Category: Uncategorized

Iyi mpanuka yabaye kuri uyu wa Gatatu tairki 17 Mutarama 2024, mu Mudugudu w’Amajyambere mu Kagari Musezero mu Murenge wa Gisozi.
Iyi gaze yaturikiye mu nzu yari ituwemo n’umuturage, yahise ishya igakongoka, ibyarimo byose bigashya.

Umuvugizi wa Polisi y’u Rwanda, ACP Rutikanga Boniface, yavuze ko iyi Gaze yaturitse ubwo bari bayitetseho, ndetse ko Polisi ifatanyije n’abaturage batabaye ubwo inzu yari itarashya yose.

Iyi nzu yahiriyemo ibikoresho birimo Telefone, Televiziyo yo mu bwoko bwa Flat, matola ebyiri, ivalisi y’imyenda yuzuye, intebe imwe, n’amafaranga ibihumbi 50Frw.

Ibi bikoresho byahiriye mu nzu kubera iturika ry’iyi gaze, byose bifite agaciro ka 3 800 000 Frw.

ACP Rutikanga avuga ko inzu yahiye nta bwishingizi yari ifite bw’inkongi, ku buryo nyuma y’impanuka sosiyete y’ubwishingizi yamwishyura ibyangiritse.

ACP Rutikanga agira inama abantu zo kujya bitwararika igihe batetse, ndetse mbere yo guteka kuri Gaze bakabanza bakagenzura niba ifunze neza kugira ngo birinde ibyago byo kuba yabaturikana.

Byatangajwe mu itangazo ryashyizwe hanze n’ubuyobozi bw’iyi kipe ya United Generation Basketball kuri uyu wa Kane tariki 18 Mutarama 2024.

Iri tangazo rivuga ko iyi kipe yinjiye mu mikoranire n’Umuhanzi w’izina rikomeye muri Afurika y’Iburasirazuba no ku Isi.

Bivugwa ko uyu muhanzi Bruce Melodie ndetse n’itsinda rimureberera inyungu, bashoye amafaranga muri iyi kipe muri iyi mikoranire binjiyemo.

Ubuyobozi bw’iyi kipe, buvuga ko iyi mikoranire, igaragaza umuhate w’umuhanzi Bruce Melodie mu kugira uruhare mu kuzamura urubyiruko.

Bruce Melodie na we nk’uko yabyitangarije, yavuze ko gushora imari muri iyi kipe, bigamije gushyigikira uruhare mu iterambere ry’urubyiruko.

UKWEZI.RW

Kuva mu ijoro ryo ku wa Kabiri 2024 ni bwo hatangiye gusakara amakuru avuga ko Niyo Bosco yaba ari mu rukundo n’inkumi yitwa Keza Nabrizza,.

Aya makuru yarakomeje akwirakwira ku mbuga nkoranyambaga ariko ukuri kwayo gukomeza gushidikanwaho. Ni amakuru yavugaga ko Niyo Bosco na Keza baba banategura gushinga urugo mu gihe kiri imbere.

Ibi byose byavaga ku mashusho yabagaragazaga basohokekeye ahantu heza. Aya makuru yashidikanyijweho, ku buryo bamwe bagiye kure bavuga ko ari ibimenyerewe mu myidagaduro bizwi nko “Gutwika”.

Benshi bavugaga ko kuva asinye muri Kikac Music, yari akeneye gukora inkuru itigisa imyidagaduro nyarwanda akongera guhabwa umwanya nk’uko byahoze mbere by’umwihariko ubwo yabarizwaga muri MIE Empire y’umunyamakuru Irene Mulindahabi.

Nyuma y’ibyo byose Niyo Bosco yongeye gushimangira ko ari mu rukundo ubwo yongeraga gusangiza abamukurikira ifoto y’uyu mukoba maze akandikaho amagambo y’urukundo.

Uyu mukobwa nawe yatangiye kujya aho batangira ibitekerezo ashyiramo umutima asa n’uca amarenga ko urukundo rwabo rugeze aharyoshye.

Mu kiganiro na InyaRwandanda, Niyo Bosco yahamije aya makuru nubwo atigeze atangaza byinshi. Niyo Bosco yagize ati “Ibyo mwabonye ni biriya, nibyo. Mwebwe mubwire abanyaRwanda ukuri kw’ibyo mwabonye, hatabaho kudutekerereza”.

Niyo Bosco abajijwe ibyo kuba byaba ari amayeri yo kwamamaza EP ye yise “New Chapter” ndetse ko hari amakuru avuga ko ariya yari amashusho y’indirimbo yafatwaga, yabaye nk’ubiteye utwatsi.

Yagize ati “Nonese uri muri video y’indirimbo, we ntiyaba umukunzi? Kuba ndimo ndategura EP se bivuze ko ntajya mu rukundo?”.

Niyo Bosco yavuze ko ntakabuza urukundo rushobora kubaho kandi n’ibikorwa bya muzika bigakomeza’. Abajijwe ku bijyanye n’ubukwe ndetse n’igihe amaze akundana n’uyu mukobwa, yavuze ko byinshi azabitangaza mu minsi iri imbere mu kiganiro.

Icyakora InyaRwanda yari isanzwe ifite amakuru ko Niyo Bosco na Keza ari inshuti bisanzwe ndetse bamwe mu nshuti zabo batunguwe no kubona bivugwa ko bari mu rukundo.

Umwe mu baganirije InyaRwanda, yagize ate “Njyewe mperuka inshuti, sinamenye igihe bakundaniye rwose. Icyakora muri iyi minsi, birashyushye rwose wagira ngo bari basanzwe bari mu rukundo bucece”.

Niyo Bosco kuva yatangira umuziki, yari ataragaragara cyangwa ngo yumvikane mu rukundo n’umuntu uwo ariwe wese.

Niyo Bosco na Nabrizza bakomeje gushyira benshi mu rujijo

Nabrizza uvugwa mu rukundo na Niyo Bosco

Niyo Bosco kuva yagera muri Kikac Music amaze gushyira hanze indirimbo yise “Eminado”.

Mu itangazo ryagiye hanze kuri uyu wa Kane tariki 18 Mutarama 2024 bagaragaje ko bishimiye icyerekezo cy’abatangije ikipe ya UGB [United Generation for Basketball], bityo banzura kuyishoramo imari.

Bavuze ko 'Umuhanzi w'icyamamare muri Afurika y'Iburasirazuba, Bruce Melodie hamwe n'itsinda rimufasha mu bushabitsi batangiye ishoramari mu ikipe ya Basketball, United Generation for Basketball ibarizwa mu cyiciro cya mbere.'

Bagaragaza ko bishimiye kuba bagiye kugira uruhare mu iterambere ry'urubyiruko bati: 'Iyi nzira isobanuye umuhate Bruce Melodie n'ikipe imufasha bafite mu kugira uruhare mu iterambere ry'urubyiruko binyuze muri siporo n'uburezi.'

UGB yatangijwe na Shampiyona Aimable na Nizeyimana muri LDK [Lycee De Kigali] bagamije guhindura ikipe yo mu mashuri yisumbuye imwe mu zikomeye mu gihugu. 

Icyerekezo cya UGB cyaje gushimwa na Bruce Melodie n'itsinda rye mu buryo bw'ubucuruzi bemeranya gukomezanya urugendo.

Bruce Melodie yishimiye cyane gufatanya na UGB muri uru rugendo batangiranye kuva kuri uyu wa Kane. Yagize ati: 'Kuba umwe muri UGB, ikipe igamije guteza imbere urubyiruko ni ikintu gikomeye.'

Itangazo ryashyizwe hanze rigaragaza ko Bruce Melodie n’itsinda rye bamaze gushora imari muri UGBCoach Gael na Bruce Melodie bagaragara ko bishimiye ishoramari rishya batangiye by’umwihariko rije gufasha urubyirukoMu bihe bitandukanye Bruce Melodie na Coach Gael bitabira imikino itandukanye ibera muri BK ArenaUGB yatangirijwe muri Lycee de Kigali hagamijwe guteza imbere Basketball y’abanyeshuri biga mu mashuri yisumbuye

Iri rushanwa ryatangiranye n'uku kwezi ryabereye muri Vietnam na Cambodia. Abakobwa bamaze ibyumweru birenga bibiri bahatanye mu byiciro bitandukanye birimo icyo kwiyerekana mu mwambaro gakondo wa buri wese mu gihugu cye, muri bikini, mu makanzu maremare, mu kwerekana impano buri wese afite n'ibindi bitandukanye.

Iwacu Gretta w'imyaka 23 yari mu bakobwa bagombaga kwitabira ndetse ni bwo bwa mbere yari agiye guserukira igihugu mu marushanwa mpuzamahanga, gusa mu Rwanda yagiye muri Miss Earth Rwanda na Miss Global Beauty Rwanda. Yiga muri kaminuza mu ishami ryo kubungabunga amashyamba.

Ntabwo amahirwe yo kugenda yamukundiye nk'uko InyaRwanda yahawe amakuru, kuko yaje kubura ibyangombwa iminsi irushanwa ryari kuberamo iramufata birangira atitabiriye.

Iri rushanwa rirasozwa kuri uyu wa Kane tariki 18 Mutarama 2024 mu birori bibera mu Mujyi wa Phnom Penh muri Cambodia. Umuhango wo gutanga ikamba urayoborwa na Miss Universe Thailand – Anntonia Porsild afatanyije n'umukinnyi wa filime Nico Locco ukomoka muri Canada.

Abakobwa barenga 80 nibo bitabiriye iri rushanwa, mu gihe hari gushakishwamo Miss n'ibisonga bye.

Uri bwegukane ikamba rya Miss Global 2023 arahembwa 20.000 $ [agera kuri miliyoni 25 Frw] mu gihe ibisonga bine bya mbere, buri umwe arahabwa impano ifite agaciro k'amadorali 1000. Haratangwa izindi mpano zigera ku munani aho buri umwe uzayegukana azahabwa amadorali 250.

Uretse ibyo, abakobwa bitabiriye bazagenda babona amahirwe yo gukorana n'ibigo bitandukanye bikomeye ku Isi, babyamamariza cyangwa bibafasha ibindi bikorwa bijyanye n'ubucuruzi no kwiga kaminuza ku buntu.

Iwacu Gretta ntabwo yabashije kwitabira irushanwa rya Miss Global riri kugana ku musozo 

Abakobwa bitabiriye irushanwa bamaze iminsi bakora ibikorwa bitandukanye. Aha bari basuye inyamanswa Abakobwa muri iri rushanwa biyerekanye mu buryo butandukanye burimo n’umwambaro wa bikiniIri rushanwa ryitabiriwe n’abakobwa baturutse mu bice bitandukanye by’isi n’u Rwanda rwagombaga kwitabira ariko bikaza kwanga ku munota wa nyuma Abakobwa bagiye biyerekana mu myambaro irimo iya gakondo y’iwaboUmuhango wo gutanga ikamba uri kuyoborwa na Miss Universe Thailand Anntonia Porsild afatanyije na Nico Locco ukomoka muri Canada

Imyaka 7 irashize kuva Ben na Chance batangiye kuririmbana nk’umugabo n’umugore. Indirimbo batangiriyeho ni “Ririmbira Umwami” yageze hanze mu 2016. Icyo gihe inyaRwanda yabanditseho inkuru ivuga ngo “Couple ya Ben na Chance abaririmbyi bakomeye ba Alarm Ministries batangiye kuririmba ku giti cyabo”.

Beretswe urukundo rwinshi, babera benshi icyitegererezo mu muziki wa Gospel dore ko nyuma yabo twatangiye kubona andi ma ‘couples’ menshi yateye ikirenge mu cyabo nka James na Daniella, Papi Clever na Dorcas, Zabron na Deborah, Rene & Tracy n’abandi. Kuri ubu umugabo ushatse umugore uzi kuririmba, bahita baririmbana nka couple.

Ben na Chance bazwi nk’inzu yo kuramya Imana [House of Worship] ni abaririmbyi bakomeye ba Alarm Ministries, bakaba abakristo muri Foursquare Gospel church. Chance yahamije ko kuririmbana nka ‘Couple’ bazabikomeza na cyane ko biri mu muhamagaro wabo n’iyerekwa bafite ry’uko inzu yabo izakorera Imana.

Chance ufatwa nk’ishyiga ry’inyuma muri Alarm Ministries nayo ifatwa nk’umubyeyi w’andi matsinda yose mu Rwanda, yagize ati: “Tuzakomeza kuririmba nka couple, twembi dusengera Foursquare. Vision ni ukubaka ubwami bw'Imana uhereye mu rugo (Njye n'inzu yanjye tuzakorera Uwiteka) Joshua 24: 15”.

Mu rugendo rw’umuziki bamazemo imyaka 7 nka couple, Ben na Chance bakunzwe mu ndirimbo zitandukanye zirimo “Yesu Arakora” imaze kurebwa n’abarenga Miliyoni 6 kuri Youtube, “Amarira”, “Impano y’ubuzima”, “Mu nda y’ingumba” n’izindi. Indirimbo zabo bazinyuza kuri shene ya Youtube yitwa Ben & Chance Ministry.

Igitaramo cyabo cya mbere bagikoze kuwa 20 Gicurasi 2018, muri Kigali Serena Hotel. Icyo gihe bamurikaga album yabo ya mbere bise ‘Izina rya Yesu Rirakomeye’. Ni igitaramo Ben na Chance batumiyemo Aline Gahongayire, Bigizi Gentil (Kipenzi), Healing Worship Team na Alarm Ministries.

Ben na Chance bavuga ko bafite indirimbo nyinshi zirenga 100 zitari zatunganywa muri studio, bagiye gutaramira bwa mbere muri Canada. Mu kiganiro na inyaRwanda, Mbanza Chance yemeje aya makuru anavuga uko bakiriye gutumirwa. Ati “Amakuru niyo, kandi byaradushimishije cyane kuko hari abakunzi ba Kristo bariyo bahoraga bifuza ko tujyayo”.

Ntiyatangaje amakuru menshi kuri uru rugendo rwabo muri Canada, gusa amakuru twabonye ni uko batumiwe n’Umuryango Heart of Worship in Action Foundation washinzwe ndetse ukaba uyoborwa na Willy Gakunzi Makunzi usanzwe nawe ari umuramyi akaba n’umwanditsi w’ibitabo.

Ni ibitaramo byiswe “Canada Tour” bizakorwa mu nsanganyamatsiko ivuga ngo “Let’s Worship Together with Ben & Chance” [Mureke turamye Imana turi hamwe na Ben na Chance]. Amatariki n’aho ibi bitaramo bizabera, bizatangazwa mu minsi iri imbere, gusa inyaRwanda yamenye ko bizaba muri Gicurasi hatagize igihinduka.

Ben na Chance bamaze imyaka 7 kuva batangiye kuririmbana nk’umugabo n’umugore

Ben na Chance bateguje ibitaramo bizenguruka Canada

Ben na Chance bagiye guhesha umugisha abakunzi babo batuye muri Canada

REBA INDIRIMBO “YESU ARAKORA” YA BEN NA CHANCE

Muri iki gihe kumenyekana mu muziki ntibigisaba kugira impano gusa ahubwo bisaba no kugira ibindi biyiherekeza, bituma abantu barushaho kugukunda. Muri ibi harimo n’uburanga bujyana n’imiterere, ari nabyo bigira uruhare mu kwamamara kw’abahanzikazi. 

Ni kenshi hakunze kugaragara abahanzikazi bazamuka mu muziki, bakamamara mu buryo bworoshye ariko wareba impano yatumye bazamuka ukayibura ahubwo ugasanga bakundiwe ikimero. Kimwe nuko hari abahanzikazi benshi bafite impano gusa usanga abantu batabakunda cyangwa ngo babiyumvemo bitewe n’uko imiterere yabo idashamaje.

Ikinyamakuru Daily Africa cyashyize hanze urutonde rw’abahanzikazi nyafurika 10 batangiye 2024 bakunzwe cyane kubera impano n’uburanga bwabo. Ni ukuvuga ngo ni amata yabyaye amavuta kuko bo bafite impano n’uburanga bituma barushaho gukundwa.

1. Tyla

Umuhanzikazi akaba n’umwanditsi w’indirimbo, Tyla Laura Seethal ukomoka muri Afurika y’Epfo, akomeje kwigarurira imitima ya benshi binyuze mu bihangano bye ndetse n’uburanga bwe burangaza abasore benshi.

Ku myaka 21 gusa Tyla ahatanye mu bihembo bya Grammy Awards 2024 abikesha indirimbo ye ‘Water’ yaciye ibintu. Kuba afite impano n’ubwiza ngo biri mu by’ibanze byamuhaye igikundiro mu bantu.

2. Tems

Umuhanzikazi Temilade Openeyi uzwi nka Tems ukomoka muri Nigeria, ari mu bahagaze neza muri iyi minsi. Uyu muhanzikazi uzwiho ubuhanga anafite imiterere ikurura igitsina gabo, ndetse biri mu byatumye akundwa cyane.

3. Maud Elka

Umuhanzikazi Maud Elka uturuka muri Repubulika Iharanira Demokarasi  ya Congo wakunzwe cyane mu ndirimbo ‘Songi Songi’ yakoranye na Hiro nyuma akayisubiranamo na Ali Kiba, ari mu bahanzikazi b’ikimero batitiza Umugabane wa Afurika.

4. Ayra Starr

Oyinkansola Sarah Aderibigbe wamamaye ku izina rya Ayra Starr, ni umuhanzikazi ukomoka muri Nigeria uri mubagezweho ku rwego mpuzamahanga. Kuba azwiho kugira ijwi ryiza,anazwiho kuba uburanga bwe bwaratumye akundwa byihuse dore ko nawe yivugira ko hari abareba cyane ku bwiza bwe aho kwita ku byo ari kuririmba iyo ari ku rubyiniro.

5. Nadia Nakai

Umuraperikazi Nadia Nakai Kandava wo muri Afurika  y’Epfo unafite inkomoko muri Zimbabwe, nawe ari mu banyamuziki bakurura igitsina gabo. Nadia Nakai ufatwa nk’umwamikazi w’injyana ya Rap muri Afurika, azwiho kugira uburanga n’ikimero gikurura benshi.

6. Gyakie

Jacqueline Acheompong wamenyekanye ku izina rya Gyakie akoresha mu muziki, ni umuhanzikazi wo muri Ghana. Ku myaka 24 ayoboye urutonde rw’abahanzikazi b’ikimero muri Afruka . Gyakie yatangiye umuziki mu 2019 ndetse yamamara cyane mu 2021, mu ndirimbo ‘Forever’ yakoranye na Omah Lay wo muri Nigeria.

7. Tiwa Savage

Umuhanzikazi Tiwa Savage ku myaka ye 43 y’amavuko,ntimubuza kuba hari benshi arusha ikimero bakiri bato. Uyu mubyeyi w’umwana umwe uburanga bwe butangaza benshi, bibaza ibanga akoresha kuba agifite itoto mu gihe agezemo.

8. Wendy Shay

Wendy Asiamah Addo wamamaye mu muziki ku izina rya Wendy Shay, ni umwe mu bahanzi bakomeye muri Ghana. Uyu mukobwa w’imyaka 27 azwiho kugira uburanga bukurura benshi.

9. Vitoria Kimani

Victoria Kimani, umuhanzikazi ukomoka muri Kenya winjiye mu muziki mu 2016, yagiye akundwa na benshi kubera ikimero cye cyatumye akurirwa ingofero n’abarimo Sarkodie, watangariye ubwiza bwe.

10.Yemi Alade

Umuhanzikazi Yemi Alade ukunzwe cyane muri Nigeria uri no mu bagize uruhare mu kuzamura injyana ya Afro Beat, niwe uza ku mwanya wa Cumi mu bahanzikazi bafite impano n’uburanga bakomeye muri Afurika mu ntangiriro za 2024.