Category: Uncategorized

Kuva kuri uyu wa mbere tariki 11 Werurwe, nibwo abakinnyi b’ikipe y’igihugu bahamagawe batangiye imyitozo, bitegora imikino ya gicuti iri muri uku kwezi, aho bazakina n’ikipe y’igihugu ya Botswana na Madagascar mu gihugu cya Madagascar.

Kuri uyu wa gatanu nibwo hari hateganyijwe ikiganiro n’itangazamakuru aho bamwe mu bakinnyi b’ikipe y’igihugu bagombaga gukanira buri kimwe kuri iyi kipe ndetse ndetse n’ubuzima bw’imyiteguro y’imikino ya gicuti aho igeze.

Muhire Kevin usanzwe ari umukinnyi wa Rayon Sports, yavuze ko biteguye kwereka abanyarwanda ko ibihe byiza baherukamo bitari impanuka. Yagize Ati” ikizere kirahari nk’uko byagenze dukina na Zimbabwe na Afurika y’Epfo, turashaka gukomeza umujyo twarimo abantu batazagirango byaratugwiririye. Nta gitutu tuzahura nacyo kuko tugomba kwerekana ko dushoboye muri iyi mikino ya gicuti, kandi twizeye ko intsinzi izaboneka uko byagenda kose.”

Hakizimana Muhadjri wahamagawe bwa mbere mu Mavubi, yavuzeko yiteguye kwereka umutoza buri kimwe. Yagize Ati” umutoza twaganiriye byinshi wenda ntabwo umuntu yabivugira hano, ndibaza ko ibyo ashaka ndimo kugerageza kubikora mu myitozo. Muri gahunda ze ni ubwa mbere ndimo kuzamo, ni ukumwemeza ko ibyo ashaka nanjye mbishoboye.”

Amavubi azakina umukino wa mbere wa gicuti na Madagascar tariki 22 Werurwe hanyuma bakine na Botswana umukino wa kabiri uzaba ari uwa nyuma tariki 25 Werurwe ubundi bahite bagaruka mu mu Rwanda.'

U Rwanda ni urwa mbere mu itsinda C mu guhatanira itike y’igikombe cy’Isi cya 2026 aho bafite amanota 4 barusha Afurika iri ku mwanya wa  n’amanota 3.

KANDA HANO WUMVE IKIGANIRO CYOSE CY’UMUTOZA W’AMAVUBI 

KANDA HANO WUMVE IKIGANIRO CYOSE CYA RUBANGUKA UTEHERUKAGA MU MAVUBI

Muhire Kevin yemeje ko imikino ya gicuti bagiye gukina, bagomba kwerekana ko gutsinda bitabagwiririye 

Muhadjiri yisanze mu ikipe y’igihugu bwa mbere ku ngoma y’umutoza Franka 

Nsengiyumva yisanze mu Mavubi makuru bwa mbere 

Gitego uhagaze neza muri Kenya, yongeye guhamagarwa 

Umutoza w’ikipe y’igihugu Amavubi yavuzeko Harina afite abakinnyi benshi bakina ku mwanya we nta kibazo kuba adahari 

KANDA HANO UREBE AMAFOTO MENSHI 

AMAFOTO: Serge Ngabo – InyaRwanda 

VIDEO: Eric Munyantore – InyaRwanda 

Ni bimwe mu bitaramo byashyushyaga Umujyi! Kuko buri mwaka Abakristu babaga biteguye gutaramana n'abahanzi mpuzamahanga babaga batumiwe, hayikongeraho n'abahanzi bo mu Rwanda bahuriraga ku rubyiniro imbere y'ibihumbi by'abantu.

Ibi bitaramo byasize amateka azahora yibukwa. Nko muri 2018, umunyamuziki Sinach wo muri Nigeria yataramiye muri Parikingi ya Petit Sitade i Remera, atanga ibyishimo ku mubare mununi w'abantu bari bahateraniye, imvura iri ku bitugu byabo.

Ku wa 5 Mata 2015, Patient Bizimana ni bwo yatangije ku mugaragaro uruhererekane rw'ibi bitaramo, icyo gihe igitaramo cya mbere cyabereye muri Kigali Serena Hotel muri uriya mwaka, icyo gihe yari yatumiye abahanzi bo mu Rwanda barimo; Simon Kabera, Aime Uwimana, Diana Kamugisha, itsinda rya The Sisters ndetse na Shining Stars.

Kenshi yakunze gusobanura ko ‘Easter Celebration Concert’ ari ihishurirwa yagize ryo gukora igitaramo kuri buri Pasika. Cyaje gikorera mu ngata icyo yari asanzwe akora buri mwaka cyitwa ‘Poetic Evening of Praise and Worship’ aho icya nyuma yagikoze mu 2014.

Tariki 21 Mata 2019 yakoreye igitaramo nk'iki i Gikondo kuri Expo Ground aho yari ari kumwe na Redemption Voice na Alka Mbumba wo muri Congo Kinshasa wamamaye mu ndirimbo 'Fanda Nayo'.

Patient Bizimana amaze imyaka irenga 15 akora umuziki wubakiye ku gusingiza Imana no kugarura abantu kuri Yesu. Kandi, yaguye igikundiro cye mu ngeri zose.

Uyu muririmbyi wamamaye mu ndirimbo nka 'Iyo neza' yakoreye ibitaramo mu bihugu bitandukanye byo muri Afurika, ndetse mu 2022 yataramiye mu Burayi.

Bizimana avuga ko yiyumvisemo impano yo kuramya mu 2002, yinjira mu muziki mu buryo bw'umwuga mu mwaka wa 2007 nyuma y'igihe cyari gishize yinjiye mu Itorero Restoration Church.

Yavukiye muri Repubulika Iharanira Demokarasi ya Congo ku itariki ya 1 Gashyantare 1987 akurira mu Rwanda. Bivuze ko yujuje imyaka 36.

Yize amashuri abanza kuri Umubano Primary School iwabo mu Karere ka Rubavu ho mu Burengerazuba bw'u Rwanda, akomereza ayisumbuye muri Saint Fidele. Yiga icungamari muri Kaminuza yigenga ya Kigali (ULK).

Arazwi cyane mu ndirimbo zirenga 50 zirimo nka 'Iyo neza', 'Amagambo yanjye', 'Menye neza' n'izindi.

Birashoboka ko azasubukura ibi bitaramo bya Pasika yateguraga?

Mu kiganiro na InyaRwanda, Patient Bizimana usigaye abarizwa muri Leta Zunze Ubumwe za Amerika, yavuze ko azakomeza gutegura ibi bitaramo kuko yari yarafashe ikiruhuko.

Ati 'Easter Celebration cyangwa se igitaramo cyizihiza Pasika sinavuga ko ntazongera kugitegura ahubwo ni 'Break' (Akaruhuko) nabaye mfashe ijyanye n'izindi nshingano zitanyemerera kubifatanya kuko ni igitaramo cyatwaraga imbaraga nyinshi mu buryo butandukanye.'

Ni ibitaramo avuga ko byamuhuje n'abantu benshi, kandi bimwereka ko umuziki w'indirimbo zo kuramya no guhimbaza Imana ufite ejo hazaza heza.

Hejuru y'ibi kandi, yabonye ko Abanyarwanda bashyigikira abahanzi babo. Ati 'Ishusho byampaye ni uko Abanyarwanda muri rusange bashyigikira abahanzi kandi hari bagenzi banjye b'abahanzi ba 'Gospel' byafunguye amaso babona ko bishoboka.'

Akomeza agira ati 'Kuko tubitangira harimo inzitizi nyinshi ku bijyanye n'abantu batumvaga impamvu twishyuza amafaranga ku muryango. Abaterankunga (Sponsors) nabo babaga batari bumva neza gutera inkunga igitaramo cya 'Gospel' ariko ubu bikaba byoroshye, bitakigoye.'

Uyu muhanzi avuga ko muri iyi myaka byari bigoye kubona abaterankunga b'igitaramo cye bitandukanye no muri iyi myaka, aho usanga hari igitaramo cyatewe inkunga n'abantu benshi.

Avuga ko yagiye akorana na bamwe mu bihe bitandukanye, ariko ashimira cyane Sosiyete ya MTN Rwanda yamubaye hafi mu rugendo rwe rw'umuziki kugeza n'ubu.

Patient asobanura ko yakoraga ibi bitaramo agamije guhesha Imana icyubahiro ndetse, ahamya ko byahesheje ikuzo umuziki wo kuramya no guhimbaza Imana mu Rwanda.

Yumvikanisha ko gutegura ibi bitaramo byari mu murongo wo kumvira ijwi ry'Imana, kuko iyo bitagenda uko yari kubihagarika nyuma y'uko mu 2016 yibwe amafaranga y'u Rwanda agera kuri Miliyoni 10 Frw yari yavuye mu matike ya bamwe mu binyije muri iki gitaramo cyabereye kuri Expo Ground i Gikondo tariki 27 Werurwe 2016.

Ati 'Byansabye kureba kure no kumvira Imana. Nagiye mpura n'imbogamizi nyinshi zari gutuma ibi bitaramo mbihagarika ariko numviye umukiza. N'iyo mpamvu rero mfite n'icyizere cy'uko bidatinze cyangwa se mu gihe runaka nshobora kongera gutegura ibi bitaramo bya Pasika.'

Mu bahanzi bakomeye Patient Bizimana yazanye mu Rwanda harimo: Solly Mahlangu wo muri Afurika y'Epfo, Marion Shako wo muri Kenya, Sinach wo muri Nigeria ndetse na Alka Mbumba wo muri Repubulika Iharanira Demokarasi ya Congo, RDC.

Kuva mu 2019, kugeza n'ubu ntarasubukura ibi bitaramo

Patient Bizimana yumvikanisha ko kwimukira muri Leta Zunze Ubumwe za Amerika n'umuryango we, icyorezo cya Covid-19 n'ibindi biri mu mpamvu atabashije gukomeza gutegura ibi bitaramo yizera neza ko byatanze umusaruro ukomeye kuri 'Gospel' y'u Rwanda.

N'ubwo bimeze gutya, hari bamwe mu bantu bamaze kugaragaza ko biteguye kujya bakora ibitaramo nk'ibi kuri buri Pasika buri mwaka.

Muri uyu mwaka nibwo abantu bashyize imbaraga mu gutegura ibitaramo bifasha abantu kwizihiza Pasika, bitandukanye n'indi myaka yabanje.

Ibihumbi by'Abantu biteze igitaramo 'Ewangelia Easter Celebration' cyatumiwemo James & Daniella, Alarm Ministries, Jehovah Jireh Choir, Shalom Choir na Christus Regnat n'abandi banyuranye.

Iki gitaramo kizaba tariki 31 Werurwe 2024 cyateguwe n'Umuryango wa Bibiliya mu Rwanda mu rwego rwo kwizihiza Pasika. Kizabera i Kigali mu nyubako ya BK Arena guhera saa munani z'amanywa.

Amafaranga azishyurwa n'abazitabira iki gitaramo azifashishwa mu gushyigikira Bibiliya nk'igitabo Abaksito benshi bifashisha.

Umwe mu bagize itsinda riri gutegura iki gitaramo, Nicodeme Nzahoyankuye, aherutse kubwira InyaRwanda ko bateguye iki gitaramo mu rwego rwo gufasha Abakristu kwizihiza Pasika. Kandi ni igitaramo bateganya ko kizajya kiba buri mwaka.

Yagize ati “Iki gitaramo kigamije gufasha abantu kwizihiza Pasika. Abantu bazahabwa umwanya mwiza wo gutaramana n’amatsinda n’abahanzi bakomeye mu ndirimbo zo kuramya no guhimbaza Imana.”

Hari inkoranyamagambo yasobanuye ko Pasika ari 'Umunsi Mukuru w'ingenzi Abakristo bizihiza, bibuka izuka rya Yesu Kristo'

Ku itariki nk'iriya kandi hazaba igitaramo cy'umuhanzikazi Uwitonze Clementine [Tonzi] azakora mu rwego rwo kumurika Album ye ya Cyenda yise 'Respect' no kwizihiza Pasika, kizabera ahitwa 'Crown Conference Hall' i Nyarutarama.

Album ye n'indirimbo 15 zirimo 'Respect' yayitiriye, 'Nshobozwa' yakoranye na Gerald, 'Merci', 'Warabikoze', 'Umbeshejeho', 'Uwirata', 'Nimeonja', 'Ndashima' na Muyango Jean Marie, 'Niyo', 'Unyitaho' na Joshua, 'Ubwami', 'Ndakwizera', 'Nahisemo', 'Kora' ndetse na 'Wageze'.

Mu kuyimurika yatumiye itsinda rya The Sisters yabanyemo n'abahanzi barimo Tonzi, Aline Gahongayire, Gaby Kamanzi na Phanny Wibabara; yanatumiye kandi Lilian Kabaganza na DJ Spin. Aba bombi baherukaga gutaramana mu gitaramo 'Gospel Flava Concert' cyo mu 2015.

Patient Bizimana ubwo yateguraga igitaramo cye cya mbere muri Mata 2015 yatumiye benshi mu bahanzi bo mu Rwanda 

Ubwo umunyamuziki Sinach wo muri Nigeria yataramira i Kigali ku nshuro ye ya mbere

Patient Bizimana yatangaje ko ari gutekereza kuzasubukura ibi bitaramo bya Pasika 

Patient avuga ko yatangiye gutegura ibi bitaramo benshi mu bafana batabyumva, kuko bitari byoroshye kubabwira kwishyura ibitaramo bya ‘Gospel’

Mu 2017, Patient Bizimana yatumiye muri ‘Easter Celebration’ abarimo Apollinaire wamamaye mu Burundi
 

Patient avuga ko gutumira Sinach i Kigali ari kimwe mu bitaramo yishimira yagezeho

Patient yatangaje ko bitari byoroshye kubona abaterankunga mu bitaramo bya Pasika ategura

Bizimana yavuze ko mu 2016 yari yacitse intege nyuma yo kwibwa arenga Miliyoni 10 Frw

KANDA HANO UREBE AMASHUSHO Y’INDIRIMBO ‘NDAJE’ YA PATIENT BIZIMANA NA NELSON MUCYO

“>

KANDA HANO UREBE AMASHUSHO Y’INDIRIMBO ‘IKIME’ YA PATIENT BIZIMANA NA NELSON

“>

Luka Modric na Karim Benzema ni bamwe mu bakinnyi bakoze amateka yo kwivanga mu kiragano cya Cristiano Ronaldo na Lionel Messi.

Messi na Ronaldo, bamaze imyaka ikinyacumi ari bo bafatwa nk’abakinnyi beza isi ifite. Mu kiragano cyabo, uretse Karim Benzema na Luka Modric, nta wundi mukinnyi wigeze bivangamo ngo atware Ballon D’or uretse abo babiri.

Kugeza ubu, Lionel Messi na Ronaldo, ntabwo bakibarizwa ku Mugabane w’u Burayi ngo bazongere begukane Ballon D’or. Ubu Ronaldo akinira Al-Nassir yo muri Ababia Saoudite, naho Lionel Messi we akinira Inter Miami yo muri Leta Zunze Ubumwe Za Amerika.

Abakinnyi bagiye bahabwa amahirwe go gukomera muri iyi myaka 15 itambutse, babuze aho bamenera ngo begukane Ballon d’Or, kubera ko yari imyaka ya CR7 na Messi.

Nyuma yuko ikiragano cya Messi na Ronaldo kirangiye, abakinnyi 10 bahabwa amahirwe yo kuzavugisha isi mu  mupira w’amaguru ni aba bakurikira.

10. Evan Ferguson (Brighton) 

Umunya Ireland y’Amajyaruguru Evan Ferguson ukinira Brighton and Hove Alibions, akomeje kubica bigacika muri Brighton ikina icyiciro cya mbere mu Bwongereza.

Evan Ferguson w’imyaka 19 y’amavuko, akomeje guhabwa icyizere ko azaba umukinnyi udasanzwe kubera uburyo ari kwitwara neza muri uyu mwaka w’imikino. 

Ku myaka 19 y’amavuko, Evan Ferguson yatangiye kugereranywa na Alan Shearer cyangwa Harry Kane. Mu mikino 25 amaze gukinira Brighton muri uyu mwaka w’imikino, yayitsindiye ibitego 10.

 9. Warren Zaïre-Emery (PSG)

Warren Zaïre-Emery w’imyaka 17 y’amavuko ni imwe mu mpano ziri gutitiza isi, ukurikije uburyo budasanzwe ari kwigaragazamo. Zaïre-Emery, kugeza ubu ari kubica bigacika muri Paris Saint-Germain. 

Warren Zaïre-Emery, ku myaka 17 gusa amaze gukina imikino irenga 50 muri Paris Saint-Germain, ndetse yagize amahirwe yo guhamagarwa mu ikipe y’igihugu y’u Bufaransa. 

Warren Zaïre-Emery ukina mu kibuga hagati, aherutse mu Rwanda muri gahunda ya Visit Rwanda, aho yasuye ibikorwa bitandukanye by’umupira w’amaguru, ndetse anasura n’ibyiza nyaburanga bitatse u Rwanda. 

8. Joško Gvardiol (Manchester City)

Umunya Croatia, Josko Givardiol nawe ni umukinnyi ukiri muto, utanga icyizere cy’uko azaba myugariro w’agatangaza ku isi. Ibi Josko Givardiol yabigaragarije mu ikipe y’igihugu ya Croatia, muri Manchester city na RB Leipzig. 

Muri ayo makipe atandukanye, Josko Givardiol Akundirwa ubuhanga yihariye bwo kugarira imipira yo mu kirere, Josko kandi nubwo ari myugariro ajya atsinda ibitego ibyiza. 

7. Florian Wirtz (Bayer Leverkusen)

Folarian Wirtz akomeje kuba inkingi ya mwamba mu bakinnyi bari gufasha Bayer Leverkusen kuba iyoboye Shampiyoyona y’u Budage kugeza ubu.

Folarian Wirtz w’imyaka 20 y’amavuko, akina mu kibuga hagati, ariko asatira izamu. Uyu mukinnyi benshi batangiye kumukundira uburyo acengamo, ndetse n’uburyo atanga imipira kwabagenzi be bakinana. 

Folarian Wirtz yakabaye yarazamuye urwego kurenza uko ahagaze ubu, gusa yigeze gukomwa mu nkokora n’imvune yagize mu mwaka w’imikino wa 2021-2022.

6. Eduardo Camavinga (Real Madrid)

Umufaransa Edurdo Camavinga, ni umwe mu bakinnyi bari gutanga icyizere cyo kuzaba beza cyane ukurikije uko yitwara muri Real Madrid. Nubwo akunze guhindurirwa imyanya yo gukina kubera imvune za bagenzi be muri Real Madrid, akina mu kibuga hagati.

Kuba abasha gukina imyanya myinshi kandi neza, ni kimwe mu bikomeje kuzamurira Camavinga amanota yo kuba azaba umukinnyi udasanzwe, kandi ubasha gukina imyanya itandukanye. Kugeza ubu Camavinga yamaze gutwara UEFA Champions League hamwe na shampiyona Ya Espagne ari kumwe na Real Madrid.

5. Jamal Musiala (Bayern Munich)

Jamal Musiala ni umukinnyi udasanzwe ku myaka 20 y’amavuko. Niwe wakiniye Bayern Munich akiri muto kuko yabigezeho afite  imyaka 17 y’amavuko. Jamal Musiala ubica bigacika muri Bayern Munich, amaze gufasha ikipe ye gutwara Shampiyona yo mu Budage inshuro enye.

4. Gavi (Barcelona)

Gavi ni umukinnyi wazamukiye muri La Massia, ishuri ryigisha umupira w’amaguru muri FC Barcelona.

Uyu mukinnyi ukunze kugereranywa na Andreas Inesta kubera ubuhanga agira mu kibuga hagati, akomeje kuzongwa n’imvune, zituma adafasha Barcelona uko bikwiye. Gusa, Gavi utanga icyizere ko azaba umukinnyi udasanzwe, amaze gutwara ibihembo bitandukanye by’umukinnyi muto mwiza birimo Golden Boy na Kopa Trophy.

3. Bukayo Saka (Arsenal) 

Bukayo Saka w’imyaka 22 y’amavuko, akomeje kubica bigacika muri Arsenal. Uyu mukinnyi bamwe baramukunda cyane, ndetse bavuga ko iyo aba yaratwaye ibikombe bitandukanye, yakabaye ari umwe mu bakinnyi batwaye ibihembo bikomeye bya FIFA.

Bukayo Saka unakinira ikipe y’igihugu y’u Bwongereza, akomeje kuba intwaro ya Mikel Arteta ari kwifashisha kugira ngo arebe ko yatwara shampiyona ya English Premier League. Saka ubuhanga bwe bugaragarira mu buryo atindanamo umupira, uburyo acengamo, ndetse n’ubwenge bwo gutsinda ibitego.

 2. Pedri (Barcelona)

Pedri nawe ni umukinnyi udasanzwe ukinira FC Barcelona. Afite amateka asa n’aya Gavi bakinana i Barcelona.

Muri 2021, Pedri yegukanye igihembo cya Golden Boy na Kopa Trophy gihabwa umukinnyi muto witwaye Neza. Pedri ukina mu kibuga hagati muri Barcelona, aca amarenga yo kuzaba umukinnyi w’igitangaza mu bakina mu kibuga hagati.

Uko Gavi na Pedri bakinana muri FC Barcelona, bagereranywa n’uko Xavi Hernandez yakinanaga na Andreas Inesta. 

1. Jude Bellingham (Real Madrid)

Umwongereza ukina mu kibuga hagati muri Real Madrid, akomeje guca amarenga y’uko azaba mwiza kurusha abandi ku isi. Jude Bellingham yageze muri Real Madrid avuye muri Brussia Dortmund mu Budage.

Jude Bellingham w’imyaka 20 y’amavuko, ahabwa amahirwe ko ari we ushobora kwegukana Ballon d’Or mbere y’aba bakinnyi bavuzwe haruguru, kubera ko ari kwitwara neza mu ikipe ikomeye, kandi ikipe akinira ikaba ihabwa amahirwe yo kwegukana UEFA Champions League.

Jude Bellingham ukina mu kibuga hagati, inshuro nyinshi afasha Real Madrid gutsinda ibitego, kabone nubwo byaba byabuze. Uyu mukinnyi kandi akinira ikipe y’igihugu y’u Bwongereza.

Madederi wamamaye muri Papa Sava yagarutse kuri bamwe mu gitsinagore badakura amaboko mu mufuka ngo bakore bagategereza abagabo b'abakire, kandi bafite ubushobozi bwo kwishakira ubutunzi bwabo bakibeshaho.

Ati 'Bisa no kuvuga ngo ndashaka umugabo w'umukire! Kuki wowe utaba umukire ku giti cyawe? Kuki utashaka utaba umugore w'umukire aho kuba umugore w'umugabo w'umukire? Kuki utaharanira icyo?'.

Yakomeje ati 'Umugisha uri ahantu hose wagusanga ahantu hose uri. Injira muri filime ubifite mu mutwe nk'inzozi zawe kandi ubikunda, ufite intego ukore cyane'.

Mu kiganiro na Rose Tv Show, Madederi amenyesha ko kwishakira amafaranga ku giti cyawe biruta kwiruka ku y’abandi bakagusuzugura.

Ati 'Ntekereza ko ari byo byaba bifite ingufu cyane kurusha gutekereza amafaranga undi muntu yavunikiye, rimwe na rimwe ntuhabwe uburenganzira kuri ubwo bukire'.

Madederi yababajwe n'aba bantu abagira inama yubaka. Ati 'Ikiza ni ugukora ugasenga Imana ikaguha uwo yaguteguriye, ubundi nawe ugakora ushaka kuba umugore w'umukire aho kwifuza kuba umugore w'umugabo w'umukire'.

Madederi wakunzwe muri filime zirimo Papa Sava, The Bishop's Family, Indoto Series, Ejo si kera n’izindi, yavuze ko yifuza kuba umwe mu bantu bigejeje ku nzozi zabo byaba ngombwa nawe agafasha abandi aho kwaka ubufasha.

Ati “Twese Imana yaduhaye ubwenge, twese tukavukana amaguru n’amaboko, twese tukavukana umutwe n’ubwonko, ibyo umugabo yageraho nawe wabigeraho. Ugomba kubaho uzi ko ibibazo byawe bikureba. Iyo uzi icyo ushaka ntufata icyo ubonye”.

Madederi yanavuze ko ari mu rukundo n’umusore gusa ntiyamuvugaho byinshi. Icyakora yatangaje ko bigoye ko abantu bamubona kuko urukundo ruri hagati yabo gusa batabishyira hanze.

Madederi yahishuye ko ari mu rukundo

Yasabye abakobwa gukura amaboko mu mifuka

Madederi ari mu bakinnyi ba filime bakunzwe cyane

Madederi yatanze impanuro ku bakobwa bashegeye aba-Diaspora

Hakizimana Muhadjiri yemeje ko mbere y’uko umutoza w’ikipe y’igihugu Amavubi, Frank Spittler amuhamagara baganiriye amubwira ibyo amwifuzamo.

Uyu mukinnyi ukinira ikipe ya Police FC, ntabwo yifashishijwe n’umutoza Frank Spittler mu mikino ye ibiri ya mbere yo gushaka itike y’igikombe cy’Isi cya 2026 yakinnyemo na Zimbabwe bakanganya ndetse n’uwo yatsinze Afurika y’Epfo 2-0.

Muhadjiri akaba yarahamagawe mu Mavubi yitegura imikino 2 ya gicuti, uwa Madagascar tariki ya 18 Werurwe na Botswana tariki ya 25 Werurwe, imikino yose izabera muri Madagascar.

Mu kiganiro n’itangazamakuru, Frank Spittler yavuze ko impamvu yahamagaye uyu mukinnyi ari uko uyu mukinnyi baganiriye akamubwira ibyo yifuza.

Hakizimama Muhadjiri akaba yavuze ko koko mbere yo guhamagarwa baganiriye akamubwira ibyo amwifuzamo.

Ati “Twaraganiriye, twaganiriye byinshi ntabwo umuntu yabivugira hano ariko ibyo ashaka ndakeka ndimo kugerageza kubikora hano, ni ukugerageza kubera ko ni ubwa mbere muri gahunda ze urumva ni bwo ndimo kuzamo, ni ukumwemeza ibyo ashaka nanjye njye muri iyo sisiteme.”

Akomoza kuri bimwe yamusabye, yagize ati “umuntu wese icyo agusaba ni ugukora ugashyira hamwe na bagenzi ba we, akenshi hano abenshi ndabaruta, kubera ntabwo nkunda kuvuga aba anagusaba ko wavugana n’abandi cyane, nibaza ko ni byo birimo kuko akenshi hari igihe umuntu akubona utuje cyane na byo bikaba ikibazo, nibaza ko ari ibintu umuntu aba agomba gukosora.”

Si ibi gusa kuko Hakizimana Muhadjiri yakomeje avuga ko uyu mutoza yanavuganye na Mashami Vincent umutoza we muri Police FC amubwira ibyo yafasha uyu mukinnyi gukosora.

Bamwe mu byamamarekazi bazamuwe n’izi filime z’urukozasoni (Porn) si uko bari basanzwe bazikina bya kinyamwuga, ahubwo wasangaga bari basanzwe bari mu myidagaduro gusa bakiri hasi batazwi. Aho aya mashusho yabo bakora imibonano mpuzabitsina agiriye hanze bigatuma bahita bamenyekana cyane akanabinjiriza agatubutse.

Aba barimo abahanzikazi,abanyamideli, abakinnyi ba filime bari basanzwe batazwi ibi benshi bita ”Underground’ cyangwa ‘bataragafata’ mu mvugo z’ubu. Kuba abarimo Kim Kardashian, Paris Hilton, Pamela Anderson baramamaye cyane babikesha aya mashusho bakoze y’urukozasoni.

Dore ibyamamarekazi 10 byamenyekanye babikesha filime z’urukozasoni:

1. Jennifer Lopez

Mbere umuhanzikazi Jennifer Lopez ataraba icyamamarekazi mpuzamahanga, yigeze guca ibintu ubwo amashusho ye y’urukozasoni yajyaga hanze. Mu 1997 nibwo hasohotse amashusho y’iminota 28 ya Jennifer Lopez n’umugabo we wa mbere witwa Ojani Noa. Iki gihe byatumye Lopez ahita azamuka byihuse cyane nubwo benshi babimunenze ntibyamubujije kwamamara vuba vuba.

2. Paris Hilton

Umunyamideli Paris Hilton akaba n’umuvanzi w’umuziki (DJ), yamamaye kuva mu 2004 ubwo yasohoraga filime y’urukozasoni yise ‘One Night in Paris’ amugaragaza akora imibonano mpuzabitsina n’umunyamideli Rick Salomon wari umukunzi we icyo gihe. Kuva iyi filime yasohoka Paris Hilton yahise aba icyamamare mpuzamahanga.

3. Kim Kardashian

Kuba umuryango wa Kim Kardashian waramamaye cyane babikesha filime y’urukozasoni yasohoye mu 2007. Iyi filime yayikinanye n’umuhanzi Ray J wari umukunzi we icyo gihe. Iyi niyo yatumye amenyekana imukingurira imiryango i Hollywood. Ni nayo kandi yatumye ikinyamakuru ‘Playboy’ kizwiho gucuruza amashusho n’amafoto y’urukozasoni, kimwishyura Miliyoni 5 kugirango gicuruze amafoto y’ubwambure bwe. 

4. Katie Price

Umunyamidelikazi Katie Price yabaye icyamamare mu 1999 ubwo hasohokaga amashusho y’urukozasoni yakoranye na DJ Dane Bowers bahoze bakundana. Iki gihe Katie Price yabaye uwa mbere ku rutonde rw’abakobwa bavuzwe cyane mu 1999 muri Amerika. Iyi filime kandi niyo yatumye ahita ashyirwa mu kiganiro ‘Celebrity Big Brother’ cyatumye arushaho kwamamara.

5. Pamela Anderson

Umwe mu banyamideli bafatwa nk’ab’ibihe byose, Pamela Anderson, nawe ari mu bamenyekanye abikesha filime y’urukozasoni. Mu 1995 yasohoye amashusho y’urukozasoni yakinanye n’umuhanzi Tommy Lee wamamaye mu itsinda rya ‘Motley Cue’. Aya mashusho bayafashe ubwo bari mu kwezi kwa buki. Iyi couple yahoze itigisa imyidagaduro muri Amerika, iherutswe gukinnywaho filime y’uruhererekane yitwa ‘Pam&Tommy’ yerekana uburyo bahuye, bakundanye n’uburyo iyi filime y’urukosazoni yabahinduriye ubuzima.

6. Kendra Wilkinson

Umunyamideli Kendra Wilkinson, yamamaye ubwo yacuruzaga amafoto y’ubwambure bwe mu kinyamakuru cya ‘Playboy’, gusa mu 2007 yaje guca ibintu ubwo hasohokaga amashusho y’urukazosoni ye ndetse anayinjirizamo Miliyoni 8 z’amadolari.

7. Carrie Prejean

Umunyamideli uzwi cyane mu marushanwa y’ubwiza, Carrie Prejean, wanabaye nyampinga wa Amerika mu 2009 (Miss USA), ntabwo yabashije kumarana iri kamba igihe, dore ko nyuma yamezi 6 gusa abaye nyampinga hasohotse amashusho ye y’urukozasoni bituma ahita yamburwa ikamba. Byatumye ahita yamamara cyane ndetse kugeza ubu azwi nka ‘Nyampinga wambuwe ikamba kubera filime y’urukozasoni’.

8. Mindy Kelly

Umukinnyi wa filime, Mindy Kelly, wamamaye muri filime nka ‘Age of Extinction’, The Dark Knight Rises’ n’izindi, nawe yaje guca ibintu mu 2012 ubwo hasohokaga filime ye y’urukozasoni yakoranye n’uwahoze ari umukunzi we.

9. Joanie Laurer

Umugore w’ibigango witwa Joanie Laurer wamamaye nka ‘Chyna’ kubera gukina imikino yo kumvana imbaraga ya ‘Catch’. Mu 2004 Chyna yamamaye kurushaho kubera filime y’urukozasoni yakinanye na Sean Waltman nawe usanzwe ukina Catch.

10. Leighton Meester

Icyamamarekazi muri Sinema, Leighton Meester, wakunzwe cyane muri filime y’uruhererekane yitwa ‘The Gossip Girl’. Mu 2009 Leighton yahindutse ikiganiro mu binyamakuru bitandukaye nyuma y’uko  hasohotse amashusho ye y’urukazasoni yanatumye arushaho kumenyekana.

Kuri uyu wa Gatanu guhera Saa Saba nibwo i Nyon muri Switzerland ku biro bikuru by’impuzamashyirahamwe y’umupira w’amaguru ku mugabane w’Iburayi (UEFA) habaye tombora y’uko amakipe azahura mu mikino ya 1/4 cya UEFA Champions League nyuma yuko hasojwe imikino 1/8.

Ikipe ya Arsenal yo mu Bwongereza yasezereye FC Porto muri 1/8, yatomboye Bayern Munich yo mu Budage yasezereye Lazio muri 1/8.

Atletico Madrid yo muri Espagne yasezereye Inter Milan muri 1/8, yatomboye Borussia Dortmund yo mu Budage yasezereye PSV Eindhoven muri 1/8.

Manchester City yo mu Bwongereza yasezereye FC Copenhagen, yatombowe na Real Madrid yo muri Espagne yasezereye RB Leipzig muri 1/8.

Ni mu gihe Paris Saint-Germain yo mu Bufaransa yazereye Real Sociedad muri 1/8, yatomboye FC Barcelona yo muri Espagne yasezereye Napoli muri 1/8.

Bijyanye n’amakipe yakatishije itike ya 1/4,  byari byitezwe ko babaho gutomborana kw’amakipe y’ibigugu.

Gutomborana gukomeye cyane kwabayeho umuntu yavuga ni ikipe Real Madrid itozwa na Carlo Ancelotti ytomboye Manchester City itozwa na Pep Guardiola.

Aya makipe yaherukaga guhura muri Champions League iheruka muri 1/2 aho Manchester City yasezereye Real Madrid bikarangira ari nayo inegukanye Champions League.

Iyi tombora kandi niyo izagena uko amakipe azahura muri 1/2 cya UEFA Champions League aho ikipe izaba hagati ya Real Madrid na Manchester City izacakirana n’izava hagati ya Arsenal na FC Bayern Munich naho izava hagati ya Borussia Dortmund na Atletico Madrid ikazacakirana nizava hagati ya Paris Saint-Germain na FC Barcelona.

Biteganyijwe ko imikino ibanza ya 1/4 izakinwa  taliki 9 na taliki 10 mu gihe iyo kwishyura yo izakinwa taliki ya 16 na 17 mu kwezi gutaha kwa Mata.

Ikipe ifite igikombe giheruka cya Champions League ni Manchester City ikaba yaragitwaye itsinze Inter Milan igitego 1-0.

Uko amakipe azacakirana muri 1/4 cya UEFA Champions League 

Tombola ya 1/4 cya Champions League yasize amakipe amenye uko azahura aho Manchester City igomba gucakirana na Real Madrid.

Ni tombola yabaye kuri uyu wa Gatanu tariki ya15 Werurwe 2024.

Ikipe ya Atletico Madrid yo muri Espagne ya tomboye Borussia Dortmund yo mu Budage. Izakomeza hano muri 1/2 ikazahura n’izarokoka hagati ya Paris Saint-Germain yo mu Bufaransa ndetse na FC Barcelona yo muri Espagne.

Arsenal yo mu Bwongereza ikaba yatomboye Bayern Munich yo mu Budage, izakomeza ikazahura n’izatsinda hagati ya Manchester City yo mu Bwongereza ibitse iki gikombe na Real Madrid yo muri Espagne. Umwaka ushize Real Madrid ikaba yari yasezerewe na Manchester City muri 1/2.

Imikino ya 1/4 ikaba iteganyijwe mu kwezi gutaha kwa Mata ni mu gihe umukino wa nyuma uzaba tariki ya 1 Kamena 2024.