Category: Uncategorized

Matteo Kaze Nshimirimana ufite inkomoko mu Rwanda, yamaze gusinyira ikipe ya RAAL La Louvière ikina mu cyiciro cya kabiri mu Bubiligi.

Uyu mukinnyi ukiri muto w’imyaka 17 akaba avuka kuri nyina w’Umunyarwandakazi na se w’Umurundi ariko akaba yaravukiye mu gihugu cy’u Bubiligi.

Matteo akaba yasinyiye iyi kipe ya RAAL La Louvière amasezerano y’imyaka ibiri, ni nyuma y’uko yari avuye muri RFC Seraing.

Iyi kipe yerekejemo akaba ari bwo izamutse mu cyiciro cya kabiri, asanzeyo abanyarwanda babiri, Samuel Gueulette wayikiniraga no mu cyiciro cya gatatu akaba yaragize uruhare mu kuyizamura mu cya kabiri.

Iyi kipe kandi irimo undi mukinnyi w’umunyarwanda, Dave Nelson Rwema uheruka kuyisinyira ariko akaba agomba kubanza mu bato ba yo.

Matteo Kaze Nshimirimana yasinyiye RAAL La Louvière

Afite amahirwe yo kuzakinira kimwe mu bihugu bitatu afitiye ubwenegihugu

Ibikorwa byo kwiyamamaza kwa Perezida Kagame ku mwanya w’Umukuru w’Igihugu, byatangiriye mu Karere ka Musanze ku wa Gatandatu tariki 22 Kamena 2024, akomereza i Rubavu ku Cyumweru tariki 23 Kamena 2024.

Nyuma yo kwiyamamariza i Musanze no muri Rubavu, kuri uyu wa Mbere Perezida Kagame watanzwe na FPR-Inkotanyi nk’Umukandida ku mwanya w’Umukuru w’Igihugu, yiyamamarije mu Karere ka Ngororero ndetse no muri Muhanga.

Nta rungu riba riri aho Perezida Kagame yiyamamarije kuko abahanzi b’ibyamamare baba babucyereye. Kuri uyu wa Mbere, Bushali, King James, Butera Knowless, Chriss Eazy, Senderi International Hit na Nsengiyumva Francois ‘Igisupusupu’, ni bamwe mu batanze ibyishimo mu kwamamaza Perezida Kagame.

Perezida Kagame ubwo yaganirizaga abamusanganiye i Ngororero, yagarutse cyane kuri Demokarasi, urugendo rw’u Rwanda mu myaka 30 ishize ndetse n’igisobanuro cy’imitwe ya Politike inyuranye yiyunze kuri FPR-Inkotanyi mu matora ya Perezida w’u Rwanda.

Yavuze ko hari abantu bumva ko gutorwa ijana ku ijana atari Demokarasi. Ati “Kandi bazabyumva kuko Demokarasi, inzira turimo, ibyo tuzakora taliki 15 ni ibireba u Rwanda, ntabwo bibareba cyane bireba twe. Twe dukora ibitureba, ngo ijana ku ijana ariko ishoboka ite? Ngo ubwo nta Demokarasi ihari.”

Yakomeje atanga urugero ku muntu yabajije niba abayoborwa n’uwatowe ku kigero cya 15% iyo aba ariyo Demokarasi, anasaba Abanyarwanda kudakangwa na byinshi. Yibajije niba iyo ariyo Demokarasi bavuga kandi nyamara ababa batoye ari umubare muto cyane w’abagombaga gutora.

Ati: “Hari uwo nabajije ejo bundi ndamubaza nti ariko abayoborwa na 15%, iyo ubwo ni Demokarasi gute?. Hari benshi batorwa bakavamo babonye 15% ndetse n’ababatoye ari 30 cyangwa 40% y’abagombaga gutora, iyo niyo Demorarasi? Gute se?.

Yavuzee ko Abanyarwanda bakwiriye gukomeza inzira bahisemo kuko bazi neza aho bavuye. Ati “Bimwe birakangana ariko buriya harimo n’ubujiji. Rero twe dukomeze inzira yacu, twe tuzi aho tuvuye, tuzi aho igihugu cyari kiri mu myaka 30 ishize, ibya mbere yaho sinirirwa mbivuga na byo ntabwo byari byiza na gato, ni na cyo cyatumye iby’imyaka 30 ishize biba”.

Ubwo yaganirizaga abaturage bo mu Karere ka Muhanga, Perezida Kagame yishimye imitwe ya Politike yifatanyije na FPR mu kwamamaza Umukandida wayo ku mwanya wa Perezida. Ati: “Ndashimira imitwe ya Politike iri hano twabwiwe ifatanyije na FPR”.

Ati “Gufatanya ntabwo ari intege nke ahubwo bigaragaza ubushake n’imbaraga nyinshi. Iteka iyo abantu bashyize hamwe nta gishobora kubananira. Muri Politike rero hari ubwo abantu babyumva gutyo ngo imitwe yafatanyije na FPR, ngo ariko buriya kuki bo batakoze ibyabo bakibwira ko ari uko bo byabananiye”.

Umuyobozi w'Ishyaka Riharanira Demukarasi n'Imibereho myiza y'Abaturage, PSD, Dr Vincent Biruta, yavuze ko “Kuvuga ibigwi bya Nyakubahwa Paul Kagame ntabwo bigoye na gato, u Rwanda atabashije kubamo kubera amateka y'urwango n'amacakubiri ntabwo yigeze arwibagirwa.'

Ku bijyanye n’uko u Rwanda rwitwa ko ari ruto mu buso bwarwo, Perezida Kagame yavuze ko “muri Politiki ya FPR, ntabwo ari ruto kuri ba nyirarwo uko baba bangana kose. Abanyarwanda murabizi kera hariho politiki yavugaga ngo abari hanze bigumire hanze nk'impunzi”.

Perezida Kagame yavuze ko uko imyaka izagenda ikurikirana, nta munyarwanda uzabura aho aba mu Rwanda, ati “Politiki ya FPR yarabihinduye, nta muntu ukwiriye kuba impunzi. Buri munyarwanda wese, ari uyu munsi, ari mu myaka 20 iri imbere, umubare wacu uko uzaba ungana kose uzakwirwa mu Rwanda”.

AMAFOTO Y’UKO BYARI BIMEZE I NGORORERO MU KWAMAMAZA PEREZIDA KAGAME

KANDA HANO UREBE ANDI MAFOTO MENSHI

UKO BYARI BIMEZE I MUHANGA MU KWAMAMAZA PEREZIDA KAGAME

“Umuturage ku isonga” ni yo ntero ya FPR-Inkotanyi mu kwamamaza abakandida bayo mu matora ya Perezida n’ay’Abadepite

AMAFOTO: Village Urugwiro

Uyu munsi, abakandida bahataniye umwanya w'Umukuru w'Igihugu mu matora ateganyijwe kuba ku wa 14 na 15 Nyakanga 2024, bakomeje ibikorwa byabo byo kwiyamamaza aho begera abaturage bakababwira ibyo bazabagezaho mu gihe batorwa.

Abakandida ku mwanya wa Perezida wa Repuburika bakomeje ibikorwa byabo byo kwiyamamaza uko ari batatu mu ntara eshatu z'Igihugu. Izo ntara ni Amajyepfo, Iburasirazuba ndetse n'Iburengerazuba.

Dore uko umunsi wa gatatu wagenze mu bikorwa byo kwiyamamaza ku bakandida ku mwanya wa Perezida wa Repuburika.

1.    Paul Kagame

Perezida Kagame akaba umukandida w'ishyaka FPR Inkotanyi, yakomereje ibikorwa bye byo kwiyamamaza mu karere ka Ngororero na Muhanga, arabaganiriza nyuma y'igihe atabasura. Iby'ubwitabire byo ntibikiri inkuru abantu barakubita bakuzura aho bakorera hose.

Umukuru w’Igihugu yavuze ko hari abatajya bumva u Rwanda, gusa bakaba bazagenda barwumva ndetse hakaba n’abatumva ko kuba umuntu yatorwa ijana ku ijana, iyo atari Demokarasi.

Ati: “Hari abatajya bumva u Rwanda ariko buhoro buhoro ibikorwa bizajya bibasobanurira. Biriya twavuga mbere ngo ijana ku ijana, hari abantu bumva ko ijana ku ijana atari Demokarasi.

Kandi bazabyumva kuko Demokarasi, inzira turimo, ibyo tuzakora taliki 15 ni ibireba u Rwanda, ntabwo bibareba cyane bireba twe. Twe dukora ibitureba, ngo ijana ku ijana ariko ishoboka ite? Ngo ubwo nta Demokarasi ihari.”

Yakomeje atanga urugero ku wo yabajije niba abayoborwa n’uwatowe ku kigero cya 15% iyo aba ariyo Demokarasi, anasaba Abanyarwanda kudakangwa na byinshi.

Ati: “Hari uwo nabajije ejo bundi ndamubaza nti ariko abayoborwa na 15%, iyo ubwo ni Demokarasi gute?. Hari benshi batorwa bakavamo babonye 15% ndetse n’ababatoye ari 30 cyangwa 40% y’abagombaga gutora, iyo niyo Demorarasi? Gute se?.

2.    Dr Frank Habineza

Dr Frank Habineza umukandida ku mwanya wa Perezida wa Repuburika watanzwe n'ishyaka Green Party, yakomereje ibikorwa bye byo kwiyamamaza mu Karere ka Ngoma ndetse na Kayonza mu Ntara y'Iburairazuba.

Dr Frank yijeje abaturage bo mu karere ka Ngoma ko nibaramuka bamutoye azongera akagarura kaminuza ya UNIK yahoze mu karere ka Ngoma avuga ko azayigarura kuko Ngoma nayo ikwiye kugira kaminuza kandi ikaba iya Leta aho gukora urugendo rurerure bajya gushaka kaminuza.

Dr Frank Habineza uri kwiyamamariza ku mwanya w'Umukuru w'Igihugu, yavuze ko naramuka atowe intangiriro y'ingoma ye izaba iherezo ry'inzara mu Rwanda by'umwihariko mu karere ka Kayonza gasanzwe gakunda guhura n'ikibazo cy'izuba ryinshi.

Mu ngamba Dr Frank Habineza azakoresha kugira ngo inzara icike burundu, naramuka atowe buri Murenge azashyiramo uruganda bitewe n'ibyo uwo Murenge ukungahayeho ku buryo ibikorwa by'abaturage bizanozwa neza, bikagirira umumaro ba nyirabyo.

3.    Mpayimana Phillipe

Mpayimana Phillipe umukandida wigenga yakomereje ibikorwa bye byo kwiyamamaza mu Ntara y’lburasirazuba mu turere twa Nyagatare na Gatsibo.

Mpayimana Phillipe yatangaje ko naramuka atowe azavugurura inyubako ya Kigali Convention Centre iherereye mu mujyi wa Kigali mu Murenge wa Kimihurura. Ibi akaba yabitangarije mu karere ka Nyagatare.

Si ibyo gusa kuko uyu mukandida kandi yemeza ko azakora ibikorwa biteza imbere Isoko ya Nile, iri mu Rwanda.

 

Uyu munsi ibikorwa byo kwiyamamaza by’umukandida wa FPR Inkotanyi akaba na Perezida wa Repubulika y’u Rwanda, Paul Kagame byakomereje i Ngororero na Muhanga.

Perezida Kagame akaba akomeje ibikorwa byo kwiyamamariza kuba Perezida w’u Rwanda mu matora ateganyijwe tariki ya 15 Nyakanga 2024, amaze kujya mu turere tune aho ku wa Gatandatu yahereye mu Masanze, ku Cyumweru ajya Rubavu ni mu gihe uyu munsi yagiye Ngororero na Muhanga.

Aha hose akaba yaragiye aherekerezwa n’abahanzi bakunzwe mu Rwanda, bamufasha mu bikorwa byo kwiyamamaza basusurutsa abaturage b’aho yiyamamarije.

Uyu munsi muri Ngororero Bruce Melodie na Bwiza ni bo babimburiye abandi ku rubyiniro bahera kuri “Ogera” bakoranye ivuga ibigwi bya Perezida Kagame.

Aba bahanzi bishimiwe bakurikijeho “Selebura” ya Bruce Melodie mbere y’uko bajya kuri “Nta Kibazo na Kimwe” ya Bruce Melodie yahuriyemo na Riderman na Urban Boys.

Aha ni ho umuraperi Riderman yahise na we agera ku rubyiniro asusurutsa abaturage ibihumbi bari baje gushyigukira Perezida Kagame.

Ariel Wayz na we yaje kujya ku rubyiniro ahasanga Riderman na Bwiza maze baririmbana zimwe mu ndirimbo nka “Depanage” ya Bwiza na “Away” ya Ariel Wayz yakoranye Juno Kizigenza.

Umuhanzi Dr Claude na we yaje kugera ku rubyiniro aho yaririmbye zimwe mu ndirimbo ze zakunzwe cyane nka “Contre-succès” ariko ubu akaba yarayisubiyemo aho aba avuga ko abadashaka ko Perezida Kagame yongera kuyobora u Rwanda, abatabona ibyo yakoze bose ari aba-Contre-succès.

Nubwo benshi bari mu Ngororero, i Muhanga na bo ntibishwe n’irungu kuko bataramiwe n’abarimo Bushali, Knowless, Chriss Eazy, King James, Igisupusupu, Senderi ndetse na Bruce Melodie na Bwiza bari bavuye Ngororero.

Bruce Melodie yaririmbye Ngororero na Muhanga

Bwiza na we yaririmbye Ngororero na Muhanga

Bushali yasusurukije abaturage b’i Muhanga

Eric Senderi yishimiwe bikomeye i Muhanga

Riderman yanyuze abaturage b’i Ngororero

Dr Claude na we yatanze ibyishimo i Ngororero

Ariel Wayz umwe mu bahanzi bishimiwe i Ngororero

Igisupusupu i Muhanga byari ibindi bindi

Chriss Eazy ukunzwe cyane n’urubyiruko muri iyi minsi, yishimiwe Muhanga

Butera Knowless Kabebe ubwo yasusurutsaga abaturage ba Muhanga

Perezida Kagame yeretswe urukundo rudasanzwe

Abaturage bo bari benshi cyane

Uri ni urwego rwihariye ndetse rukaba rwarahawe inshingano zikubiye mu nkingi eshatu zirimo gukumira ibyaha, gutahura ibyaha ndetse no kubigenza.

Mbere y'uko RIB ishyirwaho ni inshingano zari ziri muri Polisi y'Igihugu mu ishami rya CID (Criminal Investigation Department).

IGIHE yaganiriye n'Umuvugizi wa RIB, agaruka ku mikorere yayo mu myaka 7 imaze ishyizweho ndetse n'umusanzu wayo mu kurwanya ibyaha by'imbere mu gihugu ndetse n'ibyambukiranya imipaka.

IGIHE: Mu gihe gishize Urwego rw'Igihugu rw'Ubugenzacyaha rushyizweho, mwavuga ko ari ibiki by'ingenzi bimaze kugerwaho?

Dr Murangira: Ibimaze kugerwaho ni byinshi ariko ngira ngo wenda umuntu uri hanze niwe wabimenya ariko natwe hari ibyo tuzi twabaganiriza.

RIB yatangiye ikora akazi ishinzwe ariko nk'urwego rushya rwagombaga kumenyekana [..]. Ndibuka nyuma y'igihe gito uru rwego rutangiye hari ubushakashatsi bwakozwe na RGB babaza bati 'Ese RIB murayizi, urwego rw'Igihugu muraruzi?, icyo gihe twisanze ku kigero cya 30%.

Ibyo byaduhaye umukoro wo kugira ngo urwego turumenyekanishe. Nyuma y'umwaka umwe bongeye gusuzuma basanze abaturage baruzi hejuru ya 80%. Ubwo si ukugira ngo bamenye ngo rurahari gusa, ahubwo ni no kugira ngo bamenye ngo nibakorerwa icyaha barajya hehe.

Icyo gihe kandi harimo kubabwira ko ubufatanye bwabo mu kurwanya bya byaha biba bikenewe. Hajeho kubaka ubushobozi bw'urwego mu bijyanye n'abakozi ndetse n'ibikoresho.

Ubunyamwuga mu kazi cyari ikintu kigomba kwibandwaho cyane muri iki gihe hariho ibyaha by'inzaduka, ibyaha by'ikoranabuhanga bitari biriho mu gihe cyashize.

Ibimaze kugerwaho ni byinshi harimo gukora dosiye zifite ireme, gukumira no kumenyekanisha amategeko cyangwa ibikorwa bishya aba bantu bakora ibyaha yaba amayeri bakoresha.

Iyo ukoze isesengura usanga turi kwinjira mu Isi y'ikoranabuhanga aho riri gukoreshwa. Bya byaha byo gutera umuntu ukamuniga, bimwe ngo byo gutera gatarina bigenda bishira kubera ko abaturage bamaze kubona ko uramutse uteye umuntu gutyo baragufata, noneho batangira bya byaha bita 'White-collar crime'.

Hahandi umuntu akubwira ko hari aho uri bushore ukunguka, ariko mu by'ukuri ya mafaranga akayagutwara kandi ari wowe uyamwihereye. Aho niho bwa bunyamwuga buba bukenewe. Aho hari hakenewe ubushobozi no kongera abakozi kugira ngo bya byaha bigende birwanwa.

Ibyaha bikoreshejwe ikoranabuhanga abantu babifiteho ubumenyi ni bake cyane ku buryo bisaba ko ubigisha akababwira ko ibintu byose ubonye ku ikoranabuhanga atari ukuri.

Muri make urwego rwariyubatse, twatangiye abakozi ari nka 500 ariko ubu tugeze ku 1500. RIB ihagarariwe mu gihugu hose. Urumva ko mu rwego rwo kwiyubaka hari ibyagezweho.

Perezida wacu iteka areba ibibereye u Rwanda kugira ngo hanozwe imikorere. Niyo mpamvu mubona habaho amavugurura ni ukugira ngo ikintu ugikore neza cyangwa se kibe cyiza kurusha uko cyari kimeze.

Mu mavugururwa rero agenda akorwa ntabwo ubutabera bwasigaye inyuma. Aho hatandukanyijwe inshingano ku mutekano w'abantu n'ibintu ndetse n'ubugenzacyaha.

IGIHE: Inshingano za RIB by'umwihariko ni izihe?

Dr Murangira: Gukumira ibyaha ni ukwigisha abantu bakareka ibyaha ndetse n'icyari kigiye gukorwa kikaburizwamo. Hari n'ubundi buryo kuko iyo umuntu afunzwe hari ikindi cyaha uba ukumiriye.

Gutahura rero ni igihe babandi bakoze icyaha bakagihisha, akazi ka RIB ni ukubitahura kuko uwakoze icyaha ntabwo aba ashaka ko bimenyekana.

Kugenza icyaha rero ni cya gihe biba byabaye noneho hagakorwa iperereza. Uko amategeko ateye rero iyo rwamra iperereza aze gukora dosiye rukohereza muri parike ariyo bushinjacyaha, nabwo bugakora iyisumbuye, nabo bamara gukora ibyabo bakabyoherereza urukiko.

IGIHE: Kugenza ibyaha bihagaze gute mu Rwanda?

Dr Murangira: Kwisuzuma biba bigoye ariko kugenza ibyaha mu Rwanda bihagaze neza kuko iyo ubirebye nkatwe b'abagenzacyaha ubona ko ubushake buhari, ubumenyi buhari ndetse n'ubufatanye buhari mu kugenza ibyaha.

IGIHE: Ibyaha Abanyarwanda bakunze gufatirwamo ni ibihe?

Dr Murangira: Nta byaha navuga ko ari umwihariko ku Rwanda, ibyaha bikorwa ahandi usanga no mu Rwanda bihari gusa habaho itandukaniro y'uburyo biba byakozwe ndetse n'ikigaragara mu Rwanda ni uwagikoze n'amahirwe yo kuba atafatwa, aho niho bitandukaniye.

Amahirwe yo kugira ngo birangire adafashwe niyo make cyane. Uyu ni umwanya wo kuboneraho kwibutsa abantu ko inzira y'ibyaha atari inzira nziza kuko iteka irangira bigoranye.

Mu Rwanda turi ku rwego umuntu asigaye akora icyaha nta mahirwe afite yo kuba yacika ntafatwe. Ni ugukorana n'inzego ndetse n'abaturage kugira ngo ubutabera butangwe.

IGIHE: Ese RIB yitwaza intwaro mu kazi nk'izindi nzego z'umutekano nkz Polisi n'izindi?

Dr Murangira: Yego turabyemerewe! Kuko itegeko ryashyizeho RIB ni uko abagenzacyaha bemerewe kwitwaza intwaro mu kazi kabo. Aka ni akazi kadusaba guhura n'abakoze ibyaha.

Mu bantu bakoze ibyaha rero haba harimo bamwe bafite indi mitekerereze. Icyo gihe rero hagomba kubaho ubwirinzi. Usibye amahugurwa abagenzacyaha bahabwa mu kugenza ibyaha, bahabwa n'andi yo gukoresha intwaro. Hari igihe akazi kagusaba kuba uyifite kubera ubwirinzi.

IGIHE: Imikorere ya RIB n'izindi nzego zigenza ibyaha mu bindi bihugu ihagaze gute?

Dr Murangira: Aho Isi igeze, hari ibyo bita ibyaha nyambukiranyamipaka. Ni igihe umuntu ashobora gukora icyaha agahungira mu kindi gihugu cyangwa akaba yicaye mu gihugu kimwe akinjira muri banki yo mu kindi gihugu.

Aho rero hakenerwa imikoranire y'ibindi bihugu ariko duhereye ku byo twegeranye mu Karere, hakanarebwa uburyo bibanye mu buryo bw'umwuka wa politiki.

Hari kandi uburyo bwa Polisi Mpuzamahanga (Interpol) aho ibihugu bihanahana amakuru ku byaha nk'ibyo. Muri RIB rero harimo ishami rya Interpol rikora akazi ko gukurikirana abanyabyaha bahungiye mu mahanga.

Ubu ibihugu byose biri muri Interpol bifite system ikora amasaha 24 mu minsi irindwi kandi iba iri ku mipaka no ku bibuga by'indege. Iyo umuntu aramutse yibye agahungira mu kindi gihugu, urayifata ukayuzuzamo, igihugu cyose azinjiramo bahita bamubona.

Hari benshi bibye bagahungira hano tukabasubizayo, si ku bantu gusa kuko hari ibinyabiziga duherutse gusubizayo byibwe mu bihugu by'i Burayi bifatirwa hano mu Rwanda tubisubiza ba nyirabyo.

IGIHE: Akenshi dukunze kubona mukora ubukangurambaga butandukanye, ese mwaba mutekereza kuri diaspora?

Dr Murangira: Hari ubutumwa duherutse gutanga bugenewe Aba-diaspora by'umwihariko. Byari bijyanye n'ubwambuzi bushukana bushingiye ku bupfumu, bushingiye ku buhanuzi bupfuye, bushingiye no kuvurwa indwara zananiranye.

Imbuga nkoranyambaga zaraje kandi zikoreshwa n'abantu bose. Rero n'abiyamamaza bakoresha imbuga nkoranyambaga. Abakora ubupfumu rero nabo bariyamamaje bakoresheje izo mbuga nkoranyambaga.

Tujya tubona aba-diaspora batwandikira bavuga ngo umupfumu runaka yamwandikiye amuteka umutwe, yamwambuye amafaranga.

Hari undi uherutse kuvuga ko yabwiwe n'umuhanuzi ko bamuroze bakabitaba mu bihugu bitandukanye, birangira amutwaye agera ku bihumbi 20$. Yamubwiraga ko natayamuha mu kwezi kumwe apfa.

Bajya bavuga ko aba-diaspora basobanutse ariko abantu bajijwa nta gice batabamo. Twabagiriye inama yo gufata ayo mafaranga bakaza kuyashora mu gihugu aho kuyatera inyoni.

Kandi iyo dufashe abakoze ibyo byaha batubwira ko iby'abapfu biribwa n'abapfumu.

Hari abavuga ko bavura abasore imibiri yabo ikagira uko ihinduka kandi n'abakobwa nuko. Ugasanga kuri litiro aratanga ibihumbi 100 Frw kandi mu by'ukuri ari igicuncu yamuvugutiye.

Muri iyi minsi kandi bari kubeshyanya urukundo, aho ku ikoranabuhanga bavugana ibyo guhura, ibintu nk'ibyo.

Ntabwo twibagiwe ko hari n'aba-diaspora babeshya abantu ba hano. Bakababeshya ko wenda ibintu bigura make iwabo. Icyo gihe rero dutanga ubutumwa ku mpande zombi.

Urwego rw'ubugenzacyaha rushinzwe kugenza ibyaha nshinjabyaha, ntabwo ari mbonezamubano. Ni ukuvuga ngo hari abatubwira ngo kanaka namugurije amafaranga none yanze kunyishyura, mu by'ukuri ibyo si ibya RIB.

IGIHE: RIB ikora iki ku bakwirakwiza ingengabitekerezo ya Jenoside yakorewe Abatutsi mu Rwanda, bari hanze?

Dr Murangira: Buriya RIB igenza ibyaha byakorewe ku butaka bw'u Rwanda cyangwa se byakorewe umunyamahanga uri ku butaka bw'u Rwanda. Hari ikintu gihari cy'uko imbuga nkoranyambaga zikoreshwa n'abeza ndetse n'ababi.

Hari abakwirakwiza ingengabitekerezo ya Jenoside babicisha ku mbuga nkoranyambaga cyangwa imvugo z'urwango. Izo mbuga zabereyeho gukoreshwa neza.

Ibyo tubona ni abantu bo hanze bashuka abantu bo mu Rwanda, ngo barabaha amafaranga runaka, ngo barabatera inkunga, ngo barabagurira Camera n'ibindi ngo bajye bavuga amagambo arimo ingengabitekerezo ya Jenoside, kuyipfobya, kuyihakana, kuyiha ishingiro ndetse n'imvugo zikurura amacakubiri.

Ababikora barafungwa kuko hari abo byabayeho, baha akazi abandi nabo bagafungwa ariko kugeza ubu abo babwira baranga bagafata umwanzuro wo kubyikorera.

Umukoro uhari ni uko abantu bakunda u Rwanda kandi barushakira ineza bakwiriye gushyiramo akagufu mu kurwanya abantu bapfobya Jenoside. Ntibaturusha ijwi kandi irizima niryo rigomba kumvikana.

Abo bantu kandi ibyaha bakora bihanwa muri bimwe mu bihugu barimo kuko gupfobya Jenoside si iyakorewe Abatutsi. Ni umukoro wa buri wese ukunda u Rwanda ku kubeshyuza abo. Ababikorera mu Rwanda barakurikiranwa ariko n'ibihugu barimo bikwiriye kumva ko ari ikibazo bakabikurikirana.

Umuvugizi wa RIB, Dr. Murangira B Thierry yavuze ko hari byinshi byo kwishimira mu myaka irindwi RIB imaze

Paul Kagame, aziyamamariza muri Kigali by'umwihariko mu Karere ka Nyarugenge kuri site ya Rugarama, nyuma y'aho ku munsi wa gatatu w'ibikorwa bye byo kwiyamamaza yari yahuye n'abanya-Muhanga kuri site ya Shyogwe, avuye mu Karere ka Ngororero.

Mu gihe habura amasaha make cyane ngo Paul Kagame, asesekare ahazwi nko mu Rugarama, IGIHE yasuye iyi site, isanga abaturage benshi batangiye kuhagera bareba uko imyiteguro igenda ari nako buri wese areba aho azaba ahagaze ku munsi w'ejo.

Urebye neza imyiteguro ihera mu bice by'Umujyi, kuko ukigera ahazwi nko kuri '40' utangira kubona ibirango byamamaza Paul Kagame, umukandida wa FPR-Inkotanyi.

Amaduka menshi ku mihanda arimo aragurisha imyambara y'uyu muryango, n'urujya n'uruza rw'abantu bari kugura iyi myambaro y'umukandida bashyigikiye.

Tukigera kuri site naho twahasanze umubare munini w'abantu bari biganjemo abakuze. Muri bake twabashije kuganira nabo, batugaragarije ko bategerezanyije ubwuzu umukandida bashyigikiye ndetse ko inkoko ariyo ngoma.

Isewase Jean D'amour ni umubyeyi ukora umwuga wo gutwara moto, ariko twasanze yayiparitse areba uko ibintu bikomeza gutunganywa.

Aganira na IGIHE yagize ati 'Narinje kureba aho ibikorwa bigeze kugira ngo mu gitondo nzinduke kare hataza kugira untanga mu byicaro kugira ngo nze gukurikirana neza igikorwa, bibabye byiza nka saa 05:30 z'igitondo naba nahageze.'

Yakomeje agira ati 'Ibyo nshima ni byinshi, nifuza ko imyaka yanjye yose nabaho ariwe uyoboye.'

Ikimpaye Gaudence, nawe ni umubyeyi twasanze kuri site, atubwira ko yishimiye cyane kuba Paul Kagame, azaza kwiyamamariza mu gace atuyemo, ashimangira ko kuza kuhareba mbere y'igihe ari uko iki gikorwa we n'abandi baturage bakigize icyabo bwite.

Ati 'Mu gitondo turahagera saa 03:00, dufite itsinda tugomba kubyina, agomba kuza agasanga twashyushye cyane. Njyewe igihe cyose namushima yampaye inzu yo kubamo, amazi, amavuriro, imihanda, abana bacu bariga ntakibazo, tubayeho neza.'

Habaye impinduka zigaragara mu myaka irindwi ishize

Mu myaka irindwi ishize, uyu Murwa Mukuru w'u Rwanda, Kigali, wakomeje kwaguka cyane mu buryo bwose uko bwije n'uko bukeye isura y'umujyi igahinduka kubera ibikorwaremezo bizamuka buri munsi.

Ni ibikorwa byiganjemo imihanda ya kaburimbo ikomeza kwegerezwa aho abantu batuye, n'ibindi bitandukanye bigamije koroshya no guteza imbere imibereho myiza y'abaturage.

Aha mu myaka ya vuba urugero rwa hafi wafata ni urw'umushinga wo kubaka ibiraro bibiri bya Mpazi -Nyabugogo, umushinga munini watwaye 1.775.816.934 Frw.

Hubatswe na ruhurura ya Kabusunzu – APACE yatwaye 1.095.127.195.6 Frw, hanubakwa ruhurura ya Rwimbogo -Ruragendwa mu Karere ka Kicukiro, yatwaye 788.652.153 Frw.

Ntiwakibagirwa umuhanda wa kaburimbo wa kilometero 1.2 uhuza Kagarama – Muyange, wubatswe utwaye 1.004.295.554 Frw.

Amatara ku mihanda irimo uwa 7 km uhuza Ruliba-Karama-Nyamirambo, igikorwa cyatwaye 299.199.502 Frw. Muri iyo mihanda yacaniwe kandi twavuga nk'umuhanda wa kilometero eshatu ugana in Ndera, igikorwa cyatwaye 128.228.358 Frw.

Aya matara yanashyizwe ku muhanda wa kilometero esheshatu uhuza Ikigo cya Gisirikare cya Kanombe- Rubilizi-Busanza yatwaye 256.456.716 Frw.

Mu mishinga minini y'ibikorwaremezo byubatswe harimo parking yubatswe mu Murenge wa Gatsata, yatwaye 1.130.798.295 Frw.

Hakozwe kandi ibikorwa bitandukanye, byagize uruhare mu kuzamura imibereho myiza y'abaturage. Harimo nk'inzu zubakiwe abarokotse Jenoside yakorewe Abatutsi mu 1994, aho inzu icyenda zatwaye 158.931.207 Frw.

Hanubatswe Isoko rya Nyarurama-Karembure ryatwaye 393.015.895 Frw, hanubakwa Isoko rya Nyacyonga ryatwaye 495.800.000 Frw, hamwe n'ibindi bikorwa byinshi bitandukanye.

Ntiwavuga ibikorwaremezo ngo wibagirwe amacumbi menshi aciriritse yagiye yubakwa akanatuzwamo abantu mu buryo bwo kwimakaza imiturire iteye imbere no guca akajagari mu mujyi.

Mu Mujyi wa Kigali kandi ntiwavuga iterambere ngo wibagirwe ibikorwaremezo by'ubuvuzi byahawe umwihariko cyane nk'ibitaro byo ku rwego rwo hejuru mu Karere ka Nyarugenge.

I Masaka mu Mujyi wa Kigali hubatswe Icyicaro gikuru cy'Ishami rya Afurika ry'Ikigo gikora Ubushakashatsi kikanatanga Amasomo mu kubaga umuntu hifashishijwe Ikoranabuhanga, IRCAD [Research Institute against Digestive Cancer].

Si ubuvuzi gusa ariko kuko no mu zindi nzego, hagiye habaho umwihariko, nk'ibigo by'ikoranabuhanga byashyizweho n'ibindi byinshi.

Kuri Site ya Rugarama, hamaze gushyirwa ibirango bya FPR-Inkotanyi

Ku bahazi, aha ni kuri 40, uhageze magingo aya wahasanga iyi mitako

Iyo uhagaze kuri iyi site, uba witegeye neza ibitaro by’Akarere ka Nyarugenge, nabyo byubatswe muri manda ishize

Imyiteguro yose yararangiye, hakaba hategerejwe igikorwa nyamukuru ku munsi w’ejo

Sarpong usanzwe wahoze afana Rayon Sports ubu akaba ari uwa Apr Fc, ubwo yari amaze kugura ibendera azaba yitwaje

Uyu mu motari yari ari mu Miduha, hafi na Site ya Rugarama. Ni ubwo buryo yatatsemo moto ye

Ukirenga ahazwi nko mu Gihanga, ukata ikorosi rikwerekeza mu Miduha niho hari iki kirango

Mu muhanda uturuka mu Mujyi rwagati, ugana mu Miduha, hagiye hari amabendera y’Umuryango FPR-Inkotanyi

Iyo uhagaze kuri iyi site, uba witegeye neza ibitaro by’Akarere ka Nyarugenge, nabyo byubatswe muri manda ishize

Amafoto: Habyarimana Raoul

Ni ibikorwa byakozwe kuri uyu wa Mbere tariki 24 Kamena 2024, byabereye mu Karere ka Ngororero mu Burengerazuba bw'u Rwanda, i Muhanga mu Majyepfo y'u Rwanda ndetse no mu Karere ka Nyagatare mu Burasirazuba bw'u Rwanda.

Ibi bikorwa byabanjirijwe no kwiyamamaza kwa Perezida Kagame mu Karere ka Musanze byabaye ku wa Gatandatu tariki 22 Kamena 2024, no ku Cyumweru tariki 23 Kamena 2024 mu Karere ka Musanze mu Majyaruguru y'u Rwanda.

Mu kuririmba kw'aba bahanzi, bagabanyijwe mu byiciro. Umuraperi Bushali, King James, Butera Knowless, Chriss Eazy, Senderi International Hit ndetse na Nsengiyumva Francois wamamaye nka ‘Igisupusupu’, bataramiye ibihumbi bari bateraniye i Shyogwe mu Karere ka Muhanga bategereje kwakira Umukandida wa FPR Inkotanyi, Paul Kagame.

Ibihangano by'aba bahanzi bose byagarutse cyane ku bigwi bya Perezida Paul Kagame, bahimbye bashingiye ku bikorwa yagejeje ku Banyarwanda mu myaka 30 ishize. Mu kuririmba, banyuzagamo bagakangurira abaturage kuzatora Paul Kagame.

Ni mu gihe, umuhanzi mu njyana gakondo, Ruti Joel yataramiye mu Karere ka Nyagatare mu rugendo rwo kwiyamamaza kw'Abakandida Depite b'umuryango FPR Inkotanyi, basaba gushyigikirwa kugira ngo bazinjire mu Inteko Ishinga Amategeko y’u Rwanda.

Kuri Sitade ya Ngororero ho hari hateraniye abaturage barenga ibihumbi 50 bataramiwe na Dr Claude wamamaye mu ndirimbo ‘Contre- Succes’, Ariel Wayz, Bruce Melodie, Alyn Sano, Riderman na Bwiza- bose bafatanyije kuririmba indirimbo 'Ogera' yamamaza Perezida Paul Kagame bamuhimbiye. 

Umuhanzikazi Ariel Wayz aherutse gusohora indirimbo ‘Tumutore Niwe’ yakoranye na King James, Kivumbi King ndetse na King James 

Senderi Hit yataramiye bwa Mbere i Muhanga, mu rugendo rw’ibindi bikorwa azaririmbamo byo kwamamaza Abakandida ba FPR

Umuhanzi Dr Claude yamamaye mu ndirimbo ”Contre- Succes’

Nsengiyumva Francois yamamaye nka ‘Igisupusupu’

Umuhanzikazi Alyn Sano 

Ibyishimo ni byose kuri Bruce Melodie uri kuririmba mu bikorwa byo kwamamaza Paul Kagame, mu gihe yitegura gutaramira i Burayi

Umuraperi Riderman washinze Ibisumizi Records yataramiye abaturage bo mu Karere ka Ngororero

Umuhanzikazi Butera Knowless yataramiye mu Karere ka Muhanga mu Majyepfo y'u Rwanda

Umuhanzi umenyerewe mu ndirimbo zigaruka kuri gahunda za Guverinoma, Senderi Hit yemeje ibihumbi by'abantu bari bateraniye i Muhanga

Bruce Melodie na Bwiza bahuje imbaraga mu ndirimbo yabo bise 'Ogera' bataramira mu Karere ka Ngororero

Umuraperi Bushali uherutse mu Bufaransa, yongeye kwiyereka abanya-Muhanga mu bikorwa byo kwamamaza Paul Kagame

Umuhanzi Chriss Eazy yisunze indirimbo zirimo 'Jugumila' ataramira abo mu karere ka Muhanga n'abandi

Umuhanzi mu njyana gakondo, Ruti Joel yataramiye mu Karere ka Nyagatare

Perezida Kagame ubwo yari mu Karere ka Muhanga mu bikorwa byo kwiyamamaza

Perezida Kagame ubwo yari mu Karere ka Ngororero, abaturage bamwijeje kumutora 100% 

Perezida Kagame ari kumwe na Madamu Jeannette Kagame i Muhanga mu bikorwa byo kwiyamamaza

Umuhanzikazi Bwiza amaze gutaramira mu turere dutatu mu bikorwa byo kwamamaza Paul Kagame

Ku wa Gatandatu no ku Cyumweru, Bruce Melodie yataramiye i Musanze na Rubavu

KANDA HANO UREBE AMASHUSHO Y’INDIRIMBO ‘IYO TWICARANYE’ YA SENDERI NA BWIZA

KANDA HANO UREBE AMASHUSHO Y’INDIRIMBO ‘TUMUTORE NIWE’

“>

KANDA HANO WUMVE INDIRIMBO ‘NTIMUGIRE UBWOBA’ DJ MARNAUD NA MASSAMBA NA RUTI JOEL

“>

KANDA HANO UREBE AMASHUSHO Y’INDIRIMBO ‘OGERA’ YA BRUCE MELODIE NA BWIZA

KANDA HANO UREBE UKO IGIKORWA CYO KWIYAMAMAZA I MUHANGA CYAGENZE

“>

Chang Kong-sang wamamaye mu ruganda rwa Sinema ku izina rya Jackie Chan, ni umwe mu bakina filime z’imirwano bakundwa na benshi ku Isi kubera ubuhanga bakinana. Gusa mu minsi ishije amakuru yakwiriye ku mbuga nkoranyambaga avuga ko Jackie agiye kureka uyu mwuga we akagana mu kiruhuko cy’izabukuru.

Byavugwaga ko impamvu ari uko Jackie Chan atagifite imbaraga ndetse ko yifuza kujya mu zabukuru akaruhuka nyuma y’imyaka irenga 30 akina filime. Jackie Chan yamaze kunyomoza aya makuru avuga ko ari ibihuha kandi ko kuba afite imyaka 70 bitavuze ko afite intege nkeya zamubuza gukina filime.

Jackie Chan yahakanye ibyo guhagarika Sinema kubera imyaka 

Mu kiganiro Jackie Chan yahaye Time Magazine yagize ati: ”Ntabwo mfite gahunda yo guhagarika gukina filime vuba aha, ayo makuru ni ibihuha kuko n’ubu maze iminsi ndigukina filime nshya. Ntabwo nzi impamvu abantu bumva ko imyaka 70 mfite yatumye nshiramo imbaraga”.

Yavuze ko ku myaka 70 akiyumva nk’umusore

Jackie Chan wakunzwe muri filime nka ‘Karate Kid’, ‘Rush Hour’, ‘Drunken Master’, ‘Police Story’, n’izindi, yakomoje ku kuba akiyumvamo imbaraga, ati: ”Nubwo mfite iyi myaka ariko numva ngifite imbaraga za gisore, numva ntacyahindutse muri njye uretse imyaka gusa, rero nta cyambuza gukomeza gushimisha abafana banjye’.

Uri ni urwego rwihariye ndetse rukaba rwarahawe inshingano zikubiye mu nkingi eshatu zirimo gukumira ibyaha, gutahura ibyaha ndetse no kubigenza.

Mbere y'uko RIB ishyirwaho ni inshingano zari ziri muri Polisi y'Igihugu mu ishami rya CID (Criminal Investigation Department).

IGIHE yaganiriye n'Umuvugizi wa RIB, agaruka ku mikorere yayo mu myaka 7 imaze ishyizweho ndetse n'umusanzu wayo mu kurwanya ibyaha by'imbere mu gihugu ndetse n'ibyambukiranya imipaka.

IGIHE: Mu gihe gishize Urwego rw'Igihugu rw'Ubugenzacyaha rushyizweho, mwavuga ko ari ibiki by'ingenzi bimaze kugerwaho?

Dr Murangira: Ibimaze kugerwaho ni byinshi ariko ngira ngo wenda umuntu uri hanze niwe wabimenya ariko natwe hari ibyo tuzi twabaganiriza.

RIB yatangiye ikora akazi ishinzwe ariko nk'urwego rushya rwagombaga kumenyekana [..]. Ndibuka nyuma y'igihe gito uru rwego rutangiye hari ubushakashatsi bwakozwe na RGB babaza bati 'Ese RIB murayizi, urwego rw'Igihugu muraruzi?, icyo gihe twisanze ku kigero cya 30%.

Ibyo byaduhaye umukoro wo kugira ngo urwego turumenyekanishe. Nyuma y'umwaka umwe bongeye gusuzuma basanze abaturage baruzi hejuru ya 80%. Ubwo si ukugira ngo bamenye ngo rurahari gusa, ahubwo ni no kugira ngo bamenye ngo nibakorerwa icyaha barajya hehe.

Icyo gihe kandi harimo kubabwira ko ubufatanye bwabo mu kurwanya bya byaha biba bikenewe. Hajeho kubaka ubushobozi bw'urwego mu bijyanye n'abakozi ndetse n'ibikoresho.

Ubunyamwuga mu kazi cyari ikintu kigomba kwibandwaho cyane muri iki gihe hariho ibyaha by'inzaduka, ibyaha by'ikoranabuhanga bitari biriho mu gihe cyashize.

Ibimaze kugerwaho ni byinshi harimo gukora dosiye zifite ireme, gukumira no kumenyekanisha amategeko cyangwa ibikorwa bishya aba bantu bakora ibyaha yaba amayeri bakoresha.

Iyo ukoze isesengura usanga turi kwinjira mu Isi y'ikoranabuhanga aho riri gukoreshwa. Bya byaha byo gutera umuntu ukamuniga, bimwe ngo byo gutera gatarina bigenda bishira kubera ko abaturage bamaze kubona ko uramutse uteye umuntu gutyo baragufata, noneho batangira bya byaha bita 'White-collar crime'.

Hahandi umuntu akubwira ko hari aho uri bushore ukunguka, ariko mu by'ukuri ya mafaranga akayagutwara kandi ari wowe uyamwihereye. Aho niho bwa bunyamwuga buba bukenewe. Aho hari hakenewe ubushobozi no kongera abakozi kugira ngo bya byaha bigende birwanwa.

Ibyaha bikoreshejwe ikoranabuhanga abantu babifiteho ubumenyi ni bake cyane ku buryo bisaba ko ubigisha akababwira ko ibintu byose ubonye ku ikoranabuhanga atari ukuri.

Muri make urwego rwariyubatse, twatangiye abakozi ari nka 500 ariko ubu tugeze ku 1500. RIB ihagarariwe mu gihugu hose. Urumva ko mu rwego rwo kwiyubaka hari ibyagezweho.

Perezida wacu iteka areba ibibereye u Rwanda kugira ngo hanozwe imikorere. Niyo mpamvu mubona habaho amavugurura ni ukugira ngo ikintu ugikore neza cyangwa se kibe cyiza kurusha uko cyari kimeze.

Mu mavugururwa rero agenda akorwa ntabwo ubutabera bwasigaye inyuma. Aho hatandukanyijwe inshingano ku mutekano w'abantu n'ibintu ndetse n'ubugenzacyaha.

IGIHE: Inshingano za RIB by'umwihariko ni izihe?

Dr Murangira: Gukumira ibyaha ni ukwigisha abantu bakareka ibyaha ndetse n'icyari kigiye gukorwa kikaburizwamo. Hari n'ubundi buryo kuko iyo umuntu afunzwe hari ikindi cyaha uba ukumiriye.

Gutahura rero ni igihe babandi bakoze icyaha bakagihisha, akazi ka RIB ni ukubitahura kuko uwakoze icyaha ntabwo aba ashaka ko bimenyekana.

Kugenza icyaha rero ni cya gihe biba byabaye noneho hagakorwa iperereza. Uko amategeko ateye rero iyo rwamra iperereza aze gukora dosiye rukohereza muri parike ariyo bushinjacyaha, nabwo bugakora iyisumbuye, nabo bamara gukora ibyabo bakabyoherereza urukiko.

IGIHE: Kugenza ibyaha bihagaze gute mu Rwanda?

Dr Murangira: Kwisuzuma biba bigoye ariko kugenza ibyaha mu Rwanda bihagaze neza kuko iyo ubirebye nkatwe b'abagenzacyaha ubona ko ubushake buhari, ubumenyi buhari ndetse n'ubufatanye buhari mu kugenza ibyaha.

IGIHE: Ibyaha Abanyarwanda bakunze gufatirwamo ni ibihe?

Dr Murangira: Nta byaha navuga ko ari umwihariko ku Rwanda, ibyaha bikorwa ahandi usanga no mu Rwanda bihari gusa habaho itandukaniro y'uburyo biba byakozwe ndetse n'ikigaragara mu Rwanda ni uwagikoze n'amahirwe yo kuba atafatwa, aho niho bitandukaniye.

Amahirwe yo kugira ngo birangire adafashwe niyo make cyane. Uyu ni umwanya wo kuboneraho kwibutsa abantu ko inzira y'ibyaha atari inzira nziza kuko iteka irangira bigoranye.

Mu Rwanda turi ku rwego umuntu asigaye akora icyaha nta mahirwe afite yo kuba yacika ntafatwe. Ni ugukorana n'inzego ndetse n'abaturage kugira ngo ubutabera butangwe.

IGIHE: Ese RIB yitwaza intwaro mu kazi nk'izindi nzego z'umutekano nkz Polisi n'izindi?

Dr Murangira: Yego turabyemerewe! Kuko itegeko ryashyizeho RIB ni uko abagenzacyaha bemerewe kwitwaza intwaro mu kazi kabo. Aka ni akazi kadusaba guhura n'abakoze ibyaha.

Mu bantu bakoze ibyaha rero haba harimo bamwe bafite indi mitekerereze. Icyo gihe rero hagomba kubaho ubwirinzi. Usibye amahugurwa abagenzacyaha bahabwa mu kugenza ibyaha, bahabwa n'andi yo gukoresha intwaro. Hari igihe akazi kagusaba kuba uyifite kubera ubwirinzi.

IGIHE: Imikorere ya RIB n'izindi nzego zigenza ibyaha mu bindi bihugu ihagaze gute?

Dr Murangira: Aho Isi igeze, hari ibyo bita ibyaha nyambukiranyamipaka. Ni igihe umuntu ashobora gukora icyaha agahungira mu kindi gihugu cyangwa akaba yicaye mu gihugu kimwe akinjira muri banki yo mu kindi gihugu.

Aho rero hakenerwa imikoranire y'ibindi bihugu ariko duhereye ku byo twegeranye mu Karere, hakanarebwa uburyo bibanye mu buryo bw'umwuka wa politiki.

Hari kandi uburyo bwa Polisi Mpuzamahanga (Interpol) aho ibihugu bihanahana amakuru ku byaha nk'ibyo. Muri RIB rero harimo ishami rya Interpol rikora akazi ko gukurikirana abanyabyaha bahungiye mu mahanga.

Ubu ibihugu byose biri muri Interpol bifite system ikora amasaha 24 mu minsi irindwi kandi iba iri ku mipaka no ku bibuga by'indege. Iyo umuntu aramutse yibye agahungira mu kindi gihugu, urayifata ukayuzuzamo, igihugu cyose azinjiramo bahita bamubona.

Hari benshi bibye bagahungira hano tukabasubizayo, si ku bantu gusa kuko hari ibinyabiziga duherutse gusubizayo byibwe mu bihugu by'i Burayi bifatirwa hano mu Rwanda tubisubiza ba nyirabyo.

IGIHE: Akenshi dukunze kubona mukora ubukangurambaga butandukanye, ese mwaba mutekereza kuri diaspora?

Dr Murangira: Hari ubutumwa duherutse gutanga bugenewe Aba-diaspora by'umwihariko. Byari bijyanye n'ubwambuzi bushukana bushingiye ku bupfumu, bushingiye ku buhanuzi bupfuye, bushingiye no kuvurwa indwara zananiranye.

Imbuga nkoranyambaga zaraje kandi zikoreshwa n'abantu bose. Rero n'abiyamamaza bakoresha imbuga nkoranyambaga. Abakora ubupfumu rero nabo bariyamamaje bakoresheje izo mbuga nkoranyambaga.

Tujya tubona aba-diaspora batwandikira bavuga ngo umupfumu runaka yamwandikiye amuteka umutwe, yamwambuye amafaranga.

Hari undi uherutse kuvuga ko yabwiwe n'umuhanuzi ko bamuroze bakabitaba mu bihugu bitandukanye, birangira amutwaye agera ku bihumbi 20$. Yamubwiraga ko natayamuha mu kwezi kumwe apfa.

Bajya bavuga ko aba-diaspora basobanutse ariko abantu bajijwa nta gice batabamo. Twabagiriye inama yo gufata ayo mafaranga bakaza kuyashora mu gihugu aho kuyatera inyoni.

Kandi iyo dufashe abakoze ibyo byaha batubwira ko iby'abapfu biribwa n'abapfumu.

Hari abavuga ko bavura abasore imibiri yabo ikagira uko ihinduka kandi n'abakobwa nuko. Ugasanga kuri litiro aratanga ibihumbi 100 Frw kandi mu by'ukuri ari igicuncu yamuvugutiye.

Muri iyi minsi kandi bari kubeshyanya urukundo, aho ku ikoranabuhanga bavugana ibyo guhura, ibintu nk'ibyo.

Ntabwo twibagiwe ko hari n'aba-diaspora babeshya abantu ba hano. Bakababeshya ko wenda ibintu bigura make iwabo. Icyo gihe rero dutanga ubutumwa ku mpande zombi.

Urwego rw'ubugenzacyaha rushinzwe kugenza ibyaha nshinjabyaha, ntabwo ari mbonezamubano. Ni ukuvuga ngo hari abatubwira ngo kanaka namugurije amafaranga none yanze kunyishyura, mu by'ukuri ibyo si ibya RIB.

IGIHE: RIB ikora iki ku bakwirakwiza ingengabitekerezo ya Jenoside yakorewe Abatutsi mu Rwanda, bari hanze?

Dr Murangira: Buriya RIB igenza ibyaha byakorewe ku butaka bw'u Rwanda cyangwa se byakorewe umunyamahanga uri ku butaka bw'u Rwanda. Hari ikintu gihari cy'uko imbuga nkoranyambaga zikoreshwa n'abeza ndetse n'ababi.

Hari abakwirakwiza ingengabitekerezo ya Jenoside babicisha ku mbuga nkoranyambaga cyangwa imvugo z'urwango. Izo mbuga zabereyeho gukoreshwa neza.

Ibyo tubona ni abantu bo hanze bashuka abantu bo mu Rwanda, ngo barabaha amafaranga runaka, ngo barabatera inkunga, ngo barabagurira Camera n'ibindi ngo bajye bavuga amagambo arimo ingengabitekerezo ya Jenoside, kuyipfobya, kuyihakana, kuyiha ishingiro ndetse n'imvugo zikurura amacakubiri.

Ababikora barafungwa kuko hari abo byabayeho, baha akazi abandi nabo bagafungwa ariko kugeza ubu abo babwira baranga bagafata umwanzuro wo kubyikorera.

Umukoro uhari ni uko abantu bakunda u Rwanda kandi barushakira ineza bakwiriye gushyiramo akagufu mu kurwanya abantu bapfobya Jenoside. Ntibaturusha ijwi kandi irizima niryo rigomba kumvikana.

Abo bantu kandi ibyaha bakora bihanwa muri bimwe mu bihugu barimo kuko gupfobya Jenoside si iyakorewe Abatutsi. Ni umukoro wa buri wese ukunda u Rwanda ku kubeshyuza abo. Ababikorera mu Rwanda barakurikiranwa ariko n'ibihugu barimo bikwiriye kumva ko ari ikibazo bakabikurikirana.

Umuvugizi wa RIB, Dr. Murangira B Thierry yavuze ko hari byinshi byo kwishimira mu myaka irindwi RIB imaze