Category: Uncategorized

InyaRwanda yabonye amakuru avuga ko Nishimwe Naomie n'umukunzi we Michael bateganya gukora ubukwe bwabo ku Cyumweru tariki 29 Ukuboza 2024.

Hazaba habura iminsi ibiri (2) kugira ngo umwaka ugera ku musozo, kuko uyu mwaka uzagira iminsi 366. Bizaba kandi ari ku cyumweru cya 52.

Uzaba ari umunsi udasanzwe kuri aba bombi! Kuko bazaba batangiye paji nshya mu mubano wabo, aho bazarahirira kubana nk'umugabo n'umugore, bakazatandukanwa n'urupfu.

Ku wa 24 Gashyantare 2024, Michael Tesfay ahagarariwe n'abo mu muryango we yafashe irembo mu muryango w'umukunzi we. Ni nyuma y'uko ku wa 1 Mutarama 2024, yatunguye Nishimwe Naomie amwambika impeta y'urukundo [fiançailles], mu birori byihariye byabereye muri imwe muri resitora yo mu Mujyi wa Kigali.

Icyo gihe, Michael yanditse kuri konti ye ya Instagram avuga ko yatangiye paji nshya mu mubano we n'umukunzi we Naomie, kuko yamubwiye 'Yego' nk'ikimenyetso cy'uko yiteguye kubana nawe ubuziraherezo.

Muri Gashyantare 2024, Miss Nishimwe yabwiye Radio Rwanda ko atabona amagambo asobanura uko yiyumva nyuma yo kwambikwa impeta kuko ‘ni ibintu bikubaho, hari ukuntu umuntu aba atekereza ikintu akavuga ngo kiriya kintu nikimbaho sinzigera nkibagirwa’.

Ati “Nubu ntabwo nabyibagirwa. Ariko ibyiyumviro ugira sinzi uko nabisobanura. N’iyo ubajije abantu benshi bagiye bambika impeta, hari igihe utumva n’amagambo yakubwiye. 

N’uyu munsi iyo ambaza amagambo yambwiraga, nta kintu na kimwe numvaga, ariko cyeretse avuze ngo ‘Will you marry me’ (Wakemera gushyingiranwa nanjye) ni cyo kintu cyo nyine numvishije. Ni ibintu n’ubu ngubu, sindabimenyera…”

Uyu mukobwa yavuze ko yari yiteguye kwambikwa impeta n’umukunzi we, ku buryo yatekerezaga ko byari kuba kuri Noheli ya 2023, ariko yarategereje ntibyaba.

Ashingira ku kuba hari hashize iminsi micye umukunzi we ahuye na Se umubyara, bityo ko byamuhaga ishusho y’uko bidatinze azambikwa impeta.

Nishimwe asobanura umukunzi we akabikubira mu ngingo eshanu; avuga ko ari umuhungu ufite ikinyabupfura; umuhungu ucisha macye; umuhungu utameze nk’abandi bose; umuhungu ukunda Imana kandi umukunda.

Uyu mukobwa ufite iduka ry’imideli, yabanje gutuza, avuga ko we n’umukunzi we bameze neza kandi “Turi kwitegura gukora ubukwe mu Ukuboza 2024.” Yirinze kuvuga aho ubukwe buzabera ndetse n’itariki buzaberaho.

Abajijwe niba atekereza kuba azatura hanze y’u Rwanda nyuma yo kurushinga, yasubije ko bizaterwa n’ibiganiro, amahitamo ndetse n’akazi gashobora gutuma bimuka. Ati “Ariko mu Rwanda ni mu rugo.”

Naomie yavuze ko mu gihe kiri imbere ari bwo azatangaza itariki y’ubukwe. Kandi avuga ko nyuma y’uko yambitswe ikamba rya Miss Rwanda, hari byinshi byahindutse mu buzima bwe, birimo nko kubona amahirwe anyuranye, gukorana n’abantu banyuranye, gushyira mu bikorwa imishinga inyuranye n’ibindi.

Mu byumweru 48 bishize, Nishimwe yasohoye ubutumwa kuri konti ye ya Instagram avuga ko Imana yamuhuje n'umugabo wazanye umunezero n'ibyishimo mu buzima bwe.

Hari aho yavuze ati 'Nta kindi nakwifuriza usibye imyaka myinshi kandi nzahora nsenga Imana ishobora byose kugira ngo ikomeze kuguha imigisha n'ibintu binini kandi binini mu buzima bwawe bwose bigutera kuba ukwiye ibintu binini kandi usenge kugirango ukomeze kuba umuntu mwiza wahozeho…'- Icyo gihe yanditse ubu butumwa yifuriza umukunzi we Isabukuru y'amavuko.

Muri Kamena 2023, Nishimwe Naomie n'umukunzi we basohoye ikiganiro ku rubuga rwa Youtube bari bahuriyemo, bavuga birambuye ku rugendo rw'urukundo rw'abo, uko bamenyanye n'ibindi biteye amatsiko kuri bo.

Michael Tesfay yavuze ko kuva muri 2018 hari umuryango yari azi w'inshuti ye yo mu Rwanda, kandi ko yawusuye birambuye mu 2021. Icyo gihe abo mu rugo bamubajije niba ateganya kurushinga, hanyuma bamwereka amafoto atandukanye y'abanyarwandakazi, byamuhaga amahirwe yo kuba yahitamo umwe.

Yavuze ko bamweretse abakobwa kugeza 'tugeze kuri Mackenzies [Itsinda Miss Naomie abarizwamo n'abavandimwe be]'. Michael yavuze ko yabwiwe ko bariya bakobwa ari ibyamamare mu Rwanda kandi 'ni beza cyane'.

Muri iki kiganiro yavuze ko hari igihe kimwe yigeze guhurira muri resitora na Uwase Kathia wo muri Mackenzies, abo bari kumwe bamubwira ko ari umuvandimwe wa Nishimwe Naomie kandi ko nawe afite umushinga ujyanye n'ibyo nawe yateganyaga gukoraho mu Rwanda.

Michael yavuze ko yabyaje umusaruro umwanya yari abonye yegera Uwase amwaka nimero za Nishimwe Naomie, ariko baranaganira birambuye.

Icyo gihe Michael yabwiye Uwase ko afite umushinga ari gukoraho, kandi afite icyizere cy'uko Naomie yamubera umufatanyabikorwa mwiza.

Uwase yasubiye mu rugo abwira Nishimwe Naomie ko yamuboneye umugabo, aho kumubwira ko hari umuntu bahuye ufite umushinga ashaka ko bakoranaho.

Mu kiganiro cyo kuri Youtube, Naomie yavuze ko yategereje ko Michael amuhamagara araheba, ibyumweru bibiri birihirika.

Yavuze ko byageze aho asaba Uwase Kathia kumuha Nimero ya Michael akareba ifoto iri kuri WhatsApp ye. Hari aho avuga ati 'Nabwiye Kathia ko yampa nimero ye nibura nkaba nareba ifoto ye kuri WhatsApp.''

Naomie yavuze ko yatunguwe n'ifoto yabonye kuri WhatsApp. Muri ako kanya yahise asaba Uwase kubaza Michael niba yaributse kuvugisha Nishimwe Naomie, undi arabikora.

Michael yavugishije Naomie ndetse bemeranya guhura, bahurira ku iduka rya Mackenzies.

Mu kiganiro, Naomie avuga ko Michael akigera ku iduka rya Mackenzies yararanganyije amaso mu mafoto yari amanitsemo, asaba Naomie kugenda amubwira kuri buri umwe.

Naomie avuga ko 'nagiye musobanurira mbavuga nabi ariko mu buryo bwiza'. Avuga ko ageze ku ifoto ye 'nahise mvuga ko nta mukunzi mfite'.

Naomie yavuze ko yiyumvisemo Michael ku munsi wa mbere bahuriyeho. Ni mu gihe Michael yasubije ko ari bwo bwa mbere yari akundanye n'umukobwa uzwi.

Naomie yavuze ko bwa mbere ahura na Papa wa Michael [Sebukwe] wari umunsi udasanzwe kuri we, kuko nta magambo menshi yo kuvuga yari afite. Yavuze ko icyo gihe bahuriye mu gihugu cya Ethiopia. Ati 'Ntabwo byari byoroshye, ariko byari byiza.'

Michael Tesfay yasoje icyiciro cya gatatu cya Kaminuza 'Masters' mu buvuzi, muri Kaminuza ya Edinburgh yo mu Bwongereza.

Afite imishinga itandukanye ijyanye n'ubuzima irimo n'uwo afatanya na Miss Akaliza Amanda, ujyanye no kwita ku buzima bwo mu mutwe hifashishijwe ikoranabuhanga. Mu 2018 yakoze muri Kaminuza y'u Rwanda yimenyereza umwuga, aho yamaze amezi agera kuri ane.

Miss Nishimwe Naomie ari kwitegura gukora ubukwe n'umukunzi we Michael Tesfay

Nishimwe Naomie n'umukunzi we barateganya gukora ubukwe tariki 29 Ukuboza 2024

Nishimwe ari kumwe n'abavandimwe be ubwo biteguraga abafashe irembo mu muryango wabo

Imyaka itatu irashize aba bombi bari mu munyenga w'urukundo ruganishije ku kurushinga

KANDA HANO UREBE KIMWE MU BIGANIRO NAOMIE YAKORANYE N'UMUKUNZI WE

“>

Uyu muhanzi wamamaye mu ndirimbo zirimo 'Kanjongera' yahagurutse ku kibuga cy'indege Mpuzamahanga cya Kigali, ku mugoroba wo kuri uyu wa Gatanu tariki 17 Gicurasi 2024, ahagana saa kumi n'ebyiri z'umugoroba, agera i Kampala ahagana saa mbili z'ijoro.

Yabwiye InyaRwanda, ko yakiriwe neza n'abateguye iki gitaramo, kandi yiteguye gutanga ibyishimo muri iki gihugu nyuma y'igihe atahataramira. Ni igitaramo avuga ko cyihariye kuri we n'umuziki gakondo, bityo yiteguye kunyura benshi.

Ati 'Navuga ko ari igitaramo kidasanzwe kuri njye, ariko kandi ni igitaramo cyihariye ku muziki gakondo, rero niteguye kuza gutarama byo hejuru cyane.'

Massamba kandi asobanura ki gitaramo nk'ikigamije kongera guha ibyishimo Abanya-Uganda, nyuma y'igihe atabataramira. Ati 'Igitaramo kigamije ibyishimo no kwongera gutaramana n'abakunzi banjye bo muri Uganda.'

Uyu muhanzi asobanura ko uru rugendo rugiye kumufasha kongera kwagura amarembo y'inganzo ye. Ati 'Niteguye neza, kuko ngiye kwagura amarembo y'inganzo gakondo; inganzo ikundwa na benshi. Ni ibyishimo bitagira ingano (kuri njye).'

Massamba Intore agiye gukora iki gitaramo mu gihe yzihiza imyaka 40 ishize ari mu muziki. Inganzo ye yatumye ataramira imbere y'abakomeye, kandi ahesha ikuzo umuziki w'u Rwanda.

Igitaramo cye kiraba kuri uyu wa Gatandatu tariki 18 Gicurasi 2024 muri Kampala Serena Hotel guhera saa kumi n'ebyiri z'umugoroba. Cyateguwe na sosiyete ya Hudson Willis, isanzwe itegura ibitaramo bikomeye muri kiriya gihugu.

Uyu munyamuziki wamamaye mu ndirimbo zirimo 'Kanjongera' yaherukaga muri kiriya gihugu, ubwo yaririmbaga mu birori by'isabukuru y'imyaka 48 y'amavuko y'Umugaba Mukuru w'Ingabo za Uganda, Gen Muhoozi Kainerugaba.

Ibirori byo kwizihiza iyi sabukuru byatangiye ku wa Gatandatu tariki ya 23 Mata 2022 ahazwi nka Lugogo Cricket Oval i Kampala. Nyuma yo kuririmba, Massamba yahaye Muhoozi impano y'umupira wanditseho ijambo 'Inkotanyi'.

Icyo gihe yashimye Muhoozi agira ati 'Ati 'Mwakoze cyane Afande General MK kuntumira mu isabukuru yanyu Lugogo ndetse mukaba mwongeye kuntumira n'ejo muri Perezidansi. Nzaza kandi nzatarama ubucuti n'umubano byose biganisha ku mahoro arambye kuko icyo dupfana kiruta icyo dupfa! Isabukuru nziza Nkotanyi cyane.'

Ku mpamvu zamamaza iki gitaramo, bagragaza ko kwinjira mu myanya ya VVIP ari ukwishyura 300,000 UGX, mu myanya ya VIP ni ukwishyura 100,000 UGX n'aho mu myanya isanzwe (Regular) ni ukwishyura 50,000 UGX.

Ubwo yari mu gitaramo cya Ally Soudy cyabereye muri Camp Kigali, ku wa 5 Kanama 2023, Massamba yavuze ko imyaka 40 ishize ari mu muziki, ari urugendo rurerure, kandi yarushyigikiwemo no kuba iwabo mu rugo bari abanyamuziki. We avuga ko ari umurage.

Yavuze ko yaririmbye muri Korali mu gihe cy'imyaka mike, nyuma ayivamo kubera ko yumvaga bitaryoshye cyane nka gakondo.

Massamba avuga ko ubwo yari hagati y'imyaka 20 na 21 y'amavuko, yabonye ko akwiye gukoresha inganzo ye mu rugamba rwo kubohora u Rwanda.

Ati 'Naravuze nti ntabwo iyi nganzo ibereye mu buhunzi. Ntabwo ibereye aho ndi, ibereye aho abandi bari kugirango nzabone iki gihugu kibereye Abanyarwanda.'

Massamba ubwo yari ku kibuga cy'indege Mpuzamahanga cya Kigali yerekeza muri Uganda

Massamba yakiriwe na bamwe mu bagize uruhare mu gutegura igitaramo agiye gukorera Kampala Serena Hotel

Massamba yavuze ko iki gitaramo cyihariye ku muziki gakondo w'u Rwanda

Massamba agiye gutaramira muri iki gihugu nyuma y'imyaka ibiri ishize

KANDA HANO WUMVE INDIRIMBO YA MASSAMBA INTORE

“>

Imikino ya kamarampaka “Playoffs” muri shampiyona ya Volleyball mu bagabo n’abagore yatangiye ejo hashize ku wa Gatanu, amakipe ya APR yahiriwe n’umunsi wa mbere.

Ni imikino ikinwa n’amakipe 4 mu bagabo (APR VC, REG VC, Police VC na Kepler VC) n’ane mu bagore (APR WVC, RRA WVC, Police WVC na Ruhango WVC). Akaba ari amakipe yasoje ari aya mbere muri shampiyona isanzwe.

Mu bagore APR yahuye na Ruhango, RRA ihura na Police. Mu bagabo APR yahuye na REG, Kepler ihura na Police. Ikipe igomba kugera ku mukino wa nyuma ikaba isabwa kuba yaratsinze imikino 2 muri 3 bagomba guhura.

Umukino wa mbere wahuje APR WVC na Ruhango, ni umukino woroheye cyane iyi kipe y’ingabo z’igihugu kuko yawutsinze amaseti 3-0 (25-16, 25-11 na 25-15).

APR WVC yatsinze Ruhango mu buryo bworoshye

Hahise hakurikiraho umukino wari witezwe na benshi mu bagore, wa RRA na Police WVC, ni umukino wari uryoheye ijisho.

Iseti ya mbere wabonaga ikipe ya RRA itarinjira mu mukino neza nubwo yayitangiye ari yo iri imbere, Police WVC yaje gukuramo amanota ihita yegukana iyi seti ku manota 25-21.

RRA yagarutse mu iseti ya kabiri ubona ko nta mikino, yaje kuyegukana ku manota 25-18. Ni nako byagenze ku iseti ya 3 kuko Police WVC wabonaga irimo gukora amakosa menshi atari ngombwa, baje kuyitakaza ku manota 25-15.

Bitewe n’amaseti yabanje uko yari yagenze benshi bumvaga n’ikurikiyeho RRA iyitwara byoroshye bagahita basoza umukino, si ko byaje kugenda kuko umutoza Mutabazi Elie wasaga n’uwamaze kwizera intsinzi yakoze amakosa mu misimburize maze Police iramuzukana inamutsinda iyi seti ku manota 25-22. Byahise biba amaseti 2-2 bitabaza iya kamarampaka yegukanywe na Police ku manota 15-12. Police WVC yegukana umukino ku maseti 3-2.

Bigoranye Police WVC yatsinze RRA

Hahise hakurikiraho umukino karundura mu bagabo wa REG na APR VC. REG VC yatanze APR kwinjira mu mukino ihita inayitsinda iseti ya mbere ku manota 25-23.

Iyi kipe y’ingabo z’igihugu yahise ikanguka maze na yo ihita itsinda amaseti 2 yakurikiyeho imwe ku manota 25-20 indi ku manota 25-17.

Intambara yaje kuba ku iseti ya nyuma aho REG VC yashakaga iya kabiri bagahita bajya mu iseti yo kubakiranura, gusa APR ntabwo yaje kubyemera kuko yahise itsinda iyi seti ku manota 29-27. Yegukanye umukino ku maseti 3-1.

Umukino wasoje iyindi ni uwo Kepler yatsinzemo byoroshye Police VC amaseti 3-1 (25-23, 22-25,30-28, 25-17).

Imikino irakomeza uyu munsi hakinwa umunsi wa kabiri w’imikino ya Playoffs aho byitezwe ko hari amakipe ashobora kurara akatishije itike y’umukino wa nyuma.

Wari umukino utoroshye

APR VC yishimira intsinzi ya yo

Byari ibyishimo bikomeye kuri Kepler

Umutoza wa Kepler, Nyirimana Fidele

Umuherwekazi ukomoka muri Uganda ariko akaba atuye muri Afurika y’Epfo n’umugabo we Shakib Lutaaya, Zari Hassan yavuze ko ubuzima ari bugufi bityo ko mu gihe umuntu akiriho akwiye kwishimisha ari na yo mpamvu yagiye kwibagisha kugira ngo agaragare neza bizwi nka ‘Plastic Surgery’.

Ni mu kiganiro uyu mugore w’abana batanu yahaye ikinyamakuru Chimpreports aho yemeje ko koko yibagishije kugira ngo agaragare neza ndetse ko byamutwaye ibihumbi 20 by’amadorali, ni ukuvuga arenga miliyoni 25 z’amafaranga y’u Rwanda.

Zari yavuze ko yibagishije amenyo ndetse n’inda. Byose akaba yarabikoze kugira ngo agumye agaragare neza.

Avuga ko ubuzima ari bugufi amafaranga abantu birirwa biruka inyuma bazapfa bakayasiga rero ko wayakoresha wishimisha.

Ati “Ubuzima ni bugufi. Naribagishije kugira ngo nse neza. Kuki ntasa neza? Amafaranga dukorera azita ku bana bacu ndetse anakoreshwe n’abandi bantu. Ubuzima ni bugufi. Amafaranga tuzapfa tuyasige, reka rero tuyishimishemo mu gihe tugihumeka.”

Ni ubwa Mbere Zari yari avuze kuri iki kintu, ni nyuma y’uko byari bimaze igihe bivugwa ariko akanga kugira ikintu na kimwe abivugaho.

Zari Hassan yavuza ko yibagishije kugira ngo ase neza

N’amenyo na yo ngo yayakozeho riraka

Ibi Perezida Kagame yabigarutseho kuri uyu wa Gatanu tariki 17 Gicurasi mu 2024, ubwo yari mu nama ya Africa CEO forum yari imaze iminsi ibiri ibera i Kigali. Hari mu kiganiro yahuriyemo na mugenzi we wa kenya, William Ruto na Filipe Nyusi wa Mozambique.

Iki kiganiro cyagarutse ku biri gukorwa kugira ngo ibihugu bya Afurika byongere umuvuduko w'iterambere ndetse n'ahakiri ibyo kunoza.

Umunyamakuru Eleni Giokos wa CNN wari uyoboye iki kiganiro, yabajije Perezida Kagame igikwiriye gukorwa kugira ngo ibihugu bya Afurika bitinjira mu bufatanye bishobora guhomberamo kuko byagaragaye henshi.

Perezida Kagame yagaragaje ko kimwe mu bituma Afurika ihombera mu bufatanye bumwe na bumwe ari amayeri y'abanyamahanga yo kugaragaza ko ari ahantu haba ibyago byinshi byo guhomba.

Ati 'Ibijyanye n'ibyago byo guhomba muri Afurika bizamo gukabya cyane mu nyungu z'abo bagena uko ibintu bigenda.'

Ku ruhande rw'u Rwanda, Perezida Kagame yagaragaje ko hari ubufatanye bwinshi igihugu cyagiyemo bwabyaye inyungu burimo n'ubwo gifitanye n'amakipe y'i Burayi.

Ati 'Kuri twe twagiye tugira ubufatanye bwiza kuva ku itangiriro, Ubufatanye mu by'ubukungu, Ubufatanye bugamije iterambere, ibyo ni nko kuva mu myaka 15 cyangwa 20 ishize.'

Yakomeje avuga ko abafatanyabikorwa b'u Rwanda babanje gusobanurirwa neza umurongo ngenderwaho w'igihugu.

Ati 'Twamenyereje abafatanyabikorwa bacu ko bagomba kumenya ko iki ari igihugu cyacu, ibi ari ibibazo byacu, tugomba kubikemura, duha agaciro abafatanyabikorwa, duha agaciro ubufasha ariko tutishimira umuntu uwo ariwe wese ugerageza ushaka kudusimbura muri gahunda zacu, yaba ashaka kudukorera ibintu cyangwa kudutegeka ibyo dukwiriye kuba dukora kuko duhora tuvuga ko ariwe tugena icyerekezo cyacu.'

Yifashishije urugero rw'ubufatanye u Rwanda rufitanye n'amakipe nka Arsenal, Perezida Kagame yagaragaje ko gahunda zose igihugu kijyamo ari izibyarira inyungu impande zombi.

Ati 'dufitanye ubufatanye na PSG, Bayern Munich na Arsenal, ubwo twabikoraga twabanje kureba ko bunguka natwe tukunguka, ariko Ushobora kuba warabonye ibyanditswe mu binyamakuru bavuga ngo ni gute u Rwanda rushobora kujya muri ibi? No gukoresha amafaranga muri ibi, byadusabye gukomeza gusobanura, tuvuga ngo turi gusohora amafaranga ariko tukaninjiza amafaranga, ntabwo ari ugusohora amafaranga gusa.'

Hari uwamucyuriye

Perezida Kagame yakomeje avuga ko muri ubu bufatanye usanga hari abantu baba bashaka kugena ibikorwa byose kuko batanga amafaranga.

Yifashishije urugero rw'umuntu wigeze kumushinja gukoresha amafaranga y'igihugu mu kujya kureba imikino.

Ati 'Rimwe na rimwe njya kureba umupira w'amaguru muri stade haba hano cyangwa muri ibyo bihugu dufitemo ubufatanye, nkoresha amafaranga yanjye ngura tike. Umwe muri aba bantu bakunda gutegeka ubwo nari ndi muri stade mu Bwongereza kureba umukino wa Arsenal yanshinje, avuga ngo 'uyu mugabo aza hano, tugatanga amafaranga y'inkunga, akayakoresha areba umupira w'amaguru'.'

Perezida Kagame yakomeje avuga ko 'nabwiye abantu ntimurazi? Ndahembwa kubera akazi nkora, nkoresha umushahara wanjye njya kureba umupira w'amaguru, nababwiye ko ntakoresheje amafaranga yabo, nakoresheje amafaranga ku giti cyanjye ninjiza bivuye mu mushahara w'akazi nkora.'

Yavuze ko nubwo ibi bishobora kumvikana nk'ibintu byoroshye, ariko bigaragaza ko buri gihe haba hari abantu bashaka kugena uko abandi babaho.

Mu 2023 Urwego rw'Igihugu rw'Iterambere, RDB, rwatangaje ko kuba rukomeje gusinyana n'amakipe y'Umupira w'Amaguru yo ku Mugabane w'i Burayi amasezerano yo kumenyekanisha ubukerarugendo bw'u Rwanda, atari ugukora ibirenze ubushobozi bw'igihugu nk'uko bamwe bagiye babigaragaza.

Iki kiganiro Perezida Kagame yagihuriyemo na mugenzi we wa kenya, William Ruto na Filipe Nyusi wa Mozambique

Perezida Kagame yavuze ku wamucyuriye ko yagiye kureba umukino wa Arsenal

Ibihembo ngaruka kwezi bihabwa abakinnyi n’abatoza bitwaye neza, byegukanywe n’abarimo Tuyisenge Arsene wa Rayon Sports ndetse na Pavelh Ndzila wa APR FC.

Ku mugoroba w’ejo hashize ku wa Gatanu tariki ya 17 Gicurasi ni bwo ibi bihembo bitangwa ku bufatanye na shampiyona y’u Rwanda na Gorilla Games byatangwaga hahembwa abitwaye neza muri Werurwe na Mata 2024.

Nk’ibisanzwe hahembwe ibyiciro 4, Umunyezamu wakuyemo umupira ukomeye, umutoza w’ukwezi, umukinnyi w’ukwezi ndetse n’igitego cy’ukwezi.

Igihembo cy’igitego cy’ukwezi cyaje kwegukanwa na Tuyisenge Arsene wa Rayon Sports icyo yatsinze Etoile del’Est, cyahigitse icya Muhoza Daniel wa Etoile del’Est yatsinze Marines, icy’umunyezamu Nicholas Sebwato yatsinze Kiyovu Sports.

‘Save’ nziza y’ukwezi ikaba yabaye iyo Pavelh Ndzila wa APR FC yakoze kuri Rayon Sports. Yahigitse iya Niyongira Patience wa Bugesera FC kuri Rayon Sports n’iya Muhawenayo Gad kuri Kiyovu Sports.

Umutoza w’ukwezi akaba yabaye Imama Imapakabo wa Etoile del’Est aho yahigitse Guy Bukasa wa AS Kigali, Julien Mette wa Rayon Sports na Thierry Froger wa APR FC.

Igihembo cy’umukinnyi w’ukwezi cyaje kwegukanwa na Gedeon Bendeka wa Etincelles FC. Yagitwaye Tuyisenge Arsene wa Rayon Sports, Gabriel Godspower wa Etoile del’Est na Hakim Hamiss wa Gasogi United.

Pavelh Ndzila ni we wahembwe nk’uwakoze Save y’ukwezi

Umutoza w’ukwezi yabaye uwa Etoile del’Est

Igitego cy’ukwezi cyabaye icya Tuyisenge Arsene

Umukinnyi w’ukwezi Gedeon Bendeka wa Etincelles FC

Guhera taliki ya 24 Gicurasi kugeza ku ya 1 Kamena 2024 biteganyijwe ko mu Rwanda mu nzu y’imikino n’imyidagaduro ya BK Arena hazabera imikino ya nyuma ya BAL 2024.

Iyi mikino izaba ihera muri 1/4 izakinwa n’amakipe 8 ariyo Rivers Hoopers yo muri Nigeria,AS Douanes yo muri Senegal ,US Monastir yo muri Tunisia, FUS Rabat yo muri Maroc, Petro De Luanda yo muri Angola, Al Ahly yo muri Égypte, Al Ahly de Benghazi yo muri Libye na Tigres du Cap yo muri Afurika y’Epfo.

Nk’uko bimaze kumenyerwa kugira ngo iyi mikino igende neza iba yahujwe n’imyidagaduro aho haba hari abahanzi batandukanye n’aba DJ basusurutsa abantu. 

Kuri uyu wa Gatanu BAL ibinyujije ku mbuga nkoranyambaga zayo yatangaje abazasusurutsa abantu muri iyi mikino y’uyu mwaka mwaka barimo abahanzi ndetse n’abavanga imiziki.

Mu bahanzi harimo Adenkule Gold, The Ben, Juno Kizigenza Itorero Inganzo Ngari, Kenny Sol, Bwiza, Alyn Sano, Chris Eazy, Ishami Talent, Kivumbi King, Ariel Wayz, Ish Kevin, Kevin Kade na Ishami Talent kimwe n'aba DJs batandukanye.

Aba bahanzi bazarirmba ku mikino itandukanye aho The Ben na Ishami Talent aribo bazasusurutsa abantu ku mukino wa nyuma uzakinwa taliki ya 1 Kamena.

Ni inshuro ya 4 u Rwanda rugiye kwakira imikino ya nyuma ya Basketball Africa League binyuze mu masezerano Ikigo cy'Igihugu Gishinzwe Iterambere (RDB) cyagiranye n’abayitegura.

Uko abahanzi bazakurikirana mu gususurutsa abantu mu mikino ya BAL 2024