Category: Uncategorized

Yabigarutseho mu kiganiro cyihariye yagiranye na InyaRwanda mu ijoro ryo kuri uyu wa Gatandatu tariki 31 Kanama 2024, nyuma y'igitaramo gikomeye yise '3040 y'ubutore' yakoreye muri BK Arena.

Ni ubwa mbere uyu muhanzi yari akoreye igitaramo muri iyi nyubako, ariko si ubwa mbere yahataramiye, kuko yagiye yifashishwa mu bitaramo bitandukanye.

Ni igitaramo cyaranzwe no gutanga ibyishimo ku bisekuru byombi, kuko hari abantu mu ngeri zose, kuva ku muto kugeza ku mukuru. Kandi yagiye ataramana n'abantu banyuranye barimo nka Teta Diana, Jules Sentore, Yvan Muziki n'abandi.

Massamba yavuze ko ari bwo bwa mbere akoze igitaramo akumva umutima we uranyuzwe, kandi yashimishijwe cyane n'uburyo abantu bamwakiriye. Ati 'Ati “[…]Mfite ibyishimo byinshi bidasanzwe! Icya mbere kubona abantu bitabira ari benshi, bakaza bishimye, bakaza bahimbawe, nkabaririmbira indirimbo z’igihe kirekire, kuko nanze gushyiramo indirimbo nshya, kuko nashakaga gusangira ibyishimo nabo, nkabona uko bishimye. Byanshimishije, ubu ngubu, ndi umuntu ukeye mu mutima, ndi umuntu ufite ibyishimo udashobora kubara.”

Yavuze ko ubwo yari ku rubyiniro, intekerezo zagiye zimusubiza mu bihe yabayemo nk’ibihe by’ubuhunzi, gushaka igihugu, gukoresha inganzo n’ibindi byagiye bituma ashima Imana byatumye avuga ati “Inganzo yaratabaye.”

Uyu munyabigwi mu muziki avuga ko mu gitaramo cye, harimo abantu benshi barimo n’umugabo wavuye mu Buyapani kubera we. 

Massamba avuga ko “kuva nabaho n’ibitaramo byose nakoreye mu Rwanda, ntabwo birabaho, ni ibyishimo kuri njye.”

Mu gusoza iki gitaramo, uyu mugabo yahawe impano y’ifoto ari kumwe na Perezida Kagame. Yabwiye InyaRwanda ko iyi foto idasanzwe kuri we, kuko yafashwe mu 2017 mu birori Umukuru w’Igihugu yari yakiriyemo abantu batandukanye.

Ati “Twari mu munsi Mukuru, hanyuma kwa kundi Umukuru w’Igihugu aramutsa abantu bose bari mu munsi Mukuru, noneho turahura, turaramukanya. Nyifiteho urwibutso rwiza, kubera ko yarambajije ati ese inganzo yawe imeze ite? Bituma numva ko koko ibyo nkora abizi, abikurikirana. Nanjye sinazuyaje, naramubwiye nti inganzo yanjye imeze neza Nyakubahwa.”

Yavuze ko iyi foto ayifiteho urwibutso rudasanzwe, cyane ko guhura n’Umukuru w’Igihugu atari ibintu bya benshi “noneho ukagira n’amahirwe akaganiriza’.

Ati “Byari ibyishimo ntashobora gutekereza. Ndayifite, nyifite mu cyumba.”

Massamba yavuze ko Perezida Kagame ari icyitegererezo kuri we, kandi rimwe na rimwe iyo ahimba indirimbo agendera ku mbwirwaruhame ze. Anibutsa ko yahimbye indirimbo ‘Karame nanone’ binyuze mu mbwirwaruhame zitandukanye z’Umukuru w’Igihugu yagiye yumva.

Massamba Intore yatangaje ko impano y’iyi foto yahawe ari kumwe na Perezida Kagame yayifotowe mu 2017
Massamba yavuze ko iyi foto ayifiteho urwibutso rudasaza, biturutse ku magambo yaganiriye n'Umukuru w'Igihugu
Massamba yavuze ko yaganiriye na Se n'abandi bakuru, bamubwira ko u Rwanda rwahiriwe kugira umuyobozi Mwiza (Perezida Kagame)
Massamba yatangaje ko ari bwo bwa mbere akoze igitaramo agataha umutima ukeye 
Massamba yahawe ingabo n’icumu ashimirwa gusigasira umuco w’u Rwanda
Ku ifoto yahawe, harimo n'ifoto ya Se Sentore Athanase acuranga Inanga 

Massamba yahawe igikombe ku bw’imyaka 40 ishize ari mu muziki 

KANDA HANO UREBE IKIGANIRO TWAGIRANYE NA MASSAMBA INTORE NYUMA Y’IGITARAMO

“>

Kanda hano urebe amafoto menshi yaranze igitaramo “3040 y’ubutore” cya Massamba Intore

Mu minsi mike ishize nibwo hatangajwe abaherwe 5 batunze amafaranga menshi ku mugabane wa Afurika , aho hagaragayemo impinduka nko kubona Aliko Dangote wari umaze igihe ariwe mugabo ukize cyane yahise asimburwa na Johann Rupert.

Ibyo wamenya ku bagabo 5 bakize cyane muri Africa mu 2024:

1. Johann Rupert

Johann Rupert w’imyaka 74, umuherwe utunze za Miliyari z'Amadolari wo muri Afurika y'Epfo niwe mugabo ukize muri  Afurika  magingo aya. Ni nyiri Richemont, imwe muri kompanyi nini ku Isi zicuruza ibintu by'agaciro kanini, ifite 'brands' z'imirimbo n'imyambaro ihenze nka Cartier na Montblanc.

Umutungo we warazamutse uva kuri Miliyari 1.9$ ugera kuri Miliyari 14.3$, ubu ari ku mwanya wa 147 ku rutonde rw'Isi, imyanya 12 imbere ya Dangote.

Uretse Kompanyi ya Richemont ikorera mu Busuwisi, ibindi afite birimo Remgro, Kompanyi yo muri Afurika y'Epfo ifite imigabane muri Kompanyi zirenga 30 z'imodoka nk'uko Bloomberg ibivuga.

Rupert yarazwe umutungo w'umuryango na Se, Anton Rupert, arawagura uva ku gushingira ku bucuruzi bw'itabi ujya no mu bucuruzi bw'ibintu by'imirimbo by'agaciro.

Uyu mushabitsi yize ubukungu muri University of Stellenbosch ariko mu 1984 ayivamo atarangije asanga Se mu bucuruzi.

Rupert ni umuntu wakunze kuvuga yeruye kuri politike ya Afurika y'Epfo kandi yamaganye ubutegetsi bw’abazungu bagenderaga ku ironda ruhu. Yahawe ibihembo byinshi kubera ibikorwa bye by'ubucuruzi.

Uyu muherwe atuye i Cape Town, aho afite inzu y'agatangaza, ariko anafite imitungo i Geneva mu Busuwisi n'i London mu Bwongereza.

2.Aliko Dangote

Umuherwe Aliko Dangote w’imyaka 66 ukomoka muri Nigeria niwe uri ku mwanya wa Kabiri mu batunze agatubutse muri Afurika. Ni umushoramari wakuye imari nini mu nganda zikora sima n'isukari.Umwaka ushize yafunguye uruganda rutunganya ibikomoka kuri Peteroli  mu murwa mukuru w'ubukungu, Lagos.

Muri Mutarama uyu mwaka, Forbes magazine yashyize Dangote ku mwanya w'umunyafurika utunze kurusha abandi ku nshuro ya 13 yikurikiranya, nubwo hari ibibazo mu bukungu bwa Nigeria.

Ariko urutonde rushya rwa Bloomberg rwo kugeza uyu munsi rwamushyize ku mwanya wa Kabiri muri Afurika no ku wa 159 ku Isi.

3. Nicky Oppenheimer

Uyu mugabo w’imyaka 79 nawe tunze za Miliyari z'Amadorari, ni wo muri Afurika y'Epfo, ni uwa Gatatu ku rutonde rw'abaherwe muri Afurika na Miliyari 11.3$. Ku rwego rw’Isi ari ku mwanya wa 213. Se umubyara afite igisekuru cyo mu Busuwisi.

Yakijijwe na kompanyi ya De Beers icukura amabuye y’agaciro, ndetse anafite indi yitwa Diamond Trading Company nayo icuruza ibikomoka ku mabuye y’agaciro.

4. Nassef Sawiris

Nassef Onsi Sawiris ni umuherwe w’imyaka 63 ukomoka mu Misiri. Atunze Miliyari 9.48$.Yize ibijyanye n’imari muri kaminuza ya Chicago muri Amerika. Afite kompanyi y’ubwubatsi yitwa ‘Orascom Constraction’. Uyu mugabo kandi afite imigabane muri Addidas ndetse ni nawe muyobozi mukuru w’ikipe ya Aston Villa FC yo mu Bwongereza. Niwe mugabo wa 4 ukize cyane muri Afurika , naho ku rwego rw’Isi ari ku mwanya wa 278.

5. Natie Kirsh

Ku myaka 92 Natie Kirsh ukomoka muri Afrika y’Epfo niwe mugabo wa 5 utunze agatubutse kuri uyu mugabane. Ubwo yari afite imyaka 78 nibwo yinjiye mu batunze Miliyoni z’amadolari, ubu ku myaka 92 ari mu batunze Miliyari zigera kuri 9.22$. Niwe washinze kompanyi  y’ubucuruzi ya Kirsh Group, yanafunguye imiryango mu bihugu birimo Australia n’u Bwongereza.

Yabigaragaje mu ijoro ryo kuri uyu wa Gatandatu tariki 31 Kanama 2024, ubwo yakoraga igitaramo yise “3040 y’ubutore” cyabereye muri BK Arena. Ni ubwa mbere uyu mugabo w’igikwerere, akoreye igitaramo muri iyi nyubako yakira abantu abarenga ibihumbi 10.

Imibare ya hafi yerekana ko iki gitaramo cye kitabiriwe n’abantu barenga ibihumbi 6. Yagikoze ashyigikiwe n’abahanzi bakomeye muri gakondo barimo nka Ruti Joel, Nziza Francis, Jules Sentore, Ariel Wayz, n’abandi.

Kandi yataramiye imbere y’ibihumbi by’abantu barimo Teta Diana, Muyango Jean Marie, Andy Bumuntu n’abandi banyuranye. Massamba yakoze iki gitaramo yitaye cyane ku  ndirimbo ze zakunzwe mu bihe bitandukanye, cyane cyane izo mu bukwe, izo ku rugamba n’izindi zinyuranye.

Yigaragaje mu myambaro itandukanye inshuro eshatu, ahanini ashingiye kuri buri gice cy’indirimbo yaririmbye.

Ariko kandi ku rubyiniro yari afashijwe mu majwi n’abasore n’inkumi, ndetse hagiye haseruka abo mu matorero atandukanye mu rwego rwo kumufasha.

InyaRwanda igiye kugaruka ku bintu 10 byaranze igitaramo cye yizihirijemo imyaka 40 ishize ari mu muziki:

1.Yakiriwe bidasanzwe muri iki gitaramo cye

Uyu mugabo yageze ku rubyiniro ahagana saa 21:15′, ariko mbere y’aho yari yakiriwe n’ibihumbi by’abantu bisunze gucana amatara no kuvuza akaruru k’ibyishimo.

Ku rubyiniro, yari kumwe na Ruti Joel ndetse na Clement wacurangaga gitari. Uyu mugabo wizihiza imyaka 40 ari mu muziki, yinjiye ku rubyiniro yambaye imyambaro yiganjemo ibara ry’umweru, ndetse n’umukara, ariko kandi yari yambaye n’ingofero.

Mu gice cya mbere yitaye cyane ku ndirimbo ze zakunzwe nka “Amarebe”, “Imihigo y’imfura”, “Amararo”, “Impuga inanga” yaririmbye acurangiwe inanga na Nziza Francis witegura gusohora Album ye nshya, ndetse na “Berenadeta”.

2.Massamba yagaragaje ko guhamiriza ari ibintu yavukanye

Yagiye mu ngamba maze ahuza imbaraga n’abasore b’intore barahimiriza biratinda. Uyu muhanzi aherutse kuvuga ko yakuriye mu muryango w’intore, byamufashije kwisanga neza mu muziki.

Yavuze ko yakoze injyana zinyuranye zirimo nka Zouk, Reggae n’izindi, ariko ko Se yamubwiye gukomera cyane ku ndirimbo zivuga kuri gakondo y’Abanyarwanda.

Kandi, nawe yumvikanisha ko kuguma kuri gakondo byatumye aba uwo ariwe uyu munsi. Muri iyi myaka 40 amaze mu muziki, uyu mugabo avuga ko yabaye iy’amateka adasanzwe, birimo kujya ku rugamba, kuririmba asohora abageni, gutaramira mu bihugu bitandukanye n’ahandi henshi.

3.Yahinduye imyambaro agaruka mu mwambaro wa Gisirikare

Massamba aherutse kubwira itangazamakuru ko ku rugamba yari ashinzwe ibintu bitatu; byarimo gukora ubukangurambaga, gushishikariza urubyiruko kujya ku rugamba no gushaka inkunga yafashaga abari ku rugamba.

Yavuze ko byari ibihe bidasanzwe kuri we, kandi yishimira ko inganzo yagize uruhare mu rugamba rwo kubohora igihugu.

Ubwo yari ahinduye imyambaro, yinjiriye mu ndirimbo ye yise ‘Inkotanyi’, ndetse yafashe umwanya wo kugenda aramukanya n’abakunzi be, abafana be, abo mu muryango we n’abandi banyuranye.

Yanaririmbye kandi indirimbo ‘Duhakananye umurego’, ‘Dushengurukanye isheja’, ‘ Kibonge’, ‘Iya mbere Ukwakira’, ‘Atatukuonde’.

Ku rubyiniro, Massamba yifashishije yane Ruti Joel baserukanye mu ndirimbo hafi ya zose yaririmbye. Uyu muhanzi w’imyaka 28 y’amavuko, aherutse kubwira  itangazamakuru, ko ari ibyishimo n’umunezero udasanzwe kuri we, kuba Massamba yaramuhisemo ngo bataramane muri iki gitaramo.

Yavuze ko Massamba yamubereye umubyeyi mu muziki, ndetse nyinshi mu ndirimbo ze yazifashe mu mutwe.

4.Indirimbo ‘Dushengurukanye isheja’ yaciye ibintu

Massamba Intore aherutse kubwira itangazamakuru, ko iyi ndirimbo yayihimbye mu 1993 ubwo yari mu Mujyi wa Arusha muri Tanzania, ahasinywe amasezerano y’amahoro hagati ya Leta y’u Rwanda na FPR- Inkotanyi yari mu buhunzi.

Ni indirimbo ibitse amateka kuri we, n’ubwo amasezerano impande zombi zashyizeho umukono atigeze ashyirwa mu bikorwa, kuko Jenoside yakorewe Abatutsi yashyizwe mu bikorwa, bigatuma ingabo zari iza RPA zitabara, zikayihagarika.

5.Massamba yagiye aramukanya n’inshuti ze:

Uyu muhanzi aherutse kuvuga ko iki gitaramo kidasanzwe kuri we, kuko cyubakiyemo amateka y’abantu babanye igihe kinini, yaba mu muziki no mu buzima budasanzwe. Ndetse, benshi muri bo abafiteho urwibutso rudasanzwe.

Yitaye cyane ku kuramutsa abantu benshi babanye, ndetse yagiye ava ku rubyiniro akanyura mu bantu baganira, abandi akabaha indangururamajwi kugirango baririmbe. Byageze aho bamwe umwe mu bafana amusanga ku rubyiniro, maze bafatanya kuririmba.

6.Yagarutse mu ndirimbo zivuga ku bukwe

Kuva mu 1997, Massamba yakoreye amafaranga menshi mu birori byo gusohora abageni, ndetse yagiye anatumirwa mu bihugu bitandukanye. Ni kimwe mu byo akora byatumye izina rye rikomera, ndetse izi ndirimbo zica ibintu hirya no hino ku Isi.

Ni indirimbo zuzuye ibihozo, zigaruka ku musore n’umukobwa yagiye aririmba mu bihe bitandukanye. Bisa n’aho ku rutonde rw’izo yagombaga kuririmba yazihaye umwana munini muri iki gitaramo, ariko kandi byatumye ataramana n’ibihumbi by’abantu mu gihe kirekire.

Byamusabye guhindura imyambaro, ubundi yinjirira mu ndirimbo nka ‘Araje araje’, ‘Humura Humeka’, ‘Ari hehe’ yabaye ikita rusange mu muziki we, akomereza ku ndirimbo nka ‘Nyangezi’, ‘Mpore Mpore’, ‘Ikizungerezi’, ‘Agasaza’, ‘Nyaruguru’ n’izindi zidasanzwe mu rugendo rwe rw’umuziki.

7.Abanyamuziki batunguranye ku rubyiniro

Massamba yamaze igihe kinini atoza abakiri bato kuri we mu muziki, abigisha uburyo baririmba, uko baseruka mu ngamba n’ibindi.

Abo yigishije barimo Jules Sentore, Lionel Sentore, Andy Bumuntu n’abandi bamusanze ku rubyiniro maze bataramana nawe. Ni mu gihe Jules Sentore yafatanyije nawe kuririmba indirimbo yitwa ‘Ari hehe’.

Massamba aherutse kuvuga ko afite icyizere ku bakiri bato, kuko buri gihe abatoza gusigasira umuco, kandi abona ko bitanga icyizere. Nyuma yo kuririmba muri iki gice, Massamba yagize ati “Kuva nabaho sindabona abantu bishimye nkamwe.”

Mu gice cya nyuma cy’iki gitaramo, yitaye ku ndirimbo zo hambere n’izo muri iki gihe mbere y’uko agaruka ku rubyiniro, umushyushyarugamba Luckman Nzeyimana yabanje kubwira abitabiriye iki gitaramo gushimira Massamba, kuko imyaka 40 ishize ari mu muziki yagaragaje ubudasa, kandi hari benshi bamufatiraho urugero.

Ndetse, yavuze ko benshi bamuzi ku izina rya ‘Tonto Mass’. Yinjiriye mu ndirimbo ye yise ‘Wirira’. Yigeze kuvuga ko yahimbye iyi ndirimbo biturutse ku mukobwa wo mu gihugu cy’u Burundi bakundanye, ariko akaza kumusiga agiye ku rugamba rwo kubohora igihugu. Massamba yavuze ko uriya mukobwa yananiwe kumutegereza, kuko yasanze yarashatse undi mugabo.

8.Yahamagaye umukobwa we Ikirezi ku rubyiniro

Massamba yafashe umwanya ahamagara ku rubyiniro umukobwa witwa Ikirezi bahurira ku rubyiniro. Ni gacye bombi bagiye bagaragara bari kumwe mu bitaramo nk’ibi.

Uyu mukobwa yagiye avuga ko yakozwe ku mutima no kuba Se yaramushyigikiye mu muziki, ndetse byinshi mu bihangano bye yabigizemo uruhare.

Mbere y’uko Ikirezi agera ku rubyiniro, Massamba yagzie ati “Mbifurije kuzagira imyaka 40 nk’iyanjye, ndetse mukarenzaho cyane cyane. Nagize amahirwe ngira umukobwa wanjye uba muri Canada, nagirango mputumire.”

Massamba n’umukobwa we baririmbye bakomerwa amashyi, kugeza ubwo bombi bavaga ku rubyiniro. Ndetse, byageze ubwo amwambika ingofero yari yambaye.

Uyu munyabigwi mu muziki yavuye ku rubyiniro, amaze aharira umwanya we  umukobwa we aririmba indirimbo ye yise ‘Smile’. Ni indirimbo yashyize hanze, ku wa 15 Gicurasi 2020. Yanagaragaje kandi umukobwa we yise Gicanda ubarizwa mu Bubiligi.

9.Josh Ishimwe, Lionel Sentore, Teta Diana, batunguranye muri iki gitaramo

Uyu musore yasanganiye ku rubyiniro, Massamba Intore baririmbana indirimbo ‘Sinogenda ntashimye’ yamamaye cyane. 

Ni indirimbo zatumye Josh akundwa cyane, ndetse yabishimangiye cyane mu bitaramo yakoze mu myaka ishize, cyane cyane ibaybereye muri Camp Kigali n’ahandi. Ubwo yakoraga igitaramo nawe, Josh Ishimwe yahamagaye ku rubyiniro Massamba bataramana.

Yanatumiye kandi ku rubyiniro, Jules Sentore afatanya na Teta Diana kuririmba indirimbo ‘Umpe akanya’ yakunzwe mu buryo bukomeye. Iyi ndirimbo yatumye benshi batekereza ko bombi bakundana, ariko bagiye babihakana igihe kinini.

Muri iki gitaramo, kandi yatunguwe n’inshuti ze n’abandi bamwifuriza isabukurutore nziza, ndetse yahawe impano y’ifoto ari kumwe na perezida Kagame. Iyi foto ni sanzwe mu rugendo rwa Massamba Intore, kuko yakunze kuyishyira igihe kinini ku mbuga nkoranyambaga, mu rwego rwo kugaragaza uburyo yakozwe ku mutima n’imiyoborere ya Perezida Kagame.

10.Dj Marnaud yashyuhije abanyamujyi!

Uyu musore wamamaye mu kuvanga imiziki, yongeye kugaragaza ko adasanzwe mu rugendo rw’umuziki. Yageze ku rubyiniro, mu masaha ya nyuma y’iki gitaramo acuranga indirimbo ‘Umudereva’ yakoranye na Ruti Joel na Massamba Intore.

Iyi ndirimbo yaciye ibintu cyane mu gihe cy’amatora y’Umukuru w’Igihuigu, kuko yacuranzwe igihe kinini. Ubutumwa burimo bwagiye bwifashishwa n’abantu benshi ku mbuga nkoranyambaga. 

Ifoto Massamba yahawe iriho na Se Sentore Athanase wamukundishije umuziki gakondo

Massamba yavuze ko afite amateka yihariye n’iyi foto yafashwe ari kumwe na Perezida Kagame

Ibyishimo byari byose kuri Massamba Intore nyuma y’uko ahawe ifoto yakozwe ari kumwe n’Umukuru w’Igihugu

Massamba yahawe impano yarimo ifoto ari kumwe na Perezida Paul Kagame yafashwe mu 2017

Massamba Intore yahawe igikombe, ashimirwa uruhare rwe mu muziki w’u Rwanda

Massamba yakoze igitaramo gikomeye yizihirijemo imyaka 40 ishize ari mu muziki

Massamba yatangaje ko yakoze igitaramo umutima we unezerewe, bitewe n’ibihumbi by’abantu bari bamushyigikiye

Intore Massamba yitaye cyane ku ndirimbo ze zakunzwe mu bihe bitandukanye kugeza n’ubu

Umucuranzi wa Gitari, Clement yongeye kugaragaza ubuhanga budasanzwe muri iki gitaramo

Massamba yavuze ko yitaye cyane kuri buri ndirimbo yagiye asabwa n’abantu banyuranye mu bihe bitandukanye

Ruti Joel ari kumwe n’umwe mu bana bo mu Itorero Ibihame by’Imana

Umutima wishimye kuri Massamba Intore nyuma yo gukora iki gitaramo cyihariye mu rugendo rwe rw’umuziki

Massamba Intore yaserukanye n’abasore n’intore mu ngamba, batanga ibyishimo

Massamba Intore yashimiye Ruti Joel, amugaragaza nk’umuhanzi uzatera ikirenge mu cye 

Umuhanzikazi Teta Diana yanogewe muri iki gitaramo cy’umuhanzi wamuciriye inzira

Massamba yashimye bikomeye Nziza Francis wacuranze ubwo yaririmbaga zimwe mu ndirimbo ze

Ruti Joel niwe wateguye buri kimwe cyasabwa kugirango Massamba Intore akore igitaramo cyiza, cyane cyane ku rubyiniro

MASSAMBA YAKOZE AMATEKA AKOMEYE YUZUZA INYUBAKO YA BK ARENA KU NSHURO YE YA MBERE

“>

RUTI JOEL YARIRIMBYE YUNAMIRA YVAN BURAVAN WABAYE INSHUTI YE IGIHE KININI

“>

ARIEL WAYZ YUNAMIYE UMUHANZIKAZI KAMALIZA WABAYE IKITEGEREREZO KURI WE

“>

Kanda hano urebe amafoto menshi yaranze igitaramo cya Massamba Intore cyo kwizihiza imyaka 40 ari mu muziki

Uyu mukobwa ni umwe mu baririmbye mu gitaramo “3040 y’ubutore” cy’umuhanzi Massamba Intore cyabereye muri BK Arena, kuri uyu wa Gatandatu tariki 31 Kanama 2024. Yagaragaje ko yakozwe ku mutima no kuba uyu muhanzi yamuhaye umwanya akaririmba muri iki gitaramo.

Ku rutonde rw’indirimbo yaririmbye harimo na ‘Kunda Ugukunda’ ya Kamaliza. Iri mu ndirimbo zakomeje izina ry’uyu munyabigwi mu muziki, ndetse mu bihe bitandukanye benshi mu bahanzi bakuze bafatira urugero, bagiye bayisubiramo.

Massamba Intore yari aherutse gutangaza ko, bateguye uburyo bwo guha icyubahiro Kamaliza muri iki gitaramo, kubera ko ari umuntu babanye igihe kinini, yaba ku rugamba rwo kubohora u Rwanda no mu buzima busanzwe.

Yavuze ko Kamaliza aho ari yishimye, kuko ‘icyo yarwaniye twakigezeho’. Kandi, yibuka ko ubwo yahimba indirimbo ‘Intare’ bari kumwe.

Uyu mukobwa wageze ku rubyiniro ahagana saa mbili n’iminota 20′ yanaririmbye indirimbo ye yise ‘Wowe Gusa’. Yagaragaje ko yari amaze igihe yitegura kuririmba iyi ndirimbo, ndetse asoje kuyiririmba yabajije abari bamukurikira niba biteguye gutaramana nawe. Yavuze ko “ndishimiye cyane kuririmba mu gitaramo nk’iki.”

Mu mashusho y'iyi ndirimbo yifashishijemo ababyeyi be, ndetse yigeze kuvuga ko babaye urufatiro rwo kuba uyu munsi akora umuziki. Ati 'Mu muco wacu, ababyeyi bashyigikira abana babo kuko baba bafite ubutumwa bwihariye, ntabwo byantwaye igihe kinini kugira ngo mbumvishe ko baza mu mashusho y'indirimbo.'

'Mfite ababyeyi batangaje, ndabakunda cyane, ndabubaha, baranshyigikira cyane, ndabyibuka data yari afite ikiriyo yagomba kujyamo ariko arigomwa mujyana mu ntara muri Nyabihu ndabashimira imbere y'abanyarwanda bose, njye byarandenze byanyigishije ibintu byinshi cyane.”

Uyu mukobwa yavuze ko by'umwihariko, Mama akunze kumwohereza amajwi (Audio) iyo avuye muri studio, bityo nyinshi mu ndirimbo ashyira hanze azimenya mbere.

Ati 'Mama nkunda kumwoherereza amajwi, buri gihe uko mvuye muri studio, we na mukuru wanjye Alliane nibo bantu noherereza ibintu byanjye kugira ngo bumve, nibo bampa ibitekerezo by'ukuri ku bihangano byanjye, ni ibintu biba bikenewe muri uru ruganda, kuko dufite abantu benshi batubeshya, rero uba ukeneye umuntu ukubwiza ukuri n'iyo kwaba kubabaza, ukareba ukuri kwabyo.'

Ari ku rubyiniro, yakurikijeho indirimbo yise ‘Ntabwo yantegereza’. Yavuze ko yayihimbye kugirango akangurire abantu gukundana. Ati “Abatugirira nabi ntabwo tugomba kubitura inabi, ahubwo tugomba kubahata urukundo.”

Iyi ndirimbo ye yagiye hanze, ku wa 24 Ukuboza 20220, bivuze ko imaze imyaka itatu igiye hanze. Yakomereje ku ndirimbo ye yise ‘You should know’ yahimbye mu rwego rwo kubwira uwari umukunzi we, ko yamukunze by’igihe kirekire, kandi ko nta wundi muntu ateze kumusimbuza.

‘You Should Know’ yayishyize ku muyoboro we wa Youtube, ku wa 2 Ugushyingo 2022. Yaririmbye muri iki gitaramo, mu gihe mu 2025 azashyira hanze Album ye nshya, kandi yasabye abitabiriye iki gitaramo kuzamushyigikira ubwo azaba amurika iyi Album.

Ariel Wayz yeretswe urukundo mu gitaramo cya Massamba cyabereye muri BK Arena, kuri uyu wa Gatandatu tariki 31 Kanama 2024

Ariel Wayz yaririmbye indirimbo ya Kamaliza mu rwego rwo kumuha icyubahiro nk'umuhanzi afatiraho urugero'

Ariel yavuze ko yishimiye guhurira ku rubyiniro na Massamba, umuhanzi wizihiza imyaka 40 mu muziki

Umuyobozi w’Umujyi wa Kigali, Dusengiyumva Samuel yitabiriye igitaramo cya Massamba Intore 

Umuhanzi utanga ibyishimo ku bisekuru byombi, Makanyaga Abdul yashyigikiye Massamba wizihiza imyaka 40 mu muziki 

Umuhanzi Jules Sentore na Andy Bumuntu bitabiriye iki gitaramo

ARIEL WAYZ YAKURIWE INGOFERO MU GITARAMO CYA MASSAMBA INTORE MURI BK ARENA

“>

Kanda hano urebe amafoto menshi yaranze igitaramo cyo kwizihiza imyaka 40 ishzie Massamba ari mu muziki

Ruti Joel yakunze kugaragaza ko Buravan yamubereye umuvandimwe n’inshuti adateze kuzibagirwa. Yanabishimangiye ubwo yaririmbaga mu gitaramo “3040 y’ubutore” cya Massamba Intore cyabereye muri BK Arena, kuri uyu wa Gatandatu tariki 31 Kanama 2024.

Uyu muhanzi yagize ku rubyiniro ahagana saa 20:30′ yinjirira mu ndirimbo ze zirimo nka ‘Cunda’ iri kuri Album ye ya mbere yise ‘Musomandera’. Asoje kuririmba iyi ndirimbo, yaririmbye indirimbo ‘Low Key’ ya Buravan.

Mbere yo kuyiririmba yabajije abakunzi b’umuziki ati “Nkongi muramuzi? Yavugaga Buravan.” No mu gitaramo, Ruti Joel yakoze mu Ukuboza 2023 mu Intare Conference Arena yunamiye Buravan, amugaragaza nk’umuhanzi wabaye icyatwa mu rugendo rwe rw’umuziki.

Ruti Joel yigeze kuvuga ko ubushuti bwe na Buravan, bwarandaranze kugeza n'ubwo baguranye indirimbo. Buravan yakunze indirimbo 'Impore' ya Ruti Joel arayimusaba, undi arayimuha. Ruti Joel nawe akunda indirimbo 'Nyambo' ya Buravan arayimwaka.

Muri iki gitaramo, uyu muhanzi yitaye cyane ku ndirimbo ze ziri kuri Album ye ya mbere ‘Musomandera’ yashyize hanze muri Mutaram 2023. Yanaririmbye indirimbo ye yise ‘Amaliza’- iri mu ndirimbo zakunzwe kuri iyi Album, ahanini bitewe n’uburyo yayikozemo. Ku rubyiniro, yari kuwme na Clement usanzwe ari umcuuranzi we wa Gitari.

Mu ndirimbo yahisemo kuririmba muri iki gitaramo, kandi yaririmbye indirimbo ye yise ‘Igikobwa’ cyabaye idarapo ry’umuziki we. Yigeze kuvuga ko iyi ndirimbo yahinduye imibereho ye, ndetse yatumye umubare munini w’abantu bamukunda wiyongera ubutitsa.

Yaririmbye abari bateraniye muri BK Arena, harimo abavuza akaruru k’ibyishimo mu rwego rwo kugaragariza uyu muhanzi ko banyuzwe n’inganzo ye.

Ruti ni umusore w'urubavu ruto wakuriye iruhande rwa Massamba Intore na Jules Sentore bamuharuriye urugendo rw'umuziki we. Byasembuwe no kuba umwe mu bagize Gakondo Group n’itoreri Ibihame anywana n'umuco kuva ubwo. 

Ijwi ry'uyu musore ryumvikanye mu ndirimbo 'Diarabi' yakoranye na Jules Sentore ndetse na King Bayo witabye Imana.

Ni indirimbo nawe avuga ko yamwaguriye amarembo y'umuziki, abatari bamuzi batangira kubazanya ngo uwo musore ni nde w'ijwi ryiza!

Muri Gashyantare 2019 yashyize hanze amashusho y'indirimbo 'La vie est belle' yasubiyemo y'umuhanzi w'umunyabigwi mu muziki Papa Wemba. Iyi ndirimbo yumvikana mu rurimi rw'Igifaransa n'Igiswahili.

Uyu musore avuga ko gukurira muri Gakondo Group byamufashije kumenya kubyina no guhamiriza mu Ibihame Cultural Troupe yigiramo imibyinire gakondo n'ibindi.

Urugendo rw'umuziki we yarushyigikiwemo na Masamba Intore wamuhaye album z'indirimbo ze azigiraho kuririmba ndetse ngo rimwe na rimwe bakoranaga imyitozo yo kuririmba.    

Ruti Joel yaririmbye indirimbo 'Low Key' mu rwego rwo kunamira Buravan

Ruti Joel yakunze kuvuga ko Massamba yamubereye umubyeyi we mu muziki

Ruti Joel yaririmbye muri iki gitaramo yizihiwe, imbere y'ibihumbi by'abantu

Joel aherutse gutangaza ko ari ibyishimo n'umunezero kuri we kuba Massamba yaramuhisemo  

Umwana wa Gatora Yannick yasanganiye ku rubyiniro Ruti Joel anyura benshi

 

Umuhanzikazi Teta Diana yitabiriye igitaramo cya Massamba, umuhanzi wamureze mu muziki

Umuhanzi Muyango Jean Marie yitabiriye igitaramo cya Massamba, umuhanzi bakoranye igihe kinini 

KANDA HANO UREBE UKO RUTI JOEL YITWAYE KU RUBYINIRO MURI IKI GITARAMO

“>

Kanda hano urebe amafoto menshi yaranze igitaramo cya Massamba Intore

Mu magambo yumvikanyemo amarangamutima menshi, FC Shkupi yemeje ko yamaze gutandukana na Rwatubyaye Abdul wari usoje amasezerano.

Muri 2022 ni bwo Rwatubyaye Abdul yatandukanye na FC Shkupi yo muri Macedonia yari amazemo umwaka umwe agaruka muri Rayon Sports.

Uyu myugariro wo mu mutima w’ubwugarizi yakiniye Rayon Sports kugeza muri Gashyantare 2024 ubwo yasubiraga muri iyi kipe yo muri Macedonia mu cyiciro cya mbere.

Uyu mukinnyi yari umukinnyi ntasimburwa kuva muri Gashyantare 2024 kugeza ejo hashize ku wa Gatandatu tariki ya 31 ubwo FC Shkupi yatangazaga ko batandukanye.

Ni inkuru yatunguye benshi cyane ko yari amahitamo ya mbere ndetse itangazo ryanasohotse nyuma y’umukino wa shampiyona w’umunsi wa 4 ya 2024-25 bari bamaze gutsindwamo na Sileks FC 2-1, umukino yakinnye iminota 90 yose.

FC Shkupi mu butumwa bumusezera, bamushimiye ubwitange yagaragaje ndetse bamwifuriza amahirwe masa aho agiye.

Bati “uyu munsi twatandukanye n’umukinnyi ngenderwaho mu ikipe yacu. Umusaruro wawe mu ikipe ni ntagereranywa yaba mu kibuga no hanze yacyo. Nubwo tugusezeye ubwitange bwawe turabugushimira.”

“Mu minsi iri imbere ubwo uzaba usoje gukina, imiryango yacu izahora ifunguye kuri wowe. Umuhate n’urukundo watuzanyemo tuzahora tubyibuka. Turakwifuriza guhirwa aho ugiye gukomereza urugendo.”

Abdul Rwatubyaye yakiniye Rayon Sports imyaka 3 kuva 2016-2019 ari nabwo yavaga mu Rwanda yerekeza mu ikipe ya Kansas City ikaza kumutiza muri Swope Park Rangers, nyuma yagiye muri Colorado Rapids na yo imutiza muri Colorado Switchbacks, yayivuyemo yerekeza muri FC Shkupi atandukana na yo muri 2022 agaruka muri Rayon Sports.