Webrwanda Backend

Category: Uncategorized

  • 75″ Kufura ya Rayon Sports itewe na Bugingo Hackim, ariko umupira uramurura 

    umukino biracyari igitego 1-0 bwa Rayon Sports.

    71″Alfred Leku avuye mukibuga hinjira Iracyadukunda Eric

    68″ Kiyovu Sports ikoze impinduka Hakizimana avuye mu kibuga hinjira Twahirwa Olivier

    Serumogo Ali ahanganye na Kiyovu Sports yakozemo 

    Bipfubusa utoza Kiyovu Sports ni umwe mu batoza bazi gusoma umukino bari muri iyi shampiyona 

    Wade utoza Rayon Sports ari gutera imibare bikanga 

    Mugiraneza wambaye igitambaro cya Kiyovu Sports mu kibuga hagati yahagenzuye neza cyane, ndetse akaba yagoye Luvumbu

    Saif ku ntebe y’abasimbura yari yakaniye cyane ndetse aha amabwiriza abakinnyi bari mu kibuga 

    58″ Bbaale ahushije igitego ku mupira atereye hanze y’urubuga rw’umunyezamu ariko umupira unyura ku ruhande gacye

    Aya makipe ari gukina umukino wa 7 wa shampiyona, Rayon Sports idatsinda Kiyovu Sports

    55″ Rayon Sports ihushije uburyo bw’igitego ku mupira utewe na na Luvumbu ari mu rubugarwamahina, ariko Nzeyurwanda umupira awukuramo

    52″ Muhire Kevin abonye ikarita y’umuhondo ku ikosa akoreye Kirongozi

    Abakinnyi barimo Niyonzima Olivier Saif barimo kwishyushya, isaha n’isaha yajya mu kibuga

    47″ Masengwo arekuye ishoti rikomeye cyane umupira Tamale akozaho intoki umupira ujya muri koroneri. Nibwo buryo bwa mbere bwiza bubonetse muri iki gice cya mbere.

    45″ Igice cya kabiri kiratangiye

    45+3″ igice cya mbere kirarangiye amakipe akaba agiye kuruhuka nyuma yo kwerekana umukino mwiza

    45″ Umusifuzi yongeyeho iminota 3

    Olivier Saif yabanje ku ntebe y’abasimbura, bisa naho ari amahitamo y’umutoza

    39″ Rayon Sports ibonye koroneri itewe neza na Muhire Kevin, umupira ubura umuntu ukoraho urarenga.

    30″ Rayon Sports bikomeje kwanga, na Kufura Luvumbu yari abonye arayamuruye, ayohereza ku Ryanyuma

    Abakinnyi ba Kiyovu Sports babanje mu kibuga

    Nzeyurwanda Djihad

    Mugiraneza Frodouard

    Ndizeye Eric

    Hakizimana Felicien

    Tuyisenge Hakim

    Shariff Bayo

    Tansele

    Nizigiyimana Karim

    Alfred Leku

    Kilongozi Richard

    Muhozi Fred

    Abasimbura: Patrick, Iracyadukunda, Djuma, Ramdhan, Seif, Twahirwa na Mukunzi.

    26″ Rayon Sports ihushije igitego ku mupira uzamukanwe na Bugingo Hackim, ahereza Ojera wari mu rubuga rw’amahina, umupira awuteye adafunze uca kuruhunde

    Abakinnyi ba Rayon Sports babanje mu kibuga

    Simon Tamale

    Serumogo Ali

    Bugingo Hakim

    Ngendahimana Eric

    Rwatubyaye Abdul (c)

    Kanamugire Roger

    Luvumbu Nzinga Heritier

    Muhire Kevin

    Musa Esenu

    Charles Bbaale

    Joackiam Ojera

    Abasimbura: Adolphe, Rachid, Aimable, Hadji, Manu, Ganijuru, Mucyo, Arsene na Ndekwe.

    Umutoza wa Kiyovu Sports Mipfubusa, yahisemo gukoresha Mugiranaza Frodouard nka kapiteni kuri uyu mukino Niyonzima Olivier abanza ku ntebe y’abasimbura.

    15″ Kiyovu Sports iri gukina umupira w’imbaraga ndetse yanze kuva imbere y’izamu rya Rayon Sports

    11″ Igitego cya Kiyovu Sports. Kiyovu Sports ibonye igitego gitsinzwe Sharif Bayo arekuye ishoti rikomeye cyane mu mupira uturutse mu izamu rya Rayon Sports usanga Bayo ahagaze neza aturiramo umupira uruhukira mu izamu

    02″ Kiyovu Sports ihushije igitego. Masengwo ateye ishoti rikomeye cyane Rwatubyaye akozaho akaguru umupira ujya muri koroneri ariko ntiyagira icyo itanga.

    01″ Kufura ya Rayon Sports. Umukino ugitangira Rayon Sports ibonye kufura itewe na Luvumbu ariko umupira Nzeyurwanda awukuramo neza.

    18:02″ Umukino uratangiye. Reka tubahe ikaze bwa kenshi hano kuri sitade ya Pele, ahatangiye umukino uhuza ikipe ya Rayon Sports na Kiyovu Sports. Rayon Sports yambaye imyenda y’umweru de irimo utubara tw’ubururu. mu gihe Kiyovu yambaye icyatsi kibisi kirimo umweru muke.

    17:55″ Amakipe avuye mu rwambariro umukino mukanya gato uraba utangiye

    17:52″ Aabakinnyi basimbura basohotse mu rwambariro bakaba bagiye ku ntebe y’abasimbura.

    17:45″ Amakipe yombi asubiye mu rwambariro akaba agiye kwitegura akagaruka umukino utangira.

    Rayon Sports iramutse itsinze Kiyovu Sports, yahita ica kuri Musanze FC n’ubwo banganya amanota.

    17:20″ Amakipe yombi yageze mu kibuga, abakinnyi bakaba batangiye kwishyushya.

    Ni umukino uri kubera kuri sitade ya Kigali Pele Stadium, kuva saa 18:00 PM. Aya makipe yombi akunze guhangana ndetse no kwivuga imyato, bigamije guhigana ubutwari.

    Imibare avuga iki kuri aya makipe?

    Mu mikino 27 iheruka guhuza aya makipe, Rayon Sports yatsinzemo imikino 11 inganya 7, itsindwa 9. Kiyovu Sports yatsinze imikino 9 itsindwa 11. Kiyovu Sports imaze imikino 6 idatsindwa na Rayon Sports muri shampiyona, kuko iheruka kuyitsinda tariki 1 Ukuboza 2019.

    Mu mikino 6 Rayon Sports imaze kwakira muri uyu mwaka muri shampiyona, ntabwo iratsindwa umukino n’umwe yatsinze 5 inganya. Kiyovu Sports irakina uyu mukino, iri ku mwanya wa 15 ku rutonde rw’amanota yo hanze, aho mu mikino 6 imaze gukinira hanze nta n’umwe yatsinze ahubwo yanganyije 2.

    Source : https://inyarwanda.com/inkuru/137527/live-rayon-sports-yakiriye-kiyovu-sports-mu-mukino-wo-kwisubiza-ikuzo-amafoto-137527.html

  • MTN yahaye abakiriya bayo iminsi mikuru ibege… – #rwanda #RwOT

    Mu gihe bizihiza isabukuru y'imyaka 25 bamaze baha abaturarwanda serivisi zinoze z'itumanaho, MTN Rwanda yongeye guhamya ko yitaye ku bayigana nk'uko yabyiyemeje ku munsi wa mbere igera mu Rwanda mu 1998.

    Ni urugendo bavuga ko rutabuzemo imbogamizi, ariko na none bakishimira ko babashije gushikama bagaha serivisi nziza abaturarwanda byumwihariko abakiriya ba MTN.

    Uyu munsi, MTN Rwanda yishimiye kongera kwibutsa abanyarwanda ko nyuma y'imyaka 25 yose ikibitayeho, kandi ko ikomeje gahunda yo kurushaho kubegereza serivisi zayo aho batuye bakazibona byoroshye bidasabye ko bakora urugendo rurerure nk'uko byahoze.

    Umukozi ushinzwe amashami mato n'amanini muri MTN Rwanda, Innocent Abaho asobanura ibijyanye n'iri shami rishya yagize ati: 'Tubitayeho turushaho kubegereza serivisi zoze za MTN. Kera umuntu yakoraga urugendo rurerure kugira ngo abone serivisi zacu, uyu munsi izo express shop nta kindi cyazizanye, ni ukugira ngo zorohereze umuturarwanda aho ari hose kuba yagera kuri serivisi za MTN uko azishaka n'uko azifuza.'

    Innocent yasobanuriye InyaRwanda ko 'Epress Shop' ari ishami rito rya MTN riri munsi y'andi asanzwe arimo 'Service Center' na 'Connect Shop.' Yongeyeho ko ari ahantu abakiriya babo bashobora gusanga serivisi zose za MTN bakenera umunsi ku wundi.

    MTN Rwanda ifite intego yo kugeza iri shami rito mu gihugu cyose, aho yifuza ko muri Kamena umwaka utaha 'Express shop' zaba zamaze kugera mu Mirenge yose y'u Rwanda, aho buri wese ashobora kubona serivisi akeneye atagiye kure y'aho atuye.

    Muri gahunda ya MTN Rwanda  ifatanije n'abandi bafatanyabikorwa batandukanye ya 'Macye Macye,' igamije kwegereza abaturarwanda telefone, harishimirwa ko abakiriya bayakiriye neza ndetse bakomeje kuyitabira ku bwinshi.

    MTN kandi yamaze impungege abakiriya  bayo ku kibazo kijyanye n’amarezo (Network), aho umuyobozi ushinzwe amashami yayo yagize ati: 'Mu by'ukuri rezo ya MTN iri ahantu hose nk'uko tuvuga ngo 'Everywhere you go.' Aho itaboneka hashobora kuba ari hake,nabwo iyo hamenyekanye, mu gihe gikwiye turahakosora, ariko rwose rezo yacu ku kigero cya 99% ushobora kuyisanga aho ariho hose mu Rwanda.

    Gusa birashoboka ko hari nk'ako gato ka 0.1% k'aho tudashobora kuba twabona uyu mwanya, ariko nk'uko itumanaho riteye tugenda buri munsi twongeramo ibyatuma noneho biba 100% kuko nicyo cyifuzo cyacu.'

    MTN Rwanda ifite abakiriya barenga miliyoni 7, kuri ubu irishimira ko imaze kwagurira henshi ibikorwa byayo mu gihugu, aho uyu munsi ifite ahatangirwa Serivisi (Service Center) zigera kuri 24 mu ntara zose z'igihugu, ikaba ifite amashami mato ya 'Connect Shops' abarirwa muri 72 mu gihugu hose, ndetse n'aya mashami mato cyane ya 'Express Shop' yafunguwe muri uyu mwaka asaga 351.

    Kuri aya mashami ari mu gihugu hose, niho ushobora gukura serivisi zose waba wifuza za MTN zirimo guswapisha, kubaruza  sim card, kubitsa no kubikuza, guhinduza umubare w'ibanga, gusobanuza ibijyanye na 'Macye Macye,' n'ibindi.

    Si amashami gusa, kuko MTN ifite n'abandi bakozi baboneka ahantu hose bazwi nk'aba 'agents,' babarura za Sim Card bagakora n'ibindi. Kugeza uyu munsi bamwe muri bo bakorera muri Kiosk bararenga 1000, mu gihe abandi bafite amazu bakoreramo bashobora gutanga serivisi zitandukanye za MTN barenga 5000, bisobanura ko izi serivisi zishobora kuboneka mu ntambwe nke zishoboka ahantu hose waba uri mu gihugu cy'u Rwanda.

    Abaho Innocent, umuyobozi ushinzwe amashami ya MTN mu gihugu hose

    Connect Shop, niryo shami rito ryari risanzwe ribonekaho serivisi za MTN

    Umwaka utaha nta muturarwanda uzongera kurenga umurenge atuyemo ajya gushaka serivisi za MTN

    Express Shop zaje ari igisubizo cya byose

    MTN ikomeje kwita ku bakikiya bayo nyuma y’imyaka 25 igeze mu Rwanda 

    “>Kanda hano urebe ikiganiro kirambuye InyaRwanda yagiranye na MTN ku bijyanye na ‘Express Shop’

    “>

    Source : https://inyarwanda.com/inkuru/137504/mtn-yahaye-abakiriya-bayo-iminsi-mikuru-ibegereza-serivisi-binyuze-muri-express-shop-video-137504.html

  • Omah Lay yahishuye ikintu yicuza mu buzima – #rwanda #RwOT

    Mu rugendo rwe rw'imyaka 26 y'amavuko, umuhanzi w'icyamamare ukomoka mu gihugu cya Nigeria, Stanley Omah Didia wamenye nka Omah Lay, yatangaje ko yishimira imyanzuro yose yafashe mu bwana bwe kuko ariyo yamugize umugabo ariwe uyu munsi.

    Ibi, yabitangarije mu kiganiro aherutse kugirana na BBC Radio Capital Xtra i Londres mu Bwami bw'Abongereza (United Kingdom).

    Omah Lay yasobanuye ko uwo ariwe uyu munsi aramutse ahuye n'uwo yari ariwe mu myaka icumi ishize yamubwira ko atewe ishema nawe, kandi ko yishimiye imyanzuro ari gufata muri ako kanya.

    Yagize ati: 'Byatangiye mu gihe kinini gishize. Ubu mfite imyaka 26, ariko natangiye gushakisha ubuzima ndi hafi kuzuza imya 13 y'amavuko gusa. Cyane rwose, nakwibwira ko ntewe ishema nanjye kandi nishimiye imyanzuro yose nafashe.'

    Akivuga ko aramutse ahawe amahirwe yo gusubira ahe hahise ntacyo yahindura, yahise yisubiraho yibuka ko hari umukobwa bakundanye witwa Bright yicura kuba yaragiye mu rukundo nawe, ariko ntiyasobanura impamvu mu byamubayeho byo kuva yabaho ari icyo kintu cyonyine yicuza.

    Umukobwa uheruka kuvugwa mu rukundo n'uyu muhanzi, ni umunyamiderikazi w'umunya-Nigeria witwa Gloria Eberechi batandukanye muri Nzeri 2021.

    Omah Lay wabonye izuba ku itariki 19 Gicurasi 1997, ni umuhanzi w'umunya-Nigeria akaba n'umwanditsi w'indirimbo. Yamamaye cyane mu mwaka wa 2020, nyuma y'uko ashyize ahagaragara indirimbo yabiciye ku mbuga nkoranyambaga yise 'Bad Influence.'

    Uyu muhanzi umaze kuba icyamamare mu njyana ya Afrobeats ndetse na R&B, yakunzwe cyane mu ndirimbo nka 'Godly,' 'Lo Lo,' 'Understand,' 'Soso,' 'Reason' iri ku ibere, n'izindi. 


    Omah Lay yicuza kuba yaragiye mu rukundo n’uwahoze ari umukunzi we, Bright

    Reba hano indirimbo ya Omah Lay yise “Reason”

    “>

    Source : https://inyarwanda.com/inkuru/137524/omah-lay-yahishuye-ikintu-yicuza-mu-buzima-137524.html

  • Ababyeyi ba Censori Bianca batewe agahinda n'umukwe wabo wiyambika ubusa #rwanda #RwOT

    Umubyeyi wa Censori Bianca yagaragaje ko atishimiye urushako rw'umukobwa we na Kanye west [ Kanye ].Uyu mugore yavuze ko no gushakana kwabo kwabaye mu ibanga ntibyabashimisha.

    Nyina wa Bianca ngo yagize ubwoba kuko umukwe we yakoze ubukwe mu ibanga n'umukobwa we nyamara yari amaze igihe gito atandukanye n'uwahoze ari umugore byemewe n'amategeko banabyaranye.

     

    Kanye West na Censori Bianca bakoze ubukwe mu ibanga mu kwezi kwa Ukuboza , 2022 nyuma y'ukwezi kumwe gusa Kim Kardashian atandukanye na Kanye west.

    Se na Nyina ba Censori bemeza ko batifuzaga ko umukobwa wabo , ashakana na Kanye west bavuga ko byabateye kujagarara cyane muri bo.

    Batangaje ko kandi batishimiye uburyo uyu mugabo yitwaye kumbuga nkoranyambaga ndetse n'uburyo yitwaraga ubwo yajyaga kubasura muri Australia mbere yo kubana n'umukobwa wabo.

    Amakuru avuga ko uru rwango ababyeyi ba Censori bafitiye umukwe wabo, rwashibukiye ku makuru n'imyitwarire ya Kanye West [ Ye ], n'urwango Isi imwanga.

    Bianca ngo yiyumva nkuri wenyine mu rugo rwabo nyamara bagiye kumarana umwaka bari kumwe ngo na cyane ko Kanye west yashyiriyeho amatege ko akakaye ,umugore kuburyo atakora ibyo ashaka.

     

    The post Ababyeyi ba Censori Bianca batewe agahinda n'umukwe wabo wiyambika ubusa appeared first on The Custom Reports.

    Source : https://thecustomreports.com/ababyeyi-ba-censori-bianca-batewe-agahinda-numukwe-wabo-wiyambika-ubusa/

  • Rubavu: Urubyiruko rwahawe ubutumwa bukomeye kuri SIDA #rwanda #RwOT

    Rubavu: Urubyiruko rwahawe ubutumwa bukomeye kuri SIDA

    Kuri iki Cyumweru tariki 10 Ukuboza 2023, mu Karere ka Rubavu habereye igikorwa cyo kwifatanya n'abafite ubwandu bwa SIDA hatangirwa ubutumwa hapimwa kubushaka ababyifuza.

    Ni igikorwa cyatangiye ku isaha ya Saa kumi n'ebyeri za mu gitondo kibanzirizwa na siporo rusange , abaturage bigenjemo urubyiruko bibutswa ko kurwanya agakoko gatera SIDA bitari byarangira bashishikarizwa kujya bakoresha agakingirizo.

    Hahawe icyubahiro ubuzima bw'abazize SIDA hanafashwa abarwayi bayo kumva ko badakwiriye kwiheba , bahabwa ubutumwa bubasaba gukomeza kwirinda no gukangurira abandi bantu kutagwa mu moshya y'ababashuka ngo baryamane badakoresheje agakingirizo.

    Nk'uko raporo ibigaragaza , buri mwaka handura abantu barenga Miliyoni 1.3, hagapfa abarenga 630,000 bishwe nayo gusa iyi mibare ikaba izamuka cyane mu bihugu bikiri mu inzira y'iterambere.

    Mu ijambo rye , umuyobozi w'Akarere ka Rubavu umaze iminsi 4 ku buyobozi Mukindwa Prosper , yatangarije urubyiruko ko aribo bafite ejo hazaza mu biganza byabo, abibutsa ko baramutse batitaye ku buzima bwabo ngo birinde SIDA , mu gihe kizaza u Rwanda rwazayoborwa n'Abanyamahanga.

    Yagize ati:' Rubyiruko mbashimiye umwanya mwafashe muza tukifatanya muri Siporo ariko nanone mukumva ubutumwa ku cyorezo cya SIDA.Mutirinze ntabwo twazabona abayobozi b'ejo hazaza kuko twazayoborwa n'Abanyamahanga'.

     

    Umuyobozi wa AHF Rwanda Dr Rangira Lambert yavuze ko ubukangurambaga bwakozwe bwari bugendanye n'umunsi mpuzamagahanga wo kurwanya SIDA , akaba ariyo mpamvu bashatse ko n'Abanya-Rubavu nka kamwe mu turere 11 bakorana bamenya ko kwirinda SIDA bitarangiye.

    Yagize ati:' Uyu munsi twari kumwe n'abarenga igihumbi rero ni umubare mwiza kandi biratwerekako ubutumwa bwatangiwe hano buragera ku barenga igihumbi kuko ni urubyiruko n'ibindi byiciro ndetse n'abayobozi bari hano bazadufasha gutanga ubutumwa.Twabibutsaga ko SIDA ntaho yagiye'.

    Bamwe mu rubyiruko twaganiriye, bemeje ko inama bahawe bagiye kuzifashisha bubaka ejo habo hazaza , bagaragaza ko kwibutswa kwirinda ari umugisha bagiriwe.

    Uyu muhango wabanjirijwe na Siporo rusange yahuje urubyiruko rw'abanyeshuri , abari baje mu myitozo ikorerwa ku nkengero z'Ikiyaga cya Kivu , Abayabozi b'Akarere ka Rubavu n'izindi nzego zitandukanye.

    The post Rubavu: Urubyiruko rwahawe ubutumwa bukomeye kuri SIDA appeared first on The Custom Reports.

    Source : https://thecustomreports.com/rubavu-urubyiruko-rwahawe-ubutumwa-bukomeye-kuri-sida/

  • Bruce Melodie na Bazongere Rosine bashenguwe n'urupfu rwa Zahara ! Byinshi wamumenyaho #rwanda #RwOT

    Abatuye Isi bakomeje gushengurwa n'umuhanzikazi wamamaye muri muzika ya Afurika y'Epfo wavuye mu mubiri mu ijoro ryo ku wa Mbere tariki 11 Ukuboza , 2023.Banyuze kumbuga nkoranyambaga zabo , Bruce Melodie na Bazongere Rosine bashenguwe n'urupfu rwe.

     

    Ubuzima ni buto kuri buri wese kuko buri muntu uri mu bazima azagira igihe cye cyo gutabaruka.Ibi nibyo byabaye kuri Zahara wamaze gushyirwa mubapfuye kuko urubuga rwa Wikipedia kuri Page ye bamaze kwandikaho ko yapfuye tariki 11 Ukuboza 2023.

    Banyuze kumbuga nkoranyambaga zabo, Bruce Melodie yagize ati:' Uruhukire mu mahiro Queen Zahara'. Uyu muhanzi yaherekesheje ubu butumwa n'indirimbo ye na Bazongere Rosine abigenza atyo.

     

    Amazina ye asanzwe ni Bulelwa Mkutukana wakoreshaga izina Zahara muri muzika.Yari umwanditsi w'indirimbo akaba n'umuririmbyi wazo.

    Zahara yavutse tariki 09 Ugushyingo 1987 avukira muri Afurika y'Epfo mu Burasirazuba bwa London.

    Yatangiye umuziki mu mwaka wa 2011, aribwo muri uwo mwaka yashyiraga hanze umuzingo we wa Mbere 'Loliwe', yitiriye indirimbo ye yakuzwe cyane ikagera no mu Rwanda aho yatamiye bitari rimwe.

    Zahara waririmbaga mu njyana ya Afro Soul , yacishagamo akaririmba mu rurimi rw'Icyongereza akibanda ku rurimi rw'iwabo Xhosa.

    Umuzingo we wa Mbere yose 'Loliwe' , yakuyemo kopi nyinshi , mu masaha 7 gusa zose zari zishize. Mu mateka ye bivugwa ko yagurishije 100,000 by'uyu muzingo we wa Mbere.

    Zahara yahawe ibihembo 8 birimo , Best Female Awards, na Album of the year yatwaye muri 2012.

    Muri 2013, Zahara yashyize hanze umuzingo wa 2 yise Phendula , Album yamuhesheje ibihembo bigera kuri 3 muri South African Music Awards nka Album yagurishijwe cyane, Best R&B , Soul and Reggea Album na Female Artist Of The Year.

    Nyuma y'aho uyu muhanzi yaje gutumirwa na Nelson Mandela ngo amucurangire iwe murugo gusa Zahara aza kubikuramo umuzingo w'indirimbo.

    Nyuma yo kwicwa k'umuvandimwe we warashwe muri 2014, Zahara yatangaje ko yarwaye ihungabana ryaje gushira muri 2015 akora umuzingo yise 'Country girl'.Iyi Album yatumye ajya muri Eastern Cape Music Awards yegukana ibihembo bibiri ; Best Female na Best Artist.

    Muri 2017 yashyize hanze Album ye ya 4 yitwa Mgodi mu masaha 6 gusa yaragurishijwe ihita irangira.Muri 2021, yatangaje ko agiye gushyira hanze Album ya 5, ndetse asohora indirimbo imwe yitwa Nqaba Yam, yari kuri iyo Album.

    Byari biteganyijwe ko Album ye izasohoka tariki 09 Nyakanga 2021 ariko icyorezo cya Covid -19 gituma itinda isohoka tariki 13 Kanama 2021.

    Zahara yaherukaga mu Rwanda muri 2019 ku isabukuru y'imyaka 4 ya Kigali Jazz Junction aho yanaririmbye.Uyu muhanzi kandi yatamiye mu Rwanda muri 2018.

     

    The post Bruce Melodie na Bazongere Rosine bashenguwe n'urupfu rwa Zahara ! Byinshi wamumenyaho appeared first on The Custom Reports.

    Source : https://thecustomreports.com/bruce-melodie-na-bazongere-rosine-bashenguwe-nurupfu-rwa-zahara-byinshi-wamumenyaho/

  • Umuhanzi Harmonize yakoze mu ijisho Diamond Platnumz #rwanda #RwOT

    Umuhanzi Harmonize wahoze muri WCB Wasafi ya Diamond Platinumz yatangaje amagambo benshi bafashe nko kwishongora kuri mugenzi we Diamond Platinumz wahoze ari boss we mu myaka yashize no kumukora mu ijisho.

     

    Uyu muhanzi yavuze ko abafana bagukunda batakwiva ingofero. Ayo magambo yayavuze nyuma y'uko umuhanzi Diamond Platinumz yibwe ingofero ye ubwo yari gutambuka mu bafana, ariko nyuma akaza kuyigaruza.

     

    Ibyo uyu muhanzi Harmonize we abibona nko kuba abafana batishimira uyu muhanzi Diamond Platinumz.Mu magambo ye uyu muhanzi Harmonize yagiye ku rukuta rwe rwa Instagram maze yandika amagambo agira ati':Nta muntu wakwiba ingofero agukunda nyabyo', ibyo benshi bakomeje kwibaza icyateye uyu muhanzi kubivuga.

     

    Abakurikiranira hafi umuziki wa Tanzania, bavuga ko bishoboka ko uyu muhanzi Harmonize ari kwishongora kuri mugenzi we Diamond Platinumz agaragaza ko amurusha igikundiro.

    Abantu benshi bakomeje kwibaza Niba Ari ihangana cyangwa urwango rukiri hagati yaba bahanzi bombi bakavuga ko gukora mu jisho Diamond bishobora kuzana intambara hagati yabo n'ubwo ngo SIMBA atajya akunda kuvuga amagambo menshi kumbuga nkoranyambaga.

    The post Umuhanzi Harmonize yakoze mu ijisho Diamond Platnumz appeared first on The Custom Reports.

    Source : https://thecustomreports.com/umuhanzi-harmonize-yakoze-mu-ijisho-diamond-platnumz/

  • Ni ikizungerezi ! Uburanga bwa Hamissa Mobeto wabyaranye na Diamond Platnumz bukomeje guhindukiza abagabo #rwanda #RwOT

    Hamissa Mobeto ni umugore wamamaye mu myidagaduro, muri Cinema no mu ndirimbo z'ahanzi batandukanye by'umwihariko yakunzwe cyane akimara gukundana na Simba.

    Uyu mugore wabyaranye na Diamond Platnumz umwana umwe w'umuhungu , yujuje imyaka 29 y'amavuko maze afata amafoto akomeje kuvugisha abatagira ingano bavuga ko Diamond Platnumz ashobora kuba yaribeshye atandukana n'uyu mugore udasiba kugaragaza uburanga bwe kumbuga nkoranyambaga ze.

     

    Mu mafoto uyu mugore yashyize hanze yagaragaje ubwiza bw'umukobwa wo muri Afurika cyangwa uburanga bw'umugore w'umwami dore ko imyambaro yakoresheje ariyo yagaragaje ko ari umwamikazi.

    Hamissa Mobeto w'abana babiri ubwo yashyiraga hanze aya mafoto yagize ati:' Bagerageje kunshyingura ariko ntabwo bari baziko ndi urubuto , rukura kandi rugakomera'.

     

    Kuri iyi sabukuru ye y'amavuko, umukunzi we Kevin Sowax , yamwifurije guhirwa mu buzima.

    The post Ni ikizungerezi ! Uburanga bwa Hamissa Mobeto wabyaranye na Diamond Platnumz bukomeje guhindukiza abagabo appeared first on The Custom Reports.

    Source : https://thecustomreports.com/ni-ikizungerezi-uburanga-bwa-hamissa-mobeto-wabyaranye-na-diamond-platnumz-bukomeje-guhindukiza-abagabo/

  • Itariki yamatora ya Perezida nayAbadepite… – #rwanda #RwOT

    Ku wa  Mbere tariki 11 Ukuboza 2023, nibwo aya matariki yasohotse mu Iteka rya Perezida ryerekeye amatora ya Perezida wa Repubulika n'ay'Abadepite .

    Mu bakandida bamaze kwemeza ko baziyamamariza kuyobora u Rwanda , harimo Perezida Paul Kagame ndetse n'Umuyobozi w'Ishyaka riharanira Demokarasi no kurengera ibidukikije (Green Party),Dr.Frank Habineza.

    Amatora y'umukuru w'igihugu  n'ayabadepite nibwo bwa mbere yahuzwa mu Rwanda , byose bikaba byarakozwe  mu rwego rwo kugabanya Ingengo y'Imali nk'uko byatangajwe na Komisiyo y'Igihugu y'Amatora.

    Amatora y'Umukuru w'Igihugu mu Rwanda yaherukaga kuba mu 2017,  icyo gihe Komisiyo y'Amatora yemeje ko  Perezida Kagame yatowe n'Abanyarwanda 6,675472 bangana na 98,8%.

    Icyo gihe Mpayimana Philippe yatowe n'abantu 49,031 bangana na 0.73%, naho Dr.Habineza Frank  ushaka kongera kwiyamamaza atorwa n'abantu 32,701 bangana na 0.48%.

    Mpayimana Philippe  yatowe n’abantu 49,031 bangana na 0,73%

    Dr.Frank Habineza  yatowe n’abantu 32,701, bangana na 0,48%

    Source : https://inyarwanda.com/inkuru/137519/itariki-yamatora-ya-perezida-nayabadepite-yamenyekanye-137519.html

  • ITANGAZO RYA CYAMUNARA Y’UMUTUNGO UTIMUKANWA – #rwanda #RwOT

    UWASHINZWE KUGURISHA INGWATE Me UWIMBABAZI Léa ARAMENYESHA ABANTU BOSE KO AZAGURISHA MURI CYAMUNARA KU NCURO YA MBERE BINYUZE MU BURYO BWIKORANABUHANGA UMUTUNGO UTIMUKANWA UGIZWE N’IKIBANZA GIFITE UPI: 2/08/10/02/6849 GIHEREREYE MU MUDUGUDU WA KIREGA, MU KAGARI KA KIGESE, UMURENGE WA RUGARIKA, AKARERE KA KAMONYI, INTARA Y’AMAJYEPFO.  

    UWO MUTUNGO UTIMUKANWA NI UBUTAKA BUFITE UBUSO BUNGANA NA 647 SQM UFITE AGACIRO FATIZO KANGANA NA 7.117.000 FRW BITYO INGWATE Y’IPIGANWA YA 5% INGANA NA 355.850 FRW YISHYURWA KURI MINIJUST AUCTION FUNDS MURI BANKI YA KIGALI (B.K).  

    USHAKA GUPIGANWA ATANGA IBICIRO BINYUZE MUBURYO BWIKORANABUHANGA KURI www.cyamunara.gov.rw ARI NAHO MUSANGA IFOTO Y’UMUTUNGO.  UZATSINDIRA UMUTUNGO AZISHYURA KURI KONTI YA UWIMBABAZI Léa no 01720870028 IRI MURI BANK OF AFRICA RWANDA PLC. 

    GUSURA UWO MUTUNGO BIKORWA IMINSI YOSE. ABIFUZA IBINDI BISOBANURO BABARIZA KURI NOMERO ZA TELEFONE IGENDANWA ZIKURIKIRA: 0788606663. BIKOREWE I KIGALI KUWA: 17/11/2023  

    UWASHINZWE KUGURISHA INGWATE Me UWIMBABAZI Léa 

    Source : https://inyarwanda.com/inkuru/136607/nba-miami-heat-yakosoye-brooklyn-nets-naho-golden-state-warriors-ita-ibaba-136607.html