Category: Uncategorized

Mu gihe ubushomeri bukomeza kwiyongera, niko bamwe mu bareba kure bakomeza guhanga udushya kugira ngo bahashye ikibazo cy'ubwo bushomeri bwakoreka ubukungu bw'Igihugu.

Ikigo Huza Group ltd cyafunguye urubuga wa Clickrwanda, akaba ari urubuga nyarwanda rukorera kuri interineti cyangwa se murandasi ruhuza abantu na serivisi nyinshi nziza zitandukanye bitewe n'izo umuntu yifuza ndetse rugafasha umuntu kumenyekanisha ubuhanga bwe bityo ukeneye umukozi akaba yamubona mu buryo bworoshye n'ukeneye akazi akakabona.

Bimwe mu byo clickrwanda ikora, harimo gufasha abantu kwamamaza ibikorwa byabo ndetse no kumenya amakuru y'ibigezweho kw'isoko, guhuza abagura n'abagurisha, Ihuza abakozi n'abakoresha, Ihuza abakodesha n'abakodeshwa.

Hejuru y'ibyo kandi, Clickrwanda Itanga akazi ku bakoresha imbuga nkoranyambaga (Facebook, Instagram, Twitter, Tiktok, Youtube na WhatsApp. Aho ushobora kwiyandikisha kuri Clickrwanda nk'umu agent cg umu-influencer ukajya wamamaza ibikorwa bya clickrwanda cyangwa iby'abafatanyabikorwa bayo hanyuma ukinjiza.

UKO WAKORANA NA CLICKRWANDA

1. Fata telefone yawe/computer yawe wandikemo www.clickrwanda.com

2. Niba ushaka kugura/gukodesha…, ujya kuri clickrwanda, ukareba mu byiciro bihari birenga 28, ugahitamo icyo ushaka kugura, ugahita uhamagara umucuruzi mukavugana (Ibiciro, uko igicuruzwa kikugeraho, etc…)

3. Niba ushaka umukozi wo kugukorera, jya ahanditse jobseekers (abasabye akazi) hanyuma urebe umukozi wifuza, umuhamagare muvugane.

4. Niba ushaka ko ubucuruzi bwawe bumenyekana mu rwanda no ku isi hose, jya k'urubuga wiyandikishe hanyuma ufungure iduka ryawe ujye ushyiramo ibicuruzwa byawe

5. Niba uzi kwamamaza, Jya k'urubuga wiyandikishe nk'umu agent, hanyuma ujye uhabwa ibyo ubamamariza, bakwishyure. (aha ushobora gukorera arenga 200,000Rwf ku kwezi)

IBYIZA BYO GUKORANA NA CLICKRWANDA

1. Abakiliya bawe bariyongera, aho bashobora kwikuba inshuro 15

2. Ni ubuntu gushyira amatangazo k'urubuga

3. Dukorana n'aba agents ndetse n'aba influencers barenga 1000 bahita bageza itangazo ryawe k'umubare w'abakiliya wifuza bose

4. Umuguzi ahita avugana n'umucuruzi ntaba komisiyoneri hagati

5. Iyo uri umu agent wa Clickrwanda, Ushobora gukorera amafaranga arenga 200.000Rwf ku kwezi.

 

NIBA USHAKA GUKORANA NA CLICKRWANDA,         

•Â Â Â Â Â Â Â  Sura Urubuga: www.clickrwanda.com, urebe amakuru yose ya Company

•Â Â Â Â Â Â Â  wahamagara cyangwa ukabandikira kuri Whatsapp: 0727 559 173/0787 260 494

•Â Â Â Â Â Â Â  Email: [email protected]

•Â Â Â Â Â Â Â  Aho dukorera: Kimirongo, Promise House, Kigali, Rwanda

 

Umunyarwanda yaritegereje avuga ko igiti kigororwa kikiri gito. U Rwanda rwashyize imbaraga mu burezi bw'abana kuva mu mashuri y'inshuke kugeza muri kaminuza hagamijwe kubaka ubukungu bushingiye ku bumenyi.

Muri iyi ngeri hakozwe byinshi birimo kongera umubare w'ibyumba by'amashuri n'umubare w'abarimu bashya kandi bahuguriwe kwigisha ibyiciro byose by'abiga.

Gusa uko imyaka yagiye ikurikirana, imibare y'abanyeshuri basibira mu mashuri irushaho kuzamuka.

Raporo ya Minisiteri y'Uburezi ya 2022/2023 igaragaza ko imibare y'abanyeshuri babonye amanota yo kwimuka bava mu mwaka umwe bajya mu wundi bagabanyutse bava kuri 77% mu 2022 bagera kuri 75.7% mu 2023.

Ku rwego rw'igihugu abasibira bavuye kuri 14.3% bagera kuri 19.1% mu 2023. Mu mashuri abanza ho imibare y'abasibira yaratumbagiye iva kuri 24.6% igera kuri 30.2%.

Iyi mungu yageze no mu yisumbuye kuko abasibiye mu 2022 bari 9.4% mu gihe mu 2023 bahise bagera kuri 13.5%. Ni mu gihe abanyeshuri bata amashuri bo bagabanyutse bava kuri 7.1% mu 2022 bagera kuri 5.5% mu 2023.

Imibare kandi igaragaza ko abanyeshuri bimuka bava mu mwaka umwe bajya mu wundi bagabanyutse mu byiciro byose, kuko mu mashuri abanza bavuye kuri 77.0% bagera kuri 75.7% na ho mu mashuri yisumbuye abimuka bavuye kuri 81.4% bagera kuri 79%.

Umuyobozi wa GS Vuganyana mu Karere ka Ngororero, Habimana Célestin yabwiye IGIHE ko igituma abanyeshuri basibira biyongera harimo imibereho itanoze mu ngo iwabo, uburyo babona amafunguro, no kutabona iby'ibanze bakenera byose bituma imitsindire yabo itazamuka.

Ati 'Haba harimo ibibazo cyane by'uburyo abana babayeho mu miryango yabo, uburyo babona ibikoresho by'ibanze umunyeshuri agenewe, uburyo babona ifunguro ryaba iryo mu rugo ariko n'iryo ku ishuri nubwo ritangwa ntabwo riba rihagije cyane, noneho n'ubucucike buba buri mu mashuri biba ari ikibazo gikomeye kuko umuntu ntiyakwigisha abana 50 ngo abone uko abakurikirana.

'Niba ufite abana 50 ukabigisha isomo riramara iminota 40, kugira ngo ube ubagezeho burya ntabwo biba byoroshye, ariko iyo abana ari bake mu cyumba bafite n'ibikoresho bihagije imitsindire yakwiyongera.'

Habimana yavuze ko imfashanyigisho mu mashuri ari nke cyane kuko ngo usanga mu ishuri ririmo abanyeshuri barenga 50 harimo ibitabo bibiri gusa. Muri Gs Vuganyana ishuri ririmo abanyeshuri bake ni 28 mu gihe iririmo benshi ari iry'incuke ririmo 153.

Amashuri afite internet mu gihugu hose ni 59.5%, muri yo abanza ni 56.5% mu gihe ayisumbuye yigisha amasomo y'ubumenyi rusange ari 75.3%.

Habimana yagaragaje ko amashuri yo mu cyaro ataragerwaho n'ikoranabuhanga rya internet bigoye kubona ibitabo byashyizwe ku ikoranabuhanga.

Minisiteri y'Uburezi imaze iminsi itangaje ko abanyeshuri bo mu cyiciro cya mbere cy'amashuri abanza batagize amanota 50% bagomba kwitabira gahunda nzamurabushobozi bakazigishwa mu bihe abandi bazaba bari mu biruhuko.

Iyi gahunda yishimiwe n'ababyeyi hamwe n'abarezi bavuga ko bari bahangayikishijwe no kubona abana bimuka bafite amanota make cyane.

Biteganyijwe ko ayo masomo nibayarangiza bazongera gukoreshwa isuzumabumenyi, utsinze akimukira mu mwaka ukurikiyeho, na ho uyatsinzwe bikemezwa ko asibira bidasubirwaho.

Abanyeshuri bo mu mashuri abanza basibira bakomeza kwiyongera

Rayon Sports yakiriye abakinnyi babiri bashya bakomoka muri Senegal, rutahizamu Fall Ngagne wakiniraga FK Příbram yo muri Czech Republic na myugariro Yousou Diagne wakiniraga Ittihad Zemmouri de Khemisset yo muri Maroc.

Aba bakinnyi bombi bakaba bageze mu 3 mu gitondo cyo kuri uyu Kabiri tariki ya 30 Nyakanga 2024.

Bageze ku Kibuga cy’Indege Mpuzamahanga cya Kigali i Kanombe saa mbili aho bakiriwe n’umuvugizi w’iyi kipe, Ngabo Roben.

Aba bakinnyi bombi bakaba baramaze kumvikana na Rayon Sports ndetse banamaze gusinyira Gikundiro.

Fall Ngagne akaba yatanze ubutumwa bukomeye ko aje gukora ibishoboka byose akazaba rutahizamu watsinze ibitego byinshi kurusha abandi.

Ati “niteze byinshi, nje ngutanga byose, nje gukora ibishoboka byose ngo mfashe ikipe.”

Rutahizamu Fall Ngagne akaba yarakiniye amakipe atandukanye nka AF Darou Salam na Génération Foot zo muri Senegal, Ittihad Tanger yo muri Maroc ndetse na Viagem Pribram na FK Příbram zo muri Czech Republic.

Si we wenyine Rayon Sports itegereje kuko inategereje myugariro na we ukomoka muri Senegal w’imyaka 27 Youssou Diagne wakiniye amakipe nka ASC Jaraaf 2017-2019, Génération Foot 2019-2021 zo muri Senegal na Ittihad Zemmouri de Khemisset 2021-2024 yo muri Maroc.

Fall Ngagne (ubanza ibumoso) na Youssou Diagne (iburyo) bageze i Kigali

Ikipe ya Cercle Sportif de Karongi yo mu Karere ka Karongi mu Ntara y’Iburengerazuba bw’u Rwanda, ryegukanye Irushanwa rya National Summer Swimming Competition ryakiniwe kuri Pisine ya Lapalisse Hotel mu Karere ka Bugesera.

Iyi kipe yegukanye iri rushanwa ryakinwe ku Cyumweru tariki ya 28 Nyakanga 2024, nyuma yo guhigika andi makipe yari yaryitabiriye.

Aya makipe yari agizwe na; Cercle Sportif de Karongi, Vision Jeunesse Nouvelle, Rwesero, Les Daulphins, Rwamagana Canoe and Aquatics Sports na Aquawave.

Mu koga Intera ingana na Metro 400, Cercle Sportif de Karongi yakurikiwe n’ikipe ya Vision Jeunesse Nouvelle mu gihe umwanya wa gatatu wegukanywe n’ikipe ya Les Daulphins.

Iyi kipe kandi yanegukanye Intera ya Metero 200, ikurikirwa n’iya Les Daulphins mu gihe umwanya wa gatatu wegukanywe n’Ikipe ya Vision Jeunesse Nouvelle.

Abakinnyi basaga 80 ni bo bitabiriye iri Rushanwa, barushanyijwe mu byiciro bitandukanye, birimo icyiciro cy’abari hagati y’imyaka 10-12, 13-14, 15-16 ndetse n’icyiciro cy’abakuru guhera ku myaka 17 kuzamura. Ibi byiciro byombi byari bigizwe n’abagore n’abagabo.

Boze Inyogo zitandukanye zirimo; Freestyle, Backstroke, Breaststroke, Butterfly ndetse na Relay yakinwe mu buryo bw’amakipe.

Muri ibi byiciro by’imyaka itandukanye, barushanyijwe muri Metero 50, Metero 100, Metero 200 na Metero 400.

Abakinnyi barimo; Nyirabyenda Neema, Byiringiro Christian na Bukombe Christian b’Ikipe ya Cercle Sportif de Karongi, ni bamwe mubayifashije kwegukana iri rushanwa nyuma yo gukusanya Imidali mu byiciro bitandukanye.

Ku ruhande rw’Ikipe ya Vision Jeunesse Nouvelle, abakinnyi barimo; Niyibizi Cedric, Alleluya Emmanuel na Uwimana Emmanuel, ni bamwe mu bakusanyije Imidali myinshi.

Mu Kiganiro yahaye Itangazamakuru nyuma y’iri Rushanwa, Umuyobozi w’Akarere ka Bugesera Mutabazi Richard yavuze ko bagiranye ibiganiro n’ubuyobozi bw’Ishyirahamwe ry’Umukino wo Koga mu Rwanda uburyo bagira imikoranire kandi byagenze.

Ati:'Twagiranye Ibiganiro n’Umuyobozi w’Ishyirahamwe ry’umukino wo Koga mu Rwanda, mu rwego rwo kurebera hamwe uburyo Akarere ka Bugesera kagira Ikipe y’Umukino wo Koga kandi byatanze Umusaruro. Hari kandi gukomeza imikoranire mu buryo butandukanye, ku buryo n’igihe ikipe itarashingwa, Amarushanwa itandukanye y’Umukino wo Koga yazajya akinirwa mu Karere kacu, natwe nk’ubuyobozi tubigizemo uruhare, aho kuba Ishyirahamwe gusa'.

Ku ruhande rw’Ishyirahamwe ry’Umukino wo Koga, Umuyobozi w’iri Shyirahamwe, Madamu Girimbabazi Rugabira Pamela yavuze ko iri rushanwa risize babonye impano nshya.

Ati “Twabonyemo Impano nshya kandi ibi bitwereka ko ari ikimenyetso simusiga ko umukino wo Koga uri kuzamuka ku rwego rwiza. Uretse kurushanwa, abaryitabiriye twabageneye ibikoresho bitandukanye bizabafasha gukomeza gukarishya imyitozo cyane ko mbere y’uko basoza ibiruhuko, nabwo bazakora irindi rushanwa hagamijwe kureba ko urwego rwabo rwazamutse kurushaho'.

Ni irushanwa ryitabiriwe n’Umuyobozi muri Minisiteri ya Siporo ushinzwe Siporo n’Iterambere, Rwego Ngarambe, Umuyobozi w’Akarere ka Bugesera, Mutabazi Richard n’Umuyobozi w’Ishyirahamwe ry’Umukino wo Koga mu Rwanda, Madamu Rugabira Girimbabazi Pamela.

Cercle Sportif ni yo yegukanye iri rushanwa

Uwashinzwe kugurisha ingwate aramenyesha abantu bose ko azagurisha mu cyamunara umutungo utimukanwa ugizwe n’ubutaka bubaruwe kuri UPI: 1/03/08/01/2029 uherereye mu Mudugudu wa Nyamyijima, Akagari ka Ayabaraya, Umurenge wa Masaka, Akarere ka Kicukiro, Intara y’Umujyi wa Kigali. 

Umutungo ugurishwa ufite ubuso bungana na 3,401 M2, ukaba ufite agaciro kangana na Miliyoni makumyabiri na zirindwi n’ibihumbi maganabiri n’umunani (27,208,000 Frw). Cyamunara izakorwa mu buryo bw’ikoranabuhanga, abifuza gupiganwa bazabikora baciye ku rubuga: www.cyamunara.gov.rw bakaba basabwa kubanza kwishyura amafaranga y’ipiganwa angana na 5% y’igiciro fatizo cya 27,208,000 Frw ariyo 1,360,400 Frw yishyurwa ukurikije uko sisitemu ipiganirwaho yubatse hakoreshejwe urubuto, amafaranga agashyirwa kuri konti yabugenewe ibika ingwate icungwa na MINUJUST (www.cyamunara.gov.rw).

Gusura umutungo bikorwa buri munsi mu masaha y’akazi. Ifoto y’umutungo n’igenagaciro ryawo biboneka ku rubuga www.cyamunara.gov.rw

NB: Uzegukana umutungo azishyura igiciro cyatanzwe kuri konti No: 01031640003 yanditse ku mazina ya Kanyana Bibiane iri muri Bank of Africa Ltd, ahereye ku ngwate y’ipiganwa yari yishyuye. Uwakenera ibisobanuro birambuye yahamagara kuri telefon igendanwa: +250788426730

Bikorewe i Kigali kuwa 22/07/2024

Uwashinzwe kugurisha ingwate; Me Kanyana Bibiane

AS Kigali yasubukuye imyitozo yitegura umwaka w’imikino wa 2024-25 aho yatangiranye abakinnyi 21 barimo 8 bashya.

Iyi kipe benshi bibazaga ahazaza ha yo, kuri uyu wa Kabiri tariki ya 30 Nyakanga 2024 ni bwo yasubukuye imyitozo yitegura umwaka w’imikino wa 2024-25.

Iyi myitozo yabereye kuri ‘Tapis Rouge’ ikaba yitabiriwe n’abakinnyi 21 harimo abakinnyi bashya 8 bari bamenyerewe muri shampiyona y’u Rwanda.

Mu bakinnyi bashya barimo Hoziyana Kennedy (Bugesera), Nkubana Marc (Police FC), Kayitaba Bosco (Police FC), Nshimiyimana Tharcisse (Gorilla FC), Mucyo Junior Didier (Rayon Sports), Ngendahimana Eric (Rayon Sports), Hakizimana Felecien (Kiyovu Sports) na Franklin (Sunrise FC)

AS Kigali yatangiye imyitozo

Bamwe mu bakinnyi bashya, Kayitaba Bosco, Ngendahimana Eric, Nkubana Marc, Nyarugabo Moise (arahasanzwe) na Mucyo Junior Didier