Category: Uncategorized

Iyi Sosiyete yamenyekanye mu gutegura ibitaramo ngaruka kwezi bya Kigali Jazz Junction ndetse muri iki gihe bari kwitegura gukora igitaramo bise Kigali Praise Fest.

Iri rushanwa batangaje rizatangira muri Werurwe 2024, kandi rizabera mu Ntara enye ndetse n'Umujyi wa Kigali, hashakishwa ababyinnyi 15 bazajya mu mwiherero 'Boot Camp' uzarangira binjira mu guhatana ku munsi wa nyuma w'irushanwa.

Iri rushanwa ngaruka mwaka rigamije kuvumbura impano mu babyinnyi, gushyigikira abiyumvamo impano yo kubyina, kugaragaza kubyina nk’umwe mu myuga yateza mbere umuntu, kandi hagamijwe guhangira akazi urubyiruko.

Haranatekerezwa uko ababyinnyi n’abandi bazitabira iri rushanwa bazafashwa kubyaza umusaruro impano z’abo zishamikiye ku kubyina ndetse no gufasha n’abandi bo mu bihugu bitandukanye by’u Rwanda gukunda kubyina.

Mu kiganiro n’itangazamakuru kuri uyu wa Mbere, tariki 29 Mutarama 2024, Remmygious Lubega washinze RG Consult, yavuze ko bafite icyizere cy’uko iri rushanwa rizagaragaza impano zihishe muri benshi zitigeze zigaragara.

Yavuze kandi ko igihe ari iki. Ati “Turi hano kugirango ibi byose bishoboke binyuze mu bufatanye n’abandi barimo ababyinyi, itangazamakuru n’abandi bose. Kubyina ni kimwe mu bintu bishimisha benshi, wabikora wishimisha nka siporo, kandi ni kimwe mu bikorwa urubyiruko rwinshi rwisangamo.”

Abashaka guhatana muri iri rushanwa bazatangira kwiyandikisha guhera muri Werurwe 2024. Ushaka guhatana yifata amashusho y’amasegonda 90′ ubundi akohereza ku rubuga rwateguwe.

Bazahatana mu byiciro; Traditional Cultural Dance (Muri iki cyiciro hazahatana umuntu umwe, itsinda ry’abantu babiri cyangwa se abandi); Contemporary Creative Dance (Muri iki cyiciro harebwa cyane ababyinnyi Fusion, Afro n’ibindi) ndetse na Urban&Modern Dance (Hazarebwa ababyina Afrobeat, Rumba, Kizomba, Afrobeat, Zouk, Ballet n’ibindi).

Umuyobozi Mukuru wa RG Consult, Irakoze Arlette yavuze ko bagize igitekerezo cyo gutangiza iri rushanwa nyuma yo kubona ko ababyinnyi basa n’abibagiranye mu ruhando rw’imyidagaduro.

Ati “Hari ukuntu ubona ko ababyinnyi basa n’aho birengagijwe, kandi rwose, iyo abantu bizihiwe barabyina. Nonese murumva abo babyinnyi tudakwiriye kureba icyo twabakorera, niyo mpamvu twabibutse, ariko noneho biri no mu murongo wacu w’ibikorwa dusanzwe dukora, iki ni kimwe mu bikorwa dutangaje, ariko urugendo ruracyakomeje.”

Herniette yavuze ko nyuma yo gutanga ibihembo ku bazahita abandi, bazakomeza kubakurikirana umunsi ku munsi babafasha kwisanga ku isoko, ariko nako babungura ubumenyi.

Ati “Tuzakomeza kubungura ubumenyi, kugirango impano z’abo bazibyaze umusaruro. Iyo urebye ibijyanye n’imyidagaduro mu Rwanda, usanga abantu babikora kugirango bishimishije, usanga ababyeyi badashyigikira abana…. tuzabashyigikira, tuzaba ahantu babakurikirana…”

Ababyinnyi 15 nibo bazagera m cyiciro cya nyuma, ndetse bazahabwa amahugurwa abazafasha mu rugendo rw'abo rwo gukuza impano.

Aba 15 bazahita binjira mu cyiciro cyo gutorwa mu matora azabera kuri Internet ndetse no kuri SMS, mu rwego rwo guha urubuga abafana babo.

Muri buri cyiciro, hazahembwa uwahize abandi ahabwe Miliyoni 5 Frw. Ni mu gihe uzahiga abandi mu kubyina imbyino zinyuranye azahembwa studio y'umuziki irimo ibikoresho byose bigezweho bizamufasha gukuza impano ye mu kubyina; mu gihe cy'ukwezi kumwe kandi azajya ahabwa ibihumbi 500 Frw (bivuze ko ku mwaka azakira Miliyoni 6 Frw).

Remmy Lubega avuga ko hari gutekerezwa uko uzahiga abandi mu byiciro byose yazagirwa 'Brand Ambassador' wa kimwe mu bigo bazaba bari gukorana.

Yavuze ko Akanama Nkemurampaka kazifashishwa mu guhitamo ababyinnyi, kazaba kagizwe n'abasanzwe ari ababyinnyi babigize umwuga.

RG Consult yateguye iri rushanwa ryo kubyina mu bihe bitandukanye yagize uruhare mu gutegura ibikorwa birimo nka Kigali Jazz Junction, Global Citizen-Move Africa, Miss Rwanda 2011, Mutzig Amabeats, Ally&Friends, International Jazz Day Fest, Legens Alive, Kigali Praise Fest, Smart Africa n’ibikorwa binyuranye 

Remmygious Lemmy, yavuze ko hazahembwa umuntu umwe muri buri cyiciro, kandi uzegukana irushanwa azahembwa studio irimo ibikoresho by'umuziki ifite agaciro ka Miliyoni 10 Frw

 

Irakoze Herniette yavuze ko iri rushanwa rigamije kugaragaza no guteza imbere abayiyumvamo impano yo kubyina 

Mu kiganiro n'itangazamakuru cyabaye kuri uyu wa Mbere tariki 29 Mutarama 2024, hatangiwe ku mugaragaro irushanwa 'Byina Rwanda' 

Iri rushanwa rizagera mu Ntara zitandukanye z'u Rwanda, hashakishwa 15 bazagera muri 'Boot Camp'

David Adedeji Adeleke umuhanzi akaba n'umwanditsi w'indirimbo uzwi ku izina rya Davido, uri mu bahetse ijyana nyafurika ya Afro Beat, yongeye gushimangira izina rye mu Bwongereza.

Ni mu gitaramo yakoreye muri sitade y'imyidagaduro ya O2 Arena mu mujyi wa London iri mu zijyamo abantu benshi bangana na 20, 000 mu Bwongereza. 

Yataramiye muri iki gihugu, mu bitaramo akomeje gukora bizenguruka Isi yise 'Timeless Tour' bishimangira album aherutse yasohoye mu 2023 yitwa Timeless iriho indirimbo zaciye ibintu nka 'Unavailable', 'Feel' 'Na Money' n'izindi.

The UK Independent yatangaje ko yujuje abafana iyi sitade mu gihe gito kandi igitaramo cye kitaramamajwe kuburyo buhambaye.

Igitangaje ngo n'uko abandi bahanzi bakomeye barimo nka Adele, Sam Smith na Harry Styles bajya bahakorera ibitaramo nyamara ntibabone abafana buzuza iyi sitade.

Muri iki gitaramo Davido yatunguye abacyitabiriye maze azana abandi bahanzi batandukanye bafatanya kuririmba. Uwa mbere yazanye ni umunyabigwikazi Angelique Kidjo maze bafatanya kuririmba indirimbo bakoranye yitwa 'Na Money'.

Davido kandi yazanye Musa Keys bafatanya kuririmba 'Unavailable' yaciye ibintu. Yakurikijeho Kizz Daniel baririmbana indirimbo nshya baherutse gusohora yitwa 'Twe Twe'. Undi muhanzi yazanye ni Mayorkun.

Iyi ibaye inshuro ya Gatatu Davido yuzuza iyi sitade, dore ko mu 2019 yabaye umuhanzi nyafurika wa mbere uyujuje, mu 2022 akongera kuyuzuza ndetse n'ubu yongeye gushimangira ko agifite ububasha bwo kuzuza iyi sitade imaze kuberamo ibitaramo bikomeye.

Dore uko byari byifashe mu gitaramo cya Davido yakoreye i London, yahinduyemo imyenda inshuro 5:

Davido yongeye kuzuza sitade ya 02 Arena yo mu Bwongereza 

Yashyize amavi hasi ashima Imana

Davido yafatanije na Angelique Kidjo kuririmbana 'Na Money'

Davido yahinduranije imyenda inshuro 5

Yazanye Kizz Daniel baririmbana bwa mbere indirimbo yabo nashya 'Twe Twe'

Davido yanaririmbiye mu kirere

Yanazanye Musa Keys baririmbana 'Unavailable'

Ni inshuro ya 3 Davido akoze igitaramo cy'amateka mu Bwongereza 

Iyi mpanuka yabaye ku gicamunsi cyo ku wa Gatanu w’icyumweru gishize, ubwo ubwato bwavaga mu Murenge wa wa Rukumberi mu Karere ka Ngoma bwerecyeza mu Murenge wa Karenge mu Karere ka Rwamagana.

Iyi mpanuka ikimara kuba ku wa Gatanu, haraye habonetse imibiri itandatu, mu gihe indi yakomeje gushakishwa ikaboneka mu mpera z’icyumweru gishize.

Aba bantu 16 bazize iyi mpanuka, bose ni abo mu Murenge wa Karenge, barimo abana bato babiri, bakaba bashyinguwe mu muhango wanitabiriwe n’inzego z’ubuyobozi.

Haboneweho gutangwa ubutumwa bwo guhamagarira abaturage bakora ingendo zo mu mazi ndetse na koperative zibatwa, kujya bigengesera, bakubahiriza amabwiriza yose kugira ngo hirindwe impanuka nk’iyi.

Minisitiri w’Ubutegetsi bw’Igihugu, Jean Claude Musabyimana, yihanganishije imiryango yabuze abayo, asaba abaturage bo muri aka gace kujya bigengesera.

Minisitiri w’Ubutegetsi bw’Igihugu, yasabye ko abatwara abantu mu bwato, bagomba kujya bandika imyorondoro yabo kugira ngo abari mu bwato bamenyekane, kuko kumenya ababuriye ubuzima muri iyi mpanuka byagoranye.

Umuvugizi wa Polisi y’u Rwanda mu Ntara y’Uburasizuba Superintendent of Police (SP) Hamdun Twizeyimana na we yahaye ubutumwa Koperative zambutsa abantu.

Ati 'Mu buryo bwa kinyamwuga, abafite za Koperative zitwara zikora ubwikorezi bwo mu mazi bakwiye kujya bandika imyorondoro y’abo batwaye. Byoroshya kumenya abo ari bo igihe cyose baba bahuye n’akaga nk’ako bariya b’i Karenge bahuye nako.'

Ubwo iyi mpanuka yari ikimara kuba kandi, harohowe abantu 31, mu gihe bivugwa ko ubu bwato bwari butwaye abantu barenga 40, nyamara bwari bwemerewe gutwara abantu 15.

UKWEZI.RW

Bikubiye mu itangazo ryashyizwe hanze n’uyu muryango wa Twirwaneho kuri uyu wa Mbere tariki 29 Mutarama 2024.

Iri tangazo ryamagana ibikorwa bihonyora uburenganzira bikorerwa Abanyekongo b’Abanyamulenge, batahwemye guhohoterwa bicwa n’imitwe itandukanye mu burasirazuba bwa Repubulika Iharanira Demokarasi ya Congo.

Iri tangazo rya Twirwaneho, rivuga ko uyu muryango ukurikije amakur yizewe wahawe n’umwe mu basirikare bo hejuru mu gisirikare cy’u Burundi, wamenye aya makuru yo kuba iki gisirikare cy’u Burundi kiri gutegura ibitero byo kwivugana aba Banyekongo.

Twirwaneho yakomeje ivuga ko umusirikare wo hejuru yahamagajwe i Bujumbura mu Burundi kugira ngo ahabwe amabwiriza y’ibi bitero.

Iri tangazo rikomeza rivuga ngo 'yahamagajwe i Bujumbura ngo yakire amabwiriza ya nyuma arebana n’ibikorwa bya gisirikare byo kwibasira abaturage bo mu bwoko bw’Abanyamulenge hagamijwe kubatsemba burundu.'

Twirwaneho kandi ivuga ko ibi byose biri gutegurwa mu busabe n’isezerano rya Perezida Felix Tshisekedi wa Repubulika Iharanira Demokarasi ya Congo, wavuze ko yifuza kurandura abo banyekongo yita ko ari intumwa z’u Rwanda komeje kwita umwanzi.

Gelard Mpyisi asanzwe ari umwana wa kabiri wa nyakwigendera Pasiteri Ezra Mpyisi witabye Imana ku wa Gatandatu tariki 27 Mutarama 2024.

Mu kiganiro Gelard Mpyisi yagiranye n’ikinyamakuru RADIOTV10 dukesha iyi nkuru, yavuze ko umubyeyi wabo Pasiteri Ezra Mpyisi yashizemo umwuka ku isaha ya saa cyenda z’umugoroba.

Yagize ati'Icyiza ni uko yari amaze iminsi yariteguye kugenda, ndetse natwe yaraduteguye ku buryo twese twari duhari.'

Uyu muhungu wa Mpyisi, yavuze ko mbere gato y’uko umubyeyi wabo atabaruka, yari arwaye indwara zitandukanye ariko zose ko ari izishamikiye ku myaka yari afite kuko yari ageze ku 102, dore ko yari amaze igihe atanagira icyo ashyira mu nda.

Ati 'Ibyo ni ibyatwerekaga ko yamaze kwitegura kandi yabyakiriye nk’umuntu w’Imana, burya hari igihe umuntu w’Imana agera aho akavuga ati 'ibisigaye ni iby’Imana’.'

Gelard Mpyisi avuga ko mu butumwa umubyeyi wabo yakunze kubaha mbere gato y’uko yitaba Imana, yakomeje kubasaba kuzarangwa no kubaha Imana no kugendera mu nzira zayo.

Ati 'Yaravugaga ati 'ikintu mbasaba muzabe abizera, nkanjye tuzahurire mu Bwami bw’Ijuru’.'

Amakuru avuga ko kuri iki Cyumweru tariki 28 Mutarama 2024, imirwano ikarishye yahuje M23 na FARDC ifatanyije n’abasirikare b’u Burundi n’umutwe wa FDLR.

Mu marembo ya Sake mu gace kakunze kugenzurwa na M23, aho bivugwa ko uruhande rwa FARDC rwagabye igitero gikomeye kuri M23, ariko basanga uyu mutwe witeguye.

Uru rugamba kandi rwarimo abasirikare benshi b’u Burundi, bari muri Batayo ya karindwi ya TAFOC bari ku gasozi ka Muremure, aho zakijijwe n’amaguru nyuma y’uko M23 ibakijeho umuriro.

Amakuru avuga ko abasirikare batanu b’u Burundi bahise bagwa aho, barimo ufite ipeti rya Captain witwa Euphrem Niragira, uri mu babashije kumenyekana.

Bivugwa kandi ko umutwe wa M23 wongeye gufata ibikoresho byinshi byasizwe n’uruhande bahanganye, gusa uyu mutwe ukaba waryumyeho ukaba wirinze gutangaza byinshi.

Ibi bitero bibaye nyuma y’igihe mu gace ka Mweso hakomeje kuba isibaniro, aho FARDC n’abo bafatanyije bahagabye ibitero simusiga birimo n’iby’indege z’intambara, byanahitanye inzirakarengane z’abaturage.

Umutwe wa M23 wakunze kuvuga ko uzihorera kuri ibi bitero byari gutwara ubuzima bw’abasivile benshi, ndeste ko ugiye guhiga bukware imbunda ya rutura yari iriho yifashishwa.

UKWEZI.RW

Mu mwaka wa 2019, The Ben yatangaje ko agiye gushyira hanze album yari amaze imyaka itatu akoraho icyo gihe abantu benshi bategereza ko iyo album ijya hanze umwaka wa 2020 wabaye imfabusa kuri benshi kubera Corona Virus urihirika biba bityo 2021, 2022 ndetse na 2023.

The Ben utari ukunze kubona umwanya uhagije muri Amerika, yaje mu Rwanda agerageza gukora umuziki mu gihe gito yari afitemo ibikorwa byinshi byiganjemo ibitaramo ndetse no gukora ubukwe.

N’ubwo inshingano zabaye nyinshi ugereranyije na mbere akiri ingaragu, The Ben ntabwo yaretse kuzirikana isezerano yahaye abafana be kuko yakomeje gahunda yo gutekereza uko yabavamo umwenda w’isezerano yabahaye. 

Amakuru InyaRwanda yamenye, ni uko The Ben atagikomeje gukora album ahubwo yayihinduyemo Extended Playlist (EP) akaba ari kuyikoraho uko abonye umwanya ku buryo mu gihe cya vuba aza kuyishyira hanze.

Iyi albm avunjemo Extended playlist (EP) yari kuba ibaye iya gatatu nyuma ya album Amahirwe ya nyuma yashyize hanze mu mwaka wa 2016 muri Petit Stade ndetse n’indi “Ko nahindutse” yamurikiye mu Bubirigi.

The Ben agiye gushyira hanze EP yasimbuje album

Mu mwaka wa 2019 nibwo The Ben yateguje abakunzi be album ye ya gatatu

The Ben yaherukaga indirimbo “Ni Forever” yatuye Uwicyeza Pamella umugore we

Kuwa Gatandatu ni bwo hakinwe imikino ya shampiyona yo ku munsi wa 18, saa kumi n’ebyiri ikipe ya AS Kigali ikaba yarakiriye Gasogi United kuri Kigali Pele Stadium.

Umukino warangiye iyi kipe y'abanyamujyi itsinze igitego 1-0 ariko nyuma y'umukino KNC yerekana ko atishimiye ibijyanye n'imisifurire ndetse ahita atangaza ko afashe umwanzuro wo gusesa ikipe ya Gasogi United.

Nyuma yaho benshi bagize ngo ntabwo akomeje kuri uyu mwanzuro bitewe nuko yaba yabikoreshejwe n'umujinya ndetse akaba atari nabwo bwa mbere yaba afashe uyu mwanzuro ariko akaza kwisubira ikipe igakomeza kubaho.

KNC aganira na Radio 10 mu kiganiro Urukiko rw'Imikino yahamije ko umwanzuro wo gusesa Gasogi United ugikomeje ndetse ko agiye kwandikira ibaruwa ishyirahamwe ry'umupira w'amaguru mu Rwanda, FERWAFA, abirimenyesha.

Yagize ati: 'Ntekereza ko nta cyahindutse ku cyemezo cyacu gahunda iracyari ya yindi. Gasogi nk'ikipe ikina icyiciro cyose, mu marushanwa yose ibikorwa byayo twarabihagaritse, ariko ntekereza ko mu buryo bwa nyabwo, Federasiyo, League ndetse n'abandi bafatanyabikorwa turaza kubaha ibaruwa ibamenyesha umwanzuro wacu”.

Ku bijyanye no kuba ikipe yaba yayigaritse kubera ikibazo cy'ubushobozi, yagize   ati: 'Iyo umuntu agiye kuvuga ibintu arabanza akanasesengura. Ugiye kureba kuri iri soko ry'abakinnyi, ni iyihe kipe yaguze amasezerano y'abakinnyi;

Twaguze amasezerano y’uriya mukinnyi ukomoka muri Congo ntekereza ko ari hejuru y'ibihumbi 15 by'amadorari. Twaguze amasezerano y'uyu murundi ntekereza ko ari hejuru y'ibihumbi by'amadorari, ubuse waba nta mafaranga ufite ukagura abakinnyi?

Twebwe icyo tudashobora ni ukuguma mu bintu, aho ujya gukina umukino ubona uzwi uko uri burangire uko byagenda kose.'

KNC yakomeje  avuga ko Gasogi United itari yongera gukora imyitozo ndetse ko ejo azicarana n'abayobozi bagakora inama bakareba abakinnyi bashaka gusohoka bakabarekura bakagenda ndetse bakanareba naho abandi  bagakomeza kubafasha gukora imyitozo.

Ku bijyanye n'ikipe y'abato irimo abana barihira amashuri, yavuze ko bazakomeza kubarihirira kugeza uyu mwaka urangiye bakazanakomeza gukina amarushanwa yo ku mashuri ariko muri shampiyona y'abato ho bakaba batazakomeza gukina.

KNC ku mwanzuro yafashe wo gusesa Gasogi United uracyakomeje