Category: Uncategorized

Ni raporo yagaragajwe n’Umuryango mpuzamahanga urwanya ruswa n’akarengane, Transparency International, igaragaza uko Ibihugu bikurikirana mu kurwanya ruswa muri 2023, aho u Rwanda rwazamutseho iyo myanya itanu, ndetse n’amanota akiyongera kuko yavuye kuri 51% muri 2022 akagera kuri 53% muri 2023.

Iri kusanyamakuru ryakorewe mu Bihugu 180 mu mwaka wa 2023. Icyo cyegeranyo cyasanze ibihugu 58 gusa ari byo bifite amanota ari hejuru ya 50 ku ijana birimo n’u Rwanda.

Ibindi byinshi biri munsi y’amanota 50. Igihugu cya Somaliya ni cyo kiza ku mwanya wa nyuma, ku manota 11 ku ijana gusa.

Ku ruhande rw’u Rwanda, abasohoye iki cyegeranyo bagaragaza ko hari intambwe yatewe mu kurwanya ruswa yatumye kiva ku mwanya wa 54 n’amanota 51% mu 2022, kigera ku mwanya wa 49 n’amanota 53% mu 2023.

Muri Afurika, u Rwanda rwagumye ku mwanya wa kane, inyuma y’ibirwa bya Seyishere, Capuveri, na Botswana. Mu karere k’Afurika y’uburasirazuba, icyo cyegeranyo cyerekana ko u Rwanda rukomeje kuza ku mwanya wa mbere.

Umunyamabanga Nshingwabikorwa wa Transparency International Rwanda, Apollinaire Mupiganyi, yavuze ko u Rwanda rwazamutse kubera ingamba rwashyizeho zatanze umusaruro ushimishije.

Yagize ati 'Kuba u Rwanda rwazamutse bivuze ko ko hakoreshejwe imbaraga mu kurwanya ruswa nkuko byagarageye muri raporo ngaruka mwaka ya Rwanda Bribery Index (RBI) iheruka gusohoka.'

Igihugu cya Danemark cyo mu majyaruguru y’Uburayi ni cyo kiri ku mwanya wa mbere kuri uru rutonde, n’amanota 9%, Gkurikirwa na Finlande na Nouvelle Zelande.

Ubuzima, ni impano itangwa n’Imana ariko kandi akaba amahirwe atagirwa na buri wese. Kuri benshi, kugira imyaka irenga 100 ni inzozi ndetse bikaba n’igitangaza kitagikunze kugaragara kenshi uko imyaka igenda yicuma.

Maria Branyas Morera ufatwa nk’umuntu mukuru kuruta abandi ku isi mu 2024, yabonye izuba ku ya 4 Werurwe 1907, avukira i San Franscisco muri California. Uyu, yabyawe na  Joseph Branyas Julia witabye Imana mu 1915 ku myaka 38 gusa y'amavuko, naho nyina Teresa Morera Laque akitaba Imana mu 1968 afite imyaka 88. Umuryango wa Morera wimukiye muri Espagne habura umwaka umwe ngo avuke.

Mu 1915 ubwo bari mu rugendo bajya gutura muri Catalonia, Branyas yaje gutakaza ubushobozi bwo kumvisha ugutwi kumwe nyuma yo guhanuka akina na basaza be. Muri urwo rugendo ni naho se yapfiriye maze nyina ashaka undi mugabo.

Branyas yaje gushyingirwanwa na Joan Moret, inzobere mu kubura ibibazo bya trauma maze babyarana abana batatu. Mu ntambara ya Espagne, Maria Branyas yahawe akazi ko kuba umuforomo akorana n’umugabo we mu bitaro bya Trujillo.

Ku munsi w’ubukwe bw’aba bombi, nyuma y’amasaha menshi bamutegereje, bamenye ko padiri wabo yitabye Imana mu buryo butunguranye. Kuri urwo rusengero, nta terefone yari ihari yo guhamagara undi muntu ngo abasezeranye, nuko baguma mu modoka bibaza uko bashaka undi. Branyas yemeye iterambere mu ikoranabuhanga kuva icyo gihe, yakira ibijyanye n’imbuga nkoranyambaga n'itumanaho rigezweho.

Nyuma, Branyas yaje gukomeza kuba umuforomo n’umwunganizi w’umugabo we mu bitaro yari akuriye bya Joseph Trueta kugeza yitabye Imana mu 1976.

Muri za 1990, yazengurutse mu bihugu bitandukanye yibera mu bijyanye no gusoma, kudoda n’umuziki. Yacuranze gitari kugeza atakibishoboye ku myaka 108. Kurubu akoresha uburyo bwo kwandika kugira ngo abashe kumvikana n’abandi kuko ntacyumva neza.

Afite abuzukuru 11 n’abuzukuruza, mu gihe umuhungu we mukuru aherutse kwicwa n’impanuka muri Kanama 2023.

Ejobundi mu 2020, Branyas yabaye umuntu mukuru wabashije kurokoka icyorezo cya COVID-19 cyibasiraga abakuru ku kigero cyo hejuru bijyanye n’ubundi burwayi bukunze kubataka ku myaka yabo.

Mu rwego rwo kumuha icyubahiro akwiye, ikigo cy’igihugu cy’ubushakashatsi muri Espagne cyakoze ubushakashatsi ku ngaruka za coronavirus ku bantu bakuru bibera mu ngo, maze ibwitirira uyu mukecuru bwitwa ‘Project Branyas.’

Branyas yagizwe ku mugaragaro umuntu wa mbere ukuze kuruta abandi ku isi ku ya 17 Mutarama 2023 nyuma y’urupfu rwa Rucile Randon wakomokaga mu Bufaransa. 

Yabaye kandi umuntu mukuru cyane wigeze gutura muri Espagne ku ya 21 Mata 2023 nyuma y’urupfu rwa Ana María Vela Rubio, ndetse n’umwimukira ukuze kurusha abandi bose ku ya 14 Gicurasi 2023 nyuma y’uko Tekla Juniewicz yitabye Imana.

Aherutse no kwifashishwa mu bushakashatsi bwa siyansi mu birebana n’ibibazo yagize mu bushobozi bwo kwibuka bijyanye n’imyaka ye iruta iy’abandi bose.

Kubera ko akibasha no gukoresha urubuga rwa Twitter, Branyas aherutse kwandika ubutumwa yishimye gutangira undi mwaka mushya, aboneraho no kwibutsa abantu ko ubuzima nta muntu n’umwe ubuhorana ari nayo mpamvu ubufite akwiye kubwishimira.

Reba amwe mu mafoto ya Maria Branyas Morera:

Feruje wamenyekanye nka Mama Rufonsina muri filime y'umuturanyi, yagiranye ikiganiro na InyaRwanda avuga ko ibyo yagezeho byakomotse ku gikomere yakuranye cyo gusekwa kubera uburyo yavugaga, nyuma bimurambiye ahitamo kubikoresha akina filime, nuko aramamara.

Uyu mukinnyi wa filime akaba n'umunyarwenya, yakuze abantu benshi bamuseka kubera uko avuga bimutera ipfunwe no kumva yakwiheza mu bandi. Ibi byamuteye igikomere cyo kumva yakwiheza kuko yatinyaga gusekwa.

Mu 2018 Feruje yinjiye mu mwuga wa sinema, yiyemeza kurenga ku magambo y’abavugaga ko avuga nabi ururimi bamwe bita igikiga.

Ubwo yasobanuraga iki gikomere yagize ati 'Uyu mwuga nawinjiyemo nyuma y’igikomere n’ipfunwe naterwaga n’uko navugaga bakanseka.  Maze kumva bitakinkomeretsa, nahisemo kubikoresha nsetsa abantu'.

Uyu munyarwenya amaze kwandika filime ebyiri arizo “I Bwiza” yasohotse mu 2021 anayiyobora afatanije na Nturanyenabo Emmanuel (Noah) ndetse na na 'Shenge Series film' yasohotse mu kwezi k'Ukuboza 2023 akinamo nk'umukinnyi w'Imena.

Nahimana Clemance akina muri filime nyarwanda zirimo Umuturanyi, Umwari Series, Big Mind Empire na Shenge series.

Mu bintu yagezeho bimushimisha birimo kuba filime ye Filime ye “I Bwiza” yaratoranijwe mu zerekanwa mu ngendo z'indege.

Ati 'Hari amasoko agurishirizwamo filime, iryitwa DISCOP ryabaye mu kwezi kwa 11/2022 ryahuzaga abakora filime n’abazigura niho nahuriye n’abantu bashaka contents nyafurika mberetse filime yanjye barayikunda bayihitamo'.

Filime 'I Bwiza' [Tenacity] ya Nahimana Clémence wamamaye mu rwenya nka Feruje igaruka ku mvune z'abahanzi, yabengutswe n'ibigo bikora ingendo zo mu kirere birimo Brussels Airline na Fly Emirates.

Yatangaje ko hari byinshi ari gutegurira abakunzi be, birimo na filime ye yise Shenge Series ikubiyemo inyigisho zitandukanye.

Feruje yunjiye mu gutambutsa urwenya nyuma yo gusekwa kubera uko avuga

Nahimana Clemance amaze kugera ku bikorwa bitandukanye birimo gukora filime ze bwite

Iyi mibare yatangajwe ubwo u Rwanda, binyuze muri RBC, rwafatanyaga n’isi kuzirikana ububi bw’indwara zititaweho no kurebera hamwe n’abafatanyabikorwa barwo uko zarwanywa zikava mu Banyarwanda burundu.

Iyi mibare y’abantu 41% bafite indwara z’inzoka zo mu nda, abagera muri 48%, ni abakuru, batajya bita kuri izi ndwara.

U Rwanda rusanganywe intego y’uko bitarenze umwaka wa 2030 ruzaba rwaraciye izo ndwara burundu.

Umunsi mpuzamahanga wahariwe kurwanya indwara zititaweho ni umunsi wihariye wo gukangurira abaturage kugira isuku mu buryo bwose.

Mu Rwanda wabereye mu Murenge wa Masaka mu Karere ka Kicukiro.

Kuba Abanyarwanda bagera cyangwa barenga gato ijanisha rya 41% bafite inzoka zo mu nda ni ikimenyetso gikomeye cy’uko isuku yabo ari nke mu migirire ya buri munsi ya benshi muri bo.

Si inzoka zo mu nda gusa zazahaje abaturage ahubwo hari n’izindi zose hamwe zikubiye mu kiswe Indwara zititaweho.

Nke muri zo ni urushwima, imidido, igicuri, ibibembe, amavunja, n’izindi.

Tugarutse ku nzoka zo mu nda, RBC ivuga ko ikomeje guha abaturage ibinini by’inzoka bigenewe abana n’abantu bakuru kugira ngo izo nzoka zipfe ariko urugendo ruracyari rurerure.

Ibi binini byagize akamaro kuko mbere imibare y’abafite izo nzoka yageraga kuri 60%.

Guverinoma y’u Rwanda kandi ikorana n’abajyanama b’ubuzima n’abarimu kugira ngo bahe abana imiti y’inzoka n’abantu bakuru kandi bakorerwe ubukangurambaga kugira ngo bemenye ububi bw’izi ndwara, uko zandura n’uko bazirinda abantu.

Senga B. Christina [Senga B] ni umuhanzikazi uririmba indirimbo zihimbaza Imana, utuye mu gihugu cya Canada hamwe n’umuryango we. Asengera mu itorero rya Source Of Life Gospel Church. Uretse kuba umuhanzikazi, ni n’umutoza w’amajwi (Music Director). Amaze imyaka 9 mu muziki kuko indirimbo ye ya mbere yageze hanze mu 2015.

Nyuma y’igihe kinini atuye muri Canada, kuri ubu agiye gutaramira mu Rwanda ku nshuro ye ya mbere aho azaba afata amashusho y’indirimbo ze. Ni igitaramo yise “Hymn Stories Live Recording”, kizaba kuwa Gatanu tariki 16 Gashyantare 2024 kuva saa kumi n’igice z’umugoroba kuri Eglise Vivante Rebero. Kwinjira ni ubuntu.

Uyu muhanzikazi azaba ari kumwe n’abandi baramyi basizwe amavuta barimo Prosper Nkomezi, Ben & Chance, Emmy Vox na True Promises Ministries.Yavuze ko impanvu nyamukuru y’igitaramo cye ni “ukugira ngo tuzagire ibihe byiza byo kuramya ndetse no guhimbaza Imana yacu. Kuko nta kindi twaremewe uretse kuyihimbaza”.

Yongeyeho ati “Icya kabiri kandi ni ugufatiramo ‘amashusho y’indirimbo’ zindi Imana yanshize ku mutima. Kandi mpamya ko message [ubutumwa] Imana yampaye muri izo ndirimbo hari icyo izakora mu buzima bwa buri muntu wese uzitabira live recording”.

Senga B yabwiye inyaRwanda ko abahanzi azafatikanya nabo muri iki gitaramo bose “basobanuye ikintu kinini mu muziki wanjye kuko ndabakunda cyane kandi bose hari icyo ngenda mbigiraho, kimfasha gukomeza uru rugendo natangije”.

Yasovanuye ko izina ry’iki gitaramo cye ni “HYMN STORIES”, kandi hari amazina menshi “yakomeje kuza andwaniramo ariko mpamyako, ari Mwuka Wera wampishuriye irizina”. Yunzemo ati “Hymn bisobanura indirimbo, Stories ni inkuru”.

Ati “Bisobanura ko buri ndirimbo yose nzaririmba ifite inkuru runaka Mwuka Wera yampaye kugeza ku bantu be. Hari ukeneye kubwirwa ko Yesu akiza uwo azabyunva mu ndirimbo zizaririmbwa, ukeneye kumva ko Yesu aruhura abarushe nawe azabyunva. Ni ukuvuga ngo buri ndirimbo ifite message runaka izaniye abantu”.

Senga B wateguye iki gitaramo yatangiye kuririmba akiri umwana muto, atangirira muri korali y’abana mu itorero yasengeragamo, kugeza agiye muri korali nkuru. Gusa igihe yasohoye indirimbo ye ya mbere hari muri 2015, “wenda niho nakwita ko natangiriye urugendo rwa muzika yanjye”.

Amaze gukora indirimbo zirimo ‘Yesu Uri intwari’,  ‘Ur'Imana Nyamana’ yakoranye n’umuhanzi uririmba indirimbo za gakondo Intore Nziza Francis, ‘Mu bikari’ yakoranye na Ben na Chance, ndetse ‘Ndabizi’ yakoranye na Adrien Misigaro. Intego ye mu muzki ni ukwagura ubwami bw'Imana, biciye mu ndirimbo. 

Senga B yateguje igitaramo i Kigali

Senga B agiye gutaramira mu Rwanda muri Gashyantare

Senga B amaze imyaka 9 mu muziki wo kuramya no guhimbaza Imana

Senga B hamwe n’umugabo we umushyigikira cyane mu muziki we

Mu byumweru bicye biri imbere muri Kigali harabera gitaramo gikomeye

REBA INDIRIMBO “NDABIZI” YA SENGA B FT ADRIEN MISIGARO

Ushobora kuba warumvise indirimbo zinyuranye za Sauti Sol mu myaka myinshi inyuranye zirimo Nerea bahuriyemo na Amos na Josh kimwe na Melanin bakoranye na Patoranking, Isabella ni izindi, ukaba wibaza uko aba bahanzi babayeho nyuma y’uko bahisemo  ko buri wese aca ukwe.

Ibyo nibyo tugiye kugarukaho none mu nkuru twabateguriye turebere hamwe aho aba bagabo ubusanzwe itsinda ryabo ryabarirwaga mu butunzi bwa Miliyari 25Frw aho bashoye, uko binjiza n'imikoranire yabo muri iki gihe.Mu myaka igera kuri 20 Sauti Sol yakoze ibitaramo bitandukanye birimo n’ibyo yakoreye mu Rwanda aha bari kumwe na Perezida Kagame na Madamu Jeannette Kagame

Sauti Sol bakoze ibitari ibigwi byonyine mu muziki ahubwo banubatse ubwami mu ishoramari rishingiye ku ruganda rw'ubuhanzi n'imyidagaduro, umuzi w'aba bagabo bakomoka muri Kenya wabaye ikindi kintu indirimbo zabo zirakundwa karahava.

Nyuma y'ibinyacumi bibiri bamaze gukorera uruhererekane rw'ibitaramo mu Burayi, Amerika, Canada hamwe n'iserukiramuco ryabo rya Sol muri Nairobi mu 2023 batangaje ko bagiye gutandukana.

Uyu mwanzuro ukaba waraje nyuma y’uko abari bagize iri tsinda Bien-Aimé Baraza, Willis Chimano, Polycarp Otieno na Savara Mudigi bari baratangiye urugendo n'ubundi rwo gutangira kugerageza umwe ku wundi kwikorana.

Uyu munsi tukaba twifuje kugaruka ku buryo aba bagabo babayeho muri ibi bihe byumwihariko uko bari kwinjiza amafaranga nyuma y’uko batandukanye cyangwa se bafashe akaruhuko ko gukorana nk'itsinda.

Mu ruganda rw'umuziki kuri ubu abahanzi binjiza amafaranga ahanini binyuze mu buryo bwo gucuruza binyuza ku mbuga zagenewe gucururizwaho umuziki.

Kugeza ubu Sauti Sol ikaba binyuze kuri Spotify iba ifite abumva ibihangano byabo buri kwezi bangana n'ibihumbi 427,847 kandi buri umwe mu bari bagize iri tsinda na we akaba afite imbuga acururizaho umuziki we.

Nubwo bafashe umwanzuro wo gutangira umuziki umwe ku giti cye ariko n’ubu imbuga zabo zicurizwaho umuziki ziracyinjiza

Ku zindi mbuga naho baracyari imbere ku buryo umwaka wa 2023 wasize bari mu b’imbere bumviswe inshuro nyinshi mu Karere.

Ubundi buryo bukaba burimo amasezerano yo gukoresha ibihangano iri tsinda ryagiye rigirana na kompanyi zinyuranye zirimo izo kwamamaza, izitunganya filimi, televiziyo n'izindi.

Ibi nubwo bitaratera imbere muri Afurika  ariko Kenya iri mu bihugu byamaze kujya muri uyu mujyo aho igihangano cy'umuntu acyishyurirwa mu gihe cyose kiri gukoreshwa mu buryo butanga inyungu.

Aba bagabo kandi bakaba baratangiye kwiteganyiriza nk'itsinda aho kimwe cya Gatanu nk’uko Bien-Aime yigeze kubitangaza cy’ibyo binjizaga mu bikorwa byose cyabaga ari ubwizigame bwa bose.

Baracyatumirwa kujya kuririmba mu birori n'ibitaramo aho buri umwe aririmba indirimbo ze bwite cyangwa akaba yanakwifashisha indirimbo bakoranye bose.

Umuziki wabo ukaba utarahagaze icyahindutse ari uburyo bawukoragamo yewe biranashoboka ko hagize kompanyi yaba ibakeneye bose iribubishyure bijyanye n’uko bashobora kuba babyakira yabikora kandi babyemera.

Bagiye bakora ubwizigame bw’igihe kirekire nk’itsinda nk’akabondo k’iminsi gacibwa kare

Kuri ubu bakaba baranamaze gutangaza ko iserukiramuco ryabo ngarukamwaka rya Sol Fest, bazarikora muri uyu mwaka wa 2024 abafana bakaba bategerezanije amatsiko menshi kureba uko rizaba rimeze.

Iri serukiramuco ubwo riheruka kuba rikaba ryaragize umusaruro rusange warenga Miliyoni 625Frw.

Aba bagabo kandi basanzwe barashoye amafaranga atari make mu ruganda rw'imyidagaduro binyuze mu nzu itunganya ikanareberera inyungu z'abahanzi ya Sol Generation.

Basanzwe kandi baratangiye urubuga rwifashishwa mu gucuruza ibihangano rwa Hustle Sasa rumaze kwamamara cyane muri Kenya byinshi mu birori n'ibitaramo bikaba birwifashisha mu gucuruza amatike.

Uru rubuga rwa Hustle Sasa mu mwaka wa 2023 rwaranatewe inkunga muri gahunda ya Ignite Culture y’Umuryango w’Ubumwe bw’Uburayi yagera kuri Miliyoni 93Frw yo kurufasha mu gukomeza kuzamura ubuhanzi n'abanyempano batandukanye.

Mu myaka yose bamaze bakora kandi bagiye batangira ibikorwa binyuranye by'ubushabitsi bifashishije izina ryabo rya Sol bashinga kompanyi ya Sol Generation twanagarutseho haruguru.

Bafatanije gutangiza ibikorwa bitandukanye byinshi bishingiye ku buhanzi mu izina ryabo n’ubu bigikoraBategerejwe mu iserukiramuco ryabo rya Sol riba buri mwaka benshi bafite amatsiko yo kureba isura nshya izaba irimo

Kuri uyu wa Mbere tariki 29 Mutarama 2024, i Kigali kuri Marriott Hotel hari hateraniye abagize ikigo cya Britam Insurance Rwanda, aho bamurikiraga abafatanyabikorwa babo ndetse n'abanyarwanda muri rusange ubwishingizi bushya bugiye kubera igisubizo buri muturarwanda wese mu rwego rwo guhorana amagara mazima.

Byari ibyishimo gusa ubwo sosiyete y’Ubwishingizi ya Britam (Rwanda) yatangizaga ku mugaragaro ‘Ramba na Britam,' ubwishingizi mu buvuzi bwihariye kandi buhendutse bwagenewe amatsinda yishyize hamwe ndetse n’ibigo bito.

Ubu bwishingizi buje kuba igisubizo mu gufasha abafite ubwo bwishingizi mu gihe baba bivuza bataha, abarwayi bavurirwa mu bitaro n'ibisabwa mu muhango wo gushyingura uwari ubufite.

Ubu bwishingizi kandi buzakorana n’matsinda afite ubuzima gatozi, ba rwiyemezamirimo mu bigo bito, ibigo by’imari biciriritse, za SACCO, amakoperative, amatsinda yo gufashanya, ibigo bya leta ndetse n'iby’amashuri  n’amatsinda y’amadini n’amatorero.

Ni ubwishingizi byagaragajwe ko butandukanye n'ubundi bwari bumenyerewe bitewe nuko bwo ahanini buje kwibanda ku bantu batabashaga kugerwaho n'ubwishingizi ndetse bagitangira urugendo rwo kwiteza imbere niyo baba batangiranye byibuze abakozi batatu, mu rwego rwo kwirinda ko abo bakozi bazasiba akazi kubera ko babuze amafaranga yo kujya kwivuza.

Umuyobozi mukuru wa Britam Insurance Rwanda, Andrew Kulayige, yashimangiye ubwitange bw’ikigo mu gusobanura neza no kugeza ku bakiliya babo ibyo bakeneye.

Yagize ati “Mu rugendo rwacu rwo guhanga udushya no gukomeza kugeza ku bakiliya bacu serivisi zinoze, nka Britam duhora dushyira ibyifuzo byabo ku isonga. ‘Ramba na Britam’ ni gihamya ko twiyemeje kutajegajega ku kwita ku batugana.

Ubu bwishingizi bwakozwe mu buryo bwo kwerekana ko twasobanukiwe byimazeyo ibibazo byihariye amatsinda yo mu Rwanda ahura nabyo ndetse n'ibyo akeneye ngo arusheho kwaguka. Tuzi neza ko buri tsinda rigira ibyifuzo byihariye ku birebana n'ubuzima, ni muri urwo rwego hateguwe gahunda ya ‘Ramba na Britam' kugirango ibere igisubizo ibyifuzo byabo.'

Uyu muyobozi yakomeje avuga ko icyerekezo cyabo muri iyi gahunda, ari ugukomeza kwita ku bakiliya babo binyuze mu kubongerera ibisubizo bisobanutse, byoroshye kandi bihendutse birebana n'ubuzima bwabo, hagamijwe kubashakira amahoro yo mu mutima ndetse n'ubuzima buzira umuze.

Umuyobozi w’Inama y’Ubutegetsi muri Britam, Rwigamba Molly yagize ati'Intego yacu irenze ubucuruzi gusa; ni ugutanga umusanzu ukomeye mu kongera icyizere cyo kubaho n’ubuzima muri rusange bw’abaturage b'u Rwanda. Twizera ko binyuze muri ‘Ramba na Britam,’ turimo gutera intambwe ishimishije mu gushakira ejo hazaza heza kandi hizewe ku bakiriya bacu.'

Raporo ya FinScope yakozwe na Access Finance Rwanda mu 2020, yagaragazaga ko abagera kuri 17% gusa aribo bafite nibura bumwe mu bwoko bw'ubwishingizi bubarizwa mu Rwanda, byerekana ko hari igice kinini kitaragerwaho n'ubwishingizi na bumwe haba mu buzima no mu bindi.

Ubuyozi bwa Banki Nkuru y'u Rwanda, bwashimiye Britam Insurance Rwanda ku bw'urugendo biyemeje rwo kugeza serivisi nshya ku banyarwanda, kuko bigaragara ko hari benshi bataragerwaho n'ubwishingizi.

Umuyobozi w'Ishami rishinzwe Ubwishingizi n'Ubwiteganyirize muri Banki Nkuru y’u Rwanda, Niyonizeye D. Dilime yagize ati: 'Dufite igice kinini cy'abantu baba mu buhinzi, mu bworozi, mu bucuruzi buciriritse, ndetse n'abandi. Wasangaga abo bantu bakora iyo mirimo, ugasanga bahuye n'ikibazo cy'ubuvuzi wenda bwihariye, iyi gahunda ikaba yabafasha bagashobora kubona ubundi buryo bwisumbuyeho bwo gusigasira amagara yabo.

Icyo Britam barebye ni ukwitegereza ubwishingizi buhari n'ibyo abantu bifuza ku isoko, bagerageza kubihuza n’uko bakuramo 'Ramba na Britam,' izana ubundi buryo bw’ubwishingizi bwafasha gukomeza gusigasira ubuzima.'

Uyu muyobozi yaboneyeho no gushishikariza ibindi bigo byose by'ubwishingizi kurushaho kongera imbaraga mu guhanga udushya, ndetse no kuvugurura ubwishingizi bwari busanzweho aho biri ngombwa mu rwego rwo kwita ku byifuzo by'abafata ubwishingizi bwabo ndetse n'ingorane bagenda bahura nazo mu bikorwa bibabyarira inyungu.

Yanongeyeho ko kandi biteguye gufasha ibi bigo mu guhanga udushya twose dushoboka, barushaho guha serivisi zinoze abaturarwanda ari nako hihutishwa iterambere ry'igihugu muri rusange.

Kugeza ubu, ikigo cy'ubwishingizi cya Britam cyageze mu Rwanda mu 2014, gikorera mu bihugu biboneka muri bice bya Afurika y'Iburasirazuba n'iy'Amajyepfo, birimo Kenya, Tanzania, Uganda, Mozambique, Malawi na Sudani y'Epfo.

Britam Insurance Rwanda yamuritse ubwishingizi bushya mu muhango wabereye kuri Marriot Hotel

Inkumi za Kigali Protol nizo zakiraga abitabiriye uyu muhango

Umuyobozi wa Britam Insurance Company yasobanuye umwihariko w’ubu bwishingizi

Ibiciro by’ubwishingizi bushya bwa ‘Ramba na Britam’

Abayobozi ba Britam bishimiye imurikwa ry’umushinga bamazemo iminsi

Ukuriye Inama y’Ubutegetsi muri Britam, Molly Rwigamba yasobanuye ko intego yabo ari ukongera icyizere cyo kubaho mu baturarwanda

Umuyobozi w’Ishami rishinzwe Ubwishingizi n’Ubwiteganyirize muri Banki Nkuru y’u Rwanda, Niyonizeye D. Dilime yashimiye Britam aboneraho no guhwitura ibindi bigo by’ubwishingizi

Abitabiriye uyu muhango bahawe umwanya babaza ibibazo ndetse basobanurirwa byinshi kuri ubu bwishingizi

Ubu bwishingizi bugiye gukorana byumwihariko n’amatsinda ndetse n’ibigo bito bifite ubuzima gatozi

Iki gikorwa cyasojwe no gusangira, hishimirwa ibyagezweho

Kanda hano urebe amafoto yose yaranze umuhango wo kumurika ku mugaragaro ubwishingizi bushya bwiswe “Ramba na Britam”

AMAFOTO: Doxvisual – InyaRwanda.com

Mu myaka micye ishize inkundura yo gukoresha imbuga nkoranyambaga yarushijeho kwiyongera ndetse abazikoresha bagamije uburyo bw'ubucuruzi barushaho kuba benshi.

Gusa benshi wasangaga bibanda ku gukoresha izishyirwaho amashusho mato ariko izishyirwaho amanini ugasanga ari bacye bazikoresha by'umwihariko abashyiraho ibiganiro bigaruka ku buzima bwabo bwite.

Kuri ubu bikomeje gufata intera mu byamamare bitandukanye nka Mutesi Jolly, Nishimwe Naomie, Linda Priya, Umukundwa Cadette n'abandi bamaze gufungura inkuta kuri YouTube aho basangiza abantu ibintu ibijyanye n’imibereho yabo ya buri munsi.

Abandi bashyiraho ibiganiro ubwabo baba baratunganije berekana imibereho inyuranye y'abandi bantu cyangwa ubwiza bw'u Rwanda.

Kuri ubu Kathia Kamali murumana wa Miss Rwanda 2020, Nishimwe Naomie, yiyongeye kuri aba bakomeje kubyaza umusaruro urubuga rwa Youtube.

Mu mashusho ya mbere yasangije abamukurikira ku rubuga ruri mu mazina ya Kathia Mackenzie K, yavuze ko yabonye izuba kuwa 12 Gashyantare 1996, asaba ababyifuza kuzamuzirikana bakanamuha impano ubwo azaba yuzuza imyaka 28 mu kwezi gutaha.

Kathia yahishuye ko burya ari we mukuru mu gihe abantu benshi bari baziko ari we muto

Yagaragaje ko ibintu bitatu yiyiziho ari ubugwaneza, ubuhanga kandi wanamwishyikirizaho mu bihe byamage. Yavuze ko kugeza ubu hari amagambo amugora kuyavuga mu cyongereza nka Murderer na Strength.

Mu bindi yagaragaje ko Miss Naomie wo mu muryango wabo ari umuntu ushimishije. Yanahishuye ko afite umukunzi, ko yisiga amavuta ya Vaseline nubwo iyo abibwiye abantu batabyemera anavuga ko akoresha indimi zirimo ikinyarwanda, icyongereza, igiswahili n'igifaransa.

Yatangaje byinshi ku buzima bwe asezeranya abamukurikira ko azajya abagezaho n’ibindi muri ibyo harimo ko ari mu rukundo

Uwicyeza Pamella, umugore wa The Ben, na we yamaze kujya muri uyu mujyo wo kubyaza umusaruro YouTube nubwo atarashyiraho amashusho n’amwe, gusa abarenga ibihumbi 2 bamaze kumukurikira ‘gukora Subscribe’.

Nk’uko yabigaragaje, azajya anyuzaho ubuzima bwe bwa buri munsi. Kuba atarashyiraho amashusho, avuga ko ari ukubera ko umufata amashusho yagize ibibazo, ariko mu bihe bya vuba azaba yamaze kuyagezaho.

Uwicyeza Pamella aritegura na we gutangira gusangiza abamukurikira bimwe mu bihe by’ingenzi ku buzima bwe bwa buri munsi binyuze kuri YouTubeUwicyeza Pamella yamamaye muri Miss Rwanda 2019 akaba yarasoje umwaka yemeranije kubana akaramata na The Ben

KANDA HANO UREBE URUBUGA RWA YOUTUBE RWA UWICYEZA PAMELLA

KANDA HANO UREBE IKIGANIRO CYA MBERE CYA KATHIA KAMALI