Category: Uncategorized

Umukobwa w'uburanga budasanzwe Yolo The Queen yagaragaye mu mashusho n'amafoto wenyine yizihiza isabukuru ye y'amavuko.

Amakuru avuga ko aya mafoto yafashwe tariki 05 Ukuboza 2023, aho uyu mukobwa yari yashyizeho intego ku muntu wifuza kumubona gusa bigaragara ko ashobora kuba yaramubuze na cyane ko mu mafoto yagiye hanze yari wenyine.

Uyu mukobwa kandi yagaragaye ari kuririmba indirimbo ya Israel Mbonyi wamamaye mu ndirimbo zo kuramya no guhimbaza Imana.

Yolo The Queen yahogoje abarimo ; Harmonize ndetse n'abandi batandukanye bagiye bagaragaza ko bakunda.Abanyamakuru batandukanye bakomeje ku mwandikira bagaragaza ko bifuza gukorana nawe ibiganiro ari nta nuwe wari wamufatisha.

Yolo yerekanye ko kugeza ubu akiri kibonumwe.

The post MU MAFOTO: Ikizungerezi Yolo The Queen yizihije isabukuru y'amavuko ye ari wenyine appeared first on The Custom Reports.

Source : https://thecustomreports.com/mu-mafoto-ikizungerezi-yolo-the-queen-yizihije-isabukuru-yamavuko-ye-ari-wenyine/

Doris Akananya mu kiganiro yagiranye n'umunyamakuru aherutse kuvuga ko abagabo benshi bamutereta bamukurikiyeho kuryamana nawe cyangwa bakaza kumutereta bitewe nuko Hari abo ba bettinze ko bamutereta mbese kenshi baba bashaka kuza kumukiniraho.

 

Umukinnyi wa Filime muri Nigeria Doris Akananya yavuze byinshi ku mbogamizi ahura nazo kubwo kuba yarabuze akaguru icyakora akomoza kubyo kuba yarabuze akaguru bimufasha gukorera amafaranga amufasha mu buzima bwe bwa buri munsi.

Yakomeje avuga ko kubera ababyeyi be bajenjetse mu buto bwe, byatumye atanga igiciro cyo kubura akaguru. Mbese ababyeyi be bajenjetse mu ku muvuza akiri muto bityo bituma birangira akaguru ke bagaciye.

Uyu mugore Doris Akananya Kandi yavuze ko kubera yabuze akaguru ke akaba abaho afite akaguru kamwe, byatumye abura amahirwe yo kubona urukundo nyarwo mbese nta muntu nukuvuga umugabo, ujya uza kumutereta agamije urukundo kuko ngo abenshi bamutereta bashaka kuryamana nawe cyangwa ba bettinze n'abagabo bagenzi babo.

 

Yatanze urugero ko yigeze guteretana n'umusore maze uwo musore akajya amuca inyuma ndetse akabikorera mu maso ye, rero ibyo byose abifata cyangwa abibona nk'imbogamizi ahura nazo kubwo kuba abayeho afite akaguru kamwe gusa.

 

Icyakora yakomoje kubyo kuba bimuha amafaranga, yavuze ko kubera ko nta maguru yombi afite, abibyaza umusaruro binyuze mu mashusho yifata bityo abazungu bakayagura bigatuma abona amafaranga amufasha mu buzima bwe bwa buri munsi.

Source: thetalk.ng

The post Abagabo benshi baba bashaka kuryamana nanjye ! Umukinnyi wa Filime muri Nigeria yavuze imbogamizi ahura nazo appeared first on The Custom Reports.

Source : https://thecustomreports.com/abagabo-benshi-baba-bashaka-kuryamana-nanjye-umukinnyi-wa-filime-muri-nigeria-yavuze-imbogamizi-ahura-nazo/

Inkuru y'umukobwa ukiri muto ikomeje kuvugisha benshi hirya no hino ku mbugankoranyambaga kuko ngo ku myaka ye 16 yatawe muri yombi acyekwaho gufatanya na nyina umubyara gukora icyaha cyo kwica se umubyara.

 

Uyu mukobwa witwa Purity Kathure wo mu gihugu cya Kenya yavuze ko byose bijya gutangira yumvishe nyina umubyara Ari mu kagambane n'abandi bantu atazi ko ari ako kwica papa we umubyara. Icyo gihe yari muto cyane ndetse ntago yabitinzeho cyane.

 

Yakomeje avuga ko umubano w'ababyeyi be watangiye guhinduka ubwo we yavukaga ndetse ngo nyina umubyara Kenshi yahoraga mu makimbirane na papa we ariko Kenshi nyina umubyara yahoraga hejuru mu bukare kurusha papa we umubyara.

 

Umunsi papa we apfa we avuga ko yari yagiye gusura umukunzi we ariko aza kwakira telephone y'umuvandimwe we imuhamagara umubwira amahano yabereye mu rugo. Ubwo yageraga mu rugo iwabo yasanze umurambo wa se umubyara wajyanwe ku bitaro ahashyirwa imirambo bita muri moruge.

 

Ubwo ikiriyo cyo gushyingura se umubyara cyarangiraga, yabonye telephone ya papa we ndetse Aribwo nyina umubyara yamuhatirije kuyikoresha ndetse abashinzwe umutekano bari biriwe bashakisha telephone ya se umubyara bayibuze.

 

Nyuma yo kumara icyumweru cyose ayikoresha yaje gufatwa ndetse atabwa muri yombi n'abashinzwe umutekano. Yafashe umwanzuro wo guceceka kutagira amakuru atangaza kubyabaye kuko ngo yangaga ko nyina umubyara yafungwa ariko n'ubundi ngo nyina umubyara yaje gupfa nubwo yamurinze kudafungwa.

 

Uyu mukobwa avuga ko atazi Niba azava muri gereza cyera perezida Uhuru Kenyatta nagira ikigongwe.Kuri ubu amaze imyaka 13 muri gereza ndetse avuga ko yize bihagije, aratakamba asaba ko yagirirwa impuhwe.

Source: News Hub Creator

The post Ibyaha bya Mama byatumye mfungwa ! Ku myaka 16 yafunzwe acyekwaho kwica papa we umubyara appeared first on The Custom Reports.

Source : https://thecustomreports.com/ibyaha-bya-mama-byatumye-mfungwa-ku-myaka-16-yafunzwe-acyekwaho-kwica-papa-we-umubyara/

Inkuru ikomeje kuvugisha benshi ku mbuga nkoranyambaga ni inkuru y'uyu mukobwa wavuze ko yaje kuvumbura ko inshuti ye babanaga mu cyumba kimwe yaje gusanga yararyamanaga na se umubyara atabizi.

Nkuko uyu mukobwa we abivuga, iyo nshuti ye babanaga mu cyumba kimwe yakundaga guteretana n'abagabo bakuze [ sugar daddy ] mu rurimi rw'Amahanga ndetse we ngo ni ibintu yabonaga ko ari bibi nubwo inshuti ye itabyumvaga kimwe nawe.

 

Yavuze ko kandi yakundaga kugira inama inshuti ye, aribwo yavuze ko umunsi umwe yicaje iyo nshuti ye ayigira inama yo kureka guteretana n'abagabo bakuze ariko ngo ibiganiro ntibyagenze neza kuko inshuti ye yahise irakara ndetse imusiga aho wenyine.

 

Umunsi ukurikira ntago we n'inshuti ye bongeye kuganira kuri ibyo bintu gusa nibwo yaje kuvumbura ko inshuti ye babanaga mu cyumba cye yaryamanaga na se umubyara.

Mu magambo ye yagize ati' narimbizi ko inshuti yanjye ikundana n'abagabo bakuze, umunsi wa nyuma twabiganiyeho wabaye ikibazo ndetse mpitamo guhagarika kutongera kubimuganizaho.

 

Gusa ikintu ntari niteze kumenya nuko yaryamanaga na papa wanjye umbyara.'Abantu benshi bakomeje kwibaza impamvu ariko ngo burya inshuti nayo ishobora gukutenguha mu buryo nawe utari witeze.

 

Source: Ghpage.com

The post Umukobwa yavuze uburyo yaje kuvumbura ko inshuti ye babanaga mu cyumba yaryamanaga na se umubyara appeared first on The Custom Reports.

Source : https://thecustomreports.com/umukobwa-yavuze-uburyo-yaje-kuvumbura-ko-inshuti-ye-babanaga-mu-cyumba-yaryamanaga-na-se-umubyara/

Wari umukino w’umunsi wa 14 wa shampiyona, aho ikipe ya Mukura yari yasuye Gasogi United. Ni umukino Mukura Victory Sports yagiye kujya mu kibuga iherutse gutsinda Mukura Victory Sports ibitego 4-1.

Umukino watangiye nyuma y’umukino Kiyovu Sports yatsinzemo Etincelles FC ibitego 2-1. Mukura niyo yatangiye ifungura amazamu ku munota wa 5 gitsinzwe na Zubel Hakizimana. Ku munota wa 26, Gasogi United yaje kubona igitego cyo kwishyura, cyatsinzwe na Mbirizi Eric.

Igice cya mbere cyarangiye amakipe yombi anganya igitego 1-1 amakipe ajya mu karuhuko k’iminota 15.Mu gice cya kabiri, Mukura yakoze impinduka, Elia Katereya yinjira mu kibuga Ndayogenje arasohoka.

Ku munota wa 70 Elie Katereya yaje gutsinda igitego cya kabiri ku mupira yacunze umunyezamu wa Gasogi United wari wasohotse, amurenza agapira karuhukira mu izamu.

Ibyishimo bya Mukura ntabwo byatinze, kuko Gasogi United yahise itsinda igitego cyo kwishyura cyatsinzwe na Kabanda Serge.

Amahirwe y’amanota atatu kuri Mukura Victory Sports yari yatangiye neza, yasaga nk’atangiye gukendera, dore ko yari inamaze iminsi idatsindira i Kigali. 

Ku munota wa 78 Uwiduhaye Aboubakar yaje gutsindira Mukura igitego cya gatatu agiyemo asimbuye, mu gihe Elie Katereya yaje gutsinda igitego cya 4 ku munota wa 92, mu minota 5 umusifuzi yari yongeyeho.

Umukino waje kurangira Mukura Victory Sports ifite ibitego 4 kuri 2 bya Gasogi United ndetse KNC amanuka muri sitade afite umujinya mwinshi cyane.

Mukura iri ku mwanya wa 5 n’amanota 23 mu gihe Gasogi United iri ku mwanya wa 7 n’amanota 18.

Abakinnyi 11 Gasogi United yabanje mu kibuga  

Abakinnyi 11 Mukura Victory Sports yabanje mu kibuga 

Hakizimana Zubel ubwo yajyaga kwishimira igitego cyafunguye umukino 

Mbirizi Eric wahoze muri Rayon Sports, niwe watsinze igitego cya mbere cya Gasogi United 

Kubwimana Cedric ukina inyuma iburyo bwa Mukura, niwe ufite ibitego byinshi muri iyi kipe muri uyu mwaka w’imikino (4)

Source : https://inyarwanda.com/inkuru/137417/amahindura-ya-mukura-ntabwo-yahiriye-gasogi-united-137417.html

Ibi byo turabyita iki? Ikipe ya Manchester United imbere y'abakunzi bayo igaragujwe agati n'ikipe ya Bournemouth.

Ikipe ya Manchester United yo mu gihugu cy'u Bwongereza ikomeje kuba iciro ry'imigani i Burayi dore ko mukanya yongeye gusebera imbere y'abakunzi bayo mu mukino wa shampiyona wayihuzaga n'ikipe ya Bournemouth aho itsinzwe ibitego 3-0 bitumye abakunzi bayo barara batishimye.

Abakinnyi batsindiye ikipe ya Bournemouth ni Solanke ku munota wa 5, Billing ku munota wa 68 na Senesi ku munota wa 73 w'umukino.

Source : https://yegob.rw/ibi-byo-turabyita-iki-ikipe-ya-manchester-united-imbere-yabakunzi-bayo-igaragujwe-agati-nikipe-ya-bournemouth/

Hagiye gushya! Dore abakinnyi 11 umutoza wa Rayon Sports ahisemo kubanza mu kibuga yesurana na AS Kigali.

Ikipe ya Rayon Sports imaze gutangaza urutonde rw'abakinnyi 11 bagiye kubanza mu kibuga mu mukino bagiye gucakiranamo na AS Kigali kuri Kigali Pele Stadium mukanya saa moya zuzuye.

Abakinnyi 11 ba Rayon Sports bagiye kubanza mu kibuga:

Source : https://yegob.rw/hagiye-gushya-dore-abakinnyi-11-umutoza-wa-rayon-sports-ahisemo-kubanza-mu-kibuga-yesurana-na-as-kigali/

Umukinnyi w'umunyarwanda wabaye kapiteni w'ikipe y'igihugu Amavubi, Haruna Niyonzima ari mu buribwe bukomeye cyane.

Uyu mukinnyi nyuma y'uko atangaje ko afite uburwayi bumukomereye bwo mu nda  kuri uyu munsi nibwo yabazwe ku mara yo Munda.

Source : https://yegob.rw/kapiteni-wikipe-yigihugu-yu-rwanda-amavubi-yabazwe/

Rayon Sports yananiwe kwisubiza umwanya wa 2 nyuma yo gutsindwa 2-1 na AS Kigali yasoje ari abakinnyi 10 mu mukino w’umunsi wa 14 wa shampiyona.

AS Kigali yari yakiriye uyu mukino, nyuma y’ibibazo by’amikoro bimaze iminsi biyivugwamo ndetse iri no mu murongo utukura, yakinaga ari ugupfa no gukira.

Abasore b’umutoza Shabani, batangiye bashaka igitego ndetse Erisa Ssekisambu ku munota wa 18 afungura amazamu aza no gushyiramo ikindi ku munota wa 24.

Rayon Sports yamomeje gusatira ishaka kwishyura maze Muhire Kevin ayitsindira igitego cya mbere ku munota wa 1 w’inyongera w’igice cya mbere. Amakipe yombi yagiye kuruhuka ari 2-1.

Mu gice cya kabiri AS Kigali yaje guhabwa ikarita itukura yahawe Akayezu Jean Bosco, ni nyuma y’uko yakoreye ikosa Arsene maze umusifuzi yamusifura akadunda umupira hasi, uyu musore wari ufite ikarita y’umuhondo yahawe indi ya kabiri biba umutuku ahita asohoka. Rayon Sports yananiwe kubyaza umusaruro aya mahirwe umukino urangira ari 2-1.

Indi mikino y’umunsi wa 14 yabaye uyu munsi, Kiyovu Sports yatsinze Etincelles 2-1, Musanze FC inyagira Marines FC 4-0, Mukura VS itsinda Gasogi United 4-2 ni mu gihe Muhazi United yatsinze Bugesera FC 1-0.

Imikino yari yabaye ejo, APR FC yatsinze Gorilla FC 2-1, Sunrise FC itsinda Amagaju 2-1 n’aho Police FC itsinda Etoile del’Est 3-0.

Nyuma y’umunsi wa 14, APR FC irayoboye n’amanota 30, Musanze FC 29, Police FC 28, Rayon Sports 26 ni mu gihe Etoile del’Est ya nyuma ifite amanota 10, Bugesera FC iyibanziriza ikagira 12.

Rayon Sports yagowe n’umukino w’uyu munsi

Luvumbu yagerageje biranga

Source : http://isimbi.rw/siporo/article/rayon-sports-yatsinzwe-na-as-kigali-y-abakinnyi-10-amafoto

Kuri uyu wa Gatanu tariki 8 Ukuboza 2023,nibwo abanyeshuri 121 bahawe impamyabushobozi na Nziza Training Academy mu birori byabereye muri M Hotel yo mu  mujyi wa Kigali. 

Ubusanzwe Nziza Training Academy ni ikigo gitanga amahugurwa ahanitse yibanda cyane ku ikoreshwa ry'ikoranabuhanga mu guhindura uburyo bw'imyubakire no kongera ubumenyi mu mwuga.

Aba basoje amasomo bahuguwe mu gukora imbata z'inzu (Architecture Design), gusesengura inyubako ndende n'imitingito (structural and earthquakes engineering), gusuzuma ubukomere no gukora inyigo z'ibiraro (Bridge design and analysis), gukora ibaruramari ry'imishinga y'ubwubatsi (Quantity surveying) no kuyobora imishinga migari y'ubwubatsi (construction project management).

Umuyobozi Mukuru wa Nziza Training Academy, Nzirorera Alexandre, yavuze ko bareba cyane ku cyuho kiri ku isoko ry'umurimo bagategura amahugurwa agamije kukiziba ku bari muri uwo mwuga.

Yavuze ko kuba abahabwa amahugurwa yo mu mwuga ari abarangije kwiga icyiciro cya Kaminuza cyangwa abari mu kazi bidasobanuye ko za Kaminuza zidatanga ubumenyi bukwiye.

Nzirorera Alexendre yatangarije InyaRwanda ko ubumenyi bwahawe aba banyeshuri bahawe impamyabushobozi bwitezweho guhindura amaporoje y’ibikorwaremezo uburyo akorwamo haba mu bijyanye n’inyigo  n’ubwubatsi. Yakomeje avuga ko ubuhanga batanga bugamije gukosora amakosa anyuranye akorwa n’abakora akazi kubera tekinoroji nke.

Yagize ati: ”Iyo twigisha, twigisha tekinoroji yoroshya imikorere y’akazi guhera m nyigo kugeza mu kubakwa kuburyo abaturage babona kandi bakanakoresha ibikorwa remezo byiza”.

Iradukunda Olivier wigaga ibijyanye n’amashanyarazi, akaba anahagarariye aba banyeshuri 121 basoje aya masomo bahabwaga na Nziza Training Academy, yatangaje icyo bayungukiyemo ndetse nicyo bazakoresha ubumenyi bahawe. Yagize ati: ”Muri iki gihe uruganda rw’ubwubatsi ruri gutera imbere, ibyo twungutse ni Tekinoloji  zikoreshwa mu bwubatsi kugirango habashe kuvugururwa no kwihutisha imikorere y’ubwubatsi”.

Akomeza avuga ko ubumenyi bahawe buzabafasha ku isoko ry’umurimo yaba mu Rwanda no hanze yaho. Yahamije ko ubuhanga bigishijwe bazabukoresha mu kugendana n’iterambere rigezweho mu bwubatsi.

Iyi ibaye inshuro ya kane (4) Nziza Training Academy ihaye impamyabushobozi abanyeshuri yahuguye mu mashami atandukanye. Uyu mwaka abo yazihaye bagera ku 121, mu gihe mu mwaka ushize wa 2022 yazihaye abagera ku 117.

Iradukunda Olivier uri mubahawe impamyabushobozi yashimiye Nziza Training Academy ku bumenyi yabahaye

Nzirorera Alexendre, umuyobozi wa Nziza Training Academy yahamije ko ubumenyi bahaye aba banyeshuri bwitezweho guhindura byinshi ku isoko ry’umurimo cyane cyane mu bikorwa remezo

Byari ibyishimo ku bahawe impamyabushobozi na Nziza Training Academy

Abagere ku 121 bahawe impamyabushobozi na Nziza Training Academy, bibutswa ko ari inshingano zabo gukoresha ubumenyi bahawe biteza imbere hamwe n’igihugu

Ni ku nshuro ya Kane Nziza Training Academy itanze impamyabushobozi

Source : https://inyarwanda.com/inkuru/137398/abagera-ku-121-bahawe-impamyabushobozi-na-nziza-training-academy-amafoto-137398.html