Category: Uncategorized

Ku munsi w’ejo ku wa Mbere tariki ya 15 Nyakanga 2024 ni bwo mu Rwanda habaye amatora y’Umukuru w’Igihugu akomatanyije n’ay’Abadepite. Ni nyuma y’uko abanyarwanda batuye mu mahanga batoye ku wa 14 Nyakanga 2024.

Mu ijoro ry’ukumunsi w’ejo n’ubundi Komisiyo y'Igihugu y'Amatora, NEC yatangaje iby’ibanze byavuye mu matora y'Umukuru w'Igihugu, bikaba byagaragaje ko Perezida  Kagame yatsinze amatora ku majwi 99.15%, mu gihe abo bari bahanganye, Dr Habineza Frank yagize amajwi 0.53% naho Mpayimana Phillippe agira amajwi 0.32%.

Ubwo hatangazwaga iby’ibanze byavuye mu matora y'Umukuru w'Igihugu ,Abanyamuryango ba FPR-Inkotanyi bari ku Intare Arena i Rusororo, ahasanzwe hari icyicaro gikuru cy'uyu muryango.

Nyuma yo gutsinda amatora, Perezida Kagame yashimiye abo mu muryango we baba bari kumwe igihe cyose ndetse anashimira Abanyarwanda muri rusange.

Muri ibi birori byo kwishimira intsinzi hari hari abantu batandukanye barimo n’abazwi mu bisata bitandukanye cyane cyane abiganjemo abahanzi.

Perezida Kagame yashimiye abo mu muryango we avuga ko bamubera akabando ndetse, anashimira Abanyarwanda muri rusange 

Byari ibyishimo ku muryango wa Perezida Kagame 

Perezida Kagame na Madamu bishimira intsinzi 

Ubwo Perezida Kagame n’abo mu muryango we barebaga ibyavuye mu matora 

Madamu Jeannette Kagame abyinana n’abandi ba nyamuryango ba FPR-Inkotanyi bishimira intsinzi 

Abarimo Ruti Joel bacinya akadiho

Byari ibyishimo ku bari bitabiriye umugoroba w’intsinzi 

Munyakazi Sadate wayoboye Rayon Sports ni umwe mu bari bitabiriye uyu mugoroba w’intsinzi

Abanyarwanda batoye Umukuru w'Igihugu n'abadepite tariki ya 14 Nyakanga n'iya 15 Nyakanga 2024 nyuma y'ibikorwa byo kwiyamamaza byamaze ibyumweru bitatu.

Mu kiganiro n'umunyamakuru wa TV5 Monde, Muyaya yatangaje ko amatora yo mu Rwanda yabereye mu muhezo, kandi ngo nta rwego rw'indorerezi rwizewe rwaje kuyakurikirana.

Yabwiye umunyamakuru ati ati 'Mwatweretse amatora yo mu Rwanda yabereye mu muhezo, yarimo abatavuga rumwe n'ubutegetsi babiri bagaruwe. Nabonye indorerezi ya FPR, nabwo ari indorerezi y'umuryango w'Ubumwe bw'Uburayi cyangwa inzego zikomeye z'amatora zizwi. Ibyo byose byerekana imiterere ya politiki ya hariya.'

Minisitiri Nduhungirehe yasubije Muyaya ko ibikorwa byo kwiyamamaza ndetse n'amatora byagenze neza, mu mutuzo, mu byishimo kandi umutekano umeze neza mu gihugu.

Yibukije Muyaya ko mu matora ya Perezida wa RDC yabaye mu Ukuboza 2023, habaye ibikorwa by'urugomo, amumenyesha ko mu Rwanda nta kibazo na kimwe cyahabaye, ati 'Nta rugomo rwahabaye.'

Minisitiri Nduhungirehe yibukije Muyaya ko mu matora yabaye muri RDC, ibikoresho by'itora byibwe hirya no hino, bimwe bisangwa mu nzu z'abanyamuryango b'ishyaka UDPS riri ku butegetsi, ibyumba by'amatora birangizwa, abaturage babuzwa gutora.

Yamwibukije kandi ko muri RDC, Chérubin Okende utaravugaga rumwe n'ubutegetsi bw'iki gihugu yishwe arasiwe mu modoka muri Nyakanga 2023, nyuma muri Gicurasi 2024 Umushinjacyaha Mukuru abeshya ko yiyahuye.

Mu gukomeza kwerekana uko RDC yugarijwe n'ibibazo byagizwemo uruhare n'ubutegetsi bwayo, Nduhungirehe yibukije Muyaya ko abasirikare n'abapolisi bo muri iki gihugu batwikwa bazira isura yabo. Yamubwiye ko ibyo bitigeze biba mu Rwanda.

Minisitiri Nduhungirehe yagararije Muyaya ko Perezida wa RDC ari umunyarugomo, amwibutsa ko uyu Mukuru w'Igihugu mu 2023 yavugiye mu bikorwa byo kwiyamamaza ko azarasa i Kigali, akure Perezida Paul Kagame ku butegetsi.

Bitandukanye n'ibyavuzwe na Muyaya, Nduhungirehe yagaragaje ko amatora y'u Rwanda yakurikiranywe n'indorerezi z'imiryango itanu: Afurika yunze ubumwe, COMESA, umuryango wa Afurika y'iburasirazuba (EAC), CEEAC-ECCAS n'uw'ibihugu bikoresha ururimi rw'Igifaransa, OIF.

Ati 'Ku kuba 'nta misiyo y'indorerezi yizewe yaje mu Rwanda', i Kigali ubu hari indorerezi zitandukanye zo mu miryango itanu irimo iyo mu karere na mpuzamahanga RDC ibereye umunyamuryango. Ntabwo nari nzi ko guverinoma ya RDC iri mu bihe byahise byo kubura ubwenge n'indangagaciro, kugeza aho igerageza gutesha agaciro imiryango yo muri Afurika ibereye umunyamuryango.'

Komisiyo y'amatora yatangaje ko amatora yagenze neza cyane. Ibi byashimangiwe n'indorerezi zitandukanye zaje kuyakurikirana. Iby'ibanze byavuyemo byerekana ko Kagame yagize amajwi 99,15%, Dr Frank Habineza agira 0,53%, Mpayimana Philippe agira 0,32%.

Muyaya yagaragaje ko amatora yo mu Rwanda yari kugenda neza iyo akurikiranwa n’indorerezi z’Ubumwe bw’Uburayi

Minisitiri Nduhungirehe yagaragarije Muyaya ibibazo byugarije RDC, guverinoma yabo ikwiye gukemura mbere yo kunenga amatora yo mu Rwanda

Abinyujije kuri X, Perezida Andry Rajoelina yanditse ati 'Mu izina ry'abaturage ba Madagascar, ndashimira cyane umuvandimwe wanjye Paul Kagame ku kongera gutorwa ku majwi 99.15%, nk'uko byatangajwe nk'ibyavuye mu matora by'agateganyo. Turifuriza u Rwanda amahoro n'iterambere'.

U Rwanda na Madagascar bisanzwe bifitanye umubano mwiza, aho mu 2023 ibi bihugu byombi byasinyanye amasezerano y'ubufatanye mu bijyanye n'ubucuruzi n'ishoramari hagati y'inzego z'abikorera hagamijwe koroherezanya ku mpande zombi.

Perezida Andry Rajoelina aheruka guhura na Perezida Kagame muri Kanama 2023 ubwo yari ari mu ruzinduko rw'akazi rw'iminsi itatu mu Rwanda. Icyo gihe Perezida Andry Rajoelina yashimye uburyo Perezida Kagame yizerera mu kugira Afurika yishoboye, iteye imbere kandi ishobora kwikemurira ibibazo byaba iby'ubushomeri, umutekano n'ibindi.

Yavuze kandi ko icyo cyerekezo cya Perezida Kagame bagihuriyeho kandi ko igihugu cye cyiteguye gufatanya n'u Rwanda kugira ngo iterambere ry'ibihugu byombi na Afurika muri rusange rigerweho.

Perezida Andry Rajoelina yishimiye intsinzi ya Perezida Kagame Paul