Category: Uncategorized

Ryabaye kuri uyu wa Gatandatu tariki 16 Werurwe 2024 ku Isonga Center (Ikigo gitanga Amakuru, Ubumenyi, Amahugurwa n'Ubujyanama bunyuranye ku Iterambere ry'urubyiruko) giherereye mu Murenge wa Cyuve mu Karere ka Musanze.

Ni ubwa mbere iri rushanwa ryubakiye ku ivugabutumwa rya Gikirisitu rigeze muri aka karere. Ryahatanyemo abanyempano 20 barimo abasore n'abakobwa ndetse n'umugabo umwe w'imyaka 40 y'amavuko wubatse, kuko afite abana babiri.

Buri umwe yabanje guhatana ku giti cye. Icyiciro cya Mbere cyasize hakomeje abanyempano 13: Divine Muhawenimana [Nimero 1]; Uwase Noella [Nimero 5], Nishimwe Parfaite [Nimero 6], Igirimbabazi Eric [Nimero 7], Iturize Alliance [Nimero 12], Muhire Christian [Nimero 14] ndetse Ombeni Claude [Nimero 18].

Iri rushanwa 'Rwanda Gospel Stars Live' ryubakiye ku ntego yo kugaragaza impano yawe ikakubyarira inyungu ejo hazaza (Manifest your talent for a better Future.).

Kugirango haboneke abanyempano bahagarariye Akarere ka Musanze, byasabye ko babiri bahatana mu cyiswe 'Battle', birangira Akanama Nkemurampaka gatangaje ko batandatu aribo batsinze.

Batandatu batsinze ni: Divine Muhawenimana [Nimero 1]; Nishimwe Parfaite [Nimero 6], Igirimbabazi Eric [Nimero 7], Muhire Christian [Nimero 14], Ombeni Claude [Nimero 18] ndetse na Serge Ngoga [Nimero 9].

Nishimwe Parfait [Nimero 6] uri mu batsinze, yabwiye InyaRwanda ko atari yiteze gukomeza ashingiye ku kuntu Akanama Nkemurampaka kagiye kamubaza ibibazo no kuba muri we yari yifitemo ubwoba.

Ati 'Ntabwo nari mbyiteze! Kuko byari bikomeye, umuntu yajyaga kuririmba afite ubwoba wumva atitira ariko kubera Imana byakunze. Ntabwo nari niyizeye kubera ko ari ubwa mbere nakora amarushanwa, ariko nyine ndishimye cyane.'

Uyu mukobwa yavuze ko yamenye iri rushanwa mu gitondo cyo kuri uyu wa Gatandatu, kandi yari mu kazi ke ka buri munsi. Ati 'Ni uko byagenze mba ndatsinze.'

Parfait yavuze ko 'zari inzozi zanjye gukora umuziki'. Ariko kandi yagiye akomwa mu nkokora n'ubushozi, aho asengera ndetse n'ababyeyi bamusabaga kubanza gusoza amasomo ye mu mashuri yisumbuye.

Yavuze ko agiye gukora imyiteguro ihagije ku buryo azabasha kubona mu bazahatanira i Kigali. Ati 'Nditeguye mu buryo bwose. Hari utuntu bagiye bankosora, rero iki gihe kigiye gucamo ni ukwitegura cyane ku buryo nzatsinda.'

Serge Ngoga [Nimero 9] uri mu batsinze yabwiye InyaRwanda, intsinzi yaje ashaka ayitahanye. Avuga ko zari inzozi ze ashaka aho kumera kugirango yinjire mu muziki.

Ati 'Zari inzozi zanjye kuzashaka ahantu ko kumenera. Rimwe na rimwe hari igihe tugira imbogamizi z'ubushobozi, aho duturuka, ariko iyo umuntu abonye amahirwe aba agomba kuyabyaza umusaruro.'

Abagize Akanama Nkemurampaka babiri bari bahamuhaye 'Yes' ebyiri undi umwe amuha 'NO'. Uyu musore yavuze ko yahise atakaza icyizere, ariko yongera kwishakamo imbaraga ubwo bari bageze mu cyiciro cya nyuma abasha gutsinda. 

Iri rushanwa ryaherukaga kubera mu karere ka Rusizi, aho hatoranyijwe abanyempano barindwi (7), ku wa 3 Werurwe 2024. Rizakomereza mu Karere ka Rubavu, ku wa 30 Werurwe 2024. 

AMAFOTO Y'ABANYEMPANO BATANDATU BAKOMEJE I MUSANZE

 

Divine Muhawenimana [Nimero 1] 

Nishimwe Parfaite [Nimero 6]

Igirimbabazi Eric [Nimero 7] 

Muhire Christian [Nimero 14] 

Ombeni Claude [Nimero 18] 

Serge Ngoga [Nimero 9] 

Umunyamakuru wa Energy FM, Grace Munezero wari mu bagize Akanama Nkemurampaka 

Umuyobozi wa Rwanda Gospel Stars Live, Nzizera Aimable yavuze ko ashingiye ku mubare w’abitabira iri rushanwa hari impano nyinshi zo gushyigikira

Ifoto igaragaza abanyempano batandatu batsinze i Musanze muri Rwanda Gospel Stars Live 

Batandatu batsinze bafashe ifoto bari kumwe n'abagize Akanama Nkemurampaka

Ibyo wamenya ku bari bagize Akanama Nkemurampaka ka 'Rwanda Gospel Stars Live'

Nelson Mucyo- Ni umwe mu bagize Akanama Nkemurampaka. Uyu mugabo yabaye umunyamakuru w’igihe kirekire kuri Magic Fm, ndetse yagize uruhare rukomeye mu iterambere ry’umuziki wa Patient Bizimana usigaye abarizwa muri Leta Zunze Ubumwe.

Uyu mugabo usanzwe ari umwanditsi w’indirimbo yamenyekanye cyane mu ndirimbo ‘Ndaje’, asanzwe ari n’umutoza w’imiririmbire, umwanditsi w’imishinga, kandi yagiye yifashishwa mu marushanwa atandukanye. Muri iki gihe niwe ukuriye aka kanama Nkemurampaka.

Nelson Mucyo yavuze ko bahisemo abahatanye bashingiye ku mpano ya buri umwe, uko yitwaye imbere y’Akanama Nkemurampaka kuri ‘Stage’ n’udushya yahanze, ndetse n’uburyo buri umwe yagiye asubiza. 

Ati “Twitaye cyane ku kureba uko buri wese asubiza, kandi twabwiye buri wese kutagira ubwoba. Twari twaje gushaka impano muri buri wese. Twarebye uzi kuririmba kurusha abandi, uko yitwa ku rubyiniro n’ibindi.”

Kugaragaza impano byari bifite iminota 40%, uko umuntu yitwaye ku rubyiniro byari bifite amanota 30% n’aho uburyo yisobanura imbere y’Akanama Nkemurampaka byari bifite amanota 30%.

Buri muririmbyi yari yemerewe kuririmba ari wenyine, kwifashisha umucuranzi wa Gitari cyangwa se Piano, kandi agahabwa umwanya wagenwe yisobanura.

Kamarade Holly, asanzwe ari umwanditsi w’indirimbo akaba n’umutoza w’indirimbo. Asanzwe ari Producer wagize uruhare mu gukora indirimbo zinyuranye z’abahanzi.

Muri iki gihe ari no mu mwuga w’itangazamakuru, aho akora kuri Radio Umucyo. Uyu mugabo niwe wagize uruhare rukomeye mu ikorwa ry’indirimbo nyinshi ziri kuri Album ‘Respect’ ya Uwitonze Clementine [Tonzi].

Grace Munezero asanzwe ari umunyamakuru wa Energy Radio, kandi akora cyane mu biganiro bigaruka ku ivugabutumwa. Yashyizwe muri aka Kanama bitewe n’uko aho irushanwa rigeze, bahitamo umwe mu bantu uba usanzwe azwi mu rwego rwo gutinyura abahatana.

 

Uko abanyempano bitwaye imbere y'Akanama Nkemurampaka

1.Muhawenima Divine: Yigaga mu mwaka wa Gatatu w’amashuri yisumbuye- Uyu mukobwa w’imyaka 16 y’amavuko, yaririmbye ‘indirimbo yihimbiye. Yabonye ‘Yes’ eshatu.

2. Munyaneza Antoine: Abarizwa mu Karere ka Gicumbi. Uyu mugabo w’imyaka 40 y’amavuko, afite abana babiri, kandi avuga ko kuva mu 2019 ari bwo yatangiye gucuranga gitari. Yavuze ko mu bana be harimo abagerageza gucuranga gitari. Yaririmbye indirimbo “Gitare wa Twese” ya Orchestre Nyampinga.

Camarade uri mu Kanama Nkemurampaka yamuhaye ‘No’ amugira inama yo gushyira imbaraga mu kwiga umuziki. Grace Munezero we yamuhaye ‘Yes’ ni mu gihe Nelson Mucyo yamubwiye ko ‘ijwi rye riri hasi cyane’ amuha ‘No’.

  

3.Iriho Yves Didier: Uyu musore wo mu Karere ka Musanze yaririmbye indirimbo yise ‘Holy Water’ y’umunyamuziki JP Cooper imaze imyaka ibiri isohotse. Nelson Mucyo yamuhaye ‘No’, Grace Munezero amuha ‘Yes’, ni mu gihe Camarade yamuhaye ‘No’.

4.Uwingabire Jean Claude: Uyu musore yavuze ko yasoje amashuri yisumbuye mu ishami ry’Imibare, Ubukungu n’Ubumenyi bw’Isi. Yaririmbye indirimbo yiyandikiye yise ‘Yesu Ashimwe’. Asanzwe aririmba muri korali ‘Inshuti ya yesu’.  Yahawe NO eshatu.

5.Praise and Worship Team: Ni itsinda rigizwe n’abakobwa babiri. Umwe yiga mu mwaka wa Kane w’amashuri yisumbuye. Bavugaga ko batsinze muri Rwanda Gospel Stars Live batangira urugendo rwo gukora umuziki. 

Nelson Mucyo yabagiriye inama yo gusenya iri tsinda, buri umwe agakora umuziki ku giti cye ashingiye ku kuntu baririmbye. Akanama Nkemurampaka kahisemo ko Noella Uwase ariwe uhatana mugenzi we Divine arasezererwa. Yahawe ‘YES’ eshatu

6.Nishimwe Parfaite: Uyu mukobwa yavuze ko muri uyu mwaka ari bwo asoje amashuri yisumbuye, kandi agejeje imyaka 21 y’amavuko. Yavuze ko aramutse atsinze muri Rwanda Gospel Stars Live ‘nakora indirimbo nkakomeza gutanga ubutumwa bwiza’. Yaririmbye indirimbo yise ‘Ubahwa’ ya Emeline Penzi ubarizwa muri Rocky Entertainment.  Yahawe ‘YES’ eshatu.

7.Igirimbabazi Eric: Yavugaga ko atwaye Rwanda Gospel Stars Live yakwinjira mu muziki. Uyu musore umaze imyaka ibiri asoje amasomo, yavuze ko asanzwe ari n’umuririmbyi aho asengera muri ADEPR. Yaririmbye indirimbo ye yise ‘Umutima’ acurangiwe Piano. Yahawe ‘YES’.

8.Ngoga Serge: Uyu musore ukomoka mu Karere ka Musanze, yavuze ko akunda umuziki cyane, kandi agira inzozi z’uko azagera kure. Yavuze ko asengera muri ADEPR. Yaririmbye indirimbo ‘Biramvura’ ya Serge Iyamuremye usigaye abarizwa muri Leta Zunze Ubumwe za Amerika. Yahawe ‘YES’ ebyiri na ‘NO’ imwe.

9.Niyonzima Blaise: Yavuze ko asanzwe ari umuhinzi mu buzima busanzwe, kandi aramutse atsinze muri iri rushanwa, yayajyana mu buhinzi kuko ari ibintu akunda. Yaririmbye mu buryo bwateye benshi guseka, ahabwa ‘NO’ eshatu. 

10.Niyonshuti Divin. Uyu musore abarizwa mu Murenge wa Muhoza muri Musanze. Yavuze ko yasanzwe ari Umukirisitu muri Kiliziya Gatolika, kandi akunda gusenga cyane. Yahawe ‘Yes’ ebyiri na ‘NO’ imwe.

11.Alliance Iturizwe: Uyu musore wari wambaye Nimero 12, yavuze ko asanzwe ari umuririmbyi muri ADEPR akaba n’umutekinisiye mu rusengero. Yahawe ‘YES’ eshatu.

12.Uwimbabazi Umuregwa: Yiga mu mwaka wa Gatandatu w’amashuri yisumbuye, kandi afite imyaka 20 y’amavuko. Uyu mukobwa yavuze ko asengera muri New Life, muri iki gihe yiga mu Ishami ry’Indimi. Yavuze ko ashaka gukora Gospel ivanze na Gakondo nk’uko ‘Josh Ishimwe abikora’.  Yahawe ‘Yes’ ebyiri, Nelson Mucyo amuha ‘No’ kubera ko ‘ijwi ryawe ridahuza neza n’iyo njyana’.

13.Muhire Christian: Asanzwe ari umuhanzi ndetse akoresha izina izina rya ‘M-Chris’. Ni we muraperi wa mbere wahatanye muri iri rushanwa, aho yavuze ko yahimbye injyana ya Drill ivanzemo na Hip Hop. Yahawe ‘YES’ eshatu nyuma y’uko yemeje Akana Nkemurampaka.

14.Niyogusubiza Jean de Dieu: Yavuze ko asoje amashuri yisumbuye. Yaririmbye indirimbo yasekeje abari mu cyumba cyabereyemo amarushanwa, arongera asaba umwanya wo kuririmba indi ndirimbo iri mu njyana ya Hip Hop. Ati “Yesu ni Power.

Agutanga kuzinduka, adahari wananuka, Allelluah Amen, ikuzimu bashye. Si intambara y’umubiri….” [Abantu basetse barihirika]. Yahawe ‘Yes’ ebyiri na ‘NO’ imwe.

15.Hategekimana Emmanuel: Yavuze ko ataruka iwabo wa Dr Nsabi wamamaye muri Cinema y’u Rwanda. Avuga asanzwe ari umuririmbyi ndetse yigisha ibijyanye n’amajwi muri Eglise des Amis. Yavuze ko asanzwe ari umuhanzi mu njyana ya Hip Hop.

16.Ombedi Claude:  Uyu musore w’imyaka 24 y’amavuko avuga ko asanzwe atuje muri we, kandi ntabwo afite ‘kuko iyo tuvugira Imana ajya abasha kutuvugira’. Asanzwe ari umukristu muri Itorero ADEPR. Yahawe ‘YES’ eshatu.

17. Adjabu John Constance: Yabajijwe igisobanuro cy’izina ‘Adjabu’ avuga ko bivuze ko Imana iriho. Uyu musore abarizwa mu Gashangiro mu Karere ka Musanze.

Agejeje imyaka 20 y’amavuko, aho yiga mu Ishami ry’Imibare, Ubutabire n’Ubumenyamuntu. Yaririmbye indirimbo ‘Imana yo mu misozi’ ya Alarm Ministries. Yahawe ‘YES’ ebyiri na ‘NO’ imwe.

18. Ishimwe Aline: Uyu mukobwa w’imyaka 20 y’amavuko yaririmbye indirimbo ‘Imela’ ya Nathaniel Bassey na Enitan Adaba ayishyira mu Kinyarwanda n’Icyongereza. Uyu mukobwa yavuze ko asanzwe aririmba muri Anglican Church. Yahawe ‘NO’ eshatu

19. Amani Fabrice: Uyu musore yavuze ko asengera muri Des Amis, kandi ko akiri ku ntebe y’ishuri. Yaririmbye indirimbo ye yahimbye. Avuga ko atsinze muri iri rushanwa, yaharanira kwagura impano ye.

20. Rukundo Gentil: Yavuze ko ari uwo mu Kizungu mu Karere ka Musanze. Uyu musore yavuze ko asengera muri Freedom Church hafi ya Restoration Church. Yaririmbye indirimbo ye ‘Ikiganiro’ yasohoye mu 2018 igaruka kuri Jenoside yakorewe Abatutsi.

AMAFOTO YEREKANA ABAHATANYE MURI IRI RUSHANWA RYA RWANDA GOSPEL STARS LIVE:

Iriho Yves Didier wo mu Karere ka Musanze yaririmbye indirimbo yamamaye yitwa ‘Water’

Uhereye ibumoso: Nelson Mucyo ukuriye Akanama Nkemurampaka, Munezero Grace ukorera Energy Radio ndetse na Producer Camarade watunganyije Album ‘Respect’ ya Tonzi

Mbere yo guhatana muri Rwanda Gospel Stars Live babanje kujya mu matsinda baraganira

Bamwe mu bahatanye berekanaga ko bafite icyizere cyo gukomeza muri iri rushanwa

Kabarungi Jesca, uri mu bagira uruhare mu kwandika abanyempano muri ‘Rwanda Gospel Stars Live’

Karasira Stevene ushinzwe Itumanaho muri Rwanda Gospel Stars Live niwe wayoboye amajonjora y’iri rushanwa

Mbere yo kujya guhatana buri wese yabanje kugaragaza imyorondoro ye- Hahatanye abanyempano 20

Muhawenima Divine wiga mu mwaka wa Gatatu w’amashuri yisumbuye

Abagize Akanama Nkemurampaka bagiye batanga amanota, ariko kandi bakagira inama abari bahatanye muri iri rushanwa

Uyu mugabo yahatanye muri iri rushanwa yicurangira Gitari yatangiye kugerageza mu 2015

Munyaneza wo mu Karere ka Gicumbi, yavuze ko asanzwe afite abana bashaka gukurikiza inzira ye mu muziki

Nishimwe Parfaite [Nimero 6] w’imyaka 21 y’amavuko, yavuze ko afite inzozi zo kwinjira mu muziki

Itsinda rya Praise and Worship- Noella [Uri iburyo] niwe Akanama Nkemurampaka kemereye gukomeza, Divine arasezererwa

Igirimbabazi Eric [Nimero 7]

Niyonshuti Divin [Nimero 11]

Iturize Alliance [Nimero 12]

Uwimbabazi Umuregwa [Nimero 20]

Niyogisubizo Jean de Dieu [Nimero 16]

Niyonzima Blaise [Nimero 10]

Ngoga Serge yavuze ko akunda umuziki kandi afite intego yo kuzagera ku nzozi ze

AMAFOTO: Rwanda Gospel Stars Live

Ingero ni nyinshi z’abagore bakuye amaboko mu mufuka! Umukuru w’Igihugu aherutse kuvuga ko uruhare rw’Umugore rugaragara mu guteza imbere Igihugu, kandi bagize uruhare ku rugamba rwo kubohora u Rwanda.

Ubwo yari mu muhango wo Kwizihiza Umunsi Mpuzamahanga w’Umugore, ku wa 8 Werurwe 2024, Perezida Kagame yagaragaje ko nta terambera rishoboka igihe umugore atabigizemo uruhare.

Bamwe mu bagore batanze ubuhamya, bagaragaje ko banyuze muri byinshi byari kubaca intege, ariko hamwe n’amahirwe Igihugu gitanga, kwitinyuka n’ibindi byabaye imvano yo guteza imbere imiryango y’abo.

Ibi ni na ko byagenze kuri Ingabire Anitha, umugore wavukiye mu Karere ka Rutsiro mu Burengerazuba bw’u Rwanda wavukiye mu muryango ukennye ariko abasha kwigobotora ibyo benshi batatekerezaga.

Nk’umwana w’umukobwa yari afite inzozi zo kuvamo umuntu ukomeye, ariko kuvuka agasanga Se yaratereranye Nyina byagiye bikoma mu nkokora iterambere rye.

Uyu mugore wavukiye ku Kivumu, yize muri G.S.O. Butare (Groupe scolaire officiel de Butare), nyuma abona amahirwe yo kwiga Kaminuza mu Bihugu cy’u Bushinwa mu bijyanye n’ubwubatsi.

Byagenze gute kugira ngo yisange mu buzima bugoye?

Mu kiganiro na InyaRwanda, Ingabire Anitha yumvikanishije ko yakuriye mu muryango ‘utifashije’, ariko muri we yumvaga ko azavamo umuntu ukomeye.

Ati “Nkiri muto nari mfite inzozi nyinshi. Abana bafite ukuntu bagira ibintu byinshi mu mutwe ariko nanjye numvaga nshaka kuzaba umuntu ukomeye nkumva nshaka kuzahesha agaciro Mama wanjye. Nkumva ngomba kwiga, nkumva nzavamo cyane cyane umunyamibare, nkumva nzubaka amazu, cyangwa se nka Enjenyeri.”

Yakuze Se amwihakana

Ingabire Anitha yavuze ko yakuriye mu cyaro cya kure, kandi ntiyari azi Se n’ubwo yajyaga abyumva iwabo babivuga. Yavuze ati 'Numva ko Papa yanyanze nkiri mu nda ya Mama.”

Akomeza ati 'Gusa ngeze ku myaka 13 nashatse kumenya Papa. Ntabwo byari byoroshye, kumva ko ngo umuntu yarakwihakanye, ngiye kumureba nabwo anyihakana amaso ku maso, mpita mbona ko koko wa muntu ntabwo ankeneye. Ntabwo byari byoroshye kwakira ibyo bintu no kubiboba amaso ku maso”

Anitha yibuka ko igihe kimwe yahuriye na Se ku muhanda, agiye kumusuhuza aramwitaza, kuva ubwo abona ko ‘amazi atakiri yayandi’. Yavuze ko akiri muto yagiye abaza Nyina icyatumye Se amwihakana, ntagire byinshi amubwira.

Ariko ngo abaturanyi bakundaga kubivugaho mu buryo bumeze nk’imigani ntiyumve neza icyo babaga bashaka kuvuga.

Ingabire yavuze ko igihe cyageze Nyina amubwiza ukuri, amubwira. Yamubwiye ko Se yavukiye mu muryango ukize ‘bitandukanye kure n’umuryango Mama yavukiyemo’.

Ati “Urwego kwa Papa bariho rwari rurenze urwo kwa Mama, bari abakire, bafite imodoka, ariko kwa Mama byari ikibazo, kuko yajyaga ku kazi akoresheje igare.”

Akomeza ati ‘Papa yabwiye Mama ko badashobora kubana kubera ko ari umukene. Ntabwo dushobora kubana namwe kubera ko muri abakene, twe dufite imodoka mwe mufite igare… Ngira ngo Mama yigeze ambwira ko yamuhitishijemo amubwira ngo kugirango umbere umugore ni uko wajya kuba umukozi iwacu. Mama ajya abimbwira ukumva afite agahinda kenshi.”

Ingabire yavuze ko n’ubwo yanyuze muri ibyo byose, yabaye umukobwa ufite intego, inzira ishoboka kuri we iba gukurikirana amasomo ye neza.

Yasoje amashuri Abanza atari mu ba mbere, byanatumye akora ikizamini cya Leta nta cyizere cyinshi afite.

Yageze i Kigali bwa mbere abonye amahirwe yo kwiga abifashijwe na ‘Fawe Rwanda’ 

Ingabire yavuze ko bitewe no gutsinda amasomo ya Siyansi, yabonye amahirwe yo kwiga muri G.S.O. Butare (Groupe scolaire officiel de Butare), kuko yari mu bakobwa bari babonye amanota meza mu masomo.

Ingabire avuga ko yoherejwe kwiga muri ririya shuri, atangira gutekereza uko azabona itike yerekezayo, kuko na tike ya 6000Frw yo kujya kuri Fawe Rwanda yari yayigujije.

Ingabire avuga ko yabwiye Nyina guhamagara Se akabafasha, ariko ‘yanze kutwitaba ndetse n’iyo yabonaga yumvaga ko ari twe tumuhamagaye, yahitaga akupa.’

Avuga ko bongeye kwiyambaza inshuti, ibaguriza amafaranga yo kujya kwiga i Butare.

Ingabire ashima ‘Fawe Rwanda’ yamufashije mu rugendo rwe rw’amasomo. Ati “Ndabashimira. Nibo bafunguye imigisha yanjye. Bambereye ababyeyi.”

Yavuze ko yisanze muri Groupe Officielle, ariwe wa mwana w’umukene, ku buryo mu minsi ya mbere ‘nari mfite ubwoba n’ubwo nari mfite amanota meza’.

Ati “Nta bikoresho twabaga dufite. Nta tike. Batubwiye ko bazajya baturihira, baduha itike yo kuducyura ndetse na tike yo gutaha. Ni uko imigisha yanjye yarangiye.”

Uyu mugore avuga ko kuva icyo gihe, yatangiye guhabwa itike, amasabune yo koga, amavuta yo kwisiga n’ibindi nkenerwa”.

Ingabire yize ‘Imibare n’Ubugenge’. Muri Groupe Officielle, yasanze bigisha n’ururimi rw’Igishinwa afatirane amahirwe yari abonye.

Avuga ko igihe kimwe ubwo yari atashye mu kiruhuko, yumvise ko hari abantu baje gukora imihanda, kandi ko bashaka abantu bavuga igishinwa.

Yabaye Umuyede

Uyu mugore avuga ko ashingiye ku buzima iwabo bari babayemo, yatekereje uko yatangiye kujya akora akazi k’ubuyede agashaka amafaranga azifashisha ku ishuri.

Akazi katangiraga saa kumi n’ebyiri z’igitondo, byatumaga ava iwabo saa cyenda z’ijoro, akagera ku kazi mu rucyerera aho byamusabaga kugenda amasaha atatu.

Ingabire avuga ko bitewe n’uko yavugaga neza Igishinwa, yabashaga kumvikana n’abakoresha, rimwe agahembwa 1000Frw, ahandi agatanga 500Frw ku muntu wamurangiye akazi.

Ageze mu mwaka wa Gatanu w’amashuri yisumbuye, habaye amarushanwa yahuje abanyeshuri bigaga ururumi rw’Igishinwa.

Bahatanye n’ibigo bicye mu Gihugu. Yatsinze Ku rwego rw’ikigo cye, kugeza ubwo ahatanye n’abanyeshuri bari baturutse muri Kaminuza ya KIST.

Ingabire yatsinze ku rwego rw’Igihugu, bituma abona amahirwe yo guserukira u Rwanda yitabira amarushanwa nk’aya mu Mujyi wa Beijing mu Bushinwa.

Ati 'Nahise mbona Visa. Twagombaga kumarayo icyumweru. Nahahuriye n’abanyeshuri bo mu Bihugu 60, ni njye wari uhagarariye u Rwanda. Twarahatanye, ni ubwa mbere nari ngiye hanze.”

Ingabire ntiyabashije gutsinda neza ririya rushanwa, agaruka mu Rwanda. Yakomoje amasomo ye, ageze mu mwaka wa Gatandatu bitewe n’uko yari amaze kumenya neza ururumi rw’Igishinwa, yabonye ‘Scholaraship’ yo kujya kwiga mu Bushinwa icyiciro cya Kabiri cya Kaminuza n’icyiciro cya Gatatu.

Ati “Urumva ayo mahirwe! Naravuze nti reka njye kwiga ubwubatsi. Mama yarambwiye ngo hitamo ibyo ushaka kwiga. Nahisemo kwiga mu Bushinwa, amashuri ndayasoza. Nahuye n’abantu benshi kugeza n’ubu.”

Yagarutse mu Rwanda, akora mu mishinga itandukanye, irimo ubworozi, ndetse akora mu ruganda rwa Safintara.

Mama yashoboraga gukuramo inda yanjye- Ubu yujuje inzu ya Miliyoni 600 Frw

Ingabire avuga ko Nyina yaranzwe n’ubutwari budasanzwe, kuko byashobokaga ko ‘yari gukuramo inda yanjye ariko ntiyabikoze’. Avuga ko ibi byatumaga buri gihe akora uko ashoboye kugirango ‘nzamuheshe ishema’.

Ingabire avuga ati ‘Nagombaga gukora igishoboka cyose kugirango Mama ntazicuze.”

Yavuze ko yakuze ari umwana ukunda akazi cyane. Ashingiye aha, asaba abakobwa bagenzi gukoresha amahirwe yose babona mu buzima bw’abo, kandi ntibasuzugure akazi kose babona.

Ingabire asobanura ko kubaka inzu ya Miliyoni 600 Frw, byaturutse ku cyemezo yakuranye cyo gushaka guhesha ishema Mama.

Ati 'Urumva Data yanze Mama kubera ko yari umukene. Nagombaga gukora uko nshoboye kugirango nzereke Data ko ubukene atari akarande, ko wa mwana yanze yakuze, yiteje imbere yageze ku buzima atamwifurizaga. Rero kubaka inzu nk’iyi biri no mu murongo wo gutinyura abandi bagore bagenzi banjye, kubabwira ko ntacyakubuza gutera imbere igihe cyose wakuye amaboko mu mufuko.”

Akomeza ati “Iyi nzu ni umujinya mwiza natewe. Nakuze ndeba agahinda ka Mama, nkamubwira nti Mama Umunsi umwe nanjye nzakwereka ko bizashoboka.”

Yasohowe na Se mu nzu i Musanze:

Ingabire avuga ko yagiye agerageza guhura na Se mu bihe bitandukanye ariko bikanga. Yibuka ko igihe kimwe yigeze kujya gusura Se Musanze, ariko umugore yari yarashatse akamusohora mu nzu.

Avuga ko atari afite aho kurara muri iryo joro, bituma arara ku muhanda. Avuga ko muri iryo joro ariho yaboneye ko Se atamushaka.

Se ni umwe mu bakomeye, kuko ari Umuyobozi wa rumwe mu rwego mu Karere ka Rutsiro, kandi afite imitungo y’igiciro kinni mu Mujyi wa Kigali.

 

Ingabire Anitha yatangaje ko yanyuze mu buzima bukomeye nyuma y'uko avutse agasanga Se yaramwihakanye

Ingabire yavuze ko kwiga kwe byagizwemo uruhare na 'Fawe Rwanda' yamwishyuriye amashuri kandi ikamufasha kujya kwiga mu Bushinwa
Ingabire avuga ko yakuze agamije guhesha Nyina, biri mu mpamvu zatumye yubaka inzu ya Miliyoni 600 Frw

Ingabire yavuze ko Se yamwihakanye, kandi yagiye agerageza kumwegera ariko bikanga kugeza n'ubu
Ingabire yabwiye abana b'abakobwa kudacibwa intege n'ubuzima banyuramo, ahubwo bagaharanira kugera ku nzozi zabo 

Yujuje inzu ya Miliyoni 600 Frw ku Kicukiro mu Mujyi wa Kigali

Niba wararebye filimi nka “Gashoka”, “Umutima w'Urugo” ndetse ukanakurikirana “Umutima w'Umusirikare”, nta kabuza izina Bitanu urarizi kuko iyo atatunganije yayikinnyemo.

Uyu musore ukiri muto ariko w'indoto ngari, avuga ko inararibonye yamaze kugira mu kibuga cya sinema by'umwihariko gukorana na Rocky Kimomo afatiraho ikitegererezo, yamuhaye igitecyerezo cyo gukora filime ye.

Icyakora ntabwo byaje kugenda neza kuko mu nkuru abarana agahinda avuga ko King Platinumz yamunyanganyije umushinga we ku bw'ishyari akawusiba kandi nta handi yari afite amashusho y’ibyo yari yafashe.

Ati: 'Nakinnye muri filime ya Rocky kimomo yitwa “Umujinya w'Umusirikare”, ari nayo yabaye intandaro yo guhita nkora iyanjye kugira ngo ihanganire ku isoko n’iya Rocky nafatiraho ikitegererezo.'

Avuga ko bitagenze uko yabiteguye ati: 'Rero umwaka ushize natangiye umushinga wa filime yitwa “Agatwiko”, filime igaruka ku bibi by'ibiyobyabwenge, igaragaza ubuzima bwa gereza.'

Agace ka gereza akaba yarakongeyemo ku gitekerezo yahawe na mukuru we ufungiwe i Mageragere wamubwiye ko bakunda kureba filime nyarwanda cyangwa zisobanuye.

Iyi filime yari ikinnye mu cyongereza ari ko hari gahunda ko Rocky Kimomo azayisobanura, gusa nyuma yo gufata amashusho yayishyiriye uwagomba kuyatunganya waje kumutenguha nk’uko abivuga.

Ati: 'Twafashe amashusho arangiye nyashyira uyatunganya witwa King Platinumz. Sibyaje kugenda neza kuko nkimara kuyimuha nkanamwishyura, yambajije niba nta yandi mashusho nsigaranye mubwira ko ntazo.'

Yongeraho ati: 'Ariko njyewe sinamenye icyo abimbarije, nyuma rero yaje gusiba filime yanjye arambeshya ngo yarayibuze kandi hari amakuru nari naramenye bakimara kuyibona.'

Igice cya mbere cy’iyo filime cyari cyakinnyemo abarimo Soloba na Shitani, byatwaye Bitanu agera kuri Miliyoni 2 Frw, ariko yarayibuze bimutera igikomere gikomeye. 

King Platinumz ushinjwa gusiba amashusho ya filime ya Bitanu yashowemo Miliyoni 2 Frw, ntibyadukundiye kumuvugisha ariko tuzakomeza kumushaka kugira ngo agire icyo bivugaho.

Agatwiko, filime ya Bitanu yayibuze mu buryo bw’amaherere byamuteye agahinda gakomeyeAri mu basore bamaze gushinga imizi mu gutunganya filime, abarizwa muri The Focus Media EntertainmentYakoranye na benshi mu byamamare mu mishinga inyuranye ya filime Bamwe mu bakinnyi bari bakinnye mu ‘Agatwiko’ itarabashije kujya hanze kuko yasibwe na King Platinumz nk’uko Bitanu abivuga ngo kubera ishyariAgeze kure atunganya indi filime yitegura gushyira hanze mu bihe bya vuba nayo iri ku kigero cyo hejuru

Rutahizamu ukomoka muri Tchad wahoze akinira Gasogi United, Djibrine Hassan yagarutse muri iyi kipe kuyifasha mu mikino isigaye ya shampiyona.

Djibrine akaba yaherukaga muri Gasogi United mu mwaka w’imikino wa 2021-22 aho yasoje ku mwanya wa 3 muri ba rutahizamu batsinze ibitego byinshi, ni nyuma ya Shabani Hussein Tchabalala watsinze 14, Nwosu Samuel watsinze 12, we yatsinze 11.

Yaje gutandukana na yo muri Kanama 2022 ubwo yerekezaga muri Mauritania akaba na ho yaraje kuhava ubu ni umukinnyi wigenga nta kipe yari afite, yaje ari “Free Agent”.

Gasogi United ikaba yasubukuye imyitozo yitegura umukino wa shampiyona w’umunsi wa 25 ifitanye na Etoile del’Est ndetse n’imikino ya 1/2 cy’igikombe cy’Amahoro ifitanye na Police FC.

Mu rwego rwo kwitegura iyi mikino neza, nyuma yo gutakaza Maxwell Djoumekou na Theodore Malpango, yongeyemo imbaraga izana Djibrine Hassan.

Oprah Gail Winfrey [Oprah] w'imyaka 70 yavukiye muri Leta ya Mississippi, iherereye muri Leta Zunze Ubumwe za Amerika mu 1954, akaba abarirwa mu baherwe bakomeye ku Isi kuko afite umutungo wa Miliyari 2,8$.

Yamamaye mu kiganiro yatangije mu 1983, cya mu gitondo cyacaga kuri televiziyo ya WLS, kubera gukundwa n'abantu benshi cyahinduriwe izina mu 1986, cyitwa 'The Oprah Winfrey Show'. Cyatumye arushaho kumenyekana kuko akenshi yatumiragamo abantu bakomeye.

Kuri ubu, yatangaje ko agiye kuza mu Rwanda nyuma yo kubyemererwa n'umugabo we Stedman Graham ubwo yizihizaga isabukuru y'imyaka 70 y'amavuko muri Mutarama uyu mwaka.

Ibi yabigarutseho mu kiganiro yagiranye na  Jimmy Kimmel, ubwo yabazwaga impano umugabo we yamugeneye kuri uwo munsi, nawe agasubiza ko yamwemereye kumutembereza mu Rwanda no gusura ingagi.

Winfrey yavukiye mu cyaro cya Mississippi, akura arerwa na nyina gusa nawe wari ukiri muto cyane babaho mu bukene bukabije. Yavuze ko mu bwana bwe ndetse no mu bwangavu bwe yajyaga asambanywa nyuma bikaza kumuviramo no gusama inda itateganijwe ku myaka 14 y'amavuko. 

Ku bw'amahirwe macye, n'umwana w'umuhungu yabyaye yaje kuvuka imburagihe ahita yitaba Imana akivuka.

Ubuzima butangiye kumucanga, Oprah yahise asanga uwo yita se wari umwogoshi, Vernon Winfrey, ahita agira n'amahirwe yo kubona akazi kuri Radio WVOL acyiga mu mashuri yisumbuye. Ku myaka 19, nibwo Oprah yinjiye mu itangazamakuru byeruye kuko yatangiye kuvuga amakuru, nyuma atangira gukora ibiganiro, aza no gushinga igitangazamakuru cye.

Mu 1971, ubwo yari afite imyaka 17, Winfrey yatsinze irushanwa ya Miss Black Tennessee. Nyuma y'umwaka, nabwo yitabiriye irushanwa ry'ubwiza rya Miss Black America atsindwa na Joyce Warner ukomoka muri Florida.

Mu 1973, afite imyaka 19, yabaye umuntu wa mbere muto wavugaga amakuru kuri WLAC-TV ya Nashville (ubu yabaye WTVF-TV); icyo gihe yari akiri muri kaminuza, aza no kuba umugore wa mbere w'umwirabura wari ugaragaye muri izo nshingano.

Nubwo uyu mugore nta Oscar n'imwe aregukana, yatoranijwe inshuro ebyiri mu bahatanira ibi bihembo. Mu 1986, nibwo Oprah yatoranijwe mu bihembo bya Oscar byatangwaga ku nshuro ya 58, mu cyiciro cya 'Best Supporting Actress.' Nyuma y'imyaka 30 ubwo ibi bihembo byatangwaga ku nshuro ya 87 mu 2015, yongeye gutoranwa mu cyiciro cya 'Best Picture' ariko birangira atacyegukanye.

Ariko, abategura ibi bihembo bigeze kumutekerezaho bamugenera igihembo cyiswe 'Honorary Oscar,' bakimuha mu 2011 nko kumushimira ku bw'ibikorwa bye by'ubugiraneza.

Mu 1986, nibwo Winfrey yashinze Harpo Productions, Inc yaje guhinduka Harpo, Inc, igitangazamakuru cy'imyidagaduro akibera umuyobozi mukuru. Iki gitangazamakuru cyaje kwaguka kirenga kuba televiziyo kiraguka cyane.

Mu 2008, yashyigikiye Perezida Barack Obbama atsinda amatora y'umukuru w'igihugu ku majwi arenga miliyoni. Ibi, yaje no kubimuhera umudari w'ishimwe mu 2013.

Mu biganiro byinshi yakoraga yereka abantu ko bashoboye, Obbama yakundaga kwifashisha Oprah Winfrey nk'urugero rwiza rw'umuntu wakuriye mu bukene n'ihohoterwa ariko akaza kuvamo umuntu ukomeye uyoboye isi y'imyidagaduro.

Usibye ubwamamare yakuye mu itangazamakuru, uyu mugore yamenyekanye muri filime zitandukanye yagiye agaragaramo zirimo 'A Wrinkle in Time,' 'The Color Purple,' 'The Butler,' n'izindi nyinshi.

Oprah watangiye kwiga gusoma mbere y'uko yuzuza imyaka 3 y'amavuko, afata igitabo cyitwa 'To Kill a Mockingbird' cya  Harper Lee nk'igitabo cy'ibihe byose kuri we. Yasomye igitabo cya mbere ubwo yabanaga ana nyina muri Milwaukee. Usibye gusoma ibitabo, ni n'umwanditse wabyo kuko yanditse ibitabo bitanu byakunzwe cyane yagiye afatanya n'abandi banditse b'abahanga.

Ku byerekeranye n'ubuzima bw'urukundo, Oprah yagiye mu rukundo bwa mbere n'umusore biganaga witwaga Anthony Otey, nuko baza gutandukana ku munsi wa Saint-Valentin nyuma y'igihe gito bakundana ndetse baremeranije no kubana.

Nyuma yo gutandukana na Otey mu yisumbuye, Oprah yahuriye na William “Bubba” Taylor muri kaminuza ya Tennessee State University, gusa nawe baza gutandukana, ahita akundana na  John Tesh nawe batandukana nta gihe giciyeho.

Mu 1980, uyu mugore w'icyamamare yaje gukundana n'umunyamakuru Roger Ebert batandukana ubwo yahuraga na Stedman Graham. Aba bombo barakundanye kuva mu 1986, baza no gushyingiranwa mu 1992. 

Nyuma y'uko atakaje umwana we yari yibarutse ku myaka 14, Oprah ko byamuviriyemo igikomere cyo kutongera gushaka abana ukundi, ndetse ashimangira ko iyo aza kubabyara atari kubabera umubyeyi mwiza.

Oprah, yagiye agaragara mu bikorwa byinshi by'ubugiraneza ndetse akanabihemberwa, harimo kurihira abana amafaranga y'ishuri, kwita ku bantu n'ibindi. Ibi, byatumye mu 2004 aza mu birabura 50 ba mbere muri Amerika bagira ubuntu.

Oprah Winfrey uri mu bavuga rikijyana ku Isi agiye kuza mu Rwanda

Ni umwe mu baherwe bavunikiye ubutunzi buhambaye bafite uyu munsi   

We n’umugabo we Stedman bafashe icyemezo cyo kutabyara nyuma y’igikomere yanyuzemo ubwo yapfushaga umwana we yibarutse ku myaka 14

Mu masaha macye ashize ni bwo Bruce Melodie yafashe rutemikirere yerekeza muri Leta Zunze Ubumwe za Amerika nk’uko bigaragara ku mbuga zitandukanye za 1:55AM ndetse yanavuze ko ari zo azajya anyuzaho amakuru ashyushye y'ibirebana n'umuziki we.

Yanakomoje ku kuba atazongera gutanga ibiganiro mu bindi bitangazamakuru. Yahishuye ko yuzuye ishimwe kuba agiye kuba mu banyafurika bacye babashije kugaragara mu kiganiro cya ABC News cya Good Morning America.

Kuri iyi ngingo aganira na Joby Joshua watangiye gukorana na 1:55AM yagize ati: 'Turi abantu bacye cyane muri Afurika bakoze ibyo bintu ubwo uwo mubare nanjye mba nywongewemo kandi ni ishema ku gihugu no ku rubyiruko rugenzi rwanjye dukora akazi kamwe ndetse no ku bandi bantu babona ko ibintu bidakunda rimwe na rimwe bijya byemera.'

Agaruka ku kuba Shaggy yiteguwe n’abanyarwanda mu Rwanda mu bihe bya vuba, yagize ati: 'Turi kumupangira kuza, gusa bisaba umwanya no kwitegura ibintu byose, gusa arahari yanabyemeye imbere y'abantu bose barabizi. Dushaka gukora uruhererekane rw'ibitaramo muri Afurika y'Iburasirazuba.'

Muri iki kiganiro ni ho yagarutse ku buryo adashobora na rimwe guterwa ishema no kubwira abantu ko akazi kapfuye kuko yari ari mu mikino nk’uko The Ben aheruka kubikomozaho agaruka ku mpamvu indirimbo ye na Bruce Melodie itasohotse.

Kuri iyi ngingo Bruce Melodie yavuze ko mu kuri ikintu yigiye kuri mukuru we mu muziki The Ben ari ukugotwa [Kwirengagiza inshingano] ati'Uzi ikintu se nigiye kuri mukuru wanjye, kugotwa, jya ugotwa, jya ukina imikino wibagirwe akazi, gusa sinigeze mbikurikiza.'

Coach Gael wajyanye na Bruce Melodie, yavuze ko hari akazi kenshi bateganije nyuma yo kuva muri Leta Zunze Ubumwe za Amerika muri Gicurasi aho Bruce Melodie afite uruhererekane rw'ibitaramo binyuranye.

Yakomoje ku bizabera mu Rwanda biteguye kuzatumiramo abahanzi bose bagiye bakorana indirimbo na Bruce Melodie, bikazabera mu bice bitandukanye bigasorezwa muri BK Arena.

Hari kandi n’ibyo uyu muhanzi azakorera mu Karere k'Ibiyagabigari ndetse no mu Burayi.

Melodie yerekeje muri Amerika aho afite gahunda zitandukanye zirimo izijyanye n’umuziki Ikiganiro cyatumiwemo Shaggy na Bruce Melodie kimaze imyaka igera kuri 50 kibayehoBruce Melodie yatangaje ko adashobora kuzigera na rimwe abwira abantu ko akazi kapfuye kubera imikino nk’uko byakozwe na The Ben. Yavuze ko yifuza kuzasiga ibigwi nk’ibya Rugamba Cyprien

Bruce Melodie yasubije The Ben uheruka kumusaba imbabazi kubera indirimbo bari gukorana ntikorwe, amwibutsa ko atakazanye imikino mu kazi.

Ibi byose byamenyekanye nyuma y’uko Madebeats ahishuye ko The Ben na Bruce Melodie muri 2017 bashatse gukorana indirimbo bikarangira itabayeho.

Madebeats yavuze ko Bruce Melodie yababajwe cyane n’uko ubwo bari muri Studio barimo bakora iyi ndirimbo, The Ben na Zizou Alpacino bari mu ruganiriro rwa studio bakina Playstation, ibintu yafashe nk’agasuzuguro ahita yigendera.

Mu kiganiro aheruka kugirana n’itangazamakuru The Ben yavuze ko atiyiziho gusuzugura bityo ko niba hari ibyo yijeje Bruce Melodie bitabayeho amusabye imbabazi.

Ati 'Niba naramuhamagaye nkigira mu byanjye ambabarire [….] Njye siniyiziho gusuzugura. Ubundi umuhanzi iyo mugiye gukorana indirimbo habaho gufata igihe gihagije. Ashobora kuba atarihanganye no kuba gahunda twahanye yaratinze. Ntabwo nshobora gusuzugura umuntu.'

'Iyo abahanzi bakorana uba ushaka ko hari icyo muhuriraho. Mu gushaka guhuriza hagati habaho imbogamizi. Icyabaye si agasuzuguro. Bruce Melodie niba yarababaye musabye imbabazi.'

Mu butumwa bwa Bruce Melodie yatambukije binyuze ku mbuga za 1:55 AM irerebera inyungu ze, yasubije The Ben ko atagatewe ishema no kujya mu mikino mu gihe hari akazi kamutegereje.

Ati 'Rimwe na rimwe hari igihe mvuga ibintu byabaye abantu bakagira ngo ndabeshya, biriya bintu yavuze ntabwo yabeshye 70%, The Ben yantumyeho abantu be, rimwe na rimwe nawe aranyivugishiriza, buriya rero sinjya mbiha agaciro cyane cyane nk’umuntu mukuru, ntabwo muruta ariko sintekereza ko imikino burya iza mbere y’imirimo.'

'Njye sinaterwa ishema no kuvuga ngo narakinnye hari kuba akazi. Abyumve neza burya akazi karabanza, iyo umuntu adakora burya ntanahembwa kandi burya gukena biva ku kuntu umuntu yitwaje umwanya afite n’ukuntu awukoresha, ndakwemera mukuru wanjye ndanakubaha ariko jya ukora uve mu mikino.'

Umudage utoza Ikipe y’Igihugu Amavubi, Frank Spittler yavuze ko nta mpamvu n’imwe yatuma ahamagara umunyezamu Kwizera Olivier kuko ntacyo arusha abo afite.

Ni mu kiganiro n’itangamakuru agaruka ku Ikipe y’Igihugu yahamagaye yitegura imikino 2 ya gicuti, Madagascar tariki ya 18 Werurwe na Botswana tariki ya 25 Werurwe imikino yose izabera muri Madagascar.

Uyu mutoza kuva yaza ntabwo arahamagara umunyezamu Kwizera Olivier ukinira Al Kawkab muri Saudi Arabia, ni mu gihe mu myaka ibiri itambutse ari we wari nimero ya mbere mu ikipe y’igihugu.

Abajijwe niba amuzi cyangwa ajya amukurikirana n’impamvu atamuhamagara, yavuze ko nta mpamvu n’imwe abona yatuma amuhamagara kuko anyuzwe n’abo afite.

Ati 'Niba uri umutoza w’ikipe y’igihugu ni yo wabona umwanya ntabwo wakurikirana Isi yose. Ku myanya imwe n’imwe niba wishimye kuki wajya guta umwanya ushaka ibindi bisubizo? 100% nishimiye Fiacre [Ntwari], dufite undi munyezamu waje ubushize, Maxime [Wenssens] uvuye mu Bubiligi werekanye urwego rwiza, buri gihe mpora mvuga ko undi yakagombye kuba akina mu Rwanda, ubu rero dufite abandi babiri bakina muri shampiyona yanyu nk’amahitamo ya 3.'

Yakomeje avuga ko kuba yahamagara Kwizera ataje kubanza mu izamu ari ugukurura ihangana ridakenewe ku mwanya no kuba byateza ibibazo mu ikipe y’igihugu.

Ati 'Ni gute rero nakuramo umwe muri aba banyezamu nkazanamo undi ntizeye neza ko azaba nimero ya mbere? Noneho nkashyiraho kurwanira umwanya k’umunyezamu wa 2, namubonye gusa kuri televiziyo, navuga ko ari igihe na none cyo gutekereza niba byaba ari byo kurema ibibazo mu ikipe cyangwa uyu ni umwanya twakishimiye tukagumisha ibintu uko bimeze, dufite indi myanya dukwiye kurwana na yo ariko mu izamu ni ho u Rwanda ubu rumeze neza muri aka kanya.'

Kwizera Olivier akaba aheruka mu ikipe y’igihugu muri 2022, umukino wa nyuma aheruka gukina ni uwo u Rwanda rwatsinzwe na Senegal 1-0 mu gushaka Itike y’Igikombe cy’Afurika, kuva icyo gihe ntabwo yongeye kwitabazwa.

Izi Poromosiyo zizatangira gutangwa guhera taliki ya 18 Werurwe kugeza 30 Mata 2024 kugira ngo abakiriya ba StarTimes bazagire ibiruhuko bidagadurana n’abo mu miryango yabo.

Ku bakiriya basanzwe, uzajya ugura abonemausanganywey’ukwezi muri ibi bihe bya Poromosiyo ubundi ubone iyisumbuyeho, iguha uburyo bwo kubona ibintu byinshi bihebuje.

Ntabwo ari ibi gusa kubera koabasanzwe bagura Bouquet ya Unique cyangwa iya Superbazajya babona iminsi 3 y’ubuntu ituma bakomeza kwishimira shene nyinshi zitandukanye.

Kuri ubu Star Times ibafitite byinshi byiza muri siporo birimo Primus National League iboneka gusa kuri Magic Sports kongeraho indi mikino yose ya Bundesliga, AFC Champions League, na Roshni Saudi League, aho utabura umukino n’umwe.

Izindi shene nshya zishimishije nazo ziri hafi zirimo ST Toon izashyirwa ahagaragara taliki ya 18 Werurwe 2024. ST Toon ni shene ya Cartoon izajya yibanda ku bafite hagati y’imyaka 6-17, ikazajya igaragaraho porogaramu za Cartoon zo mu Bushinwa, Mpuzamahanga ndetse no muri Afurika.

Iyi shene izajya iba iri mu rurimi rw’Icyongereza, Igifaransa, n’Igishinwa, ikazarebwa cyane n’abakiri bato.

Ku bakunda amakuru, ntimucikwe na BFM TV kuri shene ya 311ku bakoresha antenne y'udushamina shene ya 684 ku bakoresha antenne y'igisahani, itanga amakuru umunota ku munota kugira ngoukomeze kumenya ibigezweho.

Hari kandi filime zigezweho z’iri gushimisha bose zirimo “Roop” iri muri Kinyarwanda buri munsi 17h00 kuri GanzaTV, “My Forever Sunshine” saa 21h30 kuri ST Novela E Plus, na “La Fille Du General” Saa 22:00 kuri Novela F, ukongeraho filime zishimishije zirangira ziri kuri ‘Movies Plus’ na AMC Movies’.

Shene za StarTimes z’abana bato zigira icyo zitanga kuri buri wese zirimo Toonami, JimJam, Boing, Boomerang, na shene ya Cartoon itanga amasaha yo kwidagadura kubana bato.

Kandi ntiwibagirwe, App ya StarTimes ON ituma ibyishimo byawe bidashira. Uyu munsi jya muri Google Play cyangwa muri App Store uyishake, ubundi utangire kwishimira ibyo StarTimes itanga aho waba uri hose.

Muri iyi Pasika, koresha neza ibiruhuko byawe hamwe na StarTimes, ukomeza kugira uburambe mu kureba ibintu byiza ndetse unafungura isi y’ibyishimo. StarTimes ibifurije Pasika nziza!.