Category: Uncategorized

I Gikondo hakomeje kubera imurikagurisha mpuzamahanga ku nshuro yaryo ya 27. Mu cyumweru cyaryo cya mbere, abamurika baravuga ko imibare y’ababasura iri hejuru ugereranyije na mbere.

Bavuga ko bashyize imbaraga mu kunoza ibyo bakora cyane cyane ibikorerwa mu Rwanda. Muri iri murikagurisha hanagaragaramo udushya twiganjemo kongerera agaciro ibikomoka ku buhinzi n'ubworozi, ubukorikori ndetse n'ibikoresho by'ubwubatsi.

Minisitiri w'Ubucuruzi n'Inganda, Prof. Ngabitsinze Jean Chrysostome, yavuze ko uyu mwaka urubyiruko, abagore n'abafite ubumuga bahawe urubuga kugira ngo nabo bagaragaze uruhare rwabo mu guteza imbere ibikorerwa mu Rwanda, no kubatera ingabo mu bitugu.

Agaruka ku banyamahanga bitabiriye iri murikagurisha, yagize ati: “Turifuza ko rwose abanyamahanga baza ari benshi kandi bagahabwa agaciro kuko kuva mu mahanga ukazana imari yawe hano ukayicuruza, ni ikintu gikomeye cyane.”

Abanyamahanga bitabiriye uyu mwaka batangaje ko batazasiba na rimwe kwitabira, bitewe n’amahoro n’umutekano u Rwanda rwubatse mu myaka 30 ishize.

Umuyobozi w'Urugaga rw'Abikorera Rwanda, Mubiligi Jeanne-Françoise yavuze ko imurikagurisha rifite intego yo guteza imbere ibikorerwa mu Rwanda, ariko rikaba n'amahirwe ku bamurika yo kugaragaza impinduka mu byo bakora.

Yavuze ko muri Expo 2024, umwihariko wahawe ibikorerwa mu Rwanda byiganjemo ibikomoka ku buhinzi, ibikorerwa mu nganda n'ibindi.

Ati 'Umwihariko uri muri Expo y'uyu mwaka, harimo ibikorerwa mu Rwanda byagiye bizamuka binaba byiza kurushaho, hajemo no gufatanya n'abandi ngo barebe uko gukora neza uko bigenda bizamuka, twagiye tubibona rero biri ku rwego rushimishije.'

Mubiligi yahamije ko ari amahirwe abamurika babonye yo kwerekana ibyo bakora, ariko bakanigira ku bandi bakora bimwe.

Ati 'Ni uguha amahirwe abamurika yo kwerekana ibyo bahinduye ku byo bakora, berekana uburyo bushya bw'ikorababuhanga bazanye. Ni n'igihe cyo kwitegereza ibyo bagenzi babo bo mu bindi bihugu bakora no kureba uko bakorana bakigiranaho kugira ngo bashobore kunoza neza ibyo bakora.'

Polisi y’u Rwanda, yijeje umutekano usesuye muri iri murikagurisha, ivuga ko aho riri kubera hari abapolisi bashinzwe kuhacungira umutekano ku manywa na nijoro, aho bacunga umutekano w’abantu n’ibyabo ndetse bakaba barafashe n’ingamba zo kurinda ko habaho inkongi y’umuriro. 

Mu rwego rwo kurinda abitabira iri murikagurisha ndetse n’abanyarwanda bose muri rusange muri ibi bihe, Polisi yatangaje ko igiye gushyira imbaraga nyinshi mu kurinda umutekano wo mu muhanda, by’umwihariko mu nzira zerekeza i Gikondo ahari guhurira urujya n’uruza rw’abantu benshi.

Ibigo bicuruza ibikoresho na seivisi by’ikoranabuhanga nka MTN Rwanda, Tecno Rwanda, iduka rya Samsung 250 n’ibindi bateguriye udushya abazabagana bose muri iri murikagurisha, turimo ibihembo ku muntu wese uguze igikoresho runaka, kugabanirizwa cyane ku biciro byari bisanzweho n’ibindi.

Uyu mwaka Expo yitabiriwe n’abamurika 442, barimo 329 baturuka hirya no hino mu gihugu, n'abagera ku 119 baturutse mu bihugu byo hanze y'u Rwanda bigajemo inganda zitunganya ibikomoka ku buhinzi, imyenda, ibikoreshwa mu bwubatsi, abatanga serivisi n'ibindi. Ku munsi, abantu babarirwa mu 5000 ni bo binjira ahabera iri murikagurisha.

Iri murikagurisha ryatangiye tariki 25 Nyakanga 2024 rizasoza ku wa 15 Kanama 2024.

Hafunguwe Imurikagurisha rya Kigali rifite umwihariko

Abayobozi bazengurutse ahari kubera iri murikagurisha bareba uko abamurika bari kwitwara

Umutekano wakajijwe muri ibi bihe by’urujya n’uruza rw’abitabira imurikagurisha

Abanyamahanga bitabiriye Expo 2024 bavuze ko bakuruwe cyane n’umutekano u Rwanda rufite

Buri kigo cyateguye agashya kihariye mu rwego rwo kureshya abakiliya

Yabigarutseho kuri uyu wa Kabiri, tariki ya 30 Nyakanga 2024, ku munsi wa kabiri w'inama yahurije hamwe abafite aho bahurira n'ubuhinzi by'umwihariko ubutubuzi bw'imbuto bo mu Rwanda no hanze yarwo, igamije kwigirwamo iterambere ry'ubutubuzi bw'imbuto z'ibihingwa.

RSSB ni umuterankunga w'iyi nama ndetse ikaba yaranitabiriye mu rwego rwo gukangurira abantu batandukanye by'umwihariko abari mu rwego rw'ubuhinzi kwimakaza no kuyoboka ubwiteganyirize bw'igihe kirekire, Ejo Heza.

Ejo Heza ni uburyo bwashyizweho na Leta, ariko by'umwihariko bureba cyane abakora imirimo itanditse kandi mu bakora imirimo itanditse, hejuru ya 51% ni abahinzi.

Dr. Regis Hitimana, yavuze ko bikwiye ko abahinzi, bayoboka uburyo bwo kwizigama bbwashyizweho, kuko biba ari ukwitegurira ejo hazaza.

'Iyo imyaka yigiye imbere imbaraga zirashira kuko n'umuntu aba yarakoze. Icyo twabagiraho inama ni ugutekereza amasaziro yabo uyu munsi bagatangira kwizigamira.'

Dr. Regis Hitimana, yavuze ko ubu hari gukorwa amavugurura menshi cyane muri EjoHeza, aho 'Turi kunoza ikoranabuhanga kugira ngo umuntu abonere amakuru ku gihe uko yizigamiye abone ubutumwa, kandi ashobore gukurikirana konti ye anarebe inyungu zagezeho.'

'Turi no gushaka gushyiraho uburyo bwo koroshya kwizigamira ku buryo uzajya ubikora inshuro imwe ukagira ibyo wemeza ubundi bikajya byikora, buri uko ukoze ubwishyu ukoresheje telefoni ukemezamo ko hazajya havaho 100 Frw cyangwa 2% cyangwa 5% by'ayo wishyuye ukayizigama muri EjoHeza, ugahita ubona ubutumwa ko wizigamye. Twatangiye ibiganiro n'amasosiyete y'itumanaho.'

Dr. Hitimana, yavuze ko uyu mwaka uzarangira aya mavugurura mashya yose yarangiye.

Mu myaka itanu ishize ubu buryo bwa EjoHeza bushyizweho, bumaze kugira abanyamuryango bagera kuri miliyoni 3,8, muri bo abangana na 3,230,000 akaba ari bo bamaze kwizigamira, amafaranga agera kuri miliyari 43 Frw.

Iyo wongereye inkunga ya Leta ndetse n'inyungu yavuye muri ubu bwizigame, muri rusange mu kigega cya EjoHeza harimo miliyari 63 Frw. Imibare y'ukwezi gushize igaragaza ko 49% by'abakora ubwizigame muri EjoHeza ari ab'igitsina gore.

Umuyobozi muri RSSB ushinzwe gahunda ya Ejo Heza, Bayigane Gaspard, yavuze ko kuri ubu bari gukorana n'ibigo by'imari bitandukanye hagamijwe gushyiraho uburyo bwakorohereza abo mu rwego rw'ubuhinzi kubona ibishoro n'andi mafaranga bakenera mu mwuga wabo.

Ati 'Izi gahunda zose ni izirushaho gutuma habaho kwigira mu by'imari ku bahinzi bacu, bukanabaha n'ubushobozi bwo gushora imari mu ahazaza habo no kubaka ubuzima bwiza bwabo n'ubw'imiryango yabo.'

RSSB yashinzwe mu 2009, ubu ikaba icunga gahunda esheshatu zirimo ibijyanye no guteganyiriza isabukuru, Pension, ibijyanye n'impanuka zikomoka mu kazi, n'Ubwisungane mu Kwivuza, RAMA.

Hari kandi ijyanye n'ibigenerwa umugore uri mu kiruhuko cyo kubyara, n'ubwiteganyirize bw'igihe kirekire, Ejo Heza. Ni gahunda zirimo izireba abenegihugu aho bari hose kimwe n'abanyamahanga baba mu Rwanda.

RSSB, yari ifite ‘stand’ y’ahasobanurirwa serivisi zayo muri iyi nama

Umuyobozi Mukuru w'Urugaga rw'Abikorera mu Rwanda, PSF, Jeanne-Françoise Mubiligi, ni umwe mu bitabiriye iyi nama

Minisitiri w’Ubucuruzi n’Inganda, Dr Ngabitsinze Jean Chrysostome, niwe wasoje iyi nama

Dr. Regis Hitimana, ni umwe mu batanze ibiganiro muri iyi nama yari imaze iminsi ibiri ibera i Kigali

Iyi nama yari yitabiriwe n’abantu batandukanye

Iyi nama yahurije hamwe abafite aho bahurira n'ubuhinzi by'umwihariko ubutubuzi bw'imbuto bo mu Rwanda no hanze yarwo

Dr. Regis Hitimana, yavuze ko ubu hari gukorwa amavugurura menshi cyane muri EjoHeza, cyane mu ikoranabuhanga ryayo

Amafoto: Kwizera Hervé

Biteganyijwe ko abantu babarirwa hagati ya 5000 na 10000 ari bo bazajya bitabira iri murikagurisha ku munsi, birumvikana ko atari abantu bacye ari yo mpamvu hakenewe umutekano uhagije kubera ingeri zitandukanye zizajya zihaza.

Kuri uyu wa 30 Nyakanga 2024, ubwo hatangizwaga ku mugaragaro iri murikagurisha, abayobozi barimo Minisitiri w'Ubucuruzi n'Inganda, umuyobozi w'Urugaga rw'abikorera, n'Umuvugizi wa Polisi y'u Rwanda, basuye ahantu hatandukanye hari gutangirwa serivisi zitandukanye ndetse n'ahari gucururizwa ibicuruzwa bitandukanye banareba uko imurikagurisha riri kugenda muri rusange.

Nyuma yo kureba uko ibikorwa by'imurikagurisha biri kugenda abayobozi bagiranye ikiganiro n'abanyamakuru, aho Umuvugizi wa Polisi y'u Rwanda, ACP Rutikanga Boniface, yavuze ko umutekano washyizwemo imbaraga muri Expo ndetse no mu muhanda cyane ko kubera iri murikagurisha imodoka mu muhanda ziziyongera cyane cyane mu mihanda igana ahebera imurikagurisha.

Ati 'umutekano hano witaweho dufite Abapolisi birirwa hano ndetse bakanaharara bashinzwe gucunga umutekano w'abantu n'ibyabo mu gihe bahari no mu gihe badahari, ikindi dufite umwihariko wo gucunga niba hari inkongi yaba muri iyi Expo, hano hari imodoka ihari igihe cyose yazimya umuriro mu gihe habaye inkongi.'

Yakomeje avuga ko iyi Expo yitabirwa n'abana bari munsi y'imyaka 18 na bo bagomba kugenzurwa bagacungirwa umutekano kugira ngo batanywa ibisindisha.

Imurikagurisha Mpuzamahanga ribaye ku nshuro ya 27 ryatangiye ku wa 25 Nyakanga 2024 rikaba rizarangira ku wa 15 Kanama 2024.

Abayobozi barimo Minisitiri w’Ubucuruzi n’Inganda n’Umuyobozi w’Urugaga rw’Abikorera berekwa ibikoresho byifashishwa mu gucunga umutekano