Category: Uncategorized

Byagarutswe kuri uyu wa 29 Mata 2024, ubwo mu Kigo gitangirwamo amasomo n'amahugurwa yo gusubiza mu buzima busanzwe abahoze ari abasirikare cya Mutobo haberaga igikorwa cyo guseserera abahoze mu mitwe yitwaje intwaro ikorera muri Repubulika iharanira demokarasi ya Congo 55, bagize icyiciro cya 71.

Col. Uwimana Alphonse wabarizwaga mu mutwe wa FDLR ashinzwe imirimo itandukanye, yashimye uko u Rwanda rwabakiriye neza rutitaye ku bikorwa bibi bari bamazemo imyaka myinshi byo gushaka guhungabanya umutekano w'Igihugu.

Ati 'Leta yatwakiriye ititaye ku bikorwa bitari byiza twari tumaze igihe tubamo mu mitwe yitwaje intwaro. Twahawe amahugurwa twigishwa indangagaciro ziranga Umunyarwanda ufitiye igihugu cye akamaro.'

Yakomeje ati 'Twiyemeje kurwanya icyagarura amacakubiri aho yaba akiri hose n'ingengabitekerezo ya Jenoside. Tuboneyeho guhamagarira abakiri mu mashyamba ya Congo n'abandi bashaka gutera u Rwanda ngo bashyire intwaro hasi batahe mu gihugu cyababyaye kuko gihora kiteguye ku bakira nk'abana bacyo.'

Umuyobozi wa Komisiyo y'igihugu yo gusezerera no gusubiza mu buzima busanzwe RDRC, Nyirahabineza Valérie, yagaragaje ko kuva iki kigo cya Mutobo cyashyirwaho, hamaze kunyura abagera ku 14 babarizwaga mu mitwe yitwaje intwaro irimo FDLR, P5, RUD Urunana n'indi.

Mu basezerewe, harimo abasirikare 46, abasivili bakoranaga n'imitwe yitwaje intwaro, abana babiri bari abasirikare ariko ko bateguwe neza kugira ngo bahindure imyumvire n'imitekerereze bitandukanye n'ibyo bari bafite bakiri mu mashyamba.

Ati 'Baratanga icyizere gihagije cyo gutanga umusanzu ko bazafatanya n'abandi Banyarwanda aho bagiye kugana kubaka u Rwanda rwiza.'

Yagaragaje ko mu gihe bari bamaze mu kigo cya Mutobo bigishijwe imyuga irimo ubwubatsi, gukora amazi, gukanika imodoka, gusudira, gukora amashanyarazi, gusuka, kudoda n'indi kandi bahabwa n'impamyabushobozi itangwa n'Urwego rw'Igihugu rushinzwe amashuri ya tekinike imyuga n'ubumenyingiro, RTB.

Ubwo basezererwaga, bahawe ibyangombwa birimo Indangamuntu, icyemezo cyo gushyira mu buzima busanzwe n'impamyabushobozi ihamya imyuga bigishirijwe i Mutobo igiye kubafasha mu buzima busanzwe berekejemo.

Minisitiri w'Ubutegetsi bw'Igihugu, Musabyimana Jean Claude, yagaragaje ko u Rwanda rwifuza ko nta mwana warwo wahera ishyanga.

Ati 'U Rwanda rwifuza ko nta mwana warwo wahera ishyanga kabone nubwo yaba ari mu mitwe yitwaje intwaro. Ndashimira abantu bose bumvise uwo muhamagaro bagahitamo kurambika intwaro hasi bakaza biyemeje gufatanyiriza hamwe kubaka u Rwanda rwacu.'

Yagagaragaje ko abasezerewe bashobora gutanga ubuhamya bw'ibyo banyuzemo n'u Rwanda babonye babishingiye ku byo babwirwaga bakiri mu mashyamba ya Congo.

Yabasabye kuzakomeza kugendara ku ndangagaciro z'umuco nyarwanda, bagahinduka mu myitwarire no mu migenzerere ndetse no kuzafatanya n'abandi mu gusigasira no kubungabunga umutekano.

Minisitiri Musabyimana yababwiye ko bagomba kwifatanya n'abanyarwanda muri gahunda zitandukanye zigamije kuakura mu bukene.

Ati 'U Rwanda murimo, dufite gahunda yo gukura abanyarwanda mu bukene. Ku buvamo si ahantu ugenda agakanda uwari umukene akaba umukire, ahubwo buri wese arabiharanira. Turifuza ko buri Munyarwanda wese namwe murimo arakarira ubukene, yiyemeza gukora cyane, agashakisha ubumenyi bukenewe, amakuru akenewe kugira ngo tujyanemo mu nzira igana mu bukire.'

Yibukije ko bagiye mu miryango u Rwanda ruri kwitegura amatora y'Umukuru w'Igihugu n'amatora y'Abadepite, abasaba kuzafatanya n'abaturage bakayitabira, bagaharanira n'imigendekere myiza yayo.

Yabasabye kuzatanga umusanzu wabo bashishikariza Abanyarwanda bakiri mu mitwe yitwaje intwaro kuzishyira hasi bagataha mu rwababyaye bashingiye ku buhamya bw'ibyo babonye.

Buri mwaka Komisiyo y'Igihugu ishinzwe gusezerera no gusubiza mu buzima busanzwe abahoze ari abasirikare yakira abantu baturutse mu mitwe yitwaje intwaro ikorera muri Repubulika iharanira Demokarasi ya Congo baba barambiwe intambara zidafite icyerekezo.

Hatanzwe ibyemezo by’uko bahuguwe ndetse banahabwa indangamuntu

Col. Uwimana Alphonse ubwo yahabwaga ibyangombwa bye

Col Uwimana yashimye u Rwanda rwabakiriye hatitawe ko bagize uruhare mu guhungabanya umutekano waryo mu bihe bishize

Bagaragaje impano bafite basusurutsa abitabiriye uwo muhango

Uyu mubyeyi wasezerewe (ibumoso) yari Caporal mu ngabo za FDLR

Ubwuzu bwari bwose mu gusezera kuri Perezida wa Komisiyo y’Igihugu yo gusubiza mu buzima busanzwe abahoze ari abasirikare

Umuyobozi wa Komisiyo y'igihugu yo gusezerera no gusubiza mu buzima busanzwe RDRC, Nyirahabineza Valérie, yabasabye gufatanya n’abandi kubaka u Rwanda

Inzego z’umutekano nazo zari zihagarariwe muri icyo gikorwa

Bagaragaje ko bafite impano y’ubuhanzi no kubyina

Minisitiri w’Ubutegetsi bw’Igihugu Musabyimana yashimye ubutwari aba bahoze mu mashyamba bagize, bagahitamo gutaha mu rwababyaye

Basabwe gutanga ubuhamya bwiza ku basigaye mu mashyamba

Ibibazo by'ubukode bw'inzu zikoreramo ibigo bya Leta bigaruka buri mwaka muri raporo y'Umugenzuzi Mukuru w'Imari ya Leta hamwe hishyuwe amafaranga y'umurengera, mu gihe hari n'abakodesherejwe ntibahite bimukira mu nzu bashakiwe.

Muri raporo y'umwaka wa 2022/2023 hagaragaramo igihombo cy'arenga miliyari 1 Frw yatanzwe ku bukode bw'inzu yishyuwe amezi atanu nta kigo kiyikoreramo.

Umuyobozi Mukuru wa RHA, Rukaburandekwe Alphonse ubwo yari yitabye Komisiyo ishinzwe Gukurikirana imikoreshereze y'imari n'umutungo bya Leta, PAC, kuri uyu wa 29 Mata 2024 yatangaje ko inzitizi ibagonga ari uko bajya gusinya amasezerano n'utunganya inzu nyuma yo gusinya ay'ubukode.

Ati 'Ibijyanye no gukodeshereza inzego za Leta, ni byo koko Umugenzuzi w'Imari ya Leta yasanze uburyo tubikora harimo igihombo aha bigaterwa cyane cyane n'uburyo igihe cyo gukodeshereza cyangwa se igihe cyo kujya mu bukode giteye.'

'Gucamo ibyumba akenshi tubikora ari uko twamaze kugira amasezerano y'ubukode, twamara kugira ayo masezerano tukabona kugira amasezerano y'uzacamo ibyumba tugakora n'imbata yayo kuko ntabwo tuba twemerewe kujya kubara inzu tutarabona uburenganzira bwo kuyikoreramo.'

Perezida wa PAC, Depite Muhakwa Valens yavuze RHA ikwiye kureba uko yagirana amasezerano na ba rwiyemezamirimo bakodesha na bo inzu bakabaha igihe gito kitishyurwa ari na cyo cyakorwamo imirimo yo gutunganya inyubako.

Ati 'Ariko na nyuma y'ibyo hari inzego mumara gukodeshereza ntimunazimenyeshe ngo zimuke.'

Rukaburandekwe yagaragaje ko bari gushakira igisubizo mu kujya bihutisha imirimo yo gutuganya izi nzu abazijyamo bakajya mu gice cyarangiye.

Ati 'Natwe tubona ko bidutera igihombo tukaba tugira ngo tujye ndukorana n'inzego zindi cyane cyane abo dukodeshereza tukareba ko nibura igihe tubonye amasezerano twajya dukora imbata ku buryo bwihuse ndetse no guca ibyumba bigakorwa mu byiciro, noneho uwimukira muri iyo nzu akaba yayimukiramo mu bice bimwe twamaze gutunganya ibindi akazabyimukiramo twamaze kubikora.'

Yanavuze ko iki kibazo gisa n'icyabaye ingorabahizi kubera ko ari inzu z'abikorera baba barasabye inguzanyo muri banki.

Ati 'Iki kibazo cyo gukodesha gisa n'ingorabahizi kuko ku ruhande rumwe hari ba rwiyemezamirimo baba barubatse amazu barafashe inguzanyo muri banki bari kudufasha kubonera inzego za Leta aho zikorera…twarabaze dusanga tuvuze ngo ucemo ibyuma mu nzu yawe tuzaze tujyamo ariko dusanga abenshi batabikunda.'

Rukaburandekwe yagaragaje ko mu buryo burambye bari gutegura uko inzego za Leta zose zazabona aho zikorera hatari mu bukode.

Depite Mukabalisa Germaine yateye utwatsi iki gisubizo avugako iki kibazo kitaba ingorabahizi ahubwo bituruka ku kutabishyiraho umutima.

Ati 'Gukodesha ahantu ukishyura miliyari, ukamara amezi atanu utarajyamo ni ikintu kidashoboka ko izi miliyari twazikuramo? Ntabwo abamaze amezi menshi ari bo bafite ibiro byinshi ngo tuvuge ko kuhacamo ibyumba byatinze […] harimo n'ikibazo cyo kubyitaho no kubishyiraho umutima. Mu by'ukuri ubaye ukodesha inzu yawe ntabwo wamara amezi atanu wishyura aya mafaranga miliyoni 360 Frw ku kwezi utarajyamo.

'Iki ni ikintu bagishyizeho umutima cyavamo cyangwa se hagasigaramo iminsi mike ishoboka ariko urareba amezi ukareba ubunini bw'ikigo ukabona imibare ntabwo isobanutse, ntabwo wakumva impamvu.'

Umugenzuzi Mukuru w'Imari ya Leta Alexis Kamuhire yatangaje ko iki kibazo kidakwiye kuzongera kugaragara.

Ati 'Ibisubizo barimo kubaha ndumva atari byo, nibihagarare ahubwo tuvuge tuti twatangiye guca ibyumba mu nzu ari byo duha umwanya. Uwadukerereje mu gihe cyo gucamo ibyuma kuko ngira ngo bikorwa na rwiyemezamirimo, tumuhane.'

Depite Mukabalisa Germaine yagaragaje ko kuba RHA yishyura amafaranga ahantu hadakorerwa biterwa no kutabishyiraho umutima

Ni impanuka yabaye ku wa 28 Mata 2024 ku mugoroba mu Mudugudu wa Rukeri, Akagari ka Kabuye, mu Murenge wa Maraba, Akarere ka Huye.

Umugore wa nyakwigendera, yavuze ko ubwo inkuba yakubitaga we yari mu gikoni atetse, mu gihe abana n'umugabo we bari mu buriri baryamye basa n'abari gukina.

Ubwo inkuba yakubitaga yahise agwa igihumure, maze azanzamutse yumva abana bari kurira, agiye kubareba asanga umugabo we yamaze gupfa.

Yakomeje avuga ko uretse kwica umugabo we, iyo nkuba yanangije ibikoresho by'amashanyarazi y'imirasire y'izuba bakoreshaga.

Umunyamabanga Nshingwabikorwa w'Umurenge wa Maraba, Karangwa Jean Baptiste yavuze ko imvura yaguye ku mugoroba wo ku cyumweru cyo ku wa 28 Mata 2024, yaranzwe n'inkuba ari nayo yahitanye Habinshuti.

Yaboneyeho gusaba abaturage ko mu gihe imvura iri kugwa bajya bagerageza gukora ibishoboka byose bakirinda ibyatuma inkuba ibona ibyuho byatuma igira ibyo yangiza birimo n'impfu z'abantu.

Abaturanyi ba Nyakwigendera batabaye nyuma y’urupfu rutunguranye rwatewe n’inkuba

Ibi yabivugiye mu kiganiro yagiriye kuri televiziyo y'igihugu, ubwo yavugaga ku ngingo zirimo iya 13 y'umushinga w'itegeko rigenga imiryango itari iya Leta, irebana n'igenzura ry'ibikorwa n'imikoreshereze y'imari.

Agace ka mbere k'iyi ngingo kavuga ko RGB ishobora gutegeka umuryango gukoresha igenzura ry'ibikorwa by'umuryango n'iry'imikoreshereze y'imari mu gihe kitarenze iminsi 90, uhereye ku munsi uboneyeho urwandiko rubisaba.

Igice cya kabiri kigira kiti 'Ikiguzi cya serivisi y'ubugenzuzi bw'ibikorwa byawo n'iry'imikoreshereze y'imari cyishyurwa n'umuryango wakorewe ubugenzuzi mu gihe iryo genzura ryakozwe n'ubugenzuzi buvuye hanze y'umuryango.'

Indi ngingo igibwaho impaka ni iya 8 mu gace kawo ka 1, ivuga ko umuryango udakwiye kurenza 20% by'ingengo y'imari igenewe ibikorwa byawo bya buri munsi muri gahunda z'ibikorwa bidafitiye inyungu abo ugamije gufasha.

Agace kayo ka 3 kavuga ko umuryango uteganya gukoresha amafaranga arenze 20% by'ingengo y'imari yawo igenewe ibi bikorwa bidafitiye inyungu abo ugamije gufasha, ugomba kubanza kubitangira impamvu mu nyandiko ishyikirizwa urwego.

Umuhuzabikorwa w'umuryango CLADHO, Murwanashyaka Evariste yatangaje ko ingingo z'uyu mushinga zinyuranye n'Itegeko Nshinga kuko ngo ridaha imiryango ubwigenge yari isanganwe.

Murwanashyaka, ashingiye ku gace ka 2 k'ingingo ya 13, yagize ati 'Twabonye rifite ibintu byinshi bitubangamiye. Mbere na mbere iyo urebye n'ibirimo, ubona binyuranyije n'Itegeko Nshinga rya Repubulika y'u Rwanda. Ntabwo rizaduha uburenganzira nk'imiryango itari iya Leta, ahubwo tuzaba tumeze nk'ibigo bya Leta.'

Umuyobozi w'umuryango Never Again Rwanda, Dr Nkurunziza Ryarasa Joseph, yagaragaje ko ubwo uyu mushinga wategurwaga, RGB itabanje gutega amatwi imiryango itari iya Leta kugira ngo yumve ibitekerezo byabo.

Ingingo ya 41 y'uyu mushinga ivuga ko 'umuryango unaniwe guhagarika by'agateganyo cyangwa gukuraho umwe mu bagize ubuyobozi bwawo uba ukoze ikosa, uba ukoze ikosa kandi urwego [RGB] ruhagarika by'agateganyo cyangwa rugakuraho umwe cyangwa benshi mu bagize ubuyobozi bwawo.'

Dr Ryarasa yavuze ko hari uwayikoresha nabi, agira ati 'Ikibazo kiri muri iri tegeko ni uko, iyo ukora itegeko uba ureba ejo hazaza. Ubu dufite ubuyobozi bwiza ariko hari undi ushobora kuza, agakoresha rya tegeko, akarangiza sosiyete sivile mu gukora ubuvugizi, undi agakoresha iryo tegeko, akirukana uwo ari we wese yumva ko batabyumva kimwe. Ni ho ruzingiye.'

Umuyobozi w'umuryango Legal Aid Forum w'abunganizi mu mategeko, Me Kananga Andrews yagaragaje ko afite impungenge y'uko uyu mushinga ubaye itegeko, ushobora gutuma hari imwe mu miryango itari iya Leta yahagarika ibikorwa byayo.

Me Kananga yagize ati 'Imiryango myinshi izafunga. Hari ibishingirwaho bagiye bashyiraho by'ubugenzuzi. Nta muntu urwanya ubugenzuzi ariko byagora cyane cyane imiryango mito mito. Ibisabwa ubwabyo byikubye inshuro zingahe ibyari bisanzwe.'

Dr Kaitesi yatangaje ko Leta y'u Rwanda itubakiye ku mahame yo kubuza uburenganzira imiryango itari iya Leta, asobanura ko ahubwo yubakiye ku mahame akomeye yo kubazanya inshingano, arimo ingingo yo gukemura amakimbirane muri iyi miryango.

Yagize ati 'Kubazanya inshingano, ntabwo byakabaye bikwiye ko sosiyete sivile ari yo ibangamiwe n'amategeko yo kubazanya inshingano kuko bibaha uburenganzira bwo kuzitubaza natwe Leta ariko ntibazitubaza badafite umuco wo kwibaza inshingano ubwabo.'

Biteganyijwe ko uyu mushinga uzasuzumwa na Komisiyo ibishinzwe mu Nteko Ishinga Amategeko y'u Rwanda mbere yo kuwufataho umwanzuro. Imiryango itari iya Leta yatanze ibitekerezo ku ngingo yifuza ko zahinduka, cyane cyane izivugwa haruguru.

Me Kananga yavuze ko hari imiryango izafunga imiryango mu gihe uyu mushinga waba itegeko

Dr Kaitesi yagaragaje ko imiryango ibangamiwe n’uyu mushinga idashaka kubazwa inshingano

Abahanzi Nyarwanda b'indirimbo zo kuramya no guhimbaza Imana ntibigeze bahwema gushyira hanze ibihangano bihumuriza bikanakomeza abanyarwanda n'abakristo by'umwihariko muri uku kwezi kubumbatiye amateka ashaririye y'u Rwanda n'abanyarwanda.

Mu ndirimbo zitandukanye zagiye hanze muri uku kwezi, InyaRwanda yaguhitiyemo indirimbo 10 zahize izindi:

1.     Asama Ndakuzuza — Chryso Ndasingwa

“>

Umuramyi uri mu bakomeje kwigaragaza neza, yatangiye ukwezi kwa Mata ahumuriza imitima y’abantu, abibutsa ko Imana ariyo ibeshaho abayo n’aho baba babona bigoye cyane. 

Ku wa Gatandatu w'icyumweru gishize, umuhanzi mu muziki wo kuramya no guhimbaza Imana, Chryso Ndasingwa, yashyize hanze indi ndirimbo nshya “Inkomoko” yakoreye i Nyamirambo. 

Uyu muhanzi kandi, afite igitaramo gikomeye yise 'Wahozeho Live Concert' azakorera muri BK Arena ku wa 5 Gicurasi 2024. Azaba ari kumwe na Aime Uwimana, Papi Clever na Dorcas, True Promises, Josh Ishimwe, Azaph Music International na Himbaza Club.

2.     Respect — Tonzi

“>

Umuramyi Tonzi yamaze gushyira hanze amashusho y’indirimbo ‘Repect’ yitiriye album ye ya cyenda aherutse kumurika, akaba ari amashusho yafatiwe mu gitaramo aherutse gukora. Mu ijoro ryo ku wa 26 Mata kandi nabwo yashyize hanze andi mashusho y’indirimbo “Asifiwe”.

3.     Agakiza/Umuragwa by Jado Sinza

“>

Umuramyi Jado Sinza uherutse gukora igitaramo cy’amateka cya ‘Redemption Live Concert’ agafatiramo amashusho y’indirimbo zinyuranye, yinjiye muri Mata ashyira ahagaragara imwe muri izo ndirimbo yise ‘Agakiza,’ igaruka cyane ku gisobanuro cya Pasika.

4.     Ntjy'Uhinduka — Prosper Nkomezi

“>

Umwe mu bahanzi b’indirimbo ziramya zikanahimbaza Imana, Prosper Nkomezi nawe yahamije ubudahangarwa bw’Imana buhoraho iteka ryose mu ndirimbo yise ‘Ntujy’uhinduka.’

5.     Nta rindi zina — Nice Ndatabaye

“>

Umuramyi Nice Ndatabaye watangiranye uyu mwaka imbaduko idasanzwe, yashyize hanze indirimbo yise ‘Nta rindi zina,’ ikaba ikubiyemo ubutumwa buvuga ko nta rindi zina abantu bashobora gukirizwamo ritari irya Yesu.

6.     Ndakomeye — Gabby Kamanzi

“>

Nyuma y’igihe kirenga umwaka wose adashyira hanze indirimbo, Gabby Kamanzi yagarukanye indirimbo yise ‘Ndakomeye’ yasubijemo benshi ibyiringiro muri uku kwezi.

7.     Ni Heri Kuona Ndugu — Papi Clever & Dorcas ft Merci Pianist

“>

Itsinda rya Papi Clever na Dorcas bafatanije na Merci Pianist muri uku kwezi, bashyize ahagaragara amashusho y’indirimbo bashyize mu rurimi rw’Igiswahili bayita ‘Ni Heri Kuona Ndugu,’ ikaba itanga ibyiringiro ku bizeye Kristo ko bazahura na Kristo.

8.     Ihema ryo Gushima — Senga B

“>

Umuhanzi Senga B ukorera umurimo w'Imana muri Canada nawe muri uku kwezi kwa Mata yazirikanye abakunzi b'umuziki wo guhimbaza Imana ashyira hanze 'Ihema ryo Gushima.'

9.     Jina Hilo — Christophe Ndayishimiye

“>

Umuramyi Christophe Ndayishimiye yashyize hanze indirimbo ikoze mu rurimi rw’Igiswahili yise ‘Jina Hilo,’ ishimangira ko izina rya Yesu ari izina ritanga ubuzima.

10. Urufatiro — Alicia & Germaine

“>

Ufitimana Alicia na Ufitimana Germaine ni abana b’abakobwa bakiri bato babarizwa mu Itorero rya ADEPR Ruhangira, bakaba ari imapano nshya umuziki wa Gospel Nyarwanda wungutse.

Aba bana bavukana, muri uku kwezi bashyize hanze indirimbo bise ‘Urufatiro,’ bandikiwe na Se ubabyara.

Kuri uyu wa Mbere tariki 29 Mata 2024 ni bwo Christopher Muneza yashyize hanze indirimbo nshya yise 'Vole'. Avuga ko yari afite indi yari yateguye gusohora, ariko birangira iyi ariyo abanje.

Aragira ati: 'Mfite home studio, Element yarahageze asanga hari utuntu natangiye kuyikoraho, yari kumwe n'umucuti wanjye Sean Brizz barambwira bati byaba byiza tuyikoze byihuse.'

Hano yumvikanishaga ko cyari igitekerezo we atari afiteho gahunda y’ako kanya, nyamara Element na mugenzi we bayumvise barayikunda birangira bateguye kuyikoraho.

Avuga ko amajwi yayo bayakoze mu gihe cy'umunsi umwe, amashusho yayo akaba yarakozwe na Chretien murumuna wa Christopher usanzwe amufasha ku ndirimbo zitandukanye.

Christopher yatangaje ko amashusho yayo yakozwe hibazwe ku muco w'imideli, ubuvanganzo n'umuco. 

Christopher ashyize hanze iyi ndirimbo mu gihe ageze kure imyiteguro y'ibitaramo afite muri Canada anategura umuzingo mushya agiye gushyira hanze nyuma y'imyaka igera ku 10.

KANDA HANO UREBE UNUMVE INDIRIMBO NSHYA YA CHRISTOPHER

Christopher yamaze gushyira hanze indirimbo nshya yise “Vole” yasimbuje iyo yari yateganije gushyira hanze Element na Christopher bakoze indirimbo “Vole” mu gihe cy’umunsi umwe Sean Brizz na Element ni bo mvano y’indirimbo nshya ya Christopher #Vole

Nimvuga Ben na Chance, wumva itsinda ry’umugabo n’umugore biyemeje gukorera Imana uko bashobojwe. Wibuke indirimbo ziryohera benshi nka: “Yesu Arakora”, “Amarira”, “Impano y’Ubuzima”, “Mu nda y’Ingumba”, “Itegure Urahetse”, “Urupfu” Fr Rene & Tracy, “Mu Bwami bw’Imana haraka”, “Zaburi Yanjye” na “Kiganjani” imaze iminsi itatu iri hanze.

Aba baramyi bazwiho kwandika indirimbo zishingiye ku buhamya bw’ibyo babonesheje amaso yabo dore ko banyuze mu bikomeye birimo kubona urubyaro nyuma y’igihe kinini bategereje, ni ubwa mbere bataramiye muri Canada nyuma y’imyaka 7 bamaze mu muziki nka Couple. Bataramiye muri Canada bigizwemo uruhare na Ev. Willy Gakunzi wabatumiye.

Iki gitaramo cyiswe “Let’s Worship Together with Ben and Chance” cyabereye muri Ottawa tariki 27 Mata 2024. Cyateguwe na Willy Gakunzi abinyujije mu muryango we w’ivugabutumwa witwa Heart of Worship In Action Foundation. Cyabimburiye ibindi byinshi aba baramyi bazakorea muri iki gihugu mu byiswe ‘Canada Tour’. 

Ben na Chance beretswe urukundo rwinshi n’abatuye muri Canada dore ko cyitabiriwe cyane ndetse amakuru inyaRwanda icyesha umwe mu bacyitabiriye ni uko amatike yacurujwe agashyira. Uwadushye amakuru yavuze ko yagiyeyp ashaka itike ya VIP arayibura kuko yose yari yashize, ku bw’amahirwe abona iyo mu myanya isanzwe, gusa nayo yaje gushira.

Mu kiganiro na InyaRwanda, Mbanza Chance umwe mu bagize Ben & Chance, yadutangarije akari ku mutima we nyuma yo gutaramira bwa mbere muri Canada. Yavuze ko icyamukoze ku mutima kurusha ibindi ni “ukubona abantu benshiii bakunda Imana bakanakunda ibyo Imana itunyuzamo (indirimbo)”.

Nyuma yo kuririmba indirimbo nyinshii cyanee hafi ya zose mu zo bafite kandi zose zikishimirwa cyane, kuko “nabonye ntanimwe batishimiye”, Chance yabihaye agaciro kenshi ndetse agira icyo yisabira aba bakunzi babo. Ati “Icyo twababwira ni uko bakomeza kunezererwa Imana kuko ariyo yonyine yo kwizerwa”.

Chance wari uherutse kusezeranya abanya-Canada igitaramo cy’umuriro muri Ottawa, yashimiye abitabiriye igitaramo cyabo ku bw’urukundo babagaragarije anabasabira umugisha mwinshi ku Mana. Ati “Ikindi nukubashimira cyanee kurukundo batugaragarije rwinshi rurenze Imana ibahe umugisha mwinshi”. 

Ben na Chance bakoze igitaramo gikomeye muri Canada bataramiyemo bwa mbere

Nyuma ya Toronto na Ottawa, Ben na Chance bazataramira muri Edmonton tariki 11 Gicurasi 2024, bakurikizeho mu mujyi wa Vancouver tariki 18 Gicurasi 2024, bazakurikizeho Winnipeg tariki 25 Gicurasi 2024, basoreze Montreal tariki 01/06/2024. Amatike yo kwinjira muri ibi bitaramo ari hanze. Kanda HANO ugure itike ya Toronto.

Willy Gakunzi wateguye ibi bitaramo yabwiye inyaRwanda ko “Ben & Chance yabatumiye bitewe n’ubuhamya bwabo bwiza abaziho. Ati “Ni abakozi b'Imana twakoranye mu bihe bitandukanye. Ni abantu nzi neza ko bafite umutima wo kuramya by'umwimerere. Twaririmbanye na Chance kera tukiri abana, na nyuma yaho nabanye na Ben nk’umuryango.”

Yakomeje agira ati “Ni abantu twakomeje kugirana ubusabane ndetse tuza no gukorana indirimbo muri 2020. Ubwo nazaga gutangiza Heart of Worship in Action Foundation i Kigali muri 2019, ni bamwe mu baramyi nanone twakoranye. Muri make, Ben & Chance ni abakozi b'Imana nkunda, nubaha, nemera kandi mbonamo imbuto yo kuramya by’ukuri”.

Willy Gakunzi wakoranye na Ben na Chance indirimbo bise “Uhoraho”, avuga ko intego nyamukuru y’ibi bitaramo ari ukwagura ubwami bw'Imana, guhuza umubiri wa Kristo mu karere k’ibiyaga bigali ndetse na Canada, hanyuma bikabaha imbaraga zo gushyira kuramya kwabo mu bikorwa.

Ati “Mu by’ukuri ntabwo njye, Willy, ku giti cyanjye ninjiye mu gutegura ibitaramo, ahubwo nk’umuyobozi w’umurimo, ni bimwe mu nkingi duhagazeho zituma dukora umurimo. Mission yanjye ni uku empowering umubiri wa Kristo biciye mu mpano zitandukanye yantije, haba mu bihangano, mu gutegura ibitaramo n’ibiterane, mu kwigisha;

Mu kwandika, mu bikorwa byo guteza imbere abandi, ndetse no mu kazi nkora buri munsi, mparanira ko Yesu ashyirwa hejuru. Ni cyo nifuza kandi nicyo nsaba buri munsi. Canada ndetse n’abandi bose hirya nohino, ndabatumirango muzaze dufatanye kuzamura Izina rya Yesu ubwo tuzaba turi kumwe n’abakozi b'Imana Ben & Chance”.

Igitaramo cyabo cyitabiriwe cyane amatike yos arashira

Imyaka 7 irashize kuva Ben na Chance batangiye kuririmbana nk’umugabo n’umugore. Indirimbo batangiriyeho ni “Ririmbira Umwami” yageze hanze mu 2016. Icyo gihe inyaRwanda yabanditseho inkuru ivuga ngo “Couple ya Ben na Chance abaririmbyi bakomeye ba Alarm Ministries batangiye kuririmba ku giti cyabo”.

Beretswe urukundo rwinshi, babera benshi icyitegererezo mu muziki wa Gospel dore ko nyuma yabo twatangiye kubona andi ma ‘couples’ menshi yateye ikirenge mu cyabo nka James na Daniella, Papi Clever na Dorcas, Zabron na Deborah, Rene & Tracy n’abandi. Kuri ubu umugabo ushatse umugore uzi kuririmba, bahita baririmbana nka couple.

Ben na Chance bazwi nk’inzu yo kuramya Imana [House of Worship] ni abaririmbyi bakomeye ba Alarm Ministries, bakaba abakristo muri Foursquare Gospel church. Chance yahamije ko kuririmbana nka ‘Couple’ bazabikomeza na cyane ko biri mu muhamagaro wabo n’iyerekwa bafite ry’uko inzu yabo izakorera Imana.

Chance ufatwa nk’ishyiga ry’inyuma muri Alarm Ministries nayo ifatwa nk’umubyeyi w’andi matsinda yose mu Rwanda, yagize ati: “Tuzakomeza kuririmba nka couple, twembi dusengera Foursquare. Vision ni ukubaka ubwami bw'Imana uhereye mu rugo (Njye n'inzu yanjye tuzakorera Uwiteka) Joshua 24: 15”.

Igitaramo cyabo cya mbere bagikoze kuwa 20 Gicurasi 2018, muri Kigali Serena Hotel. Icyo gihe bamurikaga Album yabo ya mbere bise ‘Izina rya Yesu Rirakomeye’. Ni igitaramo Ben na Chance batumiyemo Aline Gahongayire, Bigizi Gentil (Kipenzi), Healing Worship Team na Alarm Ministries.

Abanya-Canada bishimiye cyane gutaramana na Ben na Chance

Ev. Willy Gakunzi yashimiye Ben na Chance n’abitabiriye igitaramo cyabo

Ubu amaso yose ahanzwe i Toronto ahazabera igitaramo cya kabiri cya Ben na Chance

Ni amafaranga azahabwa ibihugu bya Afurika birimo Bénin, Cameroun, Côte d'Ivoire, u Rwanda, Tanzania, Uganda na Zambia.

Azanyuzwa mu kigo cy'imari cy'Abongereza, Citi, biciye mu mabanki atandukanye yo muri Afurika gikorana nayo.

Ayo mafaranga azahabwa imishinga ifite ibikorwa bizana iterambere muri Afurika, by'umwihariko igira uruhare mu kwinjiza ku mugabane ibikomoka ku ngano, ifumbire, umuceri n'isukari.

Inkunga izahabwa kandi ibigo bigira uruhare mu kongera umusaruro haba uw'ibucuruzwa, gutwara abantu n'ibintu, imashini zifashishwa mu nganda n'ibindi.

U Bwongereza butanze iyi nkunga mu gihe benshi mu bashoramari n'ibigo by'amikoro make muri Afurika byakomwe mu nkokora n'icyorezo cya Covid-19 n'ubwiyongere bw'ibiciro wongeyeho n'inguzanyo zihenze, byakurikiye intambara y'u Burusiya na Ukraine.

Minisitiri w'u Bwongereza ushinzwe Iterambere na Afurika, Andrew Mitchell, yavuze ko iyi nkunga igaragaza umuhate w'igihugu cye mu guteza imbere ubukungu bwa Afurika.

Ati 'Bigaragaza umuhate wa BII mu gufasha ibihugu bikennye hirya no hino muri Afurika kubona uburyo bwo kongera umusaruro w'ibiribwa babona ifumbire, imashini zifashishwa mu buhinzi n'ibindi.'

Nick O'Donohoe uyobora British International Investment yavuze ko inkunga batanze izakoreshwa cyane mu kuzahura ubucuruzi bwagorwaga no kwaguka kuko nta gishoro gihari, bigasubiza inyuma urwego rw'ubucuruzi muri Afurika n'umusaruro ukaba muke.

Kuva mu 1948, British International Investment ikorana na ba rwiyemezamirimo bo muri Afurika, mu gihe Citi yo yafunguye ishami ryayo rya mbere ku mugabane mu 1920. Citi ikorana n'amabanki asaga 200 , igamije gufasha ibigo bisanzwe bifite intego nziza ariko bigorwa no kubona igishoro cyo kwagura ibikorwa cyangwa kugeza ibyo bikora ku masoko.

Imishinga y’ubuhinzi iri mu izaterwa inkunga muri iyi gahunda

Ikigo gishinzwe guteza imbere ingufu (EDCL) gishinzwe gukwirakwiza amashanyarazi hirya no hino mu gihugu.

Muri raporo y'Umugenzuzi Mukuru w'Imari ya Leta ya 2022/2023 hagaragaramo ko mu kubaka urugomero rwa Nyabarongo ya kabiri, hagiye hakoreshwa ibikoresho bihenze ugereranyije n'uko bihagaze ku isoko.

Tariki 29 Mata 2024 EDCL yisobanuye imbere ya komisiyo ya PAC, ku buryo bakoresheje umutungo wa Leta cyane cyane mu gushyira mu bikorwa umushinga wa Nyabarongo II.

Umuyobozi Mukuru wa EDCL, Gakuba Felix yavuze ko inyigo y'ibanze yari yerekanye ko bazakenera ubutaka bungana na hegitari 123 ariko inyigo irangiye yagaragaje ko ubutaka bukenewe ari buto cyane ugereranyije n'ubwari bwateganyijwe.

Ati 'Uyu mushinga inyigo yawo yaje kutwereka uburyo bwiza bwo gukora 'dam' n'umusingi wayo, itwereka amabuye dukenera n'uburyo tuzayikora kugira ngo ubutaka tubuhe imbaraga uzabe ukoze dam ubwawo. Ntabwo ubutaka tuzakeneraa bungana na hegitari 123 zose ahubwo ubutaka koko dukeneye kandi twiteguye kugenda dutangiraho ingurane ni hegitari 62 gusa.'

Perezida wa PAC, Valens Muhakwa yabajije impamvu hishyuwe miliyari 3.7 Frw ku butaka buto cyane nyamara icyo giciro cyari cyaragenewe hegitari 123.

Ati 'Ariko na ho haba harimo guhendwa kuko niba mwarateganyije kwishyura miliyari 3.7 Frw kuri hegitari 123 mukaba mwarayishyuye kuri hegitari 62 haracyarimo cya kibazo cyo kumenya ngo mwari mukeneye ibingana iki kugira ngo mukore umushinga ugende ugere kucyo ugamije kugeraho?'

Gakuba yasubije ko inyigo ya mbere yerekanaga ko bazacukura metero 40 z'ubujyakuzimu bakazafata ubwo butaka ngo buhuzuye cyangwa hakajyamo ibindi bintu kugira ngo huzure.

Nyuma ngo hakoreshejwe ubundi buryo bwatumye hakoreshwa ibikoresho bikeya ugereranyije n'ibyari biteganyijwe. Ibikoresho byakoreshejwe birimo amabuye byavuye mu butaka EDCL yahaye rwiyemezamirimo.

Depite Bakundufite Christine yavuze ko Leta yahombye cyane kuko ubutaka bwaguzwe ari buto ugereranyije n'amafaranga yari yagenwe.

Ati 'Bari kutubwira ko ayo mafaranga yishyuwe, niba nibura iyaba yarishyuwe kuri hegitari 123 ariko niba yarishyuwe hegitari nkeya noneho twaba twarahombye kurushaho.'

Gakuba yavuze ko iyo bahaye rwiyemezamirimo uburenganzira bwo kujya gushaka amabuye n'imicanga ku ruhande bituma igiciro cyiyongera.

Ati 'Hari ibyo nyiri igikorwa ashobora kuba yamuha kugira ngo igiciro kibe cyagabanyuka na we agashaka ibindi.'

Gakuba yavuze ko nyuma yo gukora aya amasezerano hari benshi bababwiye ko batahenzwe, ahubwo ko ibyo bakoze birimo inyungu.

Depite Bakundufite Christine we asanga ibyo kumva batarahenzwe ari ibyo bitekerereje kuko raporo igaragaza ko ibiciro by'ibikoresho bakoresheje bihenze kurusha ibyakoze ahandi.

'Ntabwo ndi kumenya uwababwiye ko batahenzwe. Iyi raporo itubwira ko ibikoresho byakoreshejwe byaguzwe ku giciro cyo hejuru ugereranyije n'ibiciro byo ku isoko ndetse n'ibiciro by'ibyakoreshejwe ku yindi mishinga yenda gusa nk'iyi ngiyi.'

Gakuba yasobanuye ko igihe bari gukora imishinga minini bagendera ku giciro mbumbe kugira ngo ibikoresho nibishira rwiyemezamirimo atazashaka kongeramo ibindi bintu ku giciro cyo hejuru.

Iyi ngingo yabaye nk'ifata umwanya munini kuko Depite Muhakwa yavuze ko 'murasa n'aho mugira muti nitugira amahirwe amafaranga akarenga rwiyemezamirimo nta kintu azatubaza ariko se noneho nibitagera no muri kimwe cya kabiri ntacyo azadusubiza.'

Ahari kubakwa urugomero rwa Nyabarongo II hari ubutaka bwishyungo, bwimuweho abaturage ariko biza kugaragara ko budakenewe