Category: Uncategorized

Mu Isi y'imyidagaduro hakunze kurangwa amakimbirane no gushyamirana mu bahanzi bizwi cyane nka 'Beef' mu ndimi z'amahanga. Ibi ariko bihindura isura iyo bigeze ku baraperi dore ko aribo bakunze gushyamirana birangwa no gutukana, kunengana yewe no kwifurizanya urupfu byose babinyujije mu ndirimbo bakora, mu biganiro baha itangazamakuru ndetse no ku mbuga nkoranyambaga.

Ku bakurikirana imyidagaduro y'imahanga cyane cyane iy muri Amerika dore ko ariho haba ishyushye cyane, bazi 'Beef' imaze igihe iri hagati y'abaraperi babiri bakomeye aribo Curtis Jackson uzwi nka 50 Cent hamwe na Sean Combs wamamaye na P. Diddy cyangwa Diddy.

Ese urwango ruri hagati ya 50 Cent na Diddy rwaturutse he?

50 Cent amaze igihe kinini adacana uwaka na Diddy

Ushobora kwibaza uti ese ko 50 Cent na Diddy bose ari abaraperi bakomeye, bamaze igihe mu muziki ndetse banahiriwe nawo ukabakiza baba bapfa iki?

Aba bombi bafite ibintu birenga 5 bituma badacana uwaka ndetse bakaba bamaze imyaka 24 bibasirana. Beef yabo iri mu zimaze igihe muri Leta Zunze Ubumwe za Amerika ku buryo usanga benshi banabasa kwiyunga kuko barambiwe kubona buri gihe batongana.

Kimwe n'abandi bahanzi, 50 Cent na Diddy batangiye bapfa ko umwe abwira undi ko amurenzeho mu muziki, undi asuzugura mugenzi we ko ntabuhanga afite mu kurapa, gusa ibi byaje gufata indi ntera kuva mu 1999 kugeza ubu aho 50 Cent ari gusabira Diddy ko yafungwa burundu bitewe n'ibyaha akomeje gushinjwa.

Amateka y'urwango ruri hagati ya 50 Cent na Diddy

Mu 1999 niho 50 Cent na Diddy batangiye kutumvikana

Urwango rwaba baraperi b'ibyamamare rwatangiye kera mu mwaka wa 1999. Iki gihe Diddy uzwi ku mazina menshi arimo nka Puffy Daddy, P. Diddy, Brother Love n'andi menshi, yari mu baraperi bakomeye ndetse anafite inzu ifasha abahanzi ya 'Bad Boys Records' yabarizwagamo ibikomerezwa nka nyakwigendera Christopher Wallace wamamaye cyane muri Rap ku izina rya 'The Notorious B.I.G' cyangwa se Biggie Smalls.

Muri iki gihe ariko 50 Cent we yarakisunganya agitangira umuziki hamwe n'itsinda rye rya 'G-Unit' yabanagamo n'abaraperi bakomeye barimo The Game hamwe na Tony Yayo n'abandi. Mu gushaka kuzamuka no kumenyekana 50 Cent yitabaje Diddy amusaba ko yamusinyisha muri label ya Bad Boys Records nyamara Diddy ntiyabimwemerera amubwira ko we n'itsinda rye atabasinyisha kuko ntabuhanga yababonanye kandi we afasha abahanzi b'abahanga banabasha kumwinjiriza amafaranga.

Iki gihe Diddy atera utwatsi 50 Cent akanga kumusinyisha muri label ye byaramubabaje cyane. Ni nabwo batangiye gushwana banabishyira ku mugaragaro. Ntibyatinze 50 Cent yahise akora indrimbo yitwa 'How To Rob' bisobanuye 'Uko Biba' yibasiramo bikomeye Diddy ndetse anigambamo ko amafaranga aratisha azayamwiba cyangwa akamuteza ibirara bakuranye mu gace ka Queens i New York bikaba aribyo bimwiba ayo mafaranga atuma yumva arenze abandi baraperi.

Mu 2000 50 Cent yahuye n'ibyago byo kuraswa n'abagizi ba nabi aho bamurashe amasasu 9 nyamara ntapfe. Yamaze igihe kinini mu bitaro arembye ndetse n'ijwi rye ryari ryarangiritse dore ko byamusabye amezi 8 y'abaganga bamufasha kongera kurigarura kugirango yongere abashe kurapa. Muri iki gihe ubuzima bwa 50 Cent bwari hagati y'urupfu  n'umupfu, abahanzi benshi bamwifurizaga gukira ari nako banamusura mu gihe abandi bakoze indirimbo zimutera akanyabugabo mu gihe yari akiri mu bitaro.

Ibi ariko siko Diddy we yabibonaga dore ko mu gihe abahanzi bandi babaye hafi ya 50 Cent, we yahisemo kumwishima hejuru ndetse avugira kuri televiziyo mpuzamahanga ya 'BET' ko atumva uburyo 50 Cent akiri muzima.

Diddy yakinnye ku mu byimba 50 Cent ubwo yaraswaga amasasu 9 ntapfe

Ubwo umunyamakuru yamubazaga icyo atekereza ku buzima bwa 50 Cent, yasubije ati: 'Ntabwo numva uburyo 50 Cent akiri muzima. Yakabaye yarapfuye, ese mwari mwabona umuntu uraswa amasasu 9 akarokoka? Kereka niba yaratubeshye baramurashe nk'isasu rimwe gusa amasasu 9 yagakwiye kuba yarapfuye''.

Ibi ntibyakiriwe neza na benshi byumwihariko 50 Cent dore ko ubwo yaramaze kugira asubiye mu muziki yavuze ko adashidikanya ko Diddy yaba ariwe wihishe inyuma y'abagizi banabi bamurashe bitewe n’ibyo yamutangajeho ubwo yari akiri mu bitaro.

Urwango rw’aba bombi rwarakomeje rushora imizi aho umwe yibasiraga undi ubutitsa cyane cyane 50 Cent wakunze kugaragaza ko Diddy ari umuraperi w'umuswa ndetse ko ari n'umwambuzi bitewe n'uko abahanzi benshi babaga muri label ye bayivuyemo bamushinja kubambura amafaranga.

Nkw’ihutishije, mu mwaka wa 2011 50 Cent yasubije amaso inyuma avuga ko nubwo kera yababajwe n'uko Diddy atamusinyishije muri label ye, ko ubu abyishimira kuko yamaze kubona ko n'ubundi ntacyo yari kumumarira kitari ukumuriraho amafaranga no kumudindiza. 

Ku ruhande rwa Diddy ntiyakunze kwibasira cyane 50 Cent gusa ntibyamuzaga ko hari igihe yanyuzagamo akamwibasira ku mugaragaro. Mu 2018 ubwo filime y'uruhererekane yitwa 'Power' ikinamo 50 Cent wanayishoragamo amafaranga, yaciye ibintu kugeza n'ubu iri mu zirebwa cyane kuri Netflix. Ibi ariko ntibyashimishije Diddy wamugaye avuga ko iyi filime isebya abirabura ko ibagaragaza mu isura mbi yo gucuruza ibiyobyabwenge ndetse agaya 50 Cent ko yagakwiye gushora amafaranga muri filime zigisha sosiyete ibyiza aho kwigisha ibijyanye n'ibiyobyabwenge.

Mu kumusubiza 50 Cent yavuze ko ari ishyari amufitiye rituma asebya ibikorwa bye ndetse akaba abiterwa nuko abona yarateye imbere ntaruhare yabigizemo mu gihe yari yaramwiyambaje kera akamutera umugongo.

Mu byo bapfa harimo n'umugore!

Mu rwango bari basanzwe bafitanye haniyongereyem gupfa umugore witwa Daphne Joy

Ubusanzwe bavuga ko ifaranga n'abagore aribyo biteranya abagabo! Ibi rero nibyo byabaye kuri 50 Cent wari usanzwe atumvikana na Diddy noneho hanajyamo ikibazo cyo gupfa umugore biba ibindi bindi.

Kuva mu 2012 50 Cent yari mu rukundo n'umunyamideli witwa Daphne Joy ndetse baje no kubyarana umwana w'umuhungu witwa Sire Jackson. Mu 2019 50 Cent yemeje ko yatandukanye na Daphne Joy nyuma y'ibyavugwaga mu binyamakuru birimo na TMZ ko aba bombi batandukanye bapfa Diddy.

50 Cent arikumwe na Daphne Joy n’umuhungu wabo Sire Jackson

Iki gihe 50 Cent yakoze 'Live' kuri Instagram asobanura icyo yapfuye na Daphne Joy bari bamaranye imyaka 7 banafitanye umwana. Bitunguranye 50 Cent yavuze ko Daphne Joy yamuciye inyuma akaryamana na Diddy kandi ko yagiye abona ubutumwa bwinshi yandikarana n'uyu muraperi badacana uwaka.

Diddy yabaye intandaro yo gutandukana kwa Daphne na 50 Cent bari bamaranye imyaka 7

Benshi mu bakoresha imbuga nkoranyambaga batangiye kwibasira Diddy bamugaya ko yaryamanye n'umugore w'umugabo wundi byongeye akaba umugore wa 50 Cent basanzwe ari abanzi. Mu kwisobanura Diddy yatangaje ko ibyo yakoze atari ubugambanyi cyangwa kwihenura kuri 50 Cent ahubwo ko ari mu rukundo na Daphne Joy.

50 Cent ntiyashimishijwe no kubona uwari umugore we akundana na Diddy

Amafoto ya Diddy na Daphne Joy bari mu biruhuko yatangiye guca ibintu hirya no hino ari nako 50 Cent akomeza gutuka Diddy ndetse yanamubajije kuri Instagram agira ati: 'Ese niba unyanga koko nk'uko ubivuga kuki wantereteye umugore? Wowe ukunda ukanifuza ibyo mfite kugeza no kuri mama w'umuhungu wanjye''.

Daphne Joy nawe yakunze kwerekana amafoto ye na Diddy barya ubuzima

Nk'uko uyu mubano wa Diddy na Daphne Joy watangiye uvumwa na benshi batari bawushyigikiye, ntabwo warabye dore ko bamaranye umwaka umwe gusa maze bagatandukana Diddy agahita atangira gukundana n'umuraperi Yung Miami wo mu itsinda rya 'City Girls'.

Ubwo aya makuru yamenyekanaga ko Diddy yatandukanye na Daphne, 50 Cent yayasamiye hejuru maze agaragaza ko Diddy atari agamije urukundo kuri Daphne. Yanditse kuri Twitter ye agira ati: 'Nk'uko nabivuze ntabwo Diddy yaterese Daphne kubera urukundo ahubwo yashakaga kundakaza gusa''.

50 Cent yagiye ashinja Diddy ibyaha birimo kwicisha Tupac Shakur, kwica umugore we Kim Porter hamwe no gufata ku ngufu

50 Cent yakunze gushinja Diddy ko yicishije Tupac Shakur

Kuva mu 1996 Diddy yakunzwe gushyirwa mu majwi ko yaba yaragize uruhare mu rupfu rw'umuraperi w'icyamamare Tupac Shakur ufatwa nk'umwami w'ijyana ya Rap/Hip Hop. Hari filime na documentaire zagiye zikorwa zerekana uruhare rwa Diddy mu rupfu rw'abaraperi barimo Tupac hamwe na Notorious B.I.G wari n'inshuti ye magara.

Mu mezi abiri ashize nibwo Diddy yongeye kugarukwaho cyane atungwa agatoki mu kugira uruhare mu rupfu rwa Tupac, ibi byongeye gusakuza bitewe n'uko Keefe D ukurikiranyweho kwica Tupac, yavugiye mu rukiko ko Diddy ariwe wishyuye itsinda ry'ibirara yari ayoboye ryitwa 'Compton Crips' ngo bahitane ubuzima bwa Tupac.

50 Cent yahise atangaza ko aya makuru atari mashya ko asanzwe azwi ko Diddy ariwe wicishije Tupac, yakomeje avuga ko yakabaye yarahaye amafaranga menshi Keefe D kugirango ntazamuvemo aho kumara amafaranga menshi ayajyana mu bagore.

50 Cent avuga ko Diddy agomba kuryozwa urupfu rwa Tupac

Ntibyagarukiye aho kuko 50 Cent yakomeje avuga ko Diddy aticishije Tupac gusa ahubwo ko yicishije n'umukinnyi wa filime Kim Porter wahoze ari umugore babyaranye abana batatu. 50 Cent yakomeje agira ati: 'Kuki mwirengagiza ko mu 2021 ubwo Kim Porter yapfaga, yapfuye habura ibyumweru 3 gusa ngo asohore igitabo kivuga ku ihohoterwa Diddy yamukoreye ubwo babanaga? Ko mwirengagiza ko yapfiriye mu nzu yari maze iminsi mike yimukiyemo yahoze ari iya Diddy?''

Ibi 50 Cent yavuze byenda gusa nk’ibyo umuryango wa Kim Porter wareze Diddy mu 2021 aho wamushinjije ko yicishije Kim Porter ngo atazatanga ubuhamya bwamufungisha. Ibi kandi byagiye binasakuza mu binyamakuru bitandukanye gusa ntacyo Diddy yigeze abivugaho kimwe n'uko  aruca akarumira iyo abajijwe ku ruhare rwe mu rupfu rwa Tupac Shakur.

Mu minsi ishije kandi umuhanzikazi Cassie wanahoze ari umukunzi wa Diddy yamujyanye mu nkiko amushija kumukubita, kumufata ku ngufu no kumunywesha ibiyobyabwenge ku ngufu. Mu masaha ari munsi ya 24 Cassie atanze iki kirego Diddy yahise amwishyura miliyoni 30 z'Amadolari maze ikirego aragihagarika.

Ibi byavugishije benshi batunguwe no kubona Diddy yishuya aka kayabo ku munsi umwe gusa. Ibi kandi byongeye kuvugisha 50 Cent wagize ati: 'Turabizi Diddy yahohoteye abakobwa benshi tutabara kandi bose yagiye abishyura ngo batamufungisha. Mwabonye uburyo yahise acecekesha ikirego cya Cassie mu masaha macye kubera amafaranga''.

50 Cent kandi yakomeje avuga ko Diddy atajya aryozwa ibyaha akora kubera imbaraga afite akesha amafaranga bitewe n'uko akenshi yishyura bikaburizwamo. Byanatumye 50 Cent asaba ko uyu muraperi yafungwa burundu kuko ngo amaze igihe akora ibyaha ntabiryozwe.

Yanatangaje kandi ko ageze kure umushinga wo gukora 'Documentaire' yerekana ibyaha Diddy yakoze ntabihanirwe kubera ifaranga atunze. Kugeza ubu urebye ibyo 50 Cent amaze iminsi atangaza yaba mu itangazamakuru no ku mbuga nkoranyambaga usanga byose bifite aho bihuriye na Diddy bamaze igihe kirenga imyaka 24 badacana uwaka.

Urwango rwa 50 Cent na Diddy rumaze imyaka 24

Ni ibirori byatangiye ku mugoroba wo kuri uyu wa Gatandatu tariki 9 Ukuboza 2023 birangira mu rukererera rwo kuri iki Cyumweru tariki 10 Ukuboza 2023 mu kabyiniro ka B Lounge gaherereye kuri 40 i Nyamirambo mu Mujyi wa Kigali.

Byahuriranye no gufungura aka kabyiniro. Nta jambo Bad Rama yavuze muri ibi birori, ndetse abahanzi bari bateganyijwe kuririmba ntibaririmbye, ariko bageze aho ibirori byari byabereye baramutsa abantu, ubundi bafata amafoto n'abantu banyuranye.

Dj Brianne wari kuri gahunda yavanze umuziki mu gihe cy'isaha irenga. Abahanzi ntibaririmba ahanini bitewe n'uko ibyuma bitanga ubukonje muri Club bitakoraga neza, kuko harimo ubushyuhe bwinshi.

Bad Rama yagiye anyura mu nshuti ze n'abafana bakaganira mu matsinda, ariko nako basoma ku mutobe. Imibare ya hafi igaragaza ko yakoresheje arenga Miliyoni 1.5 Frw mu kwakira no gusangira n'abo yatumiye, yagiye yereka umuvandimwe we yabonye nyuma y'imyaka 30 yari ishize.

Ibi birori byitabiriwe n'abagize itsinda rya Kigali Boss Babes, Kenny Sol ukubutse muri Canada, umuhanzi Okkama uherutse gusezera muri Label ya Metro Africa, abanyamakuru Ally Soudy na Mike Karangwa, Muyango Claudine wabaye umukobwa uberwa n'amafoto [Miss Photogenic] muri Miss Rwanda 2019;

Umuhanzi Mujyanama Claude [TMC] wanyuze mu itsinda rya Dream Boys, Muyoboke Alex wabaye umujyanama w'abahanzi banyuranye mu Rwanda, umuhanzikazi Marina witegura gushyira hanze indirimbo nshya, umuhanzi Yvan Muziki ubarizwa i Burayi, umuhanzikazi Assinah, umuraperi M-Izzle, 'Njuga' wamamaye muri Sinema, umuhanzi Bahati 'Makaca', n'abandi.

Bad Rama yahishuye ko afite byinshi:

Bad Rama yavuze ko afite ibintu bitatu yasanze ahuje n’umuvandimwe we. Icya mbere bahuriye ku kuba bombi bakunda abagore. Ati “Ibyiyumviro byacu ku gitsina gore, amahitamo ni amwe, kuko naje gusanga  bamwe muri bo, abo twagiye tumenyana, cyangwa tuziranyi nawe yarabashije kugerageza kuvugana nabo.”

Yavuze ko yasanze umuvandimwe we akora mu bijyanye n’amahoteli, kandi nawe aka kazi yagakozeho mu myaka yatambutse.

Avuga ko umuvandimwe we kandi akunda guteka cyane nk’uko nawe abikunda, kandi nawe yakinnye karate aho yageze ku rwego rw’umukandara wa 'Marron'.

Bad Rama yavuze ko we n’umuvandimwe we bagiye bahurira mu marushanwa anyuranye ya Karate ariko ‘ntabwo twigeze tumenya ko turi abavandimwe’.

Ati “Twarwaniye muri Kaminuza i Butare. Yari umurwanyi mwiza, nari umurwanyi mwiza ku ruhande rwanjye. Biragoye kubona icyo navuga ku muvandimwe wanjye, nasanze duhuje imico n’ibindi.”

Bad avuga ko yasanze inshuti ze ari n’inshuti z’umuvandimwe- Ibintu avuga ko bigaragaza ko Imana ihambaye. Akomeza ati “Umwana nabyaye mbere nawe niwe yabyaye, ni umukobwa.”

Bad Rama avuga ko yanyuze mu buzima bukomeye, kuko hari igihe yagiye ahindura imyaka n’amazina kugirango abashe kubaho.

Avuga ko akimara guhura n’umuvandimwe we baganiriye bibukiranye neza amatariki ya nyayo. Yavuze ko umuvandimwe we baburanye ubwo yari afite imyaka 3 y’amavuko, kuva ubwo kugeza ubwo bamenyaga ko akiriho mu Ukwakira 2023.

Bad Rama ari kumwe n'umuvandimwe we bahuye n'imyaka y'imyaka 30 yari ishize

Bad Rama yavuze ko yaburanye n'umuvandimwe ubwo yari afite imyaka 3 mu gihe cya Jenoside yakorewe Abatutsi

Brianne yavanze umuziki mu gihe cy’isaha irenga atanga ibyishimo

Umunyamakuru Ally Soudy ari kumwe na Muyango Claudine, umunyamakuru wa Isibo Tv muri iki gihe 

Kenny Sol wabaye ‘Lunette’ ubwo yari asohotse ahabereye ibi birori

Umuhanzikazi Marina ari kumwe n'umuhanzi Yvan Muziki- Byavuzwe igihe kinini ko bakundana

Amb.Isimbi Alliance wamenyekanye muri Sinema nka Alliah Cool wo muri Kigali Boss Babes yitabiriye ibirori bya Bad Rama byo kwakira umuvandimwe we  

Bad Rama aganira n’umuhanzikazi Assinah wamenyekanye mu njyana ya Dancehall

Kanda hano urebe amafoto yaranze ibirori byo kwakira umuvandimwe wa Bad Rama

KANDA HANO UREBE IKIGANIRO BAD RAMA AGARUKA KU MUVANDIMWE WE

“>

AMAFOTO: Dox Visual-InyaRwanda.com

InyaRwanda ifite amakuru avuga ko iyi ndirimbo mu buryo bw'amajwi (Audio) yamaze gukorwa na Producer Lick Lick, aho bageze mu gikorwa cyo kuyinononsora (Mastering) kugirango izasohoke ifite ireme buri umwe yishimiye.

Amashusho (Video) y'iyi ndirimbo nayo yamaze gufatwa, ku buryo aba bahanzi bateganya ko iyi ndirimbo izajya hanze mu cyumweru kiri imbere. Ni amashusho bafatiye mu bice bitandukanye byo muri Leta Zunze Ubumwe za Amerika.

Meddy amaze igihe atangaje ko yeguriye ubuzima bwe Yesu Kristo nk'Umwami n'umukiza, kandi agaragaza ko yiteguye kugaragaza imirimo y'Imana yifashishije impano ye.

Iyi ndirimbo yakoranye na Adrien Misigaro uherutse gusohora indirimbo 'Ninjye ubivuze' 'bayifata nko gutanga Noheli ishyitse ku bakirisitu no kubafasha guherekeza neza umwaka wa 2023 biragije Imana'.

Aba bahanzi bombi bafitanye amateka yihariye:

Ku wa 6 Mata 2015, bombi bahuje imbaraga bashyira ahagaragara amashusho y'indirimbo bise 'Ntacyo Nzaba'.

Iri mu ndirimbo zihimbaza Imana zitarava ku rutonde rw'izikunzwe, ahanini biturutse ku magambo agize iyi ndirimbo y'iminota 3 n'amasegonda 49'.

Ni indirimbo iri kuri shene ya Press On Rwanda ya Producer Lick Lick. Kandi iyi shene ya Youtube igaragaza ko imaze kurebwa n'abantu barenga Miliyoni 6.

Iyi ndirimbo yakozwe mu buryo bw'amashusho na Lick Lick iherekejwe n'ibitekerezo by'abantu barenga 1000 bavuga ko banyuzwe n'ubutumwa bukubiyemo.

Ubwo bashyiraga hanze iriya ndirimbo 'Ntacyo Nzaba', Meddy yavuze ko bayikoze mu rwego rwo gufasha Abakristu kwizihiza Umunsi Mukuru wa Pasika.'

Uyu munyamuziki wamamaye mu ndirimbo zinyuranye zirimo nka 'Slowly', yanavuze ko iyi ndirimbo bayikoze mu rwego rwo gukomeza Abanyarwanda, no kwishimira urugendo rw'iterambere Imana yateresheje Abanyarwanda n'u Rwanda.

Adrien Misigaro yavuze ko ariwe wagize igitekerezo cyo gukorana indirimbo 'Ntacyo nzaba' hanyuma agisangiza mugenzi we Meddy biyemeza kuyikorana.

Yavuze ko yakoze iyi ndirimbo mu rwego rwo kugirango ubutumwa asanzwe atanga burenge insengero ahubwo bugera no muri rubanda.

Ku wa 29 Ugushyingo 2023, The Ben yabwiye itangazamakuru ko icyemezo Meddy yafashe cyo gukora 'Gospel' gikomeye, ariko amuzi nk'umuhanzi ukorera Imana kuva na kera, kurusha mu ndirimbo zisanzwe zizwi nka 'Secullar'.

Ati “Ni ibintu bishimishije! Icyemezo nka kiriya ni icyemezo gikomeye. Akantu ntemeranya na Meddy ni uko Meddy yahoze ari ‘Gospel’, Meddy yahoze ari umuhanzi wa Gospel na mbere y’uko abivuga ko agiye gukora Gospel.”

Akomeza ati “Meddy arabizi, namwigiyeho ibintu byinshi by’ubumana ndetse ni wa muntu umpamagara akambwira ati ese wakurikiye iyi video…'

Ashimangira ko mu myaka yose amaranye na Meddy amuzi nk’umuntu ukunda Imana, kandi mu bihe bitandukanye yamufashije nawe kuyiyegereza.

Meddy amaze igihe agaragaza ku mbuga nkoranyambaga ze ko yamenye Yesu utanga ubugingo, kandi arangamiye gukorera Ijuru no kwamamaza ingoma y'Imana.

Mu bihe bitandukanye yifashisha amagambo yo mu Bibiliya ndetse n'aye bwite akagaragaza ko gukorera Imana nta gihombo kirimo. Kandi akabwira buri wese gusenga Imana yaba ari mu bihe byiza cyangwa se mu iby'imiraba.

Mu cyumweru kiri imbere, Meddy azashyira hanze indirimbo ya kabiri yakoranye na Adrien Misigaro

Adrien Misigaro na Meddy bafitanye ubushuti bumaze igihe kinini bwagiye bushibukamo ibikorwa bikomeye bahuriyeho

KANDA HANO UREBE AMASHUSHO Y'INDIRIMBO 'NTACYO NZABA' YA ADRIEN MISIGARO NA MEDDY

“>

Kuri uyu wa Gatandatu tariki 9 Ukuboza, nibwo ikipe ya Gasogi United yakiriye ikipe ya Mukura Victory Sports, mu mukino w’umunsi wa 14 wa shampiyona. Uyu mukino wabereye kuri sitade ya Kigali Pele Stadium, warangiye Mukura Victory Sports itsinze Gasogi United ibitego 4-2.

Mu kiganiro gito n’itangazamakuru, KNC yafashwe n’ishavu avuga ko umunyezamu we yakoze ibintu bya kigoryi. Yagize at: i”Icya mbere navuga ko uyu mukino ntabwo nabona icyo nawuvugaho. Biragoye kuko n’umuntu warebye uyu mukino yavuga ko ari umukino dutakaje;

Kubona umunyezamu ukora ibintu bya kigoryi, udashobora gutekereza ibintu nka biriya? Ukabona abantu bakajya gusimbuza umukino bakawurekura ubibona? Njye ntekereza ko igihe kigeze ngo dukore impinduka, kandi ntekereza ko ibi hari umuntu ugomba kubizira.”

Amakuru ava ku ruhande avuga ko KNC yagiye mu rwambariro akabwira nabi cyane umutoza we Kirasa, ndetse hakaba hari n’abakunzi b’iyi kipe yabwiye ko umutoza agomba kumwirukana.

Kirasa ashobora kudakomezanya na Gasogi United 

KNC yatanze Interview nto kuva yashinga ikipe ya Gasogi United, kuko ikiganiro cy’itangazamakuru cyamaze amasezerano 44

Ntabwo KNC yishimiye uko abakinnyi ba Gasogi United bitwaye 

Mbirizi Eric ni we watsinze igitego cya mbere cya Gasogi United 

Mukura Victory Sport yahaye Gasogi United isomo rya ruhago