Rayon Sports yatsinzwe umukino wa 2 muri CECAFA y’abagore irimo kubera muri Ethiopia izatanga ikipe izakina CAF Champions League, yatsinzwe na Kenya Police Bullets 1-0.
Ni umukino wa kabiri w’itsinda rya mbere yakinaga, ni nyuma yo gutsindwa na CBE yo muri Ethiopia 3-2 mu mukino ufungura.
Kuri uyu wa Kabiri yagarutse mu kibuga kugira ngo irebe ko yabona amanota ya mbere yari kuyitera imbaraga mu mikino ikurikiyeho.
Rayon Sports yaje gutsindwa igitego hakiri kare ku munota wa 6 cyatsinzwe na Purity Anyetu ku makosa y’ubwugarizi bw’iyi kipe.
Rayon Sports binyuze mu bakinnyi nka Kaboy, Mukeshimana Dorothee ndetse na Rachael Muema winjiye mu kibuga asimbura bagerageje kwishyura iki gitego biranga umukino urangira ari 1-0.
Rayon Sports iri mu itsinda rya mbere na CBE FC yo muri Ethiopia, Yei Joints Stars FC yo muri Sudani y’Epfo, Kenya Police Bullets na Warriors Queens FC yo muri Zanzibar.
Intore z'Umuryango FPR-Inkotanyi mu karere ka Muhanga, bakoze Umuhuro, Igitaramo mu rwego rwo kuganira no kwishimira urugendo bagenze guhera mu kwamamaza Umukandida w'Umuryango FPR-Inkotanyi Paul Kagame kugera ku matora yamuhesheje intsinzi yo gukomeza kuyobora u Rwanda, aho yatowe ku majwi 99,18%. Umuyobozi (Chairperson) w'Umuryango FPR-Inkotanyi ku rwego rw'Akarere ka Muhanga, Jacqueline Kayitare yashimiye uruhare Abanyamuryango bagize mu rugendo rw'Amatora, ubwitange bagize mu bikorwa byose basabwaga gukora kugira ngo Amatora agende neza.
Jacqueline Kayitare, Umuyobozi w'Akarere ka Muhanga akaba n'umuyobozi( Chairperson) w'Umuryango FPR-Inkotanyi mu karere ka Muhanga, muri iki gitaramo cyahuje Inkotanyi za Muhanga, yashimiye Abanyamuryango bose uruhare bagize mu kwamamaza Umukandida w'Umuryango FPR-Inkotanyi Paul Kagame ndetse n'uburyo bitabiriye amatora kugera bamuhaye amajwi yabo, akaba ariwe wahize abandi bose, atorerwa gukomeza kuyobora U Rwanda n'Abanyarwanda muri Manda y'imyaka itanu.
Ni igitaramo cyitabiriwe n'Abanyamuryango batari bake, baranzwe no kuganira, gusangira, Kwishimaâ¦
Yagize ati' Turashima Abanyamuryango bose ko babigizemo uruhare. Kuva ku Mudugudu twaritoreye twese uko tungana mu karere kacu, dusaba kandi dushimangira ko tugifite icyizere gihagije ko Chairman wacu( Paul Kagame) ariwe wakomeza agahagararira Umuryango wacu muri aya matora y'Umukuru w'Igihugu. Kuva ku Mudugudu byarabaye, ku rwego rw'Akarere murabyibuka byagenze neza dukomeza kugaragaza ko amahitamo yacu tuyakomeyeho'.
Avuga ku rugendo rwo kwamamaza Paul Kagame n'abakandida b'Umuryango RPF-Inkotanyi, yagize ati' Abanyamuryango twese uko tungana mu karere kacu, ndetse twabonye n'inshuti nyinshi zajyaga ziza kudushyigikira mu bikorwa byo kwamamaza, twaramamaje mu bice byose by'Akarere kandi Abanyamuryango twese twakoze akazi keza cyane, twongera kwishima Nyakubahwa Chairman wacu yaje hano. Mwabonye ko byagenze neza cyane kurusha uko twabitekerezaga'.
Meya Jacqueline Kayitare akaba na Chairperson w'Umuryango FPR-Inkotanyi mu karere, ibyishimo byari byose imbere y'Abanyamuryango.
Akomeza avuga ko haba kuri Site nkuru ya Shyogwe yamamarijweho Umukandida Paul Kagame w'Umuryango FPR-Inkotanyi ku mwanya w'Umukuru w'Igihugu, haba mu Mirenge hirya no hino ndetse na Site ya Buziranyoni ahamamarijwe Umuryango RPF-Inkotanyi kugira ngo hazaboneke Abadepite benshi mu nteko ishinga Amategeko, ahamya ko hose byagenze neza cyane. Ati' Aho hose Abanyamuryango bakoze akazi keza, keza cyane! Dutewe isheme n'uko dufite Abanyamuryango bakunda Umuryango kuri ruriya rwego'.
Kandi ati' Turacyashimangira ko Muzehe wacu ko ariwe dushaka, ko ariwe tuzagumana'. Yakomeje ashimira Abanyamuryango amahitamo meza bagize, anabashimira ko batoye RPF-Inkotanyi ari nayo yagize Abadepite benshi.
Jacqueline Kayitare, ashimangira ko kwicara nk'Abanyamuryango byari ngombwa cyane, bakongera kwibukiranya ko muri bo harimo imbaraga, bakibuka ko ntacyo RPF-Inkotanyi na Chairman wayo Paul Kagame, ntacyo baburana Inkotanyi za Muhanga.
Yabwiye Abanyamuhanga, by'umwihariko Inkotanyi ko icyo Umuryango wari ubategerejeho bagikoze kandi neza. Yabahaye ubutumwa, ababwira ko imirimo bakoze kuva mu kwamamaza kugera ku Matora bashimwe.
Nta wishwe n'inzara cyangwa Inyota.
Abanyamuryango ba RPF-Inkotanyi, bibukijwe ko iyi Manda y'imyaka itanu batoreye Perezida Paul Kagame ari Manda y'Ubudasa aho buri wese agomba guharanira kuyigiramo uruhare, ko kandi bakwiye kuzirikana ijambo rya Perezida wa Repubulika Paul Kagame ubwo yarahiraga. Yibukije buri wese ko nubwo mu kwamamaza bavugaga ko ari we( Ni wowe), bazirikane neza ko yavuze ngo' Ni twe'.
Ni irushanwa ryari ryabereye muri Ethiopia mu Mujyi wa Addis Ababa aho ryasojwe ku wa Gatanu tariki ya 17 Gicurasi 2024.
Igikombe cy’Afurika mu batarengeje imyaka 20 (Men’s Juniors [U20] Nations Championship 2024) kizaba kiba ku nshuro ya 31, uyu mwaka kizabera muri Tunisia.
U Rwanda rukaba rwisanze mu itsinda rya Mbere ririmo na Tunisia izakira irushanwa. Ruzaba ruri kumwe kandi na Libya na Algeria.
Mangesh yari asanzwe ari Umuyobozi Mukuru ushinzwe ubucuruzi n'ibikorwa mu ruganda rwo muri Kenya rwa United Millers Limited, aho yakoze imyaka icumi.
Itangazo rya Cimerwa rigira riti 'kuva ku wa 1 Nyakanga 2024, Mangesh Verma yashyizweho nk'umuyobozi Mukuru wa Cimerwa asimbuye James Oduor.'
James Oduor yatangiye kuyobora Cimerwa muri Mutarama 2023 ubwo uru ruganda rwari mu nzira zo kugurwa n'ikigo cyo muri Kenya cya National Cement Holdings Limited.
Verma yinjiye muri Cimerwa nyuma y'uko iguze imigabane yose y'uruganda rwa Prime Cement, rwari rufite ubushobozi bwo gukora sima ingana na toni ibihumbi 600 ku mwaka.
Cimerwa iherutse gutangaza ko mu mezi atandatu ya mbere ya 2024, ni ukuvuga kugeza muri Kamena 2024, yungutse miliyari 11 Frw nyuma yo kwishyura imisoro, bigaragaza inyongera ya 22.3%.
Urwunguko ku mugabane umwe na rwo rwazamutse ku ijanisha rya 22.3%, rugera kuri 16.17 Frw.
Igicuruzo rusange cya Cimerwa muri ayo mezi cyakomeje kuba miliyari 72.9 Frw bitewe no guhagarika imirimo iminsi 42 hakorwa ibikorwa byo kuvugurura imashini zitandukanye.
Umutungo mbumbe w'uruganda wiyongereyeho 8% ugera kuri miliyari 115.7 Frw.
Urwunguko rw'agateganyo rwatangajwe kugeza ku wa 30 Kamena 2024 rungana na miliyari 13 Frw, bivuze ko umugabane umwe wunguka 18.76 Frw.
Ni imihanda isa n'imaze kwangirika bikaba akarusho mu mpeshyi kuko iba ifite ivumbi ryinshi kandi irimo n'ibinogo.
Bamwe mu bayituriye bavuga ko ibabangamiye cyane basabye ko yashyirwamo kaburimbo kuko ngo bamaze igihe kinini bayizezwa.
Uwineza Clementine udodera mu isantere ya Videwo yagize ati ' Urabona twe hano tudodera ku muhanda iyo ari mu mpeshyi imyenda yose tudoda iba yuzuye ivumbi kuburyo tuba dufite ubwoba ko ryanadutera indwara. Abayobozi bagiye baza bakatubwira ko uyu muhanda uzakorwa ariko na n'ubu turacyategereje. Niba bishoboka badufashe ukorwe kuko uri mu mihanda ibangamye.'
Niyokwizerwa Egide usanzwe ari umumotari mu isantere ya Videwo, yavuze ko kubera uburyo uyu muhanda usigaye ari mubi ngo wica moto zabo cyane agasaba ko washyirwamo kaburimbo nibura yagera nko kuri kaminuza.
Maniriho Protais we yagize ati 'Nk'iyo uhetse umuntu mukawunyuramo cyane cyane nko mu mvura mushobora kugwa kuko warangiritse cyane. Icyo nasaba ubuyobozi ni ukuwukora ukongera ukamera neza.'
Ayinkamiye Announciatte utuye mu Murenge wa Rukara, yavuze ko iki kibazo cy'umuhanda ubuyobozi bumaze igihe kinini bubabwira ko uzakorwa ariko bagategereza bagaheba.
Umuyobozi w'Akarere ka Kayonza, Nyemazi John Bosco, yavuze ko ikibazo cy'iyi mihanda uko ari ibiri bakizi yaba uwa FAWE-Videwo ndetse n'umuhanda wa Rukara-Buhabwa.
Yavuze ko yose bari gushaka ubushobozi kuburyo yakubakwa mu minsi ya vuba.
Ati ' Uriya muhanda urimo ibyiciro bibiri, hari umuhanda dukunze kwita FAWE-Videwo uva kuri kaburimbo ukagenda ukagera mu isantere ya Videwo no ku ishuri rya Kaminuza. Hakozwe inyigo biri mu nzira ko ukorwa, turimo gukorana n'izindi nzego mu gushaka ubushobozi buhagije bw'uko wakorwa.'
Meya Nyemazi yavuze ko hari ikindi gice cy'umuhanda uhera Rukara ahitwa ku Kimodoka ugakomeza Karubamba mpaka muri Buhabwa mu Murenge wa Murundi, yavuze ko uwo ng'uwo wo ari umushinga bahuriyeho n'Akarere ka Gatsibo aho biteganyijwe ko hazakorwa umuhanda w'ibilometero 17 harimo 11,5 biri mu Karere ka Kayonza.
Ati ' Uwo rero uri mu mihanda iteganyijwe turi mu nzira yo gukorana na RTDA kugira ngo uriya muhanda nawo uboneke, si ikibazo gishya rero ni imishinga izwi kandi turateganya ko ingengo y'imari izaboneka vuba.'
Umuhanda FAWE-Video ukoreshwa cyane n'abanyeshuri ndetse n'abarimu baba bajya kuri Kaminuza y'u Rwanda Ishami ry'Uburezi riherereye mu isantere ya Videwo. Naho umuhanda Karubamba Buhabwa-Rwagitima ukoreshwa cyane n'aborozi baba bagemuye amata.
Uwineza Clementine yavuze ko babangamiwe n'umuhanda wa Videwo kuko ngo ubateza ivumbi ryinshi
Uyu muhanda abawukoresha bifuza ko washyirwamo kaburimbo
Umwe mu bacururiza mu isantere ya Videwo avuga ko ibicuruzwa byose usanga byarabaye ivumbi
Amakuru avuga ibi byabaye mu mu rukerera rwo ku 19 Kanama 2024,bigakekwa ko iyo inkongi y'umuriro yatewe n'amashanyarazi aho urusinga rwo ku ipoto rwajyanaga umuriro ahari ibyo byuma bisya, rwahiye rugahita rukongeza ahari izi mashini.
Umuyobozi w'Akarere ka Nyanza Ntazinda Erasme, yemereye IGIHE iby'aya makuru gusa avuga ko hataramenyekana nyakuri icyateye iyi nkongi y'umuriro.
Ati 'Nta makuru yihariye turamenya ku mpamvu zateye iyi nkongi. Nta kidasanzwe twamenye.''
Kugeza ubu harabarurwa imashini 10 zahiye zigakongoka, zikaba ari iz'abantu babiri ari bo Kamagaju Donatille wahishije imashini umunani ndetse na mugenzi we Ruzibiza Jean Claude wahishije ebyiri.
Andi makuru IGIHE yamenye ni uko izi mashini zose zahiye nta bwishingizi zagiraga, zikaba zasyaga bimwe mu bihingwa byera muri aka gace birimo imyumbati n'ibindi.
Byabaye ngombwa ko umuriro uzimywa n'abaturage ariko imashini zo zari zamaze kwangirika
Ikibatsi cy’umuriro cyari cyinshi mbere yo kuhazimya.
Amakuru avuga ko uyu mugabo ukekwaho iki cyaha cyo gusambanya umukobwa we, ngo yacunze umugore ari na we nyina w'uyu mukobwa n'abavandimwe be babanaga adahari, ahita amusambanya.
Bivugwa ko ubwo umukobwa yabonaga nyina atashye, yakoresheje amarenga amwereka ibyo Se yamukoreye, bahera ko batangira gukeka ko yaba yamusambanyije.
Umunyamabanga Nshingwabikorwa w'Umurenge wa Mushishiro, Niyonzima Gustave, yemereye IGIHE iby'aya makuru, avuga ko bamenye iyo nkuru mu masaha y'umugoroba ku wa 18 Kanama 2024.
Niyonzima, yakomeje avuga ko andi makuru bamenyeye ahabereye icyaha, avuga ko ngo uyu mugabo ashobora kuba yari asanzwe asambanya uwo mukobwa we ntibimenyekane kubera kutabasha kubivuga.
Ati 'Bavuze ko ngo bishoboka ko yari asanzwe abikora,gusa twe aho twabimenyeye twahise tujya kumufata kugira ngo noneho bikirukiranwe, bimenyekane, kuko uwo mukobwa afite ubumuga, urumva ko nabyo ari ihohoterwa.''
Mu ngingo ya 134 y'Itegeko nº 68/2018 ryo ku wa 30/08/2018 riteganya ibyaha n'ibihano muri rusange ryahinduwe n'itegeko nº 059/2023 ryo ku wa 04/12/2023 mu gika cyaryo cya nyuma,riteganya igifungo cya burundu, iyo gukoresha imibonano mpuzabitsina ku gahato, byakozwe ku muntu bafitanye isano kugeza ku gisanira cya kabiri.
Irene Uwoya wamenyekanye muri Sinema ya Tanzania nka Oprah akaba yarahoze ari umugore wa Ndikumana Hamad Katauti wari kapiteni w’Amavubi, yinjiye mu ivugabutumwa.
Uyu mugore wari usanzwe ari umukristu muri Kiliziya Gatulika yatangije umuryango wa ‘Friends of God Ministry’ bishatse kuvuga Umuryango w’Ivugabutumwa w’Inshuti z’Imana.
Mu kiganiro yashyize ku rukuta rwe rwa Youtube yasobanuye byinshi ku buzima bwe ndetse n’umuryango w’ivugabutumwa yatangije ari kumwe na Majag usanzwe umuba hafi.
Ati 'Ni ikintu Imana yashakaga ko dukora. Njye namwe twese turi inshuti z’Imana. Kubaka urusengero cyangwa kurugira, ni ikintu twese dushaka kongera kuri uyu muryango kubera ko kugeza uyu munsi nta kindi kintu mfite [â¦] Ni ugufasha abantu, ubu sindi umwe kandi tubikora kuko turi inshuti.'
'Namaze igihe kinini ndi mu by’isi, ariko ntabwo nari niteguye gukorera Imana mu gihe nari mfite ibindi mpugiyemo. Ni nayo mpamvu kandi ntari ntunganiye Imana, ariko niyo mpamvu yatumye mpinduka.'
Si we gusa kuko n’umuhungu we Krish Ndikumana yabyaranye na Katauti (witabye Imana muri 2017) na we yamutwaye muri uru rugendo.
Ati 'Umwaka ushize nyuma yo kuba njye wa nyawe, nahinduye intekerezo ndetse negerana n’Imana cyane; akenshi nariyirizaga. Nakundaga kujya ku misozi nkiyiriza.'
Yavuze ko yari yarabaswe n’ubusinzi kugeza aho yari asigaye atanga miliyoni 20 z’amashilingi 20 ku cyumweru azigura, yatangiye gutekereza gukizwa 2017 ariko abigeraho muri 2024.
Ati 'Ntabwo nzi niba hari umuntu wakuze akunda inzoga nkanjye. N’iyo nabaga ndi muri 'Hangover’ ntabwo nazihurwaga. Nakundaga inzoga cyane[…] nakuze ndi uwo muntu ntazi gukorera Imana.'
Ndikumana Hamad Katauti yashakanye na Oprah muri Nyakanga 2009 mu birori byabareye Dar es Salaam. Katauti yitabye Imana tariki ya 15 Ugushyingo 2017 azize urupfu rutunguranye, gusa yitabye Imana baratandukanye batakibana.
Ni ikiganiro bahuriyemo bombi binyuze ku muyoboro wa Youtube wa Rusine Patrick, bakoze kuri uyu wa Mbere tariki 19 Kanama 2024, ni nyuma y’iminsi ishize, uyu musore ateye intambwe yambika impeta uyu mukobwa nyuma y’igihe gishize bari mu munyenga w’urukundo.
Iryn Uwase yavuze ko Rusine bagiye kurushinga ari umusore ufite indangagaciro zihariye zatumye yiyemeza kubana nawe. Yavuze ko Rusine ari umuntu uzi kwita ku bandi, umusore ufata inshingano ‘kandi unkunda cyane’. Ati “Urankunda? Patrick ati “Ndagukunda cyane.”
Yavuze ko hejuru y’ibi byose, Patrick ‘aranyubahisha no mu bantu’. Ubwo yari afashe ijambo, Patrick yavuze ko umukobwa bagiye kubakana afite inshuti nyinshi ‘ndetse n’iyo nguhuje n’abantu ntabwo munaniranwa’.
Yavuze kandi ko Uwase ari umuntu w’abantu, ku buryo iyo basohotse aba agomba kwishyura amafaranga menshi bitewe n'abantu benshi baba bakiriye.
Yanavuze ko umukunzi we azi guteka cyane ku buryo ‘mba nifuza ko wazashinga Restaurant’. Rusine yanavuze ko akururwa cyane n’amaso y’umukunzi we kandi ‘iyo nkugeze imbere numva ibibazo byose bishize kandi nkabibonera igisubizo’.
Ati “Iyo ndi kumwe nawe duhora tuganira, iyo turi kuganira untega amatwi, iyo utari kunyoherereza ibyo kureba, uba uri kunyandikira, nyine buri kanya iyo ndi gutekereza nsanga uri mu buzima bwanjye.”
Uwase yavuze ko kuri Rusine akururwa cyane no kuba amwitaho. Ati “Nkunda uburyo unyitaho kandi ukandinda kurusha uko njye niyitaho. Nkunda ukuntu unyitaho pe, n’uburyo uba umbaza umeze neza, ntakibazo, ukamfata mu ntoki. Ndabikunda, birankurura pe.”
Uyu mukobwa yavuze ko iyo ababaye yihatira kurya cyane. Yavuze ko byaturutse ku kuba akiri muto yarivumburaga akanga kurya, hanyuma akicwa n’inzara ariko ‘aho namenyeye ubwenge ndarya koko’.
Yabiteyemo urwenya avuga ko noneho iyo yarakaye akubita urugi, ariko kandi ngo aba akeneye umwanya we kugira ngo ‘mbanze mbyakire’. Ati 'Ariko urugi rwo mba narakubise.”
Rusine yavuze ko we iyo arakaye aravuga cyane ‘ariko kandi kera iyo narakaraga namega ibintu’. Ati “Ariko ibyo byari ibya kera. Uyu munsi naje kumenya ko kuba mu Isi isa n'isaha warakara cyangwa se ukishima.”
Yavuze ko akazi k’itangazamakuru gahuje no kuba yariyeguriye gutera urwenya. Ati “Akazi kanjye ni ugutera urwenya mu kiganiro.” Yunganiwe n’umukunzi we, wavuze ko ‘mu buzima busanzwe uko abantu bakuzi ntabwo ariko uri’.
Uwase yavuze ko Bruce Melodie ariwe muhanzi akunda mu Rwanda ‘abandi bakaza inyuma’. Ni mu gihe Rusine yavuze ko akunda Butera Knowless na Andy Bumuntu. Rusine yavuze ko yatangiye kumva ibihangano bya Andy Bumuntu kuva mu 2016 ‘ku buryo nari mfite inzozi zo kuzahura nawe’.
Uyu mukobwa yavuze ko atigeze ajya mu rukundo n’undi muntu, kandi ntiyigeze yizerera mu rukundo ‘kugeza ubwo nahuye nawe’.
Ati “Ntabwo bivuze ko ntakundanyeho, yego nakundanyeho ariko ntabwo rwari urukundo rufite intego, Oya! Nshobora kuba wenda narakundanye n’umuntu wabonaga ko bifite intego ariko nawe byaje kurangira bitari neza, rero nasanze ufite umwihariko utandukanye n’uwabo ukuntu.”
Uwase yavuze ko Patrick ‘iyo yakunze aba yakunze, unyubaha pe kandi ndabibona’. Ati “Nsuhuje aba Ex banjye aho bari. Nonese muri bose ni inde wanyambitse impeta.”
Kimwe mu bibazo babajijwe cyane hari n’igihe bazakorera ubukwe. Mu gusubiza, Uwase yavuze ko bazabitangaza mu gihe iki kiganiro kizaba cyarebwe n’abantu barenga ibihumbi 100. Ariko bombi bamaze igihe bari mu myiteguro y'ubukwe bwabo.
  Iryn Uwase yatangaje ko yakuruwe cyane no kuba Rusine Patrick amwitaho kandi akamuhangayikiraÂ
 
