Webrwanda Backend

Category: Uncategorized

  • Abatega imodoka rusange mu mujyi wa Kigali barabyinira ku rukoma nyuma y’aho bisi 100 ziheruka kugera mu Rwanda zatangiye kubatwara – AMAFOTO – YEGOB #rwanda #RwOT

    Abatega imodoka rusange mu mujyi wa Kigali, baramwenyura nyuma y'uko kuri uyu wa Gatanu tariki 19 Mutarama 2024, imihanda y'Umujyi wa Kigali yatangiye kugendwamo na bisi zitwara abagenzi rusange 100 ziheruka kugera mu Rwanda. Ni mu gihe izindi ziri mu nzira ziva mu gihugu zaguriwemo.

    Izi bisi 100 zo mu cyiciro cya mbere zahawe kampani 8 zashoboye kuzuza ibisabwa mu ipiganwa ari zo: Yahoo Car Express, Remera Transport Cooperative, Nyabugogo Transport Cooperative, City Centre Transport Cooperative, S.U Direct Services, Jali Transport, 4G Ju Transport Ltd na RITCO.

    Buri Bisi ifite ubushobozi bwo gutwara abantu 70 kandi zije ziyongera ku zindi modoka zitwara abantu mu Mujyi wa Kigali.

    Source : https://yegob.rw/abatega-imodoka-rusange-mu-mujyi-wa-kigali-barabyinira-ku-rukoma-nyuma-yaho-bisi-100-ziheruka-kugera-mu-rwanda-zatangiye-kubatwara-amafoto/

  • Amakuru mashya ku bakinnyi 3 b’Abagande bakinira Rayon Sports baherutse kwanga kuza mu ikipe yabo – YEGOB #rwanda #RwOT

    Abakinnyi b'abanya-Uganda Joackiam Ojera, Charles Bbaale na Simon Tamale bakoze imyitozo ya nyuma muri Rayon Sports yitegura Gorilla FC.

    Ni mu mukino w'Umunsi wa 17 wa Shampiyona uteganyijwe kubera kuri Kigali Pelé Stadium ku mugoroba wo kuri uyu wa Gatanu saa 18h00.

    Aba basore bombi hari amakuru yari yavuzwe ko badashaka kugaruka muri Rayon Sports nyuma yaho ku mukino Gikundiro yatsinzwemo na Gasogi United, aba basore bari bibereye i wabo muri Uganda banze kuza mu ikipe yabo.

    Source : https://yegob.rw/amakuru-mashya-ku-bakinnyi-3-babagande-bakinira-rayon-sports-baherutse-kwanga-kuza-mu-ikipe-yabo/

  • U Rwanda rwatakaje umukino wa kabiri mu gikombe cy’Afurika (AMAFOTO) #rwanda #RwOT

    U Rwanda rwatakaje umukino wa kabiri mu gikombe cy’Afurika cya Handball nyuma yo gutsindwa na DR Congo ibitego 38-20.

    U Rwanda rwatangiye neza umukino aho rwatsinze ibitego 4 DR Congo itarabasha kureba mu izamu. Harimo 2 bya Mbesutunguwe, Yves na Kubwimana.

    DR Congo yaje kugagaruka itsinda ibitego 5 u Rwanda rutsinze kimwe, byari ku munota wa 7 aho amakipe yombi yanganyaga 5-5.

    Ku munota wa 15, u Rwanda rwari rumaze kurushwa ibitego 2, byari 9-7.

    DR Congo yakomeje kurusha u Rwanda irugenda imbere aho igice cya mbere cyarangiye ari ibitego 18-11.

    U Rwanda ntabwo rwahiriwe n’intangiriro z’igice cya kabiri, iminota 10 ya mbere rwari rumaze gutsindwa ibitego 7-3. Byari bimaze kuba 25-14.

    DR Congo ikaba yakomeje kurusha u Rwanda ndetse iza gutsinda ku bitego 38-20.

    Gutakaza uyu mukino bivuze ko u Rwanda rutabashije kugera muri 1/4, rukaba rusigaje umukino usoza itsinda na Zambia ku Cyumweru.

    Aya makipe uko ari abiri (u Rwanda na Zambia) akaba agomba guhura n’andi makipe 6 yo mu yandi matsinda atarabashije kugera muri 1/4 akine mu irushanwa ryitwa “President Cup”, rikinwa n’amakipe atarabashije kurenga amatsinda.

    Source : http://isimbi.rw/siporo/article/u-rwanda-rwatakaje-umukino-wa-kabiri-mu-gikombe-cy-afurika-amafoto

  • Umukino murawuzi igisigaye ni ugutsinda – Ambasaderi w’u Rwanda mu Misiri yibutsa ikipe y’igihugu (AMAFOTO) #rwanda #RwOT

    Ambasaderi w’u Rwanda mu Misiri, CG Dan Munyuza mbere yo gukina DR Congo, yibukije abakinnyi b’ikipe y’igihugu ko bagomba gushaka intsinzi kuko umukino wo bawuzi.

    Ni mbere y’umukino wa kabiri w’igikombe cy’Afurika cya Handball kirimo kubera mu Misiri kuva tariki ya 17 Mutarama 2024 aho u Rwanda rugiye gukina na DR Congo.

    Ambasaderi w’u Rwanda mu Misiri, Dan Munyuza akaba yasuye ikipe y’igihugu mbere y’uyu mukino abibutsa ko kuba baravuye mu Rwanda ari uko umukino bawuzi, igisigaye ari ugushaka intsinzi.

    Ati “ibyo kuza mu marushanwa byo mwaraje kandi umukino murawuzi, igisigaye ni ugutsinda kandi dushyigikiye ko mutsinda.”

    Yakomeje kandi abibutsa ko bagomba kumenya ko abanyarwanda aho bari hose babashyigikiye.

    Ati “iyo ikipe y’igihugu yaserukiye igihugu abanyarwanda bari hanze y’igihugu, yaba abari mu gihugu baba babashyigikiye kandi babifuriza gutsinda, baba babari inyuma.”

    Dan Munyuza yababwiye ko umukino batsinzwemo na Cape Verde yawurebye abasaba gukosora amakosa bawukozemo.

    Yanabijeje ko n’indi mikino bazakina azayireba kandi hari n’abanyarwanda baba Cairo bazaza kubashyigikira.

    U Rwanda rugiye gukina umukino wa 2 mu itsinda A na DR Congo, ni mu gihe ruzasoza ku Cyumweru rukina Zambia.

    Ambasaderi CG Dan Munyuza asuhuza abakinnyi

    Perezida wa FERWAHAND, Alfred na Ambasaderi Dan Munyuza

    Bafashe ifoto y’urwibutso

    CG Dan Munyuza yasabye ikipe y’igihugu gutsinda

    Source : http://isimbi.rw/siporo/article/umukino-murawuzi-igisigaye-ni-ugutsinda-ambasaderi-w-u-rwanda-mu-misiri-yibutsa-ikipe-y-igihugu-amafoto

  • Perezida wa Gorilla FC Hadji yatangaje umubare w’ibitego agomba gutsinda Rayon Sports – YEGOB #rwanda #RwOT

    Ni njyewe ukeneye impyiko kurusha Rayon Sports! Perezida wa Gorilla FC Hadji yatangaje umubare w'ibitego agomba gutsinda Rayon Sports nkuko bamaze iminsi babikora

    Ikipe ya Rayon Sports kuri uyu wa Gatanu irakina n'ikipe ya Gorilla FC, mukino uratangira ku isaha ya saa kumi n'ebyiri z'umugoroba ubere kuri Kigali Pele Stadium.

    Uyu mukino wakaniwe cyane n'ikipe ya Gorilla FC bijyanye nibyo Perezida wayo Hadji Mudaheranwa yatangaje mu gitondo cyo kuri uyu wa Gatanu ubwo yahamagarwaga na Radio One ya KNC.

    Mu magambo uyu muyobozi yatangaje, yavuze ko amanota 3 ari Gorilla FC iyakeneye cyane kuruta Rayon Sports ndetse anavuga ko kuba yaravuye mu ikipe ya Rayon Sports ntabwo bituma uko bazajya bahura azajya ayiha amanota uko yishakiye ahubwo iyo wagiye mu rugo rwawe ibyo mu muryango uvukamo ubishyira ku ruhande ugakunda ibyawe.

    KNC yaje kubaza Hadji ati ' Ese ko hari igihe papa wawe ashobora kugira ikibazo cy'impyiko ukaba wayimuha ntabwo wowe ariko bimeze?'

    Hadji yamusubije amubwira ko hari igihe ari wowe uba ufite icyo kibazo cy'impyiko kuko kugeza ubu ni njyewe ukeneye impyiko kurusha Rayon Sports.

    Mudaheranwa Hadji yaje guhita atangaza ko abakinnyi bose bakomeye ba Gorilla FC bahari Kandi bameze neza kuruta iminsi ishize ahubwo ahita avuga ko bagomba gutsinda Rayon Sports Kandi ibitego bitari munsi ya 2 nkuko ngo bamaze iminsi babikora.

    Umukino uheruka ikipe ya Gorilla FC yatsinze Kiyovu Sports ibitego 2-0 mu gikombe cy'amahoro naho ikipe ya Rayon Sports yo yatsinze ikipe ya Interforce FC ibitego 4-0, bivuze ko uyu mukino uraba ukomeye.

     

    Source : https://yegob.rw/perezida-wa-gorilla-fc-hadji-yatangaje-umubare-wibitego-agomba-gutsinda-rayon-sports/

  • Imitoma iraca ibintu kwa Bushali n’umugore we… – #rwanda #RwOT

    Bushali uherutse  guhura na Minisitiri w'Urubyiruko n'Iterambere ry'Ubuhanzi, Dr.Utumatwishima Jean Nepo Abdallah wanamwemereye ubufasha muri gahunda arimo yo gutegura kumurika umuzingo [Album] yise 'Full Moon'.

    Yongeye gutigisa imbuga  nkoranyambaga asangiza abamukurikira ibihe byiza yagiranye n'umugore we Pontensiano, mu butumwa bw'amafoto yaherekesheje amagambo y'ubwenge asobanura ko umugabo ufite umugore umwumva abayuzuye.

    Ibintu abakundana n'abafite ingo cyane ab’igitsina gabo bagakwiye kumviraho nk'ibanga rikomeye bibiwe na mugenzi wabo wamaze kurushinga cyangwa uri mu rukundo.

    Mu magambo ye Bushali yagize ati'Umugabo abayuzuye igihe afite umugore umwumva.'

    Ni amagambo yakiriwe n'abakunzi b'uyu muraperi ariko byumwihariko akora ku mutima wa Pontensiano wagize ati'Ndagukunda kurusha ikindi cyose mugabo wanjye.' Bushali na we ahita yongera kumuhamiriza ko amukunda cyane.

    Aba bombi baherukaga kugarukwaho cyane mu bihe bitari ibya kure ku wa 06 Mutarama 2024, ubwo bitabiraga bombi ubukwe bwa Uwase Muyango wabaye Miss Photogenic 2019 na Kimenyi Yves umunyezamu wanyuze mu makipe menshi kandi ujya witabazwa no mu ikipe y'igihugu, Amavubi.

    Bushali yatangaje ko umugabo wese abayuzuye igihe afite umugore umwumvaUmugore wa Bushali yamuhamirije ko amukunda kurusha ikindi icyari cyose ku IsiBushali n’umugore we baherukaga guserukana mu birori by’ubukwe bwa Muyango na Kimenyi bwitabiwe n’ibyamamare bitandukanyeBushali aritegura kumurikira abakunzi be umuzingo yitiriye imbuto y’umwana Imana yabahaye we na PontensianoBushali akomeza kugaragaza ko yihebeye Pontensiano kandi ko umuryango uza imbere  ya byose mu buzima

    Source : https://inyarwanda.com/inkuru/138766/imitoma-kwa-bushali-numugore-we-iraca-ibintu-amafoto-138766.html

  • Umutoza wa APR FC Thierry Froger yigize ntibindeba – YEGOB #rwanda #RwOT

    Umutoza wa APR FC, Umufaransa Thierry Froger yeruye avuga ko abakinnyi bose bagomba kongerwa muri iyi kipe nta ruhare na rumwe agomba kubigirimo.

    Hari nyuma y'umukino ubanza wa 1/8 cy'Igikombe cy'Amahoro aho yaraye atsinze AS Kigali 1-0 cya Ruboneka Bosco.

    Thierry Froger ababijwe niba hari abakinnyi azongeramo muri uku kwezi kwa Mutarama mu rwego rwo gukomeza kongerera imbaraga ikipe ye, yavuze ko bitamureba ko ahubwo bireba ubuyobozi kuko ari bwo bugura abakinnyi.

    Ati 'ibyo ntabwo bindeba kuko ubuyobozi ni bwo bugura abakinnyi.'

    Abajijwe niba mu bakinnyi 4 iyi kipe yajyanye mu irushanwa rya Mapinduzi Cup nta we bazanyisha, yavuze ko nabyo byabazwa ubuyobozi.

    Isoko rito ry'abakinnyi mu Rwanda rikaba rizafungwa tariki ya 28 Mutarama 2024, APR FC ikaba ari imwe mu makipe atarongeramo umukinnyi n'umwe, ni mu gihe bivugwa ko Sanda Soulei wari mu igeragezwa ari we ushobora gusinyishwa n'iyi kipe.

    Source : https://yegob.rw/umutoza-wa-apr-fc-thierry-froger-yigize-ntibindeba/

  • Musanze : Guhima uwo bashakanye byatumye umugabo yadukira inzu ye arayisenya #rwanda #RwOT

    Ni nyuma y’icyemezo cyafaitwe mu Nteko y’Abaturage yabaye ku wa Kabiri tariki 16 Mutarama 2024, yari yemeje ko uyu mugabo we n’umugore we wa kabiri, bava mu nzu babamo bakayisigira umugore wa mbere w’uwo mugabo, wavuze ko ari we bayubakanye.

    Umuvugizi wa Polisi mu Ntara y’Amajyaruguru, SP Jean Bosco Mwiseneza, yemeje aya makuru, avuga ko uwo mugabo afungiye kuri Polisi Sitasiyo ya Muhoza, nyuma yo guteza imvururu mu muryango.

    Ati 'Uyu mugabo yashatse umugore wa mbere batandukanye ashaka undi. Umugore wa mbere akaza avuga ko inzu bayubakanye adakwiye kuyizaniramo undi mugore kandi bafitanye umwana, ubuyobozi bukabwira uwo mugabo ko niba yarahisemo gushaka undi mugore agomba kumushakira ahandi'.

    Arongera ati 'Umugabo na we akavuga ati, aho kugira ngo musige muri iriya nzu nayisenya kuko ninjye wayiyubakiye, nibwo uwo mugabo kubera n’inzoga yari yanyoye yafashe icyemezo, atangiye gusenya inzu, ubuyobozi bwiyambaje inzego z’umutekano ziramufata ubu afungiye kuri Sitasiyo ya Muhoza'.

    SP Mwiseneza arashishikariza abaturage kwirinda gufata ibyemezo bishobora gutera amakimbirane no kuba byatera impfu, abasaba kujya babimenyesha ubuyobozi cyangwa bakagana inkiko.

    Ati 'Icyo nabwira abaturage ni uko igihe ugize ikibazo cyo kutumvikana n’uwo mwashakanye, udakwiye gufata icyemezo nk’iki uyu mugabo yafashe, gusenya inzu, gutema amatungo bijya bibaho, gutema imyaka cyangwa se kurwana bagakomeretsanya bishobora gutera impfu, ukwiye kugana ubuyobozi bukabagira inama'.

    Arongera ati 'Iyo byanze ugana inkiko, nibyo bivamo icyemezo kirambye kandi kidafite ingaruka, naho iteka ryose iyo ushatse gufata ibyemezo bishingiye kuri kamere bigira ingaruka zitari nziza'.

    Ivomo : Kigali Today

    UKWEZI.RW

    Source : http://www.ukwezi.rw/Mu-rwanda/article/Musanze-Guhima-uwo-bashakanye-byatumye-umugabo-yadukira-inzu-ye-arayisenya

  • Habura amasaha macye ngo Tshisekedi arahire biravugwa ko muri Congo hashobora kuba imyigaragambyo ya rurangiza #rwanda #RwOT

    Perezida Felix Tshisekedi watsinze amatora y’Umukuru w’Igihugu yaabye mu mpera z’umwaka ushize wa 2023, azarahira kuri uyu wa Gatandatu tariki 20 Mutarama 2024.

    Gusa ubu ikiri kuvugwa cyane, ni imyigaragambyo yateguwe n’abatavuga rumwe na we, bari banahanganye mu matora, barimo umunyemari Moïse Katumbi waje anamukurikiye mu majwi.

    Mu bateguye imyigaragambyo kandi, hairmo Martin Fayulu na we wagize amajwi ya gatatu, wari wanahanganye na Tshisekedi ubwo yatorerwaga manda ye ya mbere.

    Aba bombi ntibemera ibyavuye mu matora, ndetse ishyaka rya Moïse Katumbi ryo rikaba ryaranavuze ko ari we watsinze amatora, kandi ko ryiteguye guhangana n’uwo ari we wese washaka kubahuguza intsinzi yabo.

    Abayoboye b’aba banyapolitiki, n’ubundi baherutse gukora imyigaragambyo ariko yagiye ikomwa mu nkokora n’inzego z’umutekano, ziherutse no guheza mu rugo Moïse Katumbi zagose urugo rwe n’ibibunda bya rutura.

    Tshisekedi agiye kurahirira manda ya kabiri mu gihe Igihugu cye cyugarijwe n’ibibazo uruhuri, birimo intambara imaze iminsi ihanganishije FARDC na M23.

    UKWEZI.RW

    Source : http://www.ukwezi.rw/Mu-mahanga/article/Habura-amasaha-macye-ngo-Tshisekedi-arahire-biravugwa-ko-muri-Congo-hashobora-kuba-imyigaragambyo-ya-rurangiza

  • Meddy yazirikanye abakunzi be,anabateguza iki… – #rwanda #RwOT

    Ku wa 15 Mutarama 2024 nyuma y'umwaka nta ndirimbo ashyira hanze yasangije abantu ubutumwa bukomeye ahamya ko Imana yamuhinduriye ubuzima mu buryo bwiza agenda yunganirwa n'inshuti ye magara Adrien Misigaro.

    Ibi byongeye gushimangira ko uyu muhanzi wakomeje gukoresha ibimenyetso ko yasezeye umuziki w'Isi koko yamaze kwinjira byimbiste mu muziki wo kuramya ngo guhimbaza Imana.

    Nyuma y'uko iki gihangano yise 'Niyo Ndirimbo' gikomeje kugenda gifata imitima ya benshi, yagaragaye mu mashusho mato ayiririmba abantu babinyujije mu nyunganizi bamurata amashimwe ku bw'amahitamo yatoye abandi basaba Mimi Mehfira umugore we gukomeza kumushyigikira.

    Mu butumwa Meddy yongeye kuri aya mashusho yagize ati'Bazavuga ngo ubwo Meddy ari hano, Yesu turi kumwe.' Asa n’ukomoza ku kuba agiye kuba ingabo ikomeye y'umukiza Yesu Kristo.

    Arangije akangurira abamukurikira ko ntarirarenga nabo bafata umwanzuro bagakurikira Yesu ati'Mutinyuke kwamamaza inkuru nziza, muhagararire Yesu.'

    Agaragaza ko abamaze kwemera atari bake kuko igihe cy'ubutsinzi cyegereje kandi ko kugeza ubu ntacyo Isi irabona asaba abantu kuzirikana amagambo avuga.

    Meddy kugeza ubu ni we muhanzi ufite abamukurikira benshi mu Rwanda akaza kandi no mu bamaze guca agahigo mu Karere ko kugira indirimbo y'umuhanzi umwe imaze kurebwa inshuro nyinshi ku rubuga rwa You Tube.

    KANDA HANO UREBE UNUMVE ‘NIYO NDIRIMBO’

    “>

    Meddy  yafatanije na Adrien Misigaro bashyira hanze indirimbo yumvikanisha ko nta rukundo rubaho rwasumba urw’Imana Byitezwe ko mu bihe bitari ibya kure Meddy ashobora gushyira hanze indirimbo yise ‘Blessed’ imaze imyaka irenga ibiri yamamazwaAheruka kumvikana ahamya ko mbere yo kumva ko agomba gushyira imbere iby’ingoma y’ijuru yagize inzozi yumva ijwi ryatumye ahita afata umwanzuro

      

    Source : https://inyarwanda.com/inkuru/138760/meddy-yazirikanye-abakunzi-beanabateguza-ikintu-gikomeye-138760.html