Category: Uncategorized

Umuhanzikazi Adele utarakoze ibitaramo byinshi muri uyu mwaka uri kugana ku musozo, yaciye agahigo ko kuza ku mwanya wa mbere ku rutonde rw’abahanzi bagurishije amatike ahenze y’ibitaramo mu 2023.

Adele niwe waje ku mwanya wa mbere mubahanzi bagurishije amatike ahenze y’ibitaramo mu 2023

Mu bitaramo bicye Adele yakoze byari byihagazeho kuburyo byitabiriwe n’abagwiza faranga bitewe n’uk kubyinjiramo byari bihenze. Nko mu gitaramo yakoreye muri  Caesar’s Palace i Las Vegas, itike yo kwinjira ihenze yari $1,011 (Aya mu munyarwanda arenga miliyoni 1 n’ibihumbi 200).

Ibitaramo bya Taylor Swift  mu 2023 nabyo byarakoshaga

Taylor Swift wakoze ibitaramo bizenguruka Isi yise ‘Eras Tour’ kuva muri Werurwe kugeza muri Kanama, niwe waje ku mwanya wa kabiri. Itike yo kwinjira muri ibi bitaramo bye ihenze yaguraga $958.

Beyonce nawe yaje ku mwanya wa gatatu mu bahanzi 10 bagurishije amatike ahenze y’ibitaramo mu 2023

Beyonce nawe wahiriwe no gukora ibitaramo bizenguruka Isi yise ‘Renaissance World Tour’, nawe yaje ku mwanya wa 3 mu bahanzi 10 bagurishije amatike ahenze y’ibitaramo mu 2023. Itike ihenze mu bitaramo bya Beyonce yari $702 mu bihugu by’iburayi mu gihe muri Amerika yahageze akayagabanya akayageza kuri $502.

Drake na Usher nabo baje mu bahanzi 5 ba mbere bagurishije amatike ahenze y’ibitaramo mu 2023

Ku mwanya wa kane hari umuraperi w’icyamamare Drake ukomoka muri Canada. Mu 2023 Drake yakozemo ibitaramo bizenguruka imwe mu mijyi yo muri Amerika aho itike ihenze yaguraga $473. Ku mwanya wa gatanu hari umuhanzi akaba n’umubyinnyi kabuhariwe Usher wagurishije itike ihenze mu bitaramo bye yaguraga $406.

The New York Times yatangaje ko Adele, Taylor Swift, Beyonce, Drake na Usher aribo bahanzi batanu bari ku isonga bagurishije amatike ahenze mu 2023. Mu gihe abandi batanu barimo Bruno Mars, Harry Styles, Morgan Wallen, Suga na Garth Brooks, amatike y’ibitaramo byabo yari hagati ya $391 kugeza kuri $288.

Ubwo Muhadjiri yaganiraga na InyaRwanda Tv yagarutse ku mpamvu abakinnyi b’abanyarwanda guhirwa na shampiyona zo hanze bigoye. Yabivuze bivuye ku kibazo cy’uko ashaka gusubira hanze gukinayo ariko abanyarwanda bakaba bibaza impamvu abakinnyi babo bagerayo bikanga.

Muhadjiri yatangiye agira ati: “Ntufite abavandimwe baba hanze? Uzababaze mu rugo ni mu rugo, mu Rwanda ni heza. Ni uko buba nta bundi buryo buba buhari umuntu aba agomba kujya guhaha ariko nta hantu haruta iwanyu. Ubuzima bwo hanze buragoye cyane. 

Gukina hanze ibintu baba bagushakaho, hari igihe usanga utanabifite, igihe cyose ugahora uri ku gitutu. Amakipe yo hanze azana umunyamahanga ugomba gutanga umusaruro ureke hano ikipe ishobora kuzana umunyamahanga akamara n’umwaka adakina. 

Hariya ho ibeshye umare imikino 5 utabona igitego urahita utaha bashyiremo umwana wabo. Ntabwo tuba dukunze kugaruka mu Rwanda kuko natwe tuba dukeneye guhaha, ariko hari igihe usanga bigoye.'

Hakizimana Muhadjiri mu makipe yo hanze yakiniye harimo ikipe ya Al-Kholood Club yo muri Saudi Arabia na Emirates Club yo muri United Arab Emirates

Ni ubwa mbere bateguye igitaramo cyangwa se ibirori byabo. Ni nyuma y'umwaka ushize bahuje imbaraga mu rugendo rugamije kumenyekanisha ibikorwa byabo, birimo na filime mbarankuru izagaruka ku rugendo rw'ubuzima bwabo.

Kigali Boss Babes yagarutsweho cyane mu itangazamakuru, buri wese yibaza ku mikorere yabo, ariko bagaragaye cyane mu bitaramo n'ibirori batumiwe.

Umuherwekazi w'umunya- Uganda, ariko ubarizwa muri Afurika y'Epfo, Zari yari aherutse gutangaza ko tariki 29 Ukuboza 2023 azataramira muri Kigali.

Iyi tariki yayihuje n'abo muri Kigali Boss Babes, kuko nabo kuri uyu wa Kabiri tariki 20 Ukuboza 2023, ari bwo batangaje ko habura iminsi 9 icyenda kugira ngo bahuze abakunzi babo mu birori.

Intego z'ibi bitaramo/ibirori byombi ni zimwe

Ni ubwa mbere, Kigali Boss Babes bagiye gukora ibirori byabo bwite, ndetse bagaragaza ko bigamije gufasha abakunzi babo kuzishimira iminsi Mikuru isoza umwaka wa 2023.

Na Zari agaragaza ko ashaka kurangiza umwaka ari mu Rwanda, mu birori bigamije kwifatanya n'abakunzi be b'i Kigali.

Umuyobozi wa The Wave Lounge, Owere Godfrey aherutse kubwira InyaRwanda ko batumiye Zari nk'umwe mu banyamideli bazwi bifuza ko azabafasha kurangiza neza umwaka wa 2023.

Yavuze ati 'Zari azaba ahari, twaramutumiye ari nayo mpamvu ubona twamaze kubitangaza.'

Aho bizabera haratandukanye

Kigali Boss Babes ivuga ko iki gitaramo cyabo bise 'The KBB All Black Party' kizabera mu busitani bwa Century Park i Nyarutarama mu Mujyi wa Kigali. Ni hamwe mu hantu hazwi hakunze gusohokera ibyamamare mu mpera z'icyumweru.

Ni mu gihe Zari we avuga ko iki gitaramo cye 'Zari The Boss Lady All White Party' kizabera mu kabari ka The Wave Lounge gaherereye i Remera mu Mujyi wa Kigali. Si ubwa mbere Zari azaba ageze i Kigali, ahaheruka ari kumwe na Diamond bakanyujijeho mu rukundo.

Abazitabira ibi birori bazaba bambaye ibintu bitandukanye

Zari asanzwe akora ibirori bikomeye muri Uganda, byibanda ku guhuza cyane abantu baba bambaye imyambaro ihuje ibara ry'umweru 'Zari all white Party'.

Ni ibirori birangwa n'umusangiro, kumva umuziki ucurangwa na ba Dj banyuranye, gufata amafoto, amashusho n'ibindi bisiga urwibutso.

Nk'ibyo aherutse gukorera muri Uganda, byamuhuje na Tanasha Dona basangiye umugabo, byabaye ku wa 16 Ukuboza 2023.

Kigali Boss Babes yo ivuga ko ibirori byabo bizitabirwa n'abantu bambaye imyambaro y'ibara ry'umukara gusa! N'ifoto basohoye yamamaze ibi birori ibagaragaza mu ibara ry'umukara gusa!

Ibiciro byo kwinjira birakosha

Ni ubwa mbere Kigali Boss Babes igiye gukora ibi birori, yavuze ko bizatangira guhera saa tatu z'ijoro, kandi kwinjira mu myanya isanzwe (Earl Birds) ni 30,000 Frw ni mu gihe uzagura itike ku munsi w'ibi birori ari ukwishyura 50,000 Frw.

Bavuze ko ku meza ya 'Premium' ari ukwishyura Miliyoni 5 Frw, ku meza azwi nka 'Diamond' ni ukwishyura Miliyoni 3 Frw, ku meza ya 'Gold' ni ukwishyura Miliyoni 2 Frw n'aho ku meza ya 'Sliver' ni ukwishyura Miliyoni 1 Frw

Kwinjira mu birori bya Zari ni ukwishyura 25,000 Frw igihe uguze itike yawe hakiri kare na 35,000 Frw ku munsi w'igitaramo.

Ni mu gihe ku meza y'abantu bane ari ukwishyura ibihumbi 600 Frw ndetse na Miliyoni 1.5 Frw ku meza y'abantu umunani harimo n'icyo kunywa.

Ku mpapuro zamamaza iki gitaramo, bagaragaza ko ari byiza ko uzitabira agomba kuzaba yambaye imyenda y'ibara ry'umweru.

Zari ntiyasibye mu itangazamakuru ryo muri Tanzania, ahanini biturutse ku bagabo bagiye bacudika. Nko mu 2011 yarushinze na Ivan Semwanga batandukanye mu 2013, nyuma yo kubyarana abana batatu.

 

Nyuma y'aho yakundanye mu gihe cy'imyaka ine na Diamond Platnumz baje gutandukana tariki 14 Gashyantare 2018, nyuma y'uko babyaranye abana babiri

Bose ni abagore/abakobwa b'ikimero:

Uraranganyijwe amaso ku mafoto anyuranye yagiye asohoka ya buri umwe ugize itsinda rya Kigali Boss Babes ubona ko ari abagore/abakobwa b'ikimero. Kandi bagaragara mu buzima bw'abanyamafaranga koko!

Mu kiganiro na Kiss Fm, Queen La Douce yigeze kuvuga ko basanzwe ari inshuti z'igihe kirekire, ku buryo ubwo mu minsi ishize basohokeraga hamwe mu hantu muri Kigali, bifata amashusho na telefoni zabo baganira, basangira ari bwo bagize igitekerezo cyo gushinga iri huriro.

Yavuze ko bakimara kwiyemeza gushinga ihuriro bahise bafungura konti ya Instagram. Camilla Yvette uri kubarizwa mu muhanga niwe wazanye izina rya 'Kigali Boss Babe' baryemeranyaho bose, hanyuma babona kubitangaza.

Uyu mugore yunganirwa na Isimbi Alliance uvuga ko 'turi inshuti z'igihe kirekire'. Isimbi yavuze ko 'Dukorana Business twiyemeza kugira icyo twakorana cyadufasha natwe kikatugurira akamaro'.

Kigali Boss Babes' yashinzwe muri Mata 2023 isanzwe ibarizwamo: Gashema Sylvie, Queen Douce, Christella, Camille Yvette, Ishimwe Alice [Alice La Boss] na Alliah Cool.

Cyo kimwe na Zari, nawe ni umugore w'ikimero wagiye avugwa mu rukundo n'abagabo b'abanyamafaranga gusa! Ubwiza bwagiye butuma avugwa cyane ku mbuga nkoranyambaga.

Muri iki gihe yagarutsweho mu itangazamakuru, nyuma y'uko arushize n'umusore Shakib Lutaaya w'imyaka 31 y'amavuko. Aba bombi bakoze ubukwe nyuma y'uko bahuriye mu Mujyi wa Pretoria mu 2022.

Uyu mugore kandi aherutse kwakira mu rugo rwe muri Afurika y'Epfo, Diamond babyaranye ndetse n'umuhanzikazi Zuchu bivugwa ko bacuditse.

Kigali Boss Babes bagaragaje ibiciro byo kwinjiza muri ibi birori by'abo bateguye, harimo imeza ya Miliyoni 5 Frw

Zari yatangaje ko ibirori bye azakorera i Kigali n'abakunzi be bizasiga urwibutso ruhambaye 

Zari aherutse gutangaza ko yiteguye gukorera i Kigali ibirori bizaba tariki 29 Ukuboza 2023 

Ni ubwa mbere, Kigali Boss Babes bagiye gukora ibirori byabo nyuma yo kwihuza muri Mata 2023

APR FC ni imwe mu makipe agura abakinnyi benshi kandi beza ariko na none abatanga umusaruro ni mbarwa, ndetse n’iyo bavuye muri iyi kipe usanga kwiyakira binanirana ku buryo kongera gutanga umusaruro bigorana.

Muri iyi nkuru turaza kurebera hamwe niba iyi kipe y’Ingabo z’Igihugu yaba igura abakinnyi ikeneye cyangwa se niba ishukwa no gushashagirana kw’igihe gito cy’amakipe barimo, gusa turananyuza amaso ku bakinnyi b’abanyarwanda baba bazi icyo bakeneye cyangwa niba ari amafaranga y’igihe gito.

Uwavuga ko abakinnyi Nyarwanda nta bajyanama bagira cyangwa se baba batabumvira, ntiyaba abenshye kuko hari igihe umukinnyi asinyira ikipe ukibaza niba yagiriwe inama cyangwa yarebye amafaranga ya ko kanya atitaye ku zindi ngaruka.

APR FC nk’ikipe yamaze imyaka 10 ikinisha abakinnyi b’abanyarwanda gusa, yakunze kugura abakinnyi kandi bafite impano barangiza bakiyihombera ahanini bitewe n’uko bayigezemo imburagihe kandi basabwa guhita batanga umusaruro.

APR FC yaba igura abakinnyi ikeneye?

Ntabwo wakwihandagaza ngo uvuge ko abakinnyi APR FC igura ari abaswa ariko na none wakibaza niba ari bo iba ikeneye, abenshi izana baba ari abakinnyi bakiri bato bakabanza kugorwa n’igitutu cyo muri iyi kipe y’Ingabo z’Igihugu.

APR FC ni ikipe ihora ku gitutu cyo gushaka intsinzi n’ibikombe ku buryo kwihanganira aba bakinnyi bakiri bato kugira ngo bakure babe bayiha umusaruro ikeneye, biba bigoye.

Iki kikiyongera ku kuba aba bakinnyi bakiri bato iyo bageze muri APR FC baba bumva bageze ku gasongero ka bo, hari n’abadatinya ku kubwira bati 'ubundi iyo ugeze muri APR FC cyangwa Rayon Sports biba bihagije.'

Hari abakinnyi benshi baje muri APR FC bafite impano ndetse benshi bakemeza ko iyi kipe ibonye abakinnyi beza ariko birangira bayihombeye.

Ntabwo turi bujye mu myaka ya kera cyane, dufashe urugero nka 2019 mu bakinnyi APR FC yaguze bose abakinnyi bayihiriye ni bakinnyi n’ubundi bakuru, bafite ubunararibonye nka Manishimwe Djabel, Manzi Thierry, Niyonzima Olivier Seif na Mutsinzi Ange Jimmy bari bafashije Rayon Sports kugera muri ¼ cy’imikino Nyafurika ndetse banayihesheje igikombe cya shampiyona. Niyomugabo Claude wari utwaye igikombe cy’Amahoro muri AS Kigali.

Hari Ishimwe Christian winjiye muri APR FC muri 2022, ni umukinnyi wari umaze gukura, ufite imikino myinshi mu maguru ye, amaze kumenyera igitutu cy’abafana aho yari yarakiniye Marines ayivamo ajya muri AS Kigali, yakinanye na yo imikino Nyafurika ya CAF Confederations Cup, yaranakiniye ikipe y’igihugu y’abato. Yagiyeyo azi ko agomba kurwanira umwanya na Niyomugabo Claude.

Mugisha Gilbert wayigezemo muri 2021 avuye muri Rayon Sports, ni umukinnyi wari umaze kumenyera igitutu cy’abafana. Yasanzemo Yannick Bizimana wayigezemo 2020 na we avuye muri Rayon Sports nubwo bitamuhiriye neza.

2019 ni bwo na Rwabuhihi Aime Placide wari umukinnyi ukuri muto, wagize umwaka mwiza muri Kiyovu Sports ayigejeje ku mukino wa nyuma w’igikombe cy’Amahoro yagiye muri APR FC ku mwanya we ahasanga abakinnyi 3 bamurusha yisanga ari amahitamo ya 4, ahindurirwa n’umwanya akajya akina mu kibuga hagati, kugeza ubu ni umwe mu bamaze kwibagirana.

Tuvuze impano ntabwo wakwirengagiza Nsanzimfura Keddy wavuye muri Kiyovu Sports muri 2020 yahise ajya muri APR FC, yari umukinnyi ufite impano itangaje ariko yageze muri APR FC biranga birangira atandukanye na yo nabi.

Ntiwakirenagiza kandi Ishimwe Anicet wazamukiye mu ishuri ryigisha umupira rya APR FC, yazamuwe mu ikipe nkuru muri 2019 gusa na we uwavuga ko yahombeye iyi kipe ntiyaba abeshye.

Ntiwakwibagirwa kandi Ishimwe Fiston waje muri APR FC muri 2022 avuye muri Marines FC ari mukinnyi w’umunyarwanda watsinze ibitego byinshi, gusa umwaka umwe wari uhagije kugira ngo abe atandukanye n’iyi kipe.

Yaguze Mbonyumwami Taiba avuye muri Espoir FC ageze muri APR FC biranga akinamo umwaka umwe imutiza muri Marines FC (yamugaruye ubu) ajyana na Nduwimana Fabio yari yaraguze muri Musanze FC.

Kuri ubu APR FC yatumye abantu bongera kwifata ku myanya ndangakumiro, ni nyuma yo kumara gusinyisha umukinnyi ukuri muto wakiniraga Mukura VS, Kategeya Elie, ni umukinnyi ufite impano ariko no muri Mukura nta mwanya uhoraho wo gukina yabonaga, benshi bakibaza ni ba ari we mucunguzi wa APR FC.

Mu mikino ibanza ya shampiyona ya 2023-24, yakiniye Mukura VS imikino 10 aho yabanje mu kibuga imikino 3 mu gihe indi 7 yazaga mu kibuga asimbura, yatsinzemo ibitego 3 anatanga imipira 3 yavuyemo ibitego.

Kuki abakinnyi bajya muri APR FC bigaragara ko bafite impano ariko bagerayo bikanga?

APR FC ni ikipe abakinnyi ba yo baba bayeho bitandukanye n’andi makipe yo mu Rwanda, baba babayeho mu buzima bwiza kandi buhenze ari na yo mpamvu umukinnyi yifuje bigorana ko yayihakanira.

Kutamenya icyo ushaka n’uko wakigeraho ni kimwe mu biba kuri aba bakinnyi baba bagiye muri APR FC aho bagerayo bakamera nk’abageze iyo bajya bakibagirwa ko icyo bapfana na APR FC ari umusaruro.

Ahanini na none bigaterwa n’uko basanga ku mwanya wa bo nta mukinnyi utanga ihangana rikomeye kuri bo aho bose baba basa n’abari ku rwego rumwe bigatuma birara cyane ntibakore uko bikwiye.

Umukinnyi uzi icyo ashaka araza we bigakunda, nka Ruboneka Bosco yaje avuye muri AS Muhanga muri 2020, yahanganiye umwanya ndetse aza no kuwubona uhoraho wo kubanzamo, gusa Nzotanga bazanye we byaranze.

Akandi umuntu yavuga, ni abajyanama babo, nubwo benshi ntabo baba bafite ku buryo umunsi ku munsi babibutsa igituma bari mu ikipe ko nibababuramo icyo ibakeneyeho izabarekura.

Ishimwe Fiston ntabwo yagiriye ibihe byiza muri APR FC

Nsanzimfura Keddy na we muri APR FC byaranze

Ishimwe Anicet ni umwe mu bakinnyi bazi umupira mwinshi ariko wananiwe gutanga ibyo APR FC imwifuzamo

Fabio na we ntabwo yahiriwe muri APR FC

Kategeya yamaze kwerekeza muri APR FC

Abakinnyi APR FC yaguze bamaze kugira ubunararibonye ntabwo bayihombeye

Kuri uyu wa Gatatu mu kiganiro cy’amashusho uyu mukinnyi yagiranye na InyaRwanda Tv, yagarutse kuri byinshi birimo n’uburyo yakabaye yarakiniye Rayon Sports ariko na n’ubu atazi uko byagenze.

Yagize ati: “Ubanza Rayon Sports batanankunda, Rayon Sports turaganira tukagirana ikiganiro pe! Hari n’aho tuganira hasigaye kunyishyura ngo nsinye, ariko bikarangira ntazi uko byanze. Ndibuka bwa mbere njya muri Police FC na sheki yabo nari nyifite ariko ntumbaze ukuntu bigenda.

Gusa nanone niba ushaka umuntu ubona ashoboye, muzanire amafaranga mbere na mbere ku meza uyafate uyahatereke ayareba. Hari n’igihe wayazana ari make ukavuga uti nyasige koko? Ugafata umwanzuro wo kuyatwara bikarangira usinye.”

Hakizimana Muhadjri mu Rwanda yakiniye amakipe arimo Etincelles FC, Kiyovu Sports Mukura Victory, Sports, APR FC, As Kigali na Police FC ari gukinira ubu. 

Hakizimana Muhadjiri ubwo yari yasuye InyaRwanda TV na InyaRwanda.com 

Hakizimana Muhadjiri ari gusoza amasezerano ye mu ikipe ya Police FC

Nk’uko bimaze kumenyerwa kandi, mu mpera z’umwaka hagenda  hagarukwa ku byawuranze, ku bantu b’ibyamamare bitwaye neza, abahiriwe nawo cyo kimwe n’abatarahiriwe nawo. Abitwwaye neza kimwe n’abitwaye nabi bikabaviramo kwangwaa nabo barerekanwa.

Kuri ubu hashyizwe hanze urutonde rw’ibyamamare 10 mpuzamahanga byanzwe cyane mu 2023,biturutse ku myitwarire yabo cyangwa ibikorwa bibi bakoze bigatuma bangwa na benshi. 

Ikinyamakuru Ranker kimenyerewe mu gukora ntonde zitandukanye, cyamaze kwerekana ibyamamare 10 birangije 2023 byanzwe kurusha abandi. Aha bagendeye ku majwi y’abantu 45,000 bemeye gutora kuri murandasi, bagendera ku byamamare byatutswe cyane ku mbuga nkoranyambaga hamwe no mu itangazamakuru.

Urutonde rw’ibyamamare 10 mpuzamahanga byanzwe cyane mu 2023 bitewe n’ibyo bakoze:

1. Vladimir Putin

Umugabo w’igitinyiro,utavugirwamo ku Isi akaba na Perezida w’igihugu gitinyitse cy’u Burusiya, Vladimir Putin, niwe waje ku ikubitiro mu byamamare byanzwe cyane mu 2023. Impamvu nyamukuru uyu mugabo yanzwe n’abantu benshi ngo ni ukubera intambara yashoye mu gihugu cya Ukraine kuva muri Gashyantare ya 2022.

Kuva icyo gihe Putin yagawe n’amahanga kuba yaravogereye iki gihugu akagishozamo intambara imaze umwaka n’amezi icumi, imaze no guhitana ubuzima bw’abenshi. Putin akaba yaragiye atukwa cyane ku mbuga nkoranyambaga aho benshi bamwise inyanga-mahoro, abandi bakamuvugaho byinshi cyane cyane bakamugayira ko yanze guhagarika iyi ntambara. Ibi byose byatumye aba umuntu wanzwe, watutswe kandi akagawa na benshi muri uyu mwaka.

2. Amber Heard

Umunyamerikakazi ukina filime, Amber Heard, yaje ku mwanya wa Kabiri mu byamamare byanzwe mu 2023. Intandaro yo kwangwa kwe, byaturutse ku kuba yarajyanye uwahoze ari umugabo we mu nkiko witwa Johnny Deep usanzwe ari kizigenza muri Sinema.

Urubanza rw’aba bombi rwatangiye muri 2022, byumwihariko rwagiye rugarukwaho cyane bitewe n’ibyo Amber Heard yashinjaga Johnny Deep birimo nko kuba yaramukubitaga bihoraho. Ibi byatumye Johnny Deep yangwa ndetse akurwa no mu mishinga ya filime yagombaga gukinamo uyu mwaka dore ko kompanyi zitunganya filime zavuze ko zitakomeza gukorana n’umuntu ukubita abagore.

Nyamara nubwo ingaruka nyinshi zageze kuri Johnny Deep, we yakomeje kubihakana avuga ko abeshyerwa. Ukuri ntikwatinze kwagiye hanze ndetse n’amajwi ya Amber Heard yigamba gufungisha Deep kuri telefoni nayo ajya hanze.

 Byaje no kumenyekana ko amafoto yatanze nk’ibimenyetso ko Deep yamukubitaga akamukomeretsa ko byose byari ibinyoma dore ko ngo yishyuye usiga ibirungo (Make Up Artist) ngo amusige ibintu bisa nk’amaraso maze avuge ko ari Deep wamukomerekeje.

Urubanza rwarangiye Amber Heard atswinzwe ndetse ategekwa kwishyura Johnny Deep miliyoni 25 z’amadolari z’indishyi y’akababaro no kuba yaramusebeje bigatuma ahomba akazi muri Hollywood. Ibi byatumye benshi batangira kuvumira ku gahera Amber, binarangira ahise akurwa muri filime ‘Aquaman’ igice cya Kabiri kuko DC Comics iyitunganya yitandukanije nawe. Ibi nibyo byatumye Amber Heard yangwa biturutse ku kuba yarabeshyeye Deep wamamaye muri filime za ‘Carrabean Pirates’.

3.Meghan Markle na Prince Harry

Uretse kuba aba bombi bari mu byamamare byavuzwe cyane mu 2023, ngo ntabwo kuba baravuzwe cyane baravugwaga ibyiza cyangwa bashimwa ahubwo ngo inshuro nyinshi bagarukwagaho batukwa, bashinjwa kubesyera umuryango w’i Bwami.

Aba bombi kandi ngo banzwe cyane mu Bwongereza kurusha ahandi hose. Impamvu yo kwangwa kwa Prince Harry n’umugore we Meghan Markle, ngo ni filime bise ‘Meghan & Harry’ banyujije kuri Netflix. Iyi filime yagarukaga ku rukundo rwabo ariko kandi inibanda ku mpamvu bavuye i Bwami, bakajya gutura muri Amerika bitewe n’ubwumvikane buke hagati yabo  n’i Bwami.

Iyi filime yaje ikurikiye igitabo Harry yanditse yise ‘Spare’ aho naho yibasiyemo umuryango we, akanamena amabanga yawo. Ibi byatumye iyi Couple ishinjwa gukoresha ibinyoma ibeshyera umuryango w’ i Bwami mu rwego rwo kugirango biyinjirize amafaranga. Ibi byabaye intandaro yo kuvugwa nabi no kwangwa bashinjwa kubeshya  bagamije inyungu zabo.

4. Bill Cosby

Umunyarwenya akaba n’umukinnyi wa filime, Bill Cosby, w’imyaka 86  wafunzwe imyaka 3 azira gufata ku ngufu umukobwa bigatuma izina rye risubira inyuma ndetse akanangwa. Uyu mwaka yongeye kugarukwaho cyane nyuma y’uko abagore 9 bamujyanye mu nkiko muri Kamena, bamushinja ko yabafashe ku ngufu mu bihe bitandukanye. Uyu mugabo byatumye yongera kwangwa no gutukwa ku mbuga nkoranyambaga aho benshi bavugaga ko mu 2021 yafunguwe atari abikwiriye ahubwo ko akwiye gusubizwa muri gereza.

5. Donald Trump

Umuherwe akaba n’umunyapolitiki, Donald Trump, wabaye Perezida wa 45 wa Leta Zunze Ubumwe za Amerika,nawe ari mu byamamare byanzwe mu 2023. Uyu mugabo utajya ubura mu ntonganya n’abanyapolitiki bagenzi be, yanzwe cyane bitewe n’amagambo yagiye avugira ku rubuga rwe yashinzwe rwa ‘Truth Social’ nyuma yo kwirukanwa kuri X na Instagram. Trump ngo uyu mwaka yaranzwe no gukoresha amagambo asesereza benshi bigatuma yangwa.

6. Jada Pinkett Smith

Icyamamare muri Sinema, Jada Pinkett Smith, nawe ntiyatanzwe kuri uru rutonde rw’ibyamamare byanzwe mu 2023. Uyu mugore w’icyamamare Will Smith ngo kuva uyu mwaka watangira kugeza ubu yaranzwe no kumena amabanga y’urugo rwe, gukaruka cyane ku rukundo rwe na nyakwigendera Tupac Shakur hamwe n’ibindi yagiye atangaza kuri we bitashimishije benshi.

Byaje gufata indi ntera ubwo yasohoraga igitabo yise ‘Worthy’ kigaruka ku mateka y’ubuzima bwe, gusa nanone kibanda ku rugo rwe na Will Smith. Ibi byatumye anengwa na benshi ndetse ku mbuga nkoranyambaga bamwe bamusabaga kudakomeza kuvuga ibye n’umuryango we. Kuba Jada yaravuze ko iyo Tupac adapfa ariwe barikuba babana, kuba yaraciye inyuma Will Smith akaryamana n’umuhanzi August Alsina n’ibindi byatumye yangwa n’abatari bake,binatuma ahita akuraho aho abantu bashyira ibitekerezo kuri instagram (Coments) kuko yarakomeje gutukwa.

7. Ellen DeGeneres

Umunyarwenya akaba n’umushoramari, Ellen DeGeneres, unafite ikigo yashinze mu Rwanda i Musanze,  ari ku mwanya wa 7 mu byamamare 10 byanzwe mu 2023. Impamvu uyu mugore yanzwe na benshi ngo byatewe n’ibirego by’abantu 3 bahoze ari abakozi be mu kiganiro ‘The Ellen DeDeneres Show’ cyanyuraga kuri televiziyo ya ABC. Aba bakozi be bamushinje kubambura no kubafata nabi mu kazi. Ibi byatumye hatangwa n’ubundi buhamya buvuga ko Ellen asanzwe afata nabi abakozi be. Ibi byose byatumye agarukwaho  ndetse anasohora ibaruwa asaba imbabazi gusa ntibyabuza ko benshi bari bamaze kumwaga.

8. Ezra Miller

Umukinnyi wa filime Ezra Miller, wari ufite ahazaza heza i Hollywood, gusa ibye bigasa nk’ibihagaze bitewe n’uko uyu mwaka yajyanywe mu nkiko n’abakobwa babiri bose bamushinja kuba yarabafashe ku ngufu no kubaha ibyo kunywa birimo ibinini bisinziriza maze akabishimishirizaho. Ibi byose byatumye Ezra Miller ahita akurwa muri filime yagombaga kugaragaramo ndetse anatukwa ku mbuga nkoranyambaga. Umubare w’abantu ngo bamututse cyane higanjemo igitsina gore.

9. Chris Brown

Kugira urugomo, kurwanira mu tubyiniro, kujyanwa mu nkiko biri mu byatumye icyamamare Chris Brown cyangwa na benshi mu 2023. Byumwihariko muri Gicurasi hasohotse amashusho ye avuga ko adakunda abiraburakazi ariyo mpamvu abyarana gusa n’abanyaziya (Asians) kuko akunda abakobwa baho. Ibi byatumye atukwa, akandagazwa gusa nawe yaje kubisabira imbabazi avuga ko mu by’ukuri atanga abiraburakazi ahubwo aruko iyo bigeze mu rukundo ataribo bamukurura.

Ibye byakomeje kuzamba ubwo yajyanwaga  mu nkiko n’umugore imbwa ye yariye akanga kumuvuza. Ibi byatumye hibazwa uburyo umuhanzi ukize nka Chris Brown yabura amafaranga yo kuvuza umuntu byongeye umuntu wariwe n’imbwa ye. Ibi byose byatumye Chris Brown arushaho kwangwa no kuba iciro ry’imigani mu bantu.

10. Oprah Winfrey

Umuherwekazi Oprah Winfrey yaje ku mwanya wa cumi mu byamamare bidakunzwe na gato mu 2023. Uyu ngo kuba yaranzwe byose yabitewe nuko mu kiganiro cye yerekanye urugendo yanyuzemo rwo gutakaza ibiro akavuga ko ari siporo nyinshi na regime byamufashije kunanuka ndetse akabishishikariza n’abandi.

Oprah Winfrey yaje kwivamo ubwo nyuma yavuze ko kunanuka kwe abikesha ibinini bya ‘Ozempic’ bigezweho mu byamamare muri Amerika aho babikoresha mu gutakaza ibiro byinshi mu gihe gito. Ibi byatumye ahita yitwa indyandya n’umunyabinyoma washishikarizaga abantu ibyo we atakoze. Gufatwa nk’umubeshyi mu mboni z’abantu benshi bamufatiragaho urugero byatumye ahita yangwa.