Category: Uncategorized

Mu batawe muri yombi harimo Niyihaba Thomas w'imyaka 40 akaba yari Umunyamabanga Nshingwabikorwa w'Umurenge wa Nyange muri Ngororero, ndetse na Muberantwari Reverien w'imyaka 45, akaba yari umuyobozi ushinzwe ibikorwaremezo, imyubakire n'ubutaka mu karere ka Ngororero.

Umuvugizi w'Urwego rw'Igihugu rw'Ubugenzacyaha, Dr Murangira B. Thierry, yavuze ko 'ibi byaha bakurikiranyweho batangiye kubikora mu bihe bitandukanye, kuva muri Kanama 2023 kugeza muri Kamena 2024.'

Ati 'Ibi byaha baregwa byo gusaba no kwakira indonke ndetse no gukoresha inyandiko zitavugisha ukuri zemeza ko nta mitungo y'abaturage yangirijwe mu gihe cy'isanwa ry'umuhanda uva Rambura ujya i Nyange kandi hari imwe mu mitungo yangiritse.'

Kuri ubu abafashwe bafungiye kuri Sitasiyo ya RIB ya Kabaya mu gihe hakiri gutunganwa dosiye yabo kugira ngo ishyikirizwe Umushijacyaha.

Gusaba, kwakira ndetse no gutanga ruswa ni icyaha gitegenwa n'ingingo ya 4 y'Itegeko ryerekeye kurwanya ruswa, ugihamijwe ahanishwa igifungo kirenze imyaka 5 ariko kitarengeje imyaka 7 n'ihazabu y'amafaranga y'u Rwanda yikubye inshuro kuva kuri 3 kugeza kuri 5 z'agaciro k'indonke yatse cyangwa yakiriye.

Guhimba, guhindura inyandiko cyangwa gukoresha inyandiko mpimbano, ni icyaha gihanwa n'Itegeko riteganya ibyaha n'ibihano muri rusange. Uwakoze iki cyaha ahabwa igifungo kiva ku myaka 5 ariko kitarenze imyaka 7, n'ihazabu y'amafaranaga y'u Rwanda kuva kuri miliyoni eshatu ariko atarenze miliyoni eshanu cyangwa kimwe muri ibyo bihano.

RIB yaburiye abitwaza imirimo bakora bakishora mu byaha, igashima abatanga amakuru ku gihe kuri ruswa n'indi mikorere idahwitse kuko bidindiza bikanabangamira iterambere ry'igihugu.

Ibi bizakorwa hazamurwa ubwikorezi burengera ibidukikije no guteza imbere ubuhinzi buhangana n'imihindagurikire y'ibihe, bikazatanga umusanzu ku Rwanda mu rugendo rwo kugera ku ntego zo guhangana n'ihindagurika ry'ibihe no kugera ku iterambere rirambye.

Mu iki cyiciro hazashorwa miliyari 2,7 Frw mu bigo by'ubucuruzi bito, ibiciriritse, ndetse n'ibyagutse, bikora ibijyanye no kubungabunga ibidukikije mu Rwanda.

Igice kimwe cyiri shoramari cyahariwe ibikorwa byo guteza imbere ubukungu bwisubira, kikaba cyaragenewe miliyoni 350 Frw azahabwa ibigo birindwi agatangwa nyuma y'amezi ane yo gutegura no guhugura ba nyiri mishinga.

Iri shoramari rikaba rizagirwamo uruhare n'ikigo cy'u Budage gishinzwe ubufatanye mpuzamahanga, GIZ Rwanda, binyuze mu mushinga wo kurengera ibidukikije n'ubukungu bwisubira [WCE].

Mu bigo birindwi byatoranyijwe, hari ibyibanda ku bice bitandukanye by'ubukungu bwisubira, birimo igabanya ry'imyanda y'ibiribwa, ikoreshwa neza ry'imyanda ikomoka ku binyabuzima no kunagura bateri zitagikoreshwa.

Ikindi gice ni icy'inkunga y'uburyo bwishyurwa n'ubutishyurwa ku bigo by'ubucuruzi bigitangira, ibito, ibiciriritse ndetse n'ibyagutse ya 2,350,000,000 Frw, izatangwa ku bufatanye n'Ikigo cy'Igihugu cya Denmark Gishinzwe Iterambere Mpuzamahanga [DANIDA], n'ibiro by'u Bwongereza bishinzwe ububanyi n'amahanga n'iterambere [FCDO].

Iyi nkunga izahabwa ibigo by'ubucuruzi icyenda bitanga ibisubizo mu nzego eshatu z'ishoramari zijyanye na gahunda ya Ireme Invest zirimo urw'ubwikorezi burengera ibidukikije, urwego rw'imiturire irengera ibidukikije kandi irambye, ndetse n'urwego rw'ubuhinzi buhangana n'imihindagurikire y'ibihe.

Muri rusange ibi bigo by'ubucuruzi 16 byatoranyijwe guhabwa inkunga byakorewe isuzuma ryimbitse bigaragaza ko bifite ubushobozi bwo kwagura ibikorwa byabyo kugira ngo birusheho gutanga umusanzu mu iterambere no kurengera ibidukikije ndetse no guhangana n'imihindagurikire y'ibihe mu Rwanda.

Ireme Invest ni ikigega cy'ishoramari gitera inkunga abikorera mu Rwanda, kikabafasha kubona imari yo kwagura imishinga ijyanye no kubungabunga ibidukikije.

Ireme Invest yamuritswe na Perezida Paul Kagame mu 2022, ubwo yari muri Sharm el Sheikh mu Misiri mu nama mpuzamahanga yiga ku guhangana n'imihindagurikire y'ibihe, COP27.

Yashyizweho hu bufatanye n'abafatanyabikorwa barimo Guverinoma z'u Bufaransa, Suède n'u Bwongereza, Banki y'Ishoramari y'u Burayi [EIB] na Green Climate Partnership Fund, ndetse ikaba inakorana n'abandi batandukanye.

Ku wa Mbere tariki ya 23 Kamena 2024 nibwo Dr Frank Habineza yakorewe ibikorwa bye byo kwiyamamaza mu Karere ka Ngoma asaba abaturage kumutora ndetse anabizeza ko natorwa azahita abubakira Kaminuza mu mezi atatu.

Dr Frank Habineza yagaragaje ko mu gihe cyo kwiyamamaza yatunguwe no gusanga hari ibindi bikorwa byateguwe muri uwo murenge byo kwamamaza kandi bitemewe ko imitwe ibiri ya Politiki yakiyamamariza umunsi umwe mu murenge umwe.

Dr Habineza yabwiye IGIHE ko ubwo Komisiyo y'Igihugu y'Amatora yari imaze kwemeza gahunda ya Green Party yo kwiyamamaza yahise yandikira Akarere ka Ngoma akamenyesha igihe baziyamamariza.

Ati 'Tukimara gutangaza gahunda yacu kuri 18 Kamena, hari ku wa gatatu, twahise twandikira Akarere ka Ngoma tubabwira ko tuzajyayo ku wa Mbere tariki ya 23 Kamena 2024 saa yine. Badusabye ko tubabwira aho tuzakorera turahababwira.'

Yavuze ko batunguwe no gusanga kuri uwo munsi mu Karere ka Ngoma hateguwe ibindi bikorwa byo kwamamaza, “Kandi babizi neza ko turi buze saa yine nabo babishyira saa tanu.'

Dr Habineza yagaragaje ko ku mugoroba wo ku cyumweru bamenye ko iyo gahunda ihari bahita bamenyesha Komisiyo y'Igihugu y'Amatora ibasaba ko ibyo bikorwa byabo babikora saa Munani.

Ati 'Barabivuganye bavuga ko baza kubikora saa Munani ariko n'ubundi nubwo babishyira ayo masaha ntabwo byemewe ko uwo munsi uwo murenge hiyamamarizamo amashyaka abiri. Kuba barabikoze uwo munsi nk'urwego rw'Akarere twebwe twaje nk'urwego rw'igihugu, byaratubangamiye kuko bahamagaraga abaturage bababwira kugenda.'

Dr Frank Habineza yagaragaje ko byabangamiye ibikorwa bye byo kwiyamamaza ndetse ashimangira ko atabyakiriye neza.

Ati 'Byabangamiye ibikorwa byacu byo kwiyamamaza kuko abaturage bababwiraga ko bagenda saa tanu, bajya ku barunda hafi na gare twebwe tujya ruguru, abaturage bari babatwaye. Biragayitse, bagombaga kubahiriza amabwiriza ya Komisiyo y'Amatora abuza kwiyamamariza mu Murenge umwe.'

Ku ruhande rw'Akarere ka Ngoma, Umuyobozi w'Akarere, Niyonagira Nathalie, yabwiye IGIHE ko ibyakozwe bitabangamiye na gato ibikorwa byo kwiyamamaza kwa Dr Frank Habineza.

Ati 'Icya mbere Akarere siko gashyiraho gahunda yo kwamamaza kuko nta mutwe wa Politiki karimo, hanyuma abakandida bamenyesha igihe ariko aho abo biyamamarije hari ahantu hatandukanye kandi ku masaha atandukanye cyane. We yari yatubwiye ko yiyamamaza saa yine agasoza saa sita. Kandi ninako byagenze, amaze gusoza ikindi gikorwa cyari giteganyijwe muri uwo murenge nibwo cyabonye gutangira.'

Yagaragaje ko nta kubangamirana kwabayeho nkuko Dr Frank Habineza abigaragaza.

Ati 'Nta kubangamirana kwabayeho kuko yariyamamaje, nta n'umuntu wigeze amubangamira mu by'ukuri. Nziko yari afite abantu kandi yariyamamaje.'

Yakomeje ati 'Abakandida bombi bari babyumvikanyeho kubera ko basabye itariki imwe, kandi barabahuje babyumvikanaho na we arabyemera kuko yari yamaze kumva ko amasaha atari amwe. Kuba avuga ngo yarabangamiwe ntabwo mbyumva kuko nawe yari yamaze kubyemera kandi abyemera igikorwa kitaraba.'

Niyonagira yagaragaje ko ibikorwa byo kwiyamamaza kuri Dr Habineza bitigeze bibangamirwa cyane ko n'abakozi ba Komisiyo y'Igihugu y'Amatora bakurikiranye ibyo bikorwa.

Dr Habineza Frank yagaragaje ko ubwo yari mu Karere ka Ngoma ibikorwa bye byo kwiyamamaza byabangamiwe

Urwego rw’Igihugu Rushinzwe Iterambere (RDB), rwatangaje ko igikombe cy’Isi cy’abahoze bakina ruhago (World Veteran Clubs Championship) cyagombaga kubera mu Rwanda, cyakuweho.

Iki gikombe cyari giteganyijwe muri Nzeri 2024, cyagombaga kuzahuza ibyamamare byakanyujijeho muri ruhago birimo nk’umunya-Brazil, Ronaldinho, umunya-Cameroun, Patrick M’Boma, Abafaransa, Robert Pires na Patrice Evra n’abandi.

Ni igikombe cyateguwe ku bufatanye n’Ishyirahamwe ry’abahoze bakina ruhago ku Isi, FIFVE (Féderation Internationale de Football Vétéran).

Urwego rw’Igihugu Rushinzwe Iterambere (RDB) rwari umwe mu bafatanyabikorwa b’iki gikombe binyuze muri VISIT Rwanda rwatangaje ko amasezerano bari bafitanye na WVCC bayaseshe ndetse n’iki gikombe cyakuweho.

Bagize bati”Urwego rw’Igihugu Rushinzwe Iterambere (RDB), mu izina rya Guverinoma y’u Rwanda ruratangaza ko rwaseshe amasezerano na EasyGroup Exp, bategura Igikombe cy’Isi cy’abahoze bakina ruhago (VCWC2024). Uyu mwanzuro uje nyuma yo kuwitondera ndetse n’ubwumvikane bw’impande zombi.”

“Igikombe cy’Isi cy’abahoze bakina ruhago cyari giteganyijwe muri Nzeri 2024 i Kigali, cyakuweho. Byongeye kandi, ibirango bya Visit Rwanda nta hantu bizongera kugaragara no guhurira n’ibikobwa byamamaza n’abategura iki gikorwa mu bihe biri imbere.”

Iki gikombe cy’Isi cyagombaga kuzahuriza hamwe abakinnyi 150 baturutse hirya no hino ku Isi, gikuweho mu gihe amatike yari yaramaze kujya isoko.

Jimmy Gatete ni umwe mu bakinnyi b’Abanyarwanda bari bitezwe muri iki gikombe cy’Isi

Ronaldinho na we yagombaga kuzaba ari i Kigali

Ni ikibazo cyazamutse mu ntangiriro za 2023 ubwo hari hashize amezi atandatu gusa aba baturage batujwe muri uyu mudugudu w'icyitegererezo wa Munini,ubwo bagaragazaga ko baremerewe n'ideni ry'amazi bakoreshaga bari bahawe.

Bamwe bagaragaza ko ikiguzi gisumbye ubushobozi bwabo, aho abenshi bishyuzwaga arenga ibihumbi 100 Frw ndetse harimo n'abasabwaga agera ku bihumbi 400Frw.

Ni ikibazo inzego z'Akarere ka Nyaruguru zakurikiranye maze zigiha umurongo ziranazishyura, abaturage birabanezeza kuko uwo mugogoro wa fagitire ziremereye z'amazi batakaga wabavuyeho.

Bamwe mu baganiriye n'itangazamakuru, bavuze ko bashima ubuyobozi bwumvise ugutakamba kwabo.

Umwe muri bo yagize ati'' Akarere sinzi ukuntu kabigenje na n'ubu twisanzura ku mazi, nta muntu urongera kuza kutubaza ikibazo cy'ideni ry'amazi.''

Umuyobozi w'akarere ka Nyaruguru Dr Murwanashyaka Emmanuel, yavuze ko mu gukemura iki kibazo, ubuyobozi bw'akarere bwafashe umwanzuro wo kwishyura izo fagitire.

Ati ''Fagitire z'amazi zo twarazishyuye,izindi nabo bakaba bazagenda baziyishyurira bishingiye ku nyungu babona kuko bafite umushinga w'ingurube,uyu munsi bafite izigera kuri 221, hamaze kugurishwa zimwe na zimwe ndetse n'ifumbire zabyaye asaga miliyoni 19Frw, aho bayagabanyamo kabiri, amwe akabafasha kwikenura,andi agakomeza umushinga.''

Meya Dr Murwanashyaka, akomeza avuga ko ibyo bikorwa bizagenda bibaha bushobozi bwo kwigira mu by'ibanze bakenera biturutse kuri uwo mushinga w'ingurube bityo bakarushaho kwigira mu bukungu.

Ubuyobozi bw'akarere ka Nyaruguru bwavuze ko kandi bene iyi mishinga bashyiriweho ari yo bitezeho ko izabafasha no kwibonera ibindi birimo kwishyura umuriro w'amashanyarazi ifatabuguzi ry'amateleviziyo n'ibindi byose aba baturage batahwemye kugaragaza ko bibaremereye dore ko abenshi muri bo, ibyo byose byari bishya kuri bo.

Benshi mu batujwe muri uyu mudugudu babarizwaga mu cyiciro cy'abatishoboye, ibishimangira ko bateye intambwe mu iterambere.

Umudugudu w'Icyitegererezo wa Munini, utuwe n'imiryango 48, abawutuye bakaba bakomeje urugamba rw'iterambere mu nzego nyinshi z'ubuzima, aho badahemwa gushima Perezida Paul Kagame wabasirimuye.

Umuyobozi w’Akarere ka Nyaruguru Dr Murwanashyaka Emmanuel, yavuze ko nyuma yo kwishyurira aba baturage amazi, byabaye nko kubaremera urugo rushya ubu nabo bakataje mu kwigira kandi icyizere ari cyose.

Bimwe mu byo bahawe bagitaha iyi midugudu harimo n’ibiraro byiza byo kororeramo ingurube ngo zijye zibafasha kwikenura.

Abatangiye kujya bagurisha ingurube nta mpungenge z’uko fagitire ziri imbere bazajya baziyishyurira

Uyu mudugudu w’icyitegererezo wa Munini watujwemo imiryango 48

Aba baturage bagiye batungurwa n’impapuro z’imyenda y’amazi babaga barakoresheje basabwa kuyishyura, batiteguye kubera imihini mishya

Ni igikorwa cyabaye ku bufatanye n'Akarere ka Gakenke mu kwibuka ku nshuro ya 30 Jenoside yakorewe Abatutsi mu 1994, nyuma y'icyo gikorwa habaho koroza inka bamwe mu bayirokotse bo muri ako Karere.

Iki gikorwa cyabaye tariki ya 21 Kamena 2024, hatangwa inka ebyiri ku miryango ibiri igizwe n'abarokotse Jenoside yakorewe Abatutsi, ndetse intumwa z'iki Kigo ziganira n'abagize imwe mu miryango cyishyuriye ubwisungane mu kwivuza bari bitabiriye icyo gikorwa.

Ku wa 9 Kamena 2024 nibwo Akarere ka Gakenke kibutse ku nshuro ya 30 Jenoside yakorewe Abatutsi, ku Rwibutso rwa Jenoside rw'aka Karere, ruherereye mu Murenge wa Kivuruga ahazwi nko kuri Buranga.

Muri iki gikorwa hafashwe umwanya wo kwibuka imiryango yazimye, no gushyingura mu cyubahiro imibiri yabonetse.

Uwo munsi LOLC Unguka Finance, yari ihagarariwe n'abakozi bayo barimo Umuyobozi Mukuru ushinzwe Ubucuruzi, Lahiru Silva, ndetse n'Umuyobozi ushinzwe Abakozi, Clemence Tuyishime.

Mu rwego rwo gufata mu mugongo no gushyigikira Abarokotse Jenoside yakorewe Abatutsi, LOLC Unguka Finance, yiyemeje koroza inka abarokotse Jenoside yakorewe Abatutsi ndetse no kwishyurira abandi batishoboye ubwisungane mu kwivuza, aho yishyuriye abagera kuri 579.

Tariki ya 21 Kamena 2024 ni bwo intumwa za LOLC Unguka Bank zakiriwe na Perezida wa Ibuka mu Karere ka Gakenke, Hamdoun Twagirimana, afatanyije n'Umuyobozi w'Umurenge wa Kivuruga mu gikorwa cyo gushyikiriza iyo miryango inkunga yagenewe.

Izi nka zatanganywe n'ibindi bikoresho by'ibanze ndetse n'ubwishingizi bwazo.

LOLC Unguka Finance [LUF], yahoze ari Unguka Bank, yatangiye imirimo yayo mu Rwanda mu 2005. Ubu ifite amashami 14 mu gihugu hose, ikaba ari kimwe mu bigo bibarizwa mu Kigo mpuzamahanga cyitwa LOLC Group gikorera mu bihugu birenga 25 hirya no hino ku Isi.

Ikigo cy'Imari cya LOLC Unguka Finance [LUF] cyifatanije n'Akarere ka Gakenke mu kwibuka ku nshuro ya 30 Jenoside yakorewe Abatutsi mu 1994, ndetse kinoroza abayirokotse batuye muri ako Karere