Category: Uncategorized

Uyu musore yafatiwe mu Mudugudu wa Nyanza mu Kagaru ka Nyanza mu Murenge wa Busasamana tariki 28 Mutarama 2024, nyuma y’uko atanzweho amakuru n’abaturage.

Umuvugizi wa Polisi mu Ntara y’Amajyepfo, Superintendent of Police (SP) Emmanuel Habiyaremye, yavuze ko yavuze ko ubwo abaturage batangaga amakuru kuri uyu musore, hahise hakorwa igikorwa cyo kumufata.

Yagize ati 'Abaturage batuye muri uriya mudugudu ari naho hari inzu icururizwamo ibikoresho by’ubwubatsi yafatiwemo izo nsinga, bahamagaye Polisi bavuga ko babonye umukozi uyicururizamo azanye umufuka urimo ibizingo by’insinga z’amashanyarazi bicyekwa ko ari iza magendu. Hateguwe igikorwa cyo kumusaka abapolisi bahageze bahasanga ibizingo 4 by’insinga z’amashanyarazi yinjije mu gihugu mu buryo bwa magendu.'

SP Habiyaremye yavuze ko izi nsinga uretse no kuba zaragejejwe mu gihugu mu buryo bwa magendu, zitujuje n’ubuziranenge, aboneraho kwibutsa abaturage ko mu gihe bagiye kugura insinga z’amashanyarazi ; bakwiye kubanza gushishoza, baba nta bumenyi bazifiteho bakiyambaza ababisobanukiwe, kuko harimo izishobora kuba zabateza inkongi biturutse ku kuba zitujuje ubuziranenge.

Ubwo yari amaze gufatwa yemeye kuba yakoraga ubucuruzi bw’izi nsinga abizi y’uko ari magendu kandi zitemewe gucururizwa mu Rwanda, ariko ko ari akazi yahawe n’umukoresha we, nyir’iryo duka yacururizagamo.

SP Habiyaremye yashimiye abaturage batanze amakuru yatumye izi nsinga zifatwa, akangurira n’abandi kujya batungira agatoki inzego z’umutekano, abakora magendu, abinjiza ibicuruzwa bitemewe n’abangiza ibikorwaremezo bifitiye abaturage akamaro.

Uwafashwe yashyikirijwe Urwego rw’ubugenzacyaha (RIB) kuri sitasiyo ya Busasamana ngo hakomeze iperereza mu gihe hagishakishwa nyir’iduka ngo na we afatwe.

Ingingo ya 87 y’Itegeko No. 026/2019 ryo ku wa 18/09/2019 rigena uburyo bw’isoresha, iteganya ko ; umuntu wese ugambiriye kutishyura umusoro ukoze igikorwa cyo guhisha ibicuruzwa bisoreshwa cyangwa imitungo ifitanye isano n’ubucuruzi ; aba akoze icyaha cyo kunyereza umusoro.

Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarengeje imyaka itanu (5).

Pasiteri Ezra Mpyisi, yatabarutse ku wa Gatandatu tariki 27 Mutarama 2024, ku isaaha ya saa cyenda nk’uko byatangajwe n’umuryango we.

Nk’uko tubikesha gahunda y’umuryango wa nyakwigendera, ikiriyo cyo kumwibuka kiri kubera i Rebero mu Mujyi wa Kigali, ahazwi nko kuri Panorama Hope Gardens kuva uri uyu wa Mbere tariki 29 Mutarama 2024, kikazasozwa no kwizihiza ubuzima bwe bizaba tariki 03 Gashyantare muri Kaminuza y’Abadivantisiti izwi nka UNILAK.

Ku munsi uzakurikiraho ubwo hazaba ari tariki 04 Gashyantare, hazaba imihango yo kumuherecyeza izabimburirwa n’isengesho ryo kumusabira rizabera muri AUCA i Masoro ubundi habeho kumuherecyeza bwa nyuma mu irimbi rya Rusororo.

Uyu mukambwe wabaye inyangamugayo mu buzima bwe, akarangwa no gutanga inyigisho zafashije benshi guhinduka mu buzima bwo gukunda Imana, yavutse mu 1922, akaba yaratabarutse afite imyaka 102, aho yabaye umupasiteri wa mbere ukuze wabayeho mu Rwanda.

UKWEZI.RW

Iki gikorwa kandi cyarimo urwego rwa DASSO, cyasize hafahwe abakekwaho ibyaha bitandukanye ariko bamwe muri bo bakaba bari baranze kwitaba RIB yari yarabahamagaje.

Abafashwe ni ni SIBOMANA w’imyaka 42, BIHEZANDE w’imyaka 40, NIRORA w’imyaka 37, BAZUBAGIRA w’imyaka 32, Aimable w’imyaka 35, KWIZERA w’imyaka 29, MANIRAHALI w’imyaka 28 na NDORIMANA w’imyaka 35.

Uyu Ndarimana yafatanywe udupfunyika 99 tw’urumogi bikekwa ko yari yaruhishe mu myenda yari yambaye, ubwo yari yurijwe imodoka arukuramo aruta muri rigori, abonwa n’abaturage bigenderaga.

Umuyobozi w’akarere ka Nyanza Ntazinda Erasme yatangaje ko abatawe muri yombi bafungiye kuri sitasiyo ya RIB ya Busasamana.

Ubuyobozi bw’akarere ka Nyanza busaba abaturage kwirinda ibyatuma bibashora mu mategeko kuko bibagiraho ingaruka.

Umuvugizi wa RIB, Dr Murangira B. Thierry aherutse kuvuga ko abantu bahamagazwa n’uru rwego bakanga kwitaba, bibongerera amahirwe yo gukurikiranwa bafunzwe, kuko haba hari impungenge ko bashaka gutoroka.

Muri 2020 ni bwo umuhanzi akaba n'umuhanga mu gutunganya imiziki, Element yatangarije Isibo Tv ko agiye gushyira hanze injyana nshya ya Kinyarwanda iri mu buryo bugezweho ya 'Afro Gako'.

Yavugaga ko iyi njyana ari umwihariko w'abanyarwanda ndetse ko abahanzi bagomba kuyisangamo kuko ari Gakondo yabo ivuguruye.

Nta minsi byafashe kugira ngo ijye hanze dore ko ku wa 31 Ukuboza 2020, umuhanzi Niyo Bosco yashyize hanze indirimbo 'Seka' icuranzwe mu buryo bugezweho ariko bwiganjemo umurishyo n'umudiho bizwi muri Gakondo y'abanyarwanda.

Icyakora bene izi ndirimbo zahise zicyendera mu bubiko bw'uyu musore dore ko yahise yisubirira muri Afro Beats yari asanzwe amenyerewemo.

Byashyize cyera, uyu musore atandukana na Studio Country Records yabagamo ari naho yatangarije uyu mushinga wo guhanga injyana nyarwanda ishobora guserukira u Rwanda ku ruhando mpuzamahanga.

Amaze gutandukana na Country Records, yerekeje muri 1:55 Am aho akora indirimbo zitari nyinshi cyane nka mbere. Abantu bumvaga ko abonye umwanya wo gukora kuri uyu mushinga yari yaratangiye cyane ko bakubwiraga ko Element agiye kwita ku isoko mpuzamahanga.

Gusa ibyo abantu bari biteze si byo babonye kuko yakomeje umujyo wo gukora Afro Beat yumutse. Yaje kongera kunyuzamo ku wa 14 Kanama 2023 ubwo Bruce Melodie yashyiraga hanze indirimbo 'Azana' icuranze mu buryo bwa Afro Beat ariko ifitemo wa mwimerere wa Kinyarwanda. Iyi ndirimbo nayo yumvikanamo imidiho, imiryo,imbyino nyarwanda n'ibindi bizwi muri Gakondo y'u Rwanda.

Nyakwigendera Jay Polly niwe wigeze kuvuga ati 'Umutindi arota arya, byahe byo kajya'. Element yongeye gukangura intare ishonje kandi atayifitiye inyama zo kuyiramira.

Benshi batekereje na none ko Element agiye kugaruka mu bintu bye gusa kugeza ubu iyi nkuru uyisomeyeho, amezi atandatu arashize atayikurikiza ahubwo yabyaje impanga muri 'Afro Beat' yumutse.

Kuri uyu wa 29 Mutarama 2024, umuhanzi Juno Kizigenza yashyize hanze indirimbo avuga ko iri mu bwoko bwa 'Afro Gako', abantu bongera kwikanga Element ariko bashishoje baramubura. Icyakora kumva ko atarimo bigora benshi kubyizera cyane ko bamuzi kuri iki gitekerezo.

Ni indirimbo yitwa 'Abahungu' Juno Kizigenza yakoranye n'uwitwa Khalil 63^rd. Iyi ndirimbo yakorewe muri Studio Country Records, ikorwaho n'uwitwa Pakkage, umusore utanga icyizere muri iyi nzu isanzwe ibarizwamo Prince Kiiz urimo kwigarurira imitima ya benshi.

Iyi ndirimbo kandi yakozweho n'umunyabigwi mu guhereza umurongo indirimbo bizwi nka 'Mix and Mastring' Bob Pro.

Juno Kizigenza agishyira hanze iyi ndirimbo, yavuze ko zimwe mu nzozi ze harimo no gutwara Grammy Award kandi injyana nyarwanda 'Afro Gako' iri mu byo yari ategereje kugira ngo abe yazakabya inzozi ze.

Iyi ndirimbo ikijya hanze, yateje urunturuntu ku bakoresha imbuga nkoranyambaga by'umwihariko mu biganiro bibera mu matsinda atandukanye hibazwa nyriri uyu mushinga wa Afro Gako' wamuritswe na Element ukaba ukomejwe na Country Records.

Umwe mu bantu ba hafi ba Element avuga ko uyu ari umushinga wa Element kuva umunsi wa mbere, ariko ko asa n'uwawuhagaritse ndetse byari byiza ko abandi bantu bawuvugurura.

Ati 'Kuba ari igitekerezo cya Element byo ni urubanza rw'Urucabana ahubwo byari bikenewe ko ukorwa n'abandi bantu kuko asa n'uwawuretse.

Byamugora kujya gukorera indirimbo 'Yemi Alade, Harmonize, Wizkid' n'abandi arota ngo azane Afro Gako'. Ubwose yabwira Diamond Platnumz ngo 'Nkora Afrogako'. Oya bariya bahanzi ashaka gukorana nabo basanzwe bakora injyana zo mu bihugu byabo ku buryo bitakoroha kubahindurira ibitekerezo. Rero urumva ko kuba Country Records bayikomeje ari byiza cyane ku ruganda nyarwanda'.

Icyakora hari n'andi makuru avuga ko Nduwimana Jean Poul uzwi nka Noopja akaba nyiri Country Records ari umwe mu bantu batekereza ku muziki nyarwanda ndetse akaba ari nawe mbarutso yo kugira ngo iki gitekerezo kibeho cyane ko yari umuntu wahaga ibitekerezo kenshi Element.

Uwahaye amakuru inyaRwanda, asoza yagize ati 'Abanyarwanda ni bo bajya bavuga ko utoraguye aruta uwibye kandi ntabwo wabona zahabu ngo uyireke igume mu byondo ngo ni uko utari nyirasyo. Ibyo Country bakoze ni byo wenda biratuma Element yongera kuyitaho'.

Element yatangiye umushinga wa Afrogako none wakomerejwe muri Country Records yahozemo

Juno Kizigenza yavuze ko “Afrogako” izamufasha kugera ku nzozi ze zirimo kwegukana Grammy Award

Noopja nyiri Country ni umwe mu babaye imbarutso ya Afrogako nk’uko amakuru abivuga

Noopja yatangaje ko Country yashinze injyana ya Afrogako

Haribazwa nyiri igitekerezo cya AfroGako

Reba indirimbo “Seka” yamurikiweho AFROGAKO

“>

Reba Azana ya Bruce Melodie nayo iri mu buryo bwa Afrogako

Reba “Abahungu” ya Juno Kizigenza iri mu bwoko bwaa Afrogako

“>

“>

Ni umukino wabaye kuri uyu Wambere saa yine z’ijoro ubera kuri Stade Charles Konan Banny.

Ikipe y’igihugu ya Senegal yatangiye umukino iri hejuru ndetse ku munota wa 4 gusa yahise ifungura amazamu ku gitego cyari gitsinzwe na Habib Diallo ku mupira yarahawe na Sadio Mane.

Umukino wakomeje ikipe y’igihugu ya Cote D’Ivoire ikina irwana no kwishyura ndetse ikaniharira umupira ariko kugera imbere y’izamu bikagagorana.

Ku munota wa 26 Seko Fofana yabonye uburyo bwiza imbere y’izamu ku mupira yarahawe na Jean Philippe Krasso ariko agiye kurekura ishoti ba myugariro ba Senegal baramwitambika.

Igice cya mbere cyarangiye ikipe y’igihugu ya Senegal ikiyoboye n’igitego 1-0. Mu gice cya kabiri, Senegal yaje yatsa umuriro kuri Cote D’Ivoire nkaho Ismail Sarr yarekuye ishoti maze umunyezamu arataba arishyira muri koroneri.

Ikipe y’igihugu ya Cote D’Ivoire yaje gukora impinduka mu kibuga ishyiramo abakinnyi nka Frank Kessie , Sebastien Haller n’abandi ngo ishake uko yakwishyura ariko bikomeza kwanga.

Ku munota wa 84 yaje kubona penariti ku ikosa Eduard Mendy yarakoreye Nicolas Pepe amutegera mu rubuga rw’amahina iza guterwa neza na Frank Kessie ayitereka mu nshundura igitego cyo kwishyura kiba kirabonetse.

Iminota 90 isanzwe y’umukino yarangiye amakipe yombi anganya igitego 1-1 biba ngombwa ko hakinwa indi 30 y’inyongera.

Mu minota y’inyongera nabwo rwabuze gica maze hitabajwe penariti birangira ikipe y’igihugu ya Cote D’Ivoire yariri imbere y’abafana bayo yinjije 5-4 ihita yerekeza muri 1/4.

Mbere yuko uyu mukino uba saa moya, ikipe y’igihugu ya Cape Verde yari yatsinze Mauritania 1-0. Biteganyijwe ko muri 1/4 Cote D’Ivoire izakina nizava hagati ya Mali na Burkinafaso .

Cote D’Ivoire yerekeje ku mukino wa nyuma 

Amanda Akaliza aragenda agana ku musozo wo kuba inkumi yerekeza mu buzima bwo kubaka urugo na Jonas Carter bamaze imyaka itari micye bari mu rukundo. 

Nyuma y'uko mu mpera z'icyumweru gishize abantu benshi biganjemo inshuti za hafi ze bagaragaje ibinezaneza batewe no kuba yamaze gutera indi ntambwe, yafashe umwanya arabashimira.

Yanagaragaje ko umuco nyarwanda ari mwiza kandi ko ugenda ukura uniyungura ibishya. Ibi yabivuze ahereye ku kuba umunsi Jonas yajyaga gufata irembo, uyu muhango barawukoze mu buryo bwa gisilimu na Amanda ubwe awugiramo uruhare binyuranye n’uko byabaga bimeze hambere aho byabaga ari ibiganiro by'imiryango yombi ariko umukobwa atarimo.

Mu buryo bwe yabikomojeho ati: 'Gufata irembo, intambwe gakondo aho imiryango y'umukwe yimenyekanisha ku miryango y'umugeni. Aho baza bagahura bakaganira mu ncamake barebera hamwe niba umukobwa yaba azigamiwe umuhungu mu gihe hitegurwa umuhango w'ubukwe bwabo.'

Akomeza agira ati: 'Mu bihe byashize ntabwo abantu bashyingiranwaga kuko bakundana ahubwo zabaga ari gahunda z'imiryango, nta n’aho byahuriraga n'umugeni. Ariko ubu twagumye kuri uwo muco ariko tugira ibyo tuwongeramo, ubu ni imiryango ihura ikaganira ikamenyana mbere y’uko umugeni ava mu rugo agasanga uwo yihebeye.'

Avuga ko byinshi byahindute ubu umugeni ashyingirwa azi umugabo bagiye kubana akanagira uruhare mu gutegura ubukwe bwe, agaragaza ko ari ubwa mbere yitabiriye umuhango nk'uyu bikaba byumunejeje.

Umuhango wo gufata irembo kwa Jonas mu muryango wo kwa Amanda Akaliza, witabiriwe n'abantu batandukanye barimo inshuti z'abagiye kurushinga, iz'imiryango n'imiryango. Muri abo harimo Tito Rutaremara umwe mu nararibonye mu bya politike mu Rwanda.

Amanda Akaliza yishimiye intambwe yateye anagaragaza ishimwe rikomeye ku buryo umuco nyarwanda ugenda ukuraTito Rutaremara ari mu bitabiriye umuhango wo gufata irembo kwa Jonas Carter Igisonga cya Kabiri cya Miss Rwanda 2022, Kayumba Darina ari mu bashyigikiye Amanda AkalizaAkanyamuneza kari kose ku miryango n’inshuti za Jonas na Amanda AkalizaUrukundo rwa Jonas na Amanda rwatangiye mu myaka itari micye ishize bakaba barahuriye i London mu BwongerezaByitezwe ko mu bihe bitari ibya kure Amanda na Jonas bazahuza imiryango n’inshuti mu birori by’ubukwe bwaboUmwaka wa 2023 wasize Jonas Carter yambitse impeta y’integuza Amanda Akaliza

Asohoye iyi ndirimbo mu gihe Abanyarwanda n'inshuti bitegura kwizihiza Umunsi w'Intwari, wizihizwa buri tariki ya 01 Gashyantare buri mwaka.

Umunsi w'Intwari z'Igihugu uzizihizwa ku nshuro ya 30, ufite insanganyamatsiko igira iti 'Ubutwari mu Banyarwanda, Agaciro kacu'.

Senderi yabwiye InyaRwanda ko yakoze iyi ndirimbo mu rwego rwo gufasha abakiri bato kumenya amateka y'urugamba n'ubwitange bw'intwari mu kubohora u Rwanda.

Avuga ko iyi ndirimbo ibumbatiye amateka azafasha abakiri bato kumenya birushijeho ubuzima bw'Igihugu. Ati 'Ni amateka nifuza kwigisha urubyiruko rutazi byibura ibice bimwe na bimwe Inkotanyi zanyuzemo mu kubohora u Rwanda.'

Akomeza ati 'Rero gukora iyi ndirimbo ni umusanzu wanjye nk'umuhanzi mu gufasha abakiri bato kumenya aho tuva ndetse n'aho tugana. Igihangano gitambutsa ubutumwa cyane, ariko hanifashishwa izindi nzira abakiri bato bagenda bamenya ukuri.'

Iyi ndirimbo yakozwe mu buryo bw'amajwi (Audio) na Producer Trackslayer, ni mu gihe amashusho (Video) yakozwe na Sani B, aho yahuje amashusho n'amafoto agaragaza mu bihe bitandukanye Inkotanyi ku rugamba rwo kubohora u Rwanda ndetse n'intwari muri rusange.

Senderi yavuze ko asaba urubyiruko kumva neza iyi ndirimbo akamenya byimbitse buri gasozi yavuze, ndetse byaba ngombwa akajya ahasura mu rwego rwo kwiga amateka.

Ati 'Ndangira ngo bamenye amateka y'igihugu cyacyu, bamenye ko ibyo bishimira, ko hari ababyitangiye kandi bakwiye no kubirinda bakabisigasira ntihazagire ubisenya, urubyiruko murebera.'

Ubwo yari mu kiganiro na Radio Rwanda, Phanuel Sindayiheba, Intwari yo mu Cyiciro cy’Imena, yavuze ko imyitwarire y’urubyiruko itanga icyizere ko indangagaciro y'ubutwari itazazima kuko rwatojwe gukora ibyiza.

Ati “Niba hari bake bahagurutse nta we bareberaho, barabitojwe n'ababyeyi babo gusa. Nyuma y'imyaka 30 dufite politiki nziza, mfite icyizere ko hari urubyiruko ruzakora ibyiza byinshi.”

Muri iyi ndirimbo, Senderi agaruka ku misozi 105 Inkotanyi zanyuzemo kubohora u Rwanda nka Ruhango, Cyongo, Mbabare, Rushaki na Gatuna, Mukarange, ku Murindi, Miyovu, Cyanika, Karurama na Gisozi, CND na Kanombe, Rebero na Mont Kigali, Jali na Nyamirambo, Kabuye na Kagugu, Sonatube na Kami, Saint Famille na Nyamata, Kivugiza na Kicukiro, Gakondo na Kacyiru n'ahandi.

U Rwanda rwizihiza intwari nyinshi mu byiciro bitandukanye. Zimwe mu ntwari z’ indongoozi zahawe umunsi wihariye zizihirizwaho, ari wo buri tariki ya kabiri y’ ukwezi kwa Gashyantare (2). Mbere ya 1999, ni ukuvuga (1994-1998) uyu munsi wizihizwaga tariki ya 1 Ukwakira ugahuzwa n'umunsi wo Gukunda igihugu.

Ibyiciro by’ intwari

Intwari z’u Rwanda zigabanywa mu byiciro bitatu by’ingenzi, hagendewe ku rugero zagaragajeho ubutwari. Icyiciro cya mbere cyitwa Imanzi, icya kabiri Imena, naho icya gatatu kikaba Ingenzi.

Imanzi

Imanzi ni cyo cyiciro cy’ intwari kiza ku mwanya wa mbere. Ni intwari zakoze ibikorwa by’ indashyikirwa byo kwitangira igihugu kugeza aho zitanga n’ ubuzima bwazo. Kugeza uyu mwanya, iki cyiciro kirimo intwari ebyiri (2) zonyine ari zo: Gisa Fred Rwigema ndetse n’ Umusirikari Utazwi.

Gisa yagaragaje ubutwari mu bikorwa yakoze byo kwitangira igihugu no kunga abanyarwanda binyuze mu rugamba yatangije rwo kubohora igihugu ku ngoyi ya leta ya Habyarimana Juvenali.

Imena

Icyiciro cya kabiri cy’ intwari z’ u Rwanda ni Imena. Ni icyiciro kiyinga Imanzi, gishyirwamo abantu bakoze ibikorwa bihebuje, bakarangwa no kwitangira igihugu mu buzima bwabo bwuzuyemo ubunyangamugayo.

Kuri ubu, intwari z’ Imena ni: Umwami Mutara III Rudahigwa Charles Leon Pierre, Rwagasana Michel, Uwilingiyimana Agatha, Niyitegeka Félicité ndetse n’ Abanyeshuri b’ i Nyange barimo Bizimana Sylvestre, Mujawamahoro Chantal na Mukambaraga Beatrice.

Gushyirwa mu cyiciro cy’intwari z’ Imena ntibisaba ko iyo ntwari iba itakiriho, bitandukanye no mu cyiciro cy’ Imanzi.

Ingenzi

Ingenzi ni cyo cyiciro cya gatatu cy’ intwari mu Rwanda, kikaba gikurikira Imena. Giteganyirizwa abantu bahize abandi mu bikorwa, mu bitekerezo no mu mibereho, bakabera abandi urugero ruhanitse rw’ ubwitange no kugira akamaro gakomeye.

Kugeza uyu munsi, nta ntwari yari yashyirwa muri iki cyiciro. Haracyakorwa ubushakashatsi ku bakandida b’iki cyiciro.

Senderi Hit yashyize hanze indirimbo igaruka ku butwari bw'Inkotanyi ndetse n'imisozi 105 bakoresheje mu rugamba rwo kubohora u Rwanda

KANDA HANO UREBE AMASHUSHO Y'INDIRIMBO 'INTWARI Z'U RWANDA' YA SENDERI HIT

Akari ku mutima w’umwali Joan Mugabo w’imyaka 20 

Mugabo Joan, umwe mu banyarwandakazi bashoboye gukabya inzozi zabo bakiri bato, yarangizanije amasomo n'abandi banyeshuri 19 baturutse mu Ngabo z’u Rwanda (RDF) zirwanira mu kirere.

Aba banyeshuri bose, babashije gukurikirana neza amahugurwa baherewe mu ishuri ryigisha ibijyanye no gutwara indege rya AYJET riherereye muri Turkiya.

Aya mahugurwa yatanzwe ku bufatanye bw'u Rwanda n'ishuri ryigisha ibijyanye no gutwara indege muri Turkiya, aho abanyeshuri 20 barimo ab'igitsina gore babiri bahuguwe bagahabwa impamyabumenyi zabo.

Umuyobozi Mukuru w’ishuri ry’indege rya AYJET, Celal Cingöz, Burigadiye w'igisirikare cy'u Rwanda, Jenerali Joseph Demali hamwe n’abandi bapilote benshi bari mu bitabiriye umuhango wo gutanga impamyabumenyi wabereye ku kibuga cy’indege cya Hezarfen.  

Uyu muhango wabimburiwe no kuririmba indirimbo zubahiriza ibihugu byombi. Muri uwo muhango, umunyeshuri wabaye uwa mbere yahembwe isaha. Abanyeshuri barangije amasomo yabo mu bijyanye no gutwara indege bagahabwa n'impamyabumenyi bagiye gukora mu by'indege za gisivili.

Mu barangije aya mahugurwa harimo abanyeshuri babiri b'abakobwa bo mu ngabo z'u Rwanda zirwanira mu kirere, bafite imyaka 20 na 27.

Joan Mugabo w’imyaka 20 agaragaza umunezero we, yagize ati: “Twanyuze mu bihe bitoroshye, ariko ndishimye cyane kuba ngeze hano. Nishimiye kuba ndi umugore mu ruganda rwiganjemo abagabo. 

Ibi bizongerera ubutwari igisekuru kizaza cy'abakobwa bifuza gutwara indege. Twahuye n'ingorane mu myaka 2 ishize, ariko ku musozo twishimiye cyane kuba turi hano. Ndanezerewe. Ndashimira Turukiya. Twahagarariye igihugu cyacu mu myaka 2.”

Hellen Kamasanyu, umunyeshuri w'umukobwa w'imyaka 27, yatangaje ko imyitozo bahawe itari yoroshye maze aragira ati: “Mbikesheje iki gikorwa, nishimiye cyane gusubira mu gihugu cyacu kandi nkagira uruhare mu bijyanye n'ingabo zirwanira mu kirere hamwe n'indege za gisivili. 

Ntabwo turi abapilote ba mbere b'abagore mu gihugu cyacu, ariko turi abagore ba mbere bahawe amahugurwa muri uru rwego. Tuzaha amahirwe menshi ibisekuru bishya kandi dutange urugero. 

Ibyiyumvo byanjye biravanze cyane, ndishimye cyane, ariko na none mbabajwe cyane no kuva muri Turukiya. Twagize ibihe byiza hano mu myaka 2.”

Maurice Nshuti w’imyaka 26 y’amavuko, wasoje neza imyitozo y'ibijyanye n'indege, yatangaje ko yishimiye guhagararira u Rwanda, maze aragira ati: “Twahagarariye igihugu cyacu mu gihe cy'imyaka 2 ubwo twari muri Turukiya. 

Nitugaruka mu gihugu cyacu, tuzahagararira neza Turukiya. Kubera ko turi abapilote turishimye cyane. Twishimiye kandi gutanga serivisi za gisirikare. Nishimiye ko ibyo bihugu byombi bifitanye umubano mwiza.'

Nk’uko byagarutsweho n’umuyobozi w’iri shuri, Celal Cingoz, yavuze ko kuva mu mwaka wa 2005 batanga ubumenyi ku banyeshuri benshi b’abanyamahanga. Yishimiye ko kandi atera ishema n’abanyeshuri bose uko ari 20 batoranijwe babashije gusoza neza amasomo yabo.

Mugabo Joan ni we mupilote muto mu Rwanda

Yahawe impamyabumenyi n’ishuri ryigisha ibijyanye n’indege rya AYJET Flight School

Abakobwa babiri ni bo bahawe impamyabumenyi hamwe n’abahungu 19

Umuhango wo gutanga impamyabumnyi ku banyeshuri 20 wabereye muri Turukiya