Category: Uncategorized

Nubwo yatangiye shampiyona ariko Kiyovu Sports irimo ibibazo uruhuri kugeza aho n’abakinnyi yaguze batakinnye umunsi wa mbere.

Uyu munsi ni bwo Kiyovu Sports yakinaga umunsi wa mbere wa shampiyona na AS Kigali.

Inkuru yatunguye benshi ni uko iyi kipe yakinnye abakinnyi benshi bashya yaguze cyane cyane abanyamahanga nta n’umwe urimo kimwe n’abandi bakinnyi bose yaguze bavuye hanze y’u Rwanda.

Kiyovu Sports yahuye n’ikibazo cy’uko abakinnyi baje baturutse hanze y’u Rwanda nka Hamiss Cedric, Sugira Ernest, Nshimirimana Jospin, Nsanzimfura Keddy n’abandi batarabona ibyangombwa byo gukinira Kiyovu Sports.

Ubusanzwe iyo abakinnyi bavuye muri shampiyona imwe bajya mu yindi, bisaba ko basabirwa muri FIFA icyitwa ITC (International Transfer Certificate) kugira ngo wimurwe uve muri shampiyona imwe ujye mu yindi.

Ibi rero ntabyo yigeze ikora yisanga igomba gukinisha abakinnyi isanganywe, abavuye mu bato ba yo ndetse n’abo yaguze basanzwe muri shampiyona nka Mugisha Desire kuko bo badakenera ITC.

Gusabira ITC mu makipe menshi bikorwa na Team Manager gusa ubu Kiyovu Sports nta we ifite inshingano zose zikorwa n’umutoza Bipfubusa Joslin.

Kiyovu Sports yakinnye nta bakinnyi benshi bashya ifite

Ku bakurikira imyidagaduro cyangwa abakoresha imbuga nkoranyambaga babonye amashusho amaze iminsi arikoroza hirya no hino y’umuhanzi The Ben ari kwifotozanya n’umukobwa witwa Emelyne. Impamvu nyamukuru yatumye aya mashusho agarukwaho cyane ni uko uyu muhanzi usanzwe afite umugore, yagaragaye akurura akenda k’imbere k’uyu mukobwa.

Bamwe ku mbuga nkoranyambaga bacitse ururondogoro bati: ”Ni gute umuhanzi The Ben wubatse atinyuka gukorakora umukobwa kugeza n’ubwo amukuruye ikariso?” Abandi bati ni agatwiko kamenyerewe mu bahanzi ndetse ko bishoboka ko baba babikoze babyumvikanyeho.

Nubwo abantu benshi bari bavuze amagambo menshi kuri aya mashusho, Emelyne nyirubwite wavugwagaho kuba yavogerewe na The Ben, yashyize agira icyo abivugaho gusa igisubizo cye cyasamiwe hejuru. Ibi yabigarutseho mu kiganiro yagiranye na Isimbi aho yahakanye ibiri kuvugwa maze akavuga ko The Ben atigeze akurura ikariso ye nk’uko benshi babivuga.

Yagize ati: ”Nari niyambariye Ishanga akozeho yumva ikintu kibyimbye ahita ambwira ngo ‘Utambwira ko nawe wambara  bya bintu by’abapfumu’, ndamubwira nti wabaye uretse gato bakadufotora’. Nyuma yo kudufotora mubwira ko ari Ishanga”.

Kuva Emelyne yavugaga ko icyo The Ben yakozeho ari Ishanga yari yambaye munda, abantu benshi babitangariye. Uraranganyije amaso hirya no hino ku mbuga Ishanga ryabaye Ishanga! Bamwe baribaza imvano yaryo mu gihe hari n’abari baryumvise bwa mbere.

Muri iyi nkuru, turibanda kumvano y’Ishanga aho ryaturutse, ubusobanuro bwaryo ndetse n’impamvu abakobwa benshi baharaye kuryambara muri iyi minsi.

Ishanga abakobwa n'abagore bambara ku nda yitwa 'Waist beads' mu ndimi z'amahanga ni umuco w'abanyafurika bambara nk'imitako. Ishanga riba rikoze mu masaro, mu dusaro tw'amabara atandukanye cyangwa se diyama kimwe n’uko hari udukoze nk'ishene isanzwe.

Hari impamvu zitandukanye ishanga ryambarwa kandi hari ubusobanuro bwarwo butandukanye bitewe n'igihugu uturukamo n’uko wowe ubyumva, ariko aho uva ukagera ishanga ryambarwa n'igitsina gore gusa ntaho uzabona umugabo waryambaye ndetse bose baryambara ku nda.

Impamvu Ishanga ryambarwa, hari uryambara kugira ngo abashe gupima niba yananutse cyangwa yabyibushye. Iyo wabyibushye, iri shanga rirazamuka ku nda hejuru cyangwa se rikagufata cyane cyangwa rigaturika. Iyo wananutse, riramanuka rikagera ku mayunguyungu.

Mu bindi bihugu aho iri Shanga ryambarwa nk'umuco usanga rujyanye n'umugore cyangwa umukobwa n'imyororokere ye.

Mu gihugu cya Ghana usanga umwana w'umukobwa bamwambika Ishanga ku nda mu muhango wo kumwita izina agakomeza kuryambara no mu gukura kwe.

Mu bindi bihugu cyane cyane byo mu Burengerazuba bwa Afurika, umubyeyi yambika umukobwa we Ishanga ku nda akijya mu mihango bwa mbere.

Gukura Ishanga wambaye rikanga kugukwira, nabyo bifatwa nko kuva mu cyiciro kimwe ujya mu kindi.

Bamwe bavuga ko hari Ishanga abashaka gusama bambara mu gihe cy'imibonano mpuzabitsina kugira ngo babashe gusama. Hari n'Ishanga abagore batwite bambara ngo rigafasha mu kurinda umubyeyi n'umwana yaba atwite.

Abandi bambara Ishanga ku nda kugira ngo babashe gusa neza kimwe n’uko wakwambara amaherena n'ibikomo.

Hari n’abandi bambara Ishanga ku nda kugira ngo bige kwicara neza kuko iyo uryambaye ukicara uhese ibitugu riragufata cyane ku nda ukababara, maze ukicara udahese ibitugu. Mbese bigufasha kumenyera kwicara udahese ibitugu.

Kubera ukuntu Ishanga ryacirwao ku nda ari ikintu cy'umuntu ku giti cye, hari n'abaryambara ntubashe kumenya ko aryambaye, rero ni yo mpamvu buri wese agira uko arisobanura ku giti cye.

Hari ubwoko bw’Ishanga buba bukoze mu masaro ari nabwo benshi bakunze kwambara inaha

Hari n’abambara Ishanga ryanditseho amazina yabo

Ishanga rikomeje kurikoroza kwa The Ben 

Mu ijambo rye ryo gusoza umwaka wa 2023, Perezida Ndayishimiye yari yaciye amarenga y'uko imipaka yo ku butaka ihuza u Burundi n’u Rwanda ishobora gufungwa. Ni nako byagenze ku wa 11 Mutarama 2024.

Icyo gihe Ndayishimiye yagize ati'Turibuka akanyamuneza Abanyarwanda bagize basubiye kubona ikiyaga Tanganyika, basubiye kubona umukeke n'indagara none utwo twigoro twose igihugu c'u Rwanda rwemeye kubisubiza ibubisi.

'Ico twiyemeje ni uko tugiye gufata ingingo zose kugira ngo abana b'u Burundi ntibasubire kugandagurwa n'ivyo birara.'

Imipaka yafunzwe nyuma y’uko Burundi bushinje u Rwanda gufasha umutwe wa REB Tabara wishe abantu mu Burundi. Ni ibirego ariko u Rwanda rwahakanye mu bihe bitandukanye.

Ibi byakomye mu nkokora urujya n’uruza rw’abantu, ndetse byumwihariko abahanzi bari bafite ibitaramo mu Burundi barabisubika, cyo kimwe n’abiteguraga kujya gufatirayo amashusho y’indirimbo zabo.

Ariko kandi, ku wa 12 Kanama 2024, Perezida Ndayishimiye yavuze ko kuba imipaka ifunzwe, bitavuze ko Abanyarwanda batemerewe kujya mu Burundi.

Ndayishimiye yavuze ko imipaka yo ku butaka yafunzwe kubera ko umutekano waho utizewe. Yavuze ko nubwo bimeze gutya ariko indege za RwandAir zikomeje gukorerayo ingendo, zitwara abantu bajya cyangwa bava mu Burundi.

Ati 'Urubyiruko rwo mu Rwanda rumaze iminsi runyandikira, rumbaza ibibazo. Benshi banavuze ngo dufungure imipaka, mbabwira ko nta Munyarwanda n'umwe ubujijwe kuza mu Burundi, RwandAir irakora, ku mupaka w'u Rwanda ni ikibazo cy'umutekano gusa, icyo na cyo aho kiri harazwi.'  

Uyu mukuru w’Igihugu, yumvikanishije ko ashyigikiye kuba abahanzi n’abanyarwenya b’abanyarwanda n’abarundi bajya gutaramira mu Burundi no mu Rwanda.

Ati 'Mbona Abarundi bajya mu Rwanda kuririmba cyangwa gutera urwenya, nkabona Abanyarwanda baje ino gutera urwenya. Yewe amafaranga barayinjiza. Biriya ni ibyo gushyigikira, biranashimishije kuko binaruhura mu mutwe.'

Ubwo yari ageze ku kibuga cy’indege Mpuzamahanga cya Kigali kuri uyu wa Gatatu tariki 21 Kanama 2024, Kidum yarumye ahuhaho agaragaza ko umubano w’u Rwanda n’u Burundi, uzazahuka uko byagenda neza binyuze mu bashinzwe Dipolomasi.

Ati “Ni inde yabivuze ko utameze neza? Ndatekereza bizaba binyuze muri Dipolamasi. Abashinzwe Dipolamasi niko kazi kabo nibyo bahemberwa, bazavugana, baravukana, ni ababyara, ururimi ni rumwe. Dipolomasi ifite ba nyirayo. Umaze kubona RwandAir bayibuza kujyayo mu Burundi iragenda? Wigeza wumva ngo Ambasade yafunze irahari.”

Kidum yavuze ko ibyo avuga ari ukwisunga amagambo yavuzwe na Perezida w’u Burundi. Akomeza ati “Ibintu bya Dipolomasi bifite ba nyirabyo n’imiziki bifite ababyo.”

Yavuze ko kuba u Rwanda n’u Burundi batabanye neza muri iki gihe, bitasubije inyuma umuziki ‘kuko nanjye naje’, kandi birashoboka ko n’abarimo Israel Mbonyi yataramiye mu Burundi. Ati “Ibi bintu bifite ba nyirabyo, mubonye imipaka yafunze bifite ba nyirabyo, kuko yigeze gufunguka…”

Aragenzwa no gutamira abanya-Kigali mu gitaramo cyiswe 'Soirée Dancente' aho azaba yizihiza ibitaramo birenga 100 ataramira mu Rwanda. Ni mu gitaramo avuga ko gikomeye kizabera muri Kigali Conference and Exhibition Villaga ahazwi nka Camp Kigali.

Kidum yatangaje ko binyuze muri Dipolamasi umubano w'u Rwanda n'u Burundi uzongera kuba mwiza

Kidum yagaragaje ko Abanyarwanda bakomeje kujya mu Burundi bifashije indege za RwandAir

Perezida Ndayishimiye aherutse kugaragaza ko ashyigikiye kuba abahanzi n'abanyarwanda n'abanyarwenya b'abarundi bakomeje ibitaramo mu bihugu byombi- bigaragaza ko ifungwa ry'imipaka yo ku butaka itabujije Abanyarwanda kujya mu Burundi  

Kidum ategerejwe muri Camp Kigali mu gitaramo cyo kwizihiza ibitaramo birenga 100 yakoreye mu Rwanda

KANDA HANO WUMVE INDIRIMBO ‘AMASOZI Y’URUKUNDO’ YA KIDUM

“>

Abandi banyeshuri b'Abanyarwanda babonye umudali wa feza, n'indi itatu y'umuringa abandi bakobwa benshi babona imidali y'umuringa. Aya marushanwa yahuje abanyeshuri bo mu bihugu 30 bya Afurika aho abana bagaragaza impano zabo mu mibare.

Urugendo rwaganishije abanyeshuri bahagarariye u Rwanda ku ntsinzi rwatangiye mu ntangiriro z'uyu mwaka ubwo bakoraga neza mu marushanwa y'Imibare mu karere ka Afurika y'Iburasirazuba, East African Mathematical Olympiad (EAMO) begukana umwanya wa mbere mu bihugu umunani.

Aba banyeshuri kandi bitabiriye Irushanwa Mpuzamahanga ry'Imibare (IMO) bahakura ubunararibonye kandi na ho bitwara neza.

Ni abanyeshuri batoranywa mu bigo by'amashuri yisumbuye binyuze mu bufatanye bw'Ikigo Nyafurika gishinzwe guteza imbere Ubumenyi bushingiye ku Mibare, AIMS Rwanda, Minisiteri y'Uburezi n'abandi bafatanyabikorwa batoranya mu barenga ibihumbi 40, bakazavamo abagera kuri 23 ari na bo bahagararira igihugu mu marushanwa yo mu karere no ku rwego mpuzamahanga.

Perezida wa AIMS Rwanda Centre na AIMS Network, Prof. Sam Yala yagaragaje ko umusaruro w'abanyeshuri b'u Rwanda uteye ishema.

Ati 'Dutewe ishema n'umusaruro abana bacu bagezeho, uyu mudali wa zahabu ntabwo ari intsinzi y'iri tsinda ahubwo ni uw'igihugu cyose. Uragaragaza amahirwe urubyiruko rw'u Rwanda rwiga amasomo ya siyansi, ikoranabuhanga n'imibare (STEM) bafite. Twiyemeje guteza imbere impano zabo binyuze muri gahunda zo kwegera abantu, duteza imbere imibare mu Rwanda.'

AIMS Rwanda ifasha gutegura abanyamibare, kubatoza kuva bakiri bato ndetse binyuze muri gahunda zayo zitandukanye yiyemeje guteza imbere ibyerekeye imibare mu Rwanda.

AIMS yashinzwe mu 2003. Ihuriyemo ibigo by'icyitegererezo byigisha abantu ku rwego rwa kaminuza mu bumenyi mu mibare n'ubushakashatsi. AIMS ifite amashami mu bihugu nk'u Rwanda, Afurika y'Epfo, Senegal, Ghana na Cameroon kandi igira uruhare mu iterambere ry'imibereho myiza n'ubukungu.

Abanyeshuri b’Abanyarwanda begukanye umudali wa zahabu mu marushanwa mpuzamahanga y’imibare

Perezida wa AIMS Network, Prof. Sam Yala yavuze ko abanyeshuli bahesheje u Rwanda rwose ishema

Amarushanwa y’imibare yari yitabiriwe n’abakomoka mu bihugu 30

Ni uburyo bwiswe 'WhatsApp Banking 2.0' bwisumbuye ku bwari busanzweho kuko ubu bushya butangirwaho serivise nyinshi, zihuse, kandi kubukoresha biroroshye cyane.

Abakiliya ba I&M Bank bifashishije WhatsApp bashobora kohereza amafaranga, kureba amafaranga basigaranye kuri konti, kureba raporo ngufi y'ibyakorewe kuri konti no kwishyurana.

Habonekaho kandi izindi serivise za banki zisanzwe ziboneka kuri telefone igendanwa ndetse n'izo ku makarita atandukanye, byumwihariko serivisi zo kongera amafaranga ku ikarita za 'master cards prepaid'.

Uko ubu buryo bukora

Gutangira gukoresha ubu buryo birafunguye ku bakiliya bose b'iyi banki baciye kuri nimero ya WhatsApp +250788361414 bakayandikira ijambo 'Hi' cyangwa 'Hello'. Nyuma yo kwandika iri jambo umukiliya ahita abona ubutumwa burimo 'link' yo kwiyandikisha byarangira agahita yinjira muri konti ye akoresheje ijambobanga yahawe ubwo yiyandikishaga.

Ibyo iyo birangiye umukiliya ahita abona ahari serivise zinyuranye ziboneka kuri uru rubuga agahitamo izo ashaka.

Usanzwe afite konti muri yarasanzwe akoresha uru rubuga we aba asabwa kwandikira ya nimero ijambo 'Hi' cyangwa 'Hello', agahita abona aho kuzuza ijambobanga rye ubundi agahitamo serivise ashaka.

Ubuyobozi bwa I&M Bank butangaza ko ubu buryo ari igisubizo mu kwegereza abakiliya bayo serivise binyuze mu buryo basanzwe bifashisha buri munsi batumanaho nka WhatsApp.

Butangaza kandi ko ari uguhanga udushya mu kurushaho kwegereza abakiliya serivise z'imari aho bisanga kandi binajyanye n'umurongo Igihugu cyafashe wo gushyigikira ikoreshwa rya telefone zigendanwa kuri bose mu mijyi no mu bice by'icyaro.

Umuyobozi ushinzwe Serivise z'Ikoranabuhanga muri I&M Bank (Rwanda) Plc, Munyanziza Marc David, yavuze ko iyi banki igamije guhaza ibyifuzo by'abakiliya.

Yagize ati 'Intego yacu ni uguhanga udushya muri serivise duha abakiliya bacu zihuje n'ibyo bakeneye ndetse birenze ibyo bari biteze. Kuzana serivise za banki kuri WhatsApp nk'urubuga abakiliya bacu bisangaho buri munsi, bigamije kuborohereza mu gukurikirana ibijyaye n'imari yabo',

Munyanziza yongeyeho ko bizeye ko ibyo bizafasha cyane abakiliya babo koroherwa no kubona serivise z'iyi banki zinyuze mu ikoranabuhanga.

I&M Bank ni banki imaze kuba ubukombe Gihugu no mu Karere kandi iri mu zihagaze neza mu bucuruzi, dore ko kuva mu 2017 yinjiye no ku Isoko ry'Imari n'Imigabane ry'u Rwanda.

Umuyobozi ushinzwe Serivise z'Ikoranabuhanga muri I&M Bank (Rwanda) Plc, Munyanziza Marc David

Nyuma y’amashusho yasakaye ku mbuga nkoranyambaga ya The Ben ari kumwe n’umufana we bifotoza agateza ururondogoro, uyu mukobwa yavuze ko asanzwe aziranye n’uyu muhanzi kandi ko nta n’icyo yakoze kidasanzwe.

Ni amashusho yagiye hanze mu mpera z’icyumweru gishize, The Ben ubwo yari i Musanze gutaramirayo, yanafashe umwanya asabana n’abafana be.

Amashusho yavugishije benshi ni amashusho ya The Ben na Emelyne usanzwe ari umukinnyi wa filime ndetse akaba afite ikiganiro akora yise “Popcorn Podcast” gitambuka kuri YouTube.

Ubwo barimo bifotoza, The Ben yafashe mu mayunguyungu ye noneho agaragara hari akantu akurura, benshi bahise bavuga ko ari umwenda w’imbere w’uyu mukobwa.

Mu kiganiro yahaye ikinyamakuru ISIMBI, Emelyne yavuze ko The Ben yamukozeho yumva ikintu kibyimbye amabuza niba ari bya bintu by’abapfumu.

Ati “yankozeho yumva ikintu kibyimbye, ahita ambwira ngo nizere ko utambaye bya bintu by’abapfumu, nari nambaye ishanga (utuntu tw’amasoro abakobwa bambara mu nda), abantu bavuga ngo nahise mureba nabi sibyo kuko narahindukiye ndamubwira ngo buretse babanze badufotore, baradufotora n’amashusho arafatwa arimo kumbaza ngo ese iki kintu ni igiki? Ngiye kugenda naramubwiye ngo ni ishanga.”

Ibyo kuba ari umwenda w’imbere yakuruye, Emelyne yavuze ko ari ugusebya umuntu kandi banazi ko afite umuryango.

Ati “sinzi ukuntu abanyarwanda duteye ariko biriya mbifata nko gukinira ku buzima bw’umuntu kandi bazi ko afite umuryango. Si umwambaro w’imbere yakuruye, yakuruye ishanga niba abantu banabizi umwambaro w’imbere ntukururwa kuriya, bisaba ukurure ufate kandi nari nambaye ikanzu imfashe, ni ishanga, ni umugozi nari nambaye mu nda.”

Emelyne avuga ko we na The Ben basanzwe baziranye kuko ari umufana we kandi ajya agera igihe akajya guhura n’abafana be.

Yongeyeho ko n’umugore wa The Ben amufata nk’ikitegererezo kuko akenshi ni yo agiye kugura umwenda abanza kujya kuri Instagram ye Pamela ngo arebeho umwenda yagura.

Emelyne yavuze ko The Ben atari umwenda w’imbere yakuruye ahubwo ari ishanga

Ku gicamunsi cy’ejo hashize ku wa Kabiri umugaba mukuru w’ingabo z’u Rwanda akaba n’umuyobozi w’icyubahiro wa APR F.C, General Mubarakh Muganga ari kumwe n’umugaba w’Ingabo zirwanira ku butaka, Maj Gen V Nyakarundi basuye ikipe ya APR F.C aho isanzwe ikorera imyitozo i Shyorongi mu Karere ka Rulindo.

Bakihagera bahawe ikaze n’umuyobozi w’iyi kipe Col. Richard Karasira aho babanje gukurikira imyitozo yiyi kipe.

Nyuma y’imyitozo Col Richard Karasira yahaye ikaze abayobozi bakuru kuri icyo kibuga cya APR F.C aho baganirije Abakinnyi ku ntego z’ikipe n’ibindi.

Umuyobozi w’icyubahiro wa APR FC akaba Umugaba Mukuru w’ingabo z’u Rwanda, Gen. MK Mubarakh Muganga yibukije ko intego ikiri yayindi 'Intsinzi' bityo ko bagomba kugira umurava bakayigeraho
Umuyobozi w’icyubahiro wa APR F.C yatangiye aha ikaze Abakinnyi bashya binjiye mu muryango wa APR F.C muri uyu mwaka, akomeza agenera ubutumwa ikipe muri rusange.

Yagize ati 'Mbanje guha ikaze Abakinnyi bashya twungutse, muje mu muryango mwiza kandi uhora ushaka intsinzi dore ko ari zo ntego zacu muri rusange, Abakinnyi dusanganywe murabizi neza ko intsinzi ari yo dushyira imbere kuruta ibindi, iyi ni ikipe ya Gisirikare ariko namwe burya mu kibuga muba muri abasirikare, rero mugomba kubyerekana mutahana instinzi. Kandi twizeye ko kuri uyu mukino turi twitegura muzaduha intsinzi.'

Abakinnyi n’abatoza bahawe impanuro zuje impamba ishyitse mu rugendo rwa CAF Champions League
Yakomeje ababwira ko bafite ikintu gikomeye kibategereje kuri uyu wa Gatandatu anabifuriza intsinzi.

Ati 'Iyi mikino murimo ni yo tuba tugomba kwerekaniramo ko natwe duhagaze neza, kuri uyu wa Gatandatu nizeye ko mwiteguye kandi neza, Abatoza banyu bari hano bari kubereka buri kimwe cyatuma mwitwara neza, ibyo babereka rero murasabwa kubikora mu kibuga.Gutsinda igitego kimwe ni byiza ariko se kuki mutatsinda n’icya kabiri kibaha umutekano, mugashyiramo n’icya gatatu bikarushaka kuba byiza?'

'Nk’ubuyobozi rero abo dusangaywe hano murabizi ko ibihembo mukura muri iyi mikino biba ari ibyanyu rero nta cyahindutse ni mubitware, natwe dusigare tubashakira n’ibindi nk’uko bisanzwe.'

APR FC izakina na Azam FC ku wa Gatandatu tariki ya 24 Kanama 2024 mu mukino wo kwishyura w’ijonjora rya mbere rya CAF Champions League, umukino ubanza yasinzwe 1-0.

Umugaba mukuru w’ingabo z’u Rwanda, Gen Mubarakh Muganga yasuye abakinnyi abasaba gusezerera Azam FC

Umugaba w’ingabo zirwanira ku butaka Maj Gen Vincent Nyakarundi na we yari ahari

Chairman wa APR FC, Col Richard Karasira

Abakinnyi ba APR FC na bo bahawe umwanya bagira icyo bavuga

Biravugwa ko APR FC yaba yemeye kurekura umukinnyi wa yo ukina mu kibuga hagati w’Umurundi, Nshimirimana Ismaïl Pitchou nyuma y’igihe abisaba.

Pitchou yinjiye muri APR FC muri 2023 asinya amasezerano y’imyaka ibiri akaba yari asigaje umwaka umwe.

Ubwo yari ku mpera z’umwaka wa mbere, Pitchou wabonaga atarimo kubona umwanya uhagije wo gukina yasabye iyi kipe ko yamurekura ariko iramwangagira.

Mu kwitegura umwaka w’imikino wa 2024-25, APR FC yazanye umutoza mushya ukomoka muri Serbia, Darko Nović.

Mu kwitegura Darko yagaragaje ko ashobora kutazakenera uyu murundi ukina mu kibuga hagati bitewe n’abandi bahakina.

Byagaragariye muri CECAFA aho nta mukino n’umwe yakinnye, bagarutse bitegura Simba SC kuri Simba Day yaje no gusigara mu Rwanda kimwe no ku mukino ubanza wa Azam FC nabwo yasigaye mu Rwanda.

Amakuru ISIMBI yamenye ni uko Pitchou uyu mutoza yamubwiye ko azajya akina ku ruhande rw’ibumoso yugarira akaba umusimbura wa Niyomugabo Claude, ibintu Pitchou ntabikozwa aho yavuze ko atazigera ahakina.

Ejo hashize Pitchou akaba atarakoze imyitozo na bagenzi be, amakuru akavuga ko yamaze kumvikana na APR FC kuba impande zombi zatandukana akajya gushakira ahandi.

Pitchou ashobora kuba yamaze gutandukana na APR FC

Nyuma y’amashusho yasakaye ku mbuga nkoranyambaga ya The Ben ari kumwe n’umufana we bifotoza agateza ururondogoro, uyu mukobwa yavuze ko asanzwe aziranye n’uyu muhanzi kandi ko nta n’icyo yakoze kidasanzwe.

Ni amashusho yagiye hanze mu mpera z’icyumweru gishize, The Ben ubwo yari i Musanze gutaramirayo, yanafashe umwanya asabana n’abafana be.

Amashusho yavugishije benshi ni amashusho ya The Ben na Emelyne usanzwe ari umukinnyi wa filime ndetse akaba afite ikiganiro akora yise “Popcorn Podcast” gitambuka kuri YouTube.

Ubwo barimo bifotoza, The Ben yafashe mu mayunguyungu ye noneho agaragara hari akantu akurura, benshi bahise bavuga ko ari umwenda w’imbere w’uyu mukobwa.

Mu kiganiro yahaye ikinyamakuru ISIMBI, Emelyne yavuze ko The Ben yamukozeho yumva ikintu kibyimbye amabuza niba ari bya bintu by’abapfumu.

Ati “yankozeho yumva ikintu kibyimbye, ahita ambwira ngo nizere ko utambaye bya bintu by’abapfumu, nari nambaye ishanga (utuntu tw’amasoro abakobwa bambara mu nda), abantu bavuga ngo nahise mureba nabi sibyo kuko narahindukiye ndamubwira ngo buretse babanze badufotore, baradufotora n’amashusho arafatwa arimo kumbaza ngo ese iki kintu ni igiki? Ngiye kugenda naramubwiye ngo ni ishanga.”

Ibyo kuba ari umwenda w’imbere yakuruye, Emelyne yavuze ko ari ugusebya umuntu kandi banazi ko afite umuryango.

Ati “sinzi ukuntu abanyarwanda duteye ariko biriya mbifata nko gukinira ku buzima bw’umuntu kandi bazi ko afite umuryango. Si umwambaro w’imbere yakuruye, yakuruye ishanga niba abantu banabizi umwambaro w’imbere ntukururwa kuriya, bisaba ukurure ufate kandi nari nambaye ikanzu imfashe, ni ishanga, ni umugozi nari nambaye mu nda.”

Emelyne avuga ko we na The Ben basanzwe baziranye kuko ari umufana we kandi ajya agera igihe akajya guhura n’abafana be.

Yongeyeho ko n’umugore wa The Ben amufata nk’ikitegererezo kuko akenshi ni yo agiye kugura umwenda abanza kujya kuri Instagram ye Pamela ngo arebeho umwenda yagura.

Emelyne yavuze ko The Ben atari umwenda w’imbere yakuruye ahubwo ari ishanga

Myugariro w’ibumoso, Ishimwe Jean-René wakiniraga Marines FC yatangiye imyitozo muri APR FC nk’umusimbura wa Niyomugabo Claude.

APR FC yarekuye abakinnyi benshi bakina mu bwugarizi nka Rwabuhihi Aime Placide, Buregeya Prince, Omborenga Fitina na Ishimwe Christian gusa basimbujwe babiri gusa Byiringiro Gilbert na Aliou Souane ukomoka muri Senegal.

APR FC yisanze kapiteni wa yo Niyomugabo Claude nta musimbura afite maze umutoza Darko Nović yishakamo ibisubizo ahatwara Nshimirimana Ismaïl Pitchou usanzwe ukina mu kibuga hagati.

Uyu mugabo usanzwe utishimye muri APR FC cyane ko kuva mu mpera z’umwaka w’imikino ushize yasabaga gutandukana na APR FC, noneho aho bamutwariye ku ruhande biba bibi kurushaho, we yifuza gutandukana na APR FC.

Amakuru avuga ko yaba yarabwiye umutoza ko atazigera ahakina ari na yo mpamvu yahisemo kuzana Ishimwe Jean-René.

René mu minsi ishize akaba yari yatangajwe nk’umukinnyi wa Mukura VS ariko Intare FC yari afitiye amasezerano ivuga ko batumvikanye ni ko kumugarura asubira muri Marines FC akaba ari ho yari amaze iminsi akorera imyitozo.

Akaba yaraye agaragaye mu myitozo ya APR FC ubwo iyi kipe yari yasuwe n’umugaba mukuru w’ingabo z’u Rwanda abasaba kuzasezerera Azam FC yo muri Tanzania muri CAF Champions League.

Ishimwe Jean Rene, wa kabiri mu bicaye uturutse ibumoso yagaragaye mu myitozo ya APR FC

Ishimwe Jean Rene, wa kabiri mu bicaye uturutse ibumoso yagaragaye mu myitozo ya APR FC