Category: Uncategorized

Perezida wa MKE Ankaragucu, Faruk Koca yakubise umusifuzi Halil Umut Meler wasifuye umukino ikipe ye yanganyijemo na Caykur Rizespor.

Hari mu mukino wa shampiyona y’icyiciro cya mbere muri Turikiya waraye ubaye maze amakipe yombi akanganya igitego kimwe kuri kimwe.

MKE Ankaragucu yari yatsinze igitego maze iza kucyishyurwa ku munota wa 97. Umukino warangiye ari 1-1.

Ubwo umukino wari urangiye, perezida wa MKE Ankaragucu, Faruk Koca yirukankiye mu kibuga maze akubita igipfunsi umusifuzi wasifuye uyu mukino, Hilal Umut Meler.

Uyu musifuzi yahise anikubita hasi maze n’abakinnyi baboneraho bamukandagirira hasi bamukubita imigeri, uyu musifuzi w’imyaka 37 yahise yihutanwa kwa muganga aho yari yakomeretse iruhande rw’ijisho.

Perezida w’Ishyirahamwe ry’Umupira w’Amaguru muri Turikiya (TFF), Mehmet Buyukeksi yahise abwira itangazamakuru ko amarushanwa yose ahagaritswe kugeza igihe kitazwi.

Ati “amarushanwa yose ahagaritswe mu gihe kitazwi.' Yunzemo ati “Ibyabaye ni ijoro ry’igisebo ku mupira w’amaguru muri Turikiya.'

Perezida wa Turikiya, Recep Tayyip Erdoğan, na we akaba yanenze uyu muyobozi wakubise umusifuzi.

Ati 'Siporo isobanuye amahoro n’ubuvandimwe. Siporo ihabanye n’ubugizi bwa nabi. Ntituzemera ko ihohoterwa rigira umwanya muri siporo ya Turikiya.'

Minisitiri w’Umutekano muri Turikiya, Ali Yerlikaya yavuze ko hari abatawe muri yombi kubera uruhare bagize muri iki gikorwa cy’urugomo.

Titi Brown yafashwe ku wa 10 Ugushyingo 2021, afatirwa i Gikondo n’Urwego rw’Ubugenzacyaha mu Rwanda RIB. Icyo gihe, akaba yarafashwe arimo gutegura igitaramo cya Omah Lay.

Ku wa 10 Ugushyingo 2023 nibwo Urukiko Rwisumbuye rwa Nyarugenge rwemeje ko ikirego cy'ubushinjacyaha nta shingiro gifite icyo gihe urukiko rutegeka ko Titi Brown ahita afungurwa. 

Titi Brown yafunguwe ku munsi umwe n’uwo yafungiweho mu mwaka wa 2021 ashinjwa ibyaha birimo gusambanya umwana utari yuzuza imyaka y’ubukure asabirwa gufungwa imyaka 25 ariko urukiko ruza kwanzura ko ari umwere.

Nyuma yo gufungurwa, Titi Brown yeretswe urukundo n’abantu benshi bamufashije mu buryo bw’ubushobozi ndetse n’abandi bamuhaye ubufasha bukomeye bwo kumuhumuriza dore ko ubwo yasohokaga yatangaje ko afite ihungabana.

None ku wa 12 Ukuboza 2023, hamenyekenye ko ubushinjacyaha bwamaze gutanga ubujurire ko butemerenywa n’imikirize y’urubanza basaba ko bahabwa ubutabera buboneye.

Ubusanzwe,Ikirego cy'ubujurire gitangwa mu rukiko rwisumbuye ku rwaburanishije urubanza, bigakorwa mu gihe kitarenze iminsi 30 icyemezo cy'urukiko gitangajwe. 

Ibi bitaramo bibiri byiswe 'Xmass and Happy New Year Party Edition 2' bizabera mu Mujyi wa Musanze ku wa 25 Ukuboza 2023 no ku wa 31 Ukuboza 2023 ndetse na tariki 1 Mutarama 2024 mu Mujyi wa Rubavu.

Byateguwe inkunga n'abarimo uruganda rwa Bralirwa binyuze mu kinyobwa cya Miitzig. Ni ku nshuro ya kabiri, Dj Bissosso ateguye ibi bitaramo, kuko umwaka ushize nabwo byabereye mu Majyaruguru no mu Burengerazuba.

Yabwiye InyaRwanda ko ibitaramo nk'ibi bigamije kwereka Abanyarwanda ko abahanzi b'abo bashoboye no kubafasha kwizihiza Iminsi Mikuru neza.

Ariko kandi anavuga ko biri mu murongo wo kwereka ibigo by'ubucuruzi ko igihe kigeze kugira ngo bagere mu bice bitandukanye by'u Rwanda bafashe Abanyarwanda kwishima.

Yavuze ati 'Muri rusange igitaramo nk'iki kigamije kwereka Abanyarwanda ko ibigo by'ubucuruzi nk'ibi byaduteye inkunga bikwiye kugera mu bice bitandukanye by'u Rwanda kugirango abahatuye n'abo babashe kubona abahanzi, kandi bishime.  Biri mu rwego kandi rwo gufasha no kubifuriza iminsi Mikuru myiza isoza umwaka.'

Muri rusange, avuga ko ari ibitaramo bigamije gufasha Abanyarwanda kwizihiza Umunsi Mukuru wa Noheli no kurangiza neza umwaka wa 2023.

Kuri iyi nshuro azakorana n'abahanzi 14 barangajwe imbere na Davis D, Chriss Eazy, Bushali, Bull Dogg, Igisupusupu, Senderi, Kivumbi King, Diva, Okkama, Papa Cyangwe, Sagameri, Bluster, Agnes ndetse n'itsinda ry'Abarashi.

Azakorana kandi n'aba Dj bagezweho muri iki gihe barimo Mushiki we, Dj Ira, Dj Sonia, Dj Drizzy, Dj Khizz Beats, Selecta Danny na Dj Omer.

Muri ibi bitaramo kandi azifashisha abashyushyarugamba babiri, 'Fatakumavuta' ndetse na Gitego w'ikigo cy'Igihugu cy'Itangazamakuru (RBA).

Agaragaza ko kwinjira ari ibihumbi biri (2000Frw) mu myanya isanzwe ugahabwa n'icyo kinywa, 5,000 Frw mu myanya ya VIP ugahabwa n'icyo kunywa. 

Abahanzi 14 bategerejwe mu Karere ka Musanze na Rubavu mu bitaramo byo kwizihiza Noheli no gusoza umwaka wa 2023 

Umuraperi Bushali wamamaye mu ndirimbo zirimo 'Ku Gasima', 'Niyibizi' n'izindi ategerejwe i Rubavu 

Davis D uzwi mu ndirimbo zirimo nka 'Truth or Dare', 'Bad Boy' agiye gutaramira abanya-Musanze

Chriss Eazy ugezweho muri iki gihe binyuze mu ndirimbo zirimo 'Bana' yakoranye na Shaffy

Dj Bissosso yatangaje ko ibi bitaramo bigamije gufasha Abanya-Musanze na Rubavu kwizihiza Umunsi wa Noheli no gusoza umwaka wa 2023

Umuraperi Kivumbi King uherutse guhura na Kendrick Lamar ategerejwe i Musanze na Rubavu

Kuri ubu uvuze  inzu zitunganya umuziki neza buri umwe usanga ahita akubwira 'Country Records' cyangwa akakubwira 1:55AM. Ibi bikaba biterwa ahanini n'ibikorwa n'amateka izi nzu zifitanye.

Iyi nzu ya 'Country Records' iri gukoramo umucuzi w'umuziki wabyize wanabigize umwuga ,Prince Kiiiz,iri mu zikomeje kuyobora bitewe n'igikundiro indirimbo akomeje gutunganya n’izindi zagiye ziva muri iyi nzu iherereye i Nyamirambo.

Abazi Country Records bakaba bazi ko ariyo yaremye Element kuri ubu werekeje muri 1:55AM inzu ya rwiyemezamirimo n'umushabitsi mu muziki Coach Gael.

Kuva uyu musore yayigeramo yakomeje kugenda atunganya ibihangano binyuranye ariko byumwihariko muri ibi bihe indirimbo 'Fou De Toi' akaba ariyo ikomeje kuza imbere.

Nyuma yo kubona ko muri iki gihe abantu benshi bazi ko inzu zitunganya umuziki ari izi gusa , InyaRwanda.com twabegeranyirije  n’izindi zigera ku 10 zikomeza kugenda zitanga umusaruro bishingira ku bihangano bizivamo.

Uko zikurikiranye ku mwanya muri iyi nkuru ntaho bihuriye n'amanota mu mikorere hatagira ubyitiranya kuko buri imwe ifite umwihariko bishingiye ku bikoresho biyirimo n'umuhanga mu gutunganya umuziki [Music Producer] uyiyoboye.

10) Inzu itunganya umuziki yitwa 'Downtown' ikoramo umuhanga mu gutunganya umuziki Fanta akanaba umuhanzi. Iyi ikaba iri mu zikomeje kwigaragaza mu ruhando rw'umuziki.

Zimwe mu ndirimbo zakorewe muri iyi nzu zirimo Kugipfunsi ya Uncle Austin na Rukotana hakaza kandi Day by Day ya Safi Madiba na True Love ya Yago Pon Dat.

Fanta Pro ukorera muri Dowtown watunganije nyinshi mu ndirimbo zakunzwe akaba ari n’umuhanzi

09) The Missed Call ikoreramo Tell Dhem nayo iri mu zihagazeho muri iki gihe kandi zimaze gukorerwamo indirimbo nyinshi nziza nka Inanasi ya Mico The Best.

Kimwe na Tape&Go ya Khalifan na Afrique hakaza Mutima ya Bwiza, Imashini ya Mico The Best n’iza bandi bahanzi bamaze kubaka izina hamwe n’abakiryubaka   nka Diez Dolla.

Nyinshi mu ndirimbo wumva bavugamo Tell Dhem uyu ni we baba bavuga 

08) Trapish Rec ya Ish Kevin nayo iri mu zihagaze ikoreramo Juni Quickly,umusore ukiri muto ariko ufite ubuhanga bukomeye mu bihangano imaze gushyira hanze harimo Album ya Ish Kevina.

Hakaza kandi EP yitwa 2k3 ya Holix uri mu bari kwigaragaza cyane muri Hip Hop kimwe na Mugo ya Zeo Trap.

Ni we utunganya nyinshi mu ndirimbo zikorerwa muri Trappish Rec yitwa Juni Quickly

07) Story Kast ikoreramo Li John, umuhanzi n'umuhanga mu gutunganya umuziki, iri mu zimaze gushinga imizi, indirimbo zimaze gutunganyirizwamo zirimo Ok na Ndagutinya.

Li John umuhanzi ubifatanya no gutunganya umuziki

06) Hi5 Records Entertainment nayo iri mu zimaze kuba ubukombe, iyi nzu ikaba imaze gukorerwamo ibihangano bitabarika kandi byiganjemo ibyagize igikundiro cyo hejuru nka Jaja ya Juno Kizigenza na Kivumbi 1^ST hakaza kandi Cyane na Musomandera za Ruti.

Iri muzihagazeho Hi5 kandi zimaze gutunganyirizwamo imiziki myinshi

05) Coffee Sound nayo ni indi nzu itunganya umuziki, iri mu z'imbere kuri ubu ikoreramo Kina Beat,abakora injyana ya Hip Hop bakaba aribo ahanini bayiyobotse cyane.

Indirimbo imaze gushyira ku isoko harimo Kumihanda ya Bruce The First na Juno Kizigenza, Hafi ya Bull Dogg, Uno ya Ariel Wayz, Bull Dogg na Bruce The First.Kina Beat uri mu bakomeje guca ibintu mu gutunganya umuziki

04) Black Sta nayo ikomeje kwigaragaza mu ruhando rw'umuziki ikoreramo umwe mu bahanga mu gutunganya umuziki, Rg Logic yatunganyirijwemo indirimbo nyinshi.

Muri izo harimo Ndikwikora ya B Threy na Mistaek, Killem ya Ish Kevin na Singah, Self-Made ya Bruce The First, Ni Wane ya Yago Pon Dat na Inyogo ye kimwe na Ep ya Racine yise AD.

Logic ni umwe mu bafite umwihariko mu buryo batunganyamo umuziki wabo

03) Bg Record ikoreramo Yewe Eh,imaze gutunganyirizwamo indirimbo zirimo Yego ya Alto, Mu Bigori ya Papa Cyangwe, Tamo ya Kaayi na Cyane ya Fifi Raya.

YeweeH uri mu bakomeje kwiyerekana cyane mu muziki 

02) Loud Sound Music ikoreramo abahanga mu gutunganya umuziki barimo 2 Rome kimwe na Zed w'Inyamirambo ari na we nyirayo,imaze gukora myinshi mu miziki kandi ikunzwe.

Mu ndirimbo kandi zakunzwe cyane zakorewe muri iyi nzu harimo Chap Chap ya Kenny K Shot, Peace Of Mind ya Shemi, benshi mu bahanzi bakomeye muri iki gihe bayinyuzemo barimo Ish Kevin, Kenny K Shot na Logan Joe.

Pro Zed wazamuye abahanzi batari bake kandi afite umwihariko mu gutunganya umuziki

01)Jivah Record ikoreramo Muriro, iri mu zikomeza kuza imbere.

 Yakorewemo indirimbo nka Shayo ya Ariel Wayz, Up Up ya Bruce The First, Captain ya Kivumbi na A Pass wo muri Uganda.

Romeo Kartel ari mu bamaze gutunganya imiziki myinshi itandukanye

Muri iyi nkuru tukaba twibanze ku nzu zitunganya umuziki zikomeje kugaragaza ubudasa mu gutunganya umuziki mwiza kandi ugira igikundiro cyo hejuru bitavuze ko hatari n’izindi nyinshi ziri gukora nazo cyane gusa izi akaba arizo twabahitiyemo none.

Twarebye kandi ahanini mu zitunganya umuziki wa benshi mu bahanzi bagezweho mu ndirimbo zisanzwe bamwe bita iz'Isi.

Abenshi mu bagarukwaho cyane n'iki cyorezo ni abagore, bishora muri byo bakeka ko bibaha ubwiza cyangwa abantu bakabashuka ko bibahindura beza.

 Nk’uko byatangajwe n'umuhanga mu buranga bw'abirabura mu gitabo yise Le livre de la Beauté Noire”,ed Paris : J.C. Lattès, 2000. (222p.) ndetse twifashishije urubuga rwa afrika-wali-skyblog.com 

Uretse kuba kwitukuza byarabaye ingeso mu bantu basanzwe, iyo bigeze mu byamamare ho biba ibindi bindi. Yaba inaha mu Rwanda hari abasitari bagiye batungwa agatoki bavugwaho kwitukuza nubwo benshi muri bo babyamaganiye kure.

I Mahanga naho ni uko usanga hari abitukuje ndetse bamwe muri bo bagafata ingamba zikarishye zo kwihinduza uruhu rw’irabura rugasa nk’urwabazungu neza. Icyamamare Michael Jackson niwe ukunze kugarukwaho cyane wabonye ibyo kwitukuza bimutwara igihe kinini ahitamo kunyura mu cyuma kimuhindura umuzungu burundu.

Michael Jackson ni umwe mu byamamare byitukuje ku kigero cyo hejuru ku buryo yahise asa nk’abazungu 

Mu minsi ishije umuhanzikazi Beyonce nawe yagarutsweho cyane nyuma yo kugaragara uruhu rwe rwahindutse nk’urwabazungu ,maze avugwaho kuba yaba yaritukuje. Si aba gusa kuko hari ibyamamare byinshi byagiye birangwa n’uyu muco yaba imahanga no muri Afurika muri rusange.

Beyonce nawe aherutse kuvugwaho kwitukuza

Umukinnyi wa filime Wema Sepetu wo muri Tanzania nawe avugwaho kuba yaritukuje

Ese ubundi kwitukuza ni iki?

Ni igikorwa cyo gukesha uruhu (Skin Whitening) hifashishije ibikoresho by'uburyo butandukanye byo kwikiza ukwirabura bushwanyaguza utunyangingo twa melanine.

Ese mu by’ukuri ni iki gitera abantu kwitukuza?

Abahanga bagaragaraza impamvu nyinshi zitera abantu kwitukuza zishingiye ku mateka, imico n'imitekerereze. Ubukoloni n'ubucakara ni impamvu ikomeye yo kwitukuza. Abanyafurika bahorana ipfunwe imbere y'Abanyaburayi, kuko Abanyaburayi bigaragaza ko ari ibyitegererezo kuri bo  ndetse ni nako byabaye muri Amerika mu gihe cy'ubucakara n'irondaruhu aho abirabura batotezwaga ndetse bagateshwa agaciro nko mu birango byo kwamamaza (bagaragaza ko ari abantu b'umukara bafite amazuru abwataraye, iminwa minini ndetse ko baberewe n'imurimo yo mu rugo no mu gikoni).

Ibi ni nabyo   hamwe  n'ubu bigikomeje mu itangazamakuru aho umukobwa w'inzobe cyangwa wa metises ashyirwa kuri paje ibanza mu binyamakuru, ku byapa byamamaza ndetse no muri za filime.

Ariko kandi mu bice bimwe na bimwe abagabo ni bo batera iryo pfunwe aho bahora bagaragaza ko umugore w'inzobe ari we mwiza kurusha  uwirabura kuko bafata kuba inzobe nk'ikimenyetso cy'ubusirimu n'ubwiza bityo abandi nabo bakijandika muri byo ngo babe beza bakirengagiza ingaruka n'ibyago bibikurikira kuko ingaruka nyinshi zidakira.

Ingaruka zikomeye ku bitukuza:

Ibiheri : Biterwa n'ikoreshwa rya corticoids ikinyabutabure gitera kandi cyongera ububi by'uduheri two kuruhu.

Amabara k'uruhu:Uruhu rugira amabara menshi aho usanga hamwe ari inzobe, umukara, ikigina.

Kubyimbagana: Umuntu agenda abyimba umubiri wose.

Gusatagurika: Kimwe mu byago bikomeye ku bantu bitukuje ni igihe hagize ikintu kimukomeretsa cyangwa se akabagwa, ndetse kuri benshi bibaviramo urupfu kuko uruhu rwatakaje ubushobozi bwo kwisana.

  Amaribori: Kubera ko uruhu rurushaho gukanyarara

Diyabete: Bitera cyangwa bikongera ubukana bwa Diyabete n'umuvuduko ukabije w'amaraso

Indwara z'umutima: Byongera ibyago byo gufatwa n'indwara z'umutima n'imitsi

Iyo wamaze kwitukuza igice kinini cy'uruhu ugashaka kubireka none uba umukara kuruta uko wahoze ndetse ni kimwe mu ngaruka zikomeye umuntu ahura nazo iyo ahagaritse kwitukuza kuko bisa naho umubiri ugiye gutangira kwisubiranya bityo ukwiye kubyakira no kwihanganira uko abantu bazakubona.

Muri iyi nkuru tugiye kubagezaho ibyamamare icumi (10) byitabye Imana muri uyu mwaka wa 2023. Turibanda ku byamamare mu muziki w’imahanga no ku mugabane wa Africa byitabye Imana bigashengura imitima ya benshi:

1. Tina Turner

Umuhanzikazi akaba n’umwanditsi w’indirimbo yafatanyaga no gukina filime, Tina Turner, benshi bitaga umwamikazi w’injyana ya ‘Rock ‘n’ Roll’, wanabaye umwiraburakazi wa mbere ku isi wakoze iyi njyana. 

Uyu muhanzikazi waruzwiho kugira ijwi ryiza riranguruye yitabye Imana ku itariki 24 Mata uyu mwaka. Yapfiriye mu rugo rwe muri Switzerland azize indwara ya kanseri y’amara. Yitabye Imana afite imyaka 83 y’amavuko.

2. Tony Bennet

Icyamamare mu njyana ya ‘Jazz’, Anthony Dominick Benedetto wamamaye nka Tony Bennet mu muziki, unazwiho kuba yarazamuye abahanzi bakomeye barimo na Lady Gaga. Mu myaka irenga 30 yamaze mu muziki Tony Bennet yegukanyemo ibihembo 20 bya Grammy Awards ndetse ni nawe muhanzi ukora injyana ya Jazz wibitseho ibihembo byinshi ku Isi. Yitabye Imana ku itariki 21 Kamena uyu mwaka, apfira mu rugo rwe i Manhattan mu mujyi wa New York. Yapfuye afite imyaka 97 y’amavuko.

3. Lisa Marie Presley

Umuhanzikazi akaba n’umwanditsi w’indirimbo Lisa Marie Presley wamamaye mu njyana ya Rock, ndetse akaba umwana umwe rukumbi w’icyamamare Elvis Presley wafatwaga nk’umwami w’ijyana ya Rock. 

Lisa Marie kandi yari umugore w’ikirangirire Michael Jackson barushinze mu 1994 bahana gatanya mu 1996. Lisa Marie Presley yitabye Imana ku itariki 12 Mutarama 2023 azize ingaruka zo kubagwa yigabanyisha ibiro. Yari afite imyaka 55 y’amavuko.

4. AKA

Umuraperi akaba n’utunganya umuziki, Kiernan Jarryd Forbes wamamaye cyane nka AKA mu muziki. Yari umwe mu baraperi bakunzwe ku rwego mpuzamahanga akaba yarakomokaga mu gihugu cya Afrika y’Epfo. Yitabye Imana ku itariki 10 Mutarama 2023 azize kuraswa. 

Uyu muraperi yarasiwe mu gace ka Durban ubwo yasohokaga mu kabyiniro yararimo ataha nibwo yahise araswa agahita yitaba Imana ako kanya. Yapfuye afite imyaka 28 y’amavuko asize umwana umwe w’umukobwa.

5. Sinead O’Connor

Sinéad Marie Bernadette O’Connor yari umuhanzikazi ukomeye ukomoka mu gihugu cya Ireland watangiye kwamamara mu 1987 ubwo yasohoraga album ye ya mbere yise ‘The Lion and The Cobra’. 

Azwiho kuba yarakoresheje ibihangano bye yamagana ihohoterwa ryakorerwaga abagore mu gihugu cye ndetse yanabiherewe umudali w’ishimwe. Sinead O’Connor yitabye Imana ku itariki 26 Kanama 2023 apfiriye mu mujyi wa London azize urupfu rusanzwe ku myaka 57 y’amavuko.

6. Costa Titch

Umuraperi akaba n’umubyinnyi Costantinos Tsobanoglou wamamaye nka Costa Titch mu muziki, yari umwe mu bahanzi bamaze kwamamara hirya no hino bitewe n’ibihangano bye byinshi bikoze mu njyana ya ‘Amapiano’. 

Costa Titch ukomoka mu gihugu cya Africa y’Epfo wamamaye cyane mu ndirimbo ‘Big Flexa’, yitabye Imana ku itariki 11 Werurwe 2023. Yapfiriye ku rubyiniro yituye hasi inshuro ebyiri mu gitaramo cya Johannesburg’s Ultra Music Festival. Yarafite imyaka 28 y’amavuko.

7. Jeff Beck

Umuhanzi akaba n’umucuranzi wa gitari w’umuhanga Geoffrey Arnold Beck wamamaye nka Jeff Beck mu muziki, yazamukiye mu itsinda rya Yardbirds ryaciye ibintu mu Bwongereza mu myaka ya kera. 

Jeff Beck yitabye Imana ku itariki 10 Mutarama 2023, yapfiriye mu bitaro yari amaze iminsi arwariyemo mu mujyi wa London, by’umwihariko yapfuye arwajijwe n’icyamamare muri sinema Johnny Deep. Jeff Beck yapfuye afite imyaka 78 azize indwara ya ‘Bacterial Meningitis’ yibasira amara.

8. Robbie Robertson

Jaime Royal “Robbie” Robertson yari umuhanzi n’umwanditsi w’indirimbo akaba n’umucuranzi wa gitari w’icyamamare ukomoka muri Canada. Kuva mu 1978 Robbie yacurangiraga gitari umuhanzi Bob Dylan ari nabwo yatangiye kumenyakana. Ku itariki 9 Kanama 2023 nibwo Robbie Robertson yitabye Imana afite imyaka 80 y’amavuko azize urupfu rusanzwe.

9. Mohbad

Umuraperi akaba n’umuririmbyi Ilerioluwa Oladimeji Aloba wamamaye ku izina rya Mohbad mu muziki, yari umwe mu bahanzi bahagaze neza muri Nigeria ndetse urupfu rwe rwababaje abatari bacye. 

Mohbad yitabye Imana ku itariki 12 Ukwakira 2023 azize uburwayi butatangajwe, gusa hari amakuru avugako yaba yararozwe mu gihe andi avuga ko yaba yarazize gufata ibiyobyabwenge byinshi. Mohbad wamamaye mu ndirimbo nka ‘Feel Good’, ‘Peace’, n’zindi, yapfuye afite imyaka 29 y’amavuko.

10. David Crosby

Icyamamare mu njyana ya Rock, David Van Cortlandt Crosby, yari umwe mubahanzi bakuze kandi bamaze igihe mu muziki wo muri Amerika. David Crosby wamamariye mu itsinda rya ‘The Byrds’, yitabye Imana ku itariki 18 Mutarama uyu mwaka azize indwara ya ‘Hepatitis C’, yari afite imyaka 82 y’amavuko akaba yarasize umugore n’abana batandatu (6).

Uyu umukino wabaye ku mugoroba wo ku wa Mbere, tariki ya 11 Ukuboza 2023, kuri Kigali Pelé Stadium I Nyamirambo.

Muri uyu mukino,abafana ba Uganda babanje kuganza abanyarwanda na mbere y’uyu mukino.

Mu minota ya mbere y’uyu mukino, Asuman Basalwa yahise azamuka asigarana n'izamu wenyine atera ishoti ariko Depite Karemera Emmanuel wari mu izamu ry'u Rwanda akuramo umupira. Abanyarwanda bikoza mu bicu.

Ku munota wa munani, Martin Muzale yaherejwe umupira na Asumani wari uri gukina neza,  nuko bafasha Uganda gutsinda igitego cya mbere.

Nyuma y'umunota umwe gusa Denis Obua yazamukanye umupira asiga Depite Harerimana Mussa Fazil ashyiramo igitego cya Kabiri cya Uganda.

Umutoza w'u Rwanda, Ibyimana Chrispin, yahise akora impinduka hakiri kare, ashyiramo Depite Eugene Barikana asimbura Depite Leonard Ndagijimana kugira ngo ajye gushaka ibitego.

Ibi ntibyabujije Uganda kongera gutsinda igitego cya Gatatu cyashyizwemo na Charles Matovu wavanye umupira hagati mu kibuga kugera ku izamu ry'u Rwanda.

U Rwanda rwageze imbere y'izamu inshuro imwe gusa mu gice cya mbere, ubwo Depite Nizeyimana Pio yateraga ishoti rinini ari inyuma y'urubuga rw'amahina ariko umupira uyoboka hanze y’izamu.

Uganda yabonye igitego cya kane na Msereko Muhamad kuri penaliti yakozwe na Depite Nyabyenda Damien wakoze umupira n'intoki mu rubuga rw'amahina. Icya gatanu cyo cyatsinzwe na Mugema Peter Panadol.

Igice cya mbere cyarangiye Abadepite b'u Rwanda batsinzwe n'aba Uganda ibitego 6-0, bajya kuruhuka.

Igice cya kabiri kigitangira, Karim Masaba yashyizemo icya karindwi ku makosa yo guhagarara nabi kuri ba myugariro bo mu Rwanda . Uyu mukinnyi kandi ni we watsinze igitego cya munani n'icya cyenda muri uyu mukino.

Alan Ssebanyana yatsinze igitego cya 10 ku ishoti riremereye yatereye inyuma y'urubuga rw'amahina.

Peter yatsinze icya 11 na 12, nuko umukino urangira ari ibitego 12 bya Uganda ku busa bw’ u Rwanda.

Ubwo Abadepite bo mu Rwanda banyagiwe n’aba Uganda, i Bugesera aho Umunya-Kenya, Kanini Kega, yahize abandi mu gusiganwa ku maguru mu Bagabo. Ku rundi ruhande, Depite Mukabalisa Germaine yegukanye umudali wa zahabu mu gusiganwa metero 400.

Abagize Inteko Ishinga Amategeko babanjemo ku ruhande rw’u Rwanda

Abadepite ba Uganda batsinze abo mu Rwanda ibitego 12 ku busa

Nubwo irushanwa rya Miss Rwanda ryahagaze bitewe n'ibibazo byajemo, hari bamwe mu bakorwa baryitabiriye ndetse n'abagiye begukanamo amakamba bagarutsweho cyane muri uyu mwaka wa 2023.

Bamwe muri abo bakobwa bavuzwe mu buryo bwiza ndetse bashimirwa n'ibyo bakora, abandi bakoresha ibirori biravugwa cyane mu itangazamakuru ndetse no ku mbuga nkoranyambaga, abandi bagira ibyago.

Nubwo bimeze bityo ariko, umunyarwanda yaciye umugani ngo nta byera ngo de! Hari abashimiwe ibyiza, ariko hari n'abagiye banengwa bitewe n'ibikorwa bidahwitse byabaranze muri uyu mwaka, rimwe na rimwe ugasanga biritirirwa irushanwa rya Miss Rwanda.

1.     Miss Mutesi Jolly

Uyu mwaka wabaye umwaka udasanzwe kuri Nyampinga w'u Rwanda wa 2016, Miss Mutesi Jolly. Mu byagiye bigarura izina rye mu itangazamakuru ndetse no ku mbuga nkoranyambaga, harimo ibyamuvuzweho ko yaba atwite bitewe n'amafoto yagiye ashyira hanze nubwo nyuma yaje kubinyomoza, ibijyanye n'urubanza rwa Ishimwe Dieudonnée wamamaye nka Prince Kid ndetse no kujyana mu nkiko umunyakuru Jean Paul Nkundineza, n'ibindi byinshi.

Usibye izo nkuru zose zitumvikanye neza mu matwi y'abazumvise, Mutesi Jolly yagiye ashimirwa kenshi kubera intangarugero abakiri bato, bitewe n'ubutumwa akunze gutanga abinyujije ku mbuga nkoranyambaga ze n'ahandi.

No mu minsi ishize, Miss Rwanda 2016, Mutesi Jolly yegukanye igihembo muri Zikomo Africa Awards, mu cyiciro cya 'Best Zikomo Motivation Speaker' nk'umwe mu bavuga rikumvikana muri Afurika.

2.     Miss Uwicyeza Pamella

Miss Uwicyeza Pamella,yaravuzwe cyane ndetse aracyanavugwa cyane kugeza uyu mwaka urangiye ndetse na nyuma yaho. Uyu mukobwa wakunze kugarukwaho cyane mu bitangazamakuru, ni umugore w'umuhanzi Mugisha Benjamin [The Ben] mu buryo bwemewe n'amategeko.

Ubwiza bwe n'ikimero birangaza benshi, urukundo rwe na The Ben; haba mu mafoto, ibikorwa ndetse n'amagambo, umwihariko w'ubukwe bwabo, biri mu byatumye Miss Pamella avugwa cyane muri uyu mwaka.

Iminsi irabarirwa ku ntoki ngo Thye asabe ndetse anakwe umugore we, Uwicyeza Pamella mu bukwe buzaba tariki 15 Ukuboza 2023.

Nyuma yaho, aba bombi bazasezerana imbere y'Imana tariki 23 Ukuboza 2023 muri Kigali Convention Center. Kimwe mu byatumye ubu bukwe bugarukwaho cyane, harimo urubuga rwashyiriweho abazaba bishyuye kugira ngo babashe gukurikirana ubukwe bwa The Ben na Pamella imbona nkubone.

The Ben uherutse guha umukunzi we imodoka nshya ya Ranger Rover, basezeranye kubana nk'umugabo n'umugore byemewe n'amategeko ku wa 31 Kanama 2022.

Aba bombi basezeranye nyuma y'uko mu Ukwakira 2021, The Ben yambitse impeta Pamella amusaba niba yakwemera kuzamubera umugore maze undi nawe akabyemera atazuyaje. Ni mu gihe inkuru z'urukundo rw'ibi byamamare zatangiye kuvugwa muri 2019.

Uwicyeza Pamella, ni umwe mu bakobwa bari bahatane muri Miss Rwanda mu 2019 akaza kuza mu bakobwa 20 bashakishwagamo Nyampinga w'u Rwanda, ariko ntabashe kwegukana ikamba.

3.     Miss Muheto Divine

Nyampinga w'u Rwanda wa 2022, ucyambaye ikamba kugeza n'uyu munsi, Miss Nshuti Muheto Divine, nawe ari muri ba nyampinga bagarutsweho cyane muri uyu mwaka.

Gusinda mu bukwe, ni imwe mu nkuru yavuzwe kuri Muheto bigatinda. Ubu bukwe bwavugishije benshi ku mbuga nkoranyambaga bitewe n'amasura y'ababwitabiriye, biganjemo abakobwa banyuze muri Miss Rwanda 2022, bwari ubwa Sebihogo Kazeneza Merci wasabwe akanakobwa na Rukundo Nkota Elysée.

Nyuma y'amashusho yasakaye ku mbuga nkoranyambaga agaragaramo Miss Muheto yishimiye ibi birori, batangiye kwitiranya ibyishimo n'ubusinzi, ariko nyirubwite ndetse na bagenzi be bari kumwe muri ubu bukwe bakaza kubinyomoza.

Indi nkuru ibabaje yamuvuzweho, ni iy'impanuka aherutse gukora ikamusigira inkovu si ibyo gusa kandi yanavuzwe cyane mu rubanza rwa Prince Kid.

4.     Miss Iradukunda Elsa

Icyavuzwe umwaka ushize kuri Nyampinga w'u Rwanda wa 2017, Iradukunda Elsa, nicyo n'ubundi cyakomeje kuvugwa no muri uyu mwaka kijyanye n'ubwitange budasanzwe yagaragaje mu rukundo rwe na Ishimwe Dieudonnée [Prince Kid].

Ibirori by'ubukwe bw'aba bombi byari bitegerezanyijwe amatsiko n'abakurikiraniye hafi inkuru y'urukundo rwabo, byatangijwe n'umuhango wo gusezerana kubana akaramata byemewe n'amategeko ku wa 2 Werurwe 2023 mu Murenge wa Rusororo mu karere ka Gasabo.

Byakomereje mu busitani bwa Jalia Hall & Garden i Kabuga ku wa Kane, tariki ya 31 Kanama 2023, ahabereye umuhango wo gusaba no gukwa, naho gusezerana imbere y'Imana bibera mu Intare Conference Arena ku wa 1 Nzeri 2023.

5.     Miss Muyango

Miss muyango Claudine witabiriye irushanwa rya Nyampinga wa 2019, akanegukana ikamba rya Nyampinga uberwa n'amafoto, yinjiye mu itangazamakuru mu ntangiriro z'uyu mwaka, aho yasimbuye uwahoze ari umunyamakuru wa ISIBO TV mu kiganiro cyitwa 'Take Over.'

Muyango kandi yagarutsweho cyane muri uyu mwaka, bitewe n'urukundo rwe n'umukinnyi w'umupira w'amaguru, Kimenyi Yves kuri ubu banafitanye umwana w'umuhungu.

Inkuru yabo, yagarutsweho cyane nyuma y'uko bashyize ahagaragara integuza y'ubukwe bwabo buzaba mu ntangiro z'umwaka utaha wa 2024.

Aba bombi bagiye gukora ubukwe nyuma y'imyaka 5 mu buryohe bw'urukundo, kuko mu Ukuboza 2019 Kimenyi Yves yemeje ko bari bamaze iminsi bakundana.

Tariki ya 28 Gashyantare 2021 nibwo Kimenyi Yves yafashe icyemezo yambika impeta y'urukundo, Uwase Muyango amusaba kuzamubera umugore, maze undi nawe abyemera atazuyaje.

Integuza Miss Muyango na Kimenyi Yves bashyize hanze igaragaza ko ubukwe bwabo buzaba tariki ya 6 Mutarama 2024.

 

Aba bakinnyi ba filime bitabye Imana nyuma yo kwamamara no kugaragaza ubuhanga mu mwuga wo gukina filime zitandukanye, bavugwaho ibigwi byabo,inzibutso basize n'ibindi byinshi.

Dore urutonde rwa bamwe mu bakinnyi ba filime b’igitsina gabo bapfuye mu mwaka wa 2023 nk’uko bitangazwa na Entertainment Weekly

1. Mathew perry

Ku ya 28 Ukwakira, 2023, Matthew Perry umukinnyi wa filime w’umunyamerika yapfiriye iwe  Los Angeles ku imyaka 54, apfa arohamye mu mazi. Uyu mukinnyi wa filime yakinnye n'ibyamamare nka  Jennifer Aniston, Courteney Cox, Lisa Kudrow, Matt LeBlanc, David Schwimmer n’abandi.

Uyu mugabo wapfuye kubera impanuka y'amazi, yamamaye muri filime y'uruhererekane ya 'Friends' asigira benshi agahinda ku bwo gupfa bitunguranye.

2. Keith jeffson

Keith Jefferson, umukinnyi wa filime wakinnye muri filime zakunzwe cyane zirimo Django Unchained, The Burial, Quentin Tarantino  n'izindi, yitabye Imana ku myaka 53 ntihatangazwa icyamuhitanye, gusa byavuzwe ko ashobora kuba yarishwe na Kanseri itaravuzweho.

Uyu mugabo wari inshuti magara Jamie Foxx, yashizemo umwuka kuya 5 Ukwakira 2023.

3. Michael Gambon

Umukinnyi wa filime wakunzwe cyane  Michael Gambon, yapfuye ku ya 28 Nzeri 2023 azize indwara y’umusonga, apfa  ku imyaka 82. Uyu mukinnyi wa filime wakomokaga mu Bwongereza, yamenyekanye muri filime y'uruhererekane yiswe 'Harry Potter' ndetse n'izindi.

4. Tyler Christopher

Tyler Christopher, wamamaye muri filime 'General Hospital' yapfuye azize indwara y'umutima  i San Diego,yitaba Imana ku  imyaka 50, Tariki ya 31 Ukwakira 2023. Uruhare rwe rwa mbere rwagaragaje mu 1996 ubwo yakinaga yitwa  Nikolas Cassadine muri iyi filime.

5. Billy miller

Billy Miller umukinnyi wa filime w'umunyamerika yamenyekanye muri filime zirimo  General Hospital, American Snaper, The Restless Breed n'izindi. Uyu mukinnyi wa filime wapfuye ku myaka 43, yitabye Imana nyuma yo kuvuga ko abangamiwe n'indwara y'agahinda gakabije.

6. Jamie Christopher

Jamie Christopher, umwe mu bayobozi bayoboye filime ya  'Harry Potter'na Marvel Series, yapfuye ku ya 29 Kanama 2023 afite imyaka 52,azize indwara y'umutima. Christopher yagize uruhare rukomeye mu kuzitunganya. Uyu mugabo yari afite umwihariko mu kwandika filime ndetse akanaziyobora.

7. Paul Reubens

Paul Reubens, umukinnyi  wa filime wari umunyarwenya, yapfuye ku ya 30 Nyakanga 2023 afite imyaka 70. Reubens yatangiye umwuga we mu myaka ya za 70 nk'umunyamuryango w'itsinda risetsa rya Los Angeles ryitwa 'Groundlings'. Yamenyekanye muri filime zirimo Pee-wee's Big Adventure, Tom and Jerry Giant Adventure n'izindi.

8. Evan Ellingson

Uyu mukinnyi wa filime wapfuye akiri muto, Evan Ellingson yakinnye muri filime zirimo Fear na General Hospital. Yitabye Imana tariki 5 Ugushyingo 2023  muri Carifonia  ko muri Leta Zunze Ubumwe bwa Amerika  ku myaka 35.

9. Richard Roundtree

Richard Roundtree, umukinnyi wamamaye muri filime, yapfuye azize kanseri ,ku ya 24 Ukwakira 2023 , afite imyaka 81. Roundtree yagize uruhare runini muri filime zirimo 'Shaft'. Hollywood Reporter yatangaje ko uyu mugabo yishwe n’indwara yamufashe mu myanya y'ubuhumekero.

 10. Darren Kent

Darren Kent, umukinnyi wa filime yamamaye muri filime zakunzwe nka 'Game of Thrones'.  yapfuye afite imyaka 36 azize indwara z’uruhu n’amagufa.Yakinnye no  mu zindi filime  zirimo Mirrors, The funeral Heart n'izindi.  Yapfuye tariki ya 11 Kanama 2023 azize indwara yo kumungwa kw’amagufa  ' Oestoporosis'.