Hari ababyeyi bo mu karere ka Rusizi mu murenge wa Bugarama batabariza abana b'abakobwa bari hagati y'imyaka 13-17 basambanyirizwa mu makamyo ahaparikwa.
Aba bana b'abakobwa basambanywa n'abashoferi baparika aho bategereje kujya muri DRC.
Ubuyobozi bw'umurenge wa Bugarama buvuga ko ibyo butabizi icyakora ngo bihari ntibwabirebera.
Ni imyitozo yabaye kuri uyu wa Gatatu tariki 17 Nyakanga 2024 kuri Kigali Pele Stadium, ikaba yagaragayemo abakinnyi bashya barimo Ashraf Mandela Mugume, Richard Kirongozi, Musanga Henry, Ishimwe Christian, Iradukunda Simeon, David Chimezie Yakubu Issah n’abandi.
Mashami Vincent utoza ikipe ya Police FC, yemeza ko imyitozo bamaze igihe imaze kubafasha cyane. Ubu dufite isura nziza uhereye ku mbaraga ndetse n’igihaha. Twatangiye ubona abakinnyi babura byinshi ariko kuri ubu bamaze kumenyera, navuga ko ku kigero cya 95% ikipe iri mu mwuka mwiza.
Kanda hano urebe imyitozo yose ndetsen’ibiganiro cya Mashami Vincent
Kirongozi amerewe neza muri Police FCÂ
Peter na Akuki bakoze imyitozo itarimo gukora ku mupiraÂ
Mashami Vincent afite icyizere ko uyu mwaka bizagenda neza
Ubu haribazwa igikurikiyeho kugeza umunsi wo kurahira kwa Perezida watowe.
Ku ikubitiro, abakandida amajwi y'ibanze yagaragaje ko batsinzwe, bahise batangaza ko bemera ibyavuye mu matora. Nubwo kandi hagira igihinduka bakisubiraho, amategeko yateganyije uko byagenda.
Mu Itegeko Nshinga ry'u Rwanda, mu ngingo yaryo ya 68, rigaragaza neza ko abakandida batsinzwe baba bafite uburenganzira bwo kuregera urukiko Ikirego kijyanye n'itangwa rya kandidatire n'ikijyanye n'itora rya Perezida wa Repubulika n'iry'Abagize Inteko Ishinga Amategeko.
Havuga ko 'Uburenganzira bwo gutanga ikirego kijyanye n'itangwa rya kandidatire cyangwa itora rya Perezida wa Repubulika n'iry'Abagize Inteko Ishinga Amategeko bufitwe na buri Munyarwanda, umukandida, umutwe wa politiki na Komisiyo.'
Ushaka gutanga ikirego abikora mu masaha mirongo ine n'umunani y'akazi akurikira umunsi Perezida wa Komisiyo y'Amatora atangarijeho by'agateganyo ibyavuye mu itora.
Bivuze ko ufite ingingimira, ikirego kigomba gutangwa bitarenze iminsi ibiri uhereye tariki 20 Nyakanga 2024 ubwo hazaba hatangajwe amajwi y'agateganyo. Aya burundu azatangazwa tariki 27 Nyakanga 2024.
Urukiko rw'Ikirenga nirwo rufite ububasha bwo kwakira icyo kirego, rukagisizuma rukaba rwagifasheho umwanzuro bitarenze iminsi 15 rushyikirijwe icyo kirego.
Urwo rukiko nirwo rufite ububasha bwo gutegeka ko ikosa ryagaragaye mu gihe cy'itora rikosorwa, gutegeka ko haseswa cyangwa hasubirwamo itora mu gice cy'ahantu cyabayemo ikosa, gusesa cyangwa gutegeka ko itora ryose risubirwamo, rukanategeka ko haba irindi tora hakurikijwe ibiteganywa n'amategeko.
Iyo Urukiko rw'Ikirenga rusanze ikirego kitujuje ibisabwa, rufata icyemezo cyo kutacyakira rusobanura impamvu rutacyakiriye. Kutakirwa kw'ikirego byemeza ko ibyatangajwe by'agateganyo na Komisiyo y'Igihugu y'Amatora biguma uko byatangajwe.
Ingingo ya 102 y'itegeko Nshinga ry'u Rwanda, ivuga ko Perezida wa Repubulika arahira bitarenze iminsi 30 nyuma y'itorwa rye, indahiro ye ikakirwa na Perezida w'Urukiko rw'Ikirenga.
Nyuma yo kurahira, Perezida ashyiraho Minisitiri w'Intebe bitarenze iminsi 15 . Abaminisitiri, Abanyamabanga ba Leta n'abandi bagize Guverinoma bashyirwaho bitarenze iminsi 15 nyuma y'ishyirwaho rya Minisitiri w'Intebe.
Ku wa 14 no ku wa 15 Nyakanga 2024, ni bwo Abanyarwanda barenga miliyoni icyenda baba ababa mu mahanga n'imbere mu gihugu bazindukiye mu matora y'Umukuru w'Igihugu n'ay'Abadepite.
Ni amatora Umuryango FPR-Inkotanyi watsinzemo abo wari uhanganye na bo haba ku mwanya w'Umukuru w'Igihugu no ku badepite, nk'uko iby'ibanze byatangajwe na Komisiyo y'Igihugu y'Amatora bibigaragaza.
Yakurikiranwe n'indorerezi z'imiryango itanu irimo uwa Afurika Yunze Ubumwe, COMESA, Umuryango wa Afurika y'Iburasirazuba (EAC), CEEAC-ECCAS n'uw'Ibihugu Bikoresha Ururimi rw'Igifaransa, OIF.
Iza EAC zari ziyobowe na Prof David Maraga, washimiye imigendekere myiza yayo, akagaragaza ko 'ari amwe mu matora ya mbere niboneye n'amaso yanjye yagenze neza, ngereranyije n'andi nabonye.'
Ati 'Cyane cyane ku munsi w'itora byari binyuze mu mucyo mbese bikozwe neza cyane. Muri raporo tuzatanga, iyi migendekere myiza ni ikintu tuzagarukaho. Imitegurire yari ku rwego rwo hejuru utabasha gusobanura.'
Ni ubunararibonye Prof Maraga yagereranyije n'andi matora yo mu bindi bihugu yiboneye, aho yavuze ko yo aba agizwe n'imyigaragambyo, akavuyo n'izindi kidobya nyinshi, ibintu atigeze abona mu Rwanda, haba mbere na nyuma y'amatora.
Ati 'Ahandi usanga ibintu ari akaduruvayo, basakuza ndetse no ku munsi w'itora ntibatinye kubigakorerwa ku ma site y'itora. Ibyo ntibyigeze bibaho hano na busa, nta na bike rwose.'
Yagarageje ko uretse we, n'indorerezi 55 yari ayoboye zari zoherejwe mu bice bitanduakanye by'igihugu ku ma site y'itora zamuhamirije ko ibintu byagenze neza aho 'bambwiye ko nta kidobya zabayeho muri rusange.'
Prof. Maraga yari ayoboye itsinda ry'indorerezi zavuye mu bihugu binyamuryango bya EAC n'izavuye mu Nteko Ishinga Amategeko y'Umuryango wa Afurika y'Iburasirazuba, EALA.
Mu minsi ishize amatora ataraba Komisiyo y'Igihugu y'Amatora (NEC) yari yatangaje ko imaze kwakira indorerezi zemerewe gukurikirana amatora y'Umukuru w'Igihugu n'ay'Abadepite, zigera kuri 1110 ziturutse hirya no hino.
Izo ndorerezi zirimo Abanyarwanda 776 n'abanyamahanga 334 baturutse mu bihigu binyuranye ndetse n'imiryango mpuzamahanga.
Iki Kibuga Mpuzamahanga cy'Indege kizitwa Kigali International Airport kiri kubakwa, ni umushinga uri gukorerwa mu Karere ka Bugesera, mu Murenge wa Rilima, mu bilometero bike uvuye ku mbago z'Umujyi wa Kigali.
Cyatangiye kubakwa na Leta y'u Rwanda mu 2017, aho byari biteganyijwe ko kizuzuza mu 2024, ariko mu mwaka wakurikiyeho, Qatar Airways yifuje gushyiraho uruhare rwayo. Ni ibyahise bijyana no kongera kunoza neza inyigo yo kucyagura ku buryo mu 2026 ari bwo cyari kuzura gitwaye miliyari ebyiri z'amadolari.
Ubu biteganyijwe ko mu 2028 iki kibuga cy'indege kizaba cyatangiye gukora, ndetse cyarashowemo amafaranga ashobora kuzarenga miliyari ebyiri z'amadolari.
Ubu kiri kubakwa mu byiciro bibiri aho icyiciro cya mbere ari iki kigeze kuri 85% gisozwa, kikaba ari icyo kubaka ibikorwa remezo byo ku butaka 'Horizontal Construction'.
Imirimo muri iki gice harimo iyo gusiza ibibanza, kubaka imiyoboro y'amazi, kuzitira ikibuga cy'indege, imihanda yo mu kibuga imbere ingana na kilometero 50, inzu za sitasiyo nto z'amashanyarazi, imihanda indege zimanukiramo zikanahahagurukira ndetse n'indi iba iri kuruhande rw'iyi yindi ikora nk'aho indege zihagarara zimaze kumanuka.
Jules Ndanga Yavuze ko gusiza ibibanza bigeze nko ku rugero rwa 95%, kubaka imiyoboro y'amazi nabyo bikaba biri hafi kugera kuri 90%, imirimo yo gusoza gutunganya sitasiyo nto zakira amashanyarazi igeze ku rugero rwa 50%, mu gihe imirimo yo gutunganya imihanda ikoreshwa n'indege n'indi ikoreshwa n'imodoka, igeze ku rugero rwa 80%.
Ati 'Impamvu tuvuga ko iyi 15% isigaye izihuta ni uko ibisa nk'ibisigaye ari ugusoza imirimo yo gutunganya sitasiyo z'amashanyarazi nto, kuko ibikoresho bizajyamo bigeze nka Dar es Salaam biza kandi kubishyiramo byo bizatwara igihe gito.'
Muri Nzeri 2024, ubwo imirimo y'icyiciro cya mbere izaba irangiye, imirimo y'icyiciro cya kabiri izahita itangira.
Aha niho hazubakwa hakanashyirwa iby'ingenzi mu mazu yakirirwamo abagenzi cyangwa bategererezamo, andi y'ububiko bw'imizigo, kubaka iminara igenzurirwamo ingendo z'indege, ishyirwaho ry'amatara na za camera, scanners, n'ibindi byinshi bikenerwa ku kibuga cy'indege.
Yavuze ko hari kunozwa neza ibijyanye n'isoko rizahabwa rwiyemezamirimo uzuzuza ikibuga [gusoza imirimo y'icyiciro cya kabiri], ndetse ko azaba yamaze guhabwa amasezerano, mbere y'uko imirimo y'icyiciro cya mbere irangira.
Ati 'Turateganya ko tuzasinya amasezerano bitarenze ukwezi gutaha, mbese rwiyemezamirimo wa kabiri azaba yasinye amasezerano mbere y'uko uwa mbere arangiza aye.'
'Muri rusange mu 2027 imirimo yose ikenewe izaba yarangiye kugira ngo iki kibuga gitangire gukoreshwa.'
Ndanga, yavuze ko ubwo imirimo y'iki kibuga izaba irangiye kizatanga umusaruro ukomeye ku Gihugu.
Ati 'Hari abantu benshi bahabwa imirimo mu kubaka ikibuga, nicyuzura serivizi z'ubwikorezi bwo mu kirere mu Rwanda zizahita zizamuka ku buryo rushobora guhatana n'ibindi bihugu, ikindi ni uko iki kibuga kizashoboza ubundi bushabitsi kwaguka bigafasha abikorera kuzamura ubucuruzi bwabo.'
Iki kibuga cy'indege cyitezweho kuba ihuriro ry'ingendo z'indege muri Afurika kuko kizaba cyagutse gishobora kwakira indege nyinshi zijya mu byerekezo byinshi, ku buryo abagenzi bafite aho bashaka kwerekeza hose muri Afurika no hanze yabo bazajya bahabona indege byoroshye.
ATL iteganya ko iki kibuga cy'indege nicyuzura, kizajya cyakira abagenzi bagera kuri miliyoni umunani ku mwaka n'imizigo ipima toni ibihumbi 150, icyakora aba bagenzi bakaba bazagera kuri miliyoni 14 ku mwaka mu yindi myaka izakurikiraho.
Amafoto: Aviation Travel & Logistics
Ni ibirego Perezida Ruto yatangarije i Nakuru mu Burengerazuba bwa Kenya, ubwo yari amaze gutangiza imwe mu mishinga y'iterambere iri gukorerwa muri icyo gice.
Yavuze ko Ford Foundation ari yo itera inkunga amatsinda amaze iminsi ayoboye ibikorwa by'ubugizi bwa nabi mu bice bitandukanye bya Kenya.
Nubwo atagaragaje ibimenyetso by'ibyo birego, Perezida Ruto yavuze ko azagaragaza n'indi miryango itari iya leta yagize uruhare mu gushyigikira imyigaragambyo isenya igihugu.
Ati 'Turashaka kubaza Ford Foundation ngo ni izihe nyungu ifite mu gutanga amafaranga yo gutera inkunga imyigaragambyo?.'
Mu magambo y'Igiswahili Perezida Ruto, yavuze ko 'tugiye guhamagaza uwo muryango, tuwubaze niba udasha ko demokarasi yogera muri Kenya. Tuwubaze niba ushaka gukomeza gutera inkunga imyigaragambyo? Nibahagarike cyangwa bazinge utwabo.'
Ni ibirego bishobora kuzahaza umubano wa Kenya n'iki gihugu cyo mu Burengerazuba bw'Isi.
Icyakora Ford Foundation yabyamaganiye kure, igaragaza ko itigeze igira uruhare mu bikorwa byo gutera inkunga imyigaragambyo mu buryo bumwe cyangwa ubundi.
Mu itangazo washyize hanze, uyu muryango wagize uti 'Ntabwo twigeze dutera inkunga imyigaragambyo imaze iminsi iba, ishingiye ku kutemera umushinga w'itegeko [ryo kongera imisoro]. Iyo dutera inkunga ntitujya tugira uruhande tubogamiraho rwaba rushingiye no ku mpamvu za politiki.'
Uyu muryango wavuze ko imyaka 60 ishize ugira uruhare mu guteza imbere imishinga myinshi iteza imbere ibihugu byo mu Karere, bityo ko itakwijomba icumu mu kirenge isenya ibyo yagize uruhare mu kubaka.
Bora Shingiro yaherukaga gutwara igikombe cyihariye mu bihembo bya Mashariki African Film Festival byatanzwe ku wa 1 Ukuboza 2023, muri Kigali Conference and Exhibition ahazwi nka Camp Kigali.
Icyo gihe yegukanye igihembo cy'amadorali 1000, kandi yagaragaje ko yakozwe ku mutima no kuba yashimiwe akazi yakoze. Yahigitse izindi mu cyiciro cya 'Signis Awards' muri Mashariki.
Filime ye 'Igihuku' ihataniye igikombe mu iserukiramuco 'Maine International Film Festival' mu cyiciro cya filime ngufi 'Narrative Short' riri kuba ku nshuro ya 27 mu Mujyi wa Portland muri Leta ya Maine.
Ihatanye n'izindi filime zirimo nka Awin. Kaveh Jahed (Iran); Goodnight, Over And Out. Sol Bergé Mastrolillo (Argentina), Lyubima. Maya Ivanova Vitkova-Kosev (Bulgaria), Shadows. Tom Lovegrin (Amerika), Sneak. Xujiao Zhang (China), The Ball. Homer Gallego (Mexico), The Garden.Julian Wang (China), Tirria. Marcos H. Pechio (Puerto Rico) ndetse na You're On Your Own, Kid. Michael Matsui (Amerika).      Â
Iyi filime ye inahataniyemo igikombe mu iserukiramuco 'Sacramento Underground Film&Arts Festival' riri kuba ku nshuro ya 9 mu Mujyi wa California.
Bora Shingiro ni we wagize uruhare mu gutegura no gutunganya filime 'City Maid' yamamaye cyane kuri Televiziyo Rwanda. Yatangiye kwigaragaza cyane muri sinema mu mwaka wa 2010, akaba yaratangiriye kuri filime ndende yitwa 'Icyabuze'.
Filime ye ‘Igihuku’ yubakiye ku rugendo rw’umwana w’umukobwa n’umuryango we bahungiye muri Kiliziya Gatolika mu gihe cya Jenoside yakorewe Abatutsi mu 1994. Bari bizeye y’uko Imana izabatara.
Ariko baje gusanga ahantu bafataga nk’ahantu hera, ariko hiciwe abatutsi benshi mu bice bitandukanye by’u Rwanda.
Bora Shingiro aherutse kubwira InyaRwanda ko yandika iyi filime yashakaga kugaragaza ko muri iki gihe hakenewe uruhare rw’amadini mu isanamitima.
Ati “Kuko twashenguwe cyane n’uruhare rw’amadini muri Jenoside yakorewe Abatutsi. Turabakeneye kugirango bubake sosiyete Nyarwanda.”
Filime ye ‘Igihuku’ yerekanwe bwa mbere mu iserukiramuco nyafurika rya sinema ribera muri Amerika rizwi nka Silicon Valley African Festival, muri Nyakanga 2019.
Ni mu gihe filime 'Citizen Kwame' ya Yuhi Amuli ihatanye mu cyiciro cya filime ndende (Feature Film) mu iserukiramuco 'Maine International Film Festival'.
Iyi filime y'iminota 82' yakinnyemo abakinnyi barimo nka Kennedy Mazimpaka, Laura Profrock, Xavier Lapouille, Yuhi Amuli n'abandi. Iyi filime yerekanwe ku wa 13 na 14 Nyakanga 2024, mbere y'uko haba umuhango wo gutanga ibihembo.
Iserukiramuco 'Maine International Film Festival' ni ngaruka mwaka. Ingengabihe yaryo igaragaza ko ryatangiye ku wa 12 Nyakanga 2024, aho biteganyijwe ko rizasozwa tariki 21 Nyakanga 2024 mu Mujyi wa Maine ari nabwo hazamenyekanye abatsinze.
Iri serukiramuco risanzwe ryakira filime zikomeye ku Isi, zikabanza kwerekanwa mbere y'uko haba umuhango wo gutanga ibihembo.
Iserukiramuco 'Sacramento Underground Film & Arts Festival' ryo riri kuba ku nshuro ya cyenda. Rifatwa nkirituma umujyi wa California ugira ubwitabire bw'abantu benshi ahanini bitewe n'uko rihuriza hamwe abafite filime zikomeye ku Isi.
Kuri iyi nshuro ryatangiye ku wa 21 Nyakanga 2024, aho biteganyijwe ko rizasozwa ku wa 24 Nyakanga 2024, ari nabwo hazamenyekana abatsinze mu ngeri zinyuranye z'ibyiciro byatoranyijwe.
Yuhi Amuli asanzwe ari umwanditsi wa filime akaba n'umushoramari. Muri Nyakanga 2022, filime ye 'A Taste of Our Land' yegukanye igihembo, mu iserukiramuco ryitwa 'Khouribga African Film Festival' ryabereye muri Maroc.
Iyi filime 'A Taste of Our Land' ivuga ku bashinwa muri Afurika, aho ibara inkuru y'umusaza utoragura ibuye rya zahabu mu kirombe, maze agashaka kurigurisha n'umushinwa uba ari kumwirukaho ngo arimwambure.
Si ubwa mbere iyi filime yegukanye igikombe, kuko mu myaka ishize yerekanwe bwa mbere mu Mujyi wa Los Angeles, mu iserukiramuco PanAfrican Film Festival itwara igihombe cya filime nziza ndende (Best First Feature Film by a Director).
Yuhi Amuli ni umuyobozi wa filime, umwanditsi, ndetse n'umushoramari muri filime ukomoka mu Rwanda. Uyu musore yakoze filime ngufi eshatu harimo Ishaba yasohotse mu 2015, Akarwa yo mu 2016 na Kazungu yo mu 2018. Zose zagiye zerekanwa mu ma serukiramuco atandukanye ku Isi nko mu Bufaransa, Afurika y'Epfo, Canada na Egypt.
Kanda hano: Iserukiramuco ‘Sacramento’ riri kuba ku nshuro ya Cyenda
Kanda hano: Iserukiramuco ‘Maine International Film Festival’ riri kuba ku nshuro ya 27
Bora Shingiro nyuma yo guhiga abandi agatwara 'Special Award' muri Mashariki African Film Festival abicyesha filime ye 'Igihuku' ari guhatanira ibihembo bibiri muri Amerika
Filime 'Citizen Kwame' ya Yuhi Amuli [Uri iburyo] ihataniye igikombe mu iserukiramuco 'Maine International Film Festival'
Filime 'Igihuku' ya Bora Shingiro iherutse kwegukana igikombe muri Mashariki African Film FestivalÂ
Bora Shingiro yatangaje ko kuba filime ye ihataniye ibihembo mu maserukiramuco akomeye muri Amerika, bigaragaza ko yakoranwe ubushishoziÂ
Filime ‘Igihuku’ yagiye ihatanira ibihembo bikomeye ku Isi mu bihe bitandukanye
Ikipe ya Rayon Sports imaze gutangaza ibiciro by'itike yo kwinjira ku mukino wa gishuti ifitanye na Gorilla FC mu rwego rwo kwitegura imikino ya Shampiyona izatangira muri uku kwa Munani.
Itike ya macye ni ibihumbi 3, ahasakaye ni ibihumbi 5, muri VIP n'ibihumbi 10 ndetse na VVIP ho ni ibihumbi 20 Frw.
Uyu mukino uzaba kuri uyu wa Gatandatu tariki 20 Nyakanga 2024, ukazabere kuri Kigali Pelé Stadium.
Turamenyesha ko uwitwa UWISAYIDIYE Mariam mwene Mujyanama Abdou na Kanteteri Afissa, utuye mu Mudugudu wa Gasabo, Akagari ka Kabuguru Ii, Umurenge wa Rwezamenyo, Akarere ka
Nyarugenge, mu Mujyi wa Kigali wanditse asaba uburenganzira bwo guhinduza amazina asanganywe ariyo UWISAYIDIYE Mariam, akitwa RAFIKI Mariam UWISAYIDIYE mu gitabo
cy'irangamimerere.
Impamvu atanga yo guhinduza izina ni Izina niswe n'ababyeyi.
The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.
Union Saint Gilloise yamaze gutandukana n’umunyezamu w’Umunyarwanda, Maxime Wenssens nyuma y’umwaka umwe ayikinira.
Uyu munyezamu w’imyaka 22 atandukanye n’iyi kipe ikina mu cyiciro cya mbere mu Bubiligi ni nyuma y’uko umwaka yari amaze muri iyi kipe atigeze abona amahirwe yo gukina umwanya uhagije.
Amasezerano ye akaba yararangiye tariki ya 30 Kamena 2024 ikipe ihitamo kumurekura na we akaba yarifuzaga kuba yajya mu ikipe akina kugira ngo nawe arebe ko yazabona umwanya mu ikipe y’igihugu.
Maxime umaze guhamagrwa mu Mavubi inshuro zirenze imwe, amaze gukinira ikipe y’igihugu umukino umwe wa gicuti wabaye tariki ya 24 Werurwe 2024 batsindira Madagascar iwayo 2-0. Maxime kandi yakiniye amakipe nka St. Truiden na KV Mechelen.
Source : http://isimbi.rw/siporo/article/ikipe-yo-mu-cyiciro-cya-mbere-mu-bubiligi-yatandukanye-n-umunyezamu