Category: Uncategorized

Umutwe wa politiki wakurikiyeho ni Ishyaka Riharanira ukwishyira ukizana kwa buri muntu, Parti Liberale (PL), ryagize 10.97% bingana n'abarishyigigikiye bagera kuri 957,602.

Ishyaka riharanira Demokarasi n'Imibereho myiza y'abaturage (PSD) ryatowe na 827,182 bingana na 9.48%, hakurikiraho Ishyaka Ntangarugero muri Demokarasi (PDI) rifite abaritoye 507,474 bingana na 5.81%.

Ishyaka Riharanira Demokarasi no kurengera ibidukikije mu Rwanda (DGPR-Green Party-Rwanda) ryagize 5.30% bingana n'abantu 462,290, mu gihe PS Imberakuri ifite abantu 459,526 bingana na 5.26%.

Ni mu gihe Nsengiyumva Janvier wiyamamaje nk'umukandida wigenga yagize amajwi 44,881 bingana na 0.51%.

Hashingiwe kuri ayo majwi y'ibanze, NEC yise icyerekezo, dushobora kubona ishusho y'imyanya nibura buri mutwe wa politiki ushobora kwegukana mu Nteko Ishinga Amategeko mu myanya 53 ihatanirwa.

Dushingiye ku ntonde zatanzwe n'iyi mitwe ya politiki, tubona amwe mu mazina afite amahirwe menshi yo kuzisanga mu Nteko Ishinga Amategeko muri manda y'imyaka itanu itaha.

Muri FPR Inkotanyi n'imitwe ya politiki bifatanyije

Abahabwa amahirwe muri FPR Inkotanyi n'indi mitwe bifatanije ari yoPDC, PPC, PSR, PSP na UDPR, hashingiwe ku ijanisha babonye, bashobora kuzegukana nibura imyanya itari munsi ya 33.

Ku bari ku rutonde bari muri iyo myanya hagaragaramo benshi bari mu Nteko muri manda ishize.

Ni urutonde ruriho Ayinkamiye Speciose, Nyabenda Damien, Uwamariya Veneranda, Uwineza Beline, Bakundufite Christine, Ndoriyobijya Emmanuel, Bitunguramye Diogene na Pie Nizeyimana.

Hari kandi Karemera Emmanuel, Rubagumya Furaha Emma, Senani Benôit, Mpembyemungu Winifrida, Mussolin Eugène, Uwamahoro Odette, Karinijabo Balthelemy, Uwiringiyimana Philbert na Murumunawabo Cécilè

Hagaragaraho kandi Mukayiranga Sylivie, Nzamwita Déogratias, Kanamugire James, Uwizeye Marie Théresè, Mvano Nsabimana Etienne, Nkuranga Egide, Nyiramana Christine, Nabahire Anastase, Turamwishimiye Marie Rose, Kayigire Therence, Murora Beth, Munyandamutsa Jean Paul, Wibabara Jennifer, Mujawabega Yvonne, Ndereremungu Joseph na Umutesi Liliane.

Hakaba hashobora no kwiyungeraho n'abandi nk'uko urutonde rubagaragaza, mu gihe hazamenyekana amajwi ntakuka y'ibyavuye mu matora.

Muri PL

Hakurikijwe amajwi y'ibanze yatangajwe na NEC, Ishyaka Riharanira ukwishyira ukizana kwa buri muntu [PL], byagaragaje ko nibura ryabona imyanya itari munsi y'itanu muri 53 y'Abagize Inteko Ishinga Amategeko.

Abahabwa amahirwe muri iri Syaka, bagaragara imbere ku rutonde barimo Munyangeyo Théogenè, Rutebuka Balinda, Mukamwiza Gloriose, Nsangabandi Erneste, Tumukunde Aimée Marie Ange na Murenzi Phanuel.

Muri PSD

Abafite amahirwe yo kujya mu Nteko bahagarariye Ishyaka riharanira Demokarasi n'Imibereho Myiza y'Abaturage, PSD, barangajwe imbere na Muhakwa Valens, wari usanzwe no mu Nteko ayoboye Komisiyo Ishinzwe gukurikirana Imikoreshereze y'Umutungo w'Igihugu, PAC, hakaba kandi na De Bonheur Jeanne d'Arc, Niyongana Gallican, Uwubutatu Marie Théresè na Bizimana Minani Déogratias.

Muri PDI

Abashobora kuzahagararira iri shyaka mu Nteko mu gihe amajwi ya burundu yasiga ritsindiye imyanya nibura itatu baba ari Harerimana Mussa Fazil wari usanzwe ari Visi Perezida w'Umutwe w'Abadepite muri manda ishize, hakaba Niwemahoro Wassila na Mbarushimana Yasini.

Muri DGPR Green Party

Abahabwa amahirwe yo kwinjira mu Nteko Ishinga Amategeko y'u Rwanda bahagarariye Ishyaka riharanira Demokarasi no kurengera Ibidukikije mu Rwanda, ukurikije iby'ibanze byatangajwe harimo Ntezimana Jean Claude wari usanzwemo na Maombi Carine, bashobora kwiyongeraho na Icyizanye Masozera, mu gihe ryatsindira imyanya itatu.

Muri PS Imberakuri

Abahabwa amahirwe yo kujya mu Nteko bahagarariye Ishyaka ry'Imberakuri riharanira Imibereho Myiza ni Mukabunani Christine na Niyorurema Jean René bombi bari basanzwe mu Nteko muri manda ishize, mu gihe batsindira umwanya wa gatatu bajyanamo na Nyiramajyambere Scholastique.

Biteganyijwe ko Komisiyo y'Igihugu y'Amatora izatangaza ibyavuye mu matora y'Abadepite by'agateganyo bitarenze ku wa 20 Nyakanga 2024, ni mu gihe ibyavuyemo mu buryo bwa burundu bizatangazwa bitarenze ku wa 27 Nyakanga 2024.

Iri tsinda ryakiriwe na Gasamagera ryari riyobowe n'Umunyamabanga Nshingwabikorwa wa CMU, Simplice Sarandji, usanzwe ari na Perezida w'Inteko Ishinga Amategeko ya Repubulika ya Centrafrique.

Itsinda rya CMU ryakiriwe ku bunyamananga bw'Umuryango FPR-Inkotanyi buherereye i Rusororo mu Karere ka Gasabo nk'uko wabitangaje kuri X.

Ibinyujije ku rubuga rwa X, FPR-Inkotanyi yagize iti 'Abayobozi bombi baganiriye ku nyungu zireba impande zombi ndetse banasinyana amasezerano y'ubufatanye.'

Uretse umubano mwiza uri hagati ya CMU na FPR-Inkotanyi no ku rwego rw'ibihugu uyu mubano umaze gukomera, aho nk'u Rwanda rufite abapolisi mu butumwa bwa Loni bwo kubungabunga umutekano muri iki gihugu buzwi nka MINUSCA.

Uretse abapolisi b'u Rwanda bari gufasha muri MINUSCA kuva mu 2014, mu 2020 ibihugu byombi byasinye amasezerano y'ubufatanye aho u Rwanda rwohereje abasirikare bagera ku 1200 bagiye guhagarika inyeshyamba za François Bozizé zari zisumbirije umujyi wa Bangui.

Ikindi cyiyongereye mu kazi kabo ni ukubaka ubushobozi bw'ingabo za Repubulika ya Centrafrique, aho mu Ugushyingo 2023, abasirikare basaga 500 b'iki gihugu batojwe n'Ingabo z'u Rwanda bakinjizwa mu Ngabo z'iki gihugu, FACA.

Ku wa kuri uyu wa 22 Gashyantare 2024 u Rwanda na Repubulika ya Centrafrique binyuze muri minisiteri zabyo z'umutekano, byasinye amasezerano y'ubufatanye mu gushimangira umutekano hagati y'ibihugu byombi.

Aya masezerano yari agamije gushimangira ayari aherutse gusinywa hagati ya Polisi y'u Rwanda n'iya Repubulika ya Centrafrique, yo guteza imbere izo nzego zombi zikarushaho kubungabunga umutekano w'abaturage.

Byateganywaga ko hazabaho uburyo bwo gufatanya no kohereza abarimu b'Abanyarwanda bakajya kwigishiriza abapolisi cyangwa abajandarume babo muri Repubulika ya Centrafrique kugira ngo, iki gihugu kibashe guhugura umubare munini bidahenze.

Ni ukugira ngo umunsi Repubulika ya Centrafrique nk'igihugu kiri gusohoka mu ntambara, cyiyubatse mu gihe Loni n'ubundi bufasha bari guhabwa butazaba buhari na bo babashe kwicungira umutekano.

Ishyaka Mouvement Cœurs Unis, CMU ryo muri Repubulika ya Centrafrique n’Umuryango FPR-Inkotanyi byashinyanye amasezerano y’imikoranire

Umuryango FPR-Inkotanyi wakiriye Ishyaka Mouvement Cœurs Unis, CMU ryo muri Repubulika ya Centrafrique ku biro byawo biherereye i Rusororo mu Karere ka Gasabo

Mu ntangiriro z’iki Cyumweru ni bwo byemejwe ko uyu mukinnyi w’Umunyarwanda yerekeje muri Kaizer Chiefs yo muri Afurika y’Epfo avuye muri TS Galaxy nayo yo muri iki gihugu asinye amasezerano y’imyaka 3 atanzweho arenga Miliyoni 400 z’Amanyarwanda.

Ntwari Fiacre w’imyaka 24 yatanzweho aka kayabo nyuma y’umwaka umwe gusa yari ageze mu ikipe ya TS Galaxy avuye muri AS Kigali. Akigeramo, ntabwo yabanzaga mu kibuga muri shampiyona ahubwo yakinishwaga mu mikino y’igikombe cya Carling Knockout Cup. 

Muri iki gikombe yitwaye neza ndetse atangira no kujya akuramo za penariti, bituma no mu mikino ya shampiyona ahabwa umwanya, naho ytwara neza birangira ari we ubaye umunyezamu wa mbere mu marushanwa yose.

Mu mikino 29 yakinnye mu marushanwa yose muri TS Galaxy, yabashije kurangiza 12, none birangiye yerekeje muri Chiefs ikunzwe kurusha andi makipe yose muri Afurika y’Epfo.

Usibye kuba yaraguzwe amafaranga menshi ahubwo azajya anahembwa akayabo kuko amakuru avuga ko harimo n’uduhimbazamushyi azajya ahembwa agera Miliyoni 15 z’Amanyarwanda ku kwezi ndetse hari n’ibindi yemerewe birimo n’inzu yo kubamo mu mujyi wa Johannesburg.

Ni irihe somo abakinnyi b’Abanyarwanda bakiri bato bakwiriye kwigira kuri Ntwari Fiacre?

Kimwe mu bibazo abakinnyi b’Abanyarwanda bakiri bato bagira ni ukutareba kure ndetse ngo banamenye ko bagera kure. Ntwari Fiacre yazamukiye mu ikipe y’Intare FC muri 2016, akomereza muri APR FC muri 2017 ari umunyezamu wa Gatatu. Mu 2020 yerekeje muri Marine FC ahamara umwaka umwe, ahita yerekeza muri AS Kigali yitwara neza ahamara imyaka 2.

Ubwo yari akimara kwitwara neza muri AS Kigali ndetse no mu Amavubi mu mpeshyi y’umwaka ushize, ikipe ya APR FC yaramushatse ariko arabyanga ahitamo kwerekeza muri TS Galaxy kuko yabonaga ari ho hazamushyira ku itara ku buryo bworoshye.

Aho Ntwari Fiacre yatandukaniye n’abandi bakinnyi b’Abanyarwanda bakiri bato, ni uko yarebye kure akareba ko aramutse yerekeje muri APR FC yari imaze gusubira ku gukinisha Abanyamahanga, kubona umwanya wo gukina byazamugora.

Yabonaga kandi atari nabyo byazamufasha kugera kure, ahubwo ko aramutse agiye hanze y’u Rwanda ari byo byazamufasha, akanabona umwanya wo gukina mu buryo bworoshye.

Ku bandi bakinnyi b’Abanyarwanda bakiri bato iyo APR FC igushatse biba bihagije

Duhereye ku rugero rwa hafi, umukinnyi ukiri muto wari umaze kwigaragaza mu mikino itarenze 3 ari muri Mukura VS, Elie Kategaya yabengutswe na APR FC, ahita ayerekezamo atabanje kureba niba azabona umwanya wo gukina.

Kuva yayigeramo imikino amaze gukina irabarirwa ku ntoki kandi ni umwe mu bakinnyi wabonaga ko aramutse akomereje mu ikipe imuha umwanya wo gukina akabanza akera neza, yazagera kuri byinshi bityo nawe akaba yagurwa Miliyoni 400 Frw.

Iyo ugiye kureba ubona ko abakinnyi b’Abanyarwanda bareba amafaranga y’ako kanya ndetse n’ubuzima bwiza ariko bikarangira bibaye nk’umuriro w’amashara. Ikindi gishobora kuba kibitera ni uko bashobora kuba batizeye impano zabo ku buryo baba bashaka kubyaza amahirwe umusaruro by’ako kanya ariko bitari iby’igihe kirekire.

Ntwari Fiacre warebye kure none akaba yaraguzwe arenga Miliyoni 400 z’Amanyarwanda 

Ntwari Fiacre yitwaye neza ari muri AS Kigali, gusa APR FC imushatse arabyanga 

Ntwari Fiacre ni we munyezamu wa mbere w’Amavubi kugeza ubu 

Aka karere gatangaza ko ingo zigera ku 24,000 ari zo zigiye guhabwa umuriro w'amashanyarazi zizamure ijanisha ry'abawufite uyu munsi bangana na 57.8% by'abahatuye bigere kuri 94%.

Umuyobozi w'Akarere ka Ngororero, Nkusi Christophe, yabwiye IGIHE ko aba baturage bagiye guhabwa amashanyarazi binyuze mu mushinga mugari wa miliyari 23.5$.

Ni umushinga wo gukwirakwiza amashanyarazi uri gukorera mu mirenge yose y'aka karere ugashyirwa mu bikorwa n'ikigo cyitwa CEGELEC gifatanyije na Sosiyete y'u Rwanda ishinzwe Ingufu (REG). Watangiye gushyirwa mu bikorwa mu 2023 ubu ukaba ugeze ku ijanisha rya 60%.

Meya Nkusi yavuze ko guha abaturage benshi umuriro w'amashanyarazi byitezweho kuzamura imibereho myiza yabo n'iterambere ry'ubukungu by'umwihariko gutuma urubyiruko rwugarijwe n'ubushomeri rubona akazi.

Yagize ati 'Kubona amashanyarazi bihindura ibintu byinshi. Bitanga akazi, kandi twizera ko urubyiruko rwacu ruzabasha gutangiza ama-salon n'ibindi bikorwa by'ubucuruzi bisaba amashanyarazi. Ibyo bizatezaza imbere imibereho yabo kandi babashe kwinjiza amafaranga abafasha aho batuye'.

Uyu muyobozi yemera ko kuba hari abaturage badafite umuriro w'amashanyarazi muri aka karere byabaye imbogamizi mu iterambere nk'uko binashimangirwa n'abaganiriye na na The New Times.

Muziranenge Acsa ucururiza mu isantere ya Kabaya muri Ngororero avuga ko kutagira umuriro uhagije bibabera imbogamizi ikomeye.

Yagize ati 'Akenshi tugira ikibazo cyo kubura umuriro kandi n'uwo dufite ntuhagije ku gukoresha bimwe mu bikoresho bikenera mashanyarazi. Nk'iyo nshomestse kettle, amatara yose ahita azima,ntiboroshye'.

Umuhoza Yvonne na we yavuze ko kutagira umuriro w'amashanyarazi ari ikbazo gikomeye by'umwihariko ku batuye mu bice bya kure y'aho uri kuko bagorwa cyane no gukoresha ibikoresho biwukenera.

Ibarura rusange rya gatanu ku baturage n'imiturire rya 2022 ryakozwe n'Ikigo cy'Igihugu cy'Ibarurishamibare rigaragaza ko abaturage bagera kuri 40% by'abatuye muri Ngororero ari bo bafite amashanyarazi. Abandi 39% bacana amatoroshi ya telefone, abagera 15% bacana inkwi, 1.7 bagakoresha amatara ya peteroli naho abagera kuri 1.3% bacana buji.

Ubuyobozi buvuga ko uyu mwaka uzasiga abatuye Ngororero bagerwaho n’umuriro w’amashanyarazi kuri 94%

Sous-Lieutenant Nkubito Kevin wari ufite imyaka 29 y’amavuko yapfanye n’abantu babiri bari kumwe nawe mu modoka ndetse amakuru avuga ko bose bari abasirikare. Ni impanuka yabaye mu Ijoro ryo kuwa Gatandatu rishyira ku Cyumweru tariki 14 Nyakanga 2024, ibera i Sheffield, mu Majyepfo ya New Brunswick muri Canada.

Polisi ya Canada [Royal Canadian Mounted Police: RCMP] yatangaje ko imodoka yari itwaye aba barisikare bo mu mutwe wa Oromocto yataye umuhanda, igonga igiti, ifatwa n’umuriro irakongoka, maze abantu batatu barimo umunyarwanda Sous Lieutenant Nkubito Kevin, bitaba Imana. 

RCMP yatangaje ko iyi modoka yerekezaga Iburasirazuba ku muhanda wa 105, ikaba yakoze impanuka ubwo yari igeze mu birometero 30 mu Burasirazuba bwa Fredericton. Yavuze ko hazakorwa ibizamini bya ‘Autopsie’ kugira ngo hamenyekane neza imyirondoro y’abantu bose bahitanywe n’iyi mpanuka ndetse hanamenyekane icyayiteye.

Umwe mu bo mu muryango wa Sous Lieutenant Nkubito Kevin, yabwiye inyaRwanda ko ari ibyago bikomeye kubura umuntu nka Nkubito Kevin wari ukiri muto dore ko yabonye izuba mu 1995, bivuze ko yari afite imyaka 29 gusa. Yavuze ko uyu musore yari amaze imyaka itatu mu ngabo za Canada, akaba yabaga muri icyo gihugu hamwe n’umuryango we.

Amarira ni yose ku miryango yaburiye abayo muri iyi mpanuka y’imodoka. “Kwakira ko utariho byananiye.” Ni ubutumwa bw’umwe mu nshuti za Lt. Nkubito Kevin, yanyujije ku mbuga nkoranyambaga aho yasutse amarira, akananirwa kwakira amakuru y’incamugongo yakiriye. Undi ati “Unaenda mapema Kevin wetu” [Ugiye kare Kevin wacu].

Lt. Nkubito Kevin yitabye Imana azize impanuka y’imodoka yabereye muri Canada

Uyu musore yari amaze imyaka itatu gusa mu gisirikare cya Canada

Urupfu rwe rwashenguye imitima ya benshi na cyane ko yari akiri muto

Polisi ya Canada yatangaje ko imodoka yari itwaye Lt Nkubito Kevin na bagenzi be yataye umuhanda, igonga igiti, ihita ikongoka

Ni ikibazo batangiye guhura nacyo mu mpera za Mata aho kuva icyo gihe hashyizweho ingengabihe yo kubasaranganyamo amazi nibura rimwe mu cyumweru ariko abaturage bavuga ko iyo gahunda nayo idakurikizwa.

Ubusanzwe mu Karere ka Rwamagana hakwirakwizwa metero kibe 2600 z'amazi ahari, aya mazi ni 11% ugereranyije n'amazi akenewe muri aka Karere kose akaba ariyo ntandaro y'ibura ry'amazi, hiyongeraho kandi amatiyo ashaje.

Umuturage wo mu Kagari ka Nyagasenyi yabwiye IGIHE ko agiye kumara amezi abiri muri robine ye hatageramo n'igitonyanga. Yavuze ko biri kubagiraho ingaruka kuko basohora amafaranga menshi bagura amazi.

Ati ' Iwanjye duheruka amazi mu matariki ya mbere y'ukwa Gatanu. Ingaruka byangizeho ni uko nibura buri munsi nkoresha 3000 Frw by'amazi. Ni ibintu bibangamye cyane, bahora batubwira ko hari uburyo bwo kuyasaranganya ariko umunsi wo kuwa Kabiri batubwiye ntabwo amazi ajya aza, duhera mu gitondo turekereje bukarinda bucya ataje.'

Twagirayezu Augustin we yavuze ko baherukaga amazi muri Mata bikaba byaratumye akazi ke k'ubufundi gahagarara. Yavuze ko kuri ubu amazi bari gukoresha ijerekani bayigura 500 Frw.
Ati ' Ingaruka bitugiraho akazi karahagarara, nk'ubu tuba twashomereye nta muntu wakubaka yaguze ijerekani ya 500 Frw. Njye nsanzwe ndi umufundi nakabaye ninjiza 6000 Frw ariko ubu ndicaye kurya bihita bigorana. Icyo nasaba ubuyobozi ni uko badufasha amazi akaboneka akagera kuri benshi kuko byahagaritse akazi kacu.'

Niyibikora Jean de Dieu we yavuze ko ubusanzwe umuryango we urya kubera ko aba yakoze akazi k'ubuyede cyangwa yabumbiye abantu amatafari, kuri ubu akazi ke gasa n'akahagaze kubera ibura ry'amazi mu Mujyi wa Rwamagana.

Umuyobozi wa Wasac mu Karere ka Rwamagana, Mugeni Geneviève, yavuze ko mu gihe cy'izuba amazi agabanuka cyane bitewe nuko abatuye uyu Mujyi biyongereye banongera ibikorwa by'ubwubatsi mu mpeshyi kandi imiyoboro y'amazi yo ikaba itarongerewe.

Mugeni yavuze ko hari gahunda yo gusaranganya amazi mu baturage bashyizeho mu rwego rwo kubafasha kuyabona.

Yavuze ko hari aho amazi atagera kubera imiterere yaho hakaba n'igihe ingengabihe idakurikizwa bitewe n'uko hari ahantu haba hakenewe amazi mu buryo bwihuta nko ku bitaro, ku mashuri y'abana n'ahandi.

Ati 'Hari gahunda y'isaranganya bagerageze mu gihe bayabonye rimwe mu cyumweru cyangwa rimwe mu minsi nk'itanu bajye babyihanganira kuko bazi ko hari ingamba zo kubikemura mu buryo burambye, turagerageza natwe kubikemura byibura ya minsi twabemereye bajye babonaho amazi.'

Umuyobozi w'Akarere ka Rwamagana, Mbonyumuvunyi Radjab yavuze ko ikibazo cy'amazi muri aka Karere kizakemurwa n'uruganda rw'amazi rwa Karenge aho imirimo yo kwishyura abaturage no kubimura yamaze gukorwa.

Yavuze ko kuri ubu abakozi babishinzwe bari gupima ahazubakwa urwo ruganda rw'amazi ruzubakwa.

Meya Mbonyumuvunyi yavuze ko uru ruganda rw'amazi rwa Karenge ruzatwara miliyari 62 Frw rukazaha amazi Umujyi wa Kigali ndetse n'aka Karere ka Rwamagana. Biteganyijwe ko ruzajya rutanga metero cube ibihumbi 48 buri munsi.

Kuri ubu hari ibigega byatangiye kubakwa muri Muyumbu na Bihembe byose bizajya byakira amazi ava mu ruganda rwa Karenge bibafashe mu kuyakwirakwiza hirya no hino mu mirenge itandukanye y'aka Karere.

Abubaka babangamiwe no kuba batabona amazi

Kuri iyi nshuro abemerewe ni abo mu Rwanda, Ethiopie na Kenya, Jasiri ikagaragaza ko ababishaka batacikanwa n'iyo gahunda ifatwa nk'amahirwe adasanzwe yo guhindura ibitekerezo byabo imishinga ihindura ubuzima bwa benshi.

Kwiyandikisha byatangiye ku wa 17 Nyakanga 2024 bikazatangira ku wa 17 Ukwakira 2024.

Jasiri Talent Investor itanga urubuga kuri ba rwiyemezamirimo kugira ngo bahindure ibitekerezo byabo imishinga ikomeye.

Abatoranyijwe bahabwa inkunga mu mafaranga, amahugurwa, ubujyanama bw'uko imishinga ikorwa, n'inama z'inzobere mu mirimo itandukanye.

Kuva iyo gahunda yatangira mu 2021, Jasiri yateje imbere ba rwiyemezamirimo 189 mu byiciro 5, havamo imishinga 79 ikora mu nzego 25 bitandukanye.

Iyo mishinga yafashije mu guhanga imirimo 1109 muri Afurika y'Iburasirazuba, aho abarenga 7000 bahinduriwe ubuzima binyuze muri yo.

Icyakora si buri wese wemerewe kwiyandikisha, Jasiri ikagaragaza ko uwemerewe agomba kuba ari Umunyarwanda, Umunya-Kenya cyangwa Umunya-Ethiopie, uba mu gihugu cye cyangwa mu mahanga.

Uwo kandi asabwa kuba ashoboye kuba rwiyemezamirimo nk'umwuga uhoraho, kandi yemera kumara amezi atatu mu Rwanda mu mahugurwa.

Asabwa kuba afite ubumenyi mu mwuga we, ndetse anagira umuhate wo gukemura ibibazo biri mu mirimo akoramo.

Umuntu wujuje ibyangombwa byo kwiyandikisha muri Jasiri Talent Investor kandi ni wa wundi wiyemeje gutangiza umushinga mushya ushobora gukura vuba.

Jasiri iti 'Uwo kandi ni wa wundi ugira ubushake bwo guhanga udushya no gukemura ibibazo mu rwego arimo, ashobora gukorana n'abandi, no gutangirana imishinga na ba rwiyemezamirimo bagenzi be, bamwe bafite icyerekezo nk'icye.'

Nubwo buri wese wujuje ibisabwa yemerewe kwiyandikisha, Jasiri ikangurira ba rwiyemezamirimo b'abagore n'abari mu mahanga kudapfusha ubusa ayo mahirwe.

Iki kigo kigaragaza ko Jasiri Talent Investor ifite gahunda y'amezi atatu y'amahugurwa abera mu Karere ka Bugesera.

Kigaragaza ko kizakora ibiganiro bitandukanye kuri murandasi kugira ngo ifashe abiyandikisha kurushaho gusobanukirwa ndetse no gusubiza ibibazo bibaza, ikazifashisha imbuga nkoranyambaga zayo mu gutangaza ibisobanuro kuri ibi biganiro.

Umwe mu banyuze muri iyi gahunda mu cyiciro cyayo cya kabiri, akaba n'Umuyobozi Mukuru ushinzwe Ibikorwa muri HiQ Africa, Gentil Ndoba yashimangiye ko Jasiri ari amahirwe y'ingenzi kuri ba rwiyemezamirimo b'Abanyafurika bifuza guhanga imishinga ikomeye.

Ndoba yavuze ko Jasiri Talent Investor itanga ubumenyi bukenewe kugira ngo umuntu agere ku ntego ze nka rwiyemezamirimo no guhura n'abo bafatanya umushinga bafite intego imwe.

Ati 'Ndasaba cyane ba rwiyemezamirimo ko bagira inyota yo kwitabira gahunda ya Talent Investor.'

Jasiri igaragaza ko umuntu ufite icyerekezo cyo gutangiza umushinga ufite impinduka nziza ku buzima rusange, adakwiriye gucikanwa n'ayo mahirwe. Abikeneye yanyura kuri https://jasiri.org/application cyangwa ku mbuga nkoranyambaga zose za Jasiri anyuze kuri @Jasiri4Africa kugira ngo abone amakuru yihuse.

Jasiri yatangaje ko kwiyandikisha mu cyiciro cya karindwi cya gahunda yo guteza imbere abifuza kuba ba rwiyemezamirimo izwi nka 'Jasiri Talent Investor' byatangiye

Uwiyandikisha muri gahunda ya Jasiri Talent Investor anyura ku rubuga rwa Jasiri rwa jasiri.org/application