Category: Uncategorized

Ijonjora ry’ibanze ryo gushaka itike y’igikombe cy’Isi cy’abagore muri Basketball ryakomeje aho Senegal yatsinze Brazil, Hungary igatsinda Philippines.

Iri jonjora ririmo kubera mu Rwanda, uyu munsi hakinaga itsinda C ni mu gihe byari akaruhuko ku itsinda D ari na ryo ririmo u Rwanda.

Saa 15h habaye umukino wa Hungary na Philippines. Hungary yari yatakaje umukino wa mbere kuri Senegal yazanye umujinya ukomeye cyane.

Yatsinze irusha Philippines cyane ko uduce twose tw’umukino yatuyoboye. Agace ka mbere yagatsinze ku manota 23-14.

Aka kabiri yagatsinze ku manota 28-10 maze amakipe yombi ajya kuruhuka ari 51-24.
Hungary n’ubundi no mu gace ka 3 yakomeje igatsinda ku manota 24-20 ni mu gihe aka nyuma yagatsinze amanota 22-16.

Agnes Torok wa Hungary ni we watsinze amanota menshi muri uyu mukino aho yatsinzemo amanota 25. Hungary yegukanye umukino ku manota 97-60

Hahise hakurikiraho umukino wari utegerejwe cyane wa Brazil na Senegal.

Byari byitezwe kureba niba uko Senegal yatsinze Hungary iri buze no kubikora kuri Brazil, ni ko byaje kugenda kuko yawutsinze amanota 69-59.

Amakipe yatangiye umukino agendana cyane mu duce tubiri twa mbere. Agace ka mbere karangiye Senegal igatakaje ku manota 21-14, yaje gutsinda agace ka kabiri ku manota 21-15. Amakipe yagiye kuruhuka Brazil iri imbere na 26-25.

Senegal yagarukanye imbaraga mu gace ka 3 igatsinda ku manota 16-11 ndetse ihita inatsinda agace ka nyuma ku manota 18-12. Brazil yahise itsinda umukino ku manota 69-59.

Hungary yatsinze Philippines

Senegal yatsinze Brazil

Mitima Isaac wari myugariro wa Rayon Sports wamaze gusinyira Al-Zulfi SFC, yavuze ko impamvu atigeze agaragara muri Rayon Sports yitegura umwaka w’imikino wa 2024-25 ari uko yumvaga we yaramaze kuva muri iyi kipe.

Mu gitondo cyo kuri uyu wa Kabiri tariki ya 20 Kanama 2024 ni bwo byamenyekanye ko Mitima Isaac yamaze kurangizanya na Al-Zulfi SFC mu cyiciro cya kabiri muri Saudi Arabia, ni nyuma y’uko iyi kipe yumvikanye na Rayon Sports ku mwaka umwe yari ayisigaraniye.

Mitima Isaac ntabwo yigeze agaragara muri Rayon Sports yiteguraga 2024-25 aho byavugwaga ko yivumbuye kubera amafaranga iyi kipe imufitiye.

Mu kiganiro yahaye ikinyamakuru ISIMBI, Mitima Isaac yavuze ko impamvu ari uko yumvaga ashaka kuva muri Rayon Sports nubwo byatangiye ari ibibazo by’imishahara.

Ati “ntabwo nigeze ngaragara mu myitozo ya Rayon Sports kuko numvaga nshaka kuva muri Rayon Sports uyu mwaka kandi nari no mu nzira zikurikirana ibyo kugenda, nshaka ibyangombwa, navuga ko ubundi byatangiye hari ibibazo mfitanye na Rayon Sports bijyanye n’imishahara bangombaga batampaye.”

“Twaje kubiganiraho nk’abantu mbereka ko bibaye byiza bandeka nkajya gushaka amahirwe ahandi aho kugira ngo ngume muri Rayon kandi navuga ko bambereye ababyeyi barabyumva.”

Yavuze ko impamvu yahisemo gutandukana na Rayon Sports kandi yari ikimukeneye ari uko yumvuga igihe kigeze ngo ajye gushakira hanze y’u Rwanda cyane ko yumva Rayon Sports yayihaye ibyo yari afite byose.

Yakomeje avuga ko bimwe mu bihe atazibagirwa yagiriye muri Rayon Sports ari ibikombe batwaranye birimo Super Cup n’igikombe cy’Amahoro.

Ati “ibihe ntazibagirwa harimo ibikombe twatwaranye by’umwihariko Super Cup n’igikombe cy’Amahoro kuko twabitwaye dutsinze mukeka (APR FC) byaranshimishije cyane, imibanire yanjye n’abakunzi ba Rayon Sports nzabakumbura navuga ko icyo ntabahaye nka Mitima ni icyo ntari mfite kandi na bo baranshyigikiye.”

Yageneye ubutumwa abakunzi ba Rayon Sports ko bazamuhora ku mutima kuko bamweretse urukundo rukomeye.

Ati “ubutumwa nasigira abakunzi ba Rayon Sports ni uko mbakunda, twabanye neza kandi tuzahora tubana neza aho tuzahurira hose kuko ubu Rayon Sports nyifata nk’umuryango kuko hari ahantu yankuye n’aho yangejeje.”

Yashimiye kandi ubuyobozi bwa Rayon Sports. Ati “mbonereho nshimire n’ubuyobozi bwa Rayon Sports kuva kuri perezida Jean Fidele (Uwayezu) kugeza ku muntu wa nyuma wari muri komite, abatoza bose ndabashimira.”

“Ibihe bibi n’ibihe byiza twagiranye, aho nababaniye nabi bambabarire ntabwo yari njye ariko ndabashimira cyane barakoze, ndasabira umuryango wa Rayon Sports ibyiza gusa, abakinnyi bagenzi banjye twakinanye, twabanye neza Imana ikomeze ibahe umugisha mu byo barimo.”

Mitima Isaac yari mu ikipe y’Intare FC yegukanye shampiyona y’icyiciro cya kabiri, yavuyemo ajya muri Police FC ariko imvune ntizamubanira ayivamo ajya muri Kenya muri Sofapaka yavuyemo 2021 aza muri Rayon Sports yakiniraga kugeza uyu munsi.

Mitima Isaac yavuze ko yumvaga igihe kigeze ngo ave muri Rayon Sports

Nyuma hafi y’imyaka 2 nta kipe, rutahizamu w’Abanyarwanda wabahaye ibyishimo mu bihe bitandukanye, Sugira Ernest yongeye kubona ikipe, ibihe amazemo iminsi avuga ko byamugoye cyane nk’umukinnyi wari waramenyereye gukina.

Ubundi byose byatangiye muri Kanama 2022 ubwo yerekezaga muri Syria mu cyiciro cya mbere mu ikipe ya Al Wahda aho bari bumvikanye umwaka umwe.

Uyu rutahizamu akaba ataratinzeyo aho mu mpera za 2022 yaje guhita agaruka mu Rwanda ndetse kuva icyo gihe akaba nta kipe yari afite kugeza muri Kanama 2024 ubwo yasinyiraga Kiyovu Sports amasezerano y’umwaka umwe.

Mu kiganiro yahaye ikinyamakuru ISIMBI, yavuze ko kugaruka mu Rwanda byatewe n’umutingito wabaye muri iki gihugu ugahitana abantu benshi, waje usanga ikibazo cy’uwamutwaye (Agent) n’ikipe yari imurimo amafaranga.

Ati 'Nkigerayo habanje kuba ikibazo cy’umpagarariye n’ikipe, nyuma kimaze kuba hahita haba ikibazo cy’umutingito waje no guhitana abakinnyi bagera kuri 7 b’amakipe abiri, shampiyona iza guhagarara aho igarukiye isanga ibibazo byanjye bitarakemuka kuko aho hantu habaye umutingito twari tuhafite imikino igera kuri 5, ariko ntabwo wajya gukina abantu batakaje ubuzima birumvikana.'

'Icyo kibazo rero cya FIFA n’umpagarariye kubera ibintu by’amafaranga, ikipe yasinyishije umukinnyi w’umpamagarariye ariko nyuma hazamo ibibazo mu mafaranga biza gutuma ntabasha gukina, icyo gihe cy’umutingito bahise babwira abakinnyi b’abanyamahanga ngo babe batashye kugira ngo batahatakariza ubuzima, nza kuba ngarutse, nyuma shampiyona yarakomeje baza kuyikuraho, nshatse gusubirayo amasezerano ararangira, arangiye rero hari ibintu biba bitarangenze neza.'

Yakomeje avuga ko uyu mugabo w’Umudage se ukomoka mu Budage n’aho nyina akaba ari Umunya-Syria, yashwanye n’iyi kipe kuko yayishyuzaga arenga miliyoni 500 z’amafaranga y’u Rwanda.

Sugira Ernest yavuze ko kumara igihe kinini udakina uri umukinnyi ari ibintu bibi cyane byangiza umukinnyi ndetse nubwo ateruye neza ariko bishobora kuba ari kimwe mu byo yicuza.

Ati 'Hari igihe ushobora gushaka gisinya ntibikunde cyangwa ukumva ukeneye umwanya muto kugira uruhukeho ariko ikintu kimwe nakubwira ntabwo ari ibintu byiza kuko iyo ushatse kugaruka birakuvuna wowe ku giti cya we, hari ukuntu ibiro byiyongera, umuvuduko mu kibuga n’imbere y’izamu ukagenda, kugira ngo bigaruke rero bisaba ko ukora cyane.'

Yaciye amarenga ko muri iyo myaka hari amakipe ashobora yarabenze, ibintu ahamya ko bitari bikwiye atakongera gusubiramo.

Ati 'Hari ikipe ishobora kukwegera ukabona ntabwo muhuje cyangwa ntabwo irimo kukwereka umurongo muzima ukavuga ngo reka mfate agahe gato, gusa ni ibintu ntashishikariza buri mukinnyi byaba byiza ugiye ufata duke ugakina ariko uri mu kazi.'

Muri iki gihe yari amaze adakina, yavuze ko imyitwarire yo hanze y’ikibuga igorana cyane, aho nko ku giti cye yari yariyongereyeho ibiro 10.

Ati 'imyitwarire yo hanze y’ikibuga iragora nk’umuntu uba warakinnye umupira kugira ngo ucunge umubiri wawe uwugarure mu kazi ukimeze neza biragora cyane, na none iyo ubona abandi bakina udakina na byo bifite ukuntu bikwangiza.'

'Ubundi bigusaba kwita ku mirire ya we n’iminywere nk’ubu navuga ko twe iyo utarimo gukina biba bigoye, nk’ubu nari nariyongereyeho ibiro hagati y’umunani n’icyumi, kubikuraho ubu hamaze kuvaho 2, nkeneye gukuraho ibiro byinshi kugira ngo ntange umusaruro. Rero iyo utari mu kazi imyitwarire iba igoye.'

Mbere y’uko ajya muri Kiyovu Sports yabanje kujya muri AS Kigali yakiniye inshuro zirenze imwe kandi yagiriyemo ibihe byiza, gusa yaje kwangirwa gukorana n’abandi igeragezwa, ibintu avuga ko ari na byo byamuhesheje akazi muri Kiyovu Sports.

Ati 'Sinzi ngo navuga gute kuri AS Kigali ariko iyo ikintu nka kiriya kibaye kirakwigisha, ushobora no gusanga kibaye ngo kiguheshe akazi kandi ni nako byagenze. Biba bigoye kwivuga ariko iyo wakoze amateka hari uba warayarebye cyangwa yaragufashije kuyakora, sinakina umupira njyenyine, sinakina umupira nta muntu uwureba, biraya byambayeho muri AS Kigali ni byo byatumye umutoza wa Kiyovu avuga ngo bite bya we? Uri he? Ngwino dukore akazi.'

Yashimiye Kiyovu Sports yamuhaye amahirwe yo kuba yongeye kumugarura mu kazi ikamuha amahirwe akaba agiye kongera kwerekana icyo ashoboye, yijeje abakunzi b’iyi kipe ko atazabatenguha.

Sugira Ernest yavuze ko yagowe n’imyaka ibiri ishize

Gusuzugurwa na AS Kigali byamuhesheje akazi muri Kiyovu Sports

Yijeje Kiyovu Sports ko atazayitenguha

Kuri uyu wa Mbere, tariki ya 19 Kanama, Polisi y’u Rwanda yasubukuye Ubukangurambaga bw'umutekano wo mu muhanda bwahawe izina rya 'Gerayo Amahoro', mu rwego rwo kurushaho gukumira no kurwanya Impanuka zo mu muhanda.

Muri ubu bukangurambaga bwabereye hirya no hino mu gihugu, hatanzwe ubutumwa bushishikariza abakoresha umuhanda kugira imyitwarire yimakaza umutekano wo mu muhanda, buri wese akawukoresha neza yirinda amakosa yateza impanuka kandi akitwararika cyane cyane mu gihe ageze ahari mirongo yera ishushanyije aho abanyamaguru bambukira izwi nka ‘Zebra Crossing’ kugira ngo hakumirwe impanuka zihabera.

Polisi yasubukuye Ubukangurambaga bw'umutekano wo mu muhanda bwahawe izina rya 'Gerayo Amahoro’

Ingabire winjiye muri Sinema Nyarwanda mu 2015 akamamara muri filime zitandukanye nka Teta, Igikomere na Samantha, yibarutse umwana w’umuhungu. Ni umwana wa kabiri abyaranye n'umugabo we Kamanzi Felix bamaranye imyaka itanu, mu gihe undi yitabye Imana muri Mata 2021.

Mu butumwa yatanze agaragaza ibyishimo atewe no kwibaruka, Ingabire yagize ati: “Turishimye kandi twahawe umugisha w’umwana mwiza w’umuhungu. Urakoze Mana ku bwo kuzana umunezero nk’uyu mu buzima bwacu.”

Muri Mata 2021 ubwo uyu muryango wapfushaga imfura, yari umwana wa kabiri wa Ingabire kuko asanganywe undi yashatse afite. Uwo witabye Imana yari yahawe amazina ya Saro Thea Maella, yitabye Imana amaze amasaha 14 avutse.

Ingabire Pascaline yatangiye ibyo gutunganya no kuyobora filime mu 2021 ahera kuri filime y'uruhererekane yise 'Inzozi Series' ica kuri Youtube.

Urugendo rwo gukina filime rwa Ingabire Pascaline ruhera muri filime 'Igikomere' yakinnyemo asimbura mugenzi we bari bajyanye utarabashije kumvikana n'abakinishaga iyi filime.

Ni filime yatumye yumva ko yatangiye gukabya inzozi ndetse agira n'icyireze cy'uko azakina no mu zikomeye agahabwa n'umwanya munini.

Iyi filime kandi yatumye abo mu muryango n'inshuti ze bamubwira ko noneho yinjiye mu byo yaharaniye kuva cyera.

Yakinnye kandi muri filime 'Urwishigishiye' nk'umukinnyi w'imena, akina muri filime yitwa 'Angel', 'Mika' n'izindi kugeza kuri filime yitiriwe 'Samantha' yatumye agira ijambo rikomeye.

Iyi filime yamusigiye ikintu kinini 'Kuko yampaye izina n'uyu munsi nkitirirwa bituma ubushobozi bwo gukina muri filime bwiyongera'.

Ingabire Pascaline ni umugore wa Kamanzi Felix barushinze ku wa 29 Ukuboza 2019 usanzwe ari umwanditsi ukomeye wa filime n'Ikinamico.

Kamanzi ni we wanditse anatuganya ikinamico 'Isano'. Niwe wa mbere wakoze filime z'Ubumwe n'Ubwiyunge.

Ni umugabo ufite inkuru nyinshi yanditse za filime yahaye umugore we ngo azibyaze umusaruro kuko we adakunze kubona umwanya bitewe n'akazi akora.

Ingabire Pascaline wamamaye nka Samantha muri Sinema Nyarwanda yibarutse umuhungu

Ni umwana afata nk’umugisha n’umunezero udasanzwe bahawe na Rurema

Amashimwe ni menshi kuri uyu mubyeyi w’abana batatu

 

Pascaline asanzwe afite abandi bana babiri b’abakobwa

Pascaline n’umugabo we Felix bamaze imyaka itanu barushinze

Ingabire Pascaline wamamaye muri Sinema Nyarwanda nka Samatha n’andi mazina yagiye yitwa bitewe na Filime yakinnyemo, yibarutse umwana w’umuhungu.

Abinyujije ku mbuga nkoranyambaga ze, Pascaline yasangije abamurikira amafoto bigaragara ko yafatiwe kwa muganga ateruye umwana, ayakurikiza ubutumwa bushimira Imana yabahaye umwana w’umuhugu.

Ati 'Turishimye kandi ni umugisha wo kwakira umuhungu w’igiciro cyinshi. Urakoze, Mana ku bwo kuzana umunezero nk’uyu mu buzima bwacu.'

Ni umwana wa Gatatu we n’umugabo we Kamanzi bakoze ubukwe muri 2019 bibarutse, akaba aje akurikira abandi babiri b’abakobwa.

Muri 2021 Pascaline n’ubugabo we bibarutse umwana w’umukobwa yitaba Imana nyuma y’umunsi umwe avutse. Nyuma yaho mu 2022 nibwo bibarutse undi mwana w’umukobwa.

Ubu ibyishimo ni byose mu muryango wa bo nyuma y’uko bibarutse umwana w’umuhungu

Urugendo rwo gukina filime rwa Ingabire Pascaline ruhera muri filime 'Igikomere' yakinnyemo asimbura mugenzi we bari bajyanye utarabashije kumvikana n’abakinishaga iyi filime.

Ni filime yatumye yumva ko yatangiye gukabya inzozi ndetse agira n’icyireze cy’uko azakina no mu zikomeye agahabwa n’umwanya munini kugeza n’ubwo atangiye gutegura ize.

Yakinnye muri filime zitandukanye zirimo 'Urwishigishiye' yakinnyemo nk’umukinnyi w’imena, akina muri filime yitwa 'Angel', 'Mika' n’izindi kugeza kuri filime yitiriwe 'Samantha' yatumye agira ijambo rikomeye.

Mu 2020 ni bwo yatangiye gukora filime ze akazandika ndetse akanaziyobora ‘Production’ aho yakoze filime zirimo Inzozi, The Pact (Igihango) n’izindi.

Samantha yibarutse umuhungu

RUKUNDO Sulaiman / ISIMBI.RW