Mu gitondo yahise abibwira mama, mama nawe abikoza papa, Bose bavuga ko amadayimoni ambamo ariyo abitera.

 

 

Nkirangiza amashuri yanjye, nahise mpunga murugo njya kuba kwa Aunt wanjye, yagize ngo nje kumusura gusa kugera ubwo namubwiye ko nzahava byose bigeze ku musozo. Yari umugore ufite umwana akunda kunsiga mu nzu ariko papa we ntiyabikundaga kuko papa yahoraga asaba Aunt wanjye kunyirukana ngo nsubire mu rugo, ubwo nahavaga nisanze mu mujyi witwa Accar mbana n'inshuti yanjye twiganye ku ishuri.

 

 

Buri gihe numvaga nshobora kuba ntwite ariko nabyemeye neza umunsi ntangira kumva nacitse intege. Nta mafaranga twari dufite ngo njye kwa muganga kugera ubwo papa winshuti yanjye aje kureba uko meze, yahise anjyana kwa muganga maze bambwira ko ntwite. Nararize cyane nsaba uwo mu papa w'inshuti yanjye kutanyirukana, kuko iyo nsubira murugo bari kunyica ndetse papa agakuramo inda yanjye kuko numvaga nshaka kubyara uwo mwana.

 

 

Icyo nicyo cyantabaye, kuvuga ko papa ashobora gukuramo inda yanjye!! Uwo mu papa yahise ambwira ko nzasubira mu rugo inda ibaye Nini hahandi kuyikuramo batabishobora. Ubwo natangiye gushaka ahandi Nzajya mbere Yuko uyu mugabo anyirukana. Anandi nabonye ni ku ishuri kuko bashaka umuntu wajya ufasha mu kwita ku ishuri. Baje kumpa akazi naho kuba, ntangira gukora cyane kugira ngo uwo mugore wari umpaye akazi atazanyirukana.

 

 

Kuguma ntwite Niko kwihorera kwanjye kuko sinashakaga ko umuryango wanjye ugira icyo ubimenyaho. Narimbizi ko umwana ntwite Ari uwa papa rero nagombaga gukora uko nshoboye nkamubyara kugira ngo nereke Bose ko ntari umusazi ubwo navugaga ko papa ariwe wanteye inda.

 

 

Naje kubyara umwana w'umuhungu ariko wa mugore wampaye akazi akanyingingira kujya mu rugo. Narimbizi ko azanyirukana nibwo nahise mubwira inkuru yanjye yose uko byagenze. Yarambwiye ngo ndabizi ntago ushaka kujya mu rugo ariko singombwa ko umbwira ibinyoma kugira ngo ugume hano. Nahise ndira cyane nibaza ngo ninde uzanyizera! Nibaza uko babwira umuntu ibyambayeho ngo byibura anyumve!! Uko nahise mera byamuteye ubwoba maze ansaba kumubwira byose.

 

 

Nibwo nahise ntangirira aho byose byatangiriye, mubwira kuntu nahunze mu rugo mbona atangiye kundeba nkuko mama yandebye ubwo namubwiraga inkuru yanjye, ubwo nyine narintegereje ko ansubiza nkuko mama yansubije ubwo namubwiraga inkuru Yuko papa yamfashe kungufu. Gusa yahise ambaza ngo meze neza!? Numvishe ko atanyizeye ntangira kwibaza ahandi hantu ngiye guhita njya!

 

 

Umunsi ukurikira wa mugore yazanye n'umugabo ntazi, kumbi uwo mugabo yari umu Pasiteri, sinigeze nkunda uburyo yandebaga mu maso, yandebaga adahumbya ndetse atankuraho amaso. Namubwiye inkuru yanjye yose nuko ahita agenda. Interuro ya mbere yavuze nuko yavuze ko ndi kuvugisha ukuri, ndetse avuga ko nshobora kuba naranyuze muri byinshi.

 

 

Narimfite umwana wanjye maze mpita Muha wa mugore maze ndasohoka hanze ndarira kuko ku nshuro ya mbere nibwo narimbonye umuntu unyizera. Abantu benshi ndabibahirwa ariko uwo mugabo sinjya mwibagirwa Niba akiriho Imana ukomeze imuhe umugisha.

 

 

Ubwo uwo mu Pasiteri na wa mugore bashakaga ko njya mu rugo guhura n'umuryango wanjye. Ubwo Pasiteri yavugaga ko papa akwiye kwishyura ibyo yakoze byose, ubwo Pasiteri yahise agenda agendana agahinda mu maso ndetse iyo niyo nshuro atigeze andeba mu maso. Ubwo wa mugore yambajije Niba niteguye kujyana nabo ndabyanga kuko n'ubundi umuryango wanjye nta n'umwe washakaga.

 

 

Ubwo umwana wanjye yuzuzaga amezi 3, nasubiye mu rugo, sinigeze nsezera wa mugore ahubwo numvaga nkwiye gutaha nkajya gucyemura ibibazo byanjye ngenyine. Ngeze mu rugo mama ambonye amera nkubonye umuzimu, maze ambaza igitumye ngaruka ko ngo n'ubundi nari narabajugunye. Kuriyo nshuro noneho yabonye mfite n'umwana maze aravuga ngo ndabibona, ndabona warabyaye, wakagumanye n'umugabo waguteye inda. Nanjye musubiza ko nje kureba umugabo wanteye inda, Niba mutanshaka ndasiga uyu mwana hano kwa se ngende.

 

 

Ubwo yahise asakuza ahamagara mu izana papa ngo aze asobanure ibyo ndi kuvuga, ubwo Papa yahise aza yarakaye, maze mvuga ko nari narahunze kuntu yamfataga kungufu, kuko ntashakaga gukomeza kujya ndyamana na papa umbyara , kuko kubwamahirwe macye ubwo nagendaga n'ubundi wararangije kuntera inda.

 

 

Hari abaturanyi benshi bishimira kumubona kuko nari narabuze ariko ntibari Bazi inkuru yari ihatse guhunga kwanjye. Papa yakoze uko ashoboye ngo abwire abantu ko ndi gukina ariko nihagararaho nukumugore noneho. Ubwo inkuru yatangiye kuba Kimomo. Nahise nsubira kwa Aunt wanjye yishimira kongera kumbona, arinako ansaba imbabazi kureka gukomeza kubwira abantu inkuru yanjye ko byose azabyitaho. Gusa nari nacyerewe kuko inkuru yari yarabaye Kimomo ahantu hose.

 

 

Mama yaje kunsura we na mushiki wanjye kwa Aunt aho nabaga, baza barira cyane bibaza ibyo Nahuye nabyo kubera ibyo papa yankoreye, ariko ntago bari bakabyemeye, nibwo navuze ngo Hari mushaka ko umuntu apfa kugira ngo mwemere ukuri igihe cyose nta wo mu muryango wanjye wizeye ibyo mvuga usibye Aunt nawe cyeka ko atabyizeraga nesa. Ubwo nabajije Aunt aho papa Ari maze arahambwira. Ubwo yari yarahunze mu myaka 10 nta muntu wari Uzi aho yarari.

 

 

Nyuma umwana wanjye yaje gupfa maze ku munsi wo kumushyingura nta muntu waje wo mu muryango wanjye usibye Aunt gusa, ikiriyo kirangiye nabwiye Aunt ko yakoze kuri byose ambaza aho ngiye mubwira ko ntaho nzi, ubwo nasubye kureba wa mugore wampaye akazi ntwite kureba Niba agikira hahandi, ambonye arishima mubwira byose maze ambwira ko mfite ubuzima bukomeye nanyuzemo ndetse ko bishobora bacye.

 

 

Yarongeye ampa akazi  ndetse ambera mama muri byose, muri 2013 Nahuye n'umuntu nzi ambwira ko papa umbyara amaze imyaka 2 apfuye, ndetse ko yashyinguwe nabi, gusa n'ubundi ntacyo byari bimbwiye. Mama we aracyari muzima ariko sinjya mbyitaho kuko ubu nabonye mama unyumva unyitaho, kuri ubu nta makuru yabo tuvukana nzi. Ubu nta mugabo ngira nta mwana kuko nibyo nahisemo cyane ko nanyuze muri byinshi.

 

 

 

 

Source: towngist.com

 

The post Nta muntu wizeye ko papa umbyara ariwe wanteye inda ! Inkuru y'ubuzima bw'umukobwa ubabaje cyane appeared first on The Custom Reports.

Source : https://thecustomreports.com/nta-muntu-wizeye-ko-papa-umbyara-ariwe-wanteye-inda-inkuru-yubuzima-bwumukobwa-ubabaje-cyane/

Zari Hassan na Shakib Cham Lutaaya ni umugabo n'umugore byemewe n'amategeko.Aba bombi bari mu rukundo bagaragara kenshi bishimanye.Anyuze kumbuga nkoranyambaga ze Zari yifurije umugabo isabukuru y'amavuko.

Ubusanzwe Shakib Cham Lutaaya yavutse tariki 05 Ukuboza 1992.Ni umusore wamamaye cyane ubwo yari atangiye guteretana na Zari Hassan , umugore wamamaye muri Uganda ndetse no muri Afurika y'Epfo arinaho atuye kugeza ubu.

Zari Hassan anyuze kumbuga nkoranyambaga ze yagize ati:' Mumfashe twifurize isabukuru nziza y'amavuko umugabo wanjye n'umuhungu wanjye. Uwitwa asohoze ibyifuzo byanyu'.

Shakib Cham Lutaaya umugabo wa Zari Hassan yavukiye rimwe na Nillah , umuhungu wa Zari na Diamond dore ko nawe yavutse ku itariki ya 05 Ukuboza.

AMAFOTO: Zari Hassan yifurije isabukuru nziza y’amavuko umugabo we Shakib Lutaaya n’umuhungu we Nillah bavutse ku ya 05 Ukuboza.#Umunsinews #UmunsiUpdates #Agezweho pic.twitter.com/p3AOlmKMSO

— UMUNSI.COM (@umunsiofficial) December 6, 2023

The post Zari Hassan yifurije umugabo we n'umwana we isabukuru nziza y'amavuko appeared first on The Custom Reports.

Source : https://thecustomreports.com/zari-hassan-yifurije-umugabo-we-numwana-we-isabukuru-nziza-yamavuko/

Mu minsi ishize nibwo uyu muhanzi Diamond Platinumz aherutse kwibwa ingofero yari yambaye ubwo yari ari kunyura mu bafana, ariko uyu mugabo akoherezayo abashinzwe umutekano we kujya kugaruza ingofero ye bikarangira ayigaruye.

 

Abantu benshi hirya no hino ku mbugankoranyambaga bakomeje kwibaza icyateye uyu mugabo kwiruka ku ngofero ye Kandi baziko ubusanzwe Ari umugabo ufite amafaranga menshi cyane kuburyo agaciro kingofero Ari akadomo mu mafaranga atunze.

 

Niko byakomeje gutera impaka hirya no hino ku mbugankoranyambaga, icyakora Diamond Platinumz we imwe mu mpamvu yatanze yatumye ababazwa n'ingofero ye kugeza ubwo ategetse abashinzwe umutekano we kujya kuyishaka mpaka igatutse, nuko ngo Niba yari yapanze kwambara ingofero ijyanye n'imyenda yambaye, Atari gukomeza kwambara iyo myenda ingofero itariho ndetse yemeza ko ngo yumvise ameze nkusuzuguwe.

 

Gusa bamwe mu bantu bakoresha imbugankoranyamaga ntibabyumvishe kimwe kuko, umwe mu bagabo bakoresha imbugankoranyamaga yatangiye kuvuga ko uyu mugabo Diamond Platinumz ashobora kuba akoresha amarozi avuga ko iriya ngofero ye irimo imitsiriko ku buryo atari kwemera kuyihomba.

 

Mu magambo yuyu mugabo yagize ati' ibyamamare byose byambara ingofero zihenze ariko ingofero Diamond Platinumz yari yambaye si ingofero isanzwe. Ubwo yayiburaga yataye umutwe ndetse yongeye gutekana aruko ingofero igaruwe. Yanahobeye umugabo wamugaruriye ingofero ye.'

 

Ibyo bintu uwo mugabo yavuze bikomeje guteza impagarara mu bantu hirya no hino ku mbugankoranyambaga ndetse hibazwa Niba ko uyu mugabo Diamond Platinumz yaba akoresha amarozi koko.

Icyakora si ku nshuro y'ambere uyu mugabo avuzwe ho amarozi kuko no mu myaka yagiye itambuka ni Kenshi uyu mugabo yashinjijwe gukoresha amarozi kugira ngo yigarurire igikundiro kuri uyu munsi tumubonana.

Ndetse higeze no kuvugwa inkuru ko uyu mugabo ashobora kuba yararazo umuhanzi Alikiba, gusa byari amagambo kuko nta n'umwe wagaragaje ibimenyetso bifatika bimushinja.

Source: News Hub Creator

The post Umuhanzi ukomeye muri Afurika akomeje gushinjwa amarozi n'abafana appeared first on The Custom Reports.

Source : https://thecustomreports.com/umuhanzi-ukomeye-muri-afurika-akomeje-gushinjwa-amarozi-nabafana/

Umunyezamu w'ikipe y'Igihugu cy'uRwanda Amavubi, Kwizera Olivier, yagaragaje ko yimwe umwanya we wo gukinira ikipe y'Igihugu.

 

Anyuze kumbuga Nkoranyambaga ze Kwizera Olivier yanditse amagambo yafashwe nko gutakamba asaba ko yagarurirwa icyizere mu ikipe  akongera agakinira Amavubi nyuma yo guhagarikwa inshuro nyinshi yageraho ntiyongere guhamagarwa.

 

Mu butumwa yasangije abamukurikira kuri Konti ye ya Instagram, yagize ati:'Basezereye izina ryanjye , ku rutonde mu gihe umugisha wari usohoye.Bashakaga gufata umwanya wanjye, ariko ikirere kiranyiyereka'.

Nubwo uyu musore atigez agaragaza neza ibyo yavugaga benshi bahise batekereza ko avuze Amavubi , bamubwira ko bamukumbuye mu ikipe y'Igihugu.Uwitwa Alfredy Ndagijimana yagize ati:'Turagukumbuye mu Mavubi muvandimwe'.

 

The post Umunyezamu w'Amavubi Kwizera Olivier yavuze amagambo akakaye appeared first on The Custom Reports.

Source : https://thecustomreports.com/umunyezamu-wamavubi-kwizera-olivier-yavuze-amagambo-akakaye/

Perezida w’ikipe ya Sunrise FC, Hodari Hillary yatawe muri yombi n’Urwego rw’Igihugu rw’Ubugenzacyaha (RIB) aho akurikiranyweho kunyereza miliyoni 160 z’amafaranga y’u Rwanda.

Aya mafaranga akaba ari aya Koperative icuruza Amata i Nyagatare n’ibiyakomokaho (Nyagatare Dairy Marketing Cooperative) yari abereye umuyobozi akaba afunganywe na Muhoza Happy wari umubaruramari wa yo bakaba bafungiye kuri Sitasiyo ya Nyagatare.

Aba bagabo batawe muri yombi ku wa Mbere w’iki Cyumweru, amakuru ISIMBI yamenye ni uko bagiye muri Banki kwaka inguzanyo mu izana rya Koperative ariko ntibayikoreshe icyo bayisabiye.

Ibi bikiyongera ku bindi bifitanye isano no kunyereza umutungo nk’aho Hodari yakoreshaga imbaraga afite agashyira amavuta mu modoka ye bikandikwa ko ari mu ya Koperative akaba ari yo izayishyura, hakazaho no guhishira imicungire mibi ya Koperative.

Bahamwe n’icyaha bahanishwa ingingo ijyanye n’itegeko rya Ruswa. Itegeko riteganya ko igifungo kiva ku myaka itanu kikageza ku myaka icumi. Uwakoze ibyo byaha iyo abihamijwe n’inkiko kandi yongeraho ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’umutungo yanyereje.

Ku cyaha cyo guhishira amakuru yerekeranye n’imicungire mibi ya koperative, itegeko riteganya igihano cy’igifungo cy’amezi atandatu ariko kitarenze imyaka ibiri, n’ihazabu y’amafaranga y’u Rwanda kuva kuri 1 000 000 Frw ariko atarenze 2 000 000 Frw.

Gukoresha nabi cyangwa konona umutungo wa koperative, ubihamijwe n’urukiko ahanishwa igifungo kuva ku myaka ibiri ariko kitarenze imyaka itanu n’ihazabu y’amafaranga y’u Rwanda kuva kuri 500 000 Frw ariko atarenze 5 000 000 Frw.

Source : http://isimbi.rw/siporo/article/perezida-wa-sunrise-fc-yatawe-muri-yombi

Mu ijoro ryo kuwa 5 Ukuboza shampiyona y'icyiciro cya mbere mu gihugu cy'u Bwongereza yari yakomeje ku munsi wa 15.

Ikipe ya Arsenal yari yasuye ikipe ya Ruton Town mu rugo ikurayo amanota atatu mu buryo bugoye dore ko Arsenal yayitsinze ibitego bine kuri bitatu.

Igitego cya Kane cyabonetse ku munota wa 7 winyingera gitsinzwe na Declan Rice waguzwe Miliyoni 105 z'amayero.

Kuri ubu Ikipe ya Arsenal niyo iyoboye urutonde rwa shampiyona y'icyiciro cya mbere mu Bwongereza n'amanota 36 ku mwanya wa kabiri hariho Liverpool ifite amanota 31 naho ku mwanya wa gatatu hariho Manchester City ifite amanota 30.

Source : https://yegob.rw/inkoko-iri-iwabo-ishonda-umukara-ibibaye-kuri-arsenal-ni-nkuru-mbarirano/