Category: Uncategorized

Ikintu kizwi nyamukuru cyatandukanyije aba bombi, ni ukutaba umwizerwa kuri buri umwe, ubuhemu ndetse no gucana inyuma bya hato na hato, byageze aho Cardi B asanga atakomeza kubyihanganira ahitamo gutandukana na Offset kuko yari arambiwe guhora asuzuguzwa n’abandi bagore kandi nyamara ntacyo bamurusha yemeza ko abarusha ubwiza n'imitere kure.

Abantu benshi bakomeje kwibaza urugendo rw'urukundo hagati y'aba bombi, bibaza ibyarubayemo kugeza n'aho bahisemo gutandukana umwe agaca ukwe n'undi ukwe. Igihari cyo ni uko aba bombi batandukanye inshuro zirenze imwe ariko bakongera bakiyunga. Ese ubu bwo bizongera gukunda kwiyunga?

Offset na Cardi B bamaze gutandukana

Nta bintu byinshi bizwi ku gihe cya mbere aba bombi bahura, gusa ariko Cardi B yigeze gutangaza ko bwa mbere bahura byari mu mwaka wa 2016 mu cyiswe 'Industry Event', hanyuma Offset akimukubita amaso, abonye imiterere ye, nta kuzuyaza yahise atera intambwe aramwegera. Cardi B avuga ko icyo gihe Offset yashakaga kumuvugisha.Akomeza avuga ko Offsey yahise ahinduka bitewe no gukubita ijisho ikimero cye ngo kuva icyo gihe nta gutinzamo yahise atsindira nimero ze ndetse batangira kujya baganira bisanzwe nk'inshuti.

Ariko mbere y'uko bahura, Offset yari yarabanje gukundana n'abandi bagore batandukanye ndetse batatu muri bo bari baranabyaranye (buri umwe bari bafitanye umwana). Bivuze ko bahuye Offset afite abana batatu, hakiyongeraho n'abandi babiri kuri ubu afitanye na Cardi B, bakaba batanu.

Muri Mutarama 2017 baje gukorana indirimbo bayita 'Lick'. Aba bombi baje kugirana umubano ukomeye cyane ko bari n'abaraperi bakomeye ku Isi kuko Cardi B yari afite indirimbo yise 'Bodak Yellow', yabicaga bigacika , hanyuma Offset nawe itsinda yabagamo ryitwa Migos bari bafite indirimbo yitwa 'Bad and Boujee' yarimo yandika amateka ku.Ibi byose byaje gutuma bahita biyemeza gukorana indirimbo, ariko tubibutse ko iki gihe bari bakiri inshuti zisanzwe gusa baganira bigatinda.

Bahuye mu mwaka wa 2016

Ubwo byari tariki ya 2 Gashyantare 2017, aba bombi baje gutungura Isi ubwo bose bajyanaga kureba umukino wa 'Super Bowl'. Iki gihe byatangiye guhwihwiswa ko nta kabuza bari mu rukundo, hagendewe n'uburyo bari bamaze iminsi bitwara. Nyamara ariko uwitwa Cardi B we yabiteraga ishoti akavuga ko nta rukundo barimo, ahubwo ko Offset ari inshuti isanzwe bajya banyuzamo bagakorana n'imiziki, bityo ko kubona basohokana nta bikaze baba bibereye mu mishinga itandukanye.

Offset yigeze gutangariza ikinyamakuru Rolling Stone, ko iyi tariki basohokanye, aricyo gihe cya mbere bari batangiye guteretana. Dukomeze…

Aba bombi bakomeje gucanga Isi, hibazwa niba batari mu rukundo kuko ibyo bakoraga rwose byari bya bimenyetso bigaragaza abantu bari mu buryohe bw'urukundo, ariko aba bombi bagakomeza kubihakana bivuye inyuma, ahubwo bakavuga ko ari inshuti zisanzwe.

Bahoraga bahisha abantu ko bakundana

Tariki ya 14 Gashyantare 2017,ku munsi w'abakundana, nibwo Cardi B yagize atya ashyira ku rukuta rwe rwa Instagram ifoto ibagaragaza bari gusomana. Offset nawe yahise ajya ahatangirwa ibitekerezo, maze ashyiraho akamenyetso (Emoji)k'umuhungu n'umukobwa basa nk'abari mu rukundo. Iyi foto yarasibwe ariko yahise ihamiriza Isi yose ndetse n'abakunzi ba muzika ko aba bombi bari mu rukundo uko biri kose.

Gukomeza muri uwo mwaka wa 2017, muri bose nta n'umwe wemeraga ko bakundana. Cardi B yigeze gutangaza ko guhuza na Offset bakajya bakorana imishinga itandukanye byamubereye nk'umugisha. Yavuze ko guhura nawe ndetse n'inshuti ze (abo babanaga muri Migos) byamugiriye umumaro ukomeye kuko bamuteraga imbaraga mu gukora bitewe nuko nabo ubwabo bari abakozi kandi bakorana cyane ndetse banafitanye ubumwe bukomeye hagati yabo.

Avuga ko ibyo biri mu bintu byatumye abungabunga ubucuti yari afitanye na Offset, ariko ko nta w’undi mubano wihariye uganisha ku kubana nk'umugore n'umugabo bari bafitanye icyo gihe.

Bakundaga kuvuga ko bakorana imishinga itandukanye ijyanye na muzika

Ubwo byari tariki ya 20 Nzeri 2017, aba bombi baje gukora ubukwe mu ibanga rikomeye cyane ahazwi nka Fulton County muri Leta ya Georgia,kugeza aho ikinyamakuru TMZ kibonye amafoto yabo y'ubukwe muri Kamena 2018 (bivuze ko hari hashize amezi 8 bashyingiranywe).

Cardi yaje gutangaza ko impamvu batigeze batangaza iby'ubukwe bwabo, ari uko hari ibihe asangiza abamukurikira ndetse n'ibindi atajya abasangiza,bityo n'ubukwe bukaba buri mu bihe atifuzaga kubasangiza.

Mu mwaka wa 2018 nibwo umuriro watangiye kwaka mu rugo rw'aba bombi. Ku itariki ya 8 Mutarama 2018, ibihuha byakwirakwiye Isi yose bivuga ko Offset aca inyuma Cardi B ku bandi bagore batandukanye.

Iki ntabwo cyari cyo gihe cya mbere ibihuha nk'ibi bivuzwe ko Offset aca inyuma Cardi B, ndetse icyo gihe uyu mugore yaje avuga ko arambiwe abantu bakomeje kugenda bamuvugira umugabo, bamushinja kumuca inyuma no kuba umuhemu.

Nyuma yo kubana muri 2018 nibwo batangiye kujya bashwana

Icyo gihe yagize ati:' Ngiye gufata umwanzuro mu buryo bwanjye n'umutimanama wanjye, ntabwo nkeneye abanyirukansa bambwira icyo nkora, njyewe ndigenga ntabwo ngengwa n'Isi'. Iki gihe byari bimaze gufata indi ntera, aho ahantu hose wahasangaga inkuru zivuga ko Offset aca inyuma Cardi B, nibwo yafashe akanya yiyama abantu gukomeza kumuzanaho amagambo.

Nyuma y'ibyo, Cardi B yaje gusobanura impamvu yanambye kuri Offset n'ibintu biri kuvugwa ko amuca inyuma inshuro zitabarika. Icyo gihe abantu batandukanye bari bakomeje kubaza Cardi B impamvu yizirika kuri Offset, ndetse abanda bakamubaza 'Ese ntabwo wizeye ko uramutse ukatiye Offset wabona undi mugabo?'

Abantu basabaga Cardi B ko yatandukana na Offset

Icyo gihe Cardi B yagize ati' Abantu batandukanye bari kuza mu matwi yanjye bakambaza impamvu ntatandukana na Offset n'ibintu ari kunkorera, bakambaza niba nta cyizere naba mfite ko ntahita mbona undi mugabo. Ariko reka mbabwire, nzi ko ndi mwiza, nzi ko ndi umukire kandi nkaba mfite n'impano. Ikindi kandi ndabizi ko nshobora kubona umugabo uwo ariwe wese nshaka; yaba umukinnyi w'umupira cyangwa w'amaboko'.

Icyo gihe Cardi B yavuze ko nawe atari miseke igoroye . Yakomeje agira ati' Ibyo mumbwira ntabwo mbyitayeho kuko nshaka gukemura buri kimwe cyose n'umugabo wanjye nta wundi ubyivanzemo kuko ntabwo munshinzwe, ubu ni ubuzima bwanjye, ngiye gufata igihe mbyiteho ndetse mfate n'umwanzuro. Impamvu rero ibyo gutandukana ntabyumva, ni uko nanjye ubwanjye ntari Shyashya , kuko nanjye njya nkora ibintu bimubangamiye kandi cyane'.

Cardi B nawe yabasubizaga ko atari Malayika

Muri uwo mwaka wa 2018, Cardi B yaje gusobanura uko gukomeza kumva amakuru y'uko umugabo we amuca inyuma, atuma amera nk'umusazi mu mutwe. Yagize ati:' Buri kanya mba numva ibihuha bimvuga n'umutware wanjye. Ibi rero kubyumva cyane biba byenda kunsaza kuko hari igihe rimwe na rimwe njya mbyizera ariko ikibazo kikaba ko nta bimenyetso mba mfite uretse gusa amagambo y'abantu. Ikintu nzi ni uko iyo umugabo wanjye mukeneye kuri telephone aranyitaba, cyangwa se yaba ahuze, inshuti ye ikanyitaba, rero njyewe nta kibazo njya mubonaho kijyanye no kunca inyuma ariko nkumva ahantu hose biri kuvugwa ko anca inyuma, ibi rero bindwaza umutwe cyane. Nkeka ko ahari ari abantu baba bashaka ko ntandukana n'umugabo wanjye'.

Cardi B yabangamirwaga no guhora yumva abamubwira ko Offset amuca inyuma

Nyuma y'igihe gito Cardi B yaje kubona ko ibyo yamye abwirwa byari ukuri. Ubwo byari tariki ya 5 Ukuboza 2018, Isi yose yaje kugwa mu kantu, ubwo Cardi B yatangazaga ko atakiri kumwe na Offset bari bamaze igihe babanye. Mu magambo ye yagize ati:' Abantu bamaze igihe bambaza icyo ngikorana na Offset n'ibyo ankorera byo kuca inyuma. Nagerageje kwicarana na Papa w'umwana (Offset) wanjye ngo tuganire turebe uko tubikemura, ariko rwose aho bigeze byanze kuko ubu twamaze gutandukana. Murabizi ukuntu twari inshuti, ndetse kandi muzi ukuntu ari wa muntu nahoraga numva nahora mvugisha bitewe n'urukundo mukunda, ariko kuri ubu twananiranywe kuko ubu bidasubirwaho twamaze gutandukana kuko yarananiye rwose'.

Cardi B yaje gutangaza ko yatandukanye na Offset

Cardi yavugaga ko ikintu kimubabaza kurushaho, ari ukuntu Offset amuca inyuma ku bagore batanarenze cyane mu bwiza. Kuba na none Cardi B yarakundaga abana ba Offset nk'abe, hanyuma yarangiza akamugira agatebo kayora ivu, biri mu bintu byamubabaje ku rwego rwo hejuru.

Aba baje gutandukana bitari imikino ndetse buri wese ajya kuba ukwe. Nyamara ariko nyuma y'igihe, Offset yatangiye kujya agaragaza ko nta wundi akeneye mu buzima bwe uretse Cardi B, ku buryo yahozaga ku mbuga nkoranyambaga ze ko yikumburiye Cardi B mu buzima bwe nta kindi akeneye.

Nyamara ariko na Cardi B yashinjwaga guca inyuma Offset mu bihe bitandukanye, ariko akabitera ishoti avuga ko bamubeshyera, ahubwo ko ari ukugira ngo barengere Offset, bamwereke ko ibyo amushinja byo kumuca inyuma, nawe abikora.

Abantu bakurikije uburyo urukundo rwabo rwarangiye mu kanya nk'ako guhumbya, bahise batangira kuvuga ko rwari urupapirano cyangwa se rwari urwo gukingana ibipapuro mu maso, abandi bakavuga ko rwari rwubatse ku musenyi.

Cardi B akimara kumva ibyo abantu bari kumuvugaho, yaje yarubiye mu burakari bwinshi,asaba abantu kurekera kuvuga ko urukundo rwe na Offset rwari urupapirano kuko umwana we ashobora kuzakura hanyuma agatangira kumufata nk'umusazi wananiwe urugo rwe.

Cardi B yasabye abantu kureka kuvuga ko urukundo rwabo rwari urupapirano

Nyuma y'igihe gito cyane, Offset yatangiye gusaba imbabazi Cardi B ndetse akamugaragariza ko namubabarira bwa rimwe atazigera yongera gukora ikindi kintu icyo aricyo cyose cyamubabariza umutima . Nyamara ariko nubwo yari ashize amanga asaba imbabazi, abantu bamubwiraga ko nubwo yamubabarira, azongera agasubira muri izo ngeso, ahubwo ko icyiza ari uko yajya abikora mu ibanga rikomeye cyane abantu ntibabimenye, naho ubundi ibyo kubireka burundu byo ntibishoboka.

Offset yakomeje gukora ibishoboka byose kugira ngo Cardi B amugarukire, amutungura bya hato na hato kugeza n'aho ubwo byari mu Ukuboza 2018, yaje kumutungura amusanga ku rubyiniriro amusabiraho imbabazi.

Offset yatangiye gusaba imbabazi Cardi B nyuma yo gutandukana

Icyo gihe Cardi B yatangaje ko Offset ari gukora ibishoboka byose ngo basubirane ariko akaba atahita abyemera uko yiboneye kose kuko abizi neza ko icyo bapfuye n'ubundi guhita akireka byagorana. Rero aha niho yahereye avuga ko bizagorana ko yakongera kubana nawe kuko atari gukomeza kwihanganira kubabara inshuro zitabarika mu rukundo.

Nyuma y'igihe gito cyane Offset yinginga Cardi B kumubabarira, baje kugaragara mu muhanda bafatanye agatoki ku kandi ndetse ubona ko urukundo rusa nk'urwagarutse. Na none byatangiye gusa nk'ibyemeza abantu ko aba bombi basubiye mu rukundo, ubwo Offset yaguriraga Cardi B impano zitagira ingano kandi zihenze cyane. Muri izo mpano harimo; imikufi ifite agaciro gahenze, imitako n'ibindi.

Baje gutungura abantu bongeye guhuza urugwiro

Aba bombi muri Mutarama 2019, TMZ yaje gutangaza amakuru y'uko basubiranye ndetse n'impapuro za gatanya bakaba barahise bazitwika. Amakuru yavugaga ko kugira ngo aba bombi bongere guhuza neza ndetse n'ibintu bigende neza, ni uko Offset yagombaga guhindura nimero ye ya Telephone kugira ngo agaragaze ko atari gukina kandi agaragaze ko ari umwizerwa kuri Cardi B.

Iki gihe Cardi B yavugaga ko yagombaga kujya ahora acunga Offset abo baganira bose kugira ngo amenye ibyo yirirwamo mu buryo bwo kwamaganira kure icyo aricyo cyose cyatuma yongera kumuca inyuma kuko azajya aba areba abagore bose bavugana.

Uku kwiyunga kwaje no gutuma bahita bakorana indirimbo yabiciye bigacika ku Isi bise 'Clout' bashyize hanze ku wa 15 Werurwe 2019.

Byaje kurangira biyunze

Cardi B yaje gusobanura impamvu yababariye Offset, avuga ko buriya nta ntungane iba ku Isi ikindi kandi akaba yizerera mu kubabarira.

Aba bombi bakomeje umubano wabo nyuma yo kubabarirana ndetse noneho urukundo ruragurumana karahava. Aba bombi batigishije ibitangazamakuru byo ku isi byandika ibijyanye n'imyidagaduro bifotoza imihanda abantu bose bafotora, bakora ibikorwa bitandukanye, guhana impano, gutungurana hagati yabo n'ibindi. Iki gihe byari mu mwaka wa 2020 mu gihe cya Guma mu rugo muri 2020, aho noneho abantu bose babaga bibereye mu rugo bahora babahanze amaso.

Umubano wabo waje kongera gukomera

Nubundi ya ngeso ya Offset yo guca inyuma Cardi B yarongeye iramugota nyuma y'igihe gito bari bamaze biyunze. Byari kuwa 15 Nzeri 2020 nibwo mu burakari bwinshi Cardi B yatse gatanya noneho nta bintu by'imikino , hano yaje avuga ko aho bigeze noneho akeneye impapuro za gatanya kugira ngo Offset atazigera na rimwe yongera kumusaba imbabazi zo kongera kubana.

Cardi B yavugaga ko arambiwe agasuzuguro ka Offset ko guhora amukinisha, amugira agatebo kayora ivu, amurutisha abandi bagore, muri make yari arambiwe byimazeyo ubuhehesi bwe, kuko yari yarihanganye igihe kitari gito. Iki gihe yavugaga ko ari umwanzuro ntakuka yafashe.

Baje kongera gutandukana indi nshuro

Nyamara ikintu cyaje gutungura abantu, ni ukuba ibya gatanya barayobewe aho byahereye. Nyuma y'igihe gito, abantu bagiye kubona babona bishimanye ku isabukuru y'amavuko ya Cardi B. Nyuma y'igihe gito cyane Cardi B yaje gutangariza Isi ko yishimiye ko bongeye gusubirana.

Yagize ati ' Yego twanyuze mu bibazo byinshi njye nawe, ariko kuba buriya abantu bigeze kubanaho biba bigoranye ko batandukana burundu. Icya mbere njye nawe dufitanye umwana, bisobanuye ko turi amaraso amwe. Ibi byatumye rero njye nawe twicara dukemura ibibazo byose twari dufitanye, ikindi kandi dufitanye undi mwana uri mu nda, urumva ko gutandukana biba bigoranye'.

Baje kongera kwiyunga

Cardi B yasobanuye ko kimwe mu bintu byatumaga bahora batandukana, harimo kuba batarabashije gufata igihe ngo bamenyane bihagije igihe bari bagihura bwa mbere mu mwaka wa 2016. Avuga ko buri wese atabashije kumenya mugenzi we, ahubwo bahise birukira kubana. Impamvu ni uko, aba bombi bakoreshwejwe n'irari bitewe n'uko aba bombi bahoraga mu bitaramo bityo bakaba ariho bahuriraga inshuro nyinshi, ibi rero byatumye bahita babana huti huti nyamara batabanje kumenya imico ya buri umwe (Ibi byatangajwe na Cardi B muri Mata 2022).

Aba bombi bakomeje gukundana hagati yabo nyuma yo kwiyunga. Ku wa mbere tariki ya 4 Ukuboza 2023, Isi yose yaguye mu kantu ubwo babonaga aba bombi nta n'umwe ugikurikira mugenzi we ku mbuga nkoranyambaga. Cardi B yashyize ku mbuga nkoranyambaga ze ko arambiwe guhora yita ku bantu batamwitayeho, avuga ko ari cyo gihe ngo nawe yishyire imbere.

Nyuma yo kwiyunga, urukundo rwongeye kugurumana hagati yabo

Ubwo hari ku wa Gatanu, tariki ya 8 Ukuboza 2023, Cardi B yagaragaye wenyine ari guhaha mu isoko riri i Los Angeles, nyamara inshuro nyinshi yabaga ari kumwe n'umugabo we Offset. Ibi byongeye guhamiriza Isi ko mu rukundo rwabo hashobora kuba hongeye hajemo kidobya.

Ntibyatinze kwigaragaza kuko ibyari ibihuha byavugwaga mu bantu byari ukuri. Byari mu ijoro ryo ku wa 11 Ukuboza 2023, Cardi B yavuze ko bidasubirwaho yamaze gutandukana na Offset kuko ubu ari wenyine. Mu gahinda kenshi kavanze n’amarira, uyu muraperikazi yikojeje ku rukuta rwe rwa Instagram agaragariza abakunzi be ubuhemu n’ubugome bwa Offset bahoze babana, kumukinisha ndetse no kutaba umwizerwa kuri we habe na gato.

Cardi B yongeye kuvuga ko yatandukanye na Offset bidasubirwaho

Muri iki kiganiro, Cardi B yagaragaje ko Offset yari intashima, yari afite ingeso mbi zo kumuca inyuma nyamara we nta kintu na kimwe yigeze amuburana kuva batangira kubana, ahubwo agakomeza kurangwa n’ubuhehesi.

Cardi B avuga ko atiyumvisha ukuntu ibintu byose yafashije Offset kugeraho, yamwitura kumugira agatebo kayora ivu.

Avuga ko yahisemo gutandukana na Offset kuko yari arambiwe imikino ye no kumumenyera cyane mu gihe yabaga yibereye mu bihe bigoye.

Avuga ko yari arambiwe ubuhehesi bwa Offset

Kimwe mu bintu byababaje Cardi B ndetse anaheraho avuga ko ariyo ntandaro go gutandukana na Offset, ni ukumuca inyuma.

Cardi B yatangaje ko Offset yamubereye ikigeragezo mu buzima bwe

Kugeza na n’ubu, aba bombi baratandukanye gusa ariko Offset we nta kintu na kimwe aravuga ku byo ashinjwa n'uwahoze ari umugore we Cardi B. Aba bombi urukundo rwabo rwaranzwe no gutandukana bakongera bagasubirana, igihari ni ukureba niba kuri iyi nshuro Offset afite ibyo azabwira  Cardi B akongera akamugarukira.

Aka kanya ubu buri wese ari ukwe

Reba indirimbo ‘Clout’ Offset yakoranye na Cardi B

“>

Ibi byabaye kuwa Gatatu ubwo iyi kipe yari iri mu rugendo rugana mu mujyi wa Tizi Ouzou muri Algeria igiye gukina n’ikipe ya JS Kabylie mu mukino wo ku munsi wa 11 wa shampiyona kuri uyu wa Gatanu. 

Ubwo ikipe ya MC El Bayadh yari igeze mu muhanda uva mu gace ka Sougar ukagera Ain Tarit mu Ntara ya Tiaret, imodoka yabo yagonganye n’indi modoka. 

Nk’uko ibinyamakuru byo muri Algeria bibitangaza, umunyezamu w’iyi kipe Zakaria Bouziani n’umutoza wayo wungirije Khaled Meftah bahise bapfa.

Abandi bakinnyi 11 bakomeretse bikabije bahita bajyanwa kwa muganga kugira ngo bitabwaheho.

Ishyirahamwe ry’umupira w’amaguru muri Algeria, FAF, ryahise rihagarika ibikorwa bifite aho bihuriye n’umupira byari biteganyijwe muri iki cyumweru muri Algeria mu rwego rwo guha icyubahiro abitabye Imana.

Amakipe atandukanye yagiye agenera ubutumwa ikipe ya El Bayadh mu rwego rwo kuyihanganisha ndetse yewe na Perezida wa Algeria, Abdelmadjid Tebboune, nawe yabageneye ubutumwa abihanganisha.

Uburyo imodoka y’ikipe yabaye nyuma yo gukora impanuka

Guhera tariki 1 kugeza ku ya 10 Nzeri 2024, ni bwo mu Rwanda hazabera imikino y’igikombe cy’Isi cy’abakanyujijeho, biteganyijwe ko kizitabirwa n'abanyabigwi 150 baturutse mu bihugu 40, bagabanyije mu makipe umunani azakina imikino 20.

Nyuma y’uko hatangajwe Abakinnyi ba mbere bazakitabira barimo Ronaldinho ndetse nawe ku giti cye akabyemeza ,kuri uyu wa Gatatu noneho yatanze integuza ashishikariza n’abantu gutangira kugura amatike.

Uyu munyabigwi yashyize amashusho ku rubuga rwe rwa X amwerekana ari mu bihe byiza mu makipe atandukanye yakiniye arimo FC Barcelona,Paris Saint-Germain ,AC Milan n’ikipe ye y’igihugu ya Brazil.

Munsi yayaherekesheje amagambo abwira abantu ko kuva tariki 1 kugeza ku ya 10 Nzeri 2024 bazahurira mu Rwanda mu gikombe cy’Isi cy’abakanyujijeho anababwira kugura itike ku rubuga rwa VCWC2024.

Iyi mikino izaba ibera mu Rwanda ari nako Visit Rwanda izaba ari umufatanyabikorwa wayo ndetse no mu magambo Ronaldinho yavuze nayo irimo.

Ni ubwa mbere igikombe cy'Isi cy'abakanyujijeho kizaba kibereye ku mugabane wa Afurika, kuko ibindi bikombe biheruka gukinwa byabereye ku mugabane w'u Burayi

Ronaldinho watanze integuza avuga ko azaba ari mu Rwanda anabwira abantu kugura amatike 

Bamwe mu bakunzi b’iyi filime bagaragaje ko batiyumvisha neza umwanzuro uyu mukobwa ukurikirane amasomo ye muri Kaminuza ya Mount Kigali yafashe, abandi barimo Rosine Bazongere bamwifuriza ishya n’ihirwe mu rugendo rwa Sinema yakomeje.

Ni umwe mu bakobwa b’abahanga mu gukina filime! Yanibagaragaje mu gihe cy’imyaka isaga itanu yari amaze muri iyi filime itambuka imbona nkubone kuri Televiziyo Rwanda.

Izina rye ryavuzwe cyane nyuma yo kwemezwa mu bakina muri City Maid, ariko amaze imyaka irenga 10 ari muri Sinema.

Mu itangazo yageneye abanyamakuru riri mu rurimi rw’ikinyarwanda, Igifaransa n’icyongereza, yavuze ko yasezeye muri City Maid “ku bw’impamvu tutumvikanyeho n’ubuyobozi bwa Zacu Entertainment (sosiyete itegura iyi filime).”

Yatanze ihumure. Avuga ko azakomeza urugendo rwo gukina filime. Ariko kandi yasabye abafana be gukomeza kumushyigikira ‘ni nkunga y’amasengesho yanyu ni ingenzi ngo mbashe gukora ibifitiye iterambere igihugu.’

‘City Maid’, filime yahinduye ubuzima bwe ariko ntacyo yamugejejeho mu bifatika

Mu kiganiro cyihariye na InyaRwanda, Sandra Ishimwe yavuze ko gukina muri iriya filime abifata nk’amahirwe adasanzwe’ yagize mu buzima bwe, kandi azirikana ko ayakesha Abanyarwanda.

Ati “Abanyarwanda barankunda, baranshyigikira. Mu by’ukuri rwari urugendo ruryoshye, ntakubeshye. Nshimira n’abo twakoranye (barimo abakinnyi).”

Yavuze ko urugendo rw’imyaka itanu yari ishize akina muri iriya Filime, rwabaye urugendo rwamwubatse mu buryo bw’imibanire, imitekerereze no mu buryo bwo kubasha kumenya kubaho nk’umuntu uzi.

Nubwo avuga ko rwari urugendo ruryoshye gukina muri City Maid, ariko intangiriro ye yari iruhije, kuko yahuye n’ibicantege birimo nko kwakwa ruswa y’igitsina kugeza ubwo yafashe icyemezo cyo kureka gukina filime ahubwo akabanza gusoza amasomo ye mu mashuri yisumbuye.

No kwinjira muri City Maid, avuga ko byabaye amahirwe ya nyuma, kuko bamuhisemo nk’umukinnyi wagombaga gukina mu izina rya ‘Diane’ akajya akina ari Mushiki Mukuru wa ‘Nick’ muri filime, ariko agondwa n’igihagararo yari afite.

Uyu mukobwa wiga itangazamakuru muri iki gihe, avuga ko atacitse intege, kuko yasubiyeyo yongera guhamagarwa mu 2018 abwirwa ko azakina ari Mushiki wa Nick muto.

Ati “Nakoze igerageza! Kuko narabishakaga cyane. Zari inzozi gukina filime, nakoze igerageza ndatsinda, ntsinda abandi bari bajemo, mu by’ukuri ntabwo byari byoroshye, ni amahirwe.”

Sandra asobanura ko ibintu byose yagiriye inzozi akiri muto ari nabyo yinjiyemo muri iki gihe. Ibi abishingira avuga ko ari nayo mpamvu atigeze acika intege.

Avuga ko atahuye na ruswa y'igitsina mu buryo bweruye muri Sinema, ariko kandi azi neza ko binagaragara mu nzego zinyuranye z’u Rwanda.

Sandra yabwiye abakobwa gukurikira inzozi zabo, kandi bakagendera kure buri kimwe cyatuma batabasha kugera aho bashaka.

Uyu mukobwa asobanura ko yinjiye muri ‘City Maid’ asoje amashuri yisumbuye, ibintu afata nk’inzozi yakabije. Ati “Kugera muri City Maid zari inzozi zibaye impano, byari amashimwe.”

Asobanura ko agitangira gukina muri filime, yahuye n’abantu bamuca intege, barimo abamubwiraga ko agiye kuba ikirara, abandi bakamubwira ko yakabaye ashyira imbere kwiga kurusha uko ajya muri Sinema.

Ati “Abantu filime Nyarwanda ntabwo bazihaga agaciro, bumvaga ko ari ikinamico… bambwiraga ko ngiye kugaragara, abagabo…”

Yasobanuye ko yakoze ibishoboka byose akina ibyo yasabwaga, bituma abamucaga intege  babona ko bibeshye.

Sandra anasobanura ko iyi filime yamuciriye inzira, kuko hari imiryango yafunguye, kandi hari umusore wamukunze bitewe n’ibiganiro yakoraga byatambukaga kuri Zacu Tv. Ati “Ntabwo yankundiye muri Filime.”

Uyu mukobwa avuga ko akimara kubwira ‘Yego’ umukunzi we, yamuhaye igihe cyo kuganira no kumwumvisha neza urugendo rwa Sinema asanzwe akora, kwitegura ibizavugwa n’ibindi. Ati “Yarabyemeye! Ndumva imyaka 2 tumaranye, ntakidasanzwe arabona.”

Sandra avuga ko guhitamo umusore bakundana, agendera ku mitekerereze biri no mu byatumye ahitamo umusore umukwiye. Ati “Ni umuntu ukunda Igihugu, kuko njyewe numvaga ntakundana n’umuntu udashaka kuba mu gihugu.”

Yakomoje ku mpamvu yo gusezera muri City Maid na filime ye bwite

Uyu mukobwa yavuze ko nyuma yo gusezera muri filime ‘City Maid’, ari kwitegura gushyira hanze filime ye ‘Umubi’ yakoranye n’abavandimwe be.

Ni filime irangira, kandi batangiye kuyikoraho mu gihe cya Covid-19. Igaragaramo abavandimwe be, ni mu gihe umubyeyi wabo ariwe wabaye umuterankunga kugirango iyi filime ikorwe.

Sandra yavuze ko kuzakomeza ibice bishya by’iyi filime, bizashingira ku bitekerezo by’abafana be. Iyi filime izajya hanze tariki 24 Ukuboza 2023 kuri shene ye ya Youtube.

Muri rusange, iyi filime ishingiye ku muryango. Aho hari umubyeyi w’umugabo utanga igitambo cy’umwana we. Ati “Imfura y’uwo muryango irapfa, ariko ikaza ikomeza gukurikirana n’abavandimwe be.”

Yavuze ko gusezera muri City Maid bitaturutse ku mukunzi we, ishuri cyangwa se akazi ka buri munsi ahubwo ‘ni impamvu z’akazi zabaye hagati yanjye na Zacu tutumvikanye, dufata gahunda yo gutandukana kandi mu mahoro’.

Nubwo aterura, ariko yumvikanisha ko ikibazo cyabaye amafaranga. Uyu mukobwa avuga ko nubwo yavuye muri iyi filime, ariko yiteguye kuba yakorana ibindi bikorwa na Zacu Tv.

Ati “City Maid ni nziza, yamuritse abakinnyi benshi… Ni filime nabayemo, mvuyeyo, ariko n’abandi bakinnyi barimo abanyarwanda babashyigikire, kuko barabakeneye.”

Si we mukinnyi wa mbere usezeye muri City Maid, kuko hari abakinnyi b’imena nka ‘Nikuze’, ‘Bahavu Jannet’ basezeye ku mpamvu bavugaga ko ari iz’abo. Ati “Ni impamvu tutamvikanyeho.”

Sandra yashimangiye ko ‘hari igihe Imana iteza impamvu kugirango ukomeze ukure’. Akavuga ko kuri we, abona igihe cyari kigeze cyo gukomeza urugendo rwe rwo gukina.

Uyu mukobwa avuga ko nta muntu usimbura undi mu kazi kose , kuko buri wese agira umwihariko we. Ati “Kuba ngiye rero, nta muntu waza ngo akine Nadia.”

Yasobanuye ko filime ‘City Maid’ yamumenyekanishije mu buryo bwafunguriye amarembo yo kuba yakina mu z’indi filime, kandi n’inshuti zariyongereye. Ariko kandi ‘mu bijyanye n’ubushobozi n’ibyinjira ntabyo’.

Sandra yavuze ko uruganda rwa Sinema rukiri kwiyubaka, yaba mu bijyanye n’abareba ibihangano ndetse n’umusaruro umukinnyi wa filime akuramo.

Ati “Ntabwo mvuye muri filime nubwo nta kintu kiraba gifatika. Nakubwiye ko kuba naraje muri Sinema nkabona hari ibibazo birimo, nanjye ndi mu bagomba kugira uruhare mu kubikemura…”

Uyu mukobwa yavuze ko abantu bakwiye gutandukana ubuzima berekana kuri Televiziyo, kuko butandukanye n’ubwo baba babayemo  bwa buri munsi. Yavuze ko ‘dutanga ibyishimo nta kiguzi ahanini ahubwo icyo tuba dukeneye ni ugushyigikirwa’.

Sandra yavuze ko hari filime yagaragayemo zirimo nka ‘Kaliza wa Kalisa’ zizasohoka mu minsi iri imbere, kandi arajwe ishinga no kwikorera ibikorwa bye no gukorana n’abandi.

Sandra Ishimwe yatangaje ko yavuye muri City Maid nyuma y'imyaka itanu ayibarizwamo

Sandra yavuze ko impamvu zatumye ava muri City Maid zirenze akazi n'amasomo akurikirana

Sandra yavuze ko tariki 24 Ukuboza 2023 azashyira hanze filime ye nshya yise 'Umubi' ahuriyemo n'abavandimwe be

Ishimwe avuga ko uretse kuba filime ituma umukinnyi amenyekana, ariko nta mafaranga afatika arimo

KANDA HANO UREBE IKIGANIRO KIRAMBUYE TWAGIRANYE NA SANDRA ISHIMWE WAMAMAYE NKA NADIA MURI CITY MAID

“>

KANDA HANO UREBE KIMWE MU BICE BYA CITY MAID SANDRA AGARAGARAMO

“>

Gusa ariko muri iyi myaka ishize ari mu muziki bariya bahanzi bakoranye indirimbo, ndetse na Angel Mutoni bazahurira mu gikorwa kigamije gukundisha abagore n’abakobwa injyana ya Hip Hop mu rwego rwo kubatinyura kuyikora no kuberaka ko bishoboka.

Uyu musore amashuri abanza n’ayisumbuye yayize mu Rwanda, Kaminuza ayiga muri Amerika ari nako yakomereje igice kinini cy’ubuzima bwe, ariko yagiye anyuzamo agaruka mu Rwanda mu bihe bitandukanye.

Denis Kanaka yivuga nk’umuhanzi ufite umuhate wo kumenya ibintu byinshi, kandi agaharanira ko abisangiza abandi mu rwego rwo kuzamura umuco w’u Rwanda no gufashanya mu iterambere.

Mu gihe yamaze muri Amerika, avuga ko ibihe byiza yahagiriye harimo no kuririmba mu gitaramo yahuriyemo n’umuraperi ukomeye ku Isi, T. Pain, Big Shown, K Dink n’abandi. Yanakoreye ibitaramo bitanu mu Mujyi wa New York, muri Canada aho yahuriyemo n’abarimo Ikirezi n’abandi.

Yabwiye InyaRwanda ko muri iki gihe arajwe ishinga no kongera gukorera ibindi bitaramo muri Amerika, ariko ko azaba ari kumwe n’abahanzi bo mu Rwanda ‘twatangiye ibiganiro’.

Denis Kanaka asanzwe afite indirimbo zirimo ‘My Queen’, ‘Outro’, ‘Nta Bwoba’, ‘Ntuzabure’ yakoranye na Mike Kayihura; hari kandi ‘These Days’ yakoranye na Mucyo na Kivumbi King, ‘Gatebe Gatoki’ yakoranye na Sema Sole, ‘Lost in Space’ yakoranye na Angell Mutoni n’izindi.

Uyu musore yamenyekanye kandi asubiramo indirimbo z’abahanzi bahanzi, yasubiyemo indirimbo nka ‘Bado’ ya Bruce Melodie, ‘Amakosi’ ya Ish Kevin, ‘Genza Rwanda uri nziza’ ya Kamaliza n’izindi.

Avuga ko kuba yarakoranye indirimbo n’abarimo Mike Kayihura na Angel Mutoni ahanini byaturutse ku bushuti bombi bari bafitanye.

Ati “Uburyo twatangiye gukorana na Mike Kayihura hamwe na Angel nuko twari inshuti mu buzima busanzwe, twese dukunda muzika, hagera igihe twumva ko twakorana tukagira ikintu tugezeho musically. Ni muri uburyo, twakoranaga. Nanubu, turacyafashanya mu rugendo rwacu rwa muzika.'

Mbere y'uko umuraperi ukomeye ku Isi, Kendrick Lamar ataramira i Kigali, uyu musore yifashe amashusho yisanishije nawe ari muri studio aririmba, bituma benshi bakeka ko ariwe.

Uyu musore ariko asanzwe anakora umwuga wo kuvanga imiziki, ndetse yagiye yifashishwa mu bitaramo binyuranye yagiye acurangamo muri Amerika. No muri Kigali ajya acuranga mu bitaramo.

Yavuze ko kuririmba n’umwuga wo kuvanga imiziki, ari ibintu yakunze mu buryo bukomeye kugeza ubwo yiyemeje kujya abihuza byombi.

Ati “Ibintu mbihuza kuberako ngira gahunda mu buzima, nubwo ntakunze kuba ndi mu gihugu, ndagira amatsiko yo kumenya ibigezweho hano. Kandi nkagira umuhate wo kwiga ibintu bishya. No kwizera nyine ko ushobora kugera kuri icyongicyo ushaka kugeraho.”

Muri iki gihe ari mu Rwanda, aho ari gutegura ibitaramo bigamije kwigaragariza abafana be birimo n’icyo yise “The story of Dakecy” kizagaruka cyane ku rugendo rwe rw’umuziki.

Ati “I Kigali ubu ngubu ndigutegura ibitaramo bitandukanye, binyegereza abafana banjye kandi byerekana urugendo rwanjye muri muzika nyarwanda. Ariko byumwihariko muri byo nuko Tariki 2 Mutarama 2024 uyu mwaka tugiye gutangira hari igitaramo nzakora kizaba kigamije kwerekana urugendo rwanjye muri muzika nacyise “The story of Darkecy “.

Uyu muhanzi avuga ko ashaka gukora ibikorwa bishamikiye ku muziki we bizatuma abantu bamenya izina rye nk’uko bamenye iry’abandi bahanzi bakuranye. 

Denis Kanaka avuga ko guhurira ku rubyiniro n’umuraperi T-Pain uri mu bakomeye ku Isi ari kimwe mu byiza yagezeho mu buzima bwe 

Ubwo Denis Kanaka yacurangaga mu bitaramo byabereye mu Mujyi wa New York muri Amerika 

Umuraperi Denis Kanaka ubwo yari ku rubyiniro mu gitaramo yahuriyemo na T-Pain

Kanaka yavuze ko agerageza ibintu bishya ari nayo mpamvu yahisemo guhuza urugendo rwe rw’umuziki no kuvanga imiziki (Dj) 

Denis [Uri hagati] yavuze ko ashaka gukora ibitaramo bigamije kugaragaza impano ye no gutinyura abakobwa kwinjira muri Hip Hop 

Denis Kanaka asanzwe ari umuhanzi mu gukora indirimbo ‘Production’ kuko yakoreye indirimbo abarimo Mike Kayihura    

KANDA HANO UREBE INDIRIMBO ‘TMH’ YA DENIS KANAKA NAANGELL MUTONI

 “>

KANDA HANO UREBE AMASHUSHO Y’INDIRIMBO ‘GATEBE GATOKI’YA DENIS KANAKA NA SEMA SOLE

 “>

KANDA HANO UREBE AMASHUSHO Y’INDIIRMBO ‘THESE DAYS’ YADENIS KANAKA NA KIVUMBI KING

“>