Category: Uncategorized

Inzozi z'abana b'abahungu mu bihe byashize n'abubu badasigaye zirimo no kuzaba abasaseridoti, ndetse abenshi bagiye bakora ibizamini byo kwinjira mu iseminari, ababitsinze bagakomerezayo amasomo.

Amashuri azwi nka seminari arererwamo abifuza kuzaba abasaseridoti muri Kiliziya Gatolika. Biga muri seminari nto abakiyumvamo umuhamagaro bakajya kwiga indi myaka umunani muri Seminari Nkuru.

Minisitiri Dr Bizimana ubwo yari mu kiganiro Urubuga rw'Itangazamakuru kuri uyu wa 1 Nzeri 2024 yagaragaje ko yize mu Iseminari Nkuru imyaka umunani ariko abura umwaka ngo ahabwe ubupadiri ahita avamo.

Yagize ati 'Nize imyaka umunani ya Seminari Nkuru, ni ukuvuga ko navuye mu iseminari nkuru nsigaje umwaka umwe ngo mbe Padiri. Ubudiyakoni bwari busigaje umwaka ndabitekereza nza gusanga inzira yanjye ari iyindi kandi simbyicuza, Imana ushobora kuyikorera aho waba uri hose.'

Amakuru IGIHE yamenye ni uko mu rugendo rwo gushaka kuba Padiri hari abashobora kuba babishaka ariko mbere yo guhabwa ubudiyakoni bikagaragara ko batujuje ibisabwa byatuma bahabwa iryo sakaramentu, bikarangira basezerewe cyangwa hakaba hari abujuje ibisabwa byose ariko bagahitamo kuvamo bakagenda.

Abigaga mu iseminari bashaka kuba abasaseridoti mu bihe bya mbere babanje kujya biga imyaka 7 nyuma yo kurangiza amashuri yisumbuye, iza kwiyongera iba umunani, ariko ubu igeze ku icyenda.

Ubu biga umwaka umwe muri Seminari Nkuru ya Rutongo, bakamara imyaka itatu biga Philosophie i Kabgayi, indi myaka ine bakayimara biga Theologie i Nyakibanda hakabamo no kwimenyereza, nyuma ukaba umudiyakoni umwaka umwe, wasoza ugahabwa Ubusaseridoti.

Muri Mata 1903 ni bwo abakirisitu gatolika b'i Save 26 ba mbere babatijwe, mu gihe Balthazar Gafuku wakomokaga muri Paruwasi ya Zaza na Donat Reberaho wo muri Paruwasi ya Save ari bo bahawe ubupadiri bwa mbere b'Abanyarwanda ku wa 7 Ukwakira 1917, babuhererwa i Kabwayi na Myr Hiriti.

Ibyavuye mu ibarura rusange rya 2022 byagaragaje Abakirisitu Gatolika barenga miliyoni 5, bingana na 40% by'Abaturarwanda bose, ADEPR ifite 21%, Protestant 15%, Abadiventisiti 12%, Abayisilamu 2%, na ho abakiri mu myemerere gakondo bari munsi ya 1%.

Minisitiri Dr Bizimana yagaragaje ko yavuye mu iseminari habura umwaka umwe ngo ahabwe ubupadiri

Umutoza w’ikipe y’igihugu Amavubi, Frank Spittler yavuze ko Kigali – Tripoli, ari urugendo rwabagoye cyane aho bamaze isaha irenga ku kibuga cy’indege bangiwe gusohoka.

Ku wa Gatandatu w’icyumweru gishize tariki ya 31 Kanama 2024, Amavubi yahagurutse mu Rwanda yerekeza muri Libya aho afite umukino n’iki gihugu ku wa Gatatu mu gushaka itike y’igikombe cy’Afurika cya 2025.

Amavubi akaba yaragezeyo ejo hashize ku Cyumweru ndetse anakora imyitozo ya mbere, ni imyitozo yakoreye ku kibuga cya Alnhar.

Umutoza w’ikipe y’igihugu, Frank Spittler yavuze ko rwari urugendo rugoye aho bamaze amasaha 24 ntakuryama, baza no kwangirwa gusohoka ku kibuga cy’indege cya Tripoli International Airport.

Ati “Amasaha 24 nta kuryama, isaha ku kibuga cy’indege batwangiye gusohoka, mu by’ukuri ni ibihe bigoye cyane kuri buri umwe ariko tugomba guhangana na byo, twakoze imyitozo yorohereje uyu munsi.”

Yunzemo ati “Muri rusange ntabwo ibintu bimeze neza ariko twari tunabizi kuva mbere nta kibazo.”

Ibi byose byatewe n’uko batashakaga ko GPS z’abakinnyi, camera z’abanyamakuru zinjira mu gihugu cya bo.

Ibi byaje kwiyongeraho ko umukufi umuntu ufata amashusho (videographer) w’ikipe y’igihugu, Muhire Eric yari yambaye wari uriho umusaraba, na we bamusaba kuwukuramo kuko ari mu gihugu cy’abayisilamu.

Amavubi arakora imyitozo uyu munsi n’ejo ni mu gihe umukino ari ku wa Gatatu. Nyuma y’umukino azahita agaruka mu Rwanda kwitegura umukino wa Nigeria uzaba tariki ya 10 Kanama 2024 kuri Stade Amahoro.

Amavubi ntiyorohewe n’urugendo rwa Kigali – Tripoli

Umutoza yavuze ko rwari urugendo rubagoye cyane

Inyigisho z'iyobokamana n'amadini anyuranye zinjiye mu Rwanda mu gihe kimwe n'ubukoloni mu 1900, amadini akagira imikoranire ya hafi n'abayobozi b'abakoloni.

Ubukirisitu bwahise bukwira mu Banyarwanda ku buryo bwihuse kuko yaba Kiliziya Gatolika n'andi madini, yabaga afite ibishya aha abaturage birimo imyambaro, amashuri n'ubuvuzi.

Gusa n'ubu muri Gereza zo mu Rwanda hafungiye abakoze Jenoside yakorewe Abatutsi bahoze cyangwa bakiri mu madini atandukanye yakoreraga mu Rwanda mu 1994.

Minisitiri Dr. Jean Damascène Bizimana ubwo yari mu kiganiro Urubuga rw'Itangazamakuru kuri uyu wa 1 Nzeri 2024, yagaragaje ko ubwicanyi bwose bwabayeho mu Rwanda bwabaga bufitanye isano n'iminsi mikuru ya Kiliziya Gatolika, ndetse bukagirwamo uruhare n'abayoboke b'amadini atandukanye.

Ati 'Nta bwicanyi na bumwe bwabaye mu Rwanda budafite abanyamadini baburi inyuma banabuteye, duhereye mu 1959 n'imyaka yose. Ibyo rero bigomba gutuma twisuzuma n'uyobotse idini akabanza akavuga ati iri dini ngomba kurifasha no gukosora amateka ryateye'

Minisitiri Dr Bizimana yavuze ko mu 1959, Abatutsi batangiye kwicwa ku munsi mukuru w'Abatagatifu bose, 'ubwo ntangiye mbereka ko n'ubwicanyi bwagiye bunahuzwa n'iminsi mikuru ya Kiliziya.'

Yanavuze ko mu 1963 ubwicanyi bwabaye ari kuri Noheli.

Ati 'Tuvuge nk'i Mururu, ubu ni mu karere ka Rusizi abakirisitu bari mu misa abicanyi babategereje hanze n'imihoro, bavuye mu misa babatwara bajya kubica. Abakirisitu bica abandi. Muri Jenoside yakorewe Abatutsi mu 1994, byatangiye mu cyumweru cya Pasika, (Icyumweru Gitagatifu). Nta kuntu rero umunyedini uwo ari we wese yakwirengagiza ayo mateka.'

'Hari ikintu bita gutekereza, gushungura, kwitegereza. Abayoboke rero, rwose gusenga ni uburenganzira bwemewe n'Itegeko Nshinga ariko umuyoboke wese agomba gusobanukirwa ayo mateka, akayareba akanayigiraho akayavanamo amasomo.'

Yanagaragaje ko hari amadini amwe yashinzwe n'abantu usanga bafite amadosiye y'ibyaha bya Jenoside bakurikiranyweho, abandi bafite inyigisho zuzuye urwango n'amacakubiri bityo ko badakwiye kujya kugira insengero cyangwa ngo bigishe Ijambo ry'Imana no ku mbuga nkoranyambaga.

Ati 'Dufite abantu b'ababwirizabutumwa n'abihayimana bigisha irondabwoko ku buryo bugaragara, bigisha urwango, ivangura.'

Yatanze urugero kuri Padiri Fortunatus Rudakemwa uba muri Canada wigishiriza kuri YouTube 'yigisha ibyo yita amateka atagoretse ariko ni Parmehutu ya yindi yuzuye inarusha abaparmehutu ubwabo. Arwanya ubumwe bw'Abanyarwanda, arwanya ubwiyunge umuntu nk'uwo kandi akabikora yambaye ya cravate y'umweru bambara.'

Ati 'Dufite n'abandi bihayimana bakoze Jenoside bagahungira mu mahanga bagashinga idini, ugasanga barashaka n'abayoboke mu Rwanda. Dufite idini ryitwa Philadelphia ryashinzwe n'umuntu wakoze Jenoside uba mu Bubiligi agashaka abayoboke aha no mu buryo butemewe ariko agakomeza no kuyobya abandi. Itegeko rya mbere ryo mu y'Imana ni ukubaha ubuzima bw'undi kuko Imana ni yo yaremye imuntu. Umuntu wishe nta kintu aba agifite aha abandi. Umuntu wakoze Jenoside ntacyo aba agifite rwose.'

Yavuze ko nubwo yaba ataratawe muri yombi 'twebwe ntibyatubuza kuvuga ngo uriya mubwirizabutumwa ntabwo ari intangarugero, afite ibyaha yakoze kandi biremereye atagomba gukomeza. Abo rero ntabwo dushobora kwemera ko Abanyarwanda n'abandi bose babakurikira.'

Gusa Minisitiri Dr Bizimana yahamije ko hari abakoze Jenoside babyicujije banabisabira imbabazi, ko bo byashoboka ko bagira inyigisho batanga.

Minisitiri Bizimana yasabye Abanyarwanda kujijuka no kumenya amateka y'amadini bayoboka, aho basanze yarakoze ibibi bakayafasha kubikosora.

Minisitiri Dr Bizimana yagaragaje ko nta bwicanyi babayeho mu Rwanda hatari abanyamadini babigizemo uruhare

Nyampinga w’u Rwanda wegukanye ikamba rya 2019, Iradukunda Elsa yongeye gushimangira urwo akunda umugabo we Prince Kid bamaze umwaka bakoze ubukwe nubwo kugeza uyu munsi batakibarizwa mu Rwanda.

Ni mu butumwa Miss Iradukunda yanyujije ku rukuta rwe rwa Instagram abwira umugabo we ko amukunda ubuziraherezo.

Ku wa 1 Nzeri 2023, ni bwo Miss Iradukunda Elsa na Prince Kid basezeranye imbere y’Imana bakanakira abari batumiwe mu bukwe bwa bo nyuma y’uko ku wa 31 Kanama 2023 Prince Kid yari yasabye anakwa Miss Elsa.

Kuri uyu wa 1 Nzeri 2024, mu kwizihiza isabukuru y’umwaka bakoze ubukwe, Miss Elsa yabwiye Prince Kid ko ari icyubahiro kuri we kuba amwita umugabo we ndetse amubwira ko amukunda cyane.

Ati “Umwaka umwe mbaye umugore wawe, umwaka umwe tubanye neza, umwaka umwe nkunzwe na we, bimpa icyubahiro kukwita umugabo wanjye, kuba ari wowe mbasha kubona buri gitondo uko mbyutse na buri joro, ndagukunda cyane kandi nkunda kumarana ubuzima ndi kumwe na we.”

Miss Elsa yasoje ubu butumwa asaba Imana kuba mu buzima bwa bo ndetse abwira Prince Kid ko amukunda urudashira

Ati “Imana ikomeze kuba mu buzima bwacu, rukundo n’ahazaza. Isabukuru nziza y’urushako, ngukunda ubuziraherezo, urudashira.”

Miss Iradukunda Elsa na Prince Kid ubu ntibakibarizwa mu Rwanda ndetse ntawe uzi aho baherereye kuko nyuma y’ukwezi kumwe gusa bakoze ubukwe, Urukiko Rukuru rwakatiye Ishimwe Dieudonné uzwi nka Prince Kid, igifungo cy’imyaka itanu rumuhamije ibyaha byo gukoresha undi imibonano mpuzabitsina ku gahato no gusaba cyangwa gukora ishimishamubiri rishingiye ku gitsina.

Kuva urukiko rwakatira Prince Kid ntiyongeye kugaragara mu Rwanda we n’umugore we Miss Iradukunda Elsa ndetse hari hashize amezi arenga 10 nta n’umwe ugira icyo atangaza ku mbuga nkoranyambaga zabo.

Miss Iradukunda Elsa yarase amashimwe Prince Kid bamaze umwaka barushinze

RUKUNDO Sulaiman / ISIMBI.RW

Yabigarutseho ku wa 31 Kanama 2024 ku Ngoro y'Umuryango FPR Inkotanyi mu Ntara y'Amajyepfo iherereye mu Karere ka Nyanza, mu Murenge wa Busasamana, mu busabane bw'abanyamuryango bahagarariye abandi mu Turere twose tugize Intara y'Amajyepfo, bishimira uko amatora yagenze.

Chairperson w'Umuryango FPR Inkotanyi mu Ntara y'Amajyepfo, Kayitesi Alice, yongeye kwibutsa abanyamuryango ko intego ya Perezida Paul Kagame bashyigikiye, ari ugushyira 'Umuturage ku isonga'; avuga ko nabo bakwiye kugera ikirenge mu cye.

Kayitesi yavuze ko abanyamuryango bari mu nshingano z'ubuyobozi ari bo biraro bihuza Perezida Kagame n'umuturage wo hasi, bityo ko bakwiye guhagarara neza bagabafasha mu rugendo rw'iterambere yabemereye.

Yongeye gutsindagira ko bakwiye kuva mu mvugo gusa n'impapuro ahubwo bakihatira gukora.

Ati 'Ndabibutsa ko mudakwiye kugira umuhigo musibiza none ngo reka mbanze nkore 'paper' nini hanyuma nzabishyire mu bikorwa ejo, ahubwo icyo dutekereje nimureke tugikore.''

Uwihoreye Marie Jeanne, umunyamuryango wa FPR Inkotanyi wo mu Karere ka Muhanga, yavuze ko bishimiye kuba abakandida bamamaje baratowe cyane bakegukana intsinzi, anongeraho ko binabaha inshingano ziremereye zo gufasha Perezida watowe gushyira mu bikorwa ibyo yemereye abaturage yiyamamaza.

Ati 'Muri iyi manda y'imyaka itanu iri imbere, twiteguye gutanga uruhare rwacu mu gutanga serivisi nziza kugira ngo umuturage na we aho ari abone ibimugenewe, yishimire kugira icyo ageza ku gihugu kuko ibyo azaba akeneye ku gihugu azaba yabibonye.''

Umunyamuryango wa FPR Inkotanyi mu Karere ka Kamonyi, Kayitana Emmanuel, yavuze ko biteguye gutanga umusanzu mu gukemura ibibazo by'abaturage.

Ati 'Dufite imishinga myinshi yo gukura abaturage mu bukene mu turere dutanu mu Majyepfo. Icyo ni igikorwa tugomba gufasha Nyakubahwa Perezida wa Repubulika kugira ngo abaturage bazamure imibereho bave mu buken.'

Muri ubu busabane kandi, abanyamuryango ba FPR Inkotanyi mu Ntara y'Amajyepfo banishimiye ibindi byagezweho birimo ingoro enye z'umuryango zuzuye hirya no hino mu turere zirimo iya Gisagara, Kamonyi, Huye ndetse n'iy'Intara y'Amajyepfo, bashima iterambere zazanye mu rwego rwo kurimbisha ibice zubatsemo ndetse no kuba zarakemuye ikibazo cy'ibikorwaremezo aho ziherereye.

Chairperson wa FPR Inkotanyi mu Majyepfo yasabye abanyamuryo kwishimira ibyagezweho ariko banibuka ko urugamba rwo guteza imbere igihugu rugikomeje

Abanyamuryango ba FPR Inkotanyi mu Ntara y’Amajyepfo ubwo bari bateze amatwi impanuro

Abanyamuryango ba FPR Inkotanyi mu nzego zose mu Majyepfo bishimiye ibyo bamaze kugeraho

Kayitana Emmanuel, umunyamuryango wa FPR Inkotanyi mu Karere ka Kamonyi,yavuze ko biteguye kunganira Perezida Kagame mu kugera ku muturage ufite ibibazo bakabikemura

Uwihoreye Marie Jeanne, umunyamuryango wa FPR Inkotanyi wo mu Karere ka Muhanga,yavuze ko bagiye kurushaho gukora cyane

Inyubako ya FPR Inkotanyi y’Intara y’Amajyepfo isangiye n’Akarere ka Nyanza nayo iherutse kuzura itwaye asaga miliyari 3 FRW

Ni inama ibaye ku nshuro ya kabiri, izamara iminsi itatu yatangiye kuri uyu wa 1 Nzeri 2024. Igamije gushimangira umubano hagati ya Afurika na Indonesia mu ngeri zitandukanye.

Perezida Kagame yitabiriye umugoroba wo gusangira wateguwe na Perezida Joko Widodo. Ni umugoroba ugamije guha icyubahiro abakuru b'ibihugu na za Guverinoma bitabiriye iyo nama y'iminsi itatu.

Iyi nama izwi nka Indonesia-Africa Forum, izasinyirwamo amasezerano afite agaciro ka miliyari 3.5$.

Indonesia ni kimwe mu bihugu byo mu Majyepfo ya Aziya gifite ubukungu bwihagazeho dore ko kiri muri 20 bya mbere bifite ubukungu bunini ku Isi. Umuturage wa Indonesia abarirwa ko ku mwaka yinjiza amadolari asaga 5200.

Amafoto y'uko Perezida Kagame yakiriwe muri Indonesia

Amafoto: Village Urugwiro

Abatuye n'abagenda mu Mujyi wa Gicumbi bazi cyane hoteli yitwa 'Nice Garden' ifite agaciro ka miliyoni 300 Frw. Ni hoteli ya Nyirandama yatangiye mu myaka icyenda ishize ari restaurant isanzwe ndetse n'amacumbi aciriritse.

Gusa kuri ubu itanga serivise za hoteli n'iz'ubukerarugendo. Aganira na IGIHE, Nyirandama yavuze ko mu 2015 ubwo yatangiraga gukora, yatangiye bitoroshye afite abakozi batatu gusa na we arimo, ariko ubu hoteli ye ikaba ari imwe mu zitanga umusanzu ukomeye mu kwakira abantu mu Mujyi wa Gicumbi ndetse akaba amaze guha akazi abatari bake.

Yagize ati 'Twatangiye dufite ameza atandatu ya restaurant ndetse n'amacumbi ariko harimo matela gusa nta bitanda turashyiramo. Ndibuka ko umuntu watubereye umukiriya wa mbere yaje akeneye amafunguro ndetse n'icumbi ariko ambwira ko ari bugaruke ku mugoroba. Byabaye ngombwa ko njya kuzana igitanda cyo mu cyumba cy'abashyitsi mu rugo kuko nari namaze kumwemerera icyumba. Twatangiye mu by'ukuri nta cyo duheraho gifatika uretse ubushake'.

Yakomeje ati 'Twatangiye gukora gutyo nta bikoresho bihagije ndetse bimwe twaranabikodeshaga iyo twabaga tubonye abakiriya tutaragira ibyacu. Ariko twakomeje kugenda dutera intambwe maze mu 2019 Nice Garden iba hoteli y'inyenyeri ebyiri. Nyuma twaje no gufungura izindi restaurant zigezweho i Rulindo na Gakenke none ubu tumaze no gufungura ishami rya hoteli'.

Nyirandama ashimira cyane Perezida Kagame ku mahirwe yahaye abagore bakabasha gutinyuka gukora bakiteza imbere.

Ati 'Ndashimira Perezida wacu Paul Kagame kuko aha mpagaze iyo Igihugu kiba kitarampaye amahirwe nk'umugore ngo ntangize ubucuruzi ntabwo mba ngeze aha ngaha. Nagize n'andi mahirwe Igihugu kintangira ibya ngombwa byose njya mu mahugurwa y'amezi ane mu by'ubucuruzi n'iby'amahoteli muri Amerika mu 2017'.

Rwiyemezamirimo Nyirandama aha ubutumwa abandi bagore bwo kubyaza umusaruro amahirwe Igihugu cyabahaye.

Ati 'Nk'umugore wihangiye imirimo mu by'amahoteli n'ubukererugendo nabasaba gutinyuka, kugira intumbero, kudacika intege no kwigira ku bandi. Nta kazi katabamo imbogamizi birumvikana ariko mu Gihugu cyacu ibizitira iterambere ry'umugore barabikemuye'.

Yakomeje ati 'Hari nk'umugore uvuga ati 'ese nabasha kugera hariya ndi umugore koko', akumva kuba ari umugore hari aho bimuzitiye, ariko uyu munsi ubu twahindutse igisubizo cy'Igihugu. Nibatinyuke na bo bakore birashoboka'.

Rwiyemezamirimo Nyirandama kuri ubu afite abakozi 40 bahoraho n'abandi bakora iyo akazi kabaye kenshi. Atanga kandi amahugurwa y'igihe gito mu bijyanye no gutegura amafunguro abayahawe akabaha akazi cyangwa bakagashaka ahandi.

Nyirandama Chantal ufite hoteli ebyiri mu Mujyi wa Gicumbi mu Ntara y'Amajyaruguru arishimira intambwe amaze gutera nka rwiyemezamirimo w'umugore bikomotse ku mahirwe igihugu cyahaye abagore

Hoteli ya Nice Garden Hotel ifite agaciro ka miliyoni 300 Frw