Category: Uncategorized

Iki kinyamakuru ni kimwe muri 17 bikomeje gutangaza inkuru ziharabika Leta y'u Rwanda, zakozwe n'ihuriro ry'abanyamakuru 50 bakora inkuru zicukumbuye ryitwa 'Forbidden Stories'.

Umushakashatsi ushinzwe indimi za Afurika muri Kaminuza ya Havard, Dr Bojana Coulibaly, kuri uyu wa 6 Kamena 2024 yatangarije ku rubuga X ko izi nkuru ziri mu murongo wo guhakana jenoside yakorewe Abatutsi, kimwe mu bigamijwe mu guhakana harimo guteza urujijo.

Dr Bojana yagize ati 'Nk'uko nabivuze mu nama yo kurwanya uguhakana yabaye muri Mata ubwo twibukaga ku nshuro ya 30, abahakanye ni 'abacuruzi b'ugushidikanya'! Kandi ni ko kuri, ubucukumbuzi bwose bwakozwe n'abanyamakuru 50 ba Forbidden Stories bushingiye ku 'gushidikanya'!'

Ubutumwa bw'uyu mushakashatsi Ambasaderi Nduhungirehe yabushingiyeho ashimangira iby'iyi ntego yo gutera ugushikanya kuri jenoside yakorewe Abatutsi, agaragaza inkuru iki kinyamakuru cyo mu Buholandi cyakoze ku bakekwaho uruhare muri jenoside bahunze ubutabera.

Ambasaderi Nduhungirehe yagize ati 'NRC, ikinyamakuru cyo mu Buholandi kiri muri iri huriro cyarabigaragaje. […] Cyagaragaje ko Leta y'u Buholandi yakoze ikosa ryo kohereza mu Rwanda abari barahunze ubutabera kubera ko abatangabuhamya n'abarokotse jenoside babashinje batizewe. Kandi cyise abakekwaho jenoside bahunze ubutabera bose 'abatavuga rumwe' cyangwa 'abanenga Leta' batotezwa na Ambasade y'u Rwanda i La Haye.'

Uyu mudipolomate yasobanuye ko mu nkuru y'iki kinyamakuru, cyashyizemo ifoto ya Dusabe Thèrèse; umuforomo wakoreraga muri Komini Butamwa, ukekwaho kubaga ababyeyi batwite, akabakuramo abana mu nda. Uyu mukecuru uba mu Buholandi amaze igihe kinini yarashyiriweho impapuro zo kumuta muri yombi ariko aracyidegembya.

Ikibazo Ambasaderi Nduhungirehe yagaragaje ko kiri muri iyi foto ni uko mu magambo ayisobanura, handitse ubutumwa bwa Dusabe avuga ko yimwe ibyangombwa na Leta y'u Buholandi. Bugira buti 'Ku bw'u Buholandi ntabwo nkiriho. Nta ndangamuntu mfite, nta na pasiporo. Baransibye.'

Yagaragaje ko mu gihe iki kinyamakuru cyateganyaga gukora inkuru kuri Dusabe, cyagombaga kohereza umunyamakuru muri Butamwa kugira ngo amenye Abatutsi bahiciwe.

Ati 'Kubera iki NRC yanze kugaragaza uku kuri? Kubera iki Forbidden Stories, mu bushobozi bwose yakusanyije bwo kurwanya u Rwanda, itohereje umunyamakuru wa NRC muri Butamwa kugira ngo arebe abatakiriho, abatagifite indangamuntu cyangwa pasiporo, abakuwe ku Isi ko atari Dusabe Thérèse, ahubwo ari Abatutsi?'

Ambasaderi Nduhungirehe yatangaje ko iki kinyamakuru cyo mu Buholandi kitakabaye cyibaza ku kuba abantu barakurikiranweho uruhare muri jenoside cyangwa se bagahamywa n'inkiko, mu gihe kitigeze kigera aho abazize jenoside biciwe. Ati 'Uku ni uguhakana kweruye kandi ni icyaha cya jenoside ubwacyo.'

Tariki ya 1 Kamena 2024, ni bwo bivugwa ko Munyandekwe utuye mu Mudugudu wa Kanombe, Akagari ka Kagarama, mu Murenge wa Mahembe yafashe umugore we amubohesha imigozi ya pulasitiki amaguru n'amaboko, amufungirana mu cyumba, n'idirishya ryacyo arifungisha imisumari ku buryo ridashobora gufungurwa.

Aya makuru yagiye hanze ubwo umuturanyi w'uru rugo yabazaga umwe mu bana babo aho nyina yagiye akamusubiza ko papa wabo yamuboshye akamufungirana mu cyumba kimwe mu nzu yabo.

Umunyamabanga Nshingwabikorwa w'Umurenge wa Mahembe, Uwizeyimana Emmanuel yabwiye IGIHE ko Munyandekwe Elisha w'imyaka 47 yatawe muri yombi tariki 5 Kamena 2024, kugira ngo hamenyekane impamvu uyu mugabo yahambiriye umugore we amaguru n'amaboko.

Ati 'Yatawe muri yombi kugira ngo tumenye icyari cyatumye amukingirana mu nzu aziritse amaguru n'amaboko.'

Gitifu Uwizeyimana yavuze ko uyu mugore wafungiranywe mu buryo bubi yari afite uburwayi bwo mu mutwe umugabo amuhambira agira ngo atamucika.

Ati 'Umugore yagize ikibazo cy'uburwayi bwo mu mutwe, ubwo nyine kumuzirika kwari ukugira ngo atamucika ariko kubera ko yabikoze mu buryo butari bwo, atamenyesheje inzego z'ubuzima ngo bamufashe gukurikirana icyo kibazo. Ni icyo akurikiranyweho ngira ngo umugore yajyanywe mu bitaro ari gukurikiranwa no kwa muganga.'

Ubwo inzego z'ubuyobozi zinjiraga mu nzu zasanze uyu mugore aho imigozi yahambiriye hatangiye kubyimba ndetse n'inzara yenda kumwica.

Munyandekwe Elisha usanzwe ari umucuruzi w'imyaka ubu afungiye kuri Sitasiyo ya RIB ya Gihombo.

Bivugwa ko inkomoko yo kwica urubozo umugore we ifite imizi mu 2020 mu gihe cya COVID 19, ubwo umugore yafashwe n'uburwayi bwo mu mutwe bikekwa ko bwaba bwatewe n'itoteza uyu mugabo yamukoreraga.

Umugabo yanze kumuvuza avuga ko atamuvuriza mu Isi, gusa nta n'ubwisungane mu kwivuza yari afite. Icyo gihe ubuyobozi bwarabimenye bujyayo bubatangira Mituweli bose uko ari 9 ngo bubashe kumuvuza. No kuri iyi nshuro ubuyobozi bwongeye kubatangira ubwisungane mu kwivuza bwa 2023/2024.

Uyu mugabo ngo yabanje no gukura abana be barindwi mu ishuri, n'uwo ubuyobozi guberageje gusubizayo bugacya yongeye kurimukuramo.

Abana be babiri bakuru barimo umukobwa w'imyaka 20, ari na we mfura ye, bo banze kurisubiramo burundu, icyakora abato bo bemera kurisubiramo.

Munyandekwe kimwe na bagenzi be barenga 50 bagaragaje batoteza abana babo ngo ntibashaka ko biga mu Isi kuko amashuri yabo bazayasanga mu ijuru.

Uyu mugore yari amaze iminsi itanu afungiranye muri iki cyumba

Kugeza uyu munsi ababyeyi bashaka kwigisha abana babo muri iri shuri bashobora kunyaruka bakajya kwihera ijisho cyane ko ari mu bilometero bike uvuye mu Mujyi wa Kigali ugana mu Bugesera aho ryubatswe.

Ku wa 08 Kamena 2024 ni umunsi washyizweho n'iri shuri aho ababyeyi bazaba bemerewe kuza kurisura, bakazahura n'ubuyobozi bw'ikigo burangajwe imbere n'Umuyobozi Mukuru waryo witwa Damien Vassallo.

Ntare Louisenlund School ni igitekerezo cyakomotse ku bagize umuryango NSOBA (Ntare School Old Boys Association) bize mu ishuri ryisumbuye rya Ntare School yo muri Uganda barimo Perezida Paul Kagame na Perezida Yoweri Kaguta Museveni uyobora Uganda.

Iri shuri ryubatswe mu Mudugudu wa Musagara, Akagari ka Kanazi mu Murenge wa Nyamata, Akarere ka Bugesera.

Rubatswe kuri hegitari 40 muri 60 z'ikibanza cyose, rikazashyirwamo ibikoresho bifite agaciro k'arenga miliyari 5 Frw.

Izina rya Louisenlund ryahawe iri shuri rikomoka ku kigo cyo mu Budage cya Louisenlund School, cyamamaye mu Burayi hose ku bwo gutanga ubumenyi bufite bushingiye kuri siyansi. Ibi bigo byombi byahuje imbaraga kugira ngo bikorane.

Byakozwe mu murongo wo kuzana uwo muco no mu Rwanda abana bagacengera ubumenyi bugezweho ndetse mpuzamahanga, bwa bundi usanga hake mu gihugu.

Ni na yo mpamvu Damien Vassallo wahoze ari Umuyobozi Mukuru Wungirije wa Louisenlund School yagizwe uwa Ntare Louisenlund School.

Kugeza uyu munsi Ntare Louisenlund School yose yarangiye kubakwa mu byiciro byose bisabwa.

Ni ukuvuga amashuri, aho kurara, inzu z'ubuyobozi, inzu zo kuryamamo n'izindi ndetse abarimu bazajya baba bari kumwe n'abandi umunsi ku wundi cyane ko na bo bagenewe aho bazaba.

Bafite kandi laboratwari esheshatu, inzu y'imyidagaduro, ibibuga by'imikino, nka basketball, Volleyball, Baseball, Football, Tennis, Handball, Cricket, Piscine byose byubatswe mu buryo bugezweho.

Kuhiga bizasaba iki?

Ku ikubitiro iki kigo kizatangirana n'abanyeshuri 160 barimo abahungu n'abakobwa bitandukanye na Ntare School ya Uganda yizemo abahungu gusa. Iri shuri rizaba ritanga amasomo yo mu mashuri yisumbuye (guhera grade seven) buri shuri rikigamo abana 20.

Icyakora mu myaka nk'itandatu Ntare Louisenlund School izaba yigwamo n'abarenga 1500 biga babamo.

Ntabwo porogaramu zizafasha gutanga amasomo ari izasanzwe ahubwo hazifashishwa izatejwe imbere na International Baccalaureate Organization, IB.

Ni umuryango mpuzamahanga ufite icyicaro i Genève mu Busuwisi, wubatse izina rikomeye mu gutegura porogaram z'uburezi zigezweho ku banyeshuri bari hagati y'imyaka itatu na 19.

IB itegura imfashanyigisho zidasanzwe zigahabwa ibigo bizikenerera, ariko zikaba imfashanyigisho zubaka umunyeshuri ushoboye, ha handi bamwe bavuga ko iba igoye ku buryo umwana ujegejega adapfa kuzisukira.

Ni imfashanyigisho zimaze kuba ikimenywabose mu Isi, aho ibigo nka Singapore International Community School, Zurich International School n'ibindi byayimenye mbere.

Kugira ngo wumve urwego ibintu biriho ni uko Singapour ari igihugu kiza imbere mu gutanga ubumenyi bufite ireme mu Isi, aho nk'Isuzuma rizwi nka International Student Assessment, PISA ryahaye iki gihugu 9,10 ku 10, amanota menshi adapfa kubonwa n'igihugu icyo ari cyo cyose.

Ikigo gishaka gukoresha porogaramu ya IB kibanza guhabwa uburenganzira bwa porogaramu ya mbere, abana bakirangiza kigasaba ikindi gutyo gutyo. No kuri Ntare Louisenlund School ni ko byagenze, ubu iri shuri rikaba ryarahawe uburenganzira kugeza mu mwaka wa cyenda, ikindi cyiciro bakazagisana nyuma.

Abana baziga muri iki kigo bazajya bava mu Rwanda, mu Karere, Afurika no ku Isi hose, ariko harebwe abahanga bamwe bujuje ibizamini bisoza amashuri abanza.

Uwemerewe abanza gukoreshwa ikizamini kuko kuzuza biba bidahagije,70% by'abazahiga ni Abanyarwanda ndetse buri munyeshuri azajya yirihira.

Icyakora hari gahunda ko Minisiteri y'Uburezi izajya itoranya abanya abana b'abahanga kurusha abandi mu masomo ya siyansi bagera kuri 80, bahabwe buruse muri iki kigo bishyurirwe byose.

Abarimu bose bazigisha aba bana ni abo ku rwego mpuzamahanga kuko abenshi baturutse mu bigo bikomeye nko muri Leta Zunze Ubumwe za Amerika, u Burayi no muri Afurika, hakabamo n'Abanyarwanda nubwo ari bake.

Kugeza uyu munsi abo bose bamaze kuboneka ndetse bahawe n'akazi.

Umuyobozi muri Ntare Louisenlund School ushinzwe ibijyanye no kwemerera abaza kwiga muri iki kigo, Mbabazi Anne-Grace yavuze ko bashaka ko iki kigo cyaba mu by'imbere bitanga uburezi buhambaye mu Isi.

Ati 'Ariko tukabikora tudatatiriye Umuco Nyarwanda na cyane ko uri mu byatumye iri shuri rishingwa. Umwana azahabwa ubumenyi bugezweho ariko tugumane umwimerere wo mu Rwanda ku buryo abana batazahindura imyumvire cyane.'

Ushaka gusura Ntare Louisenlund School wakanda aha https://docs.google.com/forms/d/e/1FAIpQLSeHj-oiLOMB_7poOlXI-CDfbPbJZQKjt_29TRJyWZY3arqDdg/viewform

Ushaka gusura Ntare Louisenlund School wakanda aha https://docs.google.com/forms/d/e/1FAIpQLSeHj-oiLOMB_7poOlXI-CDfbPbJZQKjt_29TRJyWZY3arqDdg/viewform

Ucyinjira muri Ntare Louisenlund School

Muri Ntare Louisenlund School umunyeshuri ntaho azajya ahurira n’ivumbi, hubatswemo imihanda ya kaburimbo mu mpande zose

Urebeye inzu yagenewe ubuyobozi bwa Muri Ntare Louisenlund School kure

Buri kimwe cyose cyashyizwe muri Ntare Louisenlund School gitunganyijwe mu buryo bubereye ijisho

Abakunzi b’imikino yo koga na bo batekerejweho muri Ntare Louisenlund School

Hubatswe n’Ikiguga cya Cricket ngo abakunzi b’uyu mukino na bo bajye babona aho bakarishyiriza ubumenyi bwabo kuri uyu mukino

Iyo wegereye ya zzu y’imyidagaduro neza

Amashuri yo muri Ntare Louisenlund School ni uko ameze

Ntubwo ikigo cyubatswe ku buso bwa hegitari 40 iyo ukizenguruka cyose nta ho uhurira n’ivumbi cyangwa icyondo

Iyo nyubako izajya ikorerwamo n’abayobozi batandukanye b’iki kigo

Amacumbi y’abarimu n’abandi bakozi ni uko ameze

Buri gice cyose cy’iki kigo cyashyizwemo imihanda ya kaburimbo

Ikimenyetso cya Ntare Louisenlund School ni intare nk’uko izina ry’iri shuri ribivuga

Nubwo ari ishuri rizibanda kuri siyanse, abana bazajya bigishwa n’amateka yaranze u Rwanda muri wa mujyo wo kudatakaza Umuco Nyarwanda

Ucyinjira muri Ntare Louisenlund School

Iri shuri rifite abakozi bahora bakurikirana ibijyanye n’isuku yaryo umunsi ku wundi

Imbere mu nyubako yagenewe gutangirwamo amafunguro. Ifite ubushobozi bwo kwakira abagera ku 1500

Amatara ni ikintu cyitaweho buri hantu hose hagize Ntare Louisenlund School

Imbere mu nzu abanyeshuri bazajya bararamo

Hagati y’inzu zo kuraramo hateganyijwe aho abana bazajya banika imyenda yabo

Ibyo ni ibyuma bishyushya amazi abana bakoresha, ushaka akoga akonje, ariko ushaka n’ashyushye akayabona

Inzu zo kuraramo ziri hafi y’ibibuga by’imikino bitandukanye

Ntare Louisenlund School igaragara nk’icyatsi kibisi bijyanye n’imashini zashyizwe buri hantu hose zivomerera ibimera bigahora bitoshye

Muri Ntare Louisenlund School igiti ni imari ikomeye

Buri kayira kose kagiye gaterwaho ibiti mu buryo bwo kubungabunga ibidukikije

Izo ni inyubako abanyeshuri bazajya bararamo

Amatara yashyizwe hose, akorwa ku buryo bubereye ahantu yashyizwe, iri ni iryo hanze ku kayira kagana aho abanyeshuri barira

Ku mihanda yo muri iki kigo hashyizweho amatara amurikira abajya muri gahunda zitandukanye

Abakunzi b’imikino y’intoki barazirikanwe

Aho ugeze hose usanga abakozi bita ku biti byatewe muri iki kigo cy’amashuri

Aha ni inyuma y’inyubako yagenewe gutangirwamo amafunguro

Amafoto: Irakiza Yuhi

Imibiri umunani yabonetse mu ishyamba rya Kabgayi tariki ya 5 Kamena 2024 mu gihe indi itatu yabonetse kuri uyu wa 6 Kamena, ariko ibikorwa byo gushakisha mu cyobo kimwe babonye biracyakomeza.

Perezida wa Ibuka mu Murenge wa Nyamabuye, Bayiringire Issa yabwiye IGIHE ko amakuru yatanzwe n'abarokotse Jenoside yakorewe Abatutsi ahamya ko ishyamba rya Kabgayi ririmo ibyobo byinshi byajugunywemo Abatutsi biciwe muri icyo gice muri Jenoside mu 1994.

Yavuze ko nubwo baba batazi aho ibyobo ababo bajugunywemo biherereye, iyo hagiye kubakwa ibikorwa remezo birangira bigaragaye.

Ati 'Hari umuyoboro w'amazi wari urimo uhaca werekeza ku bitaro bishya bihari by'ababyeyi, ubwo rero ubwo bacukuraga bahise babona ikimenyetso cy'umubiri uhari nib wo twaje tuwushaka rero duhita tubona ari icyobo bajugunyemo abantu benshi.'

Yagaragaje ko hatarabaho igikorwa cyo gushaka imibiri y'Abatutsi biciwe mu bigo bitandukanye i Kabgayi kugira ngo bose bashyingurwe mu cyubahiro.

Bayiringire yavuze ko no mu gihe hubakwaga inyubako y'ibitaro by'abanyeyi aha habonetse imibiri irenga 1000 y'abatutsi bishwe mu 1994.

Yavuze ko kuba imibiri y'abazize Jenoside yakorewe Abatutsi ikiri kuboneka nyuma y'imyaka 30 bibabaje ariko agasaba abarokotse Jenoside kwihangana.

Uyu muyobozi yasabye inzego bireba gushyira imbaraga mu gushakisha abantu bajugunywe mu byobo biri mu ishyamba rya Kabgayi bagashyingurwa mu cyubahiro.

Amakuru avuga ko umunyezamu wa Musanze FC, Muhawenayo Gad ari mu muryango winjira muri APR FC, ni mu gihe ikipe ye yamubuze ngo batangire ibiganiro byo kongererwa amasezerano.

Uyu munyezamu wagize umwaka mwiza w’imikino wa 2023-24 aho yafashije Musanze FC gusoza ku mwanya wa 3 ndetse kwitwara neza kwe bigaragarira ku kuba yaranahamagawe mu ikipe y’igihugu.

Gad wari usoje amasezerano ye muri Musanze FC, amakuru ISIMBI yamenye ni uko Musanze FC imaze iminsi igerageza gushaka uburyo yamwegera ngo baganire ku kuba yakongera amasezerano ariko ntibarabasha guhura na we.

Bivugwa ko inshuro zose yagerageje yabahaye gahunda ntazubahirize ni mu gihe ubundi yababwiye ko ari mu karuhuko.

Gusa uyu munyezamu ashobora kuba yarabikoze abishaka kuko bivugwa ko yamaze kumvikana na APR FC ngo abe yaza gusimbura Ishimwe Jean Pierre ushobora gutandukana na APR FC akajya mu ikipe azakinamo.

APR FC ikaba igomba gutandukana n’abanyezamu ba yo babiri, Ishimwe Jean Pierre na Mutabaruka Alexandre, irimo gushaka rero abasimbura ba bo.

Muhawenayo Gad aravugwa muri APR FC

Kapiteni w’Ikipe y’Igihugu y’u Rwanda Djihad Bizimana yasubije umunyamakuru wa Benin wari umwiyemeyeho ko u Rwanda atari igihugu cy’umupira w’amagurua, amwibutsa ko na Benin yiratana iri muri ako gatebo irimo.

Hari mu kiganiro n’itangazamakuru cyaraye kibaye kigaruka ku mukino w’umunsi wa 3 w’itsinda C mu gushaka itike y’igikombe cy’Isi cya 2026.

Ni umukino uteganyijwe kuba saa 21h00′ zo kuri uyu wa Kane tariki ya 6 Kamena 2024 ukabera muri Côte d’Ivoire kuri Stade Félix Houphouët Boigny aho Benin yakirira Amavubi.

Ubwo abakapiteni n’abatoza bari mu kiganiro n’itangazamakuru kigaruka kuri uyu mukino, umunyamakuru wa Beni yabajije kapiteni w’Amavubi, Djihad Bizimana niba badatewe ubwoba na Benin kubera ko u Rwanda atari igihugu cyizwi mu mupira w’amaguru.

Djihad akaba yatunguranye amuha igisubizo cyashimishije benshi mu banyarwanda aho yamubwiye ko na Benin atari igihugu cy’umupira.

Ati “Uravuze ngo u Rwanda ntabwo ari igihugu cy’umupira w’amaguru, ariko na Benin na yo ni ko imeze, ni byiza kuko umukino uzaba ari 50/50, ntabwo ari nk’uko twaba tugiye gukina na Maroc, turiteguye ibindi tuzabireba nyuma y’umukino.”

Kugeza ubu u Rwanda ni rwo ruyoboye iri tsinda n’amanota 4, Afurika y’Epfo ifite 3, Nigeria, Lesotho, Zimbabwe zifite 2 mu gihe Benin ifite 1.

Djihad Bizimana igisubizo yasubije umunyamakuru wa Benin cyashimishije benshi

Mu minsi ishize ni bwo hatangajwe ko rimwe mu marushanwa akomeye y'ubwiza ku isi rya Mister World rigiye kongera kuba nyuma y'imyaka igera kuri itanu ritaba. Kugeza uyu munsi uwambaye iri kamba rya Rudasumbwa w'isi, ni Jack Heslewood, Umushakashatsi mu by’indege ukomoka mu Bwongereza, wambitswe ikamba ku ya 23 Kanama 2019 i Manila muri Philippine.

Biteganijwe ko Mr. Jack Heslewood azambika ikamba uzamusimbura muri Nzeri uyu mwaka, mu birori bizabera mu gihugu cya Vietnam.

Mu gihe habura igihe gito ngo hatorwe Rudasumbwa mushya w'Isi, InyaRwanda yifuje kukwibutsa ba Rudasumbwa bagiye bambikwa iri kamba uko imyaka yagiye isimburana kuva ryatangira kuba mu 1996 kugeza mu 2019.

1.     Tom Nuyens

Tom Nuyens ukomoka mu Bubiligi, ni we musore wa mbere wambitswe ikamba rya Rudasumbwa w'Isi mu 1996. Ahigitse abasore 51, Tom ukomoka mu Bubiligi yegukanye ikamba ryifuzwaga na benshi mu birori by'amateka byabereye Istanbul muri Turukiya.

2.     Sandro Finoglio

Sandro Finoglio Esperanza wabonye izuba ku ya 3 Mutarama mu 1973, niwe waciye agahigo ko kuba Mr World ubwo yabaga ku nhsuro ya kabiri mu 1998. Finoglio ufite inkomoko muri Venezuela, ni umukinnyi wa filime akaba n'umunyamideli w'icyamamare.

Nyuma y'umwaka umwe yegukanye iri Kamba, yahise yoherezwa gutura i Troia muri Portugal. Yambitswe ikamba rya Rudasumbwa w'Isi ku ya 18 Nzeri mu 1998, mu birori byabereye Grândola muri Portugal, ahigika abasore bari bahatanye bagera kuri 43.

3.     Ignacio Kliche

Ignacio Kliche niwe wambwitswe ikamba rya Rudasumbwa w'Isi wa gatatu, ku ya 13 Ukwakira mu 2000, mu gikorwa cyabereye i Perthshire muri Scotland. Icyo gihe, Ignacio ukomoka muri Repubulika ya Uruguay yatsinze ahigitse abagera kuri 32 bari bahatanye.

4.     Gustavo Gianetti

Gustavo Cabral Narciso Gianetti wavutse ku ya 21 Gicurasi 1979, ni umunyamideli ukomoka muri Brazil wambitswe ikamba rya Rudasumbwa w'Isi mu 2003. Yinjiye muri aya marushanwa nka Mister Brazil 2001.

Iri Kamba yaryambikiwe i Londres mu Bwongereza ku ya 9 Kanama 2003, atsinze abasore bagera kuri 38 bari bahuriye mu irushanwa.

5.     Juan García Postigo

Ku ya 31 Werurwe mu 2007, nibwo umunya-Espagne Juan García Postigo yahigitse abasore bari bahatanye mu irushanwa rya Mr World 2007. Mu birori byabereye i Sanya mu Bushinwa, Juan yanditse amateka akomeye aba umunya-Espagne wa mbere wegukanye iri Kamba.

Kuri ubu, Juan ni umukinnyi wa filime, akaba umunyamideli, rwiyemezamirimo ndetse n'umunyamahoteli.

6.     Kamal Ibrahim 

Kamal Ibrahim wabonye izuba ku ya 10 Ugushyingo mu 1985, ni we wagizwe Rudasumbwa w'Isi ku ya 27 Werurwe mu 2010. Kamal yatsindiye iri Kamba atsinze abagera kuri 74 bari bahatanye mu birori byabereye Incheon muri Koreya y'Epfo.

Kuri ubu, uyu ni umunyamakuru uyobora ibiganiro bikomeye kuri Televiziyo n'ahandi muri Irlande.

7.     Francisco Escobar

Tariki 24 Ugushyingo 2012, nibwo umunya-Colombia Francisco Escobar yahigitse abasore abasore bagera kuri 48 maze akegukana ikamba rya Rudasumbwa w'Isi wa 2012.

Ibirori byo kumwambika ikamba byabereye i Kent mu Bwongereza. Francisco Javier Escobar Parra, yabonye izuba ku ya 21 Kamena 1991, akaba ari umunyamideli ukomeye muri Colombia.

8.     Nicklas Pedersen 

Nicklas Pedersen wari ufite imyaka 23 mu 2014, ukomoka mu gihugu cya Denmark niwe wahize abagera kuri 45 bose bari bari mu irushanwa rya Rudasumbwa w'isi yose ryaberaga i Devon mu Bwongereza, maze yambwikwa ikamba.

Nyuma yo kwegukana ikamba ry'umusore uhiga abandi mu bwiza, ubushongore n'ibukaka ndetse nk'umusore wifuzwa cyane kurusha abandi, Nicklas yaragize ati 'Ndatunguwe cyane siniyumvishaga ko byambaho,gusa nanone kuri njye ni nk'inzozi zibaye impamo.'

Icyo gihe, Rudasumbwa Nickles watsindiye ibihumbi 50 by'amadolari ya Amerika yatangaje ko kuri we ikimushishikaje atari amafaranga ahubwo ko ashimishijwe cyane no kuba inzozi ze zabaye impamo

9.     Rogier Warnawa 

Umuholandi Rogier Warnawa ukomoka mu gihugu cy'u Buholandi niwe wahize abasore bose bo mu bihugu bitandukanye mu marushanwa ya ba Rudasumbwa ku Isi umwaka wa 2015.

Rogier Warnawa wari ufite imyaka 24 icyo gihe, yitabiriye ndetse ahigika abandi basore mu marushanwa yabereye muri Republique Dominicaine, yari yitabiriwe n'abasore bari bahagarariye ibihugu 41.

Abasore baguye mu ntege Rogier Warnawa harimo Ulysses Freitas wo mu Busuwisi, Lulian Damaschin wo muri Romaniya, Lauric Lopez wo mu Bufaransa, Yobany Perez Reyes wo muri Espagne na Eloy Mentero Castedo wo muri Boliviya.

10. Jack Heslewood 

Irushanwa ry'ubwiza mu basore rya Mr World ku nshuro ya 10 ari naryo riheruka mu 2019, ryabereye muri Philippines ahitwa Manila mu nyubako ya The Smart Araneta Coliseum, ku wa Gatanu tariki 23 Kanama 2019 aho umwongereza Jack Heslewood yegukanye ikamba mu irushanwa ritajya ryitabirwa n’abanyarwanda.

Icyo gihe, Rudasumbwa Jack yahigitse abandi basore bari bitabiriye iri rushanwa bangana na 72, umunya-Afurika y'Epfo Fezile Mkhize ahabwa igihembo cy'uwatsinze irushanwa rya siporo, mu gihe umunya-Irlande yegukanye igihembo cya 'Extreme challenge'. Igihembo cy'umusore ukoresha neza imbuga nkoranyambaga cyegukanywe n'umunya Nepal Akshay.

Imbuto ni bimwe mu biribwa by'ingenzi kuko bifitiye umubiri wacu akamaro kanini. Zikungahaye kuri za vitamine nka vitamine C na vitamine A, imyunyu ngugu n'ibindi. Ubushakashatsi bwakozwe n'inzobere, bugaragaza ko kimwe cya kabiri cy'ibiri ku isahani yacu bigomba kuba ari imbuto.

Urugero rwa zimwe mu mbuto ni imineke, imyembe, amatunda, ibinyomoro, indimu, watermelon, amacunga, inkeri, inanasi n'izindi. Urugero rw'imboga ni dodo, amashu, karoti, imiteja, ibihaza, seleri, n'izindi.

Usanga abantu bakunda kurya imbuto badakunda kurwara za ndwara zizahaza benshi nk'indwara z'umutima, kanseri na diyabete. Ibi biterwa n'uko imbuto zikungahaye cyane ku ntungamubiri.

Kurya imbuto ku bantu bakuru n’abana bibafitiye umumaro wo kongera ingufu umubiri no kuwurinda indwara zitandukanye, ariko ni byiza kwibuka ko abakuru n’abana bagomba kwihatira kurya cyane avoka n’amatunda kuko biri mu biboneka mu Rwanda ku bwinshi.

Kurya imbuto ni ingenzi cyane ku bantu bakuru n'abato, kuko zuje intungamubiri zitwubakira ubudahangarwa ku ndwara. Imbuto kimwe n'imboga zikungahaye kurivitamini nyinshi zirimo: Vitamini A irinda ubuhumyi n'igwingira ry'abana, hakabamo Vitamini zo mu mu itsinda rya B, harimo B9 cyangwa acide follique ifasha cyane umwana uri mu nda gukura neza.

Minisiteri y’Ubuhinzi n’Ubworozi (MINAGRI) ishishikariza abanyarwanda guhinga imbuto no kuzitubura mu rwego rwo kwita ku buzima no guhangana n’indwara. Gusa nubwo imbuto muri rusange zifitiye umumaro ubuzima, hari iz’ingenzi ziza ku isonga mu kubungabunga ubuzima bw’abantu bakuru n’abana.

Muri iki gihe mu Rwanda harakorwa ubukangurambaga bunyuranye bukangurira abantu kwita ku mirire yabo, MINAGRI ikaba ishishikariza abantu bakuru n’abana kurya imbuto kuko zibafitiye umumaro ukomeye.

Ubu bukangurambaga burakorwa ku bufatanye n'ikigo cy’Ababiligi gishinzwe iterambere (Enabel), Umuryango w’Ubumwe bw’Uburayi (Union européenne), ndetse na Luxembourg.

MINAGRI irasaba buri munyarwanda kurya imbuto 'kuri buri funguro' kuko zuje intungamubiri kandi zikaba zidahenda. Iti: 'Nta rwitwazo kandi mu Rwanda imbuto turazifite”. 

“Turashishikariza kandi gukomeza gutera ibiti by'imbuto ku bwinshi; haba mu mirima, mu busitani n'ahandi hashoboka hose, kuko imboga n'imbuto ari inkingiya mwamba mu kurwanya imirire mibi'.

Kurya imbuto nk'avoka, amatunda, amacunga n'izindi, bigabanya ibyago byo kurwara indwara zimwe na zimwe nk'izibasira umutima ndetse n'izindi.

Kurya imbuto kandi ntibireba gusa abana n’abageze mu zabukuru, ahubwo binareba buri wese nka bamwe mu bacuruzi b’imbuto bazicuruza nyamara mu rugo iwabo batazirya ndetse batanaziha abana babo.

MINAGRI ikaba ishishikariza abanyarwanda guhinga imbuto, haba mu mirima yabo, mu busitani bw'ingo zabo, n’ahandi hose hashoboka kuko imbuto ari inkingi ya mwamba mu kurwanya imirire mibi.

Nk'uko bitangazwa na Medical News Today, kurya indyo yuzuye hariho n'imbuto byagufasha kwirinda Diyabeti ndetse 'bigabanya ibyago byo kurwara indwara y'umutima na Cancer'. 

CNN yo ivuga ko inzobere mu buzima bakwiriye gushishikariza abaturage kurya imboga n'imbuto nyinshi nk'ingamba z'ingenzi z'imirire, kandi abaturage bakabyakira.

Dr. Naveed Sattar, umwarimu mu ishami ryaInstitute of Cardiovascular and Medical Sciences muri Kaminuza ya Glasgow, yavuze ko “inyungu nini zishobora guturuka ku gushishikariza abadakunze kurya imbuto cyangwa imboga, kubera ko indyo yuzuye ikungahaye ku mbuto nyinshi ndetse no kurya imboga bifite akamaro”.

Imyembe iri mu mbuto z’ingenzi zidakwiriye kubura kuri buri funguro

Amatunda ni ingenzi cyane kandi arahendutse cyane ku Isoko

Kuri buri funguro ntihakwiriye kuburaho imbuto by’umwihariko umuneke

Ni igikorwa cyabereye ku Rwibutso rwa Jenoside rwa Ntarama mu Karere ka Bugesera kuri uyu wa 05 Kamena 2024, cyitabirwa n'abahagarariye ibyo bigo byose.

Umunyamabanga Mukuru w' Itorero Zion Temple akanaba Umushumba muri iryo torero, Muhirwa Jérôme, yavuze ko abahoze mu matorero bakoze Jenoside yakorewe Abatutsi mu 1994 batari abakirisitu nyakuri, akomoza ku kuba abo mu gihe cya none bafite inshingano zo kubaka u Rwanda rushya.

Ati ''Mu by'ukuri dushingiye ku mateka batweretse hano, uruhare abanyetorero bagize muri Jenoside yakorewe Abatutsi mu 1994, icyo nabivugaho ni uko mu by'ukuri atari itorero ryakoze jenoside, kuko itorero ubwaryo ntiryakora jenoside. Kuko itorero ni abantu b'ukuri, ni abantu baboneye, ariko kubera ko benshi bari bari mu itorero batamenye Imana by'ukuri, bateshutse ku nshingano, bari abanyedini niko navuga.''

''Muri iki gihe cya none ubutumwa dufite tugomba kubwira itorero cyane cyane nk'itorero ryacu rya Zion Temple ryitwa Umurimo w'Ijambo ry'Ukuri, ni ukuvuga ngo tugomba gukosora amakosa yose yakozwe tukigisha abakirisitu gukizwa by'ukuri bashingiye ku ijambo ry'Imana.''

Ibi kandi byashimangiwe n'Umuyobozi w'Ikigo Authentic International Academy akanaba Umuvugizi w'Umuryango Authentic Word Ministries ubarizwamo Zion Temple, Tuyizere Jean Baptiste, wavuze ko nyuma y'ihagarikwa rya Jenoside yakorewe Abatutsi mu 1994, Zion Temple iri mu matorero yafashe iya mbere mu gutegura inyigisho, ibiterane n'ivugabutumwa ryomora ibikomere byo ku mitima.

Harimo nk'Igiterane 'Heal our land' cyazengurutse igihugu, igiterane ngarukamwaka cyatangijwe mu 2000 cyitwa 'Afurika Haguruka' na cyo kivugirwamo amagambo y'ibyiringiro, n'ibindi. Mu kubaka ubumwe bw'Abanyarwanda kandi Zion Temple yatangije gahunda yo gukangurira abandi banyamatorero gusaba imbabazi bakemera ko batsinzwe mu gihe cya Jenoside yakorewe Abatutsi mu 1994 ubwo bamwe mu bayabarizwagamo bayikoraga, isaba abo mu gihe cya none gusaba imbabazi mu izina ry'abayikoze.

Muri iki gikorwa cyo gusura Urwibitso rwa Jenoside rwa Ntarama kandi, urubyiruko rwiganjemo urwavutse nyuma ya Jenoside yakorewe Abatutsi rwibukijwe ko ari rwo mizero yo kuzuka k'u Rwanda, rusabwa gufata iya mbere mu kunga ubumwe rwirinda ingengabitekerezo ya jenoside.

Umushumba w'Urubyiruko muri Zion Temple, Ndizeye Eric, yasabye bagenzi be kugira imitekerereze mizima, kuko ari bwo u Rwanda ruzababonamo icyizere bafitiwe cyo kurwubaka.

Ati ''Urubyiruko rugire imitekerereze mizima, nibwo tuzaba urubyiruko rutanga ibyiringiro kandi rufata urumuri rukarukomezanya no mu bihe biri imbere.''

Sangwa Fred na we ni urubyiruko akaba yitabiriye iki gikorwa ahagarariye abanyeshuri bo muri Authentic International Academy, yavuze ko amasomo yungukiye ku Rwibutso rwa Jenoside rwa Ntarama azayageza kuri bagenzi be, kugira ngo na bo bakomeze basobanukirwe byinshi ku mateka ya Jenoside yakorewe Abatutsi, bibafashe kwirinda ingengabiterezo yayo.

Abayobozi, abakirisitu n’abakozi ba Zion Temple n’ibigo biyishamikiyeho, bibutse abazize Jenoside yakorewe Abatutsi mu 1994

Abo muri Zion Temple biyemeje kugira uruhare mu gukosora amateka mabi yaranze Jenoside yakorewe Abatutsi mu 1994

Ubuyobozi bwa Zion Temple bwanateye inkunga Urwibutso rwa Jenoside rwa Ntarama mu gusigasira amateka

Amafoto:Ingabire Nicole