Category: Uncategorized

Ni mu nshuro ya mbere rigiye kuba. Ryateguwe nyuma y’ibitaramo umunani byahuje abaraperi mu ngeri zinyuranye byabereye ahantu hatandukanye mu Mujyi wa Kigali mu rwego rwo kwagura urugendo rw’aba baraperi, no kubafasha gusabana n’abakunzi babo.

Muri rusange ryubakiye ku gukomeza kuzamura ikuzo ry’iyi njyana yihariye uyu mwaka wa 2024. Rizaba mu gihe cy’iminsi ibiri guhera saa cyenda z’amanywa kugeza saa yine z’ijoro, ku wa 5-6 Nyakanga 2024, kuri Institute Francais du Rwanda.

Green Ferry Music iri gutegura iri serukuramuco yagaragaje ko abaraperi bazitabira iri serukiramuco barimo cyane cyane abanyuze muri iyi nzu itunganya imuziki inafasha abahanzi gukora no kumenyekanisha ibihangano byabo.

Kuri iyi nshuro ya mbere ryatumiwemo Icenova, Ish Kevin, Bull Dogg, B-Threy, Ngaara, Mutha II, Angel Mutoni, Insibika, Pro Zed, Long Jay, Dj Samish, Og2tone, Dj Gulan, Thedicekid, Romeo Rapstar, Logan Joe, Slum Drip, Trizzie Ninesty Six, Big Zed, Redink, Dr. Nganji ndetse n’abandi.

Iri serukiramuco rizaba ku wa Gatanu no ku wa Gatandatu, kwinjira bizaba ari ukwishyira ibihumbi 10 Frw ku muntu umwe.

Dr Nganji washinze Green Ferry aherutse kubwira InyaRwanda ko bahisemo gutegura iri serukiramuco bashingiye ku bihe byaranze ibitaramo byabo umunani byabanje.

Ati 'Twahisemo kubikoramo iserukiramuco ahanini bitewe n'ubwitabire, n'uburyo abantu bakunda umuco wa Hip Hop. Rero, ibitaramo umunani twakoze byatweretse ko bishoboka.'

Nganji yavuze ko mu byo bishimira muri ibi bitaramo, ari uko byashyize itafari ku muziki 'w'abarimo Bushali n'abandi bagenzi be banyuze mu itsinda rya Green Ferry'. 

Uyu mugabo usanzwe ari Producer, avuga ko ashingiye ku bikorwa bimaze gukorwa muri iyi myaka, ari ibishimangira ko 'Hip Hop ikundwa n'abantu benshi, kandi abanyarwanda barabigaragaje mu bihe bitandukanye'.

Ati 'Wagiye ubona uburyo nko mu bitaramo byabereye muri BK Arena, abaraperi bagiye biharira urubyiniro, muri iki gihe hasohotse ibihangano byinshi, rero uyu mwaka navuga ko wiyongereye mu yindi myaka yatweretse ko Hip Hop ikunzwe cyane.'

Nganji yavuze ko uretse ibitaramo by'abahanzi ba Hip Hop, iri serukiramuco rizarangwa n'ibindi bikorwa birimo nko kumurika imideli, gushushanya, umuziki w’aba Dj, n'ibindi binyuranye mu rwego rwo gususurutsa abazitabira.

Ngabonziza Dominique uzwi nka Producer Dr. Nganji uri gutegura iri serukiramuco aherutse gushyira hanze Album 'Kinyarwanda' yakoze yifashishijeho zimwe mu ndirimbo zimaze imyaka irenga 70 zifitwe na Leta y'u Budage bafatiye amajwi ubwo bari mu Rwanda mu bihe bitandukanye.

Ni Album ya Gatatu iriho abahanzi nka B-Threy, Bushali, Icenova, Angel Mutoni, White Monkey, Bill Ruzima, Kaya Byinshi, Slum Drip, Nillan YNB, Bruce the First, Amalon, Romeo Rapsatar, Iddo Wuld, Jawanzaa, Mvfasta, Ngaara, , NeeriWest, Dani Kard, n'abandi.

Iriho indirimbo ‘Inganji (Intro)’ yakoranye na Ngaara, ‘Amanyarwanda’ yakoranye na Karambizi, ‘Imituku’ yakoranye na Redink, Icenova na Dr. Dace Murundi, ‘Imisambi’ yakroanye na Karambizi, Kaya Byinshi, Icenova na Romeo Rapstar.

Hari kandi ‘Intare’ yakoranye na Neriwest na Romeo Rapstar, ‘Ihoreze’ yakoranye na Racine, ‘Haya’ yahuriyemo na Karambizi, ‘Rwamajana’ yakoranye na Kanyarwanda, ‘Umurinzi’ yahuriyemo na Romeo Rapstar, ‘Ninde? na Icenova, ‘Enyegeza’ na Bushali, ‘Rwamakombe’ na Zeo Trap ndetse na ‘Kinyarwanda (Outro)’ yakoranye na B-Threy.

Umuraperi Bull Dogg uri kwitegura gusohora Album ye ya mbere ategerejwe muri iri serukiramuco  

Ish Kevin uherutse gushyira hanze Extended Play (EP) ye yise 'Semana' azatanga umusogongero w'iyi EP muri iki gitaramo

B-Threy uherutse gutaramira ku nshuro ye ya mbere mu Bufaransa ategerejwe muri 'I AM Hip Hop Festival'

Umuraperi Icenova uherutse gukorana indirimbo na Bushali ategerejwe muri iri serukiramuco

 

Abaraperi 22 bahurijwe mu iserukiramuco 'I AM HIP HOP Festival' rigiye kuba ku nshuro ya mbere 

KANDA HANO UREBE AMASHUSHO Y’INDIRIMBO ICENOVA YAKORANYE NA BUSHALI

Umukandida wigenga ku mwanya wa Perezida wa Repubulika y’u Rwanda, Mpayimana Philipe yatangaje ko yifuza ko ikipe y’igihugu Amavubi akwiye guhindurirwa izina akareka kwitwa Amavubi akaba yakwitwa nk’Intare, Inzovu cyangwa Ingwe.

Yabigarutseho ku Cyumweru tariki 23 Kamena 2024, ubwo yari yakomeje ibikorwa bye byo kwiyamamaza mu Ntara y’Uburasirazuba mu karere ka Kayonza i Nyamirama.

Mpayimana Philipe, yagarutse ku bireberabana ba Siporo aho kugira ngo u Rwanda rugire abakinnyi bakomeye bisaba ko bihera hasi bityo ko ingengo y’imari ya Siporo yahera ku Murenge

Ati' niba utaragize umwana ukinira mu Kagari? Mbappé cyangwa Ronaldo ryari? Ubwo rero ni yo mpamvu dusaba ko imikino ihabwa ingengo y’imari ku rwego rw’Umurenge.'

Uyu mukandida ku mwanya wa Perezida, yanakomeje avuga ko yasaba ko n’izina ry’Ikipe y’Igihugu Amavubi ryahindurwa kuko ridayeye ubwaba.

Ati' Njye nanasaba ko n’izina ry’Amavubi turihindura, kuko Amavubi banza atanaruma neza. Tugashaka izina rizatuma n’igihugu cy’u Rwanda kigira ikipe ifite uburemera nk’Intare, nk’inzovu, n’Ingwe, ibintu nk’ibyo.'

Muhayimana Phillipe yavuze ko Amavubi akwiye guhindurirwa izina

Mu Rwanda ntabwo kubona bene uwo mwari cyangwa umutegarugori bikiri inkuru, noneho mu rwego rw'imari, na cyane ko iyo uraranganyije amaso ku ma banki n'ibindi bigo ubona koko umusaruro wo kubasubiza agaciro bambuwe imyaka n'imyaka.

Ni na ko bimeze kuri Jeanne-Françoise Mubiligi kuri ubu uyoboye Urugaga rw'Abikorera mu Rwanda, PSF urugaga rubumbatiye ibihumbi by'ibigo by'ubucuruzi bifite agaciro ka za miliyari..

Uyu mubyeyi umaze kuba ikimenyabose mu Rwanda, burya ngo si mushya mu bijyanye no kwikorera kuko yakuze abitozwa n'ababyeyi be bari bafite ibigo by'ubucuruzi, akurira muri uwo mujyo ndetse ubu ni umwe muri ba rwiyemezamirimo bakomeye igihugu gifite.

Mubiligi yatangiye kuyobora PSF muri Gashyantare 2023, nyuma yo kwegura kwa Robert Bafakulera wari uyiyoboye.

IGIHE yagiranye ikiganiro kirambuye n'uyu mubyeyi usanzwe ari Umuyobozi Mukuru w'Ikigo gikora imirimo y'ubwubatsi cya E.M.P Ltd, agaragaza urugendo rwe muri iyi mirimo n'aho abona urwego rw'abikorera mu myaka 30 iri imbere.

IGIHE: Ntabwo ari kenshi twumva abagore mu rwego rw'ubwubatsi. Ni gute wowe wisanzemo?

Mubiligi:Ni urwego nakuriyemo. Nakuriye mu muryango w'abikorera bakora ubwubatsi. Ni umurimo nakuze mbona buri munsi, naba ndi mu biruhuko n'ahandi. Ni umurimo nakuze nkunda.

Ababyeyi bawudutoje kare kuko akenshi batujyanaga mu bikorwa babaga barimo, nkura numva mfite umurava wo gukomeza urugendo batangiye.

Nsoje amashuri nakoreye ikindi kigo cyari mu ishoramari ariko nyuma nza kugaruka nkorera icy'umuryango na cyo kiri mu bwubatsi.

Jeanne-Françoise Mubiligi agaragaza ko ibijyanye no kwihangira imirimo yabitojwe akiri muto

Mu bindi bihugu usanga bahererekanya ibigo mu bisekuru. Mu Rwanda ntibikunze kubaho, ubona biterwa n'iki ?

Si mu Rwanda gusa ahubwo ni mu bihugu byinshi bya Afurika. Turacyafite ibibazo byinshi tugomba gukemura, ha handi ubona ko ibigo by'ubucuruzi byinshi bitarenga mu gisekuru cya kabiri.

Mu by'ukuri ni imyumvire ibitera. Bisaba kubitegura kuko bitegurwa kare, ukabitekereza kare. Uyu munsi turi kubona ko no mu Rwanda ari ibintu kiri gutekerezwaho nko mu nzego z'abikorera.

Tubitekerezaho, turabiganira n'ibindi bigo by'umucuruzi bifitwe n'imiryango.

Aho kandi na gahunda z'igihugu zibidufashamo kuko nk'amategeko agenda ajyaho, cyane ko hifuzwa ko ibigo biba binini (corporates).

Ibyo biba bisaba ko ibyo bigo bigira umurongo bigenderaho, bikagira inama y'ubutegetsi ifatika kandi yuzuye, ibyo byose bituma icyo kintu kizashoboka.

Ntabwo cyashobokaga mbere k'uko ibigo byinshi byari iby'abantu ku giti cyabo, bakaba ari bo bamenya ibyo bigo, babizi hafi mu mutwe, bazi n'uko babiyobora. Kubihererekanya rero byaravunaga kuko bitabaga bifite uburyo byubatswe buzwi.

Mbere kubona umugore uri mu bwubatsi byafatwaga nk'amahano. Ubu haracyari imyumvire ikumira umugore muri ibi bikorwa ?

Birumvikana iyo myumvire yari ihari ndetse n'ubu hari aho ikiri, icyakora igenda igabanyuka.

Byarashobokaga ko iyo twajyaga gusura imirimo y'ubwubatsi iri kubera kuri site zitandukanye, kugera aho iherereye biruhije, abantu bakumva ko kubera uri umuyobozi uri n'umugore, utari buhagere.

Bakumva ko utari bwambare izo bote cyangwa ngo ushyiremo ingofero z'ubwubatsi ujyane n'abandi. Ubu uko imyaka igenda itambuka n'uko abagore bagenda bagarara muri iyi mirirmo, iyo myumvire yarahindutse.

Uyu munsi dufite ibigo by'ubwubatsi by'abagore bakora iyo mirimo, bakabiyobora, bagakorana n'abandi kandi bikagenda neza.

N'ubushake bwo kuyobora burazamuka kuko nk'ubu mu matora ashize y'urugaga twabashishe kubahiriza 30% by'abagize ubuyobozi bw'urugaga kugeza ku rwego rwa karere.

Ubundi PSF uyoboye ikora gute?

PSF ubundi ihuriza hamwe abikorera baturutse mu nzego zitandukanye. Ifite amahuriro agera kuri 76, yibumbiye mu mashami (clusters) atanu adufasha guhuza ibikorwa.

Niba hari abari muri serivisi z'Ikoranabuhanga, Ubukerarugendo n'ibindi tukabahuriza hamwe. Ayo mashami aba no mu nama y'ubutegetsi ya PSF.

Muri PSF twibanda cyane ku kwita ku banyamuryango bacu no kumenya ibyo bakeneye cyangwa se ibyo bifuza twabakorera. Twita cyane no ku buvugizi bwabo.

Twibanda kandi no gufungura imiryango, kugira ngo abikorera babashe kugera ku masoko ariko banabashe kumenyana n'abandi bo mu bindi bihugu.

Ni gute wisanze mu buyobozi bwa PSF?

Ni urugendo mazemo imyaka igera kuri itandatu. Natangiye ndi umuyobozi w'inama y'ubutegetsi y'ihuriro ry'abagore bikorera, ariko ubu iri muri ya mahuriro.

Ni amahuriro atanu (specialized clusters) ni ihuriro ririmo abagore bikorera, urubyiruko rwikorera n'abafite ubumuga bikorera. Abo rero ni ibyiciro bitatu twibandaho cyane.

Iryo huriro naribayemo, ndibera umuyobozi imyaka ine. Nyuma bongera kuntora ariko banantanga nk'umukandida wo kujya kuyobora urugaga muri rusange.

Icyo gihe rero abagize urugaga bangirira icyizere bantora nka perezida wa mbere wa PSF. Nyuma y'umwaka mba umuyobozi w'agateganyo wa PSF.

Ni ibiki ubona byagezweho kubera ubufatanye mufitanye na leta?

Ni byinshi imikoranire n'ubuyobozi ni ibintu tubamo buri munsi ariko ndavuga kuri bitatu.

Mu gihe Covid-19, yari irimbanyije, habayeho ibiganiro na leta bijyanye no kwiga uko imirimo itahagarara.

Byafashije cyane abagize urugaga kuko bemenye umurongo bagenderaho, bakomeza gukora.

Ikindi ni ikijyanye no guhindura amategeko arimo n'ajyanye n'imisoro. Ni ubuvugizi tumazemo igihe ndetse buzahoraho.

Mu minsi ishize twishimiye ko hari icyahindutse kuko imisoro yagiye igabanyuka. Umusoro ku nyungu wagabanutseho 2%.

Iy'umuceri ikurwaho binafasha benshi mu bacuruzi bari bafite imbogamizi zijyaye n'ibiciro kandi n'uwo musoro ku nyongeragaciro wiyongeragaho warababangamiraga.

Twabonye impinduka zitandukanye mu bijyanye n'itegeko ry'imisoro twari twarakoreye ubuvugizi igihe kinini ariko kandi tugikomeza kuko ntabwo aho twifuzaga kugera twari twahagera. Hakozwe byinshi.

Mubona mute gahunda yo kujya gukorera ubucuruzi hanze ? Hari abavuga ko ari uguhunga imisoro

Nubwo tuvuga ngo guhunga umusoro ukajya hanze ntabwo ari byo ariko abifuza gukorera ubucuruzi hanze y'u Rwanda bo turabashyigikiye cyane.

Wamaze gukorera mu Rwanda ukabona biragenda neza, ukaba wajya gushora imari hanze turagushyigikira ariko ntugende uvuga ngo uhunze umusoro kuko izo nzitwazo zo ntabwo ari zo.

Muri iyo gahunda duhera ku gutegura ingendoshuri aho tujyana n'abanyamuryango, tukajya mu bindi bihugu tugahura n'abandi bacuruzi bo muri ibyo bihugu tukaganira.

Haba n'igihe duhuye n'amahuriro yabo. Tugirana amasezarano y'imikoranire yibanda ku gufasha abanyamuryango bacu ku mpande zombi. Tukaborohereza kuza gukora mu masoko yo mu bihugu byacu.

Iyo umunyamuryango wacu agiye mu gihugu dufitanye amasezerano tumuhuza na bo, twaba nta masezerano dufitanye tukagira imikoranire n'inzego zacu za leta nka ambasade agafashwa.

PSF ikomeje kwagura ubufatanye n’izindi ngaga z’abikorera zo mu bihugu bitandukanye

Mujya mufata abanyeshuri b'abahanga ariko bakiri ku ishuri mukabaha akazi?

Birahari kuko mu banyeshuri bake baza kwimenyereza umwuga, iyo ubashije kubona abafata ibyo wabigishije bashoboye akazi ntabwo ubarekura.

Akenshi icyo gihe turabagumana tukazabakira bamaze kwiga. Birasanzwe ariko ntekereza ko bizagira imbara kurushaho gahunda yindi dufite imaze gufata umurongo.

Ni gahunda yo gutegura abanyeshuri cyangwa abakozi b'ejo hazaza bigakorwa mu buryo bunoze. Twarayitangiye ndetse turi mu biganiro bitandukanye kugira ngo twige neza uburyo bwo kumenyereza abanyeshuri tubazamurire ubumenyi.

Imikoranire mufitanye n'ingaga mpuzamahanga z'abikorera zatanze uwuhe musaruro?

Mu by'ukuri izi nama zitandukanye ziba umwanya wo kugira ngo abanyamahanga bumve ibyo dukora natwe twumve ibyo bakora.

Aho rero havuyemo imishinga itandukanye, havuyemo abashaka kohereza serivisi mu mahanga mu nzego zirandukanye nk'ikoranabuhanga, ubugeni n'ibindi.

Hari n'ibyaje mu Rwanda, nko mu minsi ishize hari abashoramari benshi baje, bifuza kuza mu buhinzi ariko bumwe bwa kinyamwuga, bukorerwa ku buso bunini, bufite uburyo bwo kuhira bugezweho. Ubu bufatanye bumaze gutanga umusaruro cyane cyane iyo ugiye uzi icyo ushaka.

Mu mboni zawe ni iki gituma abashoramari b'abanyamahanga bumva u Rwanda nka kimwe mu bihugu bike bibereye ishoramari?

Icya mbere ni aho gukorera. U Rwanda rwakoze cyane ku mategeko ajyanye n'ubucuruzi kugira ngo rufashe kuba rwashorwamo imari ku bwinshi.

Icyiza cyo mu Rwanda imisoro uko yanditse mu mategeko ni ko ibarwa.

Ibyo rero bafasha mu bucuruzi, aho ushobora gutegura umushinga wawe ugendeye ku bintu byanditse mu itegeko. Aho niho bitandukaniye no mu bindi bihugu kuko ho usanga ibyanditswe atari ko bikoreshwa, ibyo rero ni ibituma bagirira icyizere u Rwanda.

Ikindi aho u Rwanda ruherereye ni heza. Nubwo tudakora ku nyanja ariko usanga ibihugu duturanye na byo bifite isoko rigari, kuva hano ujya mu bihugu byo muri Afurika y'Uburengerazuba ndetse no muri Afurika yo Hagati biba byoroshye.

RwandaAir na yo yoroheje ingendo, ikintu cy'ingenzi gishobora gutuma umuntu ashora imari hano. Ikindi ni umutekano mu gihugu cyacu. Wo ni imari itoroshye kubarira agaciro.

Ushaka gushora imara ayishora ahantu hari umutekano. Nta kindi yabinganya ni ibintu byumvikana ko abantu bifuza kuza ku bwinshi kubera wo.

Ubona PSF he mu myaka 30 iri imbere?

Icyo mbona kizaba cyaragezweho muri iyo myaka ni uko ibigo biri mu ihuriro bizaba byariyongereye kandi mu nzego zitandukanye. Tutazaba tutohereza gusa mu mahanga ibicuruzwa, ibi bifatika nk'ikawa ahubwo n'izindi serivisi zijyanye n'ubumenyi mu bintu bitandukanye.

Ikindi icyo gihe ubwo bumenyi buzaba butanakoreshwa mu Rwanda gusa ahubwo bwarafashwe ku rwego mpuzamahanga. Ikindi kubona urwego tuzaba dukoreraho ruzaba ruri ku hejuru.

Umunsi ku wundi abikorera bo mu Rwanda basabwa no kubyaza umusaruro amasoko yo hanze

Aha PSF, Mubiligi ayoboye yari imaze yasinyana amasezerano y’imikoranire n’abikorera bo muri Madagascar

Ni amahugurwa yari amaze ukwezi abera mu Murenge wa Byumba mu Karere Gicumbi, aho urubyiruko rwaturutse mu turere dutandukanye twahabwaga ayo mahugurwa yo guhinga ubwatsi bukera mu gihe gito.

Ni ikoranabuhanga rigezweho rifasha cyane cyane mu gihe cy'izuba ha handi ibintu biba byadogereye amatungo adafite ibyo kurya bihagije.

Ni ubuhinzi bukorwa mu buryo budasaba kuba ufite ubutaka bunini kuko babuhingira mu nzu yabugenewe.

Urubyiruko rw'i Kageyo mu Karere ka Gicumbi rwahawe aya mahugurwa, rwayasangije abandi nyuma yo kubigerageza mu buryo bwo kwihangira umurimo ariko bakabona ko byakunda bigatanga igisubizo cy'ako kanya, babisangiza abandi ngo bikwire mu gihugu hose.

Hari ubwatsi bwera mu munsi ine gusa bukagaburirwa inkoko, imbata n'ibindi biguruka, hakaba ubundi buboneka mu minsi itandatu buhabwa amatungo magufi nk'ihene, ingurube n'intama.

Ni mu gihe ubwerera iminsi irindwi babuha inka, ingamiya n'andi matungo maremare ku buryo iyo watunganyije umushinga neza ubujyanira aborozi bakaguha ku mafaranga ukiteza imbere.

Umwe mu rubyiruko rwahuguwe aturutse mu karere ka Nyaruguru witwa Renzaho Darius, yavuze ko bigishijwe uko bategura ibinyampeke birimo ibigori, amasaka n'ibindi bigatunganywa neza.

Ibyo binyampeke birozwa bigashyirwa mu nzu yabugenewe hifashishijwe amazi mu minsi irindwi ugasarura ukagurisha ku borozi, ibintu avuga ko agiye kubisangiza na we urubyiruko yasize mu karere atuyemo.

Abihuza na Bigirimana Prosper waturutse mu Nkambi ya Mahama uvuga ko nk'urubyiruko rw' impunzi badafite ubutaka bwo guhingaho, ariko bakaba bigishijwe uko batera ubwatsi mu buryo bugerekeranije uzamuka hejuru aho gufata ubutaka bunini.

Kazungu Mireille we yashimangiye ko nubwo yize ubuhinzi muri Kaminuza yongerewe ubumenyi bwo guhinga ukoresheje ubutaka buto kandi ukabona n'umusaruro mu gihe gito.

Kazungu avuga ko ari ubuhinzi butabangamirwa n'imihindagurikire y'ibihe kuko no mu gihe cy' izuba ubwatsi buboneka ndetse n'umukamo ntugabanuke mu rugo cyangwa ku isoko.

Umuyobozi w'Urubyiruko rwashinze Koperatie yitwa Uruhimbi Kageyo Cooperative (UKC) witwa Karara Jackson yavuze ko uyu mushinga bawutekereje bakirangiza amasomo muri kaminuza.

Baricaye hamwe bahuza igitekerezo cy'uyu mushinga batanageze kuri batanuuyu munsi igitekerezo cyabo kikaba cyatangiye kwifashishwa nk'igisubizo mu bworozi bw'u Rwanda.

Ati “Kuri ubu tumaze kwiteza imbere ndetse ikigamijwe ni ukwigisha urundi rubyiruko bagenzi bacu bakamenya uko watera ubwatsi wifashishije ibinyampeke n'amazi gusa, utarinze gukoresha ubutaka bunini, bidasabye ifumbire n'ibindi, umusaruro uboneka vuba, kandi n'umukamo ntube wagabanuka mu gihe cy'Izuba”.

Umuyobozi w'Akarere ka Gicumbi Wungirije Ushinzwe Ubukungu, Uwera Parfaite, yashimye uruhare rw'Urubyiruko mu guhugura bagenzi babo, abahuguwe abasaba kujyana ubumenyi bahawe bakabubyaza umusaruro mu turere batuyemo.

Ubwatsi buhingwa bukera mu minsi itarenze irindwi ni uko buba bumeze

Urubyiruko rurenga 150 rumaze ukwezi rwigishwa uko rwahinga ubwatsi bukaboneka mu minsi irindwi

Umuyobozi wa Kopereative Uruhimbi Kageyo Cooperative (UKC) witwa Karara Jackson yavuze ko igitekerezo cyo guhinga ubwatsi bukera mu minsi mike bagitangiye batageze no kuri batanu none ubu kimaze gukwira mu gihugu hose

Umunsi wo gusoza amahugurwa yo guhinga ubwatsi bukera mu gihe gito wasojwe n’ubuyobozi bw’Akarere ka Gicumbi

Ni impanuka yabaye ahagana saa Munani n'Igice z'amanywa, aho umushoferi witwa Nzabahimana Elie w'imyaka 33, yari akuye umurwayi ku Kigo Nderabuzima cya Kibumbwe, aherekejwe n'umuforomo ndetse n'umurwaza wari kumwe n'umwana wuto w'umwaka umwe.

Amakuru akomeza avuga ko bakigera mu mudugudu wa Zigati, imodoka yataye umuhanda maze ihita icurama mu ishyamba, ndetse umushoferi wari uyitwaye ahita yitaba Imana.

Mu kiganiro na IGIHE, Umuyobozi w'Ibitaro bya Kaduha, Dr Kagimbangabo Jean Marie Vianney, yemeje iby'aya makuru, gusa avuga ko Imana yakinze akaboko mu bantu batanu bari mu modoka, umwe gusa ari we wapfuye, abandi bakiri bazima ndetse bameze neza.

Ati' Uretse umushoferi witabye Imana, abandi bameze neza. Umuforomo wari uherekeje umurwayi, umurwayi, umurwaza ndetse n'umwana w'umurwaza (ufite umwaka 1) bose bameze neza. Umuforomo n'uwo mwana w'umwaka umwe bo nta gikomere na gito bafite.''

Uyu muyobozi yakomeje avuga ko kugeza ubu bataramenya icyateye iyi mpanuka, gusa avuga ko Polisi, ishami ryayo rya Nyamagabe rishinzwe umutekano wo mu muhanda, ryageze ahabereye impanuka, bakaba batangiye kubikurikirana ngo bamenye icyayiteye.

Yaboneyeho kandi kwihanganisha umuryango w'uwitabye Imana ari mu butabazi, ati 'Twihanganishije umuryango wa nyakwigendera witabye Imana atabara, Imana imwakire.''

Ubusanzwe, mu Karere ka Nyamagabe mu mirenge ya Kibumbwe, Kaduha, Mugano na Musange, ni hamwe mu hantu hagaragara imihanda mibi cyane igoye kugendamo, kuko iba ari ibinogo kandi iri no mu misozi ihanamye, bikaba bibi kirushaho iyo ari mu bihe by'imvura kuko bwo iba inanyerera cyane.

Abahatuye ntibahwema guhora batakambira ubuyobozi ngo bugire icyo bukora iyi mihanda ibe nyabagendwa kuko yifashishwa mu ngendo nyinshi zirimo n'izi zo kujya kwa muganga.

Mu gihe Rayon Sports yatangije ubukangurambaga bwo gukusanya miliyoni 40 z’amafaranga y’u Rwanda kugira ngo bongerere Muhire Kevin amasezerano, yavuze ko ibiganiro bagiranye batigeze bagera ku giciro azahabwa.

Rayon Sports imaze iminsi muri gahunda yitwa “Ubururu Bwacu, Agaciro Kacu” aho bihaye intego yo gukusanya amafaranga y’u Rwanda angana na miliyoni 40 zo kongerera amasezerano Muhire Kevin.

Uyu mukinnyi usanzwe ari na kapiteni w’iyi kipe, abajijwe niba koko ayo mafaranga ari yo yaciye Rayon Sports, yavuze ko ibiganiro bagiranye bitageze kuri iyo ngingo ariko amafaranga n’aboneka bazaganira bitewe n’ibihari.

Ati “Ntabwo turaganira n’abayobozi ngo tubyicarire neza. Navuganye na Perezida kuri telefoni rimwe ndi mu Ikipe y’Igihugu. Navuga ko amafaranga namara kuboneka nibwo tuzicarana n’abayobozi neza dukemure ibisigaye kugira ngo amasezerano asinywe.'

Uyu mukinnyi uvuga ko nta gitutu ariho cyane ko hari n’amakipe yo hanze y’u Rwanda bari mu biganiro, yizeye ko aya mafaranga abakunzi ba Rayon Sports bazayakusanya kuko ari benshi.

Kuva iki gikorwa gitangiye tariki ya 18 Kamena 2024, hamaze gukusanywa hafi miliyoni 4 z’amafaranga y’u Rwanda, ni ayanyujijwe kuri telefoni hatarimo ayakusanyijwe n’amatsinda y’abafana.

Muhire Kevin yavuze ku byo kongera amasezerano muri Rayon Sports

Umuraperi Bull Dogg ari mu bagabo bamaze imyaka itari micye batigisa umuziki nyarwanda ndetse aherutse guhuza amaboko na Riderman bishimisha benshi by’umwihariko abakunzi ba Hiphop.

Bull Dogg na Riderman bafatanije gukora kuri EP bise 'Icyumba cy'Ametegeko' iriho indirimbo zigera muri eshashatu. Nk’uko babisabwe, bombi bitegura gukorera hamwe igitaramo.

Bull Dogg yifashishije amafoto yo ku munsi wa Kabiri w'ibikorwa byo kwiyamamaza aho Perezida Kagame umukandida wa FPR Inkotanyi yiyamamarije mu Karere ka Rubavu, akurira ingofero Perezida Kagame.

Bull Dogg yagaragaje ko Perezida Kagame akunzwe byo ku rwego rwo hejuru, akaba ari we nimero ya mbere mu Rwanda. Yagize ati: ' Papa Yvan [Yvan Cyomoro Kagame] aradufite, ni we cyamamare, abandi muba muri kwikina, sinzi ibyo muba murimo.'

Nyuma yo kugaragaraza ko birenze kubona abantu ibihumbi 350 bari Musanze, hakongera hakaboneka abandi i Rubavu barenga ibihumbi bisaga 250 baje kureba Perezida Kagame, Bull Dogg yakomoje ku bwamamare ku ruhande rw'abo mu myidagaduro.

Yavuze imyidagaduro muri rusange yaba ishingiye ku muziki usanzwe, uwo kuramya no guhimbaza Imana n'ibindi, agaragaza ko Israel Mbonyi ari we uri imbere mu myidagaduro, bivuze ko ari we ukurikira Perezida Kagame mu gihugu hose. Ati: 'Cyakoze mu gihugu umugwa ku gatsintsino ni Mbonyicyambu.'

Israel Mbonyi amaze kuzuza inshuro ebyiri BK Arena yakira ibihumbi 10 ndetse indirimbo ye “Nina Siri” imaze kurebwa cyane mu gihe gito n’abarenga Miliyoni 51 kuri Youtube mu mezi 11 gusa. 

Bamwe batangiye kumusaba kuzakorera igitaramo muri Stade Amahoro yakira ibihumbi 45 nyuma yo kubona ko BK Arena imaze kubana nto. 

Israel Mbonyi na Chryso Ndasingwa ni bo bahanzi gusa babashije kuzuza BK Arena yananiye abandi bahanzi b’ibikomerezwa, gusa Mbonyi we amaze kuyuzuza inshuro ebyiri yikurikiranya.

Bull Dogg kuri ubu ageze kure imyiteguro yo kwizihiza imyaka 15 amaze mu muziki no gushyira hanze umuzingo mushya.

Bull Dogg asanga nta muntu uzarusha igikundiro n’ubwamamare Perezida Kagame Bull Dogg yagaragaje ko kugeza ubu mu myidagaduro Israel Mbonyi ari imbere mu bwamamare Bull Dogg ari mu baraperi bamaze imyaka itari micye bakunzwe, muri iyi minsi akaba ari kwitegura gushyira hanze Album nshya