Category: Uncategorized

Iyi ndirimbo yakomojweho n’Urwego rw’Igihugu rw’Ubugenzacyaha, RIB, ndetse bidatinze ihita isibwa ku mbuga zicururizwaho umuziki aho yari yamaze guca agahigo ko kumvwa no kurebwa inshuro ibihumbi bisaga 80 mu munsi umwe.

Ni amateka yari ikoze by'umwihariko mu njyana ya Hip Hop nyarwanda kugira igikundiro kingana gityo mu gihe gito.

Ni iyihe mvano yo kumva Zeo Trap atukana byeruye no ku babyeyi? MC Platformer umwe mu bamaze gushinga imizi mu gukora ubusesenguzi ku mibereho y'abaraperi n'ibihangano byabo, mu kiganiro na inyaRwanda yatangaje byinshi.

Uyu musore ukiri muto yavuze ko mbere ya byose ibi biba ari akazi kungukira impande zombi, kandi biri mu muco wa Hip Hop kuba abaraperi baterana ubuse nk’uko bimaze iminsi hagati ya Drake na Kendrick Lamar.

Ni kimwe n’ibyigeze kuba hagati ya Bull Dogg na P Fla muri za 2015.

Yavuze ko bijya gutangira Ish Kevin na Zeo Trap bari abantu baziranye umwe ashobora gukora indirimbo yibasira undi akayumva kandi akareka igasohoka.

Icyo gihe Zeo Trap yakoreraga byinshi mu bihangano bye muri Trappish Music ya Ish Kevin.

Nyuma ariko umwe mu basore barebererwa inyungu na Ish Kevin, Hollix yaje guca ruhinga akora indirimbo yibasira Zeo Trap batabimubwiye, yitwa Kane.

Ibi byarakaje cyane Zeo Trap ndetse bizamura amakimbirane hagati ye na Trappish Music.

Byarenze kuba hagati y'aba bahanzi batatu binjira mu itsinda rya Kave Music isanzwe ari igishyitsi gikomeye cya Zeo Trap.

Ibintu byarakomeye Ish Kevin yumvikana muri “Bwe Bwe Bwe” asa n’ukomoza kuri Zeo Trap amubwira ko yamuburisha iwabo ntibamuhambe.

Ibyo ariko byari byoroshye, icyagoranye cyabaye ko Hollix yarengereye avuga kuri nyina wa Zeo Trap mu ndirimbo.

Uyu musore uzwiho gukunda umubyeyi we by’akataraboneka yahise afata umwanzuro wo kubabwiza ukuri kuko yari yaravuze ko atazihanganira umuntu uzinjira mu buzima bwe bwite.

“Sinabyaye” yamaze gusibwa ndetse yanakomojweho na RIB, ikaba yibasira Ish Kevin na Hollix irimo iki?

Mu gutangira kwayo Zeo Trap yemeza ko ari indirimbo irimo amagambo nyandagazi ndetse ko nta mwana uri munsi y'imyaka 18 wemerewe kuyumva.

Hukumvikanamo ijwi ryifashishijwe ry'umusobanuzi wa filime uzwi nka Rocky Kimomo agira ati: 'Ntabwo banzi nanjye sinzi ikigiye gukurikira pe, ariko hari ikintu kimwe nzi ntashidikanyaho iyo umbabaje nkubabaza kurushaho.'

Zeo Trap aba yumvikanisha ko yakojeje agati muri wino akandika muri iyi ndirimbo yiganjemo ibitutsi n'ibintu byibasira ababyeyi, mbega utanatekereza ko hari uwabitinyuka.

Zeo Trap ashinja Ish Kevin kuba ari mu baryamana n’abo bahuje ibitsina, ibintu MC Platformer yavuze ko atari ukuri, asobanura ko icyari kigamijwe ari ukubabazanya kuko nta muraperi ufite indangagaciro zimeze gutyo ubaho.

Ku birebana n’aho uyu musore avuga ku by’Amakosi ya Ish Kevin, bamwe bagize ngo ni indirimbo ye yaciye ibintu, nyamara si cyo Zeo Trap aba avuga.

MC Platformer ati: 'Ikintu kimwe wamenya ni uko buriya Ish Kevin yagiye mu gisirikare, yagiyemo, ahubwo hari igihe bagera cyo kwitwa abasirikare ba nyabo, icyo gihe kigeze Ish yisanga ari mu bakuwemo.'

Akomeza agira ati: 'Kuri icyo gihe rero niho Zeo Trap yahise yinjira amwibutsa ko shumi yanjye n’ikosi wakoze ntabwo warirangije. Hari abantu nagiye numva bashaka kubisobanura ukundi ngo ni ya ndirimbo Amakosi, ariko ntaho bihuriye.'

Ku birebana no kumubwira ko yafunzwe, Platformer agaragaza ko yashatse kumwibutsa ko igihe Ish Kevin yafunzwe ari gito cyane  ko atagakwiye kubigarura muri buri ndirimbo ari cyo Zeo Trap yamubwiraga ko nta somo afite abwira abanyarwanda.

Muri “Sinabyaye”, hari aho Zeo Trap agaruka ku kuba DASSO. MC Platformer yabigarutseho ati: 'Umupapa yavuzemo w'umupolisi ni Papa wa Hollix, peti yangu bwira so agushakire akidaso kuko muri Hip Hop ntabwo tujya twumva indirimbo ziva mu bapolisi.'

Ubusesenguzi bw’umunyamakuru

Icyo navuga kuri iyi ndirimbo ni uko ubuhanzi ari ikintu gisumbye imyumvire ya bamwe ariko gushyigikira umuco w'ubushyamirane no gutukana cyane mu rubyiruko ntibikwiye nk’uko na RIB yabirebanye ubunararibonye ikabifatira umwanzuro mu maguru mashya.

Abanyamuziki n’abandi banyarwanda bose bakwiriye kwirinda gutukana no kuzana ababyeyi mu bintu bidafututse. Si iby’i Rwanda.

Hollix ari mu benyegeje umuriro w’amakimbirane ya Trappish Music na Kave Music cyane Zeo TrapMC Platformer yasobanuye byinshi kuri iyi ndirimbo n’amakimbirane akomeje kuvugwa muri aba baraperi

KANDA HANO UREBE IKIGANIRO CYOSE

Iyi ndirimbo yagiye hanze kuri uyu wa Kane tariki 6 Kanama 2024, nyuma y'uko Komisiyo y'Igihugu y'Amatora (NEC), itangaje ko Perezida Kagame, Frank Habineza na Philippe Mpayimana bemerewe by'agateganyo kwiyamamaza kuyobora u Rwanda.

Karigombe yabwiye InyaRwanda ko iyi ndirimbo yashibutse mu byishimo yagize nyuma yo kubona Perezida Kagame yemeye kongera kwiyamamaza. 

Ati 'Iyi ndirimbo ye ivuye ku byishimo nagize ubwo nabonaga Umukuru w'Igihugu yemera kongera kwiyamamaza. Akimara gushyira umukono we ko abyemeye, nagize ibyishimo bikomeye.'

Yavuze ko hari byinshi atagarutseho muri iyi ndirimbo byaranze imyaka 30 ishize Perezida Kagame asubije u Rwanda n'Abanyarwanda ijambo, birimo n'ishuri ry'umuziki yashyizeho, ryatumye ubuhanzi bw'u Rwanda bwongera kuzanzamuka.

Uyu muraperi yagaragaje ko iri shuri rimaze gushyira ku isoko abanyamuziki benshi bari mu kiragano cy'umuziki muri iki gihe barimo nawe, bityo avuga ko ibikorwa Perezida Kagame amaze gukora, bituma Abanyarwanda bifuza ko yakomeza kubayobora.

Akomeza ati “Nahise njya muri studio kugira ngo nanjye nk'urubyiruko mushyigikire nkoresheje ijwi ryanjye mu gihangano n'impano Imana yampaye. Bikaba no kumushimira ko yaduhaye amahirwe yo kwiga umuziki ku Nyundo…”

Yavuze ko muri rusange iyi ndirimbo ikubiyemo amashimwe menshi. Uyu muhanzi yashishikarije urubyiruko kuzahitamo neza kuko 'guhitamo neza umuyobozi w'Igihugu ni ryo terambere ryacu nk'urubyiruko, ni ryo terambere ryacu hazaza'.

Ati 'Numva neza ko guhitamo ibitubereye ari ukubaka igihugu cyacu nk'urubyiruko […] Ibyo yatugejejeho ni ibigaragarira buri wese, bityo buri wese akwiriye kugira amahitamo meza yo kumushyigikira, ndashishikariza urubyiruko bagenzi banjye gushyigikira Perezida Kagame bitewe n'ibyo amaze kutugezaho.'

Uyu muraperi hari aho mu ndirimbo aririmba avuga ati 'Umutoza w'Ikirenga u Rwanda rwacu yarugize ubuki, kumujya inyuma si igihombo ahubwo ni ukwiteganyiriza ejo hazaza'- Aba ashishikariza buri wese kumutora, kuko 'inkotanyi zifitanye igihango n'urubyiruko'.

Ati 'Numva rero ari cyo gihe cyo kwigira ku Inkotanyi, dutanga umusanzu mu gushyigikira umukandida wa RPF Inkotanyi.'

Karigombe yasohoye iyi ndirimbo, mu gihe ari no gutegura indi yageneye urubyiruko, aho aba aririmba abaza urubyiruko umusanzu wabo mu Rwanda ndetse n'icyo baharanira.

Muri iyi ndirimbo humvikanamo umurishyo w'ingoma, ikivugo cya Karigombe n'andi magambo atondetse neza mu kumvikanisha ibyo Perezida Kagame amaze kugeza ku Banyarwanda.

Umuraperi Karigombe yasohoye indirimbo yise 'Yongeye yemeye' yahimbiye Perezida Kagame

Karigombe yavuze ko hari byinshi ashimira Perezida Kagame birimo no kuba yarashyizeho ishuri ry'umuziki ryamufashije mu rugendo rwe

KANDAHANO UREBE AMASHUSHO Y'INDIRIMBO ‘YONGEYE YEMEYE’

Muri iyi nama yabaye kuri uyu wa 07 Kanama 2024, Abakuru b'Ibihugu bemeje Umunyamabanga Mukuru mushya w'uyu muryango, Veronica Mueni Ndumva wasimbuye Dr Peter Mathuki wagizwe Ambasaderi wa Kenya mu Burusiya n'umucamanza w'urukiko rw'uyu muryango.

Perezida Kagame yashimiye Umunyamabanga Mukuru ucyuye igihe ko yujuje neza inshingano ze, anaboneraho kwifuriza imirimo myiza Veronica Mueni Nduva warahiriye kumusimbura kuri uwo mwanya.

Yagize ati 'Nashakaga kuvuga ko hakenewe ko haba inama y'abakuru b'ibihugu y'imbona nkubone mu gihe cya vuba, ndetse no kwibutsa ko byihutirwa ko habaho inama y'abaminisitiri b'ububanyi n'amahanga vuba bishoboka,'

'Ndibuka ubwo mperuka kuganira na Perezida wa Tanzania yavuze ko yakwakira iyo nama muri Tanzania, kandi ndatekereza ko habayeho ibiganiro hagati ya Minisiteri zacu z'ububanyi n'amahanga, ibyo ndabishyigikiye kandi nasaba ko byakorwa mu gihe cya vuba.'

Indi ngingo yateganyijwe ni iyerekeye raporo y'Umuyobozi Mukuru wa EAC akaba na Perezida wa Sudani y'Epfo, Salva Kiir Mayardit, ku ngendo yagiriye mu Rwanda, Uganda na RDC ariko yitabiriwe n'abakuru b'ibihugu bitanu mu munani bigize uyu muryango, gusa Tshisekedi, Ndayishimiye na Ruto barabura.

Perezida Salva Kiir yahamagaye Perezida Tshisekedi cyangwa umuhagarariye, amenyeshwa ko adahari. Ntabwo uyu muryango watangaje impamvu Tshisekedi atitabiriye iyi nama irebana cyane n'umutekano w'uburasirazuba bwa RDC umaze igihe kinini warazambye.

Ibi ni bimwe mu byagarutsweho mu muhango wo kwibuka ku nshuro ya 30 Jenoside yakorewe abatutsi mu 1994, mu gikorwa cyabaye ku wa Gatanu, tariki 7 Gicurasi 2024 ku rwibutso rwa Jenoside rwa Kigali.

Abagize Rotary Club Rwanda basuye Urwibutso rwa Jenoside rwa Kigali ruri ku Gisozi, kuri uyu wa 7 Kamena 2024, basobanurirwa amateka yaranze Jenoside yakorewe Abatutsi mu 1994, uburyo yateguwe igashyirwa mu bikorwa n'ubuyobozi bubi, ndetse n'uko urubyiruko rwari muri RPF-Inkotanyi rwitanze rukayihagarika.

Nyuma yo kunamira Abatutsi barenga ibihumbi 250 baruhukiye kuri uru Rwibutso, Guverineri wungirije w'Akarere ka 9150 muri Rotary Club Rwanda, Carole Karema yavuze ko nk'abasanzwe bigisha amahoro uyu ari umwanya mwiza wo kongera kwiga.

Yagize ati 'Tuba twaje kwiga kugira ngo tumenye amateka bityo Jenoside ntizongere kubaho mu Rwanda, ikindi kandi bigendana no kwigisha abakiri bato kwimakaza amahoro n'ubwiyunge bahereye mu Rwanda kugera ku isi yose kuko Rotary iba ku isi yose.'

Yakomeje agaragaza uruhare rwa Rotary mu guhangana n'abapfobya Jenoside.

Ati 'Dukwiye kumenyekanisha ibyabaye mu Rwanda kuko dufite ibimenyetso byinshi birimo abarokotse, amashusho n'ibindi. Buri mezi atatu dusohora ikinyamakuru bityo rero tugomba kugaragaza ukuri ku byabaye kugira ngo duhangane n'abapfobya Jenoside.'

Umushakashatsi ku mateka na Jenoside, Tom Ndahiro watanze ikiganiro muri uyu muhango yagaragaje ko kurwanya abapfobya Jenoside bikwiye gufatwa nk'intambara mu zindi igomba kurwanwa.

Ati 'Gupfobya Jenoside ni ikibazo gikomeye cyane bityo nk'Abanyarwanda tugomba kubigira ibyacu, tukabifata nk'intambara mu zindi igomba kuganwa, abato bakabimenya bakayirwana kuko iyo bitagenze gutyo birangira amaherezo umuntu wishwe agaragara nka nyirabayazana ku cyaha cyamukorewe.'

Rotary y'u Rwanda igizwe na clubs 12 zirimo Rotary Club Kigali, Rotary Club Butare, Rotary Club Kigali Mont Jali, Rotary Club Kigali Virunga na Rotary Club Kigali Gasabo.

Hari kandi Rotary Club Musanze Murera, Rotary Club Bugoyi Ibirunga, Rotary Club Kivu Lake, Rotary Club Kigali Senior na Rotary Club Kigali Karisimbi.

Rotary Club ni umuryango udaharanira inyungu ukora ibikorwa by'ubugiraneza birimo gufasha abatishoboye, gutanga amazi meza ku baturage, kurwanya indwara z'ibyorezo zirimo nk'imbasa no gutanga umusanzu mu bikorwa byose bigamije guteza imbere sosiyete.

Abagize Rotary Club Rwanda babanje kureba filime isobanura amateka ya Jenoside yakorewe Abatutsi

Abayobozi bakuru bashyira indabo ku mva zishyunguyemo abazize Jenoside yakorewe Abatutsi

Abatutsi barenga ibihumbi 250 baruhukiye mu Rwibutso rwa Jenoside rwa Kigali bahawe icyubahiro

Abayobozi bakuru bacana urumuri rw’icyizere

Umushakashatsi ku mateka na Jenoside, Tom Ndahiro yagaragaje ko kurwanya abapfobya Jenoside yakorewe Abatutsi bikwiye gufatwa nk'intambara mu zindi

Guverineri wungirije w'Akarere ka 9150 muri Rotary Club Rwanda, Carole Karema yavuze ko bakwiye kumenyekanisha ibyabaye mu Rwanda kugira ngo bitazagira ahandi biba ku Isi

Abagize Rotary Club Rwanda basabwe kurwanya abapfobya Jenoside mu rwego rwo gutegurira igihugu ikiragano gishya

Amafoto: Kasiro Claude

Yabitangaje kuri uyu wa Gatanu tariki 7 Kamena 2024, ubwo Ishuri rya IFAK Don Bosco Kimihurura ryibukaga ku nshuro ya 30 Jenoside yakorewe Abatutsi, by'umwihariko abari abarimu, abakozi n'abaturanyi b'iri shuri.

Maj Gen Ruvusha yasobanuye amateka ya Jenoside yakorewe Abatutsi, uburyo Abanyarwanda baciwemo ibice bigashyigikirwa Leta zagiyeho nyuma y'ubwigenge bw'u Rwanda mu 1962.

Jenoside yatangiye hashize amezi atandatu hasojwe imishyikirano ya Arusha yahuzaga FPR Inkotanyi na Guverinoma y'u Rwanda, ariko uruhande rwa Leta rwaranze gushyira mu bikorwa ibyo rwasabwaga.

Maj Gen Ruvusha yavuze ko n'iyo amasezerano ya Arusha ashyirwa mu bikorwa, bitari kubuza Leta gukora Jenoside.

Ati 'Jenoside ni ikintu cyateguwe mu buryo bugari. N'iyo imishyikirano igenda neza jenoside bari kuyikora kuko ubugome bari bafite n'ubukana bari bafite , biragaragara ko bagombaga kuyikora.'

Yavuze ko Jenoside ikimara gutangira, ingabo za RPA zahawe amabwiriza yo kuyihagarika, ari nayo mpamvu imbaraga zashyizwe mu kurokora abicwaga aho gufata umujyi wa Kigali.

Ati 'Intego ntabwo yari ugufata Kigali, iyo haba gufata Kigali tuba twaranayifashe mu gihe kigufi cyane ariko intego yari ukuvuga ngo mukwire henshi ku buryo mushobora guhagarika ubu bwicanyi.'

Yakomeje agira ati 'Ingabo za RPA zari ibihumbi birenga gato icumi ariko Leta yari ifite ibihumbi 50, mwize imibare nimukube mwumve, umusirikare wa RPA yarwanaga n'abasirikare bangahe? Icyakora ahari ubushake, ahari ikinyabupfura, ahari impamvu n'ukuri byanze bikunze n'ubwo wahangana n'icumi wabatsinda mu gihe badafite icyo barwanira.'

Maj. Gen Emmy Ruvusha, yasabye urubyiruko guhora bazirikana ubutwari bwaranze ababohoye igihugu bakanacyubaka, bakabwigana basigasira ibyagezweho kandi babyongera.

Muri uyu muhango kandi hashyizwe indabyo ahari amazina y'abiciwe muri IFAK bose, ubu imibiri yabo ikaba yarashyinguwe mu cyubahiro mu rwibutso rwa Jenoside rwa Kigali ruri ku Gisozi.

Umuyobozi w'ishuri rya IFAK, Padiri Ntirenganya Jean Bosco, yavuze ko mu kwibuka ari ho abanyarwanda bavoma imbaraga zo kuvuga ngo ibyabaye ntibizasubire, bigatuma imvugo Never Again ihinduka ingiro mu Rwanda no ku Isi yose.

Yavuze ko mu Kwibuka ari ho abanyarwanda bavoma imbaraga n'umurava byo kurwanya ikibi cyose cyane cyane ingengabitekerezo iganisha kuri jenoside yakorewe Abatutsi mu 1994.

Ati 'Kwibuka ni igikorwa kireba buri munyarwanda wese ariko cyane cyane kigirira urubyiruko akamaro kuko rubasha kumenya amateka y'igihugu cyacu, bakabasha kumenya aho bavuye n'aho bari kugana kuko mu kwibuka niho dukura ubudaheranwa no gufata ingamba ngo ibyabaye bitazongera kuba ukundi'.

Abanyeshuri ba IFAK bibukijwe ko nk'urubyiruko bafite urugamba rwo guhangana n'abahakana n'abapfobya Jenoside yakorewe Abatutsi kandi bagaharanira kwiyubaka baharanira ejo hazaza hafite intego.

Padiri Ntirenganya ati 'IFAK igizwe n'urubyiruko rwiga mu mashuri y'inshuke, abanza n'ayisumbuye, ni inshingano zacu gukomeza kubatoza indangagaciro nzima kugira ngo bazabe ku ruhembe rwo kurwanya uwashaka gusubiza igihugu mu icuraburindi'.

Mu buhamya bwatanzwe na Ngarambe François Xavier wakoze muri IFAK imyaka 20 akanaharokokera, yavuze ko mu 1994 abaturanyi ba IFAK bahahungiye bizeye umutekano kuko hari abasirikare 10 ba Minuar bahabaga, icyakora ntibahatinze kuko ku itariki 9 Mata 1994, bahise burira imodoka zabo barabasiga, ari nabwo interahamwe n'abasirikare batangiye kwica abari bahahungiye.

Yasangije urubyiruko urugendo rwe rwo kurokoka no kongera kwiyubaka ahereye ku kubabarira abishe ababyeyi. Yasabye urubyiruko kugira urukundo rutanga ubuzima.

Ati 'Twarokokeye gukunda kuko tudakunze dushobora kuzakora ibindi bibi nk'ibyabaye'.

Senateri Nkurunziza Innocent, yasabye abanyeshuri kugira intego mu buzima kuko bizabafasha kusa ikivi cyatangiwe n'ababohoye igihugu ndetse bakarwana intambara yo gukomeza kucyubaka.

Abanyeshuri ba IFAK bahamya ko aho igihugu kigeze mu myaka 30 ishize ari umusingi bazubakiraho mu gukomeza guteza imbere igihugu.

Umuhuzabikorwa w'Umuryango AERG Mpore/IFAK, Ngenzi Chretien, yabwiye urubyiruko ko urugamba rw'amasasu rwarangiye hagezweho urwo kurwanya abapfobya ndetse bakanahakana jenoside yakorewe Abatutsi biganje ahanini ku mbuga nkoranyambaga.

Ati 'Izo mbuga natwe turazikoresha, tureke kwigira ba ntibindeba ahubwo twese dusenyere umugozi umwe tubarwanye, twamagane ibitekerezo by'abo bashaka gusenya ubumwe bw'abanyarwanda bagamije kudusubiza mu mwijima wa Jenoside'.

Ishuri IFAK (Institut de Formation Apostolique de Kimihurura) ryatangiye ryigisha abazavamo abapadiri, ariko kuri ubu ritanga ubumenyi rusange guhera mu mashuri y'incuke, abanza ndetse n'ayisumbuye, aho ryibanda ku kwigisha amasomo ya siyansi.

Abanyeshuri ba IFAK biyemeje kurwanya abahakana n’abapfobya Jenoside

Abayobozi bacanye urumuri rw’icyizere cy’ejo hazaza

Hacanwe urumuri rw’icyizere

Ngarambe François Xavier (ibumoso) yarokokeye muri IFAK Don Bosco

Ngarambe François Xavier yasabye urubyiruko kugira urukundo

Umuyobozi wa IFAK Don Bosco, Padiri Ntirenganya Jean Bosco yunamira abazize Jenoside yakorewe Abatutsi mu 1994

Umuyobozi wa IFAK, Padiri Ntirenganya Jean Bosco yijeje ko bazakomeza kwigisha indangagaciro nzima

Urubyiruko rwasabwe kugira intego mu buzima