Category: Uncategorized

Mu nama izwi nka 'Symposium on Peace, Security and Justice' igaruka ku mahoro, umutekano n'ubutabera, imaze iminsi ibiri ibera mu Ishuri Rikuru rya Polisi y'u Rwanda i Musanze, Brig. Gen Rwivanga yavuze ko umusaruro w'amasezerano hagati y'ibihugu bibiri mu kugarura amahoro ari mwinshi ugereranyije n'ahuriweho n'ibihugu byinshi, n'ubwo byombi bikenewe.

Yavuze ko amasezerano y'umwihariko u Rwanda rwagiranye na Mozambique na Repubulika ya Centrafrique, yatanze umusaruro bigatuma n'Umuryango mpuzamahanga uyaha umugisha, ari nabyo byatumye SADC ibiyungaho muri Mozambique.

Ati 'SADC yaraje kandi ntacyo bitwaye kuba yaraje kuko dukeneye ubufasha, dukeneye ubufasha buturuka mu masezerano ahuriweho n'impande nyinshi, ndababwira impamvu yabyo,'

Yavuze ko aya masezerano u Rwanda rwabanje kuyagirana na Repubulika ya Centrafrique ahari ikibazo cy'ihuriro CPC ryarwaniraga impinduka, ryari ihuriro ry'imitwe yose yitwaje intwaro yashakaga guhirika Guverinoma yatowe, ndetse no kubangamira amatora yari ari kuba.

Yasobanuye uburyo uwahoze ari Perezida Francois Bozize yahurije hamwe iyo mitwe kugira ngo bahirike ubutegetsi, bakarwana kugeza ubwo bashaka gufata umujyi wa Bangui, kandi hari ingabo za Loni zari zishinzwe kugarura amahoro muri icyo gihugu, MINUSCA.

Ati 'Hanyuma ukabona abo bantu bose biruka bahunga ibyo byihebe byashakaga gufata Bangui, kubera ko mu nshingano bahawe, icyo basabwa ni ukurinda abaturage, kumenya ko ubufasha bagenerwa bubageraho, gufasha gushyira intwaro hasi ku mitwe yitwaje intwaro, ariko iyo mitwe yari iri gukoresha intwaro kugira ngo ihirike ubutegetsi.'

Yavuze ko n'ubwo u Rwanda narwo rwari muri ubwo butumwa, byagaragaye ko bitewe n'ibyo bari bemerewe n'itegeko ribashyiraho, nta musaruro byatangaga kubera izo nzitizi.

Icyo gihe nibwo Guverinoma ya Repubulika ya Centrafrique yagiranye amasezerano yihariye n'u Rwanda, yo kubafasha kuzana gahunda y'ubusatirizi kurushaho kuko Loni yazitirwaga na za manda ziyishyiraho n'ibindi.

Ati 'Twaragiye tubasha kwirukana ibyo byihebe mu bice byose byari byarigaruriye. Uyu munsi iyo CPC yabaye amateka.'

Naho kuri Mozambique, intagondwa za Ahlu-Sunna Wa-Jama'a zafashe intara ya Cabo Delgado, kuva mu 2017 kugeza mu 2021, bica abaturage b'inzirakarengane bagera ku 3000, benshi baciwe imitwe, ibyo byanatumye abagera ku bihumbi 800 bava mu byabo, bahungira mu nkambi imyaka ine yose.

Ati 'Mozambique na yo yahisemo kugirana amasezerano yihariye n'u Rwanda, bishingiye ku byo twakoze mu 2020 byivugira, 2021 baratwegereye, begera Perezida wacu, hanyuma Perezida wacu ufitiye icyizere inzego zacu z'umutekano aravuga ati ntitwabikora? Hari ikigoye? […] yahisemo ko tubikora mu buryo budasanzwe,'

'Mu kwezi kumwe twari tubashije kwirukana ibyo byihebe byose mu duce dukomeye byari byarigaruriye muri Palma na Mocimboa da Praia, hanyuma twongera gushyiraho ubuyobozi bwa Leta muri utwo duce twose.'

Yavuze ko nyuma y'ibyo bikorwa ari bwo Ingabo z'Umuryango w'Ubukungu bw'Ibihugu byo muri Afurika y'Amajyepfo, SADC, zabiyunzeho avuga ko nta kibazo babigizeho.

Ati 'Ubwo SADC yazaga twarakoranye bya hafi, twasangiye ubutasi, ndetse n'umurongo, kandi aho twagiye dukorana hose twaratsinze, rero nta kibazo gukorana,

'Ntabwo ushobora kwikorana wenyine, hari inyungu nyinshi zo gukorana n'abandi […] Amasezerano ahuriweho n'ibihugu bibiri atanga umusaruro mu bijyanye n'ibikorwa, nta bibazo bibaho nk'ibyaba ku yahuriweho n'ibihugu byinshi, abantu barwana bahuriye ku mpamvu imwe, nta zindi mpamvu za politiki zabakoma mu nkokora,'

Yagaragaje ko indi mpamvu nziza ari uko gufata umwanzuro bitanyura mu nzira nyinshi, gusa agaragaza ko haba hakenewe n'imbaraga ziva mu zindi mpamvu kuko bisaba ubushobozi bwinshi kuba igihugu kimwe cyajya gufasha ikindi, ariko avuga ko u Rwanda.

Ati 'Ikindi kidufasha ni uko twize isomo ryo gukoresha bike tukagera kuri byinshi, kuva igihe twari mu rugamba rwo kubohora igihugu.'

Umuvugizi w’Ingabo z’u Rwanda, Brig. Gen Rwivanga yavuze ko ntacyo bitwaye kuba RDF ikorana na SADC

Manirareba Herman, Barafinda Sekikubo Fred, Habimana Thomas, Rwigara Diane, Mbanda Jean na Hakizimana Innocent ntabwo bujuje ibisabwa, bityo ntabwo bashyizwe kuri uru rutonde rw'agateganyo.

Dore ibyo abakandida batemerewe batari bujuje

Herman Manirareba

Komisiyo y'Igihugu y'Amatora yatangaje ko atatanze Lisiti y'abantu 600 bemerewe gutora bashyigikiye kandidatire ye.

Hakizimana Innocent

Hakizimana Innocent ntiyujuje abantu nibura 12 bafatiye ikarita ndangamuntu mu Karere ka Nyagatare na Gatsibo bari no kuri Lisiti y'Itora y'utwo turere.

Mu Karere ka Nyagatare, Gatsibo, Kirehe harimo nimero z'ikarita ndangamuntu z'abamushyigikiye zirimo zimwe zitari zo, izindi zitabaho ndetse n'izidahuye n'amazina ari kuri lisiti yatanze.

Perezida wa NEC, Oda Gasinzigwa, yatangaje kandi ko mu basinyiye Hakizimana Innocent, hari abagaruka kuri lisiti irenze imwe nyamara imikono yabo itandukanye.

Hari kandi abagaragara kuri Lisiti y'abamushyigikiye bemeza ko batamusinyiye.

Barafinda

NEC yagaragaje ko Barafinda Sekikubo Fred, kuri Lisiti y'abashyigikiye kandidatire ye, atujuje nibura abantu 12 bafatiye ikarita ndangamuntu mu turere bazatoreramo.

Utwo turere ni Nyabihu, Musanze, Nyagatare, Gakenke, Kirehe, Rubavu, Burera, Rutsiro, Bugesera Ngororero na Kayonza.

Komisiyo igaragaza ko hari aho usanga yarashyizeho amazina ariko nta nimero ndangamuntu z'abantu bamusinyiye, mu gihe hari ahashyizwe kuri lisiti hariho amazina na nimero z'indangamuntu ariko nta mikono ya banyirazo iriho.

Habimana Thomas

NEC yagaragaje ko kuri Lisiti y'abashyigikiye kandidatire ye, atujuje abantu nibura 12 bafatiye ikarita ndangamuntu kandi bari kuri lisiti y'uturere bazatoreramo.

Utwo turere ni Nyaruguru, Kirehe, Nyamasheke, Bugesegera, Rwamagana.

Mu Karere ka Nyaruguru, Nyamasheke, Rwamagana na Gatsibo yatanze nimero z'abamushyigikiye zitabaho n'izindi zidahuye n'amazina y'abamusinyiye bari kuri Lisiti.

Hari kandi abantu bemeza ko batigeze bamusinyira kandi bagaragara kuri Lisiti yatanze.

Diane Shima Rwigara

Diane Rwigara ntiyujuje ibisabwa, aho bimwe mu byo atatanze harimo icyemezo cy'uko atakatiwe n'inkiko, ahubwo akaba yaratanze kopi y'urubanza.

Mu mwanya w'icyemezo cy'ubwenegihugu Nyarwanda bw'inkomoko, Diane Rwigara yatanze inyandiko y'ivuko.

Kuri lisiti yatanze y'abashyigikiye kandidatire ye, ntiyujuje abantu nibura 12 kandi bari no kuri lisiti y'uturere bazatoreramo.

Utwo turere ni Kamonyi, Gatsibo, Gasabo, Musanze, Nyagatare, Burera, Nyabihu na Kayonza.

Muri lisiti z'abamushyikiye mu Karere ka Huye na Gisagara, indangamuntu zabo ntizibaho, hagaragaye kandi zimwe mu nomero z'ikarita ndangamuntu zidahuye n'amazina y'abo yanditse kuri lisiti y'abamushyigikiye.

Mbanda Jean

Mbanda Jean ntiyigeze asinyisha abantu bashyigikiye kandidatire ye mu turere 27.
Yatanze lisiti y'abamushyigikiye mu turere dutatu twonyine, ari two Gasabo, Bugesera na Kicukiro.

NEC yatangaje ko ibituzuye kuri lisiti y'abashyigikiye umukandida bidashobora kuzuzwa nyuma y'itariki 30 Gicurasi 2024 kuko ari bwo hasojwe igikorwa cyo gusinyisha abashyigikiye kandidatire no kuzakira.

Icyakora abakandida batujuje ibindi byangombwa bitarimo ilisiti y'itora bemerewe kubijyana mu gihe cy'iminsi itanu y'akazi nyuma yo gutangaza urutonde rw'agateganyo.

Paul Kagame yemerewe kwiyamamaza ku mwanya w’Umukuru w’Igihugu

Mpayimana Philippe yemerewe kwiyamamaza nk’umukandida wigenga

Byabereye mu Mudugudu wa Inkurunziza, Akagari ka Gihundwe, Umurenge wa Kamembe ku wa 06 Kamena 2024.

Saa tanu z'amanywa nibwo ubuyobozi bw'umurenge wa Kamembe bwakiriye amakuru avuga ko uyu mugabo wakomokaga mu murenge wa Cyato mu karere ka Nyamasheke wari umaze iminsi ibiri ataboneka, yabonetse mu nzu yakodeshaga aryamye hasi.

Umunyamabanga Nshingwabikorwa w'Umurenge wa Kamembe Iyakaremye Jean Pierre, yabwiye IGIHE ko bakimenya aya makuru bajyanyeyo nz'inzego zibishinzwe zirimo n'urwego rw'igihugu rw'ubugenzacyaha RIB, basanga uyu mugabo wacuruzaga butike yapfuye.

Gitifu Iyakaremye yavuze ko kugira ngo bimenyekane ko uyu muntu yapfuye, byatewe n'uko hari abaturanyi be bagize amakenga babonye bamaze iminsi ibiri batamubona

Nyakwigendera Ndayambaje yasize umugore n'abana babiri. Yari amaze iminsi mike atangiye gucururiza mu Mujyi wa Rusizi

Dr Murangira yabitangaje kuri uyu wa Kane tariki 6 Kamena 2024, mu kiganiro yagiranye n'itangazamakuru, cyibanze ku kugaragaza abasore batanu bakurikiranyweho ibyaha byo kwiba, ndetse no gusubiza telefoni abari bazibwe.

Yavuze ko ibihangano biri gusohoka muri iki gihe, biteye impungenge, kuko bitumvikana uko abahanzi bacyocyorana kugeza ubwo batukanye ku babyeyi.

Ati 'Ubutumwa bw'uyu munsi nabugeneye abo bita abahanzi. Muri ino minsi haragaragara abahanzi bamwe bahanga ibihangano birimo ibitutsi. Ibitutsi noneho wumva bituka icyo bita ikiremwamuntu, biteye ubwoba, biteye isoni, bageze n'aho batuka ababyeyi b'umuntu. Sinzi hariho hari indirimbo ureba umuntu yahanze witwa ngo ni umuhanzi ukibaza nk'uyu ng'uyu yayihanze yanyoye ibiki?'

Yavuze ko mu gihe cyo gushyira hanze indirimbo nk’iyo yuzuye ibitutsi, umuhanzi akwiye kumvira umutimanama, kandi akibuka ko igihangano agiye gushyira hanze kizumvwa n’ibihumbi by’abantu bityo agatekereza kabiri.

Ati “Umutimanama ntabwo wakubwira kuvuga biriya bintu uziko bizajya ‘Public’ uziko abana bawe bazabibona, umugore wawe azabibona. Hari igihe wibaza uti uyu muntu yari yanyoye ibiki ajya guhanga ibi bintu.”

Murangira yavuze ko bitangaje kubona umuhanzi aho kugirango ahange ibihangano bizima, ahubwo arahanga ‘ibikorwa bigize ibyaha’.

Yavuze ko RIB yihanganiriza ‘abo bose’ kugeza ku bahanzi bahanga ibishegu bogeze ibikorwa by’ubwomanzi.

Ati “RIB rero irihanganiriza abo bantu bose. Bari bwiyumve muri ibi mvuze, hari abahanga bahanga ibishegu, bogeza ibikorwa by’ubwomanzi n’urukozasoni n’ubusambanyi. Noneho haje n’abahanga bahanga batuka abantu noneho ukumva baratuka umubyeyi uwo ari we wese. Umuntu wese ukumva yatutswe. RIB irabihanganiriza.”

Murangira yasabye abahanzi bari muri uwo murongo kuzibukira, bahanga ibihangano bizima, aho guhanga ibihangano byatuma bagongana n’amategeko. Yavuze ko RIB itazigira yihanganira ibikorwa bitesha ikiremwamuntu agaciro.

Ati “Abahanzi baragirwa inama yo guhanga ibihangano bitabahanganisha n’amategeko. Kuko guhanga igihangano kiguhanganisha n’amategeko, ni inzira yawe yo kuzima. Ni inzira yawe yo kugirango akazi kawe karangire. Guhanga igihangano kiguhanganisha n’amategeko, nta buhanga burimo.”

Dr Murangira atangaje ibi mu gihe hamaze iminsi hasohotse indirimbo 'Sinabyaye' y'umuraperi Zeo Trap, aho bamwe bavuga ko yibasiye mugenzi we Ish Kevin bahanganye muri iki gihe, ndetse n'abandi bakora injyana ya Trapish.

 

Umuvugizi w'Urwego rw'Igihugu rw'Ubugenzacyaha RIB, Dr. Murangira B. Thierry yasabye abahanzi guhanga ibihangano bitabahanganisha n'amategeko

Kuri uyu wa Kane tariki 06 Kamena 2025 ni bwo Ishyirahamwe rihuza inzego z'ibanze n'Umujyi wa Kigali (RALGA) ryakoze ibirori byo kwizihiza isabukuru y’imyaka 20, byahuriranye n'inteko rusange yaryo. Abagize inteko rusange bemeje bwana Habimana Dominique nk'Umunyamabanga Mukuru mushya wa RALGA.

Inteko Rusange ya RALGA yitabiriwe n’abarimo Minisitiri w’Ubutegetsi bw’Igihugu (MINALOC), Musabyimana Jean Claude, n’Umunyamabanga wa Leta muri Minisiteri y’Ubutegetsi bw’Igihugu, Marie Solage Kayisire n’abandi bayobozi batandukanye, abayobora n’abigeze kuyobora mu nzego z'ibanze.

Habimana Dominique wagizwe Umunyamabanga Mukuru wa RALGA, yasimbuye kuri uyu mwanya Ngendahimana Ladislas weguye ku mirimo ye mu mpera za Gicurasi 2024 nyuma y’imyaka 6 yari amaze kuri uyu mwanya dore ko yawugezeho mu mwaka wa 2018 asimbuye Rugamba Egide na we wavuye kuri uwo mwanya yeguye.

Mbere yo kuba Umuyobozi muri RALGA [Rwanda Association of Local Government Authorities], Habimana Dominique yari asanzwe Umuyobozi ushinzwe Imiyoborere mu Kigo cy’u Busuwisi gishinzwe iterambere n’Ubufatanye mu Rwanda [Governance Programme Officer at the Swiss Agency for Development and Cooperation (SDC), Rwanda].

Habimana Dominique yashimiye inshingano yahawe, ati: 'Nishimiye ko nagiriwe icyizere ku mwanya w'Umunyamabanga Mukuru w'Ishyirahamwe ry'Uturere n'Umujyi wa Kigali, RALGA, nkaba niteguye gufatanya n'abo nsanze kugira ngo uturere dushobore kurushaho kugira ubushobozi bwo gushyira mu bikorwa gahunda z'iterambere igihugu gifite.'

Yavuze ko azakorana n'abafatanyabikorwa kugira ngo uturere dukomeze kugira ubushobozi bwo kugera kuri gahunda z'iterambere u Rwanda rwihaye. Ati “Harategurwa gahunda ya kabiri y'imyaka 7 ya Guverinoma (NST2), hari intego Igihugu cyihaye yo kugira Ubukungu buciriritse muri 2035, ndetse n'icyerekezo 2050, uturere tuzarushaho kongera imbaraga kugira ngo za ntego zose zibashe kugerwaho.”

Habimana Dominique [Habimana Dom] ni umuhanzi wa Gospel, akaba abarizwa mu Itorero rya AEBR Kacyiru. Yamaze igihe kinini ari Perezida wa Seraphim Melodies ifatwa nka korali nkuru mu gihugu muri iri torero, akaba ari na we wabandikiye indirimbo zabo nyinshi. Ni korali izwiho igikorwa cyo gutanga amaraso ku barwayi barembeye mu bitaro.

Mu 2015 ubwo yatugezahago indirimbo ye nshya yise “Turashaka Amahoro”, Habimana Dominique yabwiye inyaRwanda ko akunda cyane umuziki kandi akaba yariyemeje gukora umuziki uhindura abatuye Isi. Yavuze ko afite indirimbo nyinshi zihimbaza Imana n’izihamagarira abantu kwimakaza umuco w’amahoro.

Habimana Dominique asanzwe akora umuziki wo kuramya no guhimbaza Imana

Habimana Dominique yahawe kuyobora RALGA mu gihe hizihizwaga imyaka 20 imaze

Habimana Dominique (Ibumoso) wagizwe Umunyamabanga Mukuru wa RALG hamwe n’Umunyamabanga w Leta muri MINALOC, Marie Solange Kayisire

Habimana Dominique yahawe Inshingano nshya mu Nteko Rusange ya RALGA

Ladislas Ngendahimana yasimbuwe na Habimana Dominique ku mwanya w’Umunyamabanga Mukuru wa RALGA

Stromae ni umwe mu bahanzi Mpuzamahanga bafite inkomoko mu Rwanda. Izina rye ryatangiye guhangwa amaso nyuma y'uko ashyize hanze indirimbo nyinshi zakunzwe zirimo nka 'Papaoutai', ndetse anashyize imbere gukora ibijyanye no guhanga imideli.

Ni gake yumvikana mu itangazamakuru ahanini bitewe n'imirimo akora. Ariko kandi ajya anyuzamo agatangaza uruhererekane rw'ibitaramo akorera mu bihugu bitandukanye hirya no ku Isi.

Kuva yataramira mu Rwanda mu 2015 muri Sitade ya Kaminuza ya ULK, abanyarwanda ntibarongera kumuca iryera. Ndetse, hari abagiye bagerageza kumutumira bikabagora, ahanini bitewe n'ibyo asaba ndetse n'amafaranga.

Mu byo asaba harimo indege yihariye 'Private Jet', ubwato butwara ibyuma bye, gukorera igitaramo ahantu hari imihanda ibisikana ku buryo abantu babasha kubona uko bataha, inzu yubatse ku buryo ashobora kumanukira ku migozi n'ibindi.

Mu kiganiro yagiranye na InyaRwanda, Cyusa Ibrahim yavuze ko mu gihe ari kwitegura gukora igitaramo cye yise 'Migabo Live Concert' tariki 8 Kamena 2024, yamenyesheje umuvandimwe we Stromae, kandi yarabyishimiye, amutera iteka.

Abajijwe niba yarigeze amusaba ko yamufasha kwamamaza iki gitaramo, yavuze ko Stromae ari umuhanzi mugari byatumye ashyiraho itsinda rikurikirana ibikorwa bye, ku buryo atakoroherwa no kuba ibikorwa bye byamenyekanishwa binyuze ku miyoboro ya Stromae.

   

Ati 'Stromae ni umuhanzi mugari, nawe ubwe kwikorera buri kimwe ntibyoroshye. Kuba wamubwira ngo yitabire igitaramo cyawe, biragoye. Tureke no kuza mu gitaramo, ntabwo ashobora ku gufasha kumenyekanisha igitaramo, kandi ari umuvandimwe wanjye, arakubwira ati 'Account' yanjye ntabwo ari njye uyigenzura, kandi 'account' yanjye ijyaho ibyanjye gusa. Nta wundi muntu ajya yamamariza ibikorwa bye nubwo byaba bimeze gute.'

Cyusa yavuze ko ubwo yiteguraga gukorera ibitaramo i Burayi, yasabye Stromae kumushyigikira no kumufasha kubimenyekanisha, amubwira ko bitakunda, ariko yamushyigikira mu bundi buryo.

Yaramubwiye ati 'Mfite abajyanama, uretse n'ibyo ntabwo najya muri 'Restaurant' abajyanama banjye batabizi, niba mfite gahunda n'umuntu ngomba kubanza kubabwira bakemera cyangwa bagahakana.'

Uyu muhanzi wamamaye mu ndirimbo zirimo 'Marebe', yavuze ko amasezerano Stromae afitanye n'ibigo binyuranye, ariyo yatumye ashishura icupa yaherewemo amazi.

Ati 'Nk'ubu nko mu Rwanda bamuhaye amazi, mbere yo kuyanywa akuraho igipapuro kiri inyuma arakijugunganya, anywa amazi nta 'Brand' iriho […] Ntacyo byateje, ahubwo byari kugiteze iyo ayanywa icyo gipapuro kikiriho, ariko bitewe n'uburyo azi iby'imikoranire, yarabyitondeye.'

Cyusa Ibrahim yavuze ko umubano we na Stromae uhageze neza, kandi ko mu biganiro bagirana harimo no kuba yakorangera gutaramira i Kigali nubwo atavuga neza umunsi ashobora kuzongera kugarukira.

Mu minsi ishize, uyu muhanzi yahagaritse ibitaramo yarimo akorera mu bihugu bitandukanye. Cyusa avuga ko yabihagaritse kubera impamvu zitarimo uburwayi.

Ibyo Stromae yakoze mu 2015, byanakozwe na Cristian Ronaldo mu 2021. Icyo gihe Cristiano yafashe amacupa ya Coca Cola yari ateretse imbere ye arayahisha, ayasimbuza amazi yo kunywa. Ibi byatumye uru ruganda ruhomba akayabo ka miliyari 4 z'amadolari.

Mu 2015, Stromae yataramiye ibihumbi by'abantu mu gitaramo yari akoreye i Kigali

Cyusa Ibrahim yatangaje ko umuvandimwe we Stromae ari umunyamuziki mugari ku buryo yitondera buri kimwe aba ashaka gukora

Stromae ni umuhanzi w’icyamamare mu njyana ya Pop yakunzwe cyane mu ndirimbo zirimo nka Papaoutai yasohotse mu 2013 na Alors on danse yo mu 2010

REBA KUMUNOTA WA 31' CYUSA IBRAHIM AGARUKA KU MYITWARIRE Y'UMUVANDIMWE WE STROMAE

“>

KANDA HANO UREBE AMASHUSHO Y’INDIRIMBO ‘FILS DE JOIE’ YA STROMAE

“>

Ni ibyo yatangaje kuri uyu wa 06 Kamena 2024, mu nama igaruka ku mahoro, umutekano n'ubutabera, imaze iminsi ibiri ibera mu Karere ka Musanze mu Ishuri Rikuru rya Polisi y'u Rwanda.

Brig. Gen Rwivanga yavuze ko ibihugu birimo Mozambique na Centrafrique byari byugarijwe n'ibibazo by'ibyihebe, byegereye u Rwanda bagirana amasezerano yo koherezayo ingabo kugarura amahoro, kuko amasezerano ahuriweho n'ibihugu byinshi atatanga umusaruro uhagije.

Yagarutse ku cyo ingabo na polisi by'u Rwanda bijya mu butumwa bwo kugarura amahoro bikora kugira ngo hagaruke umutuzo n'umutekano mu baturage mu buryo bwose, avuga ko akazi kabo katarangirira ku kurasa ibyihebe gusa.

Ati 'Iyo imbunda zicecetse, dutangira akazi kacu kuko mu nshingano zacu nka RDF na RNP, dufite n'inshingano zo gukora ibikorwa bigamije guhindura imibereho y'abaturage. Dufasha abaturage tuba twaragiye kurinda, kandi ibyo biri no mu mitekerereze yacu, twizera ko kurwana gikwiye kuba kimwe muri gahunda ariko ituze ni ryo ry'ingenzi,'

Umuvugizi w'Ingabo z'u Rwanda yavuze ko ibyo bikorwa hoherezwayo abaganga kwita ku baturage n'abandi muri rusange bakagira uruhare mu bikorwa bigamije iterambere ry'imibereho myiza y'abaturage, ibyo u Rwanda rukaba rubikora mu butumwa bwose bwaba ubwa Loni cyangwa ubwo rugirana amasezerano n'ibindi bihugu ku giti cyabyo.

'Twavuze ku buryo bwo gukemura ibibazo biba byugarije abo baturage, bamwe bavuze ikibazo cy'ibyo kurya ndetse n'ubushomeri bugize 85% y'ibibazo byose ku hantu hari amakimbirane.

'Ku bw'ibyo, aho dukorera hose tugira uruhare mu gukora ibikorwa bigamije gukemura ibyo bibazo by'ingenzi, twubaka amashuri, dufatanya n'ubuyobozi bwaho kubaka amashuri no gutanga ubufasha bwacu bushoboka, muribuka dukorera i Darfur twatangije umushinga wo kubaka Rondereza, mu kugabanya ityangirika ry'amashyamba, ndetse no kurengera abakobwa bashoboraga gukora urugendo rurerure [bajya gutashya] bakaba bahohoterwa'

Brig. Gen Rwivanga yavuze ko ibikorwa byo kubungabunga amahoro u Rwanda rwasinyanyemo amasezerano n'ibihugu bya Mozambique na Centrafrique byatanze umusaruro kuko mu bihugu byombi habobohojwe uduce twinshi twari twarigaruriwe n'ibyihebe ndetse abaturage basubizwa mu byabo batangira gufashwa kwiyubaka.

Umuvugizi w'Ingabo z'u Rwanda yakomeje agaragaza ko ibikorwa by'Umuryango w'Abibumbye byo kugarura amahoro ari byiza kuko biba bifite ubushobozi bufatika, ariko yavuze ko iby'amasezerano y'ibihugu byombi bitanga umusaruro wisumbuyeho kuko bidasaba inzira nyinshi.

N'ubwo bimeze bityo Brig. Gen Rwivanga yagarutse ko hakiri imbogamizi kuri ibyo bikorwa byo kugarura amahoro, aho ku isonga haza ubushobozi buba budahagije kuko ibyo bihugu birimo amakimbirane biba bikeneye ubufasha bwo mu buryo bwinshi.

Umuvugizi w’Ingabo z’u Rwanda, Brig. Gen Rwivanga yavuze ko RDF na RNP batajyanwa mu butumwa no kurasa gusa ahubwo banafasha abaturage kwiteza imbere