Category: Uncategorized

Iri rushanwa yitabiriye ryabereye mu nyubako ya JW Marriott Hotel, Bayu Ballroom ku wa 29 Ugushyingo 2023. Iri rushanwa ryashinzwe na Miss Carrie Lee ukomoka muri Malaysia usanzwe ufite ikamba rya Miss Cosmo Chinese 2004. Rigamije gushyigikira no guteza imbere umwana w'umukobwa wese uryitabiriye.

Ni ku nshuro ya gatandatu ryabaye. Umukobwa witwa Shelby Ann wo muri Leta Zunze Ubumwe za Amerika niwe wambitswe ikamba rya Miss Cosmo World, yagaragiwe na Elda Louise Aznar wo muri Philippines wabaye igisonga cya mbere ndetse na Maryna wo muri Ukraine wabaye igisonga cya Kabiri.

Mu guhitamo abakobwa bemerewe guhatana muri iri rushanwa, hagendewe ku bwiza, ubwenge n'uburyo umukobwa agaragara.

Mu kiganiro cyihariye na InyaRwanda, Ndekwe Paulette yavuze ko nubwo yabashije kuza muri batanu ba mbere, abirabura batari bafite agaciro mu irushanwa.

Ndetse ko n'abazungu badafite uruhu rwera bafatwaga kimwe n'abirabura. Yavuze ati 'Kuba utari umwera babifata nk’inenge ikomeye, dore ko bari banafite umuterankunga w’irushanwa ufite uruganda rukora imiti ituma uruhu ruhinduka burundu.'

Akomeza ati 'Bashishikarizaga abitabiriye irushanwa gukoresha iyo miti ukazagera ku rwego uhinduka umwera (kugira uruhu rwera) kuko bakeka ko kuba utari umwera ari ubusembwa. Uwo muterankunga akaba yaratanze imiti ku bahatanaga ngo ibafashe kugira uruhu rwera.'

Paulette yitabiriye iri rushanwa abifashijwemo n'ikigo Embrace Africa basanzwe bakorana mu bikorwa binyuranye byo gutegura amarushanwa y'ubwiza.

Yavuze ko kimwe n'abandi bakobwa bo mu bihugu bitandukanye byo muri Afurika batigeze bishimira uko bakiriwe muri iri rushanwa, ahanini biturutse ku kuba atari abazungu, nka kimwe mu byo abategura iri rushanwa bashingiragaho.

Akomeza ati 'Nishimira kuba ndi umwirabura. Uko nsa rwose biranyuze. Si ngombwa rero ko umuntu runaka aza kunyigisha uko nkwiye kubaho n'uko ngomba kuba nsa.'

Uyu mukobwa yanavuze ko mu gihe cyo gufata amafoto abakobwa bari bahatanye, yafatwaga mu byiciro.

Yavuze ko babanzaga gufata amafoto y’abafite uruhu rwera, bakabaha umwanya wo kwifotoza, hanyuma bamara kubafotora 'bakaza gufata aya bose muri rusange'.

Paulette Ndekwe avuga ko yishimiye kwitabira iri rushanwa nk’utegura ibikorwa nk’ibi birushaho gutuma umuntu ashishoza akamenya amarushanwa abana b’abanyarwanda bakwiye kwitabira atagaragaramo ivangura, n’andi nk’ayo afite irondaruhu mu buryo buteruye, nyamara akwiye kwitonderwa.

Yabwiye InyaRwanda ko imwe mu nkuru bumvise cyane muri Malaysia, ari inkuru y'abakobwa babiri b'abirabura birukanywe mu irushanwa umwaka ushize, bitewe n'uko ari abaribura.

Ariko abategura iri rushanwa, bo basobanura ko aba bakobwa birukanwe bitewe nuko bitwaye nabi mu irushanwa, bituma icyizere bari babafitiye kigabanuka.

Ndekwe Paulette avuga ko imyaka yari amaze mu marushanwa y'ubwiza, yatunguwe n'uburyo abakobwa bakiriwe muri iri rushanwa.

Ariko kandi avuga ko byamuhaye ubumenyi azasangiza bagenzi be bashaka guserukira ibihugu byabo. 

Paulette yabonetse mu bakobwa 5 bageze mu cyiciro cya nyuma muri iri rushanwa

Iri rushanwa ryagiye rihatanamo abakobwa bafite ibikorwa bikomeye mu bihugu byabo

Bamwe mu bakobwa batangiye gutinyuka kuvuga ibyabereye muri iri rushanwa 

Ubwo Paulette yabazaga abateguye iri rushanwa, umwanya yagezeho mu cyiciro cya mbere

Aba bakobwa bavuga ko batangiye kugaragaza ibyo bahuriye nabyo muri iri rushanwa, mu rwego rwo gufasha bagenzi babo- Uyu yitwa Sandra Boriss

Ubutumwa bwa bamwe mu bakobwa bitabiriye iri rushanwa bagaragaza ko bahuye n'irondaruhu muri Miss Cosmo World

Shelby Ann [Uri hagati] wo muri Amerika niwe wegukanye ikamba rya Miss Cosmo World

Ndekwe Paulette ari kumwe na bagenzi be ubwo biyerekanaga mu mwambaro wa ‘Bikini’

Mu itangazo bashyize hanze, batangaje ko bamaze guta nuri yombi itsinda ry’abasore batanu muri Mombasa bakekwaho kuba bagize agatsiko k’amabandi acucura abantu mu gace ka Sargoi ndetse n’ahandi hafi aho.

Nyuma yo kubafata, basanganywe telephone 3 zo mu bwoko bwa iPhone, telephone yo mu bwoko bwa Samsung, Telephone yo mu bwoko bwa Memonjo Headphones za Bluetooth ndetse n’ibindi bikiri gushakishwa.

Mu mashusho yatumye batabwa muri yombi, aba basore bigambaga ko ari abajura kabuhariwe ndetse bakavuga ko bafite gahunda yo kwiba ibintu bitagira ingano mu gitaramo giteganyijwe ku wa 31 Ukuboza 2023.

Bimwe mu byo bateganyaga kwiba harimo imfunguzo z’imodoka ndetse n’amatelephone menshi abantu bazaba baturutse hirya no hino bazazana. Bamaze gutabwa muri yombi batari bagera ku ntego yabo. 

Si ubwa mbere muri Kenya hafashwe umuntu wigambye ibikorwa bibi dore ko hari n’uwigeze gufatwa nyuma y’uko agaragaye aha ibiyobyabwenge umwana ukiri nuto nawe aza gufatwa atabwa muri yombi. 

Abasore batanu bakekwagaho kwiba telephone eshanu bakabishyira ku mbuga nkoranyambaga bigamba, batawe muri yombi na DCI

Kiyovu Sports yamaze gutanga ikirego mu Rwego rw’Igihugu rw’Ubugenzacyaha (RIB) irega Mvukiyehe Juvenal wari umuyobozi wa Kiyovu Sports Company Ltd Ubujura, Ubuhemu ndetse no Kwihesha Ikintu cy’Undi.

Ni ikirego Kiyovu Sports yatanze yifashishije umunyamategeko Me Mugabe Fidele, bavuga ko Mvukiyehe Juvenal wari ugiye kumara hafi imyaka 3 ari umuyobozi wa Kiyovu Sports Company Ltd, uko iminsi yicumaga ariko byagendaga bigarara ko atacyubahiriza amasezerano yagiranye n’Umuryango wa Kiyovu Sports yo gucunga ubuzima bwa buri munsi bw’ikipe, tariki ya 26 Nzeri 2026 bahisemo gufata icyemezo cyo kuba bayigaruye gucungirwa muri mu Muryango wa Kiyovu Sports by’agateganyo, Inteko Rusange ya Kiyovu Sports ikaba yaraje kwemeza ko ikipe igumya gucungirwa mu muryango.

Uyu munyamategeko akomeza ikirego cye avuga ko tarki ya 26 Nzeri 2023 Mvukiyehe Juvenal yandikiwe kugira ngo akore ihererekanya bubasha maze ubuzima bw’ikipe bukomeze ariko akaba adashaka kubikora ku bushake, ibi bikaba birimo bishyira ikipe mu gihombo kuko yafatiriye amasezerano yose y’abakinnyi, amasezerano yagiye agirana n’amahoteli yacumbikiraga abakinnyi, amasezerano y’abandi bakozi, ibikoresho by’ikipe, imodoka yatwaraga abakinnyi, impapuro zigaragaza uko amafaranga yakoreshwaga mu buzima bwa buri munsi bw’ikipe.

Bakomeje bavuga ko akiri gukoresha ibirango by’ikipe mu nyungu ze bwite kandi yarahagaritswe. Ibi byose batanze ingero nk’umwenda w’abakinnyi bo muri Sudani ikipe yategetse Kiyovu Sports kwishyura ungana na miliyoni 89 frw.

Ibaruwa ya FIFA yo ku wa 3 Kanama 2023 yandikiwe Kiyovu Sports iyimenyesha ko itemerewe kugira umukinnyi mushya yandikisha itarishyura. Ibaruwa ya IGITEGO Hotels yo ku wa 24 Nzeri 2023 yishyuza Kiyovu Sports 153,694,006 Frw. Ibaruwa y’umunyamategeko w’umukinnyi Cogiffa.

Hari ibaruwa kandi yo ku wa 16 Kanama 2023 yanditswe na Infinity Hotel imenyesha Kiyovu Sports ko isheshe amasezerano na n’ubu batarabona. Hari Ibaruwa yo ku wa 16 Ukwakira 2023 ya Uwintwali Claude yanditse agaragaza na we amasezerano yagiranye na Mvukiyehe Juvenal yamuhaye akazi. Ibaruwa ya FIFA yo ku wa 25 Kanama 2023 yasabaga Kiyovu Sports kwishyura miliyoni 10 Frw Muzamiru Mutyaba kubera kumwirukana binyuranyije n’amategeko.

Bavuga ko bafite impungege ko mu gihe cyose atatanga izo mpapuro ikipe izahora yakira ibirego nk’ibi akaba ari yo mpamvu bamureze kugira ngo aryozwe ibyaha yakoze kuko byamaze kugira ingaruka kuri Kiyovu Sports.

Hamaze iminsi bivugwa ko Kiyovu Sports yamaze kurega Mvukiyehe Juvenal, mu mpera z’ukwezi gushize k’Ugushyingo 2023 yumvikanye avuga ko hari byinshi yarega Kiyovu Sports ariko atayijyana mu nkiko, gusa ngo agize amahirwe ni uko we yamurega kuko hari byinshi byazamenyekana bitari bizwi.

Izindi mbogamizi zigaragazwa ni ukumara amasaha menshi ku mbuga nkoranyambaga biyereka ababakurikira, babakurura nabyo biri mu bivunanye cyane. Nubwo biri uko iyo izo mvune zose yabashije kuzimenyera yishyurwa akayabo agakira kakahava. 

Forbes Magazine yamaze kwerekana abahanzikazi 10 bagiye gusoza umwaka wa 2023 binjije agatubutse, muri aba bahanzikazi harimo abakunze kwigaragaza kuri uru rutonde buri mwaka byumwihariko Rihanna uri kumwanya wa Mbere, iyi ni inshuro ya 4 yikurikiranije aje ku mwanya wa mbere.

1.   Rihanna ufite Milliyari 1.75 ($1.75B)

Uyu munyamuziki akaba n’umushoramari w'imyaka 34, niwe uri ku mwanya wa mbere. Ubutunzi bwe abukura mu muziki, kumurika imideri, no gukora imiti ikoreshwa mu bwiza. Uyu mukobwa ashimishwa no gukora ubucuruzi.

Robyn Rihanna Fenty ni umunya-Barbados . Yatangiye kwamamara mu 2005 nyuma yo gusohora indirimbo yitwa''Pon de Replay''. Mu 2006 yinjiye mu gukina filimi. Forbes Magazine ivuga ko usibye kuba ari ku isonga mu bahanzikazi bakize anari ku rutonde rw'abagore 40 bakize ku Isi.

Kugeza ubu amaze kwinjiza  Miliyari 1.75 y’amadolari mu gihe mu 2022 yari afite Miliyari 1.3 z’amadolari, aya mafaranga ngo ayakura mu bucuruzi bukorwa na kompanyi ye ya ‘Fenty Beauty’ icuruza ibikoresho by’ubwiza hamwe na ‘Savage X Fenty’ icuruza imyenda y’imbere y’igitsinagore.

2. Taylor Swift afite Miliyari 1.1 z’Amadolari ($1.1B)

Taylor Alison Swift afite imyaka 33 akaba ubutunzi bwe abukura mu muziki n’ubucuruzi. Yinjiye mu muziki afite imyaka 14. Mu 2006 nibwo yabonye inzu imufasha muri urwo rugendo. Uyu mwaka wa 2023 wahiriye Taylor Swift dore ko ariwo yabereyemo bwa mbere umu-miliyarideri nyuma yo kwinjiza akayabo ka Miliyoni 350 z’Amadolari ya Amerika  mu bitaramo aherutsemo bizenguruka Isi yise ‘The Eras Tour 2023’.

3. Madonna afite Miliyoni 850 z’Amadolari ($850M)

Umuhanzikazi Louise Ciccone Madonna w’umunyabigwi mu muziki benshi bita umwamikazi w’injyana ya ‘Pop’, ku myaka 65 y’amavuko niwe muhanzikazi wa Gatatu ukize ku Isi. Mu myaka irenga 35 amaze mu muziki ngo amafaranga niho ayakura hamwe n’ibitaramo akora kongeraho n’ibikorwa bye byo gukina filime.

4.Celine Dion afite Miliyoni 800 z’Amadolari ($800M)

Umuhanzikazi w’ijwi ridasanzwe, Celine Marie Claudette Dion avuka muri Canada. Yatangiye kwamamara mu 1982 ubwo yegukana ‘Yamaha World Popular Song Festival’ . Uyu mwaka nubwo Celine Dion yazahajwe n’uburwayi yabashije kwinjiza miliyoni 220 z’Amadolari muri filime yasohoye yakinnyemo yitwa ‘Love Again’ yahuriyemo n’Umuhindekazi Priyanka Chopra.

5. Beyoncé afite Miliyoni 540 z’Amadolari ($540M)

Icyamamarekazi mu muziki, Beyoncé Knowles Carter, umugore w’umuherwe wa mbere mu muziki,Jay Z, ari ku mwanya wa 5 mu bahanzikazi bakize ku Isi mu 2023. Uyu mwaka Beyonce yabashije kwinjiza agatubutse mu bitaramo yakoze bizenguruka isi yise ‘Renaissance World Tour’ yamazemo amezi atanu.

6. Gloria Estefan afite Miliyoni 500 z’Amadolari ($500M)

Umuhanzikazi akaba n’umukinnyi wa filime, Gloria Estefan, wibitseho ibihembo 8 bya Grammy Awards, ari ku mwanya wa 6 mu bahanzikazi binjije agatubutse mu 2023. Ku myaka ye 66 y’amavuko, Gloria Estefan waje kuri uyu mwanya, anaherutse gushyirwa ku mwanya wa 61 mu banyamuziki 100 b’ibihe byose mu mateka nk’uko Billboard yabitangaje.

7. Shania Twain afite Miliyoni 450 z’Amadolari ($450M)

Umuhanzikazi akaba n’umwanditsi w’indirimbo, Shania Twain ukomoka muri Canada, wakoze indirimbo yaciye ibintu yitwa ‘Always & Forever’, niwe uri ku mwanya wa 7 mu bahanzikazi batunze agatubutse mu 2023. Aya mafaranga ngo yayinjirije mu bikorwa bye by’umuziki no kwandikira abandi bahanzi indirimbo.

8.  Barbra Streisand afite Miliyoni 415 z’Amadolari ($415M)

Ku myaka 81 y'Amavuko aya Madolali yayakuye mu muziki no gukina filimi. Amaze imyaka irenga 60 muri uwo mwuga ku buryo yageze ku bintu byose yifuzaga.ubu ari mu itsinda ry'abakuze bo muri showbiz begukanye ibihembo bikomeye birimo Academy, Emmy, Grammy na Tony Awards.

9. Dolly Parton afite Miliyoni 350 z’Amadolari ($350M)

Umuhanzikazi akaba n’umwanditsi w’indirimbo, Dolly Parton, benshi bita umwamikazi w’injyana ya Country, ku myaka 77 y’amavuko ahagaze Miliyoni 350 akura mu muziki no gukina filime. 

10. Jennifer Lopez afite Miliyoni 300 z’Amadolari ($300M)

Icyamamarekazi mu muziki no muri sinema, Jennifer Lopez w’imyaka 54 niwe uri ku mwanya wa 10 mu bahanzikazi bahagaze neza mu mutungo mu 2023. Nubwo Jennifer Lopez atigeze asohora ibihangano bishya muri uyu mwaka, gusa ngo yabashije kwinjira muri bisinesi yo gucuruza inzoga zo mu bwoko bwa ‘Tequila’ bwitwa ‘Delola’.