Category: Uncategorized

Umuhanzi Fireboy wo muri Nigeria wamamaye mu ndirimbo zitandukanye, yavuze ko umuziki awukora ariko ko adakunda uburyo watumye bamumenya.FireBoy yemeza ko guhora hanze bya hato na hato aganira n'abantu nabyo atajya abikunda.

 

Fireboy w'imyaka 27 y'amavuko, inyenyeri ye yamuritse cyane mu myaka ibiri ishize.Ubusanzwe yitwa Adedamola Oyinlola Adefolan gusa izina  akoresha muri muzika mu njyana ya AfroBeat ni FireBoy DML.Uyu musore yavuze ikintu atajya akundira umuziki no kwamamara.

 

Ubwo yaganiraga na Radio yitwa Cool FM mu kiganiro cy'umunyamakuru Do2Tun,  yatoboye avuga uruhande rubi rw'umuziki atajya yishimira iyo bigeze muri muzika.Yatangiye avuga ko akunda akazi ke gusa yitsa kubyo awangira birimo gukora cyane, gusohoka bya hato na hato no guhura n'abantu benshi.

 

Yagize ati:'Nkunda ibyo nkora gusa ntabwo nkunda uburyo bikorwamo.Nkunda ko akazi kanjye kanjyana ahantu hatandukanye, ariko ibintu byo gutembera ? Oya rwose,ubusanzwe si nkunda no gutembera ngo mpure n'abantu benshi bene aka kageni'.

 

Yagaragaje ko yahiriwe n'urugendo rw'ibitaramo amazemo iminsi muri Australia aho yakoze ibitaramo bitatu.Muri ibi bitaramo  , niho yavuze ko byamugoye kubera ubutembere bwarimo n'abandi bantu benshi atari azi dore ko ngo ubwo yari ageze mu gihugu cye, byamusabye kwicara hamwe agatuza akaruhuka kubera umunaniro n'imvune.

 

Ati:'Rwari urugendo rw'ubusazi, rurerure kandi runini.Ubwo nagarukaga, naribwiye nti, uzi nikindi , nkwiriye kwicara nkafata akaruhuko ko kujya mungendo.Namaze iminsi 2 ntavugana n'abantu , mpitamo kubihagarika'.

The post Umuhanzi ukomeye muri Afurika yavumye umuziki appeared first on The Custom Reports.

Source : https://thecustomreports.com/umuhanzi-ukomeye-muri-afurika-yavumye-umuziki/

Kuri uyu wa kabiri, tariki 12 Ukuboza 2023, Abadepite mu Nteko Ishinga Amategeko y'Ubwongereza batoye itegeko ryemeza amasezerano mashya hagati ya Guverinoma y'icyo gihugu n'uRwanda, arebana no kohereza mu Rwanda abimukira bari mu Bwongereza mu buryo butemewe n'amategeko.

Ni amasezerano impande zombi zashyizeho umukono mu cyumweru gishize, akaba afite ingingo zavuguruwe nyuma y'aho inkiko zifatiye icyemezo cyo kwanga ko amasezerano yari asanzwe ashyirwa mu bikorwa.

 

Amasezerano yaraye anemejwe n'Abadepite b'Ubwongereza, avuga ko

mu gihe abimukira bazaba bari mu Rwanda, dosiye zabo zisaba ubuhungiro mu Bwongereza zizakomeza gusuzumwa. Umwimukira uzangirwa kujya gutura mu Bwongereza, akazaba ashobora kujuririra urukiko ruyobowe n'abaperezida 2, Umunyarwanda n'Umwongereza, kandi urubanza rukaburanishwa n'abacamanza b'Abanyarwanda cyangwa abanyamahanga, ariko bakomoka mu bihugu bigize Umuryango wa Commonwealth.

Harimo kandi ingingo ibuza uRwanda kohereza abo bimukira mu kindi gihugu kitari Ubwongereza.

Kuba aba Badepite batoye itegeko ryemeza amasezerano mashya arebana n'abimukira, ni intsinzi ikomeye kuri Guverinoma iyobowe na Minisitiri w'Intebe w'Ubwongereza, Rishi Sunak, warahiriye gukemura ikibazo cy'abantu babarirwa mu bihumbi buri mwaka, binjira rwihishwa mu Bwongereza, abandi amagana bagapfa bataranagerayo, kubera ingorane zishyira ubuzima bwabo mu kaga bahurira na zo mu nzira. Twibutsa ko Inteko Ishinga Amategeko ari rwo rwego rwa politiki rusumbya izindi ijambo mu Bwongereza.

Gukumira abimukira bajya mu Bwongereza binyuranye n'amategeko byarwanyijwe n'amatsinda y'abumva bizabakura amata mu kanwa, barimo abo babanyuza mu nzira z'inzitane ngo babajyanye' ku butaka butagatifu', amashyirahamwe abashakira amacumbi, ibiribwa, imiti, imyambaro, n'utundi nkenerwa ngo basunike iminsi, abanyamategeko bababuranira ngo bahabwe ubuhungiro, n'abandi biyota 'impirimbanyi z'uburenganzira bwa muntu', kandi ari abanyamitwe barira kuri abo ba nyakugorwa.

Hari kandi na ba' ndayumujinya' bahagurukiye kwangiza isura y'uRwanda, bemeza ko nta mutekano rufite, ndetse ngo rukaba rutubahiriza uburenganzira bw'impunzi. Ni kwa kubura icyo utuka inka, uti dore icyo gicebe cyayo!

Abo bacuruzaba ibinyoma ku Rwanda, barimo n'Ishami rya Loni rishinzwe Impunzi, HCR, birengagiza ubuhamya bw'abimukira ibihumbi bamaze igihe mu Rwanda, ubwabo bakaba bivugira ko uRwanda rwabakiranye ubumuntu batigeze babona ahandi.

Muri abo badasiba kuza mu Rwanda, twavuga abakomoka mu bihugu binyuranye bavanywe mu bucakara muri Libiya, aho bageze bagerageza kujya mu bihugu by'Uburayi, ndetse n'abana b'abakobwa bakomoka muri Afghanistan bahunze itotezwa iwabo, bakaza gukomereza ubuzima n'amashuri mu Rwanda. Abo bose bishimiye ubuzima barimo mu Rwanda, nk'uko n'ibitangazamakuru mpuzamahanga, nka BBC y'Abongereza, bidasiba kubitangaza.

Igitangaje ariko, ni uko nk'iyo HCR yanagize uruhare mu kuzana abo bantu mu Rwanda, ndetse ikanasohora ibyegeranyo bishima uburyo bitaweho mu Rwanda, iyo bigeze ku bimukira bazava mu Bwongereza ihindura imvugo. Izi ndimi nyinshi ku kibazo kimwe, ni ubunyamwuga buke, n'ubunyangamugayo hafi ya ntabwo.

The post Ba rusaruriramunduru barira ku bimukira bari mu Bwongereza, amaherezo barasubiza amerwe mu isaho! appeared first on RUSHYASHYA.

Source : https://rushyashya.net/ba-rusaruriramunduru-barira-ku-bimukira-bari-mu-bwongereza-amaherezo-barasubiza-amerwe-mu-isaho/?utm_source=rss&utm_medium=rss&utm_campaign=ba-rusaruriramunduru-barira-ku-bimukira-bari-mu-bwongereza-amaherezo-barasubiza-amerwe-mu-isaho

Umutoza wa Kiyovu Sports, Joslin Sharif Bipfubusa, avuga ko amaze igihe atazi aho rutahizamu Mugunga Yves w’iyi kipe ari kuko amaze igihe atanakora imyitozo.

Mugunga Yves winjiye muri Kiyovu Sports muri uyu mwaka w’imikino avuye muri APR FC, aheruka gukinira Kiyovu Sports tariki ya 6 Ukuboza 2023 mu mukino iyi kipe yatsinzwemo na Mukura VS 4-1.

Nyuma y’uyu mukino ntabwo uwa Etincelles ndetse n’uwa Rayon Sports baraye banganyijemo 1-1 yawugaragayemo ndetse n’imyitozo akaba atayikora.

Umutoza Bipfubusa Joslin ubwo yari abajijwe ku kibazo cy’uyu mukinnyi, yavuze ko atakwinjira mu buzima bwite bw’umukinnyi ariko na none amaze igihe yaramubuze.

Ati “Njyewe ubuzima bwite bw’abakinnyi ntabwo ninjiramo cyane, sinzi impamvu ataza, ibyo ntabyo najya kumubaza. Oya nta myitozo akora.”

Amakuru avuga ko uyu rutahizamu yahawe na Kiyovu Sports sheki itazigamiye na we biramubabaza cyane.

Uyu mukinnyi yari yanze gukina umukino wa APR FC wabaye tariki ya 2 Ukuboza 2023 kubera ideni bamufitiye ririmo umushahara ndetse na miliyoni y’amafaranga y’u Rwanda yari yasigaye ku yo yaguzwe.

Yababwiye ko byibuze nabona miliyoni y’amafaranga y’u Rwanda yemera akajya mu kibuga ibindi bikazaza nyuma, bamubwiye ko yaza agakina ubundi akayahabwa nyuma y’umukino cyane ko yari yizeye kubona amafaranga kuko ari yo yari yishyuje.

Bemeye kumusinyira Sheki ya miliyoni ajya mu kibuga ayifite, nyuma y’umukino agiye kubikuza asanga ntizigamiye. Yarihanganye iminsi 3 ari nabwo yajyaga gukina umukino wa Mukura VS i Huye, nyuma yo gusanga nta mpinduka yahisemo guhita ahagarika ibikorwa byose by’ikipe birimo no gukora imyitozo.

Umutoza Bipfubusa avuga ko atazi aho Mugunga Yves ari

Mugunga Yves amaze igihe yarahagaritse imyitozo

Source : http://isimbi.rw/siporo/article/umutoza-wa-kiyovu-sports-ararangisha-rutahizamu-we-mugunga-yves

Uyu mukobwa yatangaje ibi, ubwo yari ageze ku kibuga cy'indege Mpuzamahanga cya Kigali, kuri uyu wa Kabiri tariki 12 Ukuboza 2023.

Yari amaze imyaka ibiri abarizwa mu gihugu cya Poland aho abana na Mukuru we, Miss Uwase Tina.  Yaje mu Rwanda muri gahunda zirimo gusura umuryango we, kubonana n'inshuti no kurangiza umwaka wa 2023 ari kumwe n'umuryango we.

Muri Gicurasi 2022, nibwo uyu mukobwa yahawe inshigano zo guserukira u Rwanda muri Miss Supranational International n'ikigo Supra Family gisanzwe gitegura aya marushanwa mu Rwanda.

Hashize ukwezi kumwe, yatangaje ko atagihagarariye u Rwanda muri Miss Supranational yasojwe tariki 15 Nyakanga 2023.

Mu kiganiro na InyaRwanda, Umulisa yavuze ko byari iby'agaciro gakomeye kuri we guhabwa inshingano zo guserukira u Rwanda, kandi ni inshingano yahawe ari muri Poland.

Uyu mukobwa yavuze ati 'Byambereye ibintu by'agaciro! Byambereye inshingano nini cyane, numvaga ari ibintu bikomeye, ariko ubu bimeze neza. Turimo tuzaramura ibendera neza cyane.'

Umulisa Charlotte yavuze ko yahawe inshingano mu gihe amarushanwa y'ubwiza mu Rwanda atari yemewe kuba, ndetse nta n'umukobwa wemerewe guserukira Igihugu.

Ni umwanzuro wafashwe nyuma y'ibyaha Ishimwe Dieudonne [Prince Kid] wahoze ategura aya marushanwa yakurikiranyweho bijyanye n'ihohotera rishingiye ku gitsina- Urukiko ruherutse kumutakatira gufungwa imyaka itanu.

Umulisa yavuze ko ubwe ariwe wafashe icyemezo cyo kwikura mu irushanwa, kuko ntiyari guhagararira u Rwanda mu gihe amarushanwa y'ubwiza atemewe.

Yavuze atari kubona abantu bamushyigikira. Ati 'Nta mukobwa n'umwe wari wemerewe kujya mu marushanwa y'ubwiza, ndetse no guhagararira Igihugu muri rusange. Iyo yabaye impamvu nyamukuru yo gukura kandidatire yanjye mu irushanwa.'

Akomeza ati 'Kuko ntabwo nari kujya guhagararira u Rwanda nta mfite umuntu n'umwe unshyigikiye. Nta mfite idarapo ry'igihugu ni uko ng'uko byagenze.'

Umulisa yavuze ko guhagarika amarushanwa y'ubwiza byamugizeho ingaruka zikomeye, kuko yari amaze igihe kinini yitegura guhatana muri Miss Supranational International.

Kuri we, avuga ko guhagarika ibikorwa bya Miss Rwanda ari igikombo gikomeye ku bakobwa, ariko kandi afite icyizere cy'uko iri rushanwa rizongera kubaho.

Umulisa yari mu bakobwa 200 babashije kuvamo 18 bageze mu cyiciro cya nyuma cya Miss Supranational International 2022, ariko yikuyemo ku munota wa nyuma.

Uyu mukobwa asanzwe ari umunyeshuri muri Kaminuza ya WSG mu ishami ry'Ubukerarugendo Mpuzamahanga n'amahoteli [International Tourism and Hospitality Management]. Ndetse asanzwe ari umunyamakuru kuri TV Bet. 

Ku kibuga cy’indege, Umulisa yakiriwe n’abo mu muryango barimo Mukuru, Miss Tina 

Umulisa yavuze ko yikuye muri Miss Supranational kubera ko yabonaga atazabona ibyibanze bizamufasha guserukira Igihugu

Umulisa yari amaze imyaka ibiri abarizwa muri Poland 

Umulisa ari mu bakobwa 10 bavuyemo uwambitswe ikamba rya Miss Warszaway

TWAGANIRIYE NA UMULISA CHARLOTTE NYUMA Y’UKO ATABASHIJE KWITABIRA MISS SUPRANATIONAL

“>

Kanda hano urebe amafoto menshi ubwo Umulisa Charlotte yageraga ku kibuga cy’indege

AMAFOTO: Dox Visual-InyaRwanda.com

Source : https://inyarwanda.com/inkuru/137532/umulisa-charlotte-yavuze-impamvu-yikuye-muri-miss-supranational-amafotovideo-137532.html

Uburiri bwari bwatose! Umukobwa w'imyaka 28 yaryamanye n'umusore w'imyaka 30 bakoranaga, arangije ajya kubwira RIB ko yafashwe kungufu

Umusore wakoraga muri hoteli imwe yo mu karere ka Nyanza yatawe muri yombi na RIB ashinjwa gufata kungufu umukobwa bakoranaga.

Amakuru avuga ko uyu musore uri mu kigero k'imyaka 30 hamwe n'uyu mukobwa uri mu kigero k'imyaka 28, banyweye inzoga nyinshi bagasinda, bakageza saa cyenda z'ijoro bakiri kunywa.

Ubwo aba bombi bari basinze, umukobwa yagiye mu cyumba araramo, n'umusore aramukurikira, nibwo ibyo byabaye.

Mu gitondo umusore yabyutse ataha mu mu nzu yararagamo iri hanze ya hoteli. Ubwo ni nabwo umukozi ukora amasuku yageraga ku cyumba kiraramo wa mukobwa.

Uyu mukozi yasabye uwo mukobwa gufungura ngo akore amasuku ariko umukobwa arabyanga, nibwo yahise yifungurira ageze mo imbere asanga umukobwa yasinze, uburiri butose, ndetse umukobwa afite amaraso ku mubiri we.

Ababyeyi b'uyu mukobwa ubwo bamenyaga uko byagenze baje kumuhata ibibazo bamubaza uko byagenze, kuko yabuze uko abibasobanurira, ababwira ko yafashwe kungufu n'uwo musore.

Uyu mukobwa yanabwiye RIB ko yafashwe kungufu, ubu umusore yatawe muri yombi, ndetse n'umukobwa yasezerewe ku kazi nkuko byatangajwe n'umukoresha wabo.

Source : https://yegob.rw/uburiri-bwari-bwatose-umukobwa-wimyaka-28-yaryamanye-numusore-wimyaka-30-bakoranaga-arangije-ajya-kubwira-rib-ko-yafashwe-kungufu/

Rayon Sports yakiriye Kiyovu Sports mu mukino w'umunsi wa 15 wa shampiyona, usoza imikino ibanza.

Ku munota wa 17 w'igice cya mbere ikipe ya Kiyovu sport nibwo yabonye igitego bajya kuruhuka Ari kimwe kubusa.

Mu gice cya kabu ku munota wa 88″ Igitego cya Rayon Sports gitsinzwe na Ngendahimana Eric ku mupira uturutse muri koroneri azamuka n'umutwe asumba abandi aterekaho umutwe, umupira uruhukira mu izamu.

Umukino urangiye Ari igitego kimwe kuri kimwe hagati ya Kiyovu sport na Rayon Sport kuri Kigali Pele Stadium.

Source : https://yegob.rw/kiyovu-sport-ikomeje-kugira-rayon-sport-umugore-wayo-muri-shampiyona/

Umuhanzi Bruce Melodie ni umwe mu bahanzi bakomeye u Rwanda rufite.Uyu muhanzi yatangaje ko yakunze umuziki kuva kera akaza no kuba umwe mu bakora indirimbo 'Producer', ari naho yavuze ko yakuye izina Melodie.

 

Melodie yagiranye ikiganiro na BBC IShami ryayo ry'Igiswahili, aba ariho atangariza impamvu yatumye ashaka umugore akiri muto ndetse n'inkomoko y'izina rye.Bruce Melodie  yahishuye ko yahisemo gushaka umugore umwe kubera ko atari bubashe kwihanganira abakobwa ahura nabo.

 

Muri iki kiganiro Bruce Melodie yagize ati:'Amazina yanjye ni Bruce Melodie, Bruce ni iryanjye ariko naje guhindura nshyiraho Melodie, kubera ko ubwo nari 'Producer' nakundaga gukorana n'amakorali akaba arinjye utanga 'Ijwi'[Melodie].Ubwo ninjiraga mu buhanzi rero nibwo nahisemo kongeraho izina Melodie'.

 

Yahishuye ko yatangiye umuziki afite imyaka 19 y'amavuko, agaragaza ko amaze muri muzika imyaka irenga 14.

Agaruka k'umugore we yagize ati:'Nashakanye n'umugore wanjye mfite imyaka 21 y'amavuko , kubera ko nabonaga ntashobora kwiyemeza guhangana n'abakobwa beza bari hanze aha.Rero nahisemo kuba umugabo w'umugore umwe.Nkunda kumarana igihe n'abana banjye kuko ndabakunda kandi urabona ko nishyizeho Tattoo yabo'.

 

Bruce Melodie , yahishuye ko ajya gukorana indirimbo na Shaggy yari azi neza ko azakorana ibiganiro bikomeye na Radio Mpuzamahanga ndetse na Televiziyo by'umwihariko igihe yajyaga hanze , gusa agira ubwo bw'Icyongereza cye yabonaga kiri hasi cyane.

 

Urugendo rwa Bruce Melodie rwatumye yamamara , ruba isomo rikomeye kubandi bahanzi Nyarwanda.Kuri ubu uyu muhanzi ari muri Amerika aho yagiye gukomeza ibitaramo bya iHeartMedia.

The post Bruce Melodie yavuze impamvu yashatse umugore mbere y'Igihe appeared first on The Custom Reports.

Source : https://thecustomreports.com/bruce-melodie-yavuze-impamvu-yashatse-umugore-mbere-yigihe/

Kujya mu mihango ni kimwe mu bintu biba ku mukobwa wese ndetse bikaba ari ikimenyetso kikwereka ko uwo mukobwa afite ubuzima bwiza.

 

Umukobwa aramutse atagiye mu mihango icyo gihe yihutira kwa muganga akareba ikibazo afite.

Umukobwa uri mu mihango Kandi ahura na bimwe mu bintu bimubangamira harimo kuribwa mu nda, kuribwa umutwe, kugura isereri, kugira iseseme rimwe narimwe, ndetse no kurwara mu nda bya hato nahato.

 

Ese umukobwa uri mu mihango akwiye kwitwara ate!? Muri iyi nyandiko twifashishije inyandiko zitandukanye mukubategurira amakuru yizewe.

 

Dore ibiribwa umukobwa uri mu mihango akwiye kurya;

1.Amazi

Icyambere ni amazi, amazi ni ingenzi mu mubiri w'umuntu cyane mu mubiri w'umukobwa uri mu mihango. kuko ayo mazi ashobora gituma uwo mukobwa ataribwa umutwe cyane.

 

2.Imbuto

Umukobwa uri mu mihango Kandi akwiye kurya imbuto cyane ukarya cocombure, na watermelon. Nabyo bishobora kugufasha wowe uri mu mihango.

 

3.Imbogarwatsi

Ni ngombwa ko Kandi umukobwa uri mu mihango yihata imboga rwatsi kuko ngo mu gihe imihango iza imurya bishobora kugabanya ubwo buribwe ahura nabwo iyo imihango iri kuza.

4.Tangawizi

Umukobwa uri mu mihango Kandi akwiye kurya tangawizi nyinshi kuko imufashs kutaribwa cyane umutwe ndetse ikamurinda isereri n'iseseme.

5.Inkoko

Kurya inkoko nabyo ni byiza ku buzima bwawe ndetse cyane ku mukobwa wese uri mu mihango kuko inkoko yifitemo Vitamin zifasha umubiri we gukomeza kumera neza.

6.IfI

Kurya ifi Kandi ku mukobwa uri mu mihango nabyo ni ingenzi ku buzima bwe.

7.Chocolate

Kurya chocolate ariko chocolate y'umukara ku mukobwa uri mu mihango nabyo ni byiza kuko ngo izo chocolate zikungahaye kuri Iron ndetse na magnesium, bikaba ari ingenzi ku buzima bw'umukobwa uri mu mihango.

8.Ubunyobwa

Ikindi umukobwa uri mu mihango ni ngombwa ko arya ubunyobwa bwinshi kuko nabwo bugira vitamin nyinshi zimufasha.

9.Yogurt

Kunywa yogurt nabyo Kandi ni ingenzi ku buzima bw'umukobwa uri mu mihango kuko ituma umukobwa atarwara ama infection mu myanya y'ibanga ye.

Ibiribwa umukobwa uri mu mihango akwiye kurwanya ni ibihe; Umunyu mwinshi, Isukari nyinshi, Ikawa, Inzoga, Itabi,..

Source: Healthline

The post Igitsina gore ! Dore ibiribwa ukwiye kurya mu gihe uri mu mihango appeared first on The Custom Reports.

Source : https://thecustomreports.com/igitsina-gore-dore-ibiribwa-ukwiye-kurya-mu-gihe-uri-mu-mihango/

Kigali: Umugore witwa Mutoni yikinze ku ruhande akora imvange y'amazirantoki n'inkari arangije abyuhagira imuntu i bisigaye abikoresha ibyatunguye bamwe mu bari aho

Ibi byabereye mu karere ka Gasabo mu Murenge wa Kinyinya aho umugore witwa mutoni yaje kwinjira muri Boutique akaka Energy iyi isanzwe yo kunywa ni uko maze agenda atayishyuye ariko avuga ko nagaruka ari buyishyure bidatinze.

Gusa mu kanya gato uwo mugore witwa mutoni yagarutse muri iyo boutique yasizoye ngo bamwibye ibihumbi 40k.

Nibwo yatangiye kwisaza amenagura ibintu n'ibirahuri by'inzugi zuwo mucuruzi , gusa nkaho bidahagije uwo mugore yikinze ku ruhande azana inkari zivanze n'amabyi ubundi abisiga ku nzugi zuwo mucuruzi yari yituniyeho ibisigaye abimena ku baturage bari bari aho nkuko BTN TV dukesha iyi nkuru yakomeje ibitangaza.

Uyu mugore bivugwa ko gushaka kwambura abantu amafaranga muri ubu buryo asanzwe abakora dore ko no mutundi duce yanagamo yabikoze , uyu mugore yahise atabwa muri yombi ku mugoroba wo ku wa mbere 11 ukubuza 2023 .

Source : https://yegob.rw/kigali-umugore-witwa-mutoni-yikinze-ku-ruhande-akora-imvange-yamazirantoki-ninkari-arangije-abyuhagira-imuntu-i-bisigaye-abikoresha-ibyatunguye-bamwe-mu-bari-aho/

Umuhanzi Bruce Melodie ni umwe mu bahanzi bakomeye u Rwanda rufite.Uyu muhanzi yatangaje ko yakunze umuziki kuva kera akaza no kuba umwe mu bakora indirimbo 'Producer', ari naho yavuze ko yakuye izina Melodie.

 

Melodie yagiranye ikiganiro na BBC IShami ryayo ry'Igiswahili, aba ariho atangariza impamvu yatumye ashaka umugore akiri muto ndetse n'inkomoko y'izina rye.Bruce Melodie  yahishuye ko yahisemo gushaka umugore umwe kubera ko atari bubashe kwihanganira abakobwa ahura nabo.

 

Muri iki kiganiro Bruce Melodie yagize ati:'Amazina yanjye ni Bruce Melodie, Bruce ni iryanjye ariko naje guhindura nshyiraho Melodie, kubera ko ubwo nari 'Producer' nakundaga gukorana n'amakorali akaba arinjye utanga 'Ijwi'[Melodie].Ubwo ninjiraga mu buhanzi rero nibwo nahisemo kongeraho izina Melodie'.

 

Yahishuye ko yatangiye umuziki afite imyaka 19 y'amavuko, agaragaza ko amaze muri muzika imyaka irenga 14.

Agaruka k'umugore we yagize ati:'Nashakanye n'umugore wanjye mfite imyaka 21 y'amavuko , kubera ko nabonaga ntashobora kwiyemeza guhangana n'abakobwa beza bari hanze aha.Rero nahisemo kuba umugabo w'umugore umwe.Nkunda kumarana igihe n'abana banjye kuko ndabakunda kandi urabona ko nishyizeho Tattoo yabo'.

 

Bruce Melodie , yahishuye ko ajya gukorana indirimbo na Shaggy yari azi neza ko azakorana ibiganiro bikomeye na Radio Mpuzamahanga ndetse na Televiziyo by'umwihariko igihe yajyaga hanze , gusa agira ubwo bw'Icyongereza cye yabonaga kiri hasi cyane.

 

Urugendo rwa Bruce Melodie rwatumye yamamara , ruba isomo rikomeye kubandi bahanzi Nyarwanda.Kuri ubu uyu muhanzi ari muri Amerika aho yagiye gukomeza ibitaramo bya iHeartMedia.

The post 'Nabonaga ntazashobora kureba abakobwa beza bari hanze aha' ! Bruce Melodie yavuze impamvu yashatse umugore mbere y'Igihe appeared first on The Custom Reports.

Source : https://thecustomreports.com/nabonaga-ntazashobora-kureba-abakobwa-beza-bari-hanze-aha-bruce-melodie-yavuze-impamvu-yashatse-umugore-mbere-yigihe/