Category: Uncategorized

Ni inama yateguwe ku bufatanye bw’umurango mpuzamahanga wa Reselio, Minisiteri y’Ubuzima, Kaminuza y’u Rwanda (UR), Ikigo cy’Igihugu cy’Ubuzima (RBC), yatangijwe ku mugaragaro i Kigali aho izamara iminsi itatu kuva ku itariki 7 kugeza tariki 9 Kamena 2024 muri Marriot Hotel.

Iyi nama igaruka ku ihungabana n’ubudaheranwa ibaye ku nshuro ya 6, ifite insanganyamatsiko igira iti’Ukwihangana& Ihungabana: Ubwihindurize bw’iterambere ry’ibitekerezo, imbogamizi n’icyerekezo (Resilience & Trauma: Conceptual Development, Challenges & Persepectives).

Iteraniye mu Rwanda ibaye ku nshuro ya 6, aho ihuza abashakashatsi bo mu bihugu bitandukanye biga ku kintu cyihariye ku budaheranwa aho bose bahuriye mu muryango wa Resilio wavukiye mu Bufaransa ukomereza muri Canada, byumwihariko uhuza abashakashatsi b’abarimu n’abanyeshuri.

Ibihugu bigera kuri 20 nibyo byitabiriye iyi nama birimo nka Canada, France, United Kingdom, Italy, Netherland, Colombia, Belgium,Austria,Cameroon,Ethiopia, Malawi, South Africa, DRC,Algeria,Ivory Coast,Ghana,Liberia, South Sudan n’ibindi byinshi.

Mu byagarutsweho mu gutangiza iyi nama harimo kuba hashize imyaka 30 mu Rwanda habaye Jenoside yakorewe Abatutsi mu 1994, uko abanyarwanda babashije kubana n’ibikomere batewe nayo byumwihariko abayirokotse.

Hagarutswe ku kuba u Rwanda rufite inzira yihariye mu guhangana n’ubudaheranwa nyuma ya Jenoside yakorewe Abatutsi mu 1994, aho benshi babashije gukomeza kubaho biyubaka kandi banahanganye n’ibikomere, kubasha kubana n’agahinda gakabije hamwe n’izindi ndwara zishamikiye ku buzima bwo mu mutwe.

Minisitiri w’Ubumwe bw’Abanyarwanda n’Inshingano Mboneragihugu, Dr.Bizimana Jean Damascene watangije ku mugaragaro iyi nama, yashimiye Resilio kuba yaragize igitekerezo cyiza cyo gutegura inama yo kungurana ibitekerezo ku Budaheranwa ndetse anagaruka ku nzira itoroshye u Rwanda rwanyuzemo y’ubudaheranwa nyuma ya Jenoside yakorewe Abatutsi mu 1994.

Minisitiri Bizimana yashimye ko iyi nama yabereye mu Rwanda

Yagize ati: ”Ni byiza cyane ko iyi nama ibereye mu Rwanda kuko dufite amateka yihariye ku nzira igana ku  budaheranwa nyuma ya Jenosude yakorewe Abatutsi. Nubwo hari ibikomere ariko twabashije kwiyubaka, twubaka igihugu ubu iterambere rigeze kure, ubutabera hamwe n’ubumwe bihagaze neza kandi byose twabigezeho kuko twabashije gufatanya  mu budaheranwa. Ibyo twagezeho ntibyari gushoboka turi mu bwigunge ahubwo tubikesha gushyira hamwe’.

Mu kiganiro yagiranye na InyaRwanda, Minisitiri, Dr.Bizimana yagize ati: ”Inama nk’iyi yiga ku bibazo by’ihungabana n’ubudaheranwa u Rwanda twungukiramo byinshi. Icya mbere bituzanira ni ukungurana ubumenyi ku bantu bafite ubunararibonye, batugira inama bakurikije ubumenyi bwabo, ari nako natwe tubasangiza ibyo twagezeho nyuma ya Jenoside yakorewe Abatutsi, tukabigisha uko twiyubatse tugendeye ku Budaheranwa kuko nabwo buri mu ndangagaciro zacu”.

Minisitiri Bizimana yasoje avuga ko uko u Rwanda rwiyubatse, ruhangana n’ihunganana  rugana ku budaheranwa bikwiye kubera isomo abandi. Ati: ”Ibisubizo u Rwanda rwagezeho bishingiye ku muco, bikwiye kujya mu nyandiko, bikwiye gutangazwa ndetse bikabera n’abandi urugero”.

Prof. Eugene Rutembesa wa Kaminuza y’u Rwanda ari nawe uhagarariye iyi nama, yatangarije InyaRwanda byinshi ku budaheranwa n’intego y’iyi nama. Yagize ati: ”Ubudaheranwa ntiwabuvuga hatabaye ikintu kigomba kuguherana, iteka ubudaheranwa bugendana n’ihungabana n’icyago cyabaye. Ibi nibyo byatubayeho mu Rwanda kubera Jenoside yakorewe Abatutsi mu 1994”.

Prof. Rutembesa yatanze ikaze ku bantu bitabiriye iyi nama yabaye ku nshuro ya 6

Yakomeje agira ati: ”Hari uburwayi bwinshi bushingiye ku buzima bwo mu mutwe, ihungabana, agahinda gakabije n’ibindi. Rimwe na rimwe abantu ntibabasha kubyikuramo. Ubudaheranwa n’Abadaheranwa rero niyo nshingano yacu yo kwigisha umuntu udaheranwa ni muntu ki? ni iki cyagufasha kudaheranwa n’agahinda?”

Prof.Rutembesa yongeyeho ko impamvu nyamukuru iyi nama yabereye mu Rwanda ari ikintu cyiza kuko u Rwanda ari urugero rw’Isi urebye uko abanyarwanda biyubatse. Benshi mu bashakashatsi b’i mahanga bari bafite amatsiko yo kuza kureba n’amaso yabo ibyo u Rwanda rumaze kugera nyuma ya Jenoside yakorewe Abatutsi.

Biteganijwe ko iyi nama izaba iminsi itatu aho izagaruka ku bijyanye n’ihungabana n’ubudaheranwa, kungurana ibitekerezo ku bashakashatsi baturutse mu bihugu bitandukanye, kurebera hamwe ibyakorwa ngo ubudaheranwa burusheho kugera ku kigero cyo hejuru.

Iyi nama yitabiriwe n’abantu baturutse mu bihugu bitandukanye

Urubyiruko rwitabiriye inama igaruka ku ihungabana n’ubudaheranwa

Dr. Kayitare Francoise Tengera wari uhagarariye Kaminuza y’u Rwanda

Hafashwe ifoto y’urwibutso ku bitabiriye iyi nama barikumwe na Minisitiri Bizimana

Ni mukiganiro yagiranye na InyaRwanda TV, aho yavuze ku rugendo rwe mu mupira w’amaguru ndetse ndetse n’intego afite muri uyu mukino wihebewe na benshi. Kabanda Serge yatangiye avuga ku buzima nk’umukinnyi abayemo muri iyi minsi mu gihe nta shampiyona ihari.

Yakomeje avuga ku rugendo rwe mu mupira w’amaguru aho yavuzeko yatangiriye umupira w’amaguru mu irerero rya APR mu 2017 ndetse agakomereza muri Gasogi United yaje kuvamo igihe gito ajya muri Vision FC nyuma agaruka muri Gasogi United.

Kabanda yakomeje avuga ko uyu mwaka w’imikino ugiye kuza yiteguye gukora cyane muri Gasogi United ndetse akazaza mu bakinnyi batsinze ibitego byinshi.

Agaruka kuri KNC umuyobozi wa Gasogi United yavuzeko ari umuntu mwiza ukunda abakozi be byumwihariko umuntu ukora, gusa akaba agira umujinya cyane.

KANDA HANO UREBE IKIGANIRO CYOSE

Ibi byabaye kuri uyu wa Kane tariki ya 6 Kamena 2024 mu Mudugudu wa Kiyovu mu Kagari ka Musumba mu Murenge wa Nyamirama.

Aba baturage 11 ngo bafashe umujura wari ubibye ihene barangije baramukubita, bamurekura ari intere, ageze mu rugo ahita apfa.

Umukozi ushinzwe imari n'ubutegetsi uyobora Umurenge wa Nyamirama muri iki gihe, Nyirakanazi Christine, yabwiye IGIHE ko kugeza ubu abaturage batandatu aribo bamaze gutabwa muri yombi bazira kugira uruhare mu gukubita uwo bakekagaho kubiba ihene bikamuviramo urupfu.

Ati 'Ni abaturage bafashe mugenzi wabo baramukubita bimuviramo urupfu bamukubise ejo yapfuye mu ijoro ryakeye. Amakuru baduhaye ni uko bamufashe yabibye ihene aho kumushyikiriza inzego z'umutekano baramukubita. '

Yavuze ko abakekwaho kumukubita ari 11 , hakaba hamaze gufatwa batandatu bafungiye kuri sitasiyo ya RIB ya Nyamirama.

Inyubako ikoreramo ubuyobozi bw’Umurenge wa Nyamirama

Ni ibirori byabereye mu Ishuri rya Gisirikare rya Nyakinama byitabirwa n'imiryango y'abasirikare basoje amasomo ndetse n'abayobozi bakuru mu ngabo z'igihugu barimo Umugaba Mukuru w'Ingabo Gen. Mubarakh Muganga na Minisitiri w'Ingabo Juvenal Marizamunda.

Iki ni icyiciro cya 12 gisoze aya masomo kikaba kigizwe n'abasirikare b'abanyamahanga 15, abanyarwanda 34 barimo abapolisi babiri.

Ni amasomo yatanzwe ku basirikare bakuru bafite guhera Ku ipeti rya Major kugera kuri Colonel.

Mu basoje ayo masomo bari abasirikare bo mu bihugu Botswana, Ethiopia, Kenya, Malawi, Nigeria, Sénégal, South Sudan, Tanzania, Uganda, Zambia n'u Rwanda.

Muri abo basirikare basoje amasomo y'imiyoborere mu ngabo harimo 37 bahawe impamyabumenyi z'icyiciro cya gatatu cya Kaminuza mu by'umutekano 'Master of Arts in Security Studies'.

Ni amasomo yatanzwe ku basirikare bakuru bafite guhera Ku ipeti rya Major kugera kuri Colonel.

Umuyobozi w'Ishuri Rikuru rya Gisirikare rya Nyakinama, Brig. Gen. Andrew Nyamvumba, yagaragaje ko amasomo aba basirikare bahawe akwiye kubafasha mu nshingano zabo za buri munsi kandi ko bitezweho umusanzu ukomeye.

Yakomeje agira ati 'Aya masomo yahaye abayanyuzemo ubumenyi mu bijyanye n'imiyoborere y'ingabo buzabafasha kuzuza neza inshingano zabo.'

Yakomeje ati 'Ndabasaba kurangwa n'indangagaciro n'ikinyabupfura, ubunyamwuga, na serivisi mu bihugu byanyu n'Akarere muri rusange. Mugiye mu nshingano nshya mufite ubumenyi bwisumbuyeho. Mujye muzirikana ko ubumenyi n'ubushobozi mwahawe buzaba intwaro ikomeye mu hazaza hanyu.'

Yagaragaje ko iri shuri rikomeje guteza imbere imikorere n'imikoreshereze y'ikoranabuhanga mu masomo yayo kandi bikomeje kuzamura umusaruro.

Ibi babitangaje tariki ya 6 Kamena 2024, nyuma yo gushyikirizwa ku mugaragaro umuyoboro w'amazi meza bubakiwe na SOS Children Village, ifatanyije n'Akarere ka Nyamagabe.

Mugemangango François utuye mu mudugudu wa Butare, akagari ka Ngara, umurenge wa Mbazi, yavuze ko baruhutse imvune zo kutagira amazi bari barategereje igihe kirekire, atanga icyizere ko we na bagenzi be bazajya mu matora bacyeye.

Ati 'Dutangazwa n'uburyo tugezwaho n'ibikorwaremezo kandi turi mu gice kiri ku ruhande. Ubu rwose tubashimiye ko tubonye aya mazi aje asanga umuriro muherutse kuduha. Turabizi ko aho amazi yageze umwanda uhunga, rwose tubijeje ko ubukwe twiteguye ku wa 15 Nyakanga 2024, tuzaba twakarabye neza kandi dukeye.''

Mutuyimana Dancille nawe utuye mu mudugudu wa Butare,yavuze uburyo bagorwaga cyane no kubona amazi meza, aho hari n'igihe bararaga batariye.

Ati 'Hari n'igihe twajyaga mu buriri tukaryama, twabuze icyo gutekesha. Ubwo simvuze ku mvune z'abana babaga bagiye kuvoma mu mibande, ugasanga bageze ku ishuri bakererewe cyane, rimwe na rimwe bakanasiba.''

Yakomeje avuga ko ku bw'ibyiza bagejejweho n'ubuyobozi bubazirikana iteka, bategereje itarii yo kwitura uwabibahaye, ari we Perezida Paul Kagame.

Umuyobozi Mukuru wa SOS mu Rwanda, Kwizera Jean Bosco, yatangaje ko kugeza amazi meza mu cyaro biri mu murongo wo kurushaho kwita ku mwana kuko na we avunika iyo avoma kure, bikagira ingaruka ku buzima bwe.

Ati “Umwana uvoma kure ni we unanirwa, ni we utinda kugera ku ishuri cyangwa akaba yanasiba. Umubyeyi ugiye kuvoma kure ahetse umwana, ingaruka nyinshi zigaruka ku mwana iyo adafite uwo amusigira. Hari n'igihe uwo amusigiye amufata nabi.'

Kwizera yakomeje avuga ko kwegereza iby'ibanze agace runaka ari ukugirira neza abagatuye ariko n'umwana akabyungukiramo.

Umuyobozi w'Akarere wungirije ushinzwe iterambere ry'ubukungu, Habimana Thadée, yavuze ko mu bushobozi bw'akarere bidashoboka ko bakorera abaturage bose ibyo bifuza batunganiwe, ari yo mpamvu hazamo abafatanyabikorwa. Yasabye abaturage kurinda aya mazi.

Ati 'Aya mazi si aya SOS, ni ayanyu, muyarinde kandi muyafate neza. Kutabikora si indangagaciro z'Umunyarwanda w'iki gihe. Tujya tubabazwa no kubona hari abangiza ibikorwaremezo ariko mwibuke ko bihanirwa n'amategeko.”

Yakomeje abasabye kugira isuku kubera ko babonye amazi, kugira ngo bagaragaze itandukaniro. Ati 'Aho amazi meza ageze, hari impinduka dutangira kuhitega. Twizeye ko ubwo mubonye aya mazi mutazongera kuvugwaho indwara z'umwanda, nk'inzoka cyangwa igwingira muri rusange.”

Uyu muyoboro w'ibirometero 5,8 wuzuye utwaye asaga miliyoni 60 Frw. Witezweho gukoreshwa n'abarenga ibihumbi 23 mu murenge wa Mbazi n'inkengero zawo, ku mavomero atanu ari hirya no hino mu midugudu.

Visi Meya Habimana na Kwizera uyobora SOS babanje kugenzura niba aya mazi ari meza

Ababyeyi bishimiye ko bavoma hafi, bityo barusheho kwita isuku y’abana babo

Rayon Sports irimo gukora ibishoboka byose ngo igumane na kapiteni wa yo Muhire Kevin wamaze kubereka ko afite andi makipe yo hanze yakwerekezamo kereka mu gihe Gikundiro yamuha ibyo yifuza.

Muhire Kevin amasezerano ye na Rayon Sports yarangiranye na 2023-24, amakuru ISIMBI yamenye ni uko we yari yarafashe umwanzuro wo kudakomezanya n’iyi kipe akajya gukina hanze y’u Rwanda.

Byarashobokaga ko na we yari kugenda mbere y’uko imikino yo kwishyura ya 2023-24 itangira kuko yari afite ikipe yo muri Ethiopia imwifuza imuha amafaranga menshi, ariko kuko yari yarasezeranyije perezida wa Rayon Sports, Uwayezu Jean Fidele ko azasoza shampiyona, kandi ikipe imaze gutakaza abakinnyi benshi, yemeye kuhaguma.

Ubwo Shampiyona yari irangiye Rayon Sports yasubiye imbere ya Muhire Kevin bamubwira ko batiteguye kumutakaza, uyu mukinnyi yababwije ukuri ko atiteguye kongera gukina mu Rwanda mu mwaka w’imikino wa 2024-25.

Rayon Sports yamweretse ko bamufite muri gahunda, ari we ikipe igomba kuba yubakiyeho, bamwumvisha ko agomba kuhaguma. Kevin yemeye gutangira ibiganiro ariko ababwira ko agomba guhabwa miliyoni 60 mu myaka 2.

Ubuyobozi bwa Rayon Sports bwamubwiye ko ari menshi batayabona cyane ko na we azi aho ikipe ikura, yabwiwe ko bagiye kubyigaho bazamuha igisubizo.

Amakuru ISIMBI yamenye ni uko Rayon Sports yiteguye kuba yatanga miliyoni 40 kuri uyu mukinnyi uru mu ikipe y’igihugu.

Biteganyijwe ko mu cyumweru gitaha ubwo azaba avuye mu ikipe y’igihugu ari bwo azongera kubonana na Rayon Sports maze yakwemera miliyoni 40 akaba yahita atereka umukono ku masezerano yo gukinira iyi kipe mu myaka ibiri iri imbere. Ni we mukinnyi Uwayezu Jean Fidele yifuza kongerera amasezerano mbere y’abandi.

Rayon Sports irifuza kongerera amasezerano Kevin Muhire

Rayon Sports yamaze gutandukana n’abari abakinnyi ba yo babiri, Umugande w’Umunyezamu, Simon Tamale ndetse na Ndekwe Felix bari basoje amasezerano.

Irekuye aba bakinnyi nyuma y’uko tariki ya 30 Gicurasi yarekuye batanu, nyuma na Ganijuru na we yaje kumuha urupapuro rumurekura.

Aba bakinnyi babiri baje biyongera bakaba na bo bashinjwa umusaruro muke. Ndekwe Felix yageze muri iyi kipe muri 2022 avuye muri AS Kigali, akaba ataragize guhozaho.

Ni umukinnyi igihe kimwe yabaga ari hejuru ikindi urwego rwo rwe rukamanuka, abatoza bose banyuze muri iyi kipe bagiye bamuha amahirwe ariko ntabwo yigeze abyaza umusaruro amahirwe yahawe.

Umunyezamu Simon Tamale yari yarasinye umwaka umwe mbere y’uko umwaka w’imikino wa 2023-24 utangira.

Igice kibanza cya shampiyona nubwo yatangiye nabi ariko yagiye kugisoza ari umunyezamu wa mbere wa Rayon Sports. Gusa mu mikino yo kwishyura yaje kubura umwanya, ni nyuma y’uko Rayon Sports yazanye Khadime Ndiaye wahise afata umwanya we.

Simon Tamale yatandukanye na Rayon Sports

Ndekwe Felix na we yatandukanye na Rayon Sports

Yabigarutseho mu kiganiro n’itangazamakuru mu ijoro ryo kuri uyu wa Kane tariki 6 Kamena 2024, ubwo yari yitabiriye umugoroba wo kumurika Album 'Era' y'umusizi Junior Rumaga, wabereye ahazwi nka L'Espace ku Kimihurura mu Mujyi wa Kigali.

Element yagaragaje ko ari inshuti y'igihe kirekire ya Rumaga, kuko bamenyanye mu 2015, ubwo yacurangaga gitari ariko akanyuzamo akabyina. Avuga ko aha ariho yakuye igitekerezo cyo gutangiza ikorwa ry'injyana ya 'Afro Gako'.

Yavuze ko indirimbo ye yise 'Milele' aherutse gushyira hanze, ari urugero rwiza rw'uburyo indirimbo ikoze muri iyi njyana ikwiye kuba imeze.

Amashusho y’iyi ndirimbo yayikoreye mu gihugu cya Kenya, ndetse igaragaramo umwihariko w’imbyino z’aba-Masai. 

Element yavuze ko yasohoye iyi ndirimbo mu gihe yari amaze imyaka ine ateguza abantu, indirimbo iri mu njyana ya 'Afro Gako ‘ariko yari yarananiye’. Ati “Ukuntu nabitekereje biriya hariya hantu nahereye. Naravuze nti reka mbe ariyo mperaho, abandi nibumva ari byiza, bazakomerezaho.”

Yavuze ko ‘Afro Gako’ ari ‘iy’umuntu uyikora atari iy’umuntu uyivuga’. Ati “Nanjye nubwo mvuga ngo ndayikora ejo hazaza undi muntu…Nanjye nintayikora hakazaza ukora ibyo nagombaga gukora, niwe uzayitirirwa kuko azaba ari gukora ibyo nagombaga gukora. Ntabwo navuga ngo ni iye (Noopja) ayikoze yaba ari iye.”

Indirimbo ye ‘Milele’ yanononoswe na Producer Bob ndetse na MadeBeat, ni mu gihe amashusho yakozwe na Gad. Element yavuze ko kuba yarakoranye na Bob Pro ari igisobanuro cy’uko umubano we wakomeje gusagamba nubwo yigeze kumushyira indirimbo ngo ayimukorere ariko ntayimuhe.

Element yavuze ko indirimbo ye ya mbere yise ‘Kashe’ yayikoze mu buryo afata nko kwikinira, ariko kandi indirimbo ye ‘Fou de Toi’ yatumye abona bishoboka ko yakora n’umuziki.

Yavuze ko indirimbo ye ‘Milele’ yayitanzeho arenga Miliyoni 30 Frw kugira ngo ikorwe nk’uko yabishakaga. Ati “Biri hejuru ya Miliyoni 30 Frw.”

Yavuze ko kuba agejeje indirimbo eshatu, kandi abantu bakaba baratangiye kumenya ibihangano bye, bigaragaza ko Imana iri mu byo akora.

Uyu musore aherutse gukorera ibitaramo mu Bwongereza yahuriyemo na Bruce Melodie. Avuga ko ari ibitaramo byitabiriwe n’abantu barenga 500, kandi bishimiye uko byagenze.

Yagaragaje ko muri iki gihe ari gukora ku ndirimbo z’abahanzi barimo Chriss Eazy, Kevin Kade na Bruce Melodie. Avuga kandi ko mu ndirimbo ziri hafi gusohoka harimo izo yakoreye Adekunle Gold, Dj Maphorisa, Wizkid na Sauti Sol.

Ati “Hari indirimbo ya Wizkid na Sauti Sol ariko yararangiye, ndumva umwaka ushize ikozwe, ariko nyine hahise hazamo akantu kuko batandukanye.” Uyu musore yavuze ko yizerera mu gukora biri no mu mpamvu ashyira imbere gukora cyane.

Ayodeji Ibrahim Balogun [Wizkid] wakoranye na Element ari mu banya-Nigeria bakomeye mu muziki. Azwi nk'umuririmbyi, ariko abihuza no kwandika indirimbo.

Indirimbo ze nyinshi zubakiye ku mudiho wa Afrobeats, afropop, R&B, afrobeat, reggae, dancehall, ndetse na Pop. Uyu musore yabonye izuba ku wa 16 Nyakanga 1990, avukira ahitwa Surulere mu gace ka Ikeja mu gihugu cya Nigeria.

Yegukanye ibihembo bitabarika, ndetse yagiye ahatana muri Grammy Awards. Umwibuke mu ndirimbo zirimo nka ‘Joro’, ‘Come Close’, ‘Fever’, ‘Blessed’, ‘Essence’ ‘Brown Skin Girl’, ‘Mood’, ‘Energy’ n’izindi.

Element yatangaje ko mu ndirimbo abitse mu kabari harimo n'iyo yakoreye Wizkid na Sauti Sol

Element yavuze ko ari gukora ku ndirimbo ya Dj Maphorisa wamamaye muri Afurika y'Epfo

Element yatangaje ko yashoye arenga Miliyoni 30 Frw ku ndirimbo 'Milele' aherutse gushyira hanze

KANDAHANO UREBE IKIGANIRO TWAGIRANYE NA PRODUCER ELEMENT

“>

KANDAHANO UREBE AMASHUSHO Y'INDIRIMBO 'MILELE' YA ELEMENT

“>