Category: Uncategorized

Imihindagurikire y'ibihe yatumye mu buhinzi haduka udukoko n'indwara bitari bisanzwe birimo nkongwa idasanzwe (Fall amyworm) mu bigori, utumatirizi mu myembe (mango mealybugs), urunyo rw'inyanya (Tuta absoluta) n'ibindi.

Abahanga mu by'ubuhinzi bagaragaza ko imiti yica udukoko ikoreshwa nyuma y'izindi ngamba zigamije gutuma umusaruro wiyongera zirimo gukoresha imbuto z'indobanure zaguzwe ahantu hizewe, gukoresha ifumbire mvaruganda n'imborera, guterera igihe, kubahiriza intera yo guteraho, kuvomerera mu gihe imvura ari nkeya, gusura umurima kenshi ngo ibyonnyi bitazazamo utabizi n'ibindi.

Imibare igaragaza ko mu gihembwe cy'ihinga cya 2024 A ubuhinzi bwakorewe ku mpuzandengo ya 58% by'ubuso bwose bw'igihugu.

Umuyobozi Mukuru wungirije wa RAB, ushinzwe iterambere ry'Ubuhinzi, Uwamahoro Florence yabwiye IGIHE ko kugeza ubu 70% by'ubuso buhingwa bwose bukoreshwaho uburyo butandukanye bwo kurwanya ibyonnyi n'indwara mu bihingwa.

Ati 'Umuti ukoreshwa nk'igisubizo cya nyuma, ariko muri rusange mu guhangana n'indwara n'ibyonnyi tubona ko byibura ubuso bungana na 70% by'ahahinze burwanywaho indwara cyangwa ibyonnyi mu buryo bumwe cyangwa ubundi harimo n'ikoreshwa ry'iyo miti.'

Uwamahoro yanavuze ubushakashatsi bwagaragaje ko 85% by'imiti ikoreshwa mu buhinzi ikoreshwa mu buhinzi bw'ibirayi.

Mu gihembwe cy'ihinga cya 2024 A, ibirayi byahinzwe kuri hegitari 54,048 bitanga umusaruro ungana na toni 8.5 kuri hegitari imwe y'umuhinzi uhinga ku buso buto, mu gihe abahinzi banini bo basaruye impuzandengo ya toni 12.9 kuri hegitari.

RAB igaragaza ko mu mwaka wa 2020/2021 yatanze nkunganire y'imiti yo kurwanya ibyonnyi ingana na litiro 3000, igenda izamuka uko imyaka yigira imbere kuko mu 2022/2023 hatanzwe litiro 4000 z'imiti muri nkunganire. Muri iyo myaka ine hatanzwe nkunganire y'imiti yica ibyonnyi igera kuri litiro 14.200.

Ubuso burenga 70% buhingwa mu Rwanda bukoreshwaho gahunda zo kurwanya ibyonnyi

Izi ndorerezi zaturutse mu bihugu binyamuryango bya ICGLR ari byo Kenya, Tanzania, Sudani y'Epfo, Zambia n'u Rwanda rutari ruhagarariwe, kongeraho izo mu Bunyamabanga Bukuru bw'uyu Muryango

Raporo izi ndorerezi zamuritse ivuga ko muri rusange amatora yo mu Rwanda yagenze neza kandi agakorwa mu mahoro kuva mu kuyategura kugera arangiye, kandi ibi bikaba mu gihugu hose.

Umunyamabanga Mukuru wa ICGLR, Moses Moyo yagize ati 'Amatora yakozwe mu mahoro bituma buri mutarage wa Repubulika y'u Rwanda abasha gukoresha uburenganzira bwe muri demokarasi bwo gutora nubwo iminsi 20 yo kwiyamamza itari ihagije.”

Izi ndorerezi kandi zabonye ibyumba by'itora byose byari biteguye mu buryo bufasha abaturage gutora mu ibanga ndetse n'umutekano ucunzwe neza.

Yagize ati 'Hari hari abashinzwe umutekano bahagije ku masite yose y'itora twagezeho kandi bakoraga mu buryo bwa kinyamwuga kandi bayitondeye cyane. Mu butumwa twari dufite twishimiye kuvuga ko nta wigeze yerekwa aho atora kuri site z'itora zose twagezeho.”

Izi ndorerezi kandi zavuze ko zanyuzwe no kubona buri shyaka ryari rihagarariwe kuri site y'itora.

Izi ndorerezi kandi zagaragaze ko zabonye abakozi bahagije kuri site z'itora ndetse zagezeho ndetse 70% muri bo bakaba bari abagore bigaragaza uburyo bisanga muri politiki n'uburyo abataye indangamuntu zabo bafashwaga gutora bafashijwe kurebera umwirondoro wabo mu ikoranabuhanga ku buryo nta wahejwe.

Nyuma y’uko asinye imbanziriza masezerano muri Police FC ndetse akanahabwa amafaranga make ku yo bavuganye ariko akaza gushaka kwisubiraho, Joackiam Ojera ashobora kuba yaravuye ku izima yemera gukinira ikipe y’abashinzwe umutekano mu gihugu.

Mu mpera za Mutarama 2024 ni bwo Ojera yatandukanye na Rayon Sports yerekeza muri Arab Contractors yo mu cyiciro cya mbere mu Misiri ayisinyira amezi 6.

Ubwo yajyaga mu Misiri yasize asinye imbanziriza masezerano muri Police FC ndetse agira n’amafaranga ahabwa cyane ko yerekaga iyi kipe ko hari ibibazo ashaka gukemura.

Uyu mukinnyi nyuma yo kugera mu Misiri akitwara neza bivugwa ko yahise abona indi kipe imwifuza muri icyo gihugu akaba yumva atagaruka mu Rwanda bityo yamaze kumenyesha Police FC ko yumva ataza bamureka akabasubiza amafaranga bamuhaye ibintu Police FC idakozwa.

Mu kwezi gushize ubwo ISIMBI yageragezaga kuvugana n’umunyamabanga wa Police FC, CIP Umutoni Claudette, yavuze ko uwo mukinnyi atari mu bandi ubwo rero atari uwa Police FC.

Gusa umutoza Mashami Vincent akaba yemeje ko Ojera Joackiam ari umukinnyi wa bo bategereje.

Ati “Ojera ni umukinnyi wacu, ariko bitewe na shampiyona akinamo harimo ibirarane byinshi byagiye biterwa na Al Ahly ndetse na Zamalek basubika imikino myinshi, rero urumva ko na bo ntibararuhuka baracyari mu kazi, ni yo mpamvu mutamubona ariko na we turimo turakora ibishoboka byose ngo turebe ko twamubona vuba hashoboka.”

Joackiam Ojera yakiniraga Rayon Sports kuva mu ntangiriro za 2023 aho yayigezemo ari intizanyo ya URA FC yo muri Uganda mu gihe cy’amezi atandatu, ayifasha kwegukana Igikombe cy’Amahoro.

Mbere y’uko umwaka wa 2023-24 utangira, Ojera yari yongereye amasezerano y’umwaka umwe ayikinira amezi 6 aho Rayon Sports yishyuwe ibihumbi 20 by’Amadorali.

Kera kabaye Ojera ashobora kuba yavuye ku izima

Rutahizamu usatira anyuze ku mpande ukomoka muri Nigeria wakiniraga Enugu Rangers, Chidiebere Nwobodo wamaze kugera muri APR FC, yasezeye ku ikipe ye avuga ko izamuhora ku mutima.

Ku wa Kabiri w’iki cyumweru nibwo Chidiebere yageze muri Tanzania aho APR FC iri muri CECAFA Kagame Cup aho yari aje kurangizanya na yo.

Uyu mukinnyi w’imyaka 20 akaba yaciye amarenga ko we na APR FC bamaze kumvikana kuko yamaze gusezera kuri Enugu Rangers yari amazemo imyaka 4.

Mu ibaruwa ye yagize ati “Ndashimira amahirwe nahawe yo kuba muri uyu muryango w’ikipe ya Rangers, uburyo nashyigikiwe guhera ku munsi wa mbere njyeze hano byari ntagereranywa. Iyi myaka 4 itambutse yambereye igihe cyo kwiga njye n’umuryango wanjye. Rimwe twaratsinze ubundi turatsindwa gusa nta gushidikanya byari ubunararibonye mu buzima.”

Yakomeje agira ati “Ku bakinnyi bagenzi banjye, abatoza n’ubuyobozi mwese mwabigizemo uruhare. Ku bafana nta magambo mfite nababwira gusa nzahora iteka mbashimira byimazeyo. Mbifurije amahirwe buri gihe.”

Chidiebere Nwobodo Johnson w’imyaka 20 akaba yarafashije Enugu Rangers kwegukana shampiyona ya 2023-24 cyane ko yari umukinnyi ubanzamo.

Ikipe ya REG WBBC yasoje ku mwanya wa mbere muri shampiyona isanzwe (regular season) y’icyiciro cya mbere mu bagore mu mukino wa Basketball nyuma yo gutsinda APR WBBC amanota 73-58.

Mu ijoro ryakeye muri Lyce de Kigali hakinwaga umukino usoza shampiyona y’abagore kuri REG WBBC wayihuje na APR WBBC igifite umukino w’ikirarane, gusa wari umukino ukomeye kuko wagombaga gusiga hamenyekanye ikipe isoza shampiyona iyoboye urutonde rwa shampiyona mbere y’uko bajya muri kamarampaka.

REG WBBC yari yawiteguye neza kuko yari yamanuye abakinnyi nk’umunyamerika Uking Kristina Morgan wahasanze Philoxy Destiney biyongera ku bandi bakinnyi beza b’iyi kipe nka Micomyiza Rosine n’abandi.

Ni umukino woroheye cyane REG kuko agace ka mbere yagatsinze amanota 27-15.

APR yagurukanye imbaraga mu gace ka kabiri maze abakinnyi nka Hosendove n’Akimana Tetero bayifasha kugabanya amanota bagatsinda 14-8. Amakipe yagiye kuruhuka ari 35 ya REG kuri 29 ya APR.

Aha APR yumvaga ko bigishoboka cyane ko amanota 6 ari amanota make muri Basketball kuyakuramo biba byoroshye, gusa baje kugorwa n’agace ka gatatu kuko abakinnyi nka Philoxy utagize agace ka kabiri keza yari ahagaze bwuma, Rosine wari mwiza cyane mu gutera mu gakangara na Kristina werekanye ko icyamuzanye ari uguhaha, byatumye batsinda aka gace amanota 24-14 maze icyizere kuri izi ntare z’ingore gitangira kuyoyoka.

APR yaje kwikamata itsinda agace ka kane ari na ko ka nyuma 15-14, gusa byarangiye itakaje umukino ku manota 73-58.

Micomyiza Rosine bakunda kwita Cisse wa REG WBBC ni we watsinze amanota menshi muri uyu mukino aho yatsinze amanota 30.

APR WBBC ntiyorohewe n’umukino

Amatora y'Umukuru w'Igihugu n'Ayabadepite mu Rwanda, yabaye ku wa Mbere ku itariki ya 15 Nyakanga 2024, ndetse Komisiyo y'Amatora yatangaje iby'ibanze byavuye mu matora y'Umukuru w'Igihugu byagaragaje ko Paul Kagame yagize amajwi 99.15%.

Ku mugoroba wo kuri uyu wa 17 Nyakanga 2024, muri Village Urugwiro, Perezida Kagame yakiriye izo ndorerezi za AU-COMESA ndetse n'iza EAC zari zisoje ubutumwa bwazo mu matora y'Umukuru w'Igihugu n'ay'Abadepite.

Izi ndorerezi Mpuzamahanga, nyuma yo gusoza inshingano, zasohoye itangazo zishima imigendekere myiza y'amatora mu Rwanda.

Nyuma y'amatora, David Maraga yashimye imigendekere myiza yayo, agaragaza ko 'ni amwe mu matora ya mbere niboneye n'amaso yanjye yagenze neza, ngereranyije n'andi nabonye.'

Ati 'Cyane cyane ku munsi w'itora byari binyuze mu mucyo mbese bikozwe neza cyane. Muri raporo tuzatanga, iyi migendekere myiza ni ikintu tuzagarukaho. Imitegurire yari ku rwego rwo hejuru utabasha gusobanura.'

Ni ubunararibonye Prof Maraga yagereranyije n'andi matora yo mu bindi bihugu yiboneye, aho yavuze ko yo aba agizwe n'imyigaragambyo, akavuyo n'izindi kidobya nyinshi, ibintu atigeze abona mu Rwanda, haba mbere na nyuma y'amatora.

Ati 'Ahandi usanga ibintu ari akaduruvayo, basakuza ndetse no ku munsi w'itora ntibatinye kubigakorerwa ku ma site y'itora. Ibyo ntibyigeze bibaho hano na busa, nta na bike rwose.'

Yagarageje ko uretse we, n'indorerezi 55 yari ayoboye zari zoherejwe mu bice bitanduakanye by'igihugu ku ma site y'itora zamuhamirije ko ibintu byagenze neza aho 'bambwiye ko nta kidobya zabayeho muri rusange.'

Prof. Maraga yari ayoboye itsinda ry'indorerezi zavuye mu bihugu binyamuryango bya EAC n'izavuye mu Nteko Ishinga Amategeko y'Umuryango wa Afurika y'Iburasirazuba, EALA.

Mu minsi ishize amatora ataraba Komisiyo y'Igihugu y'Amatora (NEC) yari yatangaje ko imaze kwakira indorerezi zemerewe gukurikirana amatora y'Umukuru w'Igihugu n'ay'Abadepite, zigera kuri 1110 zirimo abanyamahanga 334 baturutse mu bihigu binyuranye ndetse n'imiryango mpuzamahanga.

Perezida Paul Kagame yakiriye Jorge Carlos De Almeida Fonseca wari uyoboye indorerezi za EU-COMESA mu matora

Indorerezi za EU-COMESA zakiriwe na Paul Kagame

David K. Maraga wari uyoboye indorerezi za EAC yakiriwe na Perezida Kagame

Indorerezi za EAC zahuye na Perezida Kagame, zashimye imigendekere myiza y’amatora

Ni ibyatangajwe mu itangazo rihuriweho ryasohowe n'indorerezi mpuzamahanga zari zitabiriye ayo matora, ari zo indorerezi z'Umuryango wa Afurika yunze Ubumwe zifatanyije n'iza COMESA (AU-COMESA), iz'Umuryango wa Afurika y'Iburasirazuba (EAC), iz'Umuryango w'Ubukungu w'Ibihugu byo muri Afurika yo Hagati (ECCAS), iz'Ingabo za Afurika y'Iburasirazuba zihora ziteguye (EASF), ndetse n'iz'Umuryango w'Ibihugu bikoresha ururimi rw'Igifaransa (OIF).

Muri iryo tangazo ryasohotse kuri uyu wa 17 nyakanga 2024, izo ndorerezi zavuze ko mu byo zitayeho hari ugushingira ku bushake bw'abaturage b'u Rwanda bwo kubaka igihugu cyubakiye kuri politiki yo kujya inama, gusangira ubutegetsi, ubumwe n'ubwiyunge, iterambere, gukorera hamwe ndetse no gushaka ibisubizo binyuze mu nzira y'ibiganiro.

Zivuga ko kandi zaganiriye n'abafatanyabikorwa benshi bafite uruhare mu gikorwa cy'amatora, ndetse zikamenya neza uburyo amatora akorwa mu Rwanda, Abanyarwanda bihitiramo abayobozi babo, ndetse na zo zikitabira igikorwa cy'amatora ya Perezida wa Repubulika n'Abadepite.

Indorerezi Mpuzamahanga zahurije ku kuba “Mu Rwanda, haba mbere y'amatora, mu gihe cy'amatora ndetse na nyuma y'amatora, umwuka wari mwiza hari umutuzo n'umutekano.”

Itangazo kandi ryakomeje rivuga ko “Komisiyo y'Igihugu y'Amatora n'izindi nzego bafatanyije mu gukurikirana amatora, kugeza ubu zubahirije inshingano zazo neza, nk'uko byateganywaga n'ingengabihe y'amatora.”

Izo ndorerezo Mpuzamahanga zashimiye Leta y'u Rwanda na Komisiyo y'Igihugu y'Amatora ku bwo gutegura amatora neza no gukurikirana imigendekere myiza yayo.

Zanashimiye kandi Abaturage b'u Rwanda ku bwo kwitabira amatora bakihitiramo abayobozi babo muri Demokarasi, kandi mu mutuzo n'umutekano.

Prof Maraga wari uyoboye indorerezi za EAC yagereranyije n'andi matora yo mu bindi bihugu yiboneye, aho yavuze ko yo aba agizwe n'imyigaragambyo, akavuyo n'izindi kidobya nyinshi, ibintu atigeze abona mu Rwanda, haba mbere na nyuma y'amatora.

Ati 'Ahandi usanga ibintu ari akaduruvayo, basakuza ndetse no ku munsi w'itora ntibatinye kubikorera ku ma site y'itora. Ibyo ntibyigeze bibaho hano na busa, nta na bike rwose.'

Mu minsi ishize amatora ataraba Komisiyo y'Igihugu y'Amatora (NEC) yari yatangaje ko imaze kwakira indorerezi zemerewe gukurikirana amatora y'Umukuru w'Igihugu n'ay'Abadepite, zigera kuri 1110 ziturutse hirya no hino.

Izo ndorerezi zirimo Abanyarwanda 776 n'abanyamahanga 334 baturutse mu bihigu binyuranye ndetse n'imiryango mpuzamahanga.

Abanyarwanda bashimiwe kwitabira amatora mu mutuzo n’umutekano