Category: Uncategorized

Ni ubwa mbere aba bahanzi bombi bakoranye indirimbo nyuma y'imyaka ine ishize bombi bari mu rugendo rw'umuziki, rwubakiye ku mpano biyumvisemo bakiri bato.

'Kawooma' ni ijambo ryo mu rurimi rw'ikigande, risobanura uburyohe. Muri iyi ndirimbo, aba bahanzi bombi baririmba ku musore uba unogewe mu rukundo, yitsa ku kuvuga ko umukunzi we aryoshye cyane.

Nel Ngabo yabwiye InyaRwanda ko iyi ndirimbo yitsa ku rukundo ari imwe mu zizasohoka itari mu zigize Album ye ya gatatu aherutse gushyira hanze.

Ati 'Ni indirimbo itari kuri Album ntekereza ko izajya hanze mu minsi iri imbere. Kuko ibijyanye no kuyitunganya byamaze kurangira kugeza ubu.'

Uyu muhanzi avuga ko iyi ndirimbo yakozwe kubera ubushuti asanzwe afitanye na Juno Kizigenza. Ati 'Juno Kizigenza ni inshuti yanjye mu buzima busanzwe rero twarabipanze kugeza ubwo iyi ndirimbo ikozwe.'

Nel Ngabo avuga ko iyi ndirimbo yakozwe mu buryo bw'amajwi na Ishimwe Karake Clement n'aho amashusho yafashwe na Meddy Saleh.

Ni ubwa mbere aba bahanzi bombi bakoranye indirimbo, bigaragaza umusaruro wo kunga ubumwe nk'abahanzi Nyarwanda.

Nel Ngabo agejeje Album eshatu n'aho Juno Kizigenza afite Album imwe:

Mu mezi atanu ashize nibwo Nel Ngabo yashyize ahagaragara album ye yise ‘Life Love&Light’ iriho indirimbo 13 zirimo izo yakoranye n’abarimo umuraperi P Fla ndetse na Sintex.

Muri rusange, indirimbo yakubiyeho ziganjeho cyane izigaruka ku rukundo, ubuzima busanzwe no guhimbaza Imana. Aherutse kubwira InyaRwanda ko yahisemo kuyita iri zina 'Life Love&Light' kuberuka ko hariho indirimbo zitsa cyane ku buzima, urukundo n'Imana.

Ati 'Ni album yanjye ya gatatu, impamvu y'iri zina ni uko hakubiyemo ibigize album harimo n'indirimbo zivuga kuri buri gice cy'ubuzima; urukundo, ubuzima busanzwe ndetse n'Imana.'

Iyi album iriho indirimbo nka ‘Reka nguteteshe’, ‘Arampagije’, ‘Woman’, ‘Babasore’ yakoranye na P Fla, ‘Ukiri uwanjye’, ‘Blessed’ yakoranye na Sintex, ‘My Heart’, ‘Ive’ yakoranye na Ruti Joel, ‘Reka hashye’, ‘Wine&Chill’, ‘Sina’, ‘Finall’ ndetse na ‘Narahindutse.

Mu mezi atanu ashize Juno Kizigenza nawe yashyize ahagaragara album ye ya mbere yise 'Yaraje' iriho indirimbo 17 yakoranyeho n'abahanzi banyuranye.

Ni album yihariye mu rugendo rwe rw'umuziki, kuko yayikoranye n'abahanzi bakuru mu muziki barimo Butera Knowless, King James, Bull Dogg, Riderman, Bruce Melodie, Kenny Sol ndetse na Ally Soudy.

Yakozweho na ba Producer barimo MadeBeats usigaye abarizwa mu Bwongereza, Santana wo muri Hi5, Price Kiizi wo muri Country Records, Kozze, Bob Pro, Kina Beats, Nase Beat n'abandi banyuranye bagiye bahuza imbaraga mu gutuma igira icyanga.

Ubwo yashyiraga hanze iyi album, Juno Kizigenza yagize ati 'Imfura yanjye mu mizingo yageze hanze ahantu hose bumvira imiziki. Reka mfate umwanya wo gushyimira buri wese wagize uruhare kuri iyi album, abahanzi bagenzi banjye, aba Producer n'abandi.'

Nel Ngabo yakoranye 'bwa mbere' indirimbo na Juno Kizigenza

Amashusho y'indirimbo 'Kawooma' ya Nel Ngabo na Juno yakorewe mu gihugu cya Tanzania

Nel Ngabo amaze imyaka ine mu muziki, ni mu gihe Juno amaze imyaka itatu mu muziki

KANDA HANO UREBE AMASHUSHO Y'INDIRIMBO 'KAWOOMA' YANEL NGABO NA JUNO KIZIGENZA

“>

Byateguwe na Rifi Entertainment isanzwe ifasha abanyamideli batandukanye bari mu gice cyayo cya RiFi FashionAgency, ikanagira n'ikindi gice cyibarizwamo ababyinyi cyitwa RiFi Dance hakanabamo n'ikindi gice cyitwa RiFi Protocol & Services.

Aha hose hagiye habarizwamo urubyiruko rutandukanye rufite impano zitandukanye mu rwego rwo kuziteza imbere n'ibindi bikorwa bijyanye n'imyidagaduro muri rusange.

Umuyobozi Mukuru wa Rifi Entertainment, Ri Kon Yocan yabwiye InyaRwanda ko batekereje gutegura ibi birori byahujwe n'igitaramo mu rwego rwo kugaragaza ibikorwa by'abahangamideli banyuranye no gufasha abantu kwidagadura.

Yagize ati 'Hari uburyo abamurika imideli baba bameze ku rubyiniro, ntabwo inaha biratera imbere. Abamurika imideli bakaza ku rubyiniro bagaragiwe n'ababyinnyi. Ibi bisanzwe bizwi muri Amerika no mu Bufaransa, no mu Bwongereza ikindi bituma abantu batabihirwa, niyo mpamvu tugiye kuzana umwihariko wacu nka RiFi.

Ibi birori by'imideli kandi bizagaragaramo abanyarwenya bagezweho muri iki gihe barimo Admin Seka na Mitsi bazwi cyane muri iki gihe binyuze mu bitaramo bya 'Gen-Z Comedy'. Hanatumiwe kandi ababyinnyi bakomeye barimo nka Jojo Breezy na Divine Uwa.

Ri Kon Yocan yanavuze ko batumiye umwe mu bahanzi bakomeye mu Rwanda, ariko bazamutangaza mu gihe kiri imbere bateguza abantu kuzitabira ibi birori.

Ati 'Twifuje kuba tubigize ibanga. Kuko ni umuhanzi Mukuru kandi turifuza kuzabitangaza mu gihe kiri imbere.'

Ibi birori by'imideli byitezweho kugaragaza impano zihebuje zibarizwa muri RiFi Entertainment mu byiciro byayo byose bigiye bitandukanye nk'abanyamideli ndetse n'ababyinnyi.

Ibi birori biteganyijwe ko bizabera muri Onomo Hotel ku wa 30 Ukuboza 2023. Kwinjira ni ukwishyura 5,000 Frw, 10,000 Frw mu gihe ameza y'abantu batandatu yashyizwe ku 100,000 Frw. 

Ibi birori by’imideli bizaba ku wa 30 Ukuboza 2023 muri Onomo Hotel 

Umuyobozi Mukuru wa Rifi Entertainment, Ri Kon Yocan yavuze ko ibi birori by'imideli bigiye kuba ku nshuro ya mbere babyitezeho kugaragaza impano z'abanyamideli

 

Abanyamideli babarizwa muri  RIF Agency bagiye bifashishwa mu bikorwa bitandukanye by'imideli

Iyi ndirimbo yasohotse mu ijoro ryo kuri uyu wa Gatanu tariki 8 Ukuboza 2023, Karigombe yari amaze igihe ayiteguza abakunzi be b'umuziki muri rusange.

Yiyongereye mu ndirimbo yakoranye na bagenzi be bahuriye ku ntebe y'ishuri ubwo bigaga amasomo y'umuziki ku ishuri rya muzika ribarizwa muri Muhanga.

Karigombe akiva ku ntebe y'ishuri yakomeje umuziki nk'umuhanzi wigenga, ni mu gihe The Major yatangiye umuziki ari mu itsinda rya Symphony, ndetse anatangira urugendo rwo gutegura no gutunganya indirimbo 'Production'.

Iyi ndirimbo 'Anick' yasohotse niwe wayikoze mu buryo bw'amajwi, ndetse afatanya na Karigombe mu kuyandika kugeza mu ikorwa ry'amashusho.

Mu kiganiro na InyaRwanda, Karigombe yavuze ko yakoranye iyi ndirimbo na Major kubera ko ari umunyamuziki mwiza, haba mu kuririmba no mu gucuranga.

Akomeza ati 'Ni mwe mubo twiganye ku Nyundo bafite impano idasanzwe ibikorwa bye ndabikunda muri rusange.'

Karigombe yavuze ko ubushuti bwe na The Major bwagutse cyane mu 2015. Akomeza ati 'Ubushuti bwanjye nawe bwaturutse ku Ishuri kwishuri ry’umuziki ku Nyundo 2015 ubwo yaje ahansanga mpamaze umwaka umwe gusa, akancurangira nkarapa ni byinshi cyane, ikindi azi kuganira.'

Muri rusange, uyu muraperi avuga ko iyi ndirimbo igenewe cyane abantu bakunda gusohoka mu tubyiniro n'ahandi hanyuranye, ariko kandi avuga ko buri wese ayisangamo. 

The Major wo muri Symphony Band yakoranye indirimbo na Karigombe yitsa cyane ku banyabirori

Karigombe yavuze ko yakoranye indirimbo na Major kubera ko ari inshuti ye kuva mu 2015 

Karigombe avuga ko yatangiye urugendo rwo gushyira hanze indirimbo nyuma yo kumurika Album

KANDA HANO UREBE AMASHUSHO Y'INDIRIMBO 'ANICKY' YA KARIGOMBE NA MAJOR

“>

Kuri uyu wa Gatanu tariki 08 Ukuboza 2023, wari umunsi udasanzwe ku rubyiruko rumaze iminsi itatu mu Rwanda, rwaturutse mu bihugu 10 byo muri Afurika rwitabiriye amarushanwa y'ingirakamaro ku mibereho yabo y'ejo hazaza ndetse n'ah'umugabane muri rusange.

Uyu munsi wari utegerejwe cyane, kuko ni nawo watanzweho ibihembo binyuranye ku bagaragaje imishinga myiza mu nzego zitandukanye. Ibihembo nyamukuru byari bitatu, ariko hari n'ibindi byagiye bitangwa n'abaterankunga biyemeje kugira uruhare mu ishyirwa mu bikorwa ry'aya marushanwa ndetse n'izindi gahunda za JA Africa muri rusange.

Nyuma y'uko abanyeshuri bitabiriye aya marushanwa bahagarariye igihugu cya Zimbabwe bagejeje umushinga wabo ku bagize akanama nkemurampaka ubundi bakawushima, nibo babashije kwegukana igihembo nyamukuru.

Igihembo bahawe kigizwe n'igikombe, impamyabumenyi, amafaranga ahwanye n'igihumbi cy'idorari ndetse no kuzaserukira umugabane wa Afurika mu marushanwa nk'aya yo ku rwego rw'isi.

Mu bindi bihembo aba banyeshuri begukanye, harimo icya 'FedEx Global Possibilities Award,' cyaherekejwe na Tablet kuri buri munyeshuri hamwe n'igihembo cya 'Best Application of Project Management Award' bahawe n'umuterankunda, PMIEF. 

Itsinda ryari rihagarariye Zimbabwe ni ryo ryegukanye umwanya wa mbere

Abegukanye umwanya wa kabiri mu marushanwa ya 'JA Africa COY 2023,' ni itsinda ryaje rihagarariye Ghana rikaba ryahembwe igikombe, impamyabumenyi igaragaza ko bitabiriye aya marushanwa ndetse n'amadorali 800. 

Itsinda ryaturutse muri Afurika y'Epfo niryo ryegukanye umwanya wa gatatu, maze rihembwa igikombe, impamyabumenyi hamwe n'amadorali 500.

Dore ibihugu byabashije kwegukana ibihembo:

1. Zimbabwe — Company of the Year Award: 1st Place, FedEx Global Possibilities Award, Best Application of Project Management Award

2. Ghana — Company of the Year: 2nd Place, Citi Foundation Client Focus Award

3. South Africa — Company of the Year Award: 3^rd Place

4. Rwanda: J&J (Jonson&Jonson) Innovation Award

5. Nigeria — Delta Air Lines Socia Impact Award, Public Choice Award

6. Mauritius — Nascon Allied Industries Award for Entrepreneurial Excellence

7. Eswatini — MTN Future Tech Award, Rising Leader Award

Amatsinda yose yabashije kwegukana ibihembo yagiye yerekana ibyishimo bikomeye mu buryo bwayo, aho bamwe babyinaga ntibasoze, abandi bagapfukama bagaha Imana icyubahiro.

Ku rundi ruhande kandi, ababarizwa mu matsinda nka Uganda, Cote d'Ivoire na Zambia atabashije gutahana intsinzi bagize umwanya uhagije wo guhumurizwa, guhabwa ubuhamya bubasubizamo imbaraga ndetse no kwigishwa ko nyuma y'amarushanwa hari ubundi buzima, badakwiye gucika intege ahubwo bagomba gukora cyane kugira ngo ubutaha bazashobore gutsinda.

Mu bayobozi bitabiriye uyu muhango, harimo umuyobozi mukuru wa JA Worldwide, Asheesh Advani; umuyobozi mukuru wa JA Africa, Simi Nwogugu; umuyobozi wa JA Rwanda ndetse na Ishango Consulting Ltd, Emery Rubagenga;

Uwaje ahagarariye Minisitiri w'Uburezi, Nsengiyaremye Christophe; uwaje ahagarariye Minisitiri w'Urubyiruko, Rwagitare Jean Bosco; umuyobozi wa RGB, Dr Usta Kayitesi; umuyobozi wa MTN Rwanda, Mapula Bodibe; n'abandi

Nyuma y'uyu muhango waranzwe n'ibyishimo biri hejuru ku bari bitabiriye, abanyeshuri begukanye intsinzi babwiye itangazamakuru ko imitima yabo inezerewe, kandi ko bagiye kubyaza inyungu amafaranga bahawe ndetse bakanashishikariza urungano rwabo gukura amaboko mu mifuka bagakora kandi bagahanga udushya aho bishoboka hose.

Aya matsinda yose ayobowe na Zimbabwe, yahamije ko ibanga ryabafashije kugera ku ntsinzi ari ugukora cyane kandi bagakorera hamwe nk'itsinda.

Umuyobozi wa Junior Achievement ku rwego rw'isi, yatangaje ko ari iby'agaciro kuri bo gukora amarushanwa nk'aya, kuko bitegura ibitekerezo by'abakiri bato hakiri kare bagakurana umwuka w'ishoramari ndetse bakavamo abayobozi beza.

Uyu muyobozi yasabye urubyiruko rwo muri Afurika gushikama rukabyaza umusaruro amahirwe ari ku mugabane wabo kuko ari ntagereranywa, aho gushamadukira kujya gushaka imirimo hanze yawo.

Umuyobozi wa JA Africa, Simi Nwogugu wari ufite ibyishimo bidasanzwe yatangaje ko yishimiye ko Afurika yashoboye gutera intambwe ikaba iri guhangana no ku rwego rw'isi.

Yashimiye abari bagize akanama nkemurampaka ku kazi gakomeye bakoze, ndetse n'abagize uruhare mu ishyirwa mu bikorwa ry'aya marushanwa.

Ashingiye ku mibare ivuga ko mu 2050, 40% by'urubyiruko ruzaba rutuye isi bazaba ari abanyafurika, Simi yasobanuye ko nka JA Africa bashora byinshi mu kubaka imitekerereze y'abakiri bato kuko ari bo bayobozi b'ejo hazaza.

Ati: 'Tugomba kubategura bagatangira kwibona nk'abayobozi bakuru bo ku rwego mpuzamahanga kuva ku myaka 14, 15, 16, kugeza kuri 17, ku buryo nibagira imyaka 25, 26 bagashyirwa mu myanya y'ubuyobozi batazisuzugura kuko bazaba bamaze imyaka irenga 10 babikora.'

Igihugu cya Zimbabwe gitsinze aya marushanwa ku nshuro ya kabiri, kizaserukira Afurika ku rwego rw'isi. Igihembo nyamukuru mu marushanwa ya 'COY' ahuza abatsinze ku migabane itandukanye, ni amadolari 15,000 ahabwa abahize abandi mu kugaragaza umushinga ufatika.

Amarushanwa ya 'JA Africa COY,' amaze iminsi itatu abera mu Rwanda, umwaka utaha wa 2024, azabera mu Birwa bya Mauritius.

Itsinda ryari rihagarariye Ghana ryegukanye umwanya wa kabiri muri JA Africa COY

Abitabiriye irushanwa rya JA Africa COY rimaze iminsi itatu ribera mu Rwanda banyuzwe n’imigendekere myiza yaryo

Kuva mu mpera z'Ugushyingo 2023, ni bwo yatangije iri rushanwa mu ruhererekane rw'ibizwi nka 'Challenges', aho aba Producer basubiramo imwe mu ndirimbo yanditse afatanyije n'abafana.

Ni irushanwa bigaragaza ko rizahembwa 188,907.90 Frw. Rihatanyemo aba Producer barimo Julesce, Nexus Producer, Map Pro Beatz ndetse na Producer Riqson.

Abafana basabwa gutora uwo bashyigikiye, kandi ukamugaragaza ku mbuga nkoranyambaga.

Humble Jizzo yabwiye InyaRwanda ko yatangije iki gikorwa agamije kwereka abafana inzira binyuramo kugirango umuhanzi abashe kugera ku ndirimbo ashyira hanze.

Yavuze ko ashaka kugaragaza muri rusange inzira binyuramo kugirango umuhazi akore ibikorwa bimenyekane ku rwego Mpuzamahanga.

Ati “Hari ababa batabyumva, bumva ko ari ibintu byikora, ariko akenshi bigira uburyo biza, bigira uko wabitekereje, ukabikura mu buryo wiyumva noneho ukabitondeka mu magambo yumvikana noneho ayo magambo, akavamo ururirimbo, akavamo amagambo afatika, ukayashyira mu bicurangisho bya muzika, bikabyara indirimbo abantu yumva.”

Humble Jizzo avuga ko yubakiye ku bumenyi afite mu muziki biri mu byatumye yiyemeza gutangiza iki gikorwa. Kandi agaragaza ko mu buzima bwa buri munsi, buri wese akwiye gukurikira amahirwe ‘kuko ntabwo amahirwe akwizanira’.

Yavuze ko atangiza iki gikorwa muri rusange yashakaga kwereka aba Producer ko hari impano mu muziki zo gushyigikirwa.

Humble avuga ko iki gikorwa cye kigamije gusubiza aba Producer bumva ko bakoze ibikorwa byiza ariko bagifite ikibazo cyo kumenyekanisha ibikorwa bakora, no kumva y’uko bizamugora gukorera indirimbo abahanzi bakomeye mu Rwanda n'ahandi.

Uyu munyamuziki avuga ko azajya yumva ibihangano by’abahanzi, rimwe na rimwe abisakaze ku mbuga nkoranyambaga mu rwego rwo kugaragariza amahanga ko hari impano zo gushyigikirwa.

Ati “Wishakira ibisubizo kure y’aho uri. Ibisubizo y’ibyo ukora biri hafi yawe. Witegereza ko amahirwe akwizanira, reba ibiri aho ng’aho bibe ari byo ukurikira.”

Ku wa 25 Ugushyingo 2023, Humble Jizzo yasohoye amashusho amugaragaza aririmba indirimbo ari kumwe na Producer, bakaganira ku magambo yayo mbere y'uko batangira kuyicuranga mu bicurangisho bifashishije piano ndetse na gitari.

Uyu muhanzi avuga ko muri iri rushanwa yatangije agamije gusangiza ubumenyi abakizamuka mu muziki, yaba abahanzi ndetse na ba Producer.

Aba Producer bose bahatanye muri iri rushanwa, yagiye abaha umwanya wo gucuranga iyi ndirimbo ye, hanyuma bagera mu cyiciro cya nyuma cy'aho abafana ari bo bahitamo umwe ugomba kwegukana igikombe.

Humble Jizzo anavuga ko agiye gufungura urubuga rwa Youtube, aho ibikorwa by'abahatanye bizajya binyuzwa kugeza ku muhanzi cyangwa Producer watsinze.

Humble Jizzo yatangiye ibikorwa bigamije kugaragaza impano z aba Producer bakizamuka

Humble yavuze ko ibi bikorwa yatangije bigamije kwereka abafana uburyo indirimbo itekerezwa kugeza ivuye muri studio igashyirwa hanze

Humble avuga ko ashaka gusangiza abandi ubumenyi afite mu muziki

Producer Jules wo muri World Star Studio ari mu bahatanye muri iri rushanwa

 

Map Pro Beatz yageze mu cyiciro cya nyuma aho ahataniye kwegukana igihemb

 

Producer Riqson yacuranze indirimbo Humble Jizzo yanditse afatanyije n'abafana

Nexus Producer yagaragaje ko afite inyota yo kwegukana iri rushanwa

KANDA HANO UREBE INTANGIRIRO Y’IRI RUSHANWA RYA HUMBLE JIZZO

“>

Umutoza wa APR FC, Thierry Froger avuga ko atitaye ku bakinnyi abafana baririmba ko badahabwa umwanya wo gukina, ngo shampiyona ni ndende buri se azahabwa umwanya wo gukina.

Bitewe n’umusaruro wari umaze iminsi ugaragara mu ikipe ya APR FC, abafana b’iyi kipe bagiye bagaragaza kutishimira umusaruro w’umutoza Thierry Froger bamuririmba ko nta mutoza bafite.

Ibi bikiyongeraho kuririmba umunya-Sudani, Sharaf Eldin Shiboub n’Umunya-Cameroun Salomon Banga Bindjeme bibaza impamvu badakina.

Abajijwe igihe azahera umwanya aba bakinnyi baririmbwa n’abafana yavuze ko atitaye ku bo abafana baririmba kuko we icyo areba ari ibibera mu kibuga.

Ati “Njyewe ntabwo numva ngo ni nde abafana baririmbye. Njyewe ikinshishikaje ni ibibera mu kibuga, abari muri stade bafite uburenganzira bwo gukora ibyo bashaka.”

Yavuze ko abakinnyi bose bagomba guhatanira umwanya umeze neza akaba ari we ukina kandi shampiyona ni ndende buri wese azahabwa umwanya cyane ko n’ikipe yatangiye ku munsi wa mbere atari yo yakinnye ku munsi wa 3.

Kuwa Gatanu tariki ya 8 Ukuboza 2023 ku cyicaro gikuru cya MTN Rwanda giherereye i Nyarutarama, hatanzwe ibihembo ku bana b'abanyeshuri biga mu mashuri yisumbuye mu bigo bya TVT School, bamuritse imishinga yahize indi kuba myiza no gutanga isura ku musaruro witezwe n’Igihugu.

Iki gikorwa cyahuje abayobozi bakora mu Kigo cy'Itumanaho cya MTN, abanyeshuri bahembwe n'ababyeyi babo, umwe mu bayobozi ba TVET Rwanda, ndetse n'abandi.

Igihembo cy'umwanya wa mbere cyahawe itsinda ry'abana bane  ryakoze umushinga wo kuhira imyaka binyuze mu ikoranabuhanga. Aba bana bahawe miliyoni 5 Frw zo gutera inkunga umushinga wabo no kuwuzamura. Aba bana biga mu Kigo cy'Amashuri yisumbuye cya Apeki Tumba TSS, bagarutse ku mbamutima zabo nyuma yo guhabwa inkunga.

Shema ukuriye iri tsinda yavuze ko umushinga wabo bawise Irrigation Agriculture Plantation System. Uyu mushinga uzafasha abanyarwanda kuhira imyaka bya kijyambere, aho bakoze urubuga (Website) ruzafasha umuntu kuhira atabanje kugera mu murima, amazi ahagije yamara kugera mu myaka iyo sisiteme ikikupa.

Iyi gahunda izorohera buri wese kuko abafite ama terefoni ahenze (Smartphone) n'izindi nto zidakoresha murandasi, bazabasha gukoresha iyo sisiteme byoroshye.

Ndizeye Patrick wiga mu Kigo cya Apeki, wahembwe ku mwanya wa kabiri yahawe miliyoni 3 Frw. Yasobanuye umushinga we ugaruka ku buvuzi, uzafasha abaturage kwivuriza mu rugo bitabasabye gukora urugendo.

Ndizeye Patrick yahawe miliyoni 3 Frw zizafasha umushinga we w’ubuvuzi

Uyu munyeshuri yavuze ko umushinga we uzafasha abaturage kuvugana na muganga bakoresheje telefoni cyangwa mudasobwa, nyuma bakohererezwa urupapuro rubabwira indwara barwaye n'imiti bakeneye, bakajya kuyigura muri ‘Pharmacy’ badakoze urugendo basanga muganga.

Yavuze ko hari uburyo (Application) bazanyuraho bwishyurwa bazakoresha, baganira na muganga.

Abayobozi mu Bigo bitandukanye birimo MTN byafashe ifoto y’urwibutso nyuma y’igikorwa gihambaye cyabaye

Iraguha Anualite wiga mu ishuri rya ESTG (Ecole Secondaire Technique de Gisenyi) niwe wabaye uwa 3 ndetse akarusho yari umukobwa. Yavuze ku mushinga we yateguye w'ubuhinzi. 

Uyu mushinga uzorohereza abahinzi, kuko baziyandikisha bakoresheje telefoni bagatanga imyirondoro irimo indangamuntu na nomero ya terefoni igendanwa, bakoroherezwa kubona imbuto, ifumbire n'ibindi.

Uyu mwana w’umukobwa yahawe miliyoni 2 Frw hashyigikirwa umushinga we w’ubuhinzi

Nyuma yo guhabwa igihembo yagize ati 'Nahisemo umushinga w'ubuhinzi kuko nabonaga ariho harimo ikibazo gikomeye cyane, kuko abahinzi benshi ntabwo bazi ukuntu bahinga mu buryo bukwiye.”

'Iki gihembo kiranshimishije bigiye kumfasha kuzamura umushinga wanjye kandi mbonye ko igitekerezo cyanjye ari ingirakamaro ku gihugu'.

Mu kiganiro na InyaRwanda, Umukunzi Paul Umuyobozi mukuru wa Rwanda TVET Board, yashimiye aba bana bagaragaje ubushake bwabo mu gukora imishinga, bakaba babonye inkunga ifasha ibitekerezo byabo.

Umuyobozi wa TVET Rwanda Board yishimiye inkunga yatanzwe na MTN. Ati 'Icyo twize ni uko amashuri ya Tekinike n'Ubumenyingiro arimo udushya twinshi cyane dutandukanye. 

Ndahamagarira urubyiruko rwacu gukomeza guhanga udushya kugira ngo dukomeze gukemura ibibazo bibangamiye iterambere ry'Igihugu cyacu, kandi ndashimira aba bana batsinze'.

Alain Numa, umwe mu bayobozi ba MTN Rwanda bitabiriye igikorwa cyo guhemba abanyeshuri bafite imishinga yahize iyindi, yavuze ko MTN ifite ibikorwa byinshi bifasha urubyiruko, abagore n'abandi, kandi ko bizakomeza kwiyongera bazamura imibereho y'abaturage.

Yavuze ko bafite ikitwa MTN CSI yibanda ku bikorwa byo gufasha birimo iby'ubuvuzi, uburezi, gushyigikira imishinga na gahunda ya Leta.

Alain Numa yavuze ko MTN ifite ibikorwa byinshi bizagirira abaturage akamaro

Mu mwaka wa 2022, MTN Rwanda yatangije gahunda yiswe 'School Digitalization' mu burezi, aho muri buri Karere hashyizweho icyumba mpahabwenge (Computer Lab), mu rwego rwo gufasha abana kwiga neza, ndetse bamaze gutanga mudasobwa zirenze 300 mu mashuri agera kuri 20. 

Nyuma yo gutanga mudasobwa bagiye kureba icyo zamariye abana bazihawe, hashyirwaho ipiganwa, aba bana batatu baratsinda kubera imishinga yabo ishimishije.

Yavuze ko bitarangiriye aha, ahubwo ko biteguye no kuzahuza aba bana n'abafatanyabikorwa babo bakomeye, mu rwego rwo gukomeza kubafasha kunguka byinshi ku mishinga yabo.

Ati 'Iyi mishinga yabo ni myiza cyane kuko ejo n'ejo bundi MTN izaba ikiraro kibahuza n'abandi bafatanyabikorwa, kugira ngo ikomeze kubateza imbere ubwabo n'imiryango yabo'.

Kayitare David  ushinzwe ibikorwa by’ubuterankunga muri MTN Rwanda niwe wayoboye iki gikorwa

KANDA HANO UREBE AMAFOTO YAFASHWE HATANGWA IBIHEMBO BY’ABANYESHURI BAMURITSE IMISHINGA

AMAFOTO: NGABO SERGE

Mu gihe habura iminsi ibarirwa ku ntoki ngo umwaka wa 2023 urangire, buri wese ari kurwana no kugera ku ntego yiyemeje kugeraho, akorana umwete kugira ngo 2024 izatangirane n'ingamba nshya.

Ni muri urwo rwego n'abahanzi bo mu Rwanda baba abaririmba indirimbo zisanzwe ndetse n'abaruhura imitima ya benshi binyuze mu ndirimbo zihimbaza Imana bakomeje gushyira hanze indirimbo zengetse bijyanye n'ibyo bisezeranije muri uyu mwaka.

Mu ndirimbo zasohotse mu minsi itageze ku icumi, InyaRwanda yaguhitiyemo indirimbo 5 z'intoranwa zagufasha kuruhuka neza uryoherwa na 'weekend' yawe ari nako ukomeza kwitegura iminsi mikuru isoza umwaka wa 2023.

1.     Kawooma — Nel Ngabo na Juno Kizigenza

“>

2.     Pami — Mistaek

“>

3.     Ikamba — Mozzy Yemba Boy

“>

4.     Uri Imana — Kitoko

“>

5.     Ntawundi — Liza Mugisha

“>