Category: Uncategorized

Nyuma y’uko Muhoza Daniel atsinze igitego cyahesheje ikipe ye ya Etoile de l’Est amanota atatu kandi yari ikeneye ku mukino wa Marines FC, yakiriwe nk’intwari na bagenzi be b’abanyeshuri bigana mu Kigo cya GS Gasetsa TSS.

Muhoza Daniel yasesekaye mu Kigo yigaho kuri uyu wa Mbere tariki ya 29 Mata 2024 ari kumwe n’Umunyamabanga wa wa Etoile del’est, Umulisa Eric, asanga abanyeshuri ndetse n’ubuyobozi bw’ikigo bamwiteguye, bamwakira bidasanzwe.

Ni nyuma y’uko ejo hashize ari we wahesheje intsinzi Etoile del’Est yatsinze Marines FC 1-0 bituma yiyongerera icyizere cyo kuguma mu cyiciro cya mbere mu gihe yatsinda imikino 2 isigaje ya Police FC na Bugesera FC.

Ni igitego yatsinze ku munota wa 43, ni ku ishoti rikomeye yatereye inyuma y’urubuga rw’amahina, umukino urangira ari 1-0.

Ni uku yinjiye mu kigo ari kumwe n’umunyamabanga wa Etoile del’Est

Urushyi umutoza wa AS Kigali y’abagore, Ntagisanimana Saida yakubise mugenzi wa Rayon Sports, Rwaka Claude rwatumye ahagarikwa imikino 3.

Nk’uko amakuru agera ku kinyamakuru ISIMBI abyemeza, ni umwanzuro wafashwe n’akanama gashinzwe imyitwarire ka FERWAFA.

Ni nyuma yo gusanga imyitwarire Saida yagaragaje nyuma y’umukino wo kwishyura wa 1/2 cy’igikombe cy’Amahoro wabaye ku wa Gatatu tariki ya 24 Mata 2024 aho Rayon Sports yayitsinze 2-0 inayisezerera ku giteranyo cy’ibitego 2-1 kuko umukino ubanza wabereye Kigali Pele Stadium, AS Kigali yawutsinze 1-0, itari ikwiye.

Uyu mukino wari wabereye mu Nzove aho Rayon Sports yakirira imikino ya yo, ntabwo AS Kigali yishimiye imisifurire by’umwihariko ku munota wa nyuma aho rutahizamu wa yo ukomoka mu Burundi, Niyomwungeri Olga Peace yategererwaga mu rubuga rw’amahina ariko umusifuzi agasanza ntatange penaliti, agasanza.

Iyi yari penaliti yashoboraga guhindura byinshi kuko iyo bayitanga AS Kigali ikayitsinda ni yo yari gukomeza kuko yari kuba yatsinze igitego hanze.

Ibi byakuruye impaka aho AS Kigali itabyumvaga kugeza umukino urangiye imvururu zirakomeza.

Umutoza wa Rayon Sports, Rwaka Claude, ni bwo akaba yaje guhura n’uruva gusenya ubwo yakubitwaga n’umutoza wa AS Kigali.

Ubwo umukino wari urangiye, Rwaka yagiye gusuhuza mugenzi we wa AS Kigali, Ntagisanimana Saida ariko undi kubera umujinya no kutakira gutsindwa arabyanga amwima akaboko.

Aha ni ho havuye ikibazo Rwaka ashaka kumusuhuza ku gahato aho yamufashe amaboko arayakomeza, Saida n’umujinya mwinshi yahise yivamo urushyi arumwasa ku itama.

Rwaka Claude na we yashatse kurwana ariko bahita bamufata, bahosha iyo mirwano na Saida bamutwara ku ruhande.

Aha barimo bahosha intambara Rwaka amaze gukubitwa

Saida bahise bamwigiza ku ruhande

Biratangaje kubona abagabo bubatse imibiri yabo igahinduka mu buryo budasanzwe, na none bitangaza kurushaho kubona abagore bakoze imibiri yabo ikenda kumera neza nk’iya bagabo cyangwa bakanabarusha.

Aba nibo akenshi usanga ku mbuga nkoranyambaga bagarukwaho cyane bavuga ko batinyitse bitewe n’imiterere yabo, mu gihe abandi babiteramo urwenya bavuga bati ”Ninde mugabo uzabasha gushaka umugore uteye kuriya?”

Ikinyamakuri Hollywood Life cyerekanye urutonde rw’abagore 10 bubatse imibiri yabo mu buryo butangaje kurusha abandi ku Isi, bagezweho mu 2024:

1. Nataliya Kuznetsova

Ku mwanya wa mbere mu bagore bubaste umubiri kurusha abandi ku Isi, hari Umurusiyakazi, Nataliya Kuznetsova w’imyaka 33 y’amavuko. Uretse kuba ayoboye abagore bubatse umubiri, asanzwe yibitseho agahigo ko  kuba umugore wa mbere mu Burayi uterura ibintu biremereye n’amaboko.

2. Stefi Cohen

Ni umwubatsi w’umubiri wabigize umwuga uri mu bagezweho muri America Latin. Stefi Cohen  w’imyaka 31, avuka mu gihugu cya Venezuela , asanzwe ari n’umutoza wihariye (Personal Trainer) ku bakobwa bifuza kubaka umubiri bagatera ikirenge mu cye.

3.  Cydney Gillon

Umwiraburakazi Cydney Gillon ukomoka mu mujyi wa Atlanta muri Amerika, niwe uza ku mwanya wa Gatatu mu bagore bubatse umubiri kurusha abandi ku Isi. Cydney w’imyaka kandi asanzwe yibitseho amakamba ane ya ‘Mrs Olympia’ ari naryo rushanwa rya mbere rikomeye ku Isi mu byo kubaka umubiri (Bodybuilding).

4. Wivi Winkler

Viviane Winkler Lourenço, wamamaye ku izina rya Vivi Winkler, akomoka muri Brazil ndetse aherutse kuza ku mwanya wa Kabiri mu marushanwa ya ‘World Bodybuilding Liga Carioca Championship’ yabereye i Rio de Janeiro.

5. Vladislava Galagan

Yatangiye ari umunyamideli aza kubivamo yerekeza mu byo kubaka umubiri biramuhira. Vladislava Galagan w’imyaka 28 akomoka mu Burusiya, ndetse iyo atari mu marushanwa yo kwerekana umubiri, akora akazi ko gutoza muri ‘Gym’.

6. Monique Jones

Umunyamerikakazi Monique Jones benshi bazi ku izina rya ‘The Dark Destroyer’, azwiho kuba abitse ibikombe bitatu bya ‘IFBB Chicago’ hamwe no kuba ari mu biraburakazi bubatse umubiri bashyirwa ku rutonde rw’abagore b’ibihe byose muri iyi siporo.

7. Shanique Grant

Nawe yibitseho ibikombe byinshi yakuye mu marushanwa ya ‘American IFBB’ aba buri mwaka ahuza abubaka umubiri. Kuva Shanique afite imyaka 19 yatangiye kumenyekana mu ruhando rw’abagore bubaka umubiri ndetse kuva mu 2018 yatwaye  ‘Women's Physique Olympia’ inshuro 4 yikurikiranije.

8. Dana Linn Bailey

Yamenyekanye kuva mu 2013 ubwo yatwaraga irushanwa rya ‘Olympia’, kuva ubwo akagirirwa icyizere n’igihugu cye cy’Amerika cyagiye kimwohoreza kugihagararira mu marushanwa mpuzamahanga akanitwara neza. Dana Linn kandi afite inzu ikorerwamo imyitozo ngororora mubiri yitwa ‘Warhouse Gym’.

9. Bakhar Nabieva

Azwi cyane ku izina rya ‘Iron Lady’, avuka mu gihugu cya Ukraine aho yatangiye kwamamara kuva mu 2017. Bakhar Nabieva mbere yo kwinjira muri siporo yo kubaka umubiri yari asanzwe ari umukinnyi wa Basketball.

10. Carriejune Bowlby

Asanzwe ari umunyamideli umurika cyane imyambaro ya Siporo uri mu bazwi ku mbuga nkoranyambaga. Carriejune Bowlby yinjiye mu byo kubaka umubiri afite imyaka 18 gusa.

Mu gihe habura imikino 2 gusa ngo shampiyona y’icyiciro cya mbere mu Rwanda umwaka w’imikino 2023-24 irangire, amakipe 8 ni yo agomba kuvamo abiri amanuka mu cyiciro cya kabiri.

Guhera kuri Gasogi United ya 9 ku rutonde rwa shampiyona n’amanota 33 kugeza kuri Etoile del’Est ya nyuma n’amanota 28, ni ho hangomba kuvamo amakipe abiri agomba kumanuka mu cyiciro cya kabiri.

Bitandukanye n’indi myaka, uyu mwaka w’imikino ni wo ushobora kwandikwamo amateka ko ikipe yageje amanota 30 yamanuka mu cyiciro cya kabiri, mbere ikipe yayagezaga yabaga yizeye kuguma mu cyiciro cya mbere ariko ubu na 33 ntabwo ahagije.

Aho shampiyona igeze ni hamwe umwana arira nyina ntiyumve kuko Gasogi United ifite 33, Gorilla FC, Muhazi United, Etincelles FC na Marines FC zifite 32, Sunrise FC 29, Bugesera FC na Etoile del’Est zikagira 28, buri imwe iracunga izamu rya yo ngo irebe ko yaguma mu cyiciro cya mbere. Bivuze ko aya makipe ya nyuma atsinze imikino ya yo yose yagira amanota 34, yahita aca kuri Gasogi mu gihe yaba yatsinzwe imikino isigaje.

Gusa amahirwe menshi ni uko Bugesera FC na Etoile del’Est imwe igomba kumanuka cyangwa zikajyana, ziranganya amanota kandi zikaba zizahura ku munsi wa nyuma wa shampiyona. Bivuze ko bigoye ko imwe muri zo yazagira amanota 32. Zishobora kuzatsinda umukino w’umunsi wa 29 zigahura ku munsi wa nyuma zinganya amanota 31, imwe yatsinda indi ikambuka indi igasigara, zanganya Etoile del’Est yahita imanukana n’indi yaba ifite amanota 32 bitewe n’ibitego zizigamye cyangwa umwenda zifite.

Amahirwe ni uko umunsi wa 29 ushobora kuzasiga werekanye amakipe ashobora kumanuka kuko hari azahura.

Bugesera FC kandi ifite ihurizo kuko amakipe isigaje (Muhazi United na Etoile del’Est) ari amakipe ari mu murongo utukura, bazahura na yo yirwanaho.

Imikino amakipe arwana no kutamanuka asigaje

Gasogi United: Mukura VS na Etincelles

Gorilla FC: Police FC na Mukura VS
Muhazi United: Bugesera FC na Rwamagana City
Etincelles FC: Kiyovu Sports na Gasogi United
Marines FC: Musanze FC na Sunrise FC
Sunrise FC: Amagaju FC na Marines FC
Bugesera FC: Bugesera FC na Etoile del’Est
Etoile del’Est: Police FC na Bugesera FC

Sunrise FC na Gorilla ni amwe mu makipe ari mu murongo utukura

Nyuma y’uko Ntakirutimana Isaac [Sarpong] wari umufana wa Rayon Sports ahinduye akajya gufana na APR FC, hagaragaye ifoto ari kumwe na Chairman wa APR FC, Col Richard Karasira.

Nyuma y’uko iyi foto igiye hanze ntabwo yakiriwe neza aho hirya no hino ku mbuga nkoranyambaga ndetse no mu itangazamakuru bavuga ko Col Richard Karasira atakaje mu bikorwa byo kwakira umufana.

Ni ifoto uyu mufana wari umaze kuraharira kuba umufana wa APR FC, yari hagati ya Chairman wa APR FC, Col Richard Karasira na Songambele ushinzwe ubukangurambaga bw’abafana b’iyi kipe y’Ingabo z’igihugu.

Amakuru ISIMBI yamenye ni uko iyi foto ubwo yajyaga hanze na nyirubwite, Chairman wa APR FC yamubabaje cyane kuko yari yavuze ko itagomba kujya hanze ariko atungurwa no kuyibona mu itangazamakuru.

Byagenze bite ngo ifoto ifatwe?

Amakuru ISIMBI yamenye ni uko Chairman wa APR FC atari muri gahunda yo kuza kwakira uyu mufana mu muhango wabereye ku biro by’iyi kipe tariki ya 26 Mata 2024.

Col Richard Karasira we yaje ku biro by’ikipe nk’ibisanzwe ariko ntaho yari ahuriye n’igikorwa cyari cyateguwe kiyobowe na Songambere ushinzwe ubukangurambaga bw’abafana muri APR FC.

Ubwo yageraga ku biro yasanze umuhango wo kwakira Sarpong warangiye. Uyu mufana yamusabye ifoto ngo bifotozanye ariko Chairman wa APR FC abanza kubyanga.

Sarpong yamubwiye ko ari ifoto ashaka kuza kwereka umubyeyi we ko yahuye n’umuyobozi wa APR FC cyane ko na we afana iyi kipe. Col Richard Karasira yaremeye ariko nta burenganzira yigeze atanga bwo kuyikoresha, gusa yaje gutungurwa no kuyobona yasakaye ku mbuga nkoranyambaga.

Iyi foto ya Sarping ari kumwe na Chairman wa APR FC, Col Richard Karasira na we yatunguwe n’uburyo yageze hanze

Mu ijoro ryo ku Cyumweru tariki 28 Mata mu 2024 habaye ibirori byo kwizihiza isabukuru ya Gen Muhoozi Kainerugaba usanzwe ari Umugaba Mukuru w'Ingabo za Uganda.

Ni ibirori byitabiriwe n'abagize umuryango we, barimo Se, Yoweri Kaguta Museveni, bashiki be na baramu be.

Mu butumwa Museveni yashyize kuri X, yagaragaje ko isabukuru ya Muhoozi, yabaye umwanya wo kongera gutekereza ku buryo yongeye guhura n'umugore we.

Ati 'Maama Janet twateguye umusangiro wihariye i Entebbe mu kwizihiza isabukuru ya Muhoozi Kainerugaba y'imyaka 50. Ndashimira Imana kumpuza na Maama Janet, naje kubona by'impanuka duhuriye muri Intercontinental Hotel, ndetse tuza kubana muri Kanama mu 1973.'

Museveni yakomeje avuga ubuzima bwabo hamwe bwageze ku ntego, ashima Muhoozi ku bw'urukundo afitiye igihugu.

Museveni na Janet barakuranye cyane ko n'amashuri abanza bayize ku kigo kimwe cya 'Kyamate Primary School'. Nyuma baje kuburana bongera guhurira i Nairobi ari naho basuhukuriye umubano wabo.

Museveni na Janet basezeranye kubana nk'umugabo n'umugore muri Kanama mu 1973 i Londres mu Bwongereza.

Muri Gashyantare 1981 ubwo umugabo we yatangizaga intambara yo gufata ubutegetsi, Janet Museveni yahise ahungira muri Kenya aho yabanaga n'inshuti z'umuryango, mu 1983 aza kuhava ajya kuba muri Suède aho yagumye akagaruka nyuma y'amezi ane Museveni amaze gufata ubutegetsi.

Perezida Museveni na Janet Museveni bafitanye abana bane barimo Gen Muhoozi Kainerugaba, Patience Museveni Rwabwogo, Natasha Museveni Karugire na Diana Museveni Kamuntu.

Muri Kanama mu 2023, Museveni na Janet Museveni bongeye guhamya isezerano ry'ugushyingirwa hagati yabo ubwo bizihizaga imyaka 50 yari ishize babana nk'umugabo n'umugore.

Gen Muhoozi Kainerugaba yakira abashyitsi bitabiriye ibi birori

Gen Muhoozi Kainerugaba yujuje imyaka 50 y'amavuko

Gen Muhoozi Kainerugaba hamwe n'umugore we, Charlotte Kutesa

Byari ibyishimo kuri Yoweri Kaguta Museveni n'umugore we, Janet Museveni

Ibi birori byabereye i Entebbe mu ijoro ryo ku Cyumweru

Ibi birori byitabiriwe n'abantu ba hafi y'umuryango wa Museveni barimo n'umukobwa we, Natasha Museveni Karugire (ubanza iburyo)

Umukwe wa Perezida Museveni, Edwin Karugire avuga ijambo

Gen Muhoozi, umugore we, Charlotte Nankunda Kutesa, Museveni na Janet Museveni bakata umutsima muri ibi birori

Mu mpera z'icyumweru gishize, ubwo Chris Philp yari mu kiganiro 'BBC Question Time' yumvikanye yitiranya u Rwanda na Repubulika Iharanira Demokarasi ya Congo ndetse abigaragaza nk'igihugu kimwe.

Uyu mugabo yagarutse ku bijyanye n'u Rwanda na Congo, ubwo yari ari gusobanura gahunda y'igihugu cye yo kohereza abimukira mu Rwanda.

Umwe mu batumirwa bari mu kiganiro yavuze ko hari bamwe mu bagize umuryango bakomoka muri Repubulika Iharanira Demokarasi ya Congo mu Mujyi wa Goma bari mu nzira bambuka bagana mu Bwongereza, abaza uyu muyobozi niba nabo barebwa n'iyi gahunda y'abimukira.

Mu gusubiza, Chris Philp yumvikana yitiranya u Rwanda na Congo.

Ati 'Hari umwihariko ku baturage bava mu Rwanda bakongera koherezwa mu Rwanda.'

Uyu mutumirwa yongera kumubwira ko abantu ari kuvuga bava muri Congo batava mu Rwanda, Chris Philp nawe ati 'U Rwanda ni igihugu gitandukanye na Congo ikaba igihugu ukwayo?'

Nyuma yo kuvuga aya magambo, abari muri iki kiganiro bose basekeye rimwe basa n'abibaza uburyo umuyobozi wo ku rwego nkuru yitiranya ibihugu bibiri.

Mu kiganiro na GB News, Chris Philp yagaragaje ko ibyo yavuze abantu babifashe nabi, ashimangira ko iri kosa yaritewe no kutumva ikibazo neza.

Ati 'Nagize ikibazo mu kumva ikibazo neza.'

Umunyamabanga wa Leta muri Minisiteri y'Umutekano mu Bwongereza, Chris Philp, aherutse kumvikana yitiranya u Rwanda na Repubulika Iharanira Demokarasi ya Congo

Ni igikorwa cyahujwe n'icyo kwibuka muri rusange ku nshuro ya 30 Jenoside yakorewe Abatutsi. Cyari cyitabiriwe n'abakozi n'abafatanyabikorwa b'ibi bigo byombi.

Umuyobozi Mukuru wa SONARWA Life, Mukundwa Dianah, yagaragaje ko ari ingenzi kwigira ku mateka mabi y'ivangura igihugu cyanyuzemo, avuga ko ryabibwe na politiki mbi yari iriho bikaba n'intandaro ya Jenoside yakorewe Abatutsi.

Yibukije ko ari inshingano za buri Munyarwanda kugira uruhare mu kubaka u Rwanda ruzira ivangura n'amacakuburi. Yashimye kandi Perezida Kagame ku bw'ubuyobozi bwiza bushyira imbere ubumwe bw'Abanyarwanda.

Kugeza ubu ibi bigo byombi bimaze kumenya amazina y'abantu icumi bahoze ari abakozi ba SONARWA S.A, biciwe mu bice bitandukanye by'igihugu bazizwa kuba Abatutsi.

DieudonnéN shunguyinka, ufite umuvandimwe wishwe ari umukozi wa SONARWA S.A, yashimiye ibi bigo bidahwema kubagaragariza ko bazirikanwa.

Ati 'Ni igikorwa cyiza kuba SONARWA yibuka ikaduhamagara, burya amaso yarize yumvwa n'andi yarize, iyo duhuriye ahantu nk'aha twaragize agahinda kamwe tugenda dukomezanya.”

“Imyaka 30 ni myinshi kandi hari amashami yagiye ashibuka, nk'abana bashobora kuba bararokotse turifuza ko abagiye bagira amahirwe yo kwiga bazajya bahabwa n'akazi aho ababyeyi babo bakoreraga.'

Umuyobozi Mukuru wa SONARWA General, Rees Kinyangi Lulu, yavuze ko hatazibagirana uruhare Abatutsi bishwe bari baragize mu iterambere ry'ikigo n'igihugu, anavuga ko kimwe mu bikwiye kwitabwaho muri iyi myaka ari ukureba ibishobora kuba nk'inzitizi z'iterambere ry'umuturage.

Ati 'Mureke dusenyere umugozi umwe turwanye ivangura n'amacakubiri duharanire ahazaza aho buri wese afite agaciro, kandi agahabwa urubuga rwo gutera imbere.'

Umuyobozi Mukuru wa RSSB inafite imigabane mu bigo byombi byibutse, Regis Rugemanshuro, yihanganishije imiryango y'abiciwe ababo, anasaba ko ikivi cyabo cyakomeza kuswa, aho yanashimiye leta nziza y'u Rwanda yimakaje ubumwe bw'Abanyarwanda aho 'yaba umuto cyangwa umukuru bagira amahirwe yo kwiteza imbere'.

Umuyobozi w'Urwego Ngishwanama rw'Inararibonye z'u Rwanda, Tito Rutaremera, yagaragaje ko jenoside yateguwe igihe kirekire ndetse mu buryo bwa gihanga, akaba ariyo mpamvu hakenewe ubundi buhanga mu gukomeza kubaka igihugu.

Ati 'Jenoside yishe benshi, ibica nabi igihe gito kuko yakozwe mu buhanga, urubyiruko rwuzuzwa ingengabitekerezo imyaka 30 yose. Aho tuboneye ko banasenye gihanga twagombaga kureba uko twubaka igihugu mu buryo bwa gihanga, nibyo twifuza ko namwe mukomeza.'

Binyuze muri Ibuka ibigo by'ubwishingizi bya SONARWA General na SONARWA Life, byageneye inkunga imiryango 10 y'abarokokeye ku Kicukiro aho uyu muhango wabereye.

SONARWA General Insurance Company Ltd ni ikigo cya RSSB, aho ariyo munyamugabane mukuru. Ni ikigo kimaze imyaka ikabakaba 49 ku isoko ry'ubwishingizi mu Rwanda.

Iki kigo gifite uburambe mu bwishingizi butandukanye harimo ubw'impanuka z'abantu n'iz'ibinyabiziga ndetse n'imizigo, ubwishingizi bw'inkongi y'umuriro, n'ibindi.

SONARWA Life yanditswe nk'ikigo cyigenga muri mutarama 2011, gitanga ubwishingizi cyane cyane bugendeye ku bantu burimo ubw'amashuri y'abana, ubwo kwizigamira n'ubundi. Muri Gicurasi 2017, Urwego rw'Ubwiteganyirize mu Rwanda [RSSB] cyabaye umunyamigabane wenyine [100%] wa SONARWA Life.

Umuyobozi w'Urwego Ngishwanama rw'Inararibonye z'u Rwanda, Tito Rutaremera, ashyira indabo ku mva nk’ikimenyetso cyo kunamira Abatutsi bishwe mu 1994

Ni igikorwa cyari cyitabiriwe n’abo mu nzego z’umutekano z’igihugu

Komiseri muri Ibuka ku rwego rw'igihugu, Rutagengwa Jean Bosco, yashimye uko leta yitaye cyane ku barokotse Jenoside kugeza n'ubu

Umuyobozi Mukuru wa RSSB inafite imigabane mu bigo byombi byibutse, Regis Rugemanshuro, yihanganishije imiryango y'abiciwe ababo anasaba ko ikivi cyabo cyakomeza kuswa

Mukanubaha Yvonne, warokokeye i Nyanza muri Kicukiro, yatanze ubuhamya bwagarutse ku bihe byakomereye Abatutsi

Umuyobozi Mukuru wa SONARWA Life, Mukundwa Dianah, yavuze ko Kwibuka ku nshuro ya 30 ari n’umwanya mwiza wo kwibuka uruhare rwa buri wese mu kubaka igihugu no gushimangira ubumwe bw'Abanyarwanda

Umuyobozi wa SONARWA General, Rees Kinyangi Lulu, yasabye ko ibi bigo byakomeza gutanga umusanzu mu guhangana n’ibishobora guhungabanya ejo hazaza h’Abanyarwanda

Umuyobozi w'Urwego Ngishwanama rw'Inararibonye z'u Rwanda, Tito Rutaremera, yagaragaje ko Jenoside yakoranywe ubugome bwinshi

Ntakirutimana Isaac [Sarpong], wari umufana ukomeye wa Rayon Sports nyuma yo kwerekeza muri APR FC yavuze ko ari impano yahaye umubyeyi we kuko ari umukunzi w’iyi kipe y’Ingabo z’igihugu.

Ku wa Gatanu w’icyumweru gishize ni bwo uyu mufana yarahiriye kuba umufana wa APR FC avuye muri Rayon Sports.

Ntabwo byakiriwe neza n’abakunzi benshi ba Rayon Sports aho bavuze ko ibyo akoze atari byo n’ubundi atayikundaga.

Ibi kandi byakurikiwe ni uko na nyir’inzu yahise amwandikira amubwira ko agomba kumusohokera mu nzu.

Sarpong yabwiye ISIMBI ati “ubwo nari ku biro nabonye ubutumwa bwa nyir’inzu bumbwira ngo twabanye neza byaba byiza muhaye inzu ye, nahise musubiza ko tugomba kubahiriza amategeko agenga gukodesha akampa iminsi 15, nashyizeho abantu barimo kunshakira inzu.”

Yakomeje avuga ko ajya gufata iki cyemezo yari abyiteze kuko nyir’inzu ni umufana wa Rayon Sports, gusa we ngo yakurikije amarangamutima ye.

Ati “Urumva njya gufata icyemezo cyo kujya muri APR FC nari mbyiteze, kuko kuva muri 2013 ndi muri Rayon Sports, n’inzu nabagamo ni uyu-murayon rero nari mbyiteze, icy’ingenzi ni uko njye nakurikije amarangamutima yanjye, n’aho ibindi nashyizeho abagomba kunshakira inzu.”

Sarpong kandi avuga ko guhindura akajya gufana APR FC ari impano yahaye umubyeyi we kuko akunda APR FC.

Ati “Navuga ko ari impano mpaye umubyeyi wanjye mu za bukuru kuko ni umufana wa APR FC. Reka mbisubiremo rwose njye nakurikije amarangamutima kandi nta muntu urwana na yo.”

Yashimangiye ko nta gikorwa kibi yahuye nacyo kuko u Rwanda ari igihugu gifite umutekano uretse kuba umuntu yamwandikira ubutumwa cyangwa bagahura akamubwira nabi kubera ko atishimiye icyemezo yafashe.

Sarpong yamaze kwerekeza muri APR FC, nyir’inzu amusaba kumuvira mu ikipe

Sarpong yari umufana ukomeye wa Rayon Sports