Category: Uncategorized

Ubushinjacyaha bwatangaje ko bwamaze kuregera mu mizi Dosiye buregamo Kazungu Denis , ukurikiranyweho ibyaha birimo ubwicanyi bw'abagera kuri 14.

Urukiko Rwizumbuye rwa Nyarugenge rwamaze kwakira Ikirego mu mizi ndetse biteganyijwe ko Kazungu Denis azaburanishwa mu Ntangiriro z'umwaka utaha , ku itariki ya 5 Mutarama 2024.

 

Ku wa 26 Nzeri 2023, Urukiko rw'Ibanze rwa Kicukiro rwari rwategetse ko Kazungu afungwa by'agateganyo iminsi 30 , kubera ko hari impamvu zikomeye zituma akekwaho ibyaha ndetse n'izituma akurikiranwa afunzwe by'agateganyo.

Nyuma y'iminsi 30 Ubushinjacyaha bwongeye gusaba Urukiko rw'Ibanze rwa Kicukiro ko Kazungu yakongerwa iminsi yo gufungwa by'agateganyo kubera ko iperereza ku byaha akurikiranyweho ryari rigikomeje kubera ko bwari bugishakisha imyirondoro y'abakorewe ibyaha bose.

Ubwo yabazwaga n'umucamanza kucyo yavuga kucyifuzo cy'Ubushinjacyaha, Kazungu wari i Mageragere , yavuze ko ibyo busaba ntacyo yarenzaho mu gihe byaba aribyo bizatuma haboneka ibindi bimenyetso ku byaha akurikiranyweho.

Ku wa 25 Ukwakira 2023 , Urukiko rw'Ibanze rwa Kicukiro rwemeje ko hari impamvu zikomeye zituma Kazungu Denis akomeza gufungwa by'agateganyo kugira ngo kugira ngo iperereza rikomeze ndetse Dosiye itunganywe iregerwe Urukiko mu mizi.

Kuri ubu Ubushinjacyaha bwamaze kuyiregera Urukiko ndetse muri Mutarama 2024 nibwo azatangira kuburanishwa hamenyekane uko ibyaha akekwaho yabikoze n'ibihano asabirwa n'Ubushinjacyaha.

Kazungu Denis akurikiranyweho ibyaha 10 birimo Ubwicanyi buturutse ku bushake , Iyicarubozo, Gukoresha undi imibonano mpuzabitsina ku gahato , Guhisha umurambo w'undi muntu , Gukoresha ibikangisho n'itwarwa n'ifungiranwa ry'umuntu.

Akurikiranweho kandi ubujura bukoresheje kiboko, icyaha cyo konona inyubako utari nyirayo, inyandiko mpimbano ndetse no kugera mu buryo butemewe kumakuru abitse muri mudasobwa.

Mu iperereza ry'ibanze, bigaragazwa ko mu cyobo Kazungu yajugunyagamo imirambo y'abo amaze kwica kakuwemo imibiri y'abantu 12.Ubwo yari abajijwe icyamuteraga kwica abantu Urwagashinyaguro akanabashyingura , Kazungu Denis yabwiye Urukiko ko yabahoraga ko bamwanduje SIDA kubushake n'ubwo byaje kunyomozwa kuko mu bizamini by'amaraso byafashwe byagaragaye ko Kazungu atarwaye SIDA.

N'ubwo hamaze gutangazwa amatariki ariko ntibiramenyekana niba Kazungu azaburanira ku cyicaro cy'Urukiko rw'Isumbuye rwa Nyarugenge cyangwa niba ruzimurira imirimo yarwo aho yari atuye yanakoreye icyaha nk'uko bikunze kugenda kuri bamwe.

Isoko: IGIHE

The post Biite by'urubanza rwa Kazungu Denis , azaburana ryari ? appeared first on The Custom Reports.

Source : https://thecustomreports.com/biite-byurubanza-rwa-kazungu-denis-azaburana-ryari/

Nyuma y’umukino APR FC yanganyijemo na Gasogi United, abafana b’iyi kipe bagaragaje kutishimira umutoza w’iyi kipe, Umufaransa Thierry Froger.

Wari umukino w’umunsi wa 12 wa shampiyona y’icyiciro cya mbere mu Rwanda umwaka w’imikino wa 2023-24 wabereye kuri Kigali Pelé Stadium kuri uyu wa Kabiri aho amakipe yombi yanganyije ubusa ku busa.

Nyuma y’uyu mukino abafana ba APR FC bagaragaje uburakari aho bagiye bagaragaza kutishimira bimwe mu byemezo by’umutoza.

Aba bafana bagaragazaga kurakara, babanje kuririmba umutoza wahoze atoza iyi kipe, Adil Erradi Mohammed watandukanye n’iyi kipe nabi n’ubu bakaba bari mu nkiko aho yareze iyi kipe muri FIFA.

Bati “Adil wacu! Adil wacu! Adil wacu!” Ni nako banyuzagamo bakaririmba ko nta mutoza bafite. Bati “Nta mutoza dufite, nta mutoza dufite, nta mutoza dufite!”

Si ibi gusa kuko banaririmbaga abakinnyi b’iyi kipe bibaza impamvu badakina nk’umunya-Sudani Sharaf Eldin Shiboub ndetse n’umunya-Cameroun Salomon Banga Bindjeme.

Bati “Shiboub wacu, Shiboub wacu! Bindjeme wacu, Bindjeme wacu!”

Kugeza ubu APR FC ni yo iyoboye urutonde rwa shampiyona n’amanota 27 irusha Musanze FC inota rimwe, ikarusha Police FC ya 3 amanota 2 ni mu gihe Rayon Sports ya 4 ifite 24.

Nyuma y’umukino abafana ba APR FC bagaragaje kutishima

Source : http://isimbi.rw/siporo/article/nta-mutoza-dufite-abafana-ba-apr-fc-bariye-karungu

Abakinnyi 2 b'inkingi ya mwamba muri APR FC bagiye bashaka gusesa amasezerano kubera umutoza w'iyi kipe ukomeje kubereka urwango rudasanzwe nubwo abafana babakunda cyane

Hashize iminsi abakinnyi babiri b'abanyamahanga bakomeye ikipe ya APR FC yaguze uyu mwaka w'imikino bagiye gusesa amasezerano kubera Thiery Froger ukomeje kubimpa umwanya Kandi bashoboye.

Amakuru YEGOB dufite ni uko Sharaf Eldin Shaiboub ndetse na Bindjeme myugariro waje akomeye, bashaka gusesa amasezerano kugirango bashakire ahandi kubera umutoza wa APR FC Thierry Froger ukomeje kubereka ko atabakeneye.

Aba bakinnyi kugeza ubu ntabwo bumva ukuntu umutoza Thierry Froger yanga kubakinisha dore ko n'abafana bahora babishyuza uyu mutoza bitewe ni uko iyi kipe itsinda ibintu byagoranye kandi aba bakinnyi bicajwe.

Source : https://yegob.rw/abakinnyi-2-binkingi-ya-mwamba-muri-apr-fc-bagiye-bashaka-gusesa-amasezerano-kubera-umutoza-wiyi-kipe-ukomeje-kubereka-urwango-rudasanzwe/

Umuriro uzaka! Amavubi yamenye ikipe azesurana nayo kugira ngo adataha amara masa.

Ikipe y'igihugu y'u Rwanda Amavubi nyuma yo gutsindwa n'ikipe y'igihugu ya Uganda 1-0 byatumye itagera ku mukino wa nyuma wa CECAFA U18 ubu bimaze kumenyekana ko izacakirana n'ikipe y'igihugu ya Tanzania imaze gutsindwa na Kenya.

Tanzania isezererwe n'ikipe y'igihugu ya Kenya yari imbere y'abakunzi bayo kuri penaliti 4-3 ni nyuma yaho iminota 90 y'umukino yari yarangiye amakipe yombi anganyije 0-0 bakitabaza penaliti.

Kenya yageze ku mukino wa nyuma aho izesurana n'ikipe y'igihugu ya Uganda naho Amavubi yo azacakirana n'ikipe y'igihugu ya Tanzania bahanganira umwanya wa gatatu muri CECAFA U18.

Source : https://yegob.rw/umuriro-uzaka-amavubi-yamenye-ikipe-azesurana-nayo-kugira-ngo-adataha-amara-masa/

Akenshi biragora kuvuga ubuhamya gusa nanone hari abahitamo kuvuga ubuhamya bwabo kugira ngo babohoke ndetse babohore n'abandi.

 

Mu kiganiro na Gerard Mbabazi , umugore yashize amanga avuga uburyo umukoresha we yamusambanyije yabanje kumukuramo ikariso.

 

Mu kiganiro na Gerard Mbabazi kuri Channel ye ya YouTube [Inkuru yanjye] , yagize ati:'Ariko uwo munsi ndwaye ,twahise turyamana.Yangejeje murugo nyine nk'umuntu wanyitayeho , uwo munsi turyamanira aho yari yanshumbikishirije.

 

Uwo munsi nari ndwaye avuye kumvuza, nawe urabizi ukuntu imiti ya Maraliya. Ubwo yangezeho , akora ibyo akora nk'amasegonda aba amvuyeho.

 

Narindi muto ntabwo ntamenye ibyo arimo na cyane ko nta namasegonda byamaze.Yabikoze nk'ababandi babikora , bakabikora nko kubipa , ariko urumva narindwaye , biranshanga kandi urumva yari na Boss wanjye.Ubwo rero basanga ndwaye SIDA, Sida natinyaga iba ingezeyo nyigejejweho na Boss'.

 

Uyu mubyeyi yemeje ko bamupimye SIDA ubwo yari atwite agiye kwamuganga , aba arinabwo bayimusangamo.Yavuze ko kandi ibibazo byinshi byatumye anywa inzoga nyuma y'aho yashakanye n'umugabo akajya amuca inyuma , abagore be nabo bakajya bamutuka kubera ibyuririzi by'indwara ya SIDA byari bitangiye kumugaragaraho.

 

Muri iki kiganiro , bagiranye na Gerard Mbabazi.Twahisemo kukibasangiza kugira ngo murebe ikiganiro cyose.

The post 'Boss yansanze ryamye amanura ikariso aransambanya antera inda anyanduza na SIDA ' — VIDEO appeared first on The Custom Reports.

Source : https://thecustomreports.com/boss-yansanze-ryamye-amanura-ikariso-aransambanya-antera-inda-anyanduza-na-sida-video/

APR FC yanganyije ubusa ku busa na Gasogi United mu mukino w’umunsi wa 12 wa shampiyona maze iyi kipe y’Ingabo z’Igihugu ikomeza kuyobora urutonde rwa shampiyona ya 2023-24.

APR FC yari yakiriye Gasogi United itigeze ibasha gukuraho amanota umwaka w’imikino ushize aho imikino yombi bayinganyije.

Uyu mukino wabereye kuri Kigali Pelé Stadium, iminota 10 ya mbere y’umukino nta mahirwe afatika yari yakabonetse ku mpande zombi.

Ku munota wa 13, APR FC yabonye kufura inyuma gato y’urubuga rw’amahina ku ikosa ryari rikorewe Bacca ariko Mbaoma ayiteye inyura inyuma gato y’izamu.

Ku munota wa 24, Nshimiyimana Yunusu yatakaje umupira maze ufatwa na rutahizamu Maxwell wagerageje kwinjira mu rubuga rw’amahina rwa APR FC ariko Niyigena Clement aratabara.

Mu minota 30 ya mbere Gasogi United yageragezaga gushotera kure ariko imipira ine yateye irimo iya Maxwell na Malipangu umunyezamu yayifashe.

Ku munota wa 33, myugariro wa Gasogi United yanze gukuraho umupira awurekera umunyezamu na we umucaho, Mbaoma agerageza kubinjirana ariko birangira umupira ugiye muri koruneri itagize icyo itanga. Amakipe yagiye kuruhuka ari ubusa ku busa.

Ku munota wa 46, Christian Ishimwe yahinduye umupira mwiza imbere y’izamu ariko habura uwushyiramo.

APR FC yakoze impinduka za mbere ku munota 60 ubwo Nshuti Innocent yasimburaga Niyomugabo Claude wagize ikibazo cy’imvune.

Umunyezamu wa Gasogi United ku munota wa 64 yakuyemo umupira ukomeye w’umutwe wari utewe na Apam Assongue.

Ku munota wa 66, Nzotanga yinjiranye umupira mu rubuga rw’amahina ariko awutera hanze y’izamu.

Ku munota wa 68 Victor Mbaoma yahawe umupira mwiza arangije aroba umunyezamu ariko Karenzi ariruka awukura utaragera mu izamu.

Ku munota wa 69, Taddeo Lwanga yasimbuye Apam Assongue. Umukino warangiye ari ubusa ku busa.

Nyuma yo kunganya uyu mukino APR FC yakomeje kuyobora urutonde rwa shampiyona n’amanota 27, Musanze FC ifite 26, Police FC 25 Rayon Sports itarakina umunsi wa 12 ifite 23.

Indi mikino y’umunsi wa 12 yabaye Police FC yatsinzwe na Bugesera FC 4-2, Gorilla FC itsindwa na Sunrise FC 2-0, Marines FC yatsinze Etoile del’Est 3-2 ni mu gihe Amagaju yatsinzwe na Musanze FC 2-0.

APR FC yaguye miswi na Gasogi United

Source : http://isimbi.rw/siporo/article/apr-fc-yanganyije-na-gasogi-united-ikomeza-kuyobora-urutonde-rwa-shampiyona

Iyi ni imikino yabaye kuri uyu wa Kabiri tariki 5 Ukuboza 2023 saa cyenda.

Uko umukino, Amagaju FC yari yakiriyemo Musanze FC kuri sitade mpuzamahanga ya Huye wagenze muri make:

Ikipe ya Musanze FC yatangiye umukino iri hejuru ndetse ku munota wa 4 gusa uwitwa Peter Agbelevor yabonye uburyo bwiza bashoboraga kuvamo igitego ariko atera ishoti rinyura hejuru y’izamu kure.

Musanze FC yakomeje gukina irusha Amagaju FC cyane ku buryo bugaragara,ku wa 18 Peter Agbelevor yongeye kurata ubundi buryo ku mupira yari yiherewe na myugariro.

Ku wa 28 Amagaju FC nayo yagerageje amahirwe ya mbere imbere y’izamu ku mupira mwiza wari uhinduwe na Rukundo Abdoul Rahman ariko habura ukozaho ngo ujye mu nshundura. Nyuma y’iminota 2, Musanze FC yahise ifungura amazamu ku gitego cyatsinzwe na Mathabo Rethabo ahawe umupira na Peter Agbelevor.

Igice cya mbere cyarangiye Musanze FC ikiyoboye n’igitego 1. Mu gice cya kabiri, Amagaju FC yatangiye ikora impinduka mu kibuga havamo Niyitegeka Omar hajyamo Ndizeye Innocent.

Bidatinze kuwa 48 ,Peter Agbelevor wa Musanze FC yatsinze igitego cya 2 nyuma yo gucenga ba myugariro b’Amagaju FC. 

Abakinnyi b’Amagaju FC cyane cyane abakina bugarira bakomeje gukina bakora amakosa bigatuma abakinnyi ba Musanze FC babona uko basatira cyane.

Ku munota wa 65,Amagaju FC yashoboraga kubona igitego kuri kufura nziza yaritewe na Kapiteni Masudi Narcise ariko uwitwa Rukundo Abdoul Rahman atinda gushyiraho umutwe.

Mu minota 80 ikipe y’Amagaju FC yakije umuriro imbere y’izamu abakinnyi bayo nka Malaanda Destin barekura amashoti aremereye ariko bakagira amahirwe makee agakubita ku giti cy’izamu.

Umukino warangiye, Amagaju FC kwishyura byanze maze Musanze FC itahana amanota 3 itsinze ibitego 2-0. Kuri ubu iyi kipe yo mu karere ka Musanze FC yahise igira amanota 26 ikaba iri ku mwanya wa 2 naho Amagaju FC yo ari kumwanya wa 5.

Kuri iyi saha kandi ikipe ya Bugesera FC yari yakiriye Police FC, umukino warangiye Bugesera FC itsinze ibitego 4-2 bituma iva ku mwanya wa nyuma.

Indi mikino yabaye, Sunrise FC yatsinze Gorilla FC ibitego 2-0 naho Marine FC intsina Etoile de l’Est ibitego 3-2.

Peter Agbelevor watanze umupira uvamo igitego akanagitsinda 

Source : https://inyarwanda.com/inkuru/137271/musanze-fc-yagarukiye-ku-magaju-fc-naho-bugesera-fc-izukira-kuri-police-fc-137271.html

Ubushinjacyaha bwatangaje ko bwaamaze kuregera mu mizi dosiye buregamo Kazungu Dennis, ukurikiranyweho ibyaha birimo ubwicanyi bw'abantu bagera kuri 14.

Urukiko Rwisumbuye rwa Nyarugenge rwamaze kwakira ikirego mu mizi ndetse biteganyijwe ko Kazungu Dennis azaburanishwa mu ntangiriro z'umwaka utaha, ku itariki 5 Mutarama 2024.

Ku wa 26 Nzeri 2023 Urukiko rw'Ibanze rwa Kicukiro rwari rwategetse ko Kazungu afungwa by'agateganyo iminsi 30, kubera ko hari impamvu zikomeye zituma akekwaho ibyaha ndetse n'izituma akurikiranwa afunzwe by'agateganyo.

Nyuma y'iminsi 30 Ubushinjacyaha bwongeye gusaba Urukiko rw'Ibanze rwa Kicukiro ko Kazungu, yakongerwa iminsi yo gufungwa by'agateganyo kubera ko iperereza ku byaha akurikiranyweho ryari rigikomeje kuko bwari bugishakisha imyirondoro y'abakorewe ibyaha bose.

Ubwo yabazwaga n'umucamanza ku cyo yavuga ku cyifuzo cy'Ubushinjacyaha, Kazungu wari i Mageragere yavuze ko ibyo busaba ntacyo yarenzaho mu gihe byaba ari byo bizatuma haboneka ibindi ku byaha akurikiranyweho.

Ku wa 27 Ukwakira 2023, Urukiko rw'Ibanze rwa Kicukiro rwemeje ko hari impamvu zikomeye zituma Kazungu Dennis akomeza gufungwa by'agateganyo kugira ngo iperereza rikomeze ndetse dosiye itunganywe iregerwe urukiko mu mizi.

Kuri ubu Ubushinjacyaha bwamaze

kuyiregera urukiko ndetse muri Mutarama 2024 nibwo azatangira kuburanishwa, hamenyekane uko ibyaha akekwaho yabikoze n'ibihano asabirwa n'Ubushinjacyaha.

Kazungu Dennis akurikiranyweho ibyaha icumi birimo Ubwicanyi buturutse ku bushake, Iyicarubuzo, gukoresha undi imibonano mpuzabitsina ku gahato, guhisha umurambo w'undi muntu, gukoresha ibikangisho n'itwarwa n'ifungiranwa ry'umuntu.

Akurikiranyweho kandi ubujura bukoresheje kiboko, icyaha cyo konona inyubako utari nyirayo, inyandiko mpimbano ndetse no kugera mu buryo butemewe ku makuru abitswe muri mudasobwa.

Mu Iperereza ry'Ibanze, bigaragazwa ko mu cyobo Kazungu yajugunyagamo imirambo y'abo amaze kwica hakuwemo imibiri y'abantu 12.

Ubwo yari abajijwe icyamuteraga kwica abantu urw'agashinyaguro akanabashyingura, Kazungu yabwiye Urukiko ko yabazizaga ko bamwanduje SIDA ku bushake nubwo byaje kunyomozwa kuko mu bizamini by'amaraso byafashwe byagaragaye ko Kazungu atarwaye SIDA.

Nubwo amatariki yamaze gutangwa ariko ntibiramenyekana niba Kazungu, azaburanira ku cyicaro cy'Urukiko Rwisumbuye rwa Nyarugenge cyangwa ruzimurira imirimo yarwo aho yari atuye yanakoreye icyaha nk'uko bikunze kugenda kuri bamwe.

Source : https://yegob.rw/amakuru-mashya-ku-mwicanyi-ruharwa-kazungu-denis-umaze-iminsi-irenga-60-muri-gereza-nkuru-ya-nyarugenge-i-mageragere/

Bayikubise bayisaka: Police FC itsinzwe ibitego birenga 3 n'ikipe ya Bugesera FC yari ku mwanya wa nyuma.

Mu mukino waberaga kuri sitade ya Karere ka Bugesera urangiye ikipe ya Police FC yari ku mwanya wa kabiri muri shampiyona ya Rwanda Premier League itsinzwe ibitego 4-2 n'ikipe ya Bugesera FC yari yibereye ku mwanya wa nyuma muri shampiyona y'u Rwanda.

Abakinnyi batsindiye ikipe ya Bugesera FC ni Gakwaya Leonard, Byiringiro David na Ani Elijah watsinze ibitego bibiri mu gihe abakinnyi batsindiye Police FC ari Dukundimana Pacificque na Bigirimana Abed.

Source : https://yegob.rw/bayikubise-bayisaka-police-fc-itsinzwe-ibitego-birenga-3-nikipe-ya-bugesera-fc-yari-ku-mwanya-wa-nyuma/

Amakuru agezweho muri siporo: Ikipe y'igihugu Amavubi ibabajwe n'ikipe y'igihugu ya Uganda.

Ikipe y'igihugu y'u Rwanda Amavubi yabaterengeje imyaka 18 y'amavuko imaze gusezererwa n'ikipe y'igihugu ya Uganda mu marushanwa ya 1/2 cy'igikombe cya CECAFA U18 ari kubera mu gihugu cya Kenya.

Mu mukino waberaga kuri Jomo Kenyatta Stadium iherereye Kisumu urangiye Uganda itsinze Amavubi 1-0 cyatsinzwe na Abubaker Mayanja wagiteretsemo ku munota wa 56 w'umukino.

Source : https://yegob.rw/amakuru-agezweho-muri-siporo-ikipe-yigihugu-amavubi-ibabajwe-nikipe-yigihugu-ya-uganda/