Category: Uncategorized

Amabwiriza ya WASAC Group ateganya ko umuntu usabye amazi yujuje ibisabwa agomba guhabwa amazi mu gihe kitarenze iminsi ibiri.

Raporo y'Umugenzuzi Mukuru w'Imari ya Leta ya 2022/2022 igaragaza ko mu bakiliya 459 bagenzuwe harimo 249 bahawe amazi hagati y'iminsi 10, hari n'abageze ku minsi 619, bivuze bari bagiye kumara imyaka ibiri bategereje.

Tariki 29 Mata 2024, WASAC Group yitabye PAC ngo isobanure uburyo yakoresheje ingengo y'imari umwaka wasojwe muri Kamena 2023.

Umuyobozi ushinzwe ubucuruzi muri WASAC Group, Bahige Jean Berchmans, yatangaje ko abantu batinda guhabwa amazi ahanini bituruka ku ibura rya mubazi kuko zituruka hanze y'igihugu.

Perezida wa PAC, Depite Muhakwa Valens, yahise amubaza ati 'Imyaka ibiri? Mukagira ikibazo cya mubazi nke iminsi 600 hafi imyaka ibiri?'

Ibi bisobanuro ntibyumvikanye no ku bandi badepite nka Mukabalisa Germaine wahise avuga ko bidakwiriye ko Umunyarwanda yamara imyaka ibiri atarahabwa amazi.

Ati 'Kuki Umunyarwnda yamara iminsi 600 mutamuhaye amazi? Kuki mumara indi 300 mutamwandikiye ngo mumubwire, ni cyo turi kukubaza, kuki mumara indi 300 mutamwandikiye ngo mumubwire.?'

Yagaragaje ko impamvu zituma aba bantu badahabwa amazi mu gihe cyagenwe ziba zidafatika.

Depite Ntezimana Jean Claude we yavuze ko hatagaragara ibigenderwaho mu gutanga amazi mu baturage, binatuma hari abashobora gukeka ko abanyantege nke bashobora kuba ari bo badahabwa serivisi neza.

Umuyobozi Mukuru wa WASAC Group, Prof Omar Munyaneza, yagaragaje ko muri iki gihe hafashwe ingamba zo kujya batumiza mubazi hakiri kare.

Ati 'Twemeje ko tugiye kujya dutumiza mubazi zikaza kare, ndetse hari bimwe muri politike n'amabwiriza turi kuvugurura kugira ngo hashyirweho n'uburyo bworoshye bwo kubona mubazi noneho igihe cyose abaturage basabye bajye baba bazifite.'

Yanagaragaje ko ubu umuntu ufite inzu ashobora gusaba mubazi zirenze imwe mu gihe yifuza gukoresha neza amazi mu nzu ye.

Yanavuze ko hasubijweho uburyo bwo gukoresha ikoranabuhanga mu gutanga ubusabe kugira ngo umuturage usabye amazi cyangwa ufite serivisi ashaka ajye asubizwa vuba.

Prof Munyaneza yanavuze ko mu miterere mishya y'ikigo ubu basigaye bafite umukozi muri buri karere kandi bazajya batanga izo mubazi batagombye kuzifata i Kigali nk'uko mbere byajyaga bigenda.

WASAC Group yemereye PAC ko ibibazo byinshi byagaragaye mu mikorere bizakemuka mu gihe cy'imyaka ibiri.

Iri bura ry'umuriro ryabaye ku mugoroba w'itariki 28 Mata 2024 mu bice byinshi by'igihugu, REG ivuga ko ahenshi ryamaze iminota 57 ariko ko kuva ku munota wa 25 umuriro ugiye hari hamwe watangiye kugaruka, bivuze ko hari abatamaze iyo minota yose 57 bawutegereje.

Umuriro wabuze kuva Saa 18:47 z'umugoroba ariko kugeza saa 19:45 ahantu hose wari wagarutse.

Umuyobozi ushinzwe guhuza ibikorwa muri REG, Zawadi Geofrey, yabwiye IGIHE ko iryo bura ry'umuriro ryatewe no kuvaho k'umuyoboro wa Kibuye kandi ari wo wari uri kuvanwaho umuriro mwinshi ugeraranyije n'indi isigaye.

Ati 'Habaye ikibazo ku muyoboro wa Kibuye kandi ni ho twari turi gukura umuriro mwinshi ungana na megawati 40 muri uwo mugoroba uvuye mu ruganda rwa Shema Power Plant ruri mu Kiyaga cya Kivu.”

“Icyo kibazo cyabaye ku muyoboro wa Kibuye cyahuriranye n'uburemere bw'umuriro twarimo dukurayo uwo [muyoboro] uvaho bihita bigira ingaruka ku zindi nganda zacu nyinshi na zo zivaho'.

Yavuze ko ibyo bikimara kuba umuyoboro wa Kibuye n'indi myinshi yahise ivaho kuko iyo habaye ikibazo kiremereye ku muyoboro umwe bigira n'ingaruka ku yindi, ibyo bikaba ari byo batumye henshi mu gihugu umuriro ubura kandi ikibazo cyabaye ku muyoboro umwe gusa.

Urugomero rwa Nyabarongo I ni rwo rwahise rwitabazwa mu gutanga ubufasha bwo gufasha izindi nganda n'urwo rwo mu Kivu kongera gukora kuko iyo habaye ikibazo nk'icyo n'izo nganda zihagarika gukora kuko ziba na zo zikoreshwa n'amashanyarazi anyura muri iyo miyoboro.

Ati 'Hahise habaho ubutabazi bwo kugira ngo inganda zindi zavuyeho zisubireho hifashishijwe Urugomero rwa Nyabarongo I kuko rwo rufite ikoranabuhanga ryo kongera kwishitura mu gihe imiyoboro y'umuriro igize ikibazo'.

Abajijwe ku cyaba cyateye umuyoboro wa Kibuye kuvaho, yavuze ko bakiri mu iperereza kuri icyo kibazo gusa ko mu gihe cy'imvura ibyo biba bishoboka.

Ati 'Ni ibintu biri tekinike cyane cyane nko mu gihe nk'iki cy'imvura ibihe bitameze neza biba bishoboka. Mu bihe by'imvura ni bwo dukunda kugira ibibazo by'ibura ry'amashanyarazi kandi biba bifitanye isano nayo ariko si yo mpamvu gusa. Kugira ngo umuyoboro uveho ariko biterwa n'impamvu zirenze imwe ni yo mpamvu tugikora iperereza'.

Zawadi yavuze ko iri bura ry'umuriro ryabaye mu bice byinshi by'igihugu ariko hataramenyekana neza niba ari byose. Yavuze kandi ko REG iri gukora ibishoboka byose ngo ikibazo nk'iki nticyongera ndetse yihanganisha abagizweho ingaruka bose.

Nta makuru aramenyekana ku byaba byangijwe n'iri bura ry'umuriro nko kuhatangirwa serivisi zikenera umuriro mu buryo buhoraho gusa REG ivuga ko kuri ubu ahenshi bakenera umuriro gutyo bafite ubundi buryo bashobora kwifashisha mu gihe umuriro ubuze birinda ko hagira ibyangirika bawutegereje.

Uruganda rwa Shema Power Plant ruri mu Kivu ni rwo rwatangaga umuriro mwinshi mu gihe umuyoboro Kibuye wavagaho

Umuhanzi ukomeye wo muri Tanzania, Diamond Platnumz yavuze ko hari igihe nyina yarwaye pararize (Paralyze) nta bushobozi bafite.

Ni mu kiganiro yahaye Wasafi aho yavuze ko yakuriye mu buzima bugoye, aho kubera ubushobozi buke bwa nyina yavuye mu ishuri.

Yavuze ko muri 2013 mbere y’uko umwana we Tiffah avuka, nyina yagize ikibazo cya stroke cyamuteye kuba paralyze.

Ati “ndi umutangabuhamya w’ibihe bigoye mama yanyuzemo, byatumye mva mu ishuri.”

“Muri 2013 mbere y’uko Tiffah avuka, mama yarwaye stroke yamuteye kuba pararize (paralyze).”

Diamond Platnumz yakuriye muri Tandale, aho babaga kwa nyirakuru.

Diamond Platnumz yasangiraga na nyirakuru icyumba, ni mu gihe nyina byamusabye kujya gukodesha kuko batari gukwirwa mu nzu imwe bose.

Uyu muhanzi usigaye uzwi nka Chibu Dangote, yatangiye kugaragaza urukundo rw’umuziki ubwo yari mu wa 5 w’amashuri abanza. Nyina yabimufashijemo akajya amugurira Album z’abahanzi, amujyana mu bitaramo bitandukanye kuko yizeraga ko umwana we yazaba umuhanzi ukomeye.

Diamond Platnumz kugira ngo akore indirimbo ya mbere, yibye impeta ya nyina arayigurisha.

Yakoze akazi gatandukanye kugira ngo abone amafaranga yo kujya muri studio, yacuruje chagua, akora kuri station ya essence yanabaye umufotozi.

Yakomeje kwihiringa kugeza ku ndirimbo yise ‘Kamwambie’, yatumye amenyekana, ni indirimbo yemeje ko yari yahimbiye umukunzi we wa mbere witwa Sarah.

Diamond Platnumz yavuze ubuzima bugoye we na nyina bakuriyemo

Mu gitondo cyo kuri uyu wa Mbere tariki 29 Mata 2024, ni bwo abashumba bayoboye amatorero atandukanye akorera umurimo w’Imana mu Mujyi wa Kigali bateraniye ku rusengero rw’Itorero Anglican ruherereye i Remera, aho baganiraga ku nyigisho zitandukanye zishingiye ku buyobozi n’ububyutse.

Umwe mu baganirije aba bakozi b’Imana, ni Pastor Barore Cleophas, umushumba mu Itorero ADEPR wavuze ku buryo bukwiye gukoreshwa mu isakazwa ry’amakuru muri iki gihe Isi n’igihugu bikomeye kwihuta mu ikoranabuhanga.

Barore yavuze ko muri iki gihe abantu bose by’umwihariko abakiri bato bimukiye kuri interineti, aho bagera bakiyoberanya bitewe n’amategeko n’amabwiriza aharangwa ku buryo bigoranye kuhatandukanyiriza abanyangeso nziza n’abanyangeso mbi kuko abenshi biyita amazina atari ayabo byaba ngombwa n’amafoto abaranga bagashyiraho ay’abandi. 

Kimwe mu bibazo by’ingutu abashumba benshi bakomeje kwibaza muri iki gihe, ni ukwibaza niba bakwiriye kujya kuri izi mbuga nkoranyambaga bigaragaza nk’abashumba cyangwa niba bakwiye kujyayo biyoberanije kugira ngo bisanishe n’abo bayoboye muri iki gihe.

Akomoza ku mvugo zidasanzwe zikoresha ku mbuga nkoranyambaga muri iki gihe, Barore yagize ati: “Bafite n’imvugo zabo zitandukanye n’izo twe dusanzwe dukoresha. Ijambo ‘gutwika’ muri iyo Si y’ikoranabuhanga, baryemeranijweho ntacyo ritwaye. Ariko mu Isi isanzwe y’abantu tugenda, gutwika ni ikibazo ariko hariya ho si ikibazo baratwika bakimanukira bakigendera. 

Ngo ni ku mihanda, iyo mihanda ubanza itagira ibyapa, igirayo abafana n’abakurikira. Aho niho abantu bagiye, ayo makuru arizewe. Hariyo abacuruzi, hariyo indaya, hariyo serivisi zose abantu bashobora gukenera n’izo badakeneye.”

Yakomeje abwira abashumba ati: “Kuko rero abantu burya dushumbye mu nsengero ariho batuye, dukwiye kuba tubabaza ngo ‘iyo uriyo witwa nde kugira ngo no mu buryo bw’umwuka nzagufashe?’ Abakristo bacu bariyo ariko bitwa bande? Bakorayo iki? 

Niba tunabakurikiyeyo tugiyeyo turabashyira iki? Turajya kubibutsa iki? Kubera ko tekinoloji yababwiye ko kuri uwo mubumbe byemewe kwiyoberanya. Hanyuma rero aba bantu biyoberanije, umushumba azamenya abe bariyo ate? Ese ho nta bashumba wenda biyoberanije nabo bariyo?”

Yakanguriye aba bashumba kwibutsa abantu ko iyo Si bagenda bakiyoberanyamo nayo Imana iyizi kandi n’iyo bakwiyoberanya bate, Imana yo ibazi neza mu Isi zombi. Avuga ko rimwe na rimwe usanga kuri izo mbuga nkoranyambaga abakristo n’abashumba batukana batari bazi ko bose bahuriye mu itorero rimwe kuko baba barahinduye imyirondoro yabo. 

Nyuma yo gukebura abashumba abereka aho abakristo bahuguye muri iki gihe, yabibukije ko aribo ubwabo bakwiye kwiga ingamba z’uko bashyirayo abakristu babo ubutumwa bwiza kandi bakabubagezaho mu rurimi bumva bitewe n’aho bari. 

Barore yashimangiye ko nubwo amatorero menshi muri iki gihe ashyira amateraniro yayo kuri interineti akishimira kubona akurikiwe n’abantu benshi, akwiye kurushaho gutekereza ku cyatuma aba bantu bumva neza ubwo butumwa bwiza, akaba yashingayo Paruwasi cyangwa akabikora mu bundi buryo bwo kubegera kurushaho.

Ati: “Dukwiriye no gushaka umwanya wihariye ugenewe abo bantu batuye hirya iyo ngiyo, bakeneye umushumba, bakeneye inyigisho runaka, tukabibaha mu ishusho inyuranye no kuvuga ngo dushyireho korali, ugasanga korali iratinda kuririmba kandi bariya barihuta, dushyirero umwigisha ati abantu nibazamure amaboko, nimuhaguruke nimwicare, muri iyo si barimo ntabwo nziko bafite umwanya wo guhaguruka no kwicara, dukwiye gushaka ibyabo byihariye.”

Yasabye aba bakozi b’Imana gushaka impuguro n’inyigisho bagenera aba bantu zijyanye n’imbogamizi bahurira nazo ku ikoranabuhanga zirimo gutotezwa no kwirirwa batukwa umunsi wose. 

Yongeyeho ko niba bafashe icyemezo cyo gusangayo abayoboke babo, bakwiye no gushimangira ko izo nyigisho bagiye gutanga zigenewe abakoresha imbuga nkoranyambaga, mu rwego rwo kubafasha gufungukira kuvuga ibibazo bahurirayo na byo kugira ngo bamenye uko bifashisha ijambo ry’imana barokora ubuzima bwabo.

Barore yashimangiye ko abakozi b’Imana bakwiye kwibuka gukoresha ururimi abantu bumva ntibibwire ko babwiriza Isi yose mu Kinyarwanda gusa, ahubwo bahaguruke bige izindi ndimi zirimo Icyongereza, Igishinwa, Igifaransa n’izindi bitewe n’aho Imana ibahamagarira kubwiriza ibyayo cyane ko n’Ikoranabuhanga ryabyoroheje.

Yagize ati: “Dukeneye abapasiteri bize. N’abatarize turabakeneye, ariko dukeneye n’abo bize kugira ngo bashobore kujya kubwira ayo mahanga ubutumwa bwiza muri izo ndimi. Twige n’izi zo muri Afurika. Isoko ryaragutse, ariko twe kuvuga ngo turabwira isi yose mu Kinyarwanda ntibikunda. Indimi rero ni ngombwa bakozi b’Imana.”

Yongeyeho ko abashumba bakwiye kumenya kurera impano bakifashisha abazi indimi mu gutegurira inyigisho ngufi zigenewe abo mu isi idafatika y’ikoranabuhanga kuko nta mwanya uhagije bagira. 

Pastor Cleophas Barore, yasoje avuga ko isi igeze mu gihe cyo gukoresha ubwenge karemano (AI), avuga ko hari gukekwa ko mu gihe cya vuba abantu baratangira kwigishwa n’amarobo (Robots) kandi hashidikanwa ku nyigisho azigisha abo ku ikoranabuhanga. 

Ibyo yabigarutseho ashingiye ko muri iyi minsi amatorero ashyize imbaraga cyane mu gutangiza imbuga nkoranyambaga no gushyiraho amateraniro na gahunda zose z’itorero kuruta gukangurira abantu kwitabira amateraniro asanzwe, ashimangira ko hari ubwoba bw’uko mu minsi iri imbere abashumba b’abakiri bato baraba ari amarobo gusa kuko bamaze kuba imbata z’ikoranabuhanga.

Ati: “Twe kuko tudatwika rero, nidufashe n’abadufasha mu ikoranabuhanga. Umutwe agiye gushyira ku kigisho watanze, bishobotse mubanze muwemeranyeho kugira ngo atajya kwandikaho ngo karabaye, ijuru riraje nonaha n’andi magambo y’ibinyoma. Nubwo dukeneye ko abantu babifungura, ntabwo nkeneye ko wandika munsi y’izina ryanjye ngo ‘abivuze byose’.”

Pastor Cleophas Barore yahuguye abashumba b’amatorero atandukanye ku buryo bakwiye kwifashisha bageza ubutumwa bwiza ku bakristo n’abandi bantu bahugiye ku ikoranabuhanga muri iki gihe 

Ubwo hasozwaga umwaka w'Imikino mu mukino 2024 wa Basketball ikinwa n'Abafite Ubumuga, ikipe ya Gasabo mu cyiciro cy'Abagore n'iya Eagles mu cyiciro cy'Abagabo, ni zo zegukanye igikombe.

Iyi mikino yabaye kuri iki cyumweru tariki 28 Mata 2024, hasozwa imikino ngororamubiri irimo 'Wheelchair Basketball', umukino w'abafite ubumuga ukinwa n'intoki, aho bakina bicaye mu mugare.

Iyi mikino yahuje amakipe y'abagabo n'abagore, bakinaga bashaka umwanya wa mbere, umwanya wa Kabiri ndetse n'umwanya wa Gatatu ku bagabo waje kwegukanwa na Musanze itsinze ikipe ya Indangamirwa amanota 30-26.

Umwanya wa Kabiri wegukanwe na Kicukiro mu Bagabo n'aho umwanya wa Mbere wegukanwe na Eagles itsinze Kicukiro amanota 28-21, bityo Eagles yegukana igikombe.

Mu bagore, ikipe ya Gasabo niyo yegukanye igikombe itsinze Kicukiro amanota 10-8, ni mu gihe Kicukiro yegukanye umwanya wa Kabiri mu bagore.

Mu mwaka w'imikino ushize wa 2023, ikipe ya Kicukiro yegukanye Igikombe cya Shampiyona mu Bagabo, Gasabo icyegukana mu Bagore.

Musanze yegukanye umwanya wa Gatatu itsinze indangamirwa amanota 30-26

Ubwo Rwamungu Meshach Kapiteni wa  Eagles yari afite ishyaka ryinshi ryo gutwara ikombe

Abakinnyi ba Eagles bishimira igikombe bari batwaye batsinze ikipe ya  Kicukiro amanota 28-21.Kicukiro yatwaye umwanya wa abiri

Ibyishimo byari byose ku ikipe ya Gasabo nyuma yo gutwara igikombe batsinze Kicukiro amanota- 10-8. Kicukiro byarangiye yegukanye umwanya wa kabiri 

AMAFOTO: Ngabo Serge Inyarwanda.com

Ni igikorwa cyabaye ku gicamunsi cyo ku Cyumweru tariki 28 Mata 2024 cyahuje amagana y'abantu, ubwo hasozwaga Shampiyona y’Umupira w’Amaguru ya Diaspora ya Sudani cyabereye muri Kigali Universe iri hejuru ya CHIC, izafungurwa ku mugaragaro muri Gicurasi 2024. 

Abitabiriye iyi mikino bari barangajwe imbere na Ambasaderi wa Sudani mu Rwanda, Bwana Khaled Musa ndetse na Ambasaderi wa Libya, Bwana Ibrahim Sidi.

Nyuma y'iyi mikino, Coach Gael yaganiriye na Ambasaderi wa Sudani ndetse na Ambasaderi wa Libya. Umuyobozi Ushinzwe gukurikirana ibikorwa bya Kigali Universe, Kenny Mugarura [Murumuna wa Coach Gael] yabwiye InyaRwanda ko Coach Gael yaganiriye na bariya bayobozi ku mikoranire na Kigali Universe.

Ati 'Baganiriye ku kuntu abanya-Sudan bagira uruhare muri Kigali Universe binyuze mu bufatanye hagati y'Abanya-Sudan n'Abanyarwanda, kandi bashaka no kuzajya bahurira muri Kigali Universe, kugirango barusheho gukomeza umubano hagati y'ibihugu bibiri binyuze mu guteza imbere imyidagaduro ndetse na Siporo. Byari bimeze neza, buri kimwe cyari ku murongo.'

Coach Gael aherutse kubwira Televiziyo Rwanda ko igice cya mbere cy'iyi nyubako kigiye kuzura gitwaye hafi Miliyari 2 Frw.

Ati 'Turacyakomeza ariko ubu ari hejuru cyane ya miliyoni y'amadorali ya Amerika , turacyabyubaka kuko umushinga nk'uyu ntabwo wavuga ngo nonaha urarangiye ariko ibyo dushaka biracyatujyana hejuru ya miliyoni imwe n'igice y'amadorali ya Amerika buri munsi tugenda twunguka ibindi bintu bishya.'

Yavuze ko iyi nyubako izaba irimo ibikorwa binyuranye. Ati 'Kigali Universe ni ikintu kitari muri aka karere ka Afurika y'Uburasirazuba urabona ni hejuru y'inyubako ya CHIC ni hanini cyane hari metero kare zisaga 6000. '

'Izaba irimo ibibuga bito bya siporo zitandukanye, umupira w'amaguru, Basketball, Tennis na Golf bikinirwa mu nzu, harimo Restaurant, amaduka acuruza ibintu bitandukanye, ni ahantu abantu bazajya baza bagahuriramo bakanezerwa nk'umuryango, abana bafite ibyo bakora, ababyeyi nabo bari mu byabo baze bakore siporo bishime.'

Inyubako ya Kigali Universe, izajya iberamo imikino irimo iya Basketball n'iy'umupira w'amaguru (Football) n'ibindi bikorwa by'imyidagaduro nk'ibitaramo by'abahanzi.

Abanya-Sudani babarizwa mu Rwanda, bakinaga imikino ya mbere y’Abadiaspora yahuje ikipe ya Sudan ndetse n’ikipe ya Libya. Iyi mikino yabanje kubera ahantu hanyuranye nko muri Canal Olympia, no ku bindi bibuga bitandukanye, bahitamo ko isorezwa kuri Kigali Universe.

Ni ubwa mbere iyi nyubako ya Kigali Universe yubatswe na Coach Gael yakiriye imikino. Uhagarariye Ambasaderi wa Sudan mu Rwanda, Bwana Muhamed Muhammed yavuze ko u Rwanda barufata nk’igihugu cya kabiri, kandi bishimira uko u Rwanda rwabakiriye.

Mu kuganiro n'itangazamakuru ati “Turashima u Rwanda n’Abanyarwanda, kandi turashima uko twakiriwe. Abanya-Sudani baje mu Rwanda kubera ibibazo by’intambara biri iwacu/iwabo, rero u Rwanda turufata nk’igihugu cyacu cya kabiri.”

Umuyobozi w’ikipe ya APR FC, Col Richard Karasira yitabiriye kureba iyi mikino kubera ko mu ikipe ya APR FC bafitemo umunya-Sudan, Sharaf Eldin Shaiboub Ali Abdelrahman wanigaragaje muri iyi mikino.

Col Karasira yavuze ko igikorwa cyabashimishije. Ati 'Iki gikorwa twagitumiwemo cyane kubera ko dufite umwe mu bakinnyi b’abo Shaibub tubanye nawe, mwabonye baza no kudushyigikira no kuri Stade, tubikoranye hamwe nawe. Ni igikorwa twatumiwe kubera y'uko tugombaga kuza kwifatanya n'abo…'

Yavuze ko bamaze iminsi mu biganiro n'abanya-Sudan bigamije kuba bakoresha bimwe mu bikorwaremezo by'abo. Avuga ko kuba batumiwe ari ibintu bishimishije, kandi bigaragaza ko umupira 'ushobora kubaka Dipolomasi y'ibihugu'.

Karasira yavuze ko u Rwanda rwabaye muri Sudan 'dutabara mu nzira za Loni', kandi hari umubano mwiza hagati y'ibihugu byombi.

Sharaf Eldin Shaiboub yavuze ko bishimira uko abanya-Sudan bakiriwe mu Rwanda, avuga ko ari 'mu rugo hacu ha kabiri'. Ati 'Urabibona nawe buri wese uri hano arishimye. Benshi mu banya-Sudan batangije 'business' zinyuranye hano mu Rwanda.' Sharaf yanavuze ko yashimishijwe no gutwarana na APR FC igikombe cya 22 cya Shampiyona.

Uhereye ibumoso: Ambasaderi Khaled Musa wa Sudan, Coach Gael ndetse na Ambasaderi wa Libya, Ibrahim Sidi – baganiriye ku byaza umusaruro inyubako ya Kigali Universe yubatse hejuru ya CHIC

Ikipe ya Total Football n’iyo yegukanye igikombe itsinze ibitego 8-3 muri ‘Mini Foot’ yakinwaga 

Hasojwe Shampiyona y’Umupira w’Amaguru ya Diaspora yabereye muri Kigali Universe

Col. Karasira wa APR FC [Uri ibumoso] yashimye unufatanye busanzwe buri hagati y'u Rwanda na Sudan

Caoch Gael ari kumwe n'abayobozi banyuranye barimo uwabaye Ambasaderi wa Sudani, ndetse n'uwabaye Ambasaderi wa Libya mu Rwanda

Abadepite bagaragaje ko Ikigo Gishinzwe Amazi Isuku n'Isukura, WASAC Group, cyatangiye gushyira mu bikorwa umushinga wo gutunganya amazi yanduye ava mu Mujyi wa Kigali muri Kamena 2023.

Kuri uyu wa 29 Mata 2024 ubwo Ubuyobozi bwa WASAC Group bwisobanuraga ku makosa yagaragaye muri raporo y'Umugenzuzi Mukuru w'Imari ya Leta ya 2022/2023, hagaragajwe ko hari amakosa menshi yakozwe mu mikoreshereze y'umutungo wa Leta harimo no gushyiraho ibiciro mbumbe nyamara nta nyigo ya nyuma yari yashyirwaho.

Visi Perezida wa PAC, Depite Mukabalisa Germaine, yatangaje ko hari miliyoni zirenga 47$ zagenewe kubaka uruganda rutunganya amazi mabi mu Mujyi wa Kigali ruri kubakwa ahazwi nko ku Giti cy'Inyoni nyamara nta nyigo ya nyuma igaragaza ibizakenerwa.

Ati 'Hari n'aho hagiye hashyirwaho igiciro mbumbe n'urugero miliyoni 47$ na miliyari 12 Frw cyo kubaka mbere y'uko hatangwa igishushanyo cya nyuma. Umuntu akibaza ngo ese murashyiraho igiciro nta gishushanyo cya nyuma kibereka ishusho y'ibizakenerwa mu kubaka icyo giciro kiraba kigiyeho gute?'

Umuyobozi w'Ikigo gishinzwe Imishinga [WASAC Development], Eng Murekezi Dominique, yatangaje ko uyu mushinga watangiye gukorwa mu buryo bwihutirwa hakoreshejwe uburyo bwa 'Design and Build' aho rwiyemezamirimo ahabwa isoko hagendewe ku giciro mbumbe, agakora inyingo kandi anakora bimwe mu bikorwa.

Ati “Uyu mushinga urimo gukusanya amazi yo mu bice bya Nyarugenge, mu Mirenge ya Muhima, Nyarugenge na Gitega tukayatunganyiriza ku Giti cy'Inyoni, mu itegurwa ryawo wateguwe ku bufatanye na Leta y'u Rwanda na Banki y'Ishoramari y'i Burayi hakorwa inyigo y'ibanze ndetse n'ibijyanye no kubaka ariko basanga ari byiza ko ukora inyigo ari we ukwiye kuba ari kubaka.

Bigaragazwa ko uyu mushinga uri gushyirwa 'mu bikorwa ahandi hantu hubatse n'imihindagurikire y'umujyi kugira ngo bizafashe. Aha ni ho havuye ko mu gutanga isoko rwiyemezamirimo washakwaga yahawe gukora inyingo.'

Ati 'Icyo gihe mu nyigo y'ibanze habayeho kugena igiciro umushinga uzatwara ari na cyo cyahereweho Leta ishaka amafaranga muri Banki Nyafurika itsura Amajyambere.'

Perezida wa Komisiyo Depite Muhakwa Valens yavuze ko nta cyashingiweho hashyirwaho igiciro cy'inyigo n'icyo kubaka.

Ati 'Mwagendeye kuki muvuga ngo icyiciro cy'inyingo kizatwara aya mafaranga no kubaka bizatwara aya mafaranga? Kuko hari amakuru atari yuzuye namwe mubona ko itarangiye, kuko mwavuze ngo ibi bizatwara aya kandi namwe inyigo ya nyuma itarangiye?'

Eng Murekezi yavuze ko bakurikije inyigo y'ibanze yateganyaga ko umushinga uzatwara miliyari 81 z'Amayero ari na yo yaturutse muri AfDB mbere yo guha amasezerano rwiyemezamirimo.

Yagaragaje ko iyo hakorwa inyigo igaragaza ibikorwa by'uyu mushinga byari kuba bigoye kuko nyuma igishushanyo mbonera cy'umujyi wa Kigali cyaje guhinduka ku buryo inyigo iri gukorwa muri iki gihe ari yo bwo byaboroheye.

Ati 'Mbere y'uko dutangira gushyira umushinga mu bikorwa igishushanyo mbonera cy'umujyi wa Kigali cyarahindutse ariko inyigo irambuye iri gukorwa ubu kubihuza birakunda.”

“Muri iyo nyigo y'ibanze hari harimo imirimo igomba gukorwa ku nyigo n'indi mirimo y'ibanze ari ho habereye gushyiraho igiciro cy'umushinga mbumbe mbere yo gutanga isoko.'

Yavuze ko rwiyemezamirimo ari we wagombaga gushyiraho igiciro cy'inyigo azakora, n'igiciro cyo kubaka n'ibikorwa by'umushinga. Mu nyigo y'ibanze harimo imirimo igomba gukorwa ariko hakoreshejwe ibiciro mbumbe.

Muri iyi mirimo harimo kubaka imiyoboro itwara amazi yanduye n'ibyumba byo kubikamo ayo mazi, n'uruganda nyirizina.

Ati 'Ubwo isoko ritangwa hakurikijwe iyo mirimo yagaragajwe mu nyigo y'ibanze, iyo mirimo rwieyemezamirimo akazashyiraho ibiciro mbumbe nyuma akazashyiraho inyigo irambuye.'

Ubu buryo bwo gutanga isoko bwanenzwe n'impande zose bireba ndetse Umunyamabanga Uhoraho muri Minisiteri y'Ibikorwa Remezo, Fidele Abimana, yemeye ko ubu buryo atari bwiza, ku buryo bumvikanye na WASAC ko butazongera gukoreshwa kuko bwatuma Leta ihomba.

Perezida wa PAC, Depite Muhakwa Valens, yavuze ko bitumvikana ukuntu hagenwe amafaranga ashyira mu bikorwa umushinga nta nyigo irambuye yari yakorwa

Abayobozi ba WASAC bagerageje gusobanura ariko PAC igaragaza ko itanyuzwe n’ibisobanuro bitangwa