Category: Uncategorized

Uyu musore wamamaye mu ndirimbo zirimo 'Akagezi ka mushoreza', yahagurutse ku kibuga cy’indege Mpuzamahanga cya Kigali mu ijoro ryo kuri uyu wa Mbere tariki 24 Kamena 2024.

Mbere yo guhaguruka, yavuze ko yiteguye gususurutsa abatuye muri Leta ya Texas muri Amerika. Yashishikarije abakunzi be n’abandi kutazacikwa n’iki kiganiro n’ibindi. 

Ati “Bwira inshuti zawe n’abandi kuzaza kwifatanya natwe mu kwishimira umuziki ndetse n’ibiganiro bizatangwa kuri uriya munsi, tuzahurireyo.”

Yaherukaga muri Amerika muri Nyakanga 2023, ubwo yari yagiye gusoza amasomo ye y'Icyiciro cya Gatatu cya Kaminuza mu Ishami rya 'Contemplation Center' muri University of Virginia mu Mujyi wa Washington.

Iri serukiramuco ryiswe 'Freedom Celebration' ni ngaruka mwaka, ritegurwa na Ramjaane Foundation, umuryango udaharanira inyungu uharanira amahoro n'ubwisanzure mu muryango mugari w'impunzi n'abimukira babarizwa muri kiriya gihugu.

Uyu muryango washinzwe n'umunyarwenya akaba n'umubwirazabutumwa bwiza, ufite inkomoko mu Majyaruguru ya Repubulika Iharanira Demokarasi ya Congo (RDC), mu miryango y'abavuga ururimi rw'Ikinyarwanda.

Ni iserukiramuco rizaba ku wa 29 Kamena 2024. Mani Martin yabwiye InyaRwanda ko yatumiwe muri iri serukiramuco 'nk'umuhanzi uharanira ukwishyira ukizana kwa muntu'.

Muri iri serukiramuco, Mani Martin azahuriramo n'abandi bahanzi batandukanye. Yavuze ko azatanga ikiganiro kizibanda ku rugendo rugana aho umuntu yakwita imuhira.

Ni ikiganiro avuga ko gishingiye ku butumwa bwumvikana kuri Album ye ya Gatandatu yise 'Nomade' yashyize hanze mu 2023.

Uyu muhanzi amaze imyaka irenga 15 yunze ubumwe n'umuziki. Azwiho ubuhanga budasanzwe mu kuririmba imbona nkubone ibizwi nka Live Performance.

Mu mwaka wa 2017, ni bwo Mani Martin yakoze ibitaramo bikomeye byazengurutse mu bice bitandukanye by'u Rwanda. Icyo gihe yahuye n'abakunzi be abamurikira album ye ya Gatanu yise 'Afro' iriho indirimbo zakunzwe mu buryo bukomeye.

Mu 2019, uyu munyamuziki yataramiye mu gihugu cy'u Buyapani mu ruhererekane rw'ibitaramo 23 yise 'Mani Martin Japan Peace Tour'.

Album yise 'Nomade' yatangiye kuyikoraho kuva mu 2020 igizwe n'indirimbo esheshatu zirimo n'iyo yakoranye n'umunyabigwi Soul Bangs wo muri Guinea-Conakry wegukanye Prix découvertes RFI.

Iriho kandi indirimbo imwe yafatanije n’umuhanzi w’icyamamare ku mugabane wa Africa, Soul Bangs ukomoka muri Guinea Konakri wanegukanye Prix Découvertes RFI mu 2016, ndetse n’indi imwe yafatanije na Bill Ruzima.

Mu 2017, uyu muhanzi yasohoye Album yise 'Afro', mu 2008 ashyira hanze iyitwa ‘Isaha ya 9’, ‘Icyo Dupfana’ yo mu 2010, ‘Intero y’amahoro’ yo mu 2011 na ‘My Destiny’ yo mu 2012.

Mani Martin yerekeje muri Amerika nyuma y'amezi 11 ahaherewe impamyabumenyi y'icyiciro cya Gatatu 

Iri serukiramuco, Mani Martin yitabiriye rizaba ku wa 29 Kamena 2024 muri Leta ya Texas 

Mani Martin avuga ko ikiganiro azatanga kizibanda cyane ku bihangano biri kuri Album ye ‘Nomade’ 

KANDA HANO UBASHE KUMVA ALBUM 'NOMADE' YA MANI MARTIN

“>

Yabigarutseho ku wa 25 Kamena 2024, ubwo Umukandida w'Umuryango FPR-Inkotanyi, Paul Kagame yiyamamarizaga kuri Site ya Rugarama, i Nyamirambo mu Karere ka Nyarugenge.

Ni ubutumwa Sheikh Harerimana yagarutseho ubwo yagaragazaga uburyo ku buyobozi bwa Perezida Kagame abaturage bafashijwe mu nguni zose bigera aho n'abari batuye mu manegeka bahabwa inzu z'icyitegererezo zo guturamo.

Yashingiraga kandi ku byakozwe mu Karere ka Nyarugenge ku bijyanye n'imiturire aho hubatswe imidugudu ibiri y'icyitegerezo ari yo Rugendabari na Karama mu mushinga wo gutuza neza imiryango 328.

Sheikh Harerimana yavuze ko kuri iyi nkunganire y'inzu hari umuntu bayihaye, abwira umugore n'abana ko 'Nta gusohoka. Igipindi cy'Inkotanyi ntawamenya icyo ari cyo. Muraramuka musohotse bakayiha undi ibyo [muzabyirengera]. Nta byo gusohoka bihari.'

Sheikh Harerimana yavuze ko bwa budasa bw'Inkotanyi no gusohoza ibyo uyu Muryango wiyemeje, bwakeye uwo muturage yahawe ibyangombwa by'iyo nzu iba iye kugeza uyu munsi.

Ati 'Basohotse bavuga ngo Inkotanyi ni ukuri. Inkotanyi ni ukuri ni byo koko. Inkotanyi si igipindi ni ukuri. Ubwo nimumbaza ngo kuki PDI mumukomeyeho? Tumukomeyeho kubera ayo mateka, nta kiduteye ubwoba.”

Yavuze ko ubuyobozi bwa Perezida Kagame budashirira mu mpanuro gusa ahubwo bubishyira no mu bikorwa byivugira, “biboneka kuri buri wese.”

Ati “N'ufite uburwayi bwo kudashaka kubibona arabibona akabyirengagiza. Ntawe utabibona. Umuyobozi nk'uyu ni ukumukomeraho. Iri terambere dufite ntabwo turi kurisogongera, bya bindi byo kubonja, oya ntabwo tubonjwa ngo ejo haze abandi babitwara, ni ibyacu.”

Perezida wa PDI yavuze ko “Niba hari n'ababyifuza, abo bumve ko bidashoboka, gusubira inyuma, kugirirwa nabi byararangiye, ni iterambere gusa.”

Yamenyekanishije ko abaturage ba Nyarugenge bamutumye ko bashaka ko Perezida Kagame yazafatanya na bo mu gutorera muri aka Karere, ati “Rwose ubwo burenganzira bwo kwiyimura ku ilisiti y'itora mufite, bambwiye ngo mbababwirire ko iryo shema badashaka ko muribambura.”

Mu gusubiza ubusabe bw'abaturage b'i Nyarugenge, Perezida Kagame yavuze ko atavuye hamwe ngo ajye ahandi kuko yanze aho yari ari, ashimangira ko nta kabuza azifatanya na bo.

Ati “Ntibyambuza gutorera aho ari ho hose nkagaruka nkifatanya namwe igihe muba mutora. Tuzaba turi kumwe ibyo ari byo byose.”

Mu byagezwego Sheikh Harerimana yagarukagaho uretse imiturire, ab'i Nyarugenge bahawe umuhanda wa Ruliba- Karama- Nyamirambo wa km 7,8 aho iki gikorwa cyatangiriye mu 2018 kigasozwa mu 2019 gitwaye ingengo y'imari ya 7 300 000 000 FRW.

Hari kandi umushinga wo kwagura imihanda ingana na km 54,56 mu Mujyi wa Kigali.

Mu bikorwaremezo bijyanye n'amazi, habayeho gusana no kwagura imiyoboro yayo mu Mujyi wa Kigali n'inkengero aho hubatswe ibilometero 580. Uretse uwo muyoboro wa km 580 hanubatswe ibigega 41 bifite ubushobozi bwo kubika m³ 86.450.

Ni umushinga wagendeyeho ingengo y'imari y'amadolari ya Amerika agera kuri 65 026 927,9 ku buryo byafashije kugeza amazi meza ku baturage bangana na 398,300.

Mu burezi, hateganyijwe kubaka ibyumba by'amashuri 1 424 ndetse kugeza mu 2022, ibigera kuri 551 byari bimaze kuzura bitwaye ingengo y'imari ingana na 3 472 430 791 Frw.

Hanubatswe ishuri rya GS Kigali mu mudugudu w'ikitegererezo wa Karama, ku ngengo y'imari ya 2 347 476 596 Frw.

Hubatswe amashuri ane y'imyuga n'ubumenyingiro (TVET Schools) atwara ingengo y'imari ya 329 663 283 Frw.

Amashanyarazi nayo yarakwirakwijwe agezwa mu bice bitandukanye ndetse ku buryo ingo zayahawe zavuye ku 80 337 mu 2017 zikagera ku 100 744 mu 2023 n'ibindi.

Perezida w'Ishyaka Ntangarugero muri Demokarasi, PDI, Sheikh Mussa Fazil Harerimana yerekanye ko gusubira inyuma ku Rwanda bidashoboka

Perezida w'Ishyaka Ntangarugero muri Demokarasi, PDI, Sheikh Mussa Fazil Harerimana yifashishije ibikorwa wakoze, yagaragaje uburyo Umuryango FPR-Inkotanyi ari ukuri

Myugariro wo ku ruhande rw’ibumoso, Ishimwe Christian yavuze ko yari yiteguye gukinira Rayon Sports ariko bakaba batarumvikanye akaba ari yo mpamvu yerekeje muri Police FC.

Ni nyuma y’uko ejo hashize ku wa Mbere tariki ya 24 Kamena 2024 atangiye imyitozo muri Police FC aheruka gusinyira imyaka 2.

Yasinyiye Police FC nyuma y’uko yagiranye ibiganiro na Rayon Sports ariko birangira batumvikanye nubwo hari n’igihe cyageze inkuru zirasohoka ko yasinye ariko ntibyari byo.

Nyuma yo gutangira imyitozo muri Police FC, Ishimwe Christian yabwiye B&B ko yakoze ibyo yari ashoboye byose ngo akinire Rayon ariko biranga.

Ati “Rayon Sports twaravuganye ariko ntabwo byagenze neza, kuri njye ntacyo banshinja kuko ntacyo ntakoze ngo nyizemo biranga, ntitwumvikana numvikana na Police FC kandi na yo ni ikipe nziza.”

Agaruka ku butumwa yagenera abakunzi ba APR FC yakinnye imyaka 2. Yagize ati “Abakunzi ba APR FC ndabakunda, amahirwe masa, mbifuriza ibyiza umunsi ku munsi.”

Ishimwe Chritsian yakiniye ikipe ya Marines FC, yavuyemo yerekeza muri AS Kigali yakiniye kugeza 2022 avamo ajya muri APR FC yakiniye imyaka 2 ubu akaba yamaze kugera muri Police FC.

Ishimwe Christian yamaze kwerekeza muri Police FC

Mu minsi mike ishize nibwo hasakaye amajwi yumvikana nka Yago ku mbuga, arimo ibitutsi byinshi n'andi magambo nyandagazi yibasira Dabijou.

Aha uwumvikana muri aya majwi aba abwira uyu mukobwa ko  ntatitonda mu bihe bitari ibya kure arasanga ubwambure bwe hanze.Ndetse ko azasanga arimo yongera gukurikiranwa ku byaha byo gucuruza abakobwa barimo abo yajyanye Nigeria ubu batereyeyo umutwe.

Ubwo InyaRwanda yabonaga aya majwi, yagerageje kubaza Yago niba yaba ari we uvuga, atangaza ko ntacyo yifuza kubivugaho.

Gusa amakuru   yizewe ni InyaRwanda ifite, ni uko uyu mukobwa yamaze kurega Yago muri RIB.

Mu bihe bitandukanye cyane cyane mu gihe hasohokaga indirimbo Si Swing, Yago yitabajemo Dabijou mu mashusho yayo, havuzwe ko aba bari mu rukundo gusa bose bakabihakana.

Gusa mu kirego Dabijou yatanze, yatangaje ko yakundanyeho na Yago igihe kingana n'umwaka, bakaza gutandukana ku mpamvu atasobanuye.Agaragaza uko ayo mashusho y'ubwambure Yago yaba yarayafashe.

 

Iyi ndirimbo yagiye hanze kuri uyu wa Kabiri tariki 25 Kamena 2024, mu gihe Paul Kagame yatangiye ibikorwa byo kwiyamamaza ku mwanya w’Umukuru w’Igihugu guhera ku wa Gatandatu tariki 22 Kamena 2024, aho azagera mu turere 19.

Yvan Muzik yabwiye InyaRwanda ko bahisemo kuvugurura iyi ndirimbo mu rwego rwo kumvikanisha ko bizeye intsinzi ya Paul Kagame ku mwanya w’Umukuru w’Igihugu.

Ati 'Ni indirimbo idasanzwe mu rugendo rw’umuziki wa Mariya Yohana, kuko yaririmbye intsinzi y’ingabo zari iza RPA mu rugamba rwo kubohora u Rwanda, rero twayisubiyemo mu rwego rwo kumvikanisha ko twizeye intsinzi y’umukandida wacu ku mwanya w’umukuru w’Igihugu.”

Akomeza ati 'Ni indirimbo nifuje rero gusubiramo, mbisangiza abahanzi bagenzi banjye ndetse na nyiri ubwite kugira ngo twizihize imyaka 30 u Rwanda rugeze ku ntsinzi idasanzwe cyane cyane ku iterambere dufite. 

Ibyiza ni byinshi twagejejweho n'umukandida wacu Kagame Paul. Ni ukwibutsa Abanyarwanda ibyiza dufite, ni umwiza Imana yaduhaye, dufite utuma ibi byiza tugezeho uyu munsi tubigeraho'.

Yavuze ko muri rusange iyi ndirimbo bayisubiyemo 'kugira ngo twongere tumwizihize, twizihize n'ibyiza yatugejejeho'. Ati 'Muri iyi ndirimbo dushishikariza abanyarwanda kongera kumwizera, nk'uko twamwizeye, tukamutora twizeye intsinzi, kuko nta wundi ducyesha ibyo twagezeho. Muri macye iyi ndirimbo igaragaza intsinzi u Rwanda rugezeho.'

Mu gusubiramo iyi ndirimbo, aba bahanzi bongeyemo amagambo mashya yumvikanisha cyane ko bizeye ko Paul Kagame azatsinda amatora y’Umukuru w’Igihugu ateganyijwe tariki 15 Nyakanga 2024.

Amashusho yayo yafatiwe mu bice bitandukanye by’Umujyi wa Kigali, ndetse no kuri BK Arena. Mariya Yohana ahuza imbaraga n’aba bahanzi mu kuririmba inkikirizo, ariko Mariya aririmba igitero cya Gatatu, ni mu gihe Yvan Muziki aririmba igitero cya kabiri, n’aho The Ben akungikanya n’abo mu majwi.

Hari aho Mariya Yohana aririmba aririmba agira ati “Muhaguruke dutore” akakirwa na Marina aririmba agira ati “Twiyemeje intsinzi, umukandida wacu… abo mu Ntara mwese mwizere intsinzi…”

Mariya Yohana aherutse kubwira InyaRwanda, ko indirimbo ye ‘Intsinzi’ ‘yabaye iy’Igihugu cyose’ ashingiye ku kuba ahantu hose agiye asabwa kuyiririmba. Ati “Ni indirimbo idasanzwe kuri njye, kandi yabaye iy’igihugu cyacu.”

Iyi ndirimbo yayihimbye mu 1992. Ibyo yaririmbyemo byabaye nk’ubuhanuzi, kuko Ingabo zari iza RPA zageze ku ntsinzi mu rugamba rwo kubohora u Rwanda.

Mariya Yohana avuga ko ahimba iyi ndirimbo yari agamije ko izajya itera imbaraga ‘abana bacu bari ku rugamba’ barwanira Igihugu.

Iyi ndirimbo yagiye yifashishwa cyane mu kwamamaza Paul Kagame mu bikorwa bitandukanye byo guhatanira kuyobora u Rwanda.

Mariya Yohana ati “Ni byo koko bararwanye kandi baratsinda, ndetse naje kumenya ko hari n'Abanyarwanda bayumviraga hirya no hino aho bari bihishe bumvaga bagiye gutabarwa. Ubu barishima iyo bongeye kuyumva kuko bibuka ibihe bitoroshye banyuzemo n'uko batabawe.'

Mariya Yohana asanzwe afite izindi ndirimbo zirimo nka 'Turatashye inkotanyi', Nyiramarere', 'Tufungi Yoyo' iri mu giswayili n'izindi.

Mu buryo bw’amajwi (Audio) iyi ndirimbo yakozwe na Bob Pro n’aho amashusho (Video) yayo yakozwe na Ayo Merci yunganiwe na Dir Chid, ni mu gihe gitari yumvikanamo yacuranzwe na Bolingo Paccy.

Yvan Muziki yatangaje ko yagize igitekerezo cyo gusubiramo indirimbo 'Intsinzi' ahuza imbaraga na bagenzi be

Yvan Muziki ari kumwe na The Ben mu ikorwa ry'amashusho y'iyi ndirimbo 'Intsinzi'

Mariya Yohana ari kumwe na Marina baririmba ko bizeye intsinzi ya Paul Kagame mu matora

Yvan yavuze ko bakoze iyi ndirimbo mu rwego rwo kumvikanisha ibikorwa bya Paul Kagame mu myaka 30 ishize

KANDA HANO UREBE AMASHUSHO Y'INDIRIMBO 'INTSINZI' YASUBIWEMONA THE BEN, MARINA, YVAN MUZIKI NA MARIYA YOHANA

Isoko ry’igura n’igurisha mu Rwanda rirarimbanyije, aho amakipe amwe nka Police FC, Amagaju FC, Mukura Victory Sports zigeze kure zihaha abakinnyi. Ni isoko risa n’aho rituje kuko amakipe amwe asa nk’aho adafite amafaranga yo guhaha, ndetse andi aragenda biguru ntege ategereje abakinnyi bibunza mu minsi ya nyuma ku isoko.

Umukinnyi ucunga nabi ashobora kubura ikipe kubera kutagendana n’ibiciro biri ku isoko

Abakinnyi bamwe b’abanyarwanda amakipe ari kwegera arasanga bafite ibiciro bihanitse ndetse wareba n’umusaruro wabo ugasanga ntibiri kujyana n’amafaranga baka.

Amakipe nka Kiyovu Sports na AS Kigali yateje ikibazo ku isoko

Ikipe ya AS Kigali na Kiyovu Sports, yari amwe mu makipe twavuga ko akunze kwihutisha isoko ndetse agatuma rishyuha ku buryo abakinnyi benshi bisangagayo hakiri kare, nibura wasangaga umukinnyi Rayon Sports cyangwa APR FC zitaguze, ahita yibona muri AS Kigali cyangwa Kiyovu Sports.

Hari n’igihe cyageze ugasanga Kiyovu Sports na AS Kigali ni zo zifite amafaranga menshi ndetse zikabanza zikagura n’abakinnyi beza b’abanyarwanda tutibagiwe n’abanyamahanga.

Ubajije umuntu niba AS Kigali iriho ntabwo yabasha kubigusubiza 

Kubera ikipe ya AS Kigali kuri ubu itazi aho iri, ikipe ya Kiyovu Sports ikaba itazi niba izabasha kugura, biri gutuma abakinnyi bakabaye baberwa n’aya makipe bakomeza kwifata mu mifuka ndetse bigakubitiraho ko hari n’abakinaga muri izi kipe bumva bazivamo kuko batazi niba bazongerwa amasezerano.

Abakinnyi bamwe b’abanyarwanda ntabwo bakiri ku rwego rwo guhangana ku isoko

Bamwe mu bakinnyi b’abanyamahanga basubiye inyuma ndetse imikinire yabo ubona ko itagishamaje abayobozi n’amakipe ndetse n’abatoza. Aba bakinnyi usanga n’iyo habonetse ikipe bayica amafaranga y’umurengera bumva ko bakaze batazabura ikipe, bigatuma ikipe yari izanye udafaranga yikuriye ahantu ihita ijya kudushakamo uwemera kudukorera.

Kwiyongera k’umubare w’abanyamahanga

Abakinnyi b’abanyamahanga nyuma y’aho baherewe ijambo bisa n’aho abayobozi n’abatoza b’amakipe batangiye kubizereramo ndetse n’abakinnyi b’abanyarwanda bakagurwa kuko ikipe itakinisha abanyamahanga gusa. 

Ubwo APR FC na Police FC zagarukaga ku isoko ry’abanyamahanga, byatumye abakinnyi b’abanyarwanda babonaga akazi bagabanyuka. Ku ruhande rwa’abakinnyi bakomeje kwitwara nk’aho nta cyabaye uwo ikipe ikozeho akayica za Miliyoni kandi agaciro kabo ku isoko karamanutse.

Bamwe mu bakinnyi bo mu Rwanda ntabwo bashaka gukina mu ntara

Kuri ubu hari amakipe yo mu ntara twavuga ko aba yihagazeho ku isoko rw’abakinnyi aho usanga ikipe nka Rutsiro FC, Musanze FC na Mukura ziri mu makipe yiteguye kugura ba bakinnyi baba basoje amasezerano.

Nyuma yaho APR FC igarutse kuri gahunda y’abanyamahanga, abakinnyi b’abanyarwanda babona akazi batangiye kugabanyuka ndetse n’agaciro kabo ku isoko karamanuka 

Aya makipe usanga akora ku bakinnyi bamwe bakanga bavuga ko batajya gukina mu ntara baba bishyize ku rwego rwo hasi. Aha twafata nk’urugero rwa Mugunga Yves, umwaka ushize ikipe ya Mukura yashatse kumugura avuga ko atajya mu ntara, biza kurangira nta kipe n’imwe asinyiye kugera ubu akaba akicaye.

Ikipe nka Mukura kuri ubu ni amahitamo ya 3 nyuma ya Police FC na APR FC kuko nibura ariyo iri gutanga amafaranga ari ku rwego rw’ayo Police FC na AS Kigali zatangaga bigihanyanye, gusa usanga hari abakinnyi bakubwira ngo ntibajya i Huye kuko ari kure.

Umukinnyi uzi ubwenge ashatse yatangira gutekereza ku makipe afite ubushobozi n’iyo bwaba buke ndetse akanishimira ko hari ikipe yamwegereye kuko iba yashimye ibyo atanga. Naho umukinnyi ushaka kubaho nka kera APR FC igikinisha abanyarwanda gusa, bishoboka kuzamugora kugera aho abura n’ikipe ndetse bigira ingaruka ku mwuga we no mu myaka itaha.

Nyuma yo gutandukana na APR FC, myugariro Buregeya Prince ari mu biganiro na Rayon Sports ngo abe yayerekezamo mu mwaka w’imikino utaha.

Buregeya Prince wari umaze imyaka 9 muri APR FC mu minsi ishize ni bwo yasabye gutandukana n’iyi kipe yari asigaraniye imyaka ibiri y’amasezerano.

Uyu mukinnyi ukina mu mutima w’ubwugarizi akaba yarahise atangira ibiganiro na Rayon Sports.

Amakuru avuga ko uyu mukinnyi na mbere yo kujya gusaba gutandukana na APR FC hari ibiganiro by’ibanze byatangiye hagati ye na Rayon Sports.

Uyu mukinnyi utaragize amahirwe yo gukina mu mwaka ushize w’imikino, bivugwa ko ibiganiro ubu bigeze kure ndetse bisa n’aho byarangiye isaha n’isaha yasinyira Gikundiro.

Uretse uyu mukinnyi kandi Rayon Sports iri mu biganiro n’umukinnyi ukina mu kibuga hagati w’umunya-Nigeria, Rafael Osaluwe.

Uyu mukinnyi wigeze gukiniraho Rayon Sports muri 2022-23 ikaza kumutiza muri AS Kigali 2023-24.

Iyi kipe rero iri mu biganiro na Osaluwe ngo ibe yamugarura aze kuyifasha mu mwaka w’imikino utaha.

Gusa iyi kipe haravugwamo abandi bakinnyi bari mu biganiro na yo nka ba myugariro babiri Emery Bayisenge ndetse na Usengimana Faustin bakiniyeho APR FC.

Hari rutahizamu kandi na we wakuriye mu ikipe ya APR FC, akanayikinira akanyura muri Kiyovu Sports, Mugunga Yves.

Rayon Sports ariko na none irimo kureba uburyo yatandukana na bamwe mu bakinnyi ba yo nka Ngendahimana Eric na Mugisha Francois Master.

Buregeya Prince mu nzira zerekeza muri Rayon Sports

Rafael Osaluwe aravugwa ko yagaruka muri Rayon Sports

Muri uyu mwaka wa 2024, ho ibikorwa byo kwiyamamaza byatangiriye kuri uyu wa Gatandatu tariki 22 Kamena 2024, bizasozwe tariki 13 Nyakanga 2024.

Buri mukandida yamaze kwitegura, ndetse buri wese yagaragaje ingengabihe y'ibikorwa bye byo kwiyamamaza hirya no hino mu rwego rwo guteguza abamushyigikiye.

Ibikorwa byo kwiyamamaza ariko ntibihagarika ibikorwa by'aho byabereye nk'uko byagarutsweho na Komiseri Semanywa Faustin mu kiganiro n'itangazamakuru, kuri uyu wa Kane tariki 20 Kamena 2024, aho yagize ati 'Kwiyamamaza ntibihagarika ibindi bikorwa. Niyo mpamvu hariya hose haba hari ibikorwa rusange, bibujijwe kujya kuhiyamamariza. Abantu babishaka ni bo bazajya mu bikorwa byo kwiyamamaza. Abakozi ba Leta nabo bizabasaba gusaba impushya.”

Ni ku nshuro ya kane, Abanyarwanda bagiye kugira uruhare mu guhitamo uzababera umuyobozi. Muri buri bikorwa byo kwiyamamaza, abahanzi bagiye biyambazwa, ahanini binyuze mu ndirimbo bagiye bahanga zigaruka ku matora, ndetse n'izigaruka ku mitwe ya Politiki.

Imibare ya hafi igaragaza ko mu 2017, abahanzi benshi bari bagezweho kiriya gihe cyane cyane abahatanye mu irushanwa rya Primus Guma Guma Super Stars, biyambajwe cyane mu kwamamaza Paul Kagame, umukandida w'umuryango FPR-Inkotanyi, kuri iyi nshuro.

Icyo gihe abariye ku mafaranga y'amatora barimo: Tom Close, King James, Riderman, Jay Polly witabye Imana, Knowless, Urban Boys, Dream Boys, Intore Tuyisenge, Christopher, Intore Masamba, Jules Sentore, Nkurunziza Pierre Damien wamamaye nka Maji Maji, Mariya Yohana ndetse na Senderi Hit wamamaye mu ndirimbo zigaruka ku burere mboneragihugu.

2024, ishobora kuzaca agahigo mu matora y'Umukuru w'Igihugu

Umunyamabanga Mukuru w’Umuryango FPR-Inkotanyi, Wellars Gasamagera, aherutse gutangaza ko abahanzi bakoze indirimbo zamamaza Paul Kagame ari bo byabyirije, kandi batekereza ko ari ibishoboka babashimira mu buryo bwihariye, bakanabakangurira gukomeza kuzongera kuko bibafasha mu kwegera abaturage.

Wellars Gasamagera yabigarutseho ku wa Gatanu tariki 21 Kamena 2024, mu kiganiro yagiranye n’itangazamakuru cyagarutse ku myiteguro y’ibikorwa byo kwiyamamaza mu matora ku mwanya wa Perezida wa Repubulika n'Abagize Inteko Ishinga Amategeko.

Komiseri Gasamagera yavuze ko abenshi mu bagiye ‘bakora ziriya ndirimbo ni abanyamuryango babyibwirije’. Yavuze ko no kuzishyira ku mbuga ari bo babyikoreye.

Ati “Umuntu afata igihangano cye uko abishaka akagishyira ku mbuga nkoranyambaga, kandi kuri twe ni n’umurimo tutashobora bitworoheye kumubwira ngo nabe yoroheje azagishyireho nibatangira kwamamaza.”

Komiseri Dr. Utumatwishima Jean Nepo Abdallah wagize uruhare mu kwakira ibihangano by’abahanzi, yavuze ko bamaze kwakira indirimbo zirenga 150 z’abahanzi batandukanye. 

Ati “Twarazishakishije(indirimbo) turazumva, hamaze gusohoka indirimbo zirenga 150. Mu by’ukuri ni abahanzi, hari n’abatari abahanzi biririmbira bahuye cyangwa uko babishaka, bari mu muganda ukumva bararirimbye…”

Umuraperi Gauchi aherutse guhuza bagenzi be Fireman na Sean Brizz bakorana indirimbo bise 'Amahitamo' ivugwa ibigwi Perezida Kagame. Gauchi aherutse kubwira InyaRwanda, yahurije hamwe aba bahanzi mu ndirimbo mu rwego ‘rwo gutanga umusanzu wanjye mu gukomeza kubaka u Rwanda no gukomeza gushishikariza abantu kwitorera umuyobozi twihitemo.

Ati “Perezida Kagame yatugejeje kuri byinshi ni ukumutora agakomeza kutwiyoborera. Ntabwo wavuga ibyiza yatugejejeho ngo ubirindore. Nkora iyi ndirimbo rero ni uko nanjye nashaka gutanga umusanzu kugirango twihitiremo umuyobozi utubereye, akomeze atuyobore.”

Gauchi yavuze ko atekereza gukora iyi ndirimbo, yahisemo abahanzi ashingiye ku bafite ubuhanga mu miririmbire, ari nayo mpamvu yahisemo Sean Brizz na Fireman ‘nk'abahanzi b’abahanga twahuje inyandiko n’ibitekerezo’.

Ni uruhe ruhare rw'umuhanzi mu matora?

Umuhanzi akaba n’Umuyobozi w’Urugaga rw’Abahanzi mu Rwanda, Tuyisenge Intore, yabwiye InyaRwanda ko uruhare rw'umuhanzi mu matora cyane cyane muri iki gihe hizihizwa imyaka 30 u Rwanda rwibohoye, ari ugukora ibihangano bigaruka ku byiza bw’imiyoborere myiza na Demokarasi binyuze mu matora aho umuturage ariwe ubwe wihitiramo abamuyobora.

Ariko kandi bakwiye no gukoresha imbuga nkoranyambaga zabo mu kwigisha abaturage nk'abantu bakurikirwa na benshi, kandi nabo ubwabo bakagira uruhare mu gutora.

Ati 'Abahanzi kandi bakwiye gukomeza kugaragaza ko gutora bidakwiye gukorwa nko kurangiza umuhango ahubwo bakwiye kubikora no kwigisha abakunzi babo n’ababakurikira ko uko utora ariko uyoborwa bityo ko bakwiye gutora kandi bagatora neza umuyobozi ufite ubushobozi.'

Tuyisenge yavuze ko 'abahanzi dufite impamvu nyinshi zituma tuzitabira amatora kandi tugatora neza kuko nk'uko bigaragara Igihugu gishyize imberaga mu guteza imbere ubuhanzi n’ababukora(abahanzi) bityo bazakomeza kureba kure nkuko abasanzwe batora babigenje.'

Avuze ibi mu gihe hari abahanzi bashya bagiye gutora bwa mbere, bamaze igihe bagaragaza ko bafite amatsiko y'umunsi bazatoreraho.

Tuyisenge akomeza ati 'Abagiye gutora bwa mbere nabo bakwiye guhera ku byagezweho ari nabyo bizabafasha guhitamo neza umuyobozi ufite ubushobozi ku mwanya w’Umukuru w’Igihugu kandi bakanatora Abakandika bazamushyigikira mu ishyirwa mu bikorwa imihigo ye ishingiye ku bikorwa bye.'

Yumvikanishije ko mu gihe nk'iki cy'amatora, umuhanzi 'azagira uruhare runini mu gutuma abaturage bacengerwa n’ubutumwa binyuze mu bihangano bakoze ndetse n'ibyo bakiri gukora'. Ati 'Ikindi ni ukuganiriza abaturage ku burere mboneragihugu, cyane cyane ku matora babashishikariza gutora neza.'

Umuyobozi w’Inama y’Igihugu y’abahanzi, Niragire Marie France yabwiye InyaRwanda, ko uretse kuba abahanzi bazarriimba mu bikorwa byo kwamamaza abakandida, bakwiye no kuzahitamo neza 'mu gutora muri aya matora y'Umukuru w'Igihugu ndetse n'ay'Abadepite ubuyobozi bwiza bubereye u Rwanda twifuza'.

Yavuze kandi ko bagomba kubahiriza 'amabwiriza agenda amatora'. Ati 'Abahanzi dukwiye kwitabira ndetse tugatanga umusanzu wacu kugirango tuzakomeze kugira ubuyobozi. Umuhanzi ni umunyarwanda, bivuze ko dukwiye kwitabira gahunda zose za Leta harimo n'amatora.'

Umuraperi Riderman aherutse kubwira InyaRwanda, ko umuhanzi akwiye kugira uruhare muri iki gihe cy’amatora ashishikariza abamukurikira kuzatora bashingiye ku muntu ufite aho yakuye u Rwanda n’aho arugejeje.

Ati “Ni ugutora umuntu uzarinda ibyo twagezeho ndetse akabanabyubakiraho atuganisha aheza kurushaho, apana gusubira inyuma. Abantu bumve y’uko amatora arabareba.”

Umuraperi Bull Dogg aherutse kubwira InyaRwanda, ko icyo umuhanzi asabwa ari nk’icy’umunyarwanda wese asabwa. 

Yavuze ko igikorwa cy’amatora ‘kitujyana muri Demokarasi nkatwe nk’abanyarwanda’. Uyu muraperi wamamaye mu ndirimbo zinyuranye, yasabye abanyarwanda gutora bashingiye ku bibabereye kandi bakita cyane ku muntu uzakomeza kubateza imbere. Ati “Buri munyarwanda agomba kureba ni inde wajyana u Rwanda mu murongo mwiza?

Mu bikorwa byo kwamamaza Paul Kagame, kuri iyi nshuro hifashishijwe abahanzi barimo Bruce Melodie, Bwiza, Dr Claude, Senderi, Ruti Joel, Khalfan, Munyanshoza Dieudonne, umuraperi Riderman, Chriss Eazy, Nsabimana Leonard wamamaye nka 'Ndandambara', Alyn Sano, Butera Knowless, King James, Ariel Wayz n'abandi bagenda bifashishwa ahantu hanyuranye.

Nsabimana Leonard wamamaye mu ndirimbo ‘Ndandambara’ igarukwaho cyane

Umuhanzi Dr Claude wamamaye mu ndirimbo zinyuranye yaririmbye bwa mbere mu bikorwa byo kwamamaza Perezida Kagame

King James ari kumwe na Chriss Eazy mu Karere ka Rubavu

Butera Knowless yongeye kuririmba mu bikorwa byo kwamamaza Paul Kagame- Mu 2017 nabwo yataramiye ibihumbi by’abantu

Dj Brianne na Dj Bisoso bacuranze indirimbo zinyuranye zigaruka kuri Perezida Kagame

Umuhanzi Chriss Eazy uherutse gusohora indirimbo ‘Sekoma’

Umuhanzi King James yataramiye mu Karere ka Rubavu ataha abantu bamwirahira

Bwiza yafatanyije na Bruce Melodie kuririmba indirimbo bakoranye bise ‘Ogera’

Umuhanzikazi Bwiza wo muri Kikac Music Label aririmbira abarenga ibihumbi 250 bitabiriye kwamamaza Paul Kagame i Rubavu

Abarimo Dj Brianne basusurukije abari bakoraniye i Musanze mu bikorwa byo kwiyamamaza

Umuraperi Riderman ari kumwe n’abarimo Ariel Wayz batanze ibyishimo mu Karere ka Musanze

Umuhanzi Dr Claude wasubiyemo indirimbo ye ‘Contre-Succes’ yatamiye mu Karere ka Musanze

Umuhanzi Bruce Melodie wo muri 1:55 AM ubwo yaririmbaga mu kwamamaza Paul Kagame i Musanze

Umuhanzikazi Butera Knowless aririmbira ibihumbi by’abantu bitabiriye ibikorwa byo kwamamaza Paul Kagame mu karere ka Rubavu

Umuhanzi Ruti Joel aririmba mu bikorwa byo kwamamaza Abakandida Depite b’umuryango FPR-Inkotanyi mu karere ka Nyagatare

Abahanzi baririmbye mu bikorwa kwamamaza Perezida Paul Kagame mu mwaka w’2017

Nizzo wo muri Urban Boys ndetse na Tom Close ku rubyiniro

TMC wanyuze mu itsinda rya Dream Boys

Umuhanzi wamamaye mu ndirimbo z’uburere-mboneragihugu, Senderi Hit

Umuhanzi Christopher

Jules Sentore ari kumwe n’umuhanzi wamamaye nka ‘Maji Maji’

Tom Close, Safi Madiba, Butera Knowless na Humble Jizzo

Umuhanzi umaze imyaka 40 mu muziki, Massamba Intore

Umuraperi Riderman ari kumwe na King James mu bikorwa byo kwiyamamaza

Platini P na Butera Knowless ku rubyiniro

Platini P, TMC, Humble Jizzo, King James ndetse na Butera Knowless

REBA KU MUNOTA WA 40′ BULL DOGG NA RIDERMAN BAVUGA KU BIKORWA BY’AMATORA

“>

AMAFOTO: Village Urugwiro&The New Times