Category: Uncategorized

Marines FC yamaze gusinyisha abakinnyi babiri bari mu igeragezwa muri APR FC, Kada Moussa na Aboubacar Moussa bakomoka muri Cameroun.

Mu mpera za 2023 ni bwo APR FC yakiriye abakinnyi bane bavuye muri Cameroun baje gukoramo igeragezwa.

Muri abo bakinnyi iyi kipe yabashije kurokoramo umwe gusa usatira anyuze ku ruhande, Sanda Soulei wamaze kuyisinyira ndetse n’umukino wa mbere yarawukinnye, ni uw’igikombe cy’Intwari.

Undi mukinnyi wagaragaje urwego ni Abdouramane Alioum ariko APR FC yamubwiye ko itamufata, yamusabye ko yajya muri Marines ariko abitera utwatsi.

Abakinnyi babiri bandi bakina bataha izamu, Amadou Kada Moussa ndetse na Aboubacar Moussa bo bamaze gusinyira ikipe ya Marines FC.

Iyi kipe ikaba yarabafashe ngo basimbure Mbonyumwami Taiba wagiye muri APR FC na Gitego Arthur uheruka kwerekeza muri AFC Leopards yo muri Kenya.

Aba bakinnyi bombi bakaba barasinye amezi 6 buri umwe, shampiyona nirangira ni bwo bazicara hakarebwa niba bakomezanya bitewe n’umusaruro wa buri umwe.

Aba bakinnyi kandi bakaba baragaraye mu mukino w’umunsi wa 18 Marines FC yanganyijemo na Etincelles 1-1, bagiye mu kibuga mu gice cya kabiri.

Kada Moussa umukinnyi wa Marines FC

Aboubacar Moussa yasinyiye Marines FC

Nkinzingabo Fiston wamenyekanye muri APR FC ubu akaba yakiniraga Mukura VS, yerekeje muri Afurika y’Epfo mu igeragezwa.

Uyu rutahizamu usatira anyuze ku ruhande yamaze gufata rutemikirere yerekeza muri Afurika y’Epfo aho agiye gukora igeragezwa mu makipe amwifuza.

Amakuru ISIMBI yamenye yahawe n’umuntu we wa hafi ni uko atari ikipe imwe azakoramo igeragezwa ahubwo ari amakipe agera muri 3.

Mu gihe byaba bikunze, uyu mukinnyi benshi bemeza ko afite impano ariko akaba mu kibuga adatanga umusaruro yitezweho, yaba asanze muri iki gihugu Ntwari Fiacre usanzwe ukinira TS Galaxy.

Nkinzingabo Fiston wamenyekanye cyane ubwo yakiniraga APR FC yagiriyemo ibihe byiza, yaje kuyivamo yerekeza muri Kiyovu Sports, AS Kigali ndetse na Mukura VS yakiniraga.

Nkinzingabo Fiston yerekeje muri Afurika y’Epfo gukora igeragezwa

Ifungwa ry’uyu muhanda, ryatangajwe mu gitondo cyo kuri uyu wa Kabiri tariki 30 Mutarama 2024, aho Polisi y’u Rwanda yari yabitanje mu butumwa yatanze kuri X.

Ubu butumwa bwa Polisi y’u Rwanda bwagiraga buti 'Turabamenyesha ko kubera imvura nyinshi yateye inkangu mu murenge wa Nemba, ahazwi nka Buranga, ubu umuhanda Gakenke- Musanze wabaye ufunze by’agateganyo.'

Polisi y’u Rwanda yakomeje igira iti 'Imirimo yo gutunganya uyu muhanda irimo gukorwa. Turabamenyesha umuhanda nuba nyabagendwa.'

Nyuma y’amasaha macye, Polisi y’u Rwanda yongeye gutangaza ko uyu muhanda wongeye kuba nyabagendwa nyuma y’uko uru rwego rukoze ibikorwa byo kuwutunganya.

Ubutumwa bwa Polisi y’u Rwanda, butangaza ko ikibazo cyari muri uyu muhanda cyakemutse, bugira buti 'Turabamenyesha ko ubu umuhanda Gakenke-Musanze ari nyabagendwa.'

UKWEZI.RW

Mu gitondo cyo kuri uyu wa Kabiri tariki 30 Mutarama 2024, Umuvugizi wa M23, Lawrence Kanyuka, yavuze ko uruhande bahanganye muri iyi mirwano rwaramutse rukomeza ibikorwa byo kwivugana abaturage.

Ubutumwa bwatanzwe na Lawrence Kanyuka, bugira buti 'Turasaba Umuryango w’ikiremwamuntu kudakomeza guceceka kabone niyo Umuryango mpuzamahanga wacecetse ku bwicanyi bwakorewe abaturage i Mweso, Mushaki, Karuba ndetse n’ibibakikije byakozwe n’ingabo z’ubumwe bw’ubutegetsi bwa Kinshasa.'

Uyu mutwe uvuga ko urwo ruhande rwa Leta ya Kinshasa rugizwe na FARDC, FDLR, abacancuro, inyeshyamba ingabo z’u Burundi n’iza SADC, bakomeje kwivugana abaturage.

Lawrence Kanyuka yakomeje avuga ko'Muri iki gitondo ubufatanye bw’ubutegetsi bwa Kinshasa, by’umwihariko ingabo za SADC, barashe ibisasu biremereye muri Karuba no mu bice bibikikije, bica abagore n’abana, ndetse imiryango myinshi iva mu byayo.'

Mu mirwano yabaye mu mpera z’icyumweru gishize, bivugwa ko abasirikare b’u Burundi benshi bahasize ubuzima, bivuganywe n’abarwanyi ba M23, na bo bari bamaze iminsi bugarijwe n’ibitero bya Drone, ariko bakavuga ko bagiye kwihorera.

UKWEZI.RW

Aba bantu batangiye kuburanishwa kuri uyu wa Mbere tariki 29 Mutarama 2024, n’Urukiko rwisumbuye rwa Rubavu.

Aba bantu mu rubanza rwabo bayobowe n’abari abayobozi ba Gereza ya Nyakiriba baregwa imfu z’abafungwa barindwi n’abandi bahakuye ubumuga.

Mu baregwa barimo Ephraim Gahungu wigeze kuyobora Igororero rya Rubavu, aho Ubushinjacyaha bumurega ibishingiye ku mfungwa yapfiriye muri gereza muri 2019.

Ubushinjacyaha buvuga ko yishwe n’abanyururu bagenzi be barimo Mpakaniye Joseph na Charles Nkurunziza, ubwo uyu Gahungu yari umuyobozi w’iyo Gereza.

Ubushinjacyaha buvuga ko Agahanze wari ufungiye aha wenyine, yishwe nyuma y’uko Gahungu wari ukuriye gereza avugiye mu nama ko atifuza kongera kumva raporo z’urugomo rwakorwaga na Agahanze.

Ubushinjayaha bwavuze ko Gahungu ntacyo yakoze ngo habe iperereza ku rupfu rwa Agahanze ahubwo yihutiye kuvuga ko yazize uburwayi.

Mu rukiko, Gahungu yavuze ko Agahanze yazize urupfu rusanzwe, ndetse ko yapfuye we adahari yagiye i Kigali mu nama.

Ubushinjacyaha bwamaganye ibi bisobanuro byatanzwe n’uyu mugabo, bwavuze kandi hari abanyururu bimurwaga kugira ngo bajye kwifashshjwe mu bikorwa byo guhohotera abanyururu mu zindi gereza.

Aba ngo ni nk’abajyanywe na Innocent Kayumba wayoboye Gereza ya Rubavu waje kwimurirwa mu ya Nyarugenge i Kigali.

Abo yatwaraga ngo ni ababaga barigaragaje cyane mu bikorwa by’ubugizi bwa nabi kuri bagenzi babo ku mategeko y’abacunga gereza, abajyana i Kigali kubifashisha 'kumvisha’ abahafungiwe 'bitwaraga nabi’.

Muri uru rubanza, kandi haregwa uwitwa Byinshi Emmanuel ushinjwa kwica bagenzi be batatu, aho yari ashinzwe umutekano w’imbere muri Gereza.

Ubushinjacyaha buvuga ko yari atinyitse bidasanzwe, 'yica uwo ashaka agakiza uwo ashaka' ariko kuba atarabiryozwaga, byagaragazaga ko yabaga yarujuje inshingano yahawe n’abayobozi ba gereza.

Bwavuze kandi ko ubuyobozi bwa Gereza bwahishaga amakuru y’imfu z’abo bantu bicwaga n’uyu Byinshi.

Ubushinjacyaha buvuga ko mu guhumya uburari, abapfiraga muri Gereza bajyanwaga kwa muganga, abaganga akaba ari bo bemeza ko bapfuye nyamara barabaga barapfiriye muri za Gereza, ndetse ngo bagahabwa imiryango yabo yashyizwe mu isanduku.

Uru rubanza rwakomeje, aho umwe mu bategerejwe cyane ari Kayumba Innocent wayoboye amagereza atandukanye arimo iya Nyarugenge na we uregwa muri uru rubanza.

Umuhanzi Nyarwanda Mugisha Benjamin wamamaye nka [The Ben] yamaze kwerekeza muri Leta Zunze Ubumwe za Amerika i Washington DC aho yitabiriye Rwanda Day izaba ku wa 2-3 Gashyantare 2024.

Mu gitondo cyo kuri uyu wa Kabiri tariki 30 Mutarama 2024 ni bwo The Ben yasangije abamukurikira amashusho ageze i Chicago mbere y’uko yerekeza i Washington, aho agomba kuzitabira ibirori bya Rwanda Day.

Byitezwe ko The Ben azaba ari umwe mu bihumbi by’Abanyarwanda bazakoranira i Washington DC aho bazaba bitabiriye Rwanda Day ubusanzwe ihuza ubuyobozi bw’u Rwanda n’Abanyarwanda baba mu mahanga.

Byitezwe ko The Ben afatanyije n’abarimo Bruce Melodie na Teta Diana, bazataramira abazitabira Rwanda Day.

Ni ku nshuro ya 11 hagiye kuba Rwanda Day, uyu mwaka bikaba byitezwe ko izabera ahitwa Gaylord National Resort and Convention Center.

Rwanda Day iheruka yabereye i Bonn mu Budage mu Ukwakira 2019. Yahurije hamwe Abanyarwanda n’inshuti z’u Rwanda barenga 3500.

Bitewe n’icyorezo cya Covid-19 cyari cyugarije Isi, cyatumye ibikorwa bihuriza hamwe abantu benshi bihagarara, ntabwo iri huriro ryabayeho mu 2020, 2021, 2022 na 2023.

Ku rundi ruhande, byitezwe ko The Ben azahita ava muri Amerika kuko afite igitaramo agomba gukorera i Kampala ku wa 14 Gashyantare 2023.

The Ben ari muri Amerika

Ada Claudine ukunzwe mu ndirimbo “Witinya” na “Data arihagije”, arakataje mu gukora indirimbo zikubiye kuri Album ya 3. “Imana yacu” yasohoye, ni imwe mu ndirimbo eshanu aherutse gufatira amashusho. Iracurangitse ndetse iraririmbitse dore ko yayifashijwemo n’abacuranzi n’abaririmbyi b’abahanga nka Marvine, Lydia, Tresor, Bonheur n’abandi.

Akarere ka Rubavu kazwiho kuba karibarutse impano zikomeye mu muziki wa Gospel, gusa abenshi bagiye bajya gutura i Kigali no hanze y’u Rwanda. Mu baramyi bakomeye bakomoka i Rubavu hari Patient Bizimana, Dominic Ashimwe, Gikundiro Rehema n’abandi. Kuri ubu ibendera ry’umuziki wa Gospel muri Rubavu rifitwe na Ada Claudine.

Ada Claudine tuvuga ni izina rikomeye mu Rwanda mu muziki wo kuramya no guhimbaza Imana, akaba azwi mu ndirimbo zitandukanye zafashe bugatwe imitima y’abatari bacye, zirimo; ‘Nkwiye kujyayo’, ‘Iby’Imana ikora’, ‘Data arihagije’, ‘Tuzafatanya n’ibizima’, n’izindi.

Ada Claudine uzwi nka Mama Keza, aherutse gukora igitaramo yafatiyemo amashusho y’indirimbo eshanu. Ni ndirimbo azagnda ashyira hanze imwe ku yindi. “Witinya” niyo yabimburiye izindi, akaba yakurikijeho iyo yise “Imana yacu”.

Ada Bisabo Claudine niyo mazina ye yose, gusa benshi bakunda kumwita ABC (Impine y’amazina ye atatu). Yavukiye muri Repuburika Iharanira Demokarasi ya Congo, tariki ya 5/7/1987. Afite impamyabumenyi y’icyiciro cya 2 cya Kaminuza mu ishami ry’icungamutungo yahawe na Kaminuza Yigenga ya Kigali (ULK).

Asengera mu itorero rya Zion Temple Rubavu, akaba yaratangiye kuririmba afite imyaka 7 y’amavuko muri korali y’abana muri Kiriziya Gaturika. Ku myaka 12 yatangiye kuririmba muri korali y’abakiri bato muri Nazarene Church Kicukiro.

Yakomeje kuririmba mu bigo by’amashuri yisumbuye kandi hose yabaga ari umuyobozi w’indirimbo (Conductrice). Mu 2009 ni bwo yatangiye kwandika indirimbo atangira no kuzitoza abandi. Yaje gufasha amatsinda, amakorali n’abaririmbyi ku giti cyabo bo mu Rwanda, Congo no mu Burundi ubwo yari amaze gutorerwa kuyobora GBU-ULK.

Ada Claudine yashyize hanze indi ndirimbo iri kuri Album ye ya 3