Category: Uncategorized

Minisitiri w'Ububanyi n'Amahanga n'Ubutwererane, Amb Olivier Nduhungirehe, yongeye kugaragaza ibinyoma bya Guverinoma ya Repubulika Iharanira Demokarasi ya Congo, ikomeje gukerensa umutwe w'iterabwoba wa FDLR ugizwe n'abasize bakoze Jenoside yakorewe Abatutsi mu 1994.

 

Ni inama yateranye ku wa Gatatu, ibera i Kigali. Yari ifite insanganyamatsiko igira iti 'Ubufatanye bwa Leta Zunze Ubumwe za Amerika, Israel, Afurika n'Uburasirazuba bwo Hagati bushya'

Ali Kiba yavuze ko kubera kubura umwanya ari cyo cyatumye Harmonize nta kipe yateguye yitabira irushanwa ry’umupira w’amaguru ryitiriwe Perezida w’iki gihugu “Samia Cup”

Ni irushanwa ryatangiye 2025 riba mu rwego rwo gushimira no guha icyubahiro Perezida w’iki gihugu aho ryitabirwa n’amakipe menshi atarabigize umwuga ariko na none yiganjemo ay’ibyamamare, ayateguwe n’abahanzi, ibigo by’itangazamakuru n’ibindi.

Mu kiganiro yagiranye n’abanyamakuru ku wa 22 Gashyantare 2026, Ali Kiba yavuze ko Harmonize yari afite ubushake bwo kwitabira iri rushanwa, ariko gahunda z’akazi k’umuziki zikamuzitira.

Yagize ati 'Harmonize arahuze cyane muri iyi minsi. Hari umushinga munini w’umuziki ari gukora, kandi uri kumutwara igihe kinini cyane cyane mu bijyanye no gufata amashusho. Gutegura ikipe no kuyikurikirana bisaba umwanya uhagije.'

Ali Kiba yasobanuye ko atari uko Harmonize atifuje kugaragara muri iri rushanwa, ahubwo ko igihe cyamubereye imbogamizi.

Yavuze ko mbere y’uko imikino itangira, Harmonize yari yamwijeje ko azaboneka, ariko aza kubura umwanya wo kwicara ngo ategure ikipe azajya aherekeza.

Ali Kiba yongeyeho ati “Yari yambwiye ko agomba kuzabigiramo uruhare, ariko kubera ibyo gufata amashusho n’indi mishinga arimo, ntibyashobotse.”

Uretse kuvuga ku kutagarara kwa Harmonize muri Samia Cup, Ali Kiba yanagaragaje aho ahagaze ku mukino w’ishiraniro utegerejwe na benshi, avuga ko ashyigikiye Crown FC kandi ayifuriza intsinzi.

Ali Kiba yavuze impamvu nta kipe Harmonize yateguye

Umutoza wa Mukura VS, Nshimiyimana Canisius ntabwo yemera ko Rayon Sports yamutsinze imurusha ahubwo ashinja umusifuzi Uwikunda Samuel kuyifasha.

Ni umukino w’umunsi wa 21 wa Shampiyona y’icyiciro cya mbere mu Rwanda umwaka w’imikino wa 2025-26, Rayon Sports yari yakiriyemo Mukura VS kuri Kigali Pele Stadium ejo hashize ku cyumweru tariki ya 22 Gashyantare 2026.

Umukino warangiye Rayon Sports itsinze ibitego 2-1, gusa muri rusange ntabwo Mukura VS yigeze yishimira imisifurire ya Uwikunda Samuel.

Mu kiganiro n’itangazamakuru nyuma y’umukino, umutoza wa Mukura VS, Nshimiyimana Canisius yikomeye umusifuzi avuga ko ari we wafashije Rayon kumutsinda.

Ati “Ni umukino utari woroshye, ni umukino twari twiteguye neza, ku mpande zose twari twiteguye neza ariko iby’umupira ni uko bigenze nubwo ku ruhande rwanjye ntabyemera gutakaza amanota gutyo 100%, habayemo ukuboko k’umusifuzi ntabwo natinya kubivuga.”

“Ntabwo njya nkunda kuvuga ku basifuzi ariko gutakaza ano manota harimo ukuboko gukomeye k’umusifuzi. Igitego twatsinze cy’umutwe kivuye muri koruneri ngira ngo mufite amashusho muri abanyamakuru muze kwitegereza murebe.”

Uretse kwanga iki gitego yanashinje uyu musifuzi kumwima penaliti ebyeri aho umukinnyi we bamuteze indi umukinnyi wa Rayon Sports akawukora akabyirengagiza.

Ati “Hari umupira Tatu bamuteze mu rubuga rw’amahina agiye gushota bakubita amaguru barabyihorera, hari n’umupira bashose ku kaboko mu minota ya nyuma ngira ngo mu mashusho biragaragara, byose arabyirengagiza, ntabwo njya nkunda kuvuga ku basifuzi cyane twatsinzwe, turabyirengagiza tugiye gutegura iby’ubutaha.”

Amakuru avuga ko Mukura VS yaba irimo yitegura gutanga ikirego muri FERWAFA kugira ngo bazasuzume ibyo umusifuzi Uwikunda Samuel yakoze niba byari bikwiye cyangwa niba atari byo bazamuhe.

Uwikunda Samuel yashinjwe kubogamira kuri Rayon Sports

Uwikunda Samuel wasifuye umukino wa Mukura VS na Rayon Sports

Canisius Nshimiyimana yikomye umusifuzi Uwikunda

Polisi y’u Rwanda ikomeje iperereza ku mpanuka y’imodoka yahitanye abantu babiri mu gace ka mbere ka Tour du Rwanda 2026 kabaye uyu munsi.

Ni nyuma y’uko Ubuyobozi bwa Tour du Rwanda, bwatangaje ko abantu babiri baguye mu mpanuka y’imodoka zibanza imbere y’amagare, abandi batandatu bagakomereka mu gace ka mbere ka Gicumbi-Rwamagana.

Iyi mpanuka yabaye kuri iki Cyumweru tariki ya 22 Gashyantare 2026 aho imodoka zirimo ibigo byamamaza muri iri siganwa zari zigeze mu Karere ka Gatsibo, i Gabiro, imwe yataye umuhanda igonga abafana bari ku muhanda.

Abantu babiri muri bo bahise bitaba Imana, abandi batandatu bakomeretse bahita bihutanwa kwa muganga, mu gihe Polisi y’u Rwanda iri gukora iperereza ku cyateye iyo mpanuka.

Ubuyobozi bwa Tour du Rwanda bwemeje ko impanuka yahitanye abantu babiri

Abakomeretse bihutanywe kwa muganga

Umunya-Israel Itamar Einhorn ukinira ikipe ya NSN ni we wegukanye Agace ka Mbere ka Tour du Rwanda 2026, nyuma yo gutsinda sprint ya nyuma i Rwamagana.

Iri siganwa ryatangiye Saa Tanu zuzuye rihagurukira i Rukomo mu Karere ka Gicumbi, abasiganwa berekeza i Rwamagana ku ntera y’ibilometero 173,6.

Ni umunsi waranzwe n’ihangana rikomeye kuva ku ntangiriro, aho abakinnyi batanu barimo Henrique da Silva Avancini na Miguel Heidemann bagerageje gucika igikundi hakiri kare.

Mu bilometero bya mbere, igikundi cyasizwe iminota irindwi, ariko amakipe akomeye arimo NSN, Eritrea na Movistar aza gushyiramo imbaraga, atangira kugabanya intera buhoro buhoro. Ibi byatumye mu bilometero 10 bya nyuma, ikinyuranyo kigabanuka ku buryo abari imbere batangiye kugaragaza umunaniro.

Imvura yaguye mu muhanda wa Gatsibo-Kayonza-Rwamagana na yo yagize uruhare mu kugabanya umuvuduko, ariko ntiyabujije igikundi kwihuta mu bilometero bya nyuma. Hasigaye ibilometero bitanu gusa, intera yari isigaye hagati y’abari imbere n’igikundi yari amasegonda 30, maze mu bilometero bibiri bya nyuma, isiganwa riba irya buri wese.

Mu gusatira umurongo, Einhorn yerekanye imbaraga n’ubunararibonye, atsinda sprint ya nyuma, aba uwa mbere kugera i Rwamagana. Ni etape ya gatatu atwaye muri iri rushanwa, nyuma yo gutsindira i Kayonza n’i Nyaruguru mu 2024.

Kubera ayo manota ya sprint n’amasegonda ya bonification yatangiwe i Rwamagana, Einhorn yahise yambara umwambaro w’umuhondo uhabwa uyoboye isiganwa muri rusange aho yakoresheje amassha 4 n’iminota 5.

Yakoresheje ibihe bimwe na Munoz Gabina wa Quick Step, Girmay Mewael, Mulueberhan Henock ukomoka muri Eritrea, Van Rees Christian wabaye uwa gatanu wa Development Team Princ Postnl, Cuylits Mauro wa Lotto Groupe Wanty, Boss Benjamin wa Rembe | Rad-Net, Almeida Luiz Fernando wa Swift Pro Cycling, Umunyarwanda Muhoza Eric wa Team Amani na Vidal Victor wa Bike Aid. Yagiye barushabwa iby’ijana.

Tour du Rwanda 2026 irimo gukinwa n’amakipe 17 aturuka mu bihugu bitandukanye, nyuma y’uyu munsi wa mbere, amaso yose ahanzwe ku Gace ka Kabiri kazanyura Nyamata kerekeza Huye, aho isiganwa rishobora kongera guhindura isura.

Natacha Ndahiro yagaragaje ko uruganda rwa sinema nyarwanda rukigorwa no kubona ubushobozi buhagije kugira ngo rubashe gucuruza filime zarwo ku rwego mpuzamahanga.

Umukinnyi wa filime, Natacha Ndahiro yavuze ko nubwo uruganda rwa sinema nyarwanda rwifuza gutera ikirenge mu cy’uruganda rw’umuziki, rukizitirwa n’imbogamizi zirimo kubona ikiraro n’uburyo faranga iyo bigeze mu kwambutsa igihugu ibyo rukora.

Mu kiganiro na ISIMBI, Natacha yagize ati 'Ntabwo byoroshye kubera ko icya mbere ntiwapfa gukora filime icuruzwa hanze y’u Rwanda nta muntu uguhuza n’ayo masoko ufite, gusa natwe turifuza kwagura tukabigeza hanze y’igihugu nkuko n’abahanzi bacu bari kubikora.'

Natacha yakomeje ashimangira ko nubwo muri iki gihe filime yose ikozwe mu buryo bwiza igashyirwaho ubusobanuro bw’amagambo buri mu rurimi rw’icyongereza ishobora kugera kure ariko ko hakiri imbogamizi z’ubwiza n’ireme z’amafilime nyarwanda ari gukorwa kuri ubu ahanini bishingiye ku mikoro ashyirwamo.

Ati ' Filime yose ikozwe neza yacuruzwa mu muhanga ariko kugira ngo umuntu agere ku rwego rwo gukora filime ifite ubwiza bw’amashusho n’amajwi buri ku kigero byifuzwaho si ikintu gihubukirwa ahubwo kibanza kubakwa, kigashorwamo imari itubutse ari nabyo tukiri kubura.'

Uyu mukobwa yanateguje abafana be ko mu kwezi gutaha azashyira hanze ibindi bikorwa bishya bigomba kuzashyirwa kuri shene ye youtube.

Natacha ukunzwe cyane ku mbuga nkoranyambaga, yinjiye muri sinema ahereye ku yitwa Natacha Series yatangiye kujya hanze mu 2022. Kuva icyo gihe Natacha Ndahiro wakundirwaga ikimero cye, yatangiye kwigarurira abakunzi ba sinema akora izindi filime nka 'Love is my sin’, Masezerano 'Lover’s Cage’ n’izindi.

Natacha Ndahiro yavuze impamvu filame Nyarwanda zitambuka imipaka

Umukinnyi wa filime Nyarwanda, Clapton Kibonge yambitse impeta y’urukundo umugore we Ntambara Jacky maze amusaba ko yazaba uwe iteka ryose.

Ni impeta yamwambitse nyuma y’imyaka 8 basezeranye imbere y’amategeko aho banabanaga banafitanye abana batatu.

Ku mugoroba w’ejo hashize ku wa Gatandatu tariki ya 21 Gashyantare 2026 aho mu birori byiza yasabye umugore we “Uzaba uwanjye iteka ryose?”

Bari kumwe n’abana babo aho bari bafite ibyapa, umwe icyapa cyari cyanditseho “Mama, imyaka 8 ishize…” umukobwa mukuru wabo yari afite ibindi byapa bibiri, kimwe cyanditseho “wavuze yego ku rukundo.” Ikindi cyanditseho “Ubu uravuga yego iteka?”.

Umugore we Ntambara Jacky akaba yahise abyemera ndetse ahita amwambika impeta y’urudashira.

Mu minsi yashize nibwo aba bombi batangaje ko bagiye gukora imihango y’ubukwe yari isigaye.

Umuhango wo gusaba no gukwa uteganyijwe kubera i Rwempasha mu Karere ka Nyagatare ku wa 4 Mata 2026. Bazahita banasezerana imbere y’Imana bizabera Gasinga Miracle Center i Rwempasha.

Clapton Kibonge wasezeranye mu mategeko mu 2018 yakunze kuvuga ko yahisemo gusezerana imbere y’amategeko agahita abana n’umugore we kuko nta bushobozi yari afite bwo gukora indi mihango.

Nyuma y’igihe gito aba bibarutse imfura yabo mu gihe mu 2022 ari bwo bibarutse ubuheta bwabo mu 2024 bibaruka umwana wa gatatu.

Clapton Kibonge ni umwe mu bakinnyi ba filime bubatse izina akaba azwi cyane muri Seburikoko, Umuturanyi ye bwite ndetse na Mugisha na Rusine na yo ye.

Bamaze kubyarana abana batatu

Bari bamaze imyaka 8 basezeranye imbere y’amategeko

Byari ibyishimo bikomeye kuri Ntambara Jacky

Rutahizamu wa APR FC, Cheikh Djibril Ouattara yashimiye abakunzi b’iyi kipe ukuntu baza kubashyigikira nubwo rimwe na rimwe babatenguha.

Ni nyuma y’umukino w’umunsi wa 21 wa Shampiyona y’icyiciro cya mbere mu Rwanda umwaka w’imikino wa 2025-26 baraye banganyijemo na Police FC 1-1.

Igitego kimwe rukumbi cya APR FC kikaba cyatsinzwe na Cheikh Djibril Ouattara ku munota wa 67.

Nyuma y’uyu mukino, Ouattara akaba yashimiye abakunzi ba APR FC uburyo baza kubashyigikira ari benshi.

Ati “Abakunzi ba APR FC icyo nababwira ni ukubashimira uburyo bahorana natwe umunsi ku munsi baje kudushyigikira, ni byiza.”

Yakomeje abasaba ko no mu mikino iri imbere bakomeze kwitanga kuko babakeneye cyane.

Ati “Bakomeze baze kudushyigikira no mu mikino iri imbere uhereye kuri Kiyovu Sports kuko nibwo tubakeneye cyane.”

Ouattara ni umwe mu bakinnyi bakunzwe n’abafana nubwo muri iyi minsi abakunzi ba APR FC batari mu rukundo n’abakinnyi babo kubera uburyo barimo kwitwara batabona intsinzi.

Djibril Ouattara yashimiye abakunzi b’iyi kipe