Category: Uncategorized

Ibi uyu mukandida yabigarutseho ubwo yiyamamariza mu Karere ka Musanze mu Murenge wa Busogo, abwira abaturage bari baje kumva imigabo n'imigambi bye ko naramuka atowe azahindura itegeko, diaspora nyarwanda igahabwa imyanya ibiri y'abadepite kugira ngo bamwe muri bo bagabanye politiki isenya ahubwo bajye bumva uruhare rwabo mu kubaka Igihugu.

Yagize ati “Abanyarwanda baba mu mahanga ntibagomba guhora ari ibipinga bagomba gushyirirwaho urwego n'imiyoborere ya ambasade ituma baganira ku burere mboneragihugu bakaba Abanyarwanda nk'abandi bagakora politiki batagamije gusenya. Niyo mpamvu n'itegeko rigomba guhinduka mbemerere imyanya ibiri mu badepite, babiri bitwa ko bahagarariye Abanyarwanda baba mu mahanga bagakora politiki bafite iyo bagana.”

“Impamvu bakora politiki isenya ni uko bakora politiki idafite aho igana, idafite umusaruro baba bibaza ngo buriya butegetsi nzabugeramo gute ko nibereye mu mahanga? Niba rero ari mu mahanga akaba azi neza ngo ni umwe mubo tuzashakamo abayobozi b'u Rwanda, ni umwe mubo tuzaha imyanya ibiri mu badepite ubuhezanguni buzagabanyuka.”

Mpayimana Philippe ni umwe mu bakandida batatu bari guharanira kuyobora u Rwanda muri Manda y'imyaka itanu iri imbere, aho ahatanye na Paul Kagame watanzwe n'Umuryango RPF Inkotanyi ndetse na Dr Frank Habineza watanzwe na 'Democratic Green Party of Rwanda'.

Si ubwa mbere aba bakandida bahuriye mu kibuga baharanira kuyobora u Rwanda kuko no mu 2017 bahatanye bikarangira Paul Kagame abanikiye kuko yarengeje 98% by'amajwi y'abatoye, Mpayimana Philippe abona 0.7% naho Dr Frank Habineza we arenza gato 0.4% by'abatoye.

Abaturage bahawe umwanya babaza ibibazo batanga n’ibitekerezo

Mpayimana Philippe yagaragarije imigabo n’imigambi abatuye mu turere twa Burera na Musanze, abasaba kuzamuhundagazaho amajwi

Ni ubutumwa MINICOM yatanze ubwo yahurizaga hamwe abari mu ruhererekane nyongeragaciro rw'ubworozi bw'ingurube, harebwa uko hakemurwa imbogamizi zirimo ngo bukomeze gusagamba.

Mu myaka ishize ubworozi bw'ingurube bwakomeje gutezwa imbere uko bishoboka kugira ngo ikibazo cy'inyama zari zimaze kuba iyanga gikemurwe.

Byakozwe kandi kugira ngo binafashe inka kororoka cyane ko zinatanga byinshi birenze inyama, ha handi ushaka inyama ahita areba ingurube aho kuba yatekereza kubaga inka bwa mbere.

Ibi byatumye ingurube zororoka ziva ku bihumbi birenga 900 mu 2013 zigera kuri miliyoni 1,4 mu 2022, bituma n'inyama z'iri tungo ziyongera umunsi ku wundi.

Kuri ubu u Rwanda rwubatse n'amabagiro ya kijyambere yazo aho uyu munsi habarurwa 15 mu bice bitandukanye by'igihugu, afasha abaturage kubona inyama.

Nubwo bimeze bityo hari ababagira aya matungo mu ngo, ku buryo bidakurikiranywe, ibyari ibisubizo bishobora gushyira ubuzima mu kaga, abantu bakandura indwara agahishyi.

Ni kibazo n'umworozi w'ingurube witwa Mukandoha Brigitte wo mu Karere ka Bugesera abona, icyakora akagaragaza ko biterwa n'ibikorwaremezo nk'amabagiro make ari mu gihugu ibituma abaturage bakenera inyama 'bakirwanaho.'

Ku bwa Mukandoha muri buri karere hagashyizwe amabagiro nk'ane, kuko 'ibagiro rimwe mu karere ridahagije. Byibura nk'imirenge itatu igafatanya ibagiro.'

Ati 'Nka njye ngurisha ingurube zihagaze (zikiri nzima) ariko nk'iyo nshaka kurya ingurube nko ku munsi uyu n'uyu, kuyijyana i Kanombe (aho ibagiro rya kijyambarere riri) nkongera nkagarura inyama biragoye. Urumva ni kure cyane. Iyo nshaka akanyama nirwanaho.'

Ikindi ni uko abacuruzi b'ingurube baba baziguriye abaturage bagaragaza ko kujyana kuri ayo mabagiro ingurube baguze hari ubwo bibahendesha bijyanye n'ibyo basabwayo, bagahitamo kubyikorera kugira ngo na bo bagire icyo baramura.

Umuyobozi muri MINICOM ushinzwe gahunda yo guteza imbere inganda nto, iziciriritse n'inini, Uwitonze Eric yavuze ko ikijyanye no kugenzura ubuziranenge bw'inyama ari ikintu igihugu cyahagurukiye kugira ngo abaturage babone inyama ariko zitangiza ubuzima.

Yavuze ko hari umufatanyabikorwa witwa PRISM wafatanyije na leta kubaka amabagiro ku buryo uyu munsi aho ingurube zibagirwa hahari ndetse hizewe.

Ati 'turi no gufasha n'ababaga izo nyama kugira ngo bagere ku buziranenge bwifuzwa.'

PRISM ni umushinga u Rwanda rwafatanyijemo n'ibigo birimo icy'u Bubiligi gishinzwe Iterambere, Enabel n'Ikigega Mpuzamahanga giteza imbere ubuhinzi n'ubworozi, IFAD mu guteza imbere ubworozi bw'inkoko n'ingurube.

Uwitonze Eric yakomeje avuga ko 'Kubagira mu rugo ntabwo ari byo. N'uwaba abikora tumushishikariza kugana ayo mabagiro abegereye kuko mu gihugu hose arahari. Inyama ziturutse aho ziba zujuje ubuziranenge kurusha kubagira mu ngo.'

Ku cyo guhendwa kw'abaguzi, Uwitonze yavuze ko hashyizweho abagenzuzi ku mikorere y'ayo mabagiro, 'iyo hagaragaye ko batunguka icyo kibazo gikurikiranwa bwangu, kigakemurwa. Ubu tugamije ko ari uwayoroye, ucuruza n'ubaga bose bunguka, bikozwe kinyamwuga n'ubukungu bw'igihugu kikunguka.'

U Rwanda rugaragaza ko ingurube ari ryo tungo rihiga andi mu gutanga inyama, aho nka 48% by'inyama zose zikenewe zajya zituruka kuri ayo matungo, icyakora bikagerwaho ubu bworozi butejwe imbere.

MINICOM yahurije hamwe aborozi b’ingurube hagamijwe kongera umusaruro no kwimakaza ubuziranenge bw’inyama zazo

Ibi babyerekanye kuri uyu wa Gatatu tariki ya 26 Kamena 2026 ubwo abakandida depite b'Umuryango FPR-Inkotanyi biyamamarizaga muri uyu Murenge wa Matimba. Banaboneyeho umwanya wo kwamamaza Umukandida w'uyu muryango ku mwanya w'Umukuru w'Igihugu, Paul Kagame.

Mu byo abaturage bo mu Murenge wa Matimba bishimira harimo ubuso bwuhirwa, aho kuri ubu hegitari 638 zuhirwa, ibi byatumye bava k umusaruro wa toni imwe kuri hegitari, bagera kuri toni esheshatu.

Muri uyu Murenge kandi hubatswe isoko nyambukiranyamupaka rya Kagitumba rihurirwamo n'abaturage bo mu Rwanda ndetse n'aba Uganda. Iri soko ryuzuye ritwaye miliyari 4 Frw, ririmo imiryango ikorerwamo ubucuruzi, amabanki, rifite ububiko bunini bw'ibicuruzwa n'ibindi byinshi.

Bamwe mu baturage bo muri uyu Murenge bavuze ko iterambere bagezeho ryose barikesha ubuyobozi bwiza bwa FPR-Inkotanyi burangajwe imbere na Perezida Kagame ari nawe mukandida w'uyu muryango.

Muziranenge Constance utuye mu Kagari ka Nyabwishongwezi, yashimiye FPR-Inkotanyi yabegereje ubuyobozi. Yavuze ko mbere abantu bajyaga bambutsa kanyanga, caguwa n'ibiyobyabwenge bikababangamira ariko ngo kuri ubu hashyizweho abashinzwe kurinda ibyambu bituma bihagarara.

Muziranenge yakomeje avuga ko bishimira kandi ko bafashijwe mu guteza imbere ubuhinzi n'ubworozi ku buryo babikora kinyamwuga.

Ati 'Turishimira ko muri Matimba twafashijwe mu guhinga imbuto y'indobanure no gukoresha ifumbire mva ruganda, mbere byabanje kugorana abafite ubutaka bakavuga ngo ibi byica ubutaka. Bake babyumvise barahinze beza neza abandi bagenda babyumva neza.'

Rubagumya Aloys utuye mu Kagari ka Bwera mu Murenge wa Matimba, yavuze ko we icyo ashimira FPR-Inkotanyi ari uko yabahaye umutekano kuri ubu hakaba hashize imyaka 30 nta ntambara cyangwa guhungu bigihari.

Ati 'Mbere ya Jenoside yakorewe Abatutsi umuntu yicaga undi agapfira aho ndetse yaba amurusha amafaranga akayatanga mu buyobozi bwisumbuye ntakurikiranwe, ariko ubu ubutabera burahari, umuturage ni ntayegayezwa, ubuyobozi buratwegereye. Nta muturage ushonje inka zirakamwa nta kintu na kimwe tubuze hano.'

Umukandida depite, Musolini Eugene yabwiye abaturage ko gukomeza gushyigikira Umukandida wa FPR-Inkotanyi ku mwanya w'Umukuru w'Igihugu, Paul Kagame ari ugushyigikira iterambere kandi ko ibyo bagezeho mu myaka irindwi ishize noneho bizikuba inshuro nyinshi.

Abaturage ba Nyagatare bifashishije 'drones' mu kwishimira ibyiza bagejejweho na FPR-Inkotanyi

Chairman wa FPR-Inkotanyi mu Karere ka Nyagatare, Gasana Stephen yitabiriye iki gikorwa

Akanyamuneza kari kose ku baturage b’i Matimba

Senderi International Hit yasusurukije abaturage b’i Matimba

Uwahoze ari umutoza wa Rayon Sports, Umufaransa Julien Mette yagarutse ku bihe bigoye yanyuzemo ubwo yari muri iyi kipe, aho ngo bwa mbere mu mateka ye yari abonye umukinnyi umuririra kubera inzara.

Ni nyuma yo gutandukana n’iyi kipe yagezemo mu mpera za Mutarama 2024 agasinya amezi 6 akaba yari ageze ku musozo.

Ni umutoza utarandukanye neza na Rayon Sports kuko yagiye mu buryo bumeze nko kwirukanwa aho imbarutso yabaye umukino wa gicuti iyi kipe yakinnye na APR FC mu gutaha Stade Amahoro ariko ntibumvikane ku bakinnyi agomba gukinisha bikarangira atanatoje uyu mukino.

Mu kiganiro yahaye B&B Kigali, Mette yavuze ko mu mezi yamaze muri Rayon Sports yahuye n’ibihe bigoye cyane, nk’aho abakinnyi bamuririraga kubera inzara.

Ati “Hari igihe cyageze abakinnyi bakazajya baza kundirira, ni ubwa mbere nari mbibonye umukinnyi arira mu maso yanjye, avuga ati umutoza, ntabwo dufite ibyo kurya. imiryango yacu iradukeneye. Ntabwo dufite amafaranga yo koherereza iwacu kandi nibyo biba byumvikana abakinnyi bagira imiryango.”

Uyu mugabo yavuze ko iyi kipe ifite abayobozi batazi umupira bivanga mu kazi k’umutoza nyamara imiyoborere yabananiye, nk’aho yavuze ko yakoraga akazi ke agakora n’ak’ubuyobozi kuko ngo igihe kinini yakimaraga asobanurira abakinnyi impamvu imishahara yatinze.

Yemeje ko yari yatangiye ibiganiro byo kongera amasezerano aho yari yatangiye gutegura ikipe azakoresha, yatangiye no kuvugana n’abakinnyi b’abanyamahanga ariko byose byapfuye ku munota wa nyuma.

Julien Mette yavuze ko Rayon Sports abakinnyi bamuririraga kubera inzara

Imikino ya kamarampaka “Playoffs” muri Handball, iratangira mu mpera z’iki Cyumweru aho ku wa Gatanu hagomba kumenyekana amakipe agera ku mukino wa nyuma.

Ni nyuma y’uko shampiyona isanzwe (Regular Season l) irangiye, amakipe ane ya mbere, Police HC, APR HC, Gicumbi HT na ES Kigoma yabonye itike yo kuzakina imikino ya Kamarampaka.

Ni imikino izatangira ejo ku wa Gatanu guhera saa 16h30′ ku kibuga cya Kimisagara aho Police HC yabaye iya mbere izahura na ES Kigoma yabaye iya 4. Nyuma y’uyu mukino, saa 18h00′, APR HC yabaye iya kabiri izakina na Gicumbi HT yabaye iya 3.

Amakipe azatsinda akazahita agera ku mukino wa nyuma wa kamarampaka aho agomba kuzatanguranwa gutsinda imikino 2 muri 3 bazakina.

Umukino wa nyuma wa mbere wa kamarampaka ukazakinwa ku wa Gatandatu, uwa kabiri ukinwe ku Cyumweru, mu gihe ikipe yatsinze umukino wa mbere itsinze n’uwa kabiri, yahita yegukana igikombe, mu gihe bitagenda gutyo, hakinwa umukino wa 3.

Mu mpera z’iki cyumweru rurambikana muri Handball b

Irushanwa rya Miss Black World Festival rigamije gushyigikira iterembere ry'umwari n'umutegarugori, ashyigikirwa mu byo akora mu gukomeza kumenyekanisha ibyo ashoboye no guhabwa ubushobozi.

Nyuma y'abagera kuri 400 bari banditse basaba kwinjira mu irushanwa, abagera kuri 59 ni bo bakomeje guhatana mu buryo bw'amatora azasiga hamenyekanye abazahatanira ibihembo by’agera ku bihumbi 15 by'amadorali ku muntu uzaba uwa mbere ndetse n'ibihumbi 5 by'amadorali ku muntu uzaba uwa Kabiri.

Umwe mu bari guhatana muri iri rushanwa ni Nishimwe Kelly Anitha ufite imyaka 20. Mu buzima busanzwe, uyu mukobwa akora ibijyanye n'imyenda binyuze muri Thally Collection yambika abari n'abategarugori kugeza ubu.

Yasoreje amashuri yisumbuye muri 'International Technical School of Kigali' aho yize ibijyanye n'ubukerarugendo ari na byo yakomerejemo muri Mount Kigali University.

Umushinga we mu irushanwa yawise 'Personal Brand Campaign'. Mu kiganiro yagiranye n'inyaRwanda, Kelly Anitha yatangiye asobanura umutwe yahaye umushinga we.

Ati: 'Ngereranije mu Kinyarwanda ni ukwigira wowe ubwawe, kumenya kwimenyekanisha, ukamurika ibintu bikurimo, ibyo utekereza, ese hari icyo waba urusha abandi kuba wamenya ku kigaragaza”.'

Icyo ateganya Kelly igihe yaba yegukanye irushanwa

Aragira ati: 'Ndamutse negukanye iri rushanwa, nakoresha indangagaciro n'ubumenyi bwanjye kugira ngo nerekane ibyo nshaka kugeza ku bandi.'

Yatangaje ko kugira ngo yisange muri 59 bahatanye mu buryo bw'amatora bavanwe muri 400, byashingiye ku mashusho y'umunota umwe buri umwe yagiye atanga bagatoranyamo abo babona bashoboye.

Ku ngingo irebana n'uko yakiriye kwisanga mu batsinze, yagize ati: 'Ni ibyishimo kuko buri gihe intsinzi irashimisha.'

Avuga ko umuryango we ukomeje kumuba hafi cyane ko bizerera mu byo akora, ariko na none n'abamukurikira ku mbuga nkoranyambaga zitandukanye n'abakunzi b'aya marushanwa, nabo bari mu bari kumwereka urukundo bamutora.

Uwifuza kumutora yakoresha telefone akanyura kuri kode ariyo *727*50*1*11*19# cyangwa akananyura ku rubuga rwa www.missblackworldfestival.com akamuhitamo, ni nimero 19, bityo ukaba umwongereye amahirwe.

Umushinga we ni “Tinyuka”. Kelly Anisha Nishimwe atangaza ko aramutse yegukanye irushanwa, yakora iyo bwabaga agasoza umwaka buri umwe mu Rwanda amaze gusobanukirwa ubu bukangurambaga bwe bugamije gutinyura abantu mu gukunda umurimo, ibyo yifuza gukora yifashishije imbuga nkoranyambaga n'itangazamakuru.

Ku ngingo irebana n'abantu afatiraho urugero Kelly avuga ko ari Se hamwe na Mutesi Jolly

Ahereye kuri Miss Mutesi Jolly afatiraho urugero, Kelly Anitha abisobanura muri ubu buryo ati: 'Mwigiraho ibintu byinshi, icya mbere kwigirira icyizere, icya kabiri gukora cyane ni umukozi, ntabwo acika intege, ikindi namubwira ‘ndamukunda, ndamufana, ni icyitegererezo kuri njye’ .'

Yavuze ko impamvu Se na we ari mu bantu bamwubaka, ni uko akunda kuba we mu bintu ibyo ari byose, icyo ashatse gukora akigeraho, n’iyo byaba bimeze gute!.

Kelly yagarutse ku ngingo y'uko afata amarushanwa ku batabashije kuyegukana

Mu buryo bwe yagize ati: 'Amarushanwa ubundi, ikintu navuga agomba gusigira umuntu witabiriye uwo ari wese, ni uko rifungura mu mutwe, gutinyuka niba muri guhatana muri 400 utekereza ikintu byibura cyatuma uza muri abo 50, atuma urema ibintu bishya n'iyo utatsinda aba afite ikindi agusigiye.'

Nk’uko bigaragara ku mbuga nkoranyambaga, uyu mukobwa avuga ko ari inararibonye mu bukerarugendo ndetse yagiye akorana na kompanyi zinyuranye zikora muri iki gisata. Amaze kujya mu bihugu birimo ikirwa cya Maldives iherereye mu Majyepfo ya Asia, Tanzania, Burundi, Kenya na Congo Kinshasa. Buzaba ari ubwa mbere agiye i Dubai aho biteganijwe ko hazasorezwa iri rushanwa ahatanyemo.Kelly Anitha Nishimwe ku mbuga nkoranyamba yitwa [thally.rw], gusa ni nawe ukoresha [thally collection], imbuga yifashisha nk’umuhangamideli

KANDA HANO UREBE IKIGANIRO CYOSE TWAGIRANYE NA KELLY ANITHA

Igikorwa cyo kubata muri yombi cyabaye tariki ya 19 Kanama 2024.

Abatawe muri yombi ni abarimo, Mushobora Nizeyimana Sylvain w'imyaka 50 y'amavuko na Munderere Theoneste nawe w'imyaka 50 y'amavuko, n'umunyeshuri, Ishimwe Dieudonne uzwi ku izina rya Bonfils w'imyaka 27 y'amavuko.

Umuvugizi wa RIB, Dr Murangira B. Thierry yavuze ko 'aba barimu ibyaha bakurikiranyweho babikoze mu bihe bitandukanye mu mwaka w'amashuri wa 2022-2023, aho basabye bakanakira indonke y'agera kuri 3,033,700 Frw nk'ikiguzi cyo kugira ngo babone amanota yo mw'ishuri batakoreye.”

Umunyeshuri Ishimwe Dieudonne we akurikiranyweho icyaha cyo kuba icyitso mu ikorwa ry'icyaha cyo gusaba no kwakira indonke kuko amafaranga ariwe yanyuzwagaho yarangiza akayaha abo barimu.

Bivugwa ko ibi byaha byabereye aho iri shuri rya Kaminuza ya UTB ishami rya Rubavu riherereye mu Karere ka Rubavu mu Murenge wa Gisenyi.

Aba barimu bakurikiranyweho icyaha cyo gusaba, kwakira cyangwa gutanga indonke, giteganywa n'ingingo ya 4 y'itegeko ryerekeye kurwanya ruswa.

Iki cyaha gihanishwa igifungo kirenze imyaka 5 ariko kitarenze imyaka 7 n'ihazabu y'amafaranga y'u Rwanda yikubye inshuro kuva kuri 3 kugeza kuri 5 z'agaciro k'indonke yatse cyangwa yakiriye.

Ihanwa ry'umufatanyacyaha n'iry'icyitso, riteganwa n'ingingo ya 4 y'itegeko rihindura itegeko Nº 68/2018 ryo ku wa 30/08/2018 riteganya ibyaha n'ibihano muri rusange.

Icyitso gihanwa hakurikijwe igihano itegeko riteganyiriza uwakoze icyaha.

Murangira ati 'ruswa ni mbi mu ngeri zose. Ntabwo bikwiye ko umuntu ufite inshingano z'uburezi gusaba no kwakira indoke ngo atange amanota umunyeshuri atakoreye. RIB irasaba abanyeshuri bafite amakuru ku myitwarire nk'iyo kujya batanga amakuru kuri [email protected]. RIB irasaba ubuyobozi bw'amashuri avugwamo imyitwarire nk'iyi guhaguruka bakarwanya ibikorwa nk'ibi kuko byangiza ireme ry'uburezi.”

Abafashwe bafungiye kuri Station ya RIB ya Gisenyi disiye yabo ikaba taroherejwe mu Bushinjacyaha.

Abantu bageze ku 100 [55 bo mu Bubiligi, 35 bo muri Canada n'abandi bo mu Rwanda no mu Busuwisi] ni bo bari muri iryo rushanwa guhera tariki ya 7 Mata 2024 bakazasoza ku ya 30 Kamena 2024, aho abamenyereye bazagenda 30 km mu kwibuka imyaka 30 ishize habaye Jenoside yakorewe Abatutsi.

Kugeza ubu abantu umunani ni bo bamaze kugera ku ntego y'intabwe milioni (750 km) mu mezi atatu.

Mu 2021, ni bwo Umunyarwanda Nsabimana Norbert utuye mu Bubiligi yatangije urugendo rw'amaguru yise 'urugendo rw'ubuzima' [Walk of Life/ Marche de la vie]

Uru rugendo rukorwa mu gikorwa cyo kwibuka Jenoside yakorewe Abatutsi muri Mata 1994.

Marche de la vie Asbl yatangijwe n'abantu batandatu bashatse kugaragaza imbaraga z'abantu iyo bafatanyije, bikaba n'uburyo bwo guha agaciro abishwe bazira uko bavutse muri Jenoside yakorewe Abatutsi, bakarema n'imbaraga buri muntu mu buzima bwe.

Igitekerezo cy'uru rugendo cyaje ku wa 3 Mata 2021, ubwo Nsabimana yifatanyaga n'umukobwa we mu rugendo rwiswe 'I walk for my club' rwateguwe n'ishyirahamwe rya Wallonia-Brussels, rwari rugamije gushakira inkunga amatsinda yagizweho ingaruka na Covid 19.

Kuwa 7 Mata 2021, ubwo hatangiraga kwibuka ku nshuro ya 27 Jenoside yakorewe Abatutsi, mu rwego rwo kwishakamo imbaraga no guhangana n'ingaruka zayo yifashishije kujya akora urugendo rw'amaguru rungana nibura n'ibilometero 500 kuva ku wa 7 Mata kugera kuwa 4 Nyakanga 2024.

Binyuze ku mbuga nkoranyambaga yashyiragaho urugendo rwe, inshuti ze zarabibonye ziramwegera ngo bafatanye, batangira kujya bakorana urugendo ari itsinda buri cyumweru.

Hamwe na bagenzi be bakoze itsinda baryita 'Marche de la Vie' [Urugendo rw'ubuzima] kugira ngo bashishikarize buri wese kwita ku buzima bwe binyuze mu kugenda n'amaguru bagorora ingingo ndetse bikabafasha no guhura nk'Abanyarwanda n'inshuti zabo mu Bubiligi.

Yagize ati 'Mu gihe cyo kwibuka muri Covid 19, byari ingenzi kongera kubaka imibanire mu buryo bwihariye kugira ngo dufatanye kugaragaza umutima wihangana, ubushobozi bwo kugumana imbaraga twemye imbere y'ibibazo.'

Ubwo Nsabimana yarimo abitegura yamenye amakuru y'umunyaburayi w'Umusuwisi wabonye ubwenegihugu bw'u Rwanda, Gilles Dusabe wari uri gukora urugendo rw'intambwe miliyoni mu Busuwisi mu rwego rwo kwibuka abarenga miliyoni bishwe muri Jenoside yakorewe Abatutsi muri Mata 1994.

Ati 'Muri Mata 2022 natwe, Marche de la Vie twifatanyije na we mu gikorwa cy'Intambwe miliyoni cyabereye mu Bubiligi ndetse kiza kwaguriwa muri Canada, u Rwanda na Switzeland,'

'Kugera kuri iki gikorwa kingana n'ibilometero(Km) 750 byadusabye kugenda i Brussels, i Halle, AG Belgian Walk Coast n'izindi nyinshi twateguye binyuze muri ADEPS. Kugera uyu munsi tumaze gutegura ingendo hafi magana abiri'.

Nsabimana Norbert akangurira abantu kwifatanya na Marche de la vie / Walk of Life Asbl nk'ahantu hihariye ku buhanga bwo kwihangana no guhangana n'ibibazo by'ubuzima binyuze mu kugenda n'amaguru n'ubundi buryo bwo gufasha abantu bazajya bategura .

Ati “Kugenda n'amaguru ni byiza ni imyitozo. Ni urugendo rwo gushaka umudendezo, rugaragaza inyungu zo mu mutwe zirenze iz'imikino isanzwe.”

Intego ya 'Marche de la Vie' ni ugushishikariza abantu bose ku Isi kugira ukwihangana no gukwirakwiza ubu buryo budasanzwe bwo Kwibuka, bibutsa ko kwihangana biri muri buri wese.

Marche de la Vie Asbl irifuza no kubaka ikigo cya “Resilience” mu Rwanda mu rwego rwo guhuza ubumenyi bwo kwiyubakamo ubushobozi.

Bavuga ko ingendo zabagiriye akamaro gakomeye, aho banyura hose bigatuma abantu bashaka kumenya u Rwanda. Bitoza abantu 'kwihangana nk'indangagaciro ifite agaciro kanini, kubera ko ari urugendo ruhoraho buri cyumweru haba hakonje cyane cyangwa hashyushye, haba hari imvura cyangwa umuyaga mwinshi.

Iyo gahunda ihoraho ituma abantu bakomeza gutera imbere, badacika intege, no guhora bizera ko bashobora guhangana n'ibibazo bikomeye kurushaho.”

IGIHE yaganiriye na *Nsabimana Norbert* watangije mu Bubiligi ishyirahamwe *Marche de la vie* [Urugendo rw'Ubuzima] ryashibutsemo guhura, kwihangana no kwigira nka bimwe mu bisubizo by'ubuzima nyuma ya Jenoside Yakorewe Abatutsi mu 1994. pic.twitter.com/4zi6pkQam9

— IGIHE (@IGIHE) June 26, 2024

Ishyirahamwe Marche de la Vie ryafashije benshi mu bakora urwo rugendo

Intego ya ‘Marche de la Vie’ ni ugushishikariza abantu bose ku Isi kugira ukwihangana no gukwirakwiza ubu buryo budasanzwe bwo Kwibuka

Abitabira Marche de la Vie bavuga ko byahinduye byinshi mu buzima bwabo

Benshi bamaze kwiyunga kuri Nsabimana Norbert muri ‘Marche de la Vie’

Nsabimana Norbert akangurira abantu kwifatanya na Marche de la vie

Bakora ingendo n’amaguru hirya no hino mu Bubiligi

Ntibatinya imbeho n’urubura ahubwo bakomeza uru rugendo kuko ruvuze byinshi kuri bo

[email protected]

Iki kigega ni umusaruro w'inama yari imaze iminsi itatu ibera i Kigali kuva ku wa mbere tariki ya 24 kugeza ku wa Gatatu tariki ya 26 Kamena 2024.

Ni inama yakiriwe na East African University ku bufatanye n'Umuryango w'Abanyamerika wita ku mibereho myiza binyuze mu iteramabere n'imiryoborere, Cimpad.

Yari ifite insanganyamatsiko igira iti 'kwihangira imirimo mu buryo burambye'. Yari igamije kureba uko hatezwa imbere ubukungu bushingiye ku bumenyi.

Umutuniwase Ndahimana Marie Fidela, ni umunyeshuri uheruka gusoreza amasomo y'ubukerarugendo muri EAUR, yavuze ko inama nk'izi ari ingenzi kuko zitangirwamo amasomo, abantu b'ingeri zitandukanye bagahura bagasangizanya ibitekerezo.

Yavuze ko yigiyemo ko umuntu adakwiye guhwema gushora imari mu gushaka ubumenyi kuko aribwo rufunguzo rw'umuryango ukwinjiza mu iterambere ryawe.

Iki kigega gishya cyamurikiwe muri iyi nama kizajya kigenzurwa na EAUR ndetse ku ikubitiro Cimpand, ikaba yarashyizemo amafaranga yo gutangirana.

Umuyobozi w'ubushakashatsi muri East African University Rwanda, Dr Gamariel Mbonimana, yavuze ko iki kigega cyashyizweho mu rwego rwo guhangana n'ibibazo by'ubushomeri byiganje mu rubyiruko.

Ati 'Ntikireba abo muri East African University gusa, kireba Abanyarwanda bose muri rusange, bose bazaba bemerewe gushyigikirwa.'

Muri raporo nshya y'igihembwe cya mbere cya 2024, ubushomeri bwagaragaye cyane mu bagore aho buri ku kigero cya 14.5%, mu gihe mu bagabo ari 11.5%. Mu rubyiruko, ubushomeri bwageze kuri 16.6% mu gihe mu bantu bakuze buri ku gipimo cya 10.3%

Mu mijyi ubushomeri niho buri hejuru cyane mu Rwanda kuko buri ku kigero cya 14%, mu cyaro bukaba ku kigero cya 12.3%.

Inkunga izajya itangirwa muri iki kigega ntizajya yishyurwa, ahubwo hazajya habanza kugenzurwa niba ugiye kuyihabwa afite ubushobozi bwo kuyibyaza umusaruro nko guhanga imirimo n'ibindi.

Imirimo y'ibanze y'iki kigega yaratangiye, ndetse bikaba biteganyijwe ko imishinga 30 ya mbere igiye guherwaho iterwa inkunga.

Umuyobozi Mukuru wa Cimpad, Prof. Peggy Valentine, yavuze ko iki kigega kizaba umuyoboro wo kongerera urubyiruko n'abagore ubushobozi, bagatanga imirimo ku bandi ndetse bakanabera icyitegererezo benshi.

Umuyobozi Mukuru wa East African University Rwanda, Prof. Kabera Callixte, yagaragaje ko iki gikorwa kigamije guteza imbere gahunda yo guhanga udushya no guhuza imbaraga mu guharanira ejo hazaza heza binyuze mu kwihangira imirimo.

Cimpad, igenda itegura inama mu bihugu bitandukanye bya Afurika buri myaka ibiri, iya mbere ikaba yarabereye muri Afurika y'Epfo mu 1996, iyi yabereye mu Rwanda ikaba yari iya 13.

Iyi nama yabaye imbarutso y’ikigega cyahariwe gutera inkunga imishinga y'urubyiruko n'abagore ishobora kuzana impinduka muri sosiyete

Iyi nama yari yitabiriwe n’abantu bo mu nzego zinyuranye

Muri iyi nama hagiye haba ibiganiro binyuranye

Senateri Prof. Kanyarukiga Ephrem, ni umwe mu bitabiriye iyi nama

Umuyobozi ushinzwe ubushakashatsi muri East African University Rwanda, Dr Gamariel Mbonimana, yavuze ko iki kigega cyashyizweho mu rwego rwo guhangana n'ibibazo by'ubushomeri byiganje mu rubyiruko

Umuyobozi Mukuru wa East African University Rwanda, Prof. Kabera Callixte, yagaragaje ko iki gikorwa kigamije guteza imbere gahunda yo guhanga udushya no guhuza imbaraga, mu guharanira ejo hazaza heza

Umuyobozi Mukuru wa Cimpad, Prof. Peggy Valentine, yavuze ko iki kigega kizaba umuyoboro wo kongerera urubyiruko n'abagore ubushobozi, bagatanga imirimo ku bandi ndetse bakanabera icyitegererezo benshi

Ambasaderi wa Pakistan mu Rwanda, Naeem Ullah Khan, ni umwe mu batanze ibiganiro

Hanyuzagamo hakabaho n'umwanya wo gusabana

Iyi nama yari imaze iminsi itatu ibera i Kigali