Category: Uncategorized

Ni mu mukino wabaye kuri uyu wa Kabiri saa sita zuzuye ubera kuri Kigali Pelé Stadium. Ikipe ya Rayon Sports WFC yagiye gukina uyu mukino n’ubundi ariyo ihabwa amahirwe menshi yo kwegukana igikombe nyuma y’uko yari yasezereye AS Kigali WFC muri 1/2.

Murera y’abagore yinjiye mu mukino ubona abakinnyi bayo nabo bifitiye ikizere kurusha aba Indahangarwa WFC yo yari yasezereye Fatima FC muri 1/2.

Ku munota wa 13 gusa uwitwa Jeanine Mukandayisenga bakunze kwita Kaboy yari yamaze gufungura amazamu ndetse nta gutinzamo nyuma y’iminota 3 arongera atsinda igitego cya 2.

Igice cya mbere cyarangiye Indahangarwa FC itsinzwe ibitego 2-0 gusa no mu gice yaje nta kinyuranyo ikora yongera gutsindwa ibindi bitego 2 bya Mukandayisenga Jeannine n’ubundi ku munota wa 53 nuwa 65 birangira ari ibitego 4-0.

Ikipe ya Rayon Sports WFC yegukanye igikombe cy’Amahoro cya 2024 nyuma yuko iheruka kwegukana igikombe cya shampiyona y’ikiciro cyambere n’ubundi mu Bagore.

Abakinnyi 11 ba Indahangarwa WFC babanje mu kibuga

Abakinnyi 11 ba Rayon Sports WFC babanje mu kibuga

Abakinnyi ba Rayon Sports bishimira ibitego bya Mukandayisenga Jeaninne ‘Kaboy’

Abakinnyi ba Rayon Sports WFC baririmbana n’Abafana

Ibyishimo byari byose ku bakinnyi ba Rayon Sports WFC nyuma yo kwegukana igikombe cy’Amahoro

Mukandayisenga Jeaninne yishimira ibitego yatsinze muri uyu mukino

Umutoza wa Rayon Sports WFC ,Rwaka Claude nyuma yo kwegukana igikombe cy’Amahoro akanyamuneza kari kose mu maso

Perezida wa Rayon Sports,Uwayezu Jean Fideli aganiriza abakinnyi ba Indahangarwa WFC nyuma yo kubatsindira ku mukino wa nyuma w’igikombe cy’Amahoro

Ubwo igikombe Rayon Sports WFC yegukanye cyazanwaga muri sitade mbere y’umukino

Mbere yuko umukino utangira habanjwe gufatwa umunota wo Kwibuka ku nshuro ya 30 Jenoside yakorewe Abatutsi mu 1994

“>

Ushaka kureba amafoto menshi yaranze uyu mukino nyura hano

AMAFOTO: Ngabo Serge-InyaRwanda.com

Uyu munsi niba hari uruganda rwamaze gushinga imizi kandi rumaze gutumbagira mu buryo bugaragara ni urw'imideli mu ruhando mpuzamahanga.

Kugeza ubu usanga abanyarwandakazi bifashishwa mu birori bikomeye by'imideli nka Paris, New York, London Fashion Week kandi bakitabazwa mu kwamamaza imyambaro ya za kompanyi zikomeye mu mideli nka Dior.

Ibi byose biba byishyura amafaranga afatika atuma babasha kuba bakubaka inzu, bagafasha imiryango yabo mu buryo bufatika, birumvikana ko banakomeza guteza imbere igihugu.

Mu kiganiro na inyaRwanda, Franco Kabano umaze gushinga imizi mu kumurika imideli cyane cyane binyuze muri Webest Model, yagarutse ku mbogamizi zugarije imyidagaduro nyarwanda.

Yavuze ko bikigoye kuba aba bakobwa bagaragara cyane mu ndirimbo z'abahanzi nyarwanda, bakorana n'ibyamamare mpuzamahanga nka Rihanna, Kanye West na Kim Kardashian.

Kuri iyi ngingo Franco Kabano yavuze ko abahanzi bo mu Rwanda batari bagera ku rwego rwo gushora amafaranga afatika ku mashusho y'indirimbo bakora.

Yatanze urugero kuri The Ben, ati: 'Byava mu mikoranire no guha agaciro umuntu niba nzi ko The Ben kumukoresha ari Miliyoni 50Frw, uyu munsi Christine Munezero ashobora kujya gukorera Polo ugasanga wenda imwishyuye ibihumbi 20 cyangwa ibihumbi 15 by'amadorali.'

Akomeza agira ati: 'Wowe muhanzi ukaba wumva ushaka gukoresha Christine Munezero wenda ku bihumbi 50Frw, icyo kintu ntabwo gishoboka.'

Iyi ngingo yo kuba abahanzi batangira kujya bakorana n'aba bakobwa yaba mu mashusho y'indirimbo zabo no ku kwamamaza, avuga ko bizava mu guhindura imyumvire bakanahesha agaciro abakobwa bakoresha babishyura neza.

Ku rundi ruhande avuga ko hagize umwegera bakabiganiraho, yabaza bamwe mu bo afite bamaze gushinga imizi akumva niba hari uwakwemera ibihumbi 5 by'amadorali agategerwa indege akanahabwa ibindi byose birimo itike n’aho kuba akaza agakora.

Franco Kabano ashingira ku kuba amashusho y'indirimbo z'aba bahanzi uretse kuba zibinjiriza binyuze ku mbuga zicururizwaho umuziki, ariko uko uyikoze ari nziza ni byo biguhesha ibiraka ndetse bishobora no kuba byageza ku gitaramo kimwe kuba umuhanzi yakishyurwa ibihumbi 100 by'amadorali igihe atumiwe.

KANDA HANO UREBE IKIGANIRO TWAGIRANYE NA FANCO KABANO

Abanyamidelikazi bakomeje kwitwara neza mu ruhando mpuzamahanga mu mideli aha Christine Munezero yari arimo atambuka muri London Fashion Week Franco Kabano yavuze ko hakiri ikibazo gikomeye ku kuba uruganda rw’imideli rwanywana n’umuziki ariko byashoboka mu gihe habaho guha agaciro ibyo buri umwe akoraYatanze urugero rwa The Ben avuga ko bidakwiriye kuba yakumva yakishyurwa Miliyoni 50Frw kubera indirimbo nziza yakoze akumva ko akwiriye kwishyura ibihumbi 50Frw umunyamideli wabimuhesheje 

Urugamba rwo kurwana no kutamanuka muri shampiyona y’icyiciro cya kabiri mu Rwanda rugeze aho rukomeye. Kuri ubu imibare yerekana ko guhera ku ikipe iri ku mwanya wa 9 kugeza ku ikipe iri ku mwanya nyuma bishobora ko yamanuka muri iyi mikino ibiri 2 isigaye.

Kubera kudashaka kumanuka, biravugwa ko hari amakipe ari kugerageza kunyura ku basifuzi ngo bayafashe gutsinda.

Umuyobozi w’Inama y’ubutegetsi ya “Rwanda Premier League”, Hadji Yussuf Mudaheranwa aganira na InyaRwanda yavuze ko hari ibihano bikakaye biteganyijwe ku basifuzi bazagaragaraho igikorwa cyo kwiba andi makipe.

Yagize ati: “Hari ibihano bikakaye bizahabwa umusifuzi ushobora kugaragara muri ibyo bikorwa, gusa nanone tugomba kubanza kureba, ese koko bishingiye ku mpamvu ifatika cyangwa ni amarangamutima y’uko ikipe yatsinzwe?”. 

“Ibyo rero biravugwa cyane ko ikipe ishobora kwikanga kwibwa ari na yo mpamvu muri iyi mikino ya nyuma imikino y’amakipe ahatanira kutamanuka izahabwa abasifuzi mpuzamahanga twizeye”.

Mudaherenwa Hadji Yussuf usanzwe unafite ikipe muri shampiyona y’icyiciro cya mbere mu Rwanda ya Gorilla FC, yakomeje avuga ku mpinduka zakozwe imikino yose y’amakipe arwana no kutamanuka igashyirwa ku munsi umwe.

Ati: “Ubu tugeze ku munsi wa 28 wa shampiyona ntabwo twigeze duhuza iyo mikino ngo ibere rimwe cyane kuri ayo makipe arwana no kutamanuka, mbese afite ibibazo byenda gusa, ariko mu nama yahuje Komisiyo y’amarushanwa n’ubuyobozi bwa Rwanda Premier League twemeje ko iyi mikino ibiri isigaye izabera amasaha amwe”.

Arakomeza ati “Nka Rwanda Premier League na FERWAFA turi kwirinda ibibazo bishobora kugaragazwa n’ikipe ivuga ko yakinnye mbere y’indi cyangwa hari ikipe runaka ivuga ngo twakinnye umukino indi kipe izi umusaruro w’ibyavuye mu mukino wacu.

Mbese ibibazo nk’ibyo gusa nanone iyo hategurwa imikino harebwa no ku bushobozi bw’ibibuga (Sitade) kuko hari Sitade zikorerwaho ibikorwa byinshi bitari Siporo, gusa ndatekereza ko turi kubinoza neza ku buryo bigenda neza”.

Mu mpinduka zakozwe imikino yose y’amakipe 3 ya nyuma izakinwa kuwa Gatandatu Saa cyenda. Etoile de l’Est iri ku mwanya wa nyuma izaba yasuye Police FC, Bugesera FC iri ku mwanya wa 15 izaba yakiriye Muhazi United naho Sunrise FC izabe yasuye Amagaju FC.

Mudaherenwa Hadji Yussuf yavuze ko abasifuzi bazagerageza kwiba amakipe muri iyi mikino ya nyuma bazafatirwa ibihano bikomeye 

Rimwe na rimwe iyo uganirije bantu bafite akavuyo mu mazu yabo usanga batanga impamvu zisa n'izitumvikana ariko bo bagira iza mbere bakavuga ko baba bafite akazi kenshi mbese ko nta mwanya ubona wo gutunganya inzu yawe.

Gusa ubushakashatsi bwakorewe ku miryango 3200, abashakashatsi bo muri kaminuza ya California muri Amerika, baragenzuye neza maze ibisubizo babikubira mu gitabo kitwa Life at Home aho basanze abagore aribo bakunze kugira akavuyo kenshi kandi ngo ni na bo bakunda guhura n'indwara y'agahinda gakabije bitewe n’aka kavuyo.

Aba bashakashatsi rero bagiye bagaragaza aho umuntu akunda kugira akavuyo kenshi n'uko aba yiyumva:

-Niba ugira akavuyo hanze y'inzu yawe, mbese inzu isa neza ariko hanze hakaba hasa nabi ukunda kugira ubwoba ndetse utinya abantu cyane.

-Bamaze kugenzura ibijyanye n'isuku ahantu hose basanze abantu bagira akavuyo cyane bakunda kurangwa n'ubwoba bwinshi, ndetse banakunze kuba ari abantu bigunze.

-Kugira umwanda mu inzu biri mu bimenyetso bya mbere bigaragaza ‘Depression’, aho umuntu aba atakiyitaho ndetse atanita n’aho atuye kuko aba yumva kuhatunganya ntacyo bimubwiye mu gihe afite ibindi bibazo mu mutwe.

– Aba bashakashatsi bavuga ko abantu bagira umwanda mu nzu zabo usanga ari abanyabibazo aho usanga aba afite byinshi bimuhangayikishije bihura n’imitekerereze ye (Pschologically).

– Bavuga ko 73% bw’abakoreweho ubu bushakashatsi, nyuma y’amezi 6 bongeye kuganirizwa n’abahanga mu mitekerereze bagasanga bibasiwe n’indwara y’agahinda gakabije.

-Kuba umuntu yaba mu nzu yuzuyemo umwanda kuva ku munsi wa mbere w’icyumweru kugeza kirangiye, byongera amahirwe yo kurwara ‘Depression’ kuko byangiza n’imitekerereze y’umuntu.

Niba wiyiziho iyi ngeso itari nziza rero gerageza kugana muganga maze agufashe kuyisohokamo kuko byagaragaye neza ko ari indwara nk'izindi zose ndetse ikaba intandaro y'indi ndwara imaze gusakara mu bantu ari yo agahinda gakabije.

Umutoza wa Rayon Sports y’abagore, Rwaka Claude yavuze ko nyuma yo gukubitwa urushyi n’uwa AS Kigali y’abagore Ntagisanimana Saida atatekereje kumwishyura ahubwo yatekereje ku kuba yaba azi ingaruka ashobora guhura na zo.

Nyuma y’umukino wo kwishyura wa 1/2 cy’Igikombe cy’Amahoro wo Rayon Sports yatsinzemo AS Kigali 2-0 ikanayisezerera ku giteranyo cy’ibitego 2-1, umutoza wa AS Kigali, Ntagisanimana Saida yagaragaye akubita uwa Rayon Sports.

Ubwo umukino wari urangiye Rwaka Claude yagiye gusuhuza mugenzi we wa AS Kigali, Ntagisanimana Saida, uyu mutoza utari wakwakiriye gusezererwa ndetse utari unishimiye uko umukino wagenze kuko yavugaga ko bibwe, yahise amukubita urushyi ku itama.

Rwaka Claude yabwiye ikinyamakuru ISIMBI akimara gukubitwa urushyi, ikintu cya mbere yatekereje ari ingaruka zari gukurikiraho kuko yari akoze amakosa akomeye cyane.

Ati “Ikintu cya mbere natekereje ni ingaruka z’ibyagombaga gukurikiraho, kuko zari ingaruka nyinshi, ikipe yari mu rugo by’umwihariko imbere y’abafana, uretse no mu kazi kanjye ibyari gukirikira, nabonye byari amakosa akomeye cyane.”

Akimara kumukubita, Rwaka yumvikanye avuga ko bitarangirira aho, ibintu avuga ko bitari ukwihorera ahubwo byari ukumubaza niba azi ingaruka z’ibyo akoze.

Ati “kuvuga ngo ntabwo byarangirira aho ntabwo byari ukuvuga kwihorera ahubwo kwari ukumubaza niba azi ingaruka z’ibyo akoze, kuko ni icyaha gihanwa n’amategeko, ntabwo byari ukwihorera.”

“Oya ntabwo nari kumwishyura kuko bikimara kuba nagumye mufashe mubaza niba azi ibyo akoze.”

Ku kuba igihano yahawe gikwiye yagize ati “Federasiyo ni yo itureberera, njyewe nta kindi nabivugaho.”

Kuba yaramusabye imbabazi, yavuze ko nta mbabazi yigeze amusaba ariko we yamubabariye.

Ntagisanimana Saida akaba yaramaze guhagarikwa na FERWAFA imikino 3 kubera ko iyi myitwarire yamuranze idakwiye.

Ubwo Saida yari amaze gukubita Rwaka Claude

Rwaka Claude yavuze ko Saida atigeze amusaba imbabazi

Ibitego 4-0 Rayon Sports yatsinze Indangahangarwa WFC byose byatsinzwe na Mukandayisenga Jeannine [Kaboy] byayihesheje igikombe cy’Amahoro cya yo cya mbere.

Kigali Pelé Stadium kuri uyu wa Kabiri tariki ya 30 Mata yari yakiriye umukino wa nyuma w’igikombe cy’Amahoro mu bagore saa 12h.

Uyu mukino wari wahuje Rayon Sports na Indahangarwa zo mu Karare ka Kayonza i Kabarondo mu Ntara y’Iburasirazuba.

Ni umukino Rayon Sports yagombaga kwitega ko utari buyorohere kubera ko iyi kipe kuba yarageze ku mukino wa nyuma w’iki gikombe ari uko ikomeye.

Binyuze muri rutahizamu wa yo Mukandayisenga Jeannine [Kaboy], yaje kubonera Rayon Sports igitego cya mbere ku munota wa 12.

Nyuma y’iminota 3 gusa, Kaboy yafatiye umupira mu kibuga hagati, arawuzamukana anyura mu rihumye ubwugarizi bwa Indahangarwa atera mu izamu maze igitego cya kabiri kiba kiranyoye.

Rayon Sports yakomeje gushaka igitego cya gatatu ariko umunyezamu wa Indahangarwa, Iradukunda Gisele ababera ibamba.

Indahangarwa nta mahirwe menshi yabonye ariko n’imipira babonye ba rutahizamu barimo Kabera Claudine ntacyo bayimajije. Amakipe yagiye kuruhuka ari 2-0.

Ku munota wa 53, Kaboy yatsindiye Rayon Sports igitego cya gatatu ku mupira yari ahawe na Mary Chavinda.

Ku makosa y’ubwugarizi bwa Indahangarwa WFC, Kaboy yaje kubambura umupira, acenga n’umunyezamu atsinda igitego cya kane.

Rayon Sports yakomeje kugerageza ishaka ibitego, ibona amahirwe nk’ishoti Kalimba Alice yateye ariko umunyezamu akawushyira muri koruneri itagize icyo itanga. Umukino warangiye ari 4-0. Rayon Sports yahise yegukana igikombe cya yo cya mbere cy’Amahoro.

Kaboy yishimira ibitego 4 yatsinze

Bishimira intsinzi y’igikombe cy’Amahoro begukanye

Kuva umwuka mubi watangira ku ruhande rw'u Rwanda na RDC, ibiganiro by'ubuhuza biyobowe na Perezida wa Angola, Joao Lourenco, byashyizwemo imbaraga, ariko byagera ku ruhande rwa RDC, ibintu bigahindura isura.

Ubwo yari mu Budage, Tshisekedi yagiranye ikiganiro na DW, abazwa ku maherezo y'ibibazo by'umutekano muke mu Burasirazuba bwa Congo, ariko mu gusubiza, ibintu byose abyegeka ku bandi, yerekana ko iwe byera de!

Ati 'Hari gahunda ya Perezida wa Angola, Joao Lourenco, washyize imbere gahunda zigamije amahoro inshuro nyinshi, ariko zabangamiwe na Kagame n'ubutegetsi bwe.'

Mu mvugo ya Tshisekedi, yumvikanishaga ko aho ibintu bigeze ari igerageza rya nyuma, ko ngo ashaka guha amahirwe inzira y'amahoro mbere y'uko ashyira mu bikorwa umugambi yigeze kuvuga, wo gushoza intambara ku Rwanda.

Ati 'Ndashaka guha amahirwe inzira y'amahoro uko byagenda kose. Gusa ntabwo ari uko turi abanyantege nke, kandi ntabwo tuzakomeza kwihangana gutya ngo dutegereje amahoro.'

Ibyo Tshisekedi yavugaga, ku bantu batabizi, bashobora gukeka ko ari ukuri, mu gihe ibimenyetso bihari bigaragaza ibitandukanye.

Imyanzuro ya Luanda isaba RDC kwitandukanya n'imitwe irimo FDLR, nka kimwe mu bibangamiye umutekano w'u Rwanda.

Igena ko imitwe y'iterabwoba nka FDLR-FOCA, inyeshyamba za Red-Tabara, ADF n'indi yose ikorera ku butaka bwa RDC igomba gushyira intwaro hasi igatangira gusubira iwabo nk'uko byafashweho umwanzuro mu biganiro bya Nairobi.

Uwo mwanzuro kuva watangazwa mu nama Tshisekedi we ubwe yari arimo, ibyakurikiyeho ni agahomamunwa. Ubutegetsi bwe bwashyize imbaraga mu bufatanye na FDLR mu bikorwa byo guteza umutekano muke mu Rwanda.

FDLR yatangiye gukorana na FARDC byeruye mu gihe umutwe wa M23 wari ukajije ibitero. Tshisekedi mu kiganiro yagiranye na DW, yirengagije raporo zivuga ku mikoranire y'igisirikare cye na FDLR.

Hari Raporo ya Loni igaragaza ko mu mpera z'Ukuboza 2022 na Mutarama 2023, Gen Chico Tshitambwe wari uwa kabiri mu buyobozi bukuru ushinzwe kurwanya M23, yatumije inama eshatu hagati y'abayobozi bakuru muri FARDC n'abayobozi b'imitwe yitwaje intwaro, yabereye i Goma, ngo hanzurwe kuri ubu bufatanye.

Raporo ikomeza igira iti “Mu nama yo muri Mutarama, yanitabiriwe n'abayobozi ba FDLR-Forces combattantes abacunguzi (FOCA), buri muyobozi w'umutwe witwaje intwaro yahawe $5,000 ndetse bizezwa ko bazahabwa intwaro zikwiriye.”

Muri icyo gihe ngo abo bayobozi b'imitwe yitwaje intwaro banahuye n'abajenerali barimo Mayanga na Mugabo, ngo bemeranye ku bikoresho n'inkunga y'amafaranga bakeneye byo gufasha ARP.

Hatangwa urugero rw'uko inama mpuzabikorwa yabereye muri Hotel Nyarusumba muri Kitshanga, ku wa 10 na 11 Ukuboza 2022.

Ibi byose ni ibikorwa bihonyora imyanzuro ya Luanda igamije gushakira amahoro ibibazo by'umutekano muke mu Burasirazuba bwa Congo.

Yabeshye ku mpamvu abakoze Jenoside bemerewe kwinjirana intwaro mu gihugu cye

Tshisekedi yavuze ko mu myaka 30 ishize, Umuryango Mpuzamahanga wasabye igihugu cye gufungura imipaka, kugira ngo gihe ubuhingiro abantu bari bari guhunga kubera Jenoside yabaga mu Rwanda.

Ati 'Icyo gihe, n'Abajenosideri barinjiye. Binjirana n'intwaro zabo kuko itegeko ryari ryatanzwe riturutse ahandi, mu muryango mpuzamahanga, ko bakwinjirana intwaro zabo.'

Aya magambo ya Tshisekedi arimo kwirengagiza ukuri. Yirengagije umubano wari hagati y'ubutegetsi bwariho mu Rwanda no muri Zaire. Icyo gihe Habyarimana wayoboraga u Rwanda, yafataga Mobutu Sese Seko wa Zaire nka se muri Batisimu ku buryo umugambi wa Jenoside bawumvaga kimwe.

Tshisekedi yirengagije ko hari ibindi bihugu byahaye karibu impunzi, ariko bikanga ko zinjirana intwaro. Ni ko byagenze kuri Tanzania, kuko yasabye ko buri wese ushaka kwinjira mu gihugu yasiga intwaro ze.

Hari ifoto y'ikirundo cy'imihoro yasakaye cyane kuri internet ivuga ibijyanye na Jenoside yakorewe Abatutsi mu Rwanda; iyo foto yafatiwe ku mupaka w'u Rwanda na Tanzania ubwo impunzi zivanze n'abicanyi zinjiriga muri iki gihugu , nzego z'umutekano zibaka intwaro zose bari bitwaje harimo n'iza gakondo.

Ubwo impunzi zivanze n'abicanyi zinjiraga muri Tanzania zagenderaga ku mategeko y'icyo gihugu gifatanyije n'Ishami ry'Umuryango w'Abibumbye rishinzwe impunzi. Polisi y'icyo gihugu ni yo yacunganga umutekano mu nkambi z'impunzi.

Ibi ariko bitandukanye n'ibyaberaga muri Zaire. Ingabo z'abicanyi zinjiye muri icyo gihugu zifite intwaro nto n'iziremereye, ibyatumye haba akavuyo n'ubugizi bwa nabi mu nkambi.

Mu gihe Tanzania yashyize impunzi kure y'umupaka kandi ikambura intwaro abicanyi, bitandukanye cyane n'ibyabereye muri Zaire kuko batambuwe intwaro ahubwo batuzwa hafi n'umupaka w'u Rwanda mu ntera itagera ku bilometero bibiri.

Mu nkambi z'impunzi muri Tanzania ibiryo byatangwaga n'inzego zishinzwe umutekano ariko muri Zaire, ingabo z'abicanyi zari zishinzwe gutanga ibiryo, bakabinyereza bakabiguramo intwaro n'Ingabo za Zaire.

Mu Ugushyingo 1994, imiryango y'abaterankunga igera kuri 15 yanditse ivuga ko igiye guhagarika ibikorwa by'ubutabazi niba abicanyi aribo bashinzwe gutanga ibiryo kandi ibyinshi babinyereza bakabigurisha ku masoko yo muri Zaire.

Tshisekedi ubwo yavugaga kuri iki kibazo, yirengagije amagambo yakunze kuvugwa na se, Etienne Tshisekedi, wakunze ko igihugu cye cyakoze amakosa mu guha rugari abakoze Jenoside yakorewe Abatutsi, kuko bagomba kwamburwa intwaro mbere. Etienne Tshisekedi mbere y'uko apfa, yavugaga iryo ariryo zingiro ry'ibibazo by'urudaca hagati y'u Rwanda na RDC.

Tshisekedi yongeye kugoreka imvugo ku mvano y’ibibazo by’umutekano muke mu Burasirazuba bwa Congo

Yagarutse ku mabuye y'agaciro, agereka ku Rwanda amakosa y'abandi

Mu kiganiro na DW, Tshisekedi yabajijwe ku ibaruwa igihugu cye giherutse kwandikira uruganda rwa Apple, kivuga ko amabuye yifashishwa mu gukora ibikoresho byayo, aba yabonetse mu buryo butemewe.

Tshisekedi yavuze ko u Rwanda rwihaye uburenganzira bwo gukurikirana abajenosideri bari barinjiye ku butaka bw'igihugu cye, gusa ngo mu kubikora, rwaje kuvumbura ko muri icyo gihugu hari amabuye y'agaciro, rutangira kuyasahura rukoranye n'umuryango mpuzamahanga.

Ati 'Rwakoranye n'Umuryango Mpuzamahanga mu buryo bwarubashishije gucuruza aya mabuye yabonetse mu bugizi bwa nabi […] kuva icyo gihe u Rwanda, rwabaye igihugu gihagarariye umuryango mpuzamahanga mu bijyanye n'aya mabuye.'

Umuvugizi wa Guverinoma y'u Rwanda, Yolande Makolo, aherutse gutangaza ko iyo mvugo ya RDC ihabanye n'ukuri, ahubwo ko ari ibirego bidafite ishingiro iki gihugu gihora gisubiramo mu gushaka 'kugaragara no gukurura itangazamakuru' bifashishije izina ry'ibigo bikomeye ku Isi nka Apple.

Ati 'Ni ibindi bikorwa bififitse bya Guverinoma ya RDC ikomeza iteka gushaka guyobya uburari yifashishije guhimbira u Rwanda ibirego bidafite ishingiro.'

Ibyo Tshisekedi yavuze, ku batazi ukuri, bashobora gutekereza ko ari uko byagenze, mu gihe abayobozi bashinzwe amabuye y'agaciro mu gihugu cye, bakunze kuvuga ko ntaho u Rwanda ruhuriye n'iki kibazo ahubwo ko amakosa yakozwe na Guverinoma yabo ishutswe n'abo yita abafatanyabikorwa mpuzamahanaga.

Albert Yuma Mulimbi, wabaye Perezida wa Gecamines [Ikigo cy'ubucukuzi n'Ubucuruzi bw'amabuye y'agaciro], yahishuye uburyo Leta ya Congo igenzurwa n'inama z'abo yita abafatanyabikorwa bayo, ikabarekurira umutungo kamere wayo mu cyizere cy'uko bizayinjiriza akayabo ariko amaso agahera mu kirere.

Muri abo bafatanyabikorwa, yakomoje ku Kigega Mpuzamahanga cy'imari (FMI) na Banki y'Isi babwira Congo ngo 'mwebwe Leta ya Congo nta bushobozi bw'amafaranga mufite yo gutunganya no kubyaza umusaruro umutungo kamere wanyu, turabagira inama yo kubyegurira abafatanyabikorwa mpuzamahanga babizobereyemo kandi bafite ubushobozi bwo kubiteza imbere'.

Mulimbi yavuze ko hari toni zirenga miliyoni zoherezwa hanze n'ibigo by'abanyamahanga ariko ntibitange nibura 17% mu isanduku ya leta, kandi ko ibyo bimaze imyaka hagati ya 15 na 20.

Ati 'Impamvu ni uko ibyo bigo bifata ibirombe [amabuye y'agaciro ya Congo] bikabitangaho ingwate mu mabanki yo hanze bikaguza amafaranga aho kuzana igishoro, bikazana inguzanyo ku nyungu irenze 10% kandi tuzi ko bazifashe kuri 2 cyangwa 3%'.

Bimwe mu bigo yatunze urutoki harimo TFM (Tenke Fungulume Mining), KCC (Kamoto Copper Company) n'ibindi byo mu Burengerazuba bw'Isi n'iby'Abashinwa.

RDC icukura toni zirenga miliyoni imwe z'umuringa [Cuivre] na toni zirenga ibihumbi 100 za Cobalt. Uruhare runini rw'ubu bucukuzi rukorwa n'amasosiyete y'abanyamahanga asahura umutungo kamere w'iki gihugu nta nkomyi.

Ishami rishinzwe iby'Ubucukuzi bw'Amabuye y'Agaciro muri RDC, rivuga ko 70 % by'ibirombe by'amabuye y'agaciro muri RDC bigenzurwa na Sosiyete zo mu Bushinwa, ibisigaye bikagabanwa n'amasosiyete yo muri Amerika n'i Burayi.

Kugira ngo ibyo bigo mpuzamahanga bigere muri RDC, ntabwo ari u Rwanda rwabijyanyeyo, ibyo byose Tshisekedi amaze igihe kinini adashaka kubibona.

Raporo y'Ikigo gishinzwe Ubugenzuzi bw'Imari muri Congo, iherutse kugaragaza guhera mu 2010-2020, mu misoro y'amabuye y'agaciro isaga miliyoni 600 z'amadolari, asaga miliyoni 400$ ntiyageze mu isanduku ya Leta.

Muri iyo myaka icumi, Gecamines yungutse miliyari 2 z'amadolari ariko miliyari 1,5$ yakoreshejwe mu kwishyura imishahara y'abayobozi bakuru b'icyo kigo n'ingendo zabo mu mahanga.

Imihanda yagaragayemo ibice bitujuje ubuziranenge irimo uwa Ngoma-Ramiro, Kibugabuga-Shinga-Gasoro, Pindura-Bweyeye, Nyamagabe Urban Road na Huye-Cyitabi.

Raporo y'Umugenzuzi Mukuru w'Imari ya Leta y'umwaka wa 2022/2023 igaragaza ko mu bipimo 30 byafashwe harebwe impagararizi zafashwe kuri buri kilometero eshanu byagaragaje ko uduce 10 tw'iyo mihanda tutujuje ubuziranenge.

Muri ibi bipimo 100, harebwaga uko iyo mihanda yatsindagiwe, hakanarebwa ubukomere bw'igice cyo hejuru cyumukara.

Abahanga mu byo kubaka imihanda ya kaburimbo bemeza ko mu gihe imodoka igenda kuri kaburimbo amapine akishushanyaho, biba bivuze ko mu cyiciro cyo gutsindagira bitagenze neza.

Mu bipimo byafashwe ku muhanda wa Nyamagabe urban bine muri byo byagaragaje ko bitujuje ubuziranenge, mu gihe bibiri ari byo byagaragaje ko bigendanye n'ibyashyizwe mu masezerano.

Ku yindi mihanda hagiye habonekamo ibipimo bine byujuje ubuziranenge mu gihe bibiri byabaga bitujuje ubuziranenge.

Umugenzuzi Mukuru w'Imari ya Leta, Alexis Kamuhire kuri uyu wa 30 Mata 2024, yatangaje ko bajyanye na RTDA gupima izo mpagararizi muri laboratwari y'Ikigo cy'Igihugu gishinzwe gutsura ubuziranenge, ndetse na Kaminuza y'u Rwanda byose bigaragaza ko 10% by'ibyapimwe kuri iyi mihanda itujuje ubuziranenge.

Yagaragaje ko laboratwari ya RTDA ikwiye kuba ikora cyane ku buryo buri muhanda upimwe bagasanga utujuje ibisabwa bakayisenya.

Ati 'Yakagombye gufata ibipimo ikaza igapima aho byanze bitaragera kure mukaba mwabisenyesha.'

Umuyobozi wa Mukuru w'Ikigo cy'Igihugu gishinzwe iterambere ry'ubwikorezi (RTDA), Imena Munyampenda yagaragaje ko rwiyemezamirimo yahakanye ibyavuye mu masuzuma yakozwe muri za laboratwari ku buryo ubu bisaba ko hatangwa ibindi bivuye muri laboratwari ya gatatu.

Ati 'Mu cyumweru gitaha turaza kwicarana twumvikane kuri laboratwari tugiye gukoresha, kugira ngo ikibazo cyagaragaye kiveho. Tuzumvikana na bo uburyo bwo gufata impagararizi, ariko ubu turaza gukora ahantu hose hari umuhanda wa kaburimbo.'

'Nk'urugero umuhanda Kibugabuga-Shinga-Gasoro ni umuhanda ufite ibilometero 66, ubu kaburimbo imaze kugera hafi kuri kilometero 40, twumvikanye ko tuzafata kuri buri kilometero eshanu dufate impagararizi dupime ibi bipimo, nidusanga koko icyo kibazo kigihari ubwo haraza kubikosora nk'uko bikwiriye.'

Munyampenda yavuze ko iri suzuma rizafata amezi hagati y'abiri n'atatu bakazatanga raporo irimo ibigomba gukorerwa iyo mihanga yose.

Depite Niyorurema Jean René yagaragaje ko mu gihe bigaragara ko umuhanda wubatswe harimo ibibazo by'ubuziranenge bikwiye gukosorwa hakiri kare.

Ati 'Ikibazo nagizeho impungenge ni uyu muhanda bavuga wa Huye-Cyitabi, ubundi iyo umuhanda ukiri mu cyiciro cyo gusanwa, hakagombye nibura hariya basana umuhanda wose ukavamo ariko biriya biraka bagenda bashyiramo ntabwo byagombye kujyamo. Habura iki kugira ngo biriya biraka bagenda bashyiramo ntabwo byakagombye kujyamo.'

'Umuhanda niba wangiritse tabwo umuntu agenda areba hahandi hari ikiraka gusa, ugomba kureba uruhande rwose, hari kilometero ugomba gukuramo kugira ngo umuhanda usanwe neza.'

RTDA ivuga ko mbere yo kwakira imihanda babanza gusuzuma ubukomere bwayo, mu gihe bigaragaye ko itujuje ubuziranenge ntibabe bakiyakiriye.

Mu myaka irindwi ishize hubatswe imihanda ya kaburimo ireshya na kilometero 1600 ihuza ibice bitandukanye by'igihugu.

Umuyobozi Mukuru wa RTDA, Imena Munyampenda yagaragaje ko bagiye kongera gusuzuma ubukomere bw’imihanda hakazafatwa icyemezo gikwiye

Ubuke bw'inyama ziribwa n'abanyarwanda buri mwaka biri mu byatumye hashyirwa imbaraga mu guteza imbere ubworozi bw'amatungo magufi kugira ngo yiyongere binafashe Abanyarwanda benshi kurya inyama.

Umuyobozi w'Ushami ry'Ubworozi muri RAB, Dr Fabrice Ndayisenga, yavuze ko iyo bakoze impuzandengo basanga Umunyarwanda atarenza ibiro umunani ku mwaka, mu gihe Umuryango Mpuzamahanga wita ku biribwa, FAO, usaba ko nibura buri muturage yarya ibiro 45 ku mwaka.

Ati 'Turashaka rero kugira ngo bizamuke, hari ibihugu bigeza ku biro 45 ku mwaka iyo ubaze umusaruro mbumbe n'umubare w'abaturarwanda usanga bikiri hasi, turifuza kongera ibikenerwa mu musaruro ariko hari n'izindi ngamba zo kwigisha imirire abantu bagatinyuka kurya inyama z'amatungo magufi kuko aboneka kandi zirahari kugira ngo cya kigero twifuza kizamuke.'

Dr Ndayisenga yavuze ko kuba inyama Umunyarwanda arya ku mwaka zikiri nke ariyo mpamvu yatumye bifuza kongera umubare w'amatungo magufi abantu borora arimo ihene, intama, inkoko n'ingurube ndetse banongera amabagiro kugira ngo abantu barye inyama zujuje ubuziranenge.

Bamwe mu baturage baganiriye na IGIHE bo mu Karere ka Ruhango bavuze ko zimwe mu mpamvu zituma batitabira kurya inyama cyane ari ukubera amikoro ngo kuko kuri ubu zihenze cyane.

Mujawamariya Antoinette utuye mu Mudugudu wa Kurazo mu Kagari ka Musenyi mu Murenge wa Byimana, yavuze ko inyama zihenze cyane, kuko kuri ubu ngo ikilo cy'inyama z'inka kigura 4000 Frw bituma nibura azirya rimwe mu kwezi.

Yavuze ko inyama z'amatungo magufi zitakiboneka kuko kuyorora bisigaye bigoye.

Munyabarame Patrick utuye mu Murenge wa Byimana nawe yavuze ko inyama zirya umuntu wishoboye ukorera amafaranga menshi, agasaba Leta kongera umubare w'amatungo magufi itanga mu baturage kugira ngo nibura abe menshi babashe kurya inyama mu buryo bworoshye.

Kuri ubu binyuze mu mushinga wa PRISM ukorera mu turere 15, ushyirwa mu bikorwa na RAB binyuze mu muryango SPIU-IFAD Rwanda, abaturage ibihumbi 21 400 bamaze guhabwa amatungo magufi arimo ihene, intama, ingurube ndetse n'inkoko kugira ngo abafashe mu kwiteza imbere ari nako babasha kurya inyama mu buryo bworoshye.

Muri iyi myaka irindwi (2017-2024) u Rwanda rwari rwiyemeje kongera inyama zikava kuri toni ibihumbi 75 zikagera kuri toni ibihumbi 150. Kuri ubu hari kuboneka toni ibihumbi 130 akaba ariyo mpamvu hari kongerwa amatungo magufi nibura akaba ariyo azajya abagwa ku kigero cya 80%, inyama z'inka zikaba 20%.