Category: Uncategorized

Yabitangaje kuri uyu wa 24 Kamena 2024, ubwo yari yakomeje ibikorwa bye byo kwiyamamaza mu Karere ka Nyagatare n'aka Gatsibo, avuga ko naramuka atowe azavugurura inyubako ya KCC, akayongerera amagorofa ku buryo izaba mu za mbere ndende ku mugabane wa Afurika.

Ati 'Intego ni ukuvuga ngo nzi neza ko muri Afurika inzu ndende ziri muri metero 400, ubwo rero igeze aho ngaho ikaba mu nyubako ndende za Afurika byaba ari byiza.'

Kandida Mpayimana kandi yabwiye ab'i Nyagatare ko azakora ibikorwa biteza imbere Isoko ya Nile, iri mu Rwanda ku buryo igaragaza u Rwanda nk'umutima wa Afurika.

Ati 'Iyo shusho ikeneye gukorwa ikagaragaza amasoko ya Nile ari mu Rwanda yerekana u Rwanda nk'umutima wa Afurika ku buryo abantu bose babona ko Imana yahagaze mu Rwanda igahanga Afurika, amazi amwe ikayanyuza ibumoso andi ikayanyuza iburyo.'

Yavuze kandi ko mu bijyanye n'urwego rw'ubukerarugendo hazashyirwa imbaraga mu kwimakaza ubushingiye ku muco mu bice bitandukanye by'igihugu.

Mu bijyanye n'ububanyi n'amahanga, Mpayimana Philippe yabwiye abaturage b'i Nyagatare ko azashyiraho itorero rikomeye ry'Abanyarwanda baba mu mahanga.

Yavuze kandi ko azahindura imikorere ya za ambasade zikarushaho kwegera Abanyarwanda baba mu mahanga kandi bakanashishikarizwa kugira uruhare mu kongera inganda zo mu Rwanda binyuze mu kwigira ku bihugu by'amahanga basanzwe babarizwamo.

Abaturage bo mu Karere ka Gatsibo, Mpayimana Philippe, yabasabye ko nibamugirira icyizere bakamutora, azagira uruhare mu kubaka ibikorwaremezo birimo imihanda kandi iramba, gushishikariza abashoramari kubaka inzu zigeretse ku zindi, aho ibice byo hasi by'izo nzu bizajya bikorerwamo ubucuruzi abantu bagatura mu magorofa yo hejuru.

Yababwiye ko afite ingingo 50 zikubiyemo gahunda y'ibyo yifuza kuzageza ku Banyarwanda natorerwa kuba Umukuru w'Igihugu.

Yongeye kugaragaza ko azashyira imbaraga mu kurwanya ikibazo cy'abangavu baterwa inda, binyuze mu gukurikirana abagabo babigiramo uruhare.

yavuze ko ubwitabire bushimishije

Mpayimana Philippe wahereye ibikorwa bye byo kwiyamamaza mu Ntara y'Iburasirazuba amaze kugera mu turere dutandatu agaragariza abaturage ibyo azabagezaho nibaramuka bamutoreye kuba Umukuru w'Igihugu.

Uyu mugabo ni we mukandida wigenga muri batatu bahataniye kuyobora u Rwanda muri manda y'imyaka itanu iri imbere barimo Paul Kagame watanzwe n'Umuryango wa FPR Inkotanyi na Dr Frank Habineza watanzwe n'ishyaka rya Green Party.

Ubwo yasozaga ibikorwa bye byo kwiyamamaza mu Karere ka Nyagatare na Gatsibo, Mpayimana Philippe yabwiye IGIHE ko yishimira ubwitabire bw'abaturage baza mu bikorwa bye byo kwiyamamaza kandi bitanga icyizere ko azatsinda amatora.

Ati 'Tumaze kugera mu turere dutandatu ariko turishimye turebye uburyo ubwitabire bumeze butandukanye n'ibyo nari niteze. Ntabwo nitaye cyane ku mibare ninayo mpamvu nashatse gukorera mu byaro. Kuko uretse muri Nyagatare ahandi hose nagiye mu mijyi y'ibyaro kandi tuzakomeza kubikora dutyo.'

Yakomeje ati 'Icy'ingenzi ni ugutambutsa ubutumwa kandi nizeye ko bukomeza guhererekanywa mu baturage kandi namwe itangazamakuru mugira urwo ruhare ariko abahagera bose kugeza ubu barenze igipimo cyabo nari niteze birashimishije.'

Biteganyijwe ko Mpayimana azakomeza ibikorwa bye byo kwiyamamaza ku wa 26 Kamena 2024 akazakomereza mu Ntara y'Amajyaruguru mu Karere ka Burera na Musanze.

Ubwo Mpayimana yageraga mu Karere ka Gatsibo

Mpayimana yabwiye abaturage bo mu Karere ka Nyagatare ko afite gahunda ikomeye yo guteza imbere ubukerarugendo bw’u Rwanda

Yvanny Mpano akiri muto yihaye intego yo kuzakora indirimbo ya mbere ayikorewe n'umuhanga wari ugezweho mu Rwanda kandi yari Lick Lick.

Ati 'Lick Lick mwibukiraho ko ari we muntu wa mbere wankoreye indirimbo ya mbere ntitira. Sinagombaga gutangira uko mbonye kuko nari narihaye intego ko indirimbo ya mbere nagombaga kuyikorana n'umu producer wa mbere mu gihugu. Ndabyibuka twahuye nkiri umwana, ariko yarantinyuye kandi andemamo ikizere.'

Kimwe n'abandi bahanzi benshi binjira muri studio bwa mbere na Yvanny Mpano ubwoba bwaramutashye ariko Lick Lick amurema umutima kugeza akoze indirimbo ya mbere yise 'Wagiye he?'

Ni indirimbo yaburiye irengero bitewe n'uko nta buryo bwariho bwo kuyibika. Ati 'Indirimbo nayishyize kuri shene ya Afrifame kuko niho abahanzi twese twazishyiraga, uburyo bwo kubika ibihangano bwari bugoye,'

'Nyuma rero baje kuzisiba nanjye iyanjye ibigenderamo. Ndayizi ndi gushaka uburyo nazayikora kuko nibuka amagambo yayo yose, ariko umuntu waba ayifite ndamusabye azayimpe ndayirangisha!'

Yvanny Mpano yibuka cyane igitsure cya producer Lick Lick ari nacyo cyamufashije kuba uwo ari we ubu.

Ati 'Lick Lick yarankarishyije cyane amaramo ubwoba, nta mikino yagiraga ni nabyo byamfashije nkaba nkigendera ku kizere yandemyemo, Lick Lick yankoreye indirimbo imwe yitwa Wagiye he? ahita ajya muri Amerika.'

Producer Lick Lick yagize uruhare mu iterambere ry'umuziki nyarwanda akaba yarakoreye indirimbo benshi mu bahanzi batunzwe n'umuziki muri iyi minsi. Yari afite ubuhanga bwo gukora indirimbo zo mu njyana zose, ibintu aba producer bo muri iyi minsi batitaho.

Reba ikiganiro Yvanny Mpano avuga kuri Lick Lick wamutinyuye akamuremamo ikizere

Yvanny Mpano atunzwe no kuririmba mu bukwe abikesha ibihangano bifata amarangamutima

Lick Lick yagize uruhare mu iterambere ry’umuziki wa Yvanny Mpano

Ni ubutumwa yasangije abitabiriye ibikorwa byo kwiyamamaza k'umukandida wa FPR- Inkotanyi, Paul Kagame cyabereye i Shyogwe mu Karere ka Muhanga.

Yavuze ko batewe ishema na Perezida Kagame wateje imbere agaseke, kakava kuri 500 Frw mu bihe byo hambere ubu kakaba kageze kuri 5010 Frw.

Ati 'Wagiye muri Amerika uvuganira agaseke kacu, hanyuma abanyamahanga barimo Abanyamerika bakaza kukareba, bityo igihugu cyacu kikagwiza amadevize.'

Mujawayezu yavuze ko Perezida Kagame akimara kuvuganira agaseke ka Ruhango, aba baturage babonye abashoramari baturutse imihanda y'Isi, kuri uyu munsi bakaba bagera kuri batanu.

Byatumye kandi umunyamuryango wabo ava i Ruhango ajya i Berlin mu Budage, ahavana igikombe.

Mujawayezu yavuze ko kuri uyu munsi agaseke ka Ruhango kabaye imbarutso yo kurwanya ubukene, ababyeyi bishyurira abana amashuri yisumbuye na za kaminuza 'bamwe bajya kwiga n'imahanga.'

Ati 'Ubu amahoteli yo mu Rwanda ateguye neza kubera agaseke ka Ruhango. Iyo ugeze muri Kigali Marriot Hotel usanganirwa n'umuteguro mwiza w'ako gaseke, wagera kuri Muhazi ukahasanga ubwo bwiza buri mu gisenge Abanya-Ruhango bubatse.'

Ikindi ni uko kubera ubu buyobozi bwa Perezida Kagame, Mujawayezu avuga ko abanyamuryango b'iyi koperative bakomeje kogoga amahanga, aho babiri na bo bagiye muri Leta Zunze Ubumwe za Amerika, abandi bajya mu Burayi 'kuko wakavugiye.'

Ati 'Muri abo babiri nanjye ndimo kuko nagiye mu Buholandi. Twishimira ibyiza ukomeza kutugezaho kandi turacyabitegereje. Ntiturarangiza kugushakamo ibyiza kuko tubikubonamo. Ubifitiye ubushobozi.'

Uyu mubyeyi wavutse mu muryango uciriritse wakoraga ubuhinzi bumwe bw'amaramuko, yavuze ko ubu ubu bishyize hamwe muri za koperative, zinabafasha kwiteza imbere n'ihame ry'ubumwe n'ubwiyunge ridasigaye.

Agaragaza ko uyu munsi umugabo ufite umugore w'umuboshyi 'aranezerewe kandi arasusurutse. Nanjye sinari nzi ko nagera aha. Ndakumenyesha ko tukuri inyuma. Intego ni ya yindi. Igikumwe cy'ababoshyi n'imiryango yacu ni ku gipfunsi.'

Mujawayezu kandi yishimira Ibitaro bya Kabgayi byubakiwe ababyeyi 'ubu ba baturage bo muri ya misozi barurira etaje bakajya kubyara. Warakoze Imana iguhe umugisha.'

Ab’i Rwinkuba bati inkoko ni yo ngomba

Abaturage ba Muhanga bashimiye Perezida Kagame ku byo yabagejejeho mu nzego zitandukanye z’ubuzima

Abo mu Murenge wa Mbuye bijeje Perezida Kagame ko ari we bari inyuma mu matora y’Umukuru wIgihugu

Ku mbuga nkoranyambaga za Bensoul yasangije ubutumwa ku bamukurikira abamenyesha ko ku itariki 26 Nyakanga 2024 azashyira hanze album yise'The Party & The After Party' izaba ibaye iya kabiri ashyize hanze kuva yakora umuziki kinyamwuga.

Album ya Bensoul iriho abahanzi bafite amazina azwi mu muziki wo muri Afurika y'iburasirazuba. Mu Rwanda izagaragaraho The Ben mu ndirimbo yitwa 'Uno', Ariel Wayz bakoranye iyitwa 'Mpaka Che'.

Si abo gusa kuko yiyambaje Nameless, Ywaya Tajiri, Bien wahoze mu itsinda rya Sauti Sol na Harmonize bakoranye iyitwa Chupa kwa Chupa.

Muri Werurwe 2021 Bensoul na Bien Baraza bashimiwe na Recording Academy itegura ibihembo bya Grammy bitewe nuko banditse zimwe mu ndirimbo zigize album ya Burna Boy yitwa'Twice As Tall' yegukanye igihembo 'Global Music album' mu biriya bihembo byatanzwe ku nshuro ya 63.

Ni ibintu bimenyerewe ko umuntu wese wagize uruhare ku gihangano kigatwara igihembo muri Grammy nawe agenerwa ishimwe'certificate' ari nayo mpamvu bariya bahanzi bashimiwe.

Umva indirimbo ya Bensoul yasohotse kuri album izaba iriho The Ben na Ariel Wayz

Bensoul azwiho ubuhanga mu kwandika indirimbo no gucuranga guitar

Bensoul yagize uruhare kuri album ya Burna Boy yigeze gutwara Grammy award mu 2021

The Ben azagaragaran kuri Album ya Bensoul

Ariel Wayz yakoranye indirimbo na Bensoul

The Ben na Ariel Wayz bakoranye indirimbo na Bensoul

Ubwo umukandida wa FPR Inkotanyi Paul Kagame yakomerezaga ibikorwa byo kwiyamamaza ku munsi wa Gatatu mu Karere ka Ngororero, kuri uyu wa 24 Kamena 2024, Dr Vincent Biruta yagaragaje ko kuba barahisemo kumushyigikira batamwibeshyeho.

Yashimangiye ko abarwanashyaka ba PSD bashimishijwe no kuba baranzuye ko mu matora y'Umukuru w'Igihugu bazashyigikira Paul Kagame kuko basanze ari we mukandida ubereye kuyobora u Rwanda.

Yagize ati 'Kuvuga ibigwi bya Nyakubahwa Paul Kagame ntabwo bigoye na gato, u Rwanda atashoboye kubamo kubera amateka y'urwango n'amacakubiri ntabwo yigeze arwibagirwa.'

'Mu buto aharanira ibishoboka byose ngo abana b'u Rwanda bari baraheze ishyanga bashobore gutaha. Arwana urugamba rwo kubohora u Rwanda n'Abanyarwanda, arwanya ikibi yanga ivangura ahuriza hamwe Abanyarwanda bose ngo u Rwanda rusubirane, rwongere kuba ingobyi iduhetse twese.'

Dr Vincent Biruta yagaragaje ko Ishyaka rya PSD naryo ryavutse mu guharanira imibereho myiza y'Abanyarwanda, ubumwe bwabo n'icyatuma bakomeza kuba mu gihugu cyabo, ariko ashimangira ko bitari gushoboka hatari umuyobozi w'intwari nka Paul Kagame.

Ati 'Umuyobozi wumva ko imitwe ya politiki yakorana neza, ikubaka u Rwanda n'Abanyarwanda nta wikubira twese dusenyera umugozi umwe. PSD twahisemo neza duhitamo umukandida w'indashyikirwa. Umuyobozi ukunzwe mu Rwanda akemerwa no mu mahanga.'

Yakomeje agaragaza ko amahitamo yakozwe na PSD n'indi mitwe ya Politiki yemeye kumushyigikira mu matora y'Umukuru w'Igihugu, ari meza kandi bazakomeza kumushyigikira mu rugamba rwo kubaka igihugu.

Ati 'Umuyobozi wavanye Abanyarwanda mu icuraburindi ry'irondabwoko n'irondakarere, u Rwanda rukaba rutekanye. Umuyobozi waciye inzira n'amapfa mu gihugu, umuyobozi wakamiye Abanyarwanda, agaha uburezi buri mwana wese, wagejeje ubuvuzi kuri buri wese. Umuyobozi wahaye ijambo umwana w'umukobwa, watumye ibyaro bibona amashanyarazi kandi umuyobozi udakangwa no kurwanya ikibi cy'abadashaka ko u Rwanda rutekana.'

Yashimangiye ko binyuze mu bufatanye bazabasha kunesha abanzi batandukanye bigaragaza kubera ishyari baterwa n'aho Paul Kagame agejeje u Rwanda.

Ati 'Urugamba murwana rwo kubaka u Rwanda turi kumwe nta cyaruhungabanya ngo dusigare. Tuzafatanya kandi tuzatsinda abanzi batandukanye bagenda bigaragaza kubera ishyari baterwa n'aho mugejeje u Rwanda abo Dr Claude yita aba-contre Succès.'

Yavuze ko Intego ari ugutora umukandida wa FPR Inkotanyi Paul Kagame 100%.

Perezida wa PSD, Dr Vincent Biruta yashimye umukandida wa FPR Inkotanyi, Paul Kagame bahisemo gushyigikira

Abaturage bo muri Ngororero bari bitabiriye ku bwinshi

Umushoramari mu ikoranabuhanga Elon Musk yamaganye uku gushyigikira Joe Biden kwa Melinda, avuga ko bishobora kuba bibi kuri Amerika.

Ashley St.Clair uri mu bakurikiranwa na benshi ku mbuga nkoranyambaga yanditse kuri X ko uyu murongo wa Melinda wo gushyigikira aba-Democrats ukwiriye kwigwaho.

Ati 'Melinda agiye gukoresha amafaranga menshi yabonye binyuze muri gatanya kugira ngo Biden atsinde amatora.'

Ibi abihuriyeho na Elon Musk wavuze ko “byaba ari ugusubiza inyuma iterambere ry'Uburengerazuba.'

Gatanya ya Melinda na Bill yo mu 2021 yamusigiye umutungo ugera kuri miliyari 11 $. Yahise ava mu bikorwa bye byo mu muryango agana mu bikorwa bya politiki ku nyungu z'aba-Democrats.

Iri shyaka riri ku butegetsi, rifite kandi uwahoze ari umugore w'umushoramari mu ikoranabuhanga, Laurene Powell Jobs, umupfakazi wa Steve Jobs washinze Apple nk'umuterankunga waryo.

Elon Musk we agaragaza ko ashyigikiye aba-Republicains nyuma y'uko Biden ageze muri White House. Nubwo yahagaritse gato gushyigikira Trump mu matora yo mu 2024, ariko yemeza itsinda ry'aba-Republicains nk'inzira yo kubungabunga Amerika.

Ati 'Natoye aba Democrate 100% mu myaka mike ishize. Ubu ndibaza ko dukeneye Amerika nshya.'

Melinda French Gates wahoze ari umugore wa Bill Gates yagaragaje ko Biden ariwe mukandida wita ku bagore

Yabigarutseho kuri uyu wa Mbere tariki 24 Kamena 2024 mu gikorwa cyo kwamamaza Paul Kagame, umukandida w’umuryango FPR0-Inkotanyi cyabereye mu Karere ka Ngororero mu Burengerazuba bw’u Rwanda. Ni igikorwa cyitabiriwe n’ibihumbi by’abanyamuryango ba FPR baturutse mu turere dutandukanye.

Hanashimwe imitwe ya Politiki ifatanyije na FPR Inkotanyi kwamamaza Umukandida Paul Kagame ndetse n'indi mitwe ifatanya n'uyu Muryango mu kwamamaza Umukandida ku mwanya w'Umukuru w'Igihugu n'abo ku mwanya w'Ubudepite.

Mu ijambo rye, Dr Vincent Biruta yavuze ko abarwanashyaka ba PSD batewe ishema no kuba umukandida bahisemo kwamamaza kandi bazatora ari ‘Nyakubahwa Paul Kagame’.

Yavuze ko kuva mu buto, Paul Kagame yaharaniye kugira ngo abana b’u Rwanda bari ishyanga bazabashe gutaha, arwana urugamba rwo kubohora u Rwanda n’Abanyarwanda kandi arwanya ikibi n’ivangura.

Biruta yavuze ko na PSD nayo ‘yavutse iharanira icyatuma abanyarwanda baba mu gihugu cyabo’ kandi ‘iharanira ubumwe bw’Abanyarwanda, iharanira imibereho myiza y’abaturage bose b’u Rwanda’.

Yavuze ko bazi neza ko ‘ibyo bitari gushoboka iyo u Rwanda rutagira umuyobozi w’intwari nkamwe nyakubahwa Paul Kagame, umuyobozi wumva ko imitwe ya Politiki yakorana neza, ikubaka u Rwanda n’Abanyarwanda ntawikubira, twese dusenyera umugozi umwe’.

Ati “PSD rero twahisemo neza, duhitamo umukandida w’indashyikirwa, umuyobozi ukunzwe mu Rwanda akemerwa no mu mahanga, umuyobozi wavanye abanyarwanda mu icuraburindi ry’ironda-bwoko, n’ironda-karere, u Rwanda rukaba rutekanye, umuyobozi waciye inzara n’amapfa mu gihugu.”

Dr. Biruta yavuze ko Perezida Kagame ari umuyobozi ‘wakamiye abanyarwanda, wahaye uburenzi abana bose, ageza ubuvuzi kuri buri wese, yahaye ijambo umwana w’umukobwa, yahaye ibyaro umuriro w’amashanyarazi kandi ‘ni umuyobozi udakangwa no kurwanya ikibi no guhangana n’abadashaka ko u Rwanda rutekana’.

Yavuze ko hari byinshi byo gushimira Perezida Kagame. Yizeza ko bamushyigikiye mu rugamba rwo kubaka u Rwanda.

Mu gusoza ijambo rye, Minisitiri Biruta yasunze indirimbo ‘Contre Succes’ ya Dr Claude, avuga ko hari abagikomeje kugaragaza ishyari ry'ibyo Perezida Kagame amaze kugeza ku Rwanda n’Abanyarwanda, amwizeza ubufatanye mu kubahashya.

Ati “Nyakubahwa Paul Kagame n’umuryango muyoboye wa RPF-Inkotanyi, kuba turi hano twebwe nka PSD ndetse n’abandi bagize imitwe ya Politiki myinshi yemewe mu Rwanda, uwabashima ntiyabona aho ahera n’aho agarukira.

Gusa, turabizeza ko urugamba murwana rwo kubaka u Rwanda turi kumwe ntacyabahunganya ngo dusigare. Tuzafatanya (abwira Perezida Kagame) kandi tuzatsinda abanzi batandukanye bagenda bigaragaza kubera ishyari baterwa n’aho mugejeje u Rwanda, abo Dr Claude yita ba 'Contre Succès'.'

'Contre Succès' yabaye ibendera ry'umuziki wa Dr Claude, yaba mu Rwanda ndetse no mu Burundi. Yumvikanye mu bitangazamakuru bitandukanye, bituma uyu muhanzi abona ibiraka byo kwamamaza, kuririmba mu bitaramo bikomeye n'ibindi.

Dr Claude aherutse kubwira InyaRwanda ko gusubiramo iyi ndirimbo akayihuza n'ibikorwa Perezida Kagame yagejeje ku Banyarwanda, yashingiye ku rukundo amukunda no kuba yaraharaniye ko u Rwanda rugira ijambo mu mahanga.

Uyu muhanzi wamamaye mu ndirimbo zirimo 'Igikara', avuga ko se yitabye Imana mu 1992 ubwo yari afite imyaka 14 y'amavuko, avuga ko kuva icyo Perezida Kagame yamubereye umubyeyi, biri no mu mpamvu zatumye avugurura indirimbo ye.

Ati 'Impamvu nasubiyemo iyi ndirimbo ni ukubera y'uko Nyakubahwa Perezida Paul Kagame ari umubyeyi wacu, ni umubyeyi w'Abanyarwanda bose. Njyewe ni Papa wanjye, ndabikubwiye. 

Nta muntu wamfashije mu buzima bwanjye nkawe, kuko Papa wanjye bwite yapfuye mfite imyaka 14 hari mu 1992. Rero nyuma y'itabaruka ry'umubyeyi wanjye, nabonye undi mubyeyi ari we Nyakubahwa Perezida Kagame. Mama wanjye wamfashije ni Nyakubahwa Jeannette Kagame.'

Dr Claude yavuze ko yasubiyemo iyi ndirimbo anashingiye ku bikorwa byivugira Perezida Kagame yagejeje ku banyarwanda. Ati 'Ibintu yagejeje ku Banyarwanda, ni ibintu bikomeye cyane, ubu ngubu umunyarwanda afite agaciro ahantu hose ku isi hose, nanjye ubwanjye iyo ngiye hanze abantu bampa agaciro, narabibonye […]'

Uyu muhanzi yavuze ko ari umuhamya w'ibikorwa Perezida Kagame yageje ku Banyarwanda, kuko nawe byamugezeho. Avuga ko Umukuru w'Igihugu ari umubyeyi we mu buryo bwihariye, biri no mu mpamvu yakoze mu nganzo akandika iyi ndirimbo.

Iyi ndirimbo 'Contre Succès' yagiye hanze bwa mbere mu 2007, bivuze ko imyaka irenze 17 iri ku isoko. Mu kuyivugurura, Dr Claude yagaragaje amashusho yafashwe mu bihe bitandukanye, agaragaza bimwe mu bikorwa Perezida Kagame yagejeje ku Banyarwanda.

Umuyobozi w'Ishyaka Riharanira Demokarasi n'Imibereho myiza y'Abaturage (PSD), Dr Vincent Biruta yavuze ko amahitamo yabo yabaye meza ubwo biyemezaga gushyigikira Paul Kagame nk’Umukandida wabo ku mwanya wa Perezida wa Repubulika. 

Abaturage ba Ngororero bijeje Perezida Kagame kumuhundagazaho amajwi 100%

Dr Vincent Biruta yijeje Paul Kagame ubufatanye mu guhangana n'abanyeshyari batishimira ibyo amaze kugeza ku Banyarwanda 

KANDA HANO UREBE AMASHUSHO Y’INDIRIMBO ‘CONTRE SUCCES’ YA DR CLAUDE

Umuraperi Bull Dogg yavuze ko u Rwanda icyamamare rufite ari Nyakubahwa Perezida wa Repubulika, Paul Kagame abandi bose baba barimo kwikina.

Ibi uyu muraperi yabinyujije ku mbuga nkoranyambaga ze aho yifashishije amafoto ye arimo kwiyamamaza i Musanze aho abantu bagera ku 350 bari baje kumushyigikira ndetse n’i Rubavu hakaboneka ibihumbi 250.

Bull Dogg yagize ati “Papa Yvan [Perezida Kagame] aradufite, ni we cyamamare abandi muba muri kwikina sinzi ibyo muba murimo.”

Uyu muraperi yakomeje avuga ko umugwa mu ntege mu gihugu ari Israel Mbonyi ufite indirimbo “Nina Siri” imaze kurebwa na miliyoni zirenga 50 kuri YouTube mu gihe kitageze no ku mwaka.

Ati “Cyakoze mu gihugu umugwa ku gatsintsino ni Mbonyicyambu.”

Perezida Kagame akaba umukandida w’Umuryango FPR Inkotanyi mu matora y’umukuru w’igihugu azaba tariki ya 15 Nyakanga, akomeje ibikorwa byo kwiyamamaza aho yahereye i Musanze, Rubavu uyu munsi akaba yagiye Ngororero na Muhanga.

View this post on Instagram

A post shared by BullDogg. (@k.e.m.o.z.e.r.a)

Bull Dogg yemeje ko Perezida Kagame ari we cyamamare u Rwanda rufite

Mu kwezi gushize, ni bwo abakozi n'abayobozi ba Banki y'Ubucuruzi ya Access Bank Rwanda Plc bifatanyije n'abanyarwanda kwibuka ku nshuro ya 30 Jenoside yakorewe Abatutsi mu 1994, basobanurirwa ubugome yakoranywe bwatumye abicanyi badatinya insengero na kiliziya. Ibyo byagarutsweho ku wa 18 Gicurasi 2024 nyuma yo kunamira Abatutsi bishwe bazira uko bavutse bashyinguwe mu Rwibutso rwa Ntarama ruherereye mu Karere ka Bugesera.

Buri mwaka, Access Bank itegura ibikorwa bitandukanye byo kugenera ubushobozi runaka bamwe mu bagize sosiyete nyarwanda hagamijwe guhuza imbaraga n'abanyarwanda muri rusange mu kubaka igihugu.

Ni muri urwo rwego rero kuri uyu wa Kane tariki 20 Kamena 2024, bamwe mu bayobozi n'abakozi ba Access Bank basubiye i Ntarama kwifatanya n'abaharokokeye babashyikiriza ubwisungane mu kwivuza bufite agaciro kangana na Miliyoni 6 z'amafaranga y'u Rwanda.

Uwari uhagarariye iri tsinda rya Access Bank, Alice Umulisa yavuze ko batekereje gukora iki gikorwa kuko bazi neza ko agace ka Ntarama kari mu bice by'u Rwanda byashegeshwe cyane n'amateka mabi ya Jenoside yakorewe Abatutsi.

Yakomeje agira ati: 'Tuzi ko kugira ngo umuntu yiyubake agomba kuba afite ubuzima bwiza. Niyo mpamvu mu gutekereza icyo twabamarira muri uyu mwaka ariko wenda tuzakomeza gukora, twatekereje ko twabafasha mu bwisungane bwo kwivuza. Niyo mpamvu nka Access Bank twagennye ko twafasha abantu 2,000 kugira ngo tubishyurire uyu mwaka wose mu bwisungane.'

Umwanankabandi Mathilde uhagarariye IBUKA mu Murenge wa Ntarama, yashimiye byimazeyo Access Bank yabashije guhigura umuhigo yari yahize wo gutera inkunga Abarokotse Jenoside b'i Ntarama.

Ati: 'Nk'uko nabibabwiye ubushize, abarokotse Jenoside ntabwo dushima cyane ibi ngibi bifatika tubona, dushima igitekerezo. Kuba twarabaye muri Leta itatuzi, itwima agaciro, iturutisha ibisimba, iturutisha abandi, tugahinduka utunyamanswa twa tundi tudafite agaciro tw'utuyoka n'utunyezi n'uduki, ariko mwebwe mukaba mutubona nk'abantu bafite agaciro batekerezwaho muza gusura mukadufata mu mugongo mukumva tugomba kubaho, ni uko dufite umuyobozi waduhaye agaciro.'

Egide wavuze mu izina ry'abagenerwabikorwa bose, nawe yashimiye igikorwa cy'urukundo Access Bank yatekereje, ashimangira ko bateye ikirenge mu cya Nyakubahwa Perezida wa Repubulika, Paul Kagame, waharaniye gusubiza ubuzima abanyarwanda.

Mu ijambo rye yagize ati: 'Kuba mwaduhaye ubwisungane mu kwivuza ni nk'ubuzima mwaduhaye, namwe mwateye intambwe mu ya Nyakubahwa Perezida wa Repubulika waharaniye kudusubiza ubuzima. Kuko uyu munsi nk’abarokotse Jenoside yakorewe Abatutsi, ubuzima dufite tubukesha Inkotanyi zari zirangajwe imbere na Perezida Kagame.'

Yakomeje agira ati: 'Rero kuba mwatekereje kuza kuduha ubuvuzi rwose ni igikorwa gikomeye namwe mwadusubije ubuzima kuko mfite ubwisungane mu kwivuza ntabwo narembera mu rugo, nta kibazo na kimwe nagira.'

Umuyobozi ushinzwe imibereho myiza mu Murenge wa Ntarama, Isaac [RI2] yashimiye Access Bank ku bwo kuzirikana ubuzima bw’abarokotse Jenoside yakorewe Abatutsi, ashimangira ko Mituweli ari ubuzima kuko nta munyarwanda ushobora kurembera mu rugo ayifite.

Yagize ati: 'Iyi nkunga muduhaye rero, iradufasha mu buryo butandukanye by'umwihariko ku barokotse Jenoside ba bandi batishoboye, ni umusanzu mutanze ukomeye cyane ku b'i Ntarama ndetse n'igihugu muri rusange. Turabashimira ko iki gikorwa mwatekereje ari indashyikirwa, kandi inkunga mutanze irakoreshwa neza mu cyo yagenewe, kandi iki ni igikorwa tudashobora kwibagirwa.

Umunyamabanga wa IBUKA ku rwego rw'igihugu nawe yashimiye ubuyobozi bwa Access Bank ku bw'iki gikorwa, asaba abahawe iyi nkunga kuyibyaza umusaruro barushaho gukora cyane no kwiteza imbere, baharanira ko ubutaha hazafashwa n'abandi mu rwego rwo kurushaho kubaka ejo heza h'u Rwanda n'abanyarwanda. Yashimiye kandi Umurenge wa Ntarama n'Akarere ka Bugesera muri rusange ku bwo kwemera kuba umufatanyabikorwa mwiza.

Si ku nshuro ya mbere Access Bank iteguye igikorwa nk'iki, kuko no mu myaka yatambutse bakoze ibikorwa bitandukanye bigamije gushyigikira abantu mu iterambere, no gushyigikira icyerekezo cy'igihugu.

Ubwo Access Bank yashyikirizaga inkunga bamwe mu Barokotse Jenoside yakorewe Abatutsi b’i Ntarama

Alice Umulisa wa Access Bank asobanura impamvu bahisemo i Ntarama

Umunyamabanga wa IBUKA ku rwego rw’igihugu yashimiye ubuyobozi bwa Access Bank bwateguye iki gikorwa

Ubuyobozi bw’Umurenge wa Ntarama bwashimiye byimazeyo Access Bank ku bwo kuzirikana ubuzima bw’Abarokotse Jenoside yakorewe Abatutsi

Umwanankabandi Mathilde yashimiye Access Bank ku bwo guhigura umuhigo

Abishyuriwe ubwisungane mu kwivuza bishimiye inkunga bahawe kuko izabafasha kutarembera mu rugo

Inkunga yatanzwe na Access Bank ingana na Miyoni 6 z’amafaranga y’u Rwanda

Kanda hano urebe amafoto menshi yaranze iki gikorwa