Turamenyesha ko uwitwa NDAYISHIMIYE Thierry mwene Rwamigina na Mukantabara, utuye mu
Mudugudu wa Kumukenke, Akagari ka Ruhango, Umurenge wa Gisozi, Akarere ka Gasabo, mu
Mujyi wa Kigali wanditse asaba uburenganzira bwo guhinduza amazina asanganywe ariyo
NDAYISHIMIYE Thierry, akitwa RWEMA Thierry mu gitabo cy'irangamimerere.
Impamvu atanga yo guhinduza izina ni Izina niswe n'ababyeyi.
The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.
Nshuti Dominique Savio wakiniye amakipe yose akomeye mu Rwanda, yamaze kwerekeza i Burayi aho agiye gukomereza ubuzima.
Uyu mukinnyi uheruka gutandukana na Police FC amakuru avuga ko yajyanye na mugenzi we bakinanye muri Police FC, Mugenzi Bienvenue.
Aba bombi amakuru akaba aberekeza mu gihugu cy’Ubudage aho bagiye gukomereza ubuzima, bivugwa ko ibyo bagiyemo bitandukanye na ruhago bamenyekanyemo.
Nshuti Dominique Savio wakiniye Isonga, Rayon Sports, AS Kigali, APR FC na Police FC amakuru avuga ko asize akoze ubukwe na Tracy bamaze imyaka myinshi bakundana.
Source : http://isimbi.rw/siporo/article/savio-yerekeje-i-burayi-yaba-yasezeye-ruhago-burundu
Namenye Patrick wari Umunyamabanga Mukuru w’Ikipe ya Rayon Sports yamaze gusezera kuri izi nshingano yari amazemo imyaka ibiri asabwa kwihangana ariko aranga.
ISIMBI yamenye ko Namenye yamaze kumenyesha Perezida wa Rayon Sports ko nyuma y’minsi 30 iri imbere (tariki ya 1 Ukwakira) atazaba akiri umukozi w’iyi kipe.
Perezida wa Rayon Sports, Uwayezu Jean Fidele abifashijwemo na DAF, Nkubana Adrien na we weguye ariko akaza kwisubiraho bagerageje kwinginga Namenye Patrick ngo yisubireho kuri iki cyemezo ariko arabananira.
Namenye wagizwe Umunyamabanga Mukuru wa Rayon Sports muri Nzeri 2022 yari asanzwe ashinzwe ubucuruzi n’imishinga yunguka muri iyi kipe, yamaze kubona akandi kazi ndetse ari ko agiye kwerekezamo.
Yabigarutseho mu kiganiro yagiranye na InyaRwanda nyuma yo kuririmba mu gitaramo cya Massamba Intore cyabaye mu ijoro ryo ku wa Gatandatu tariki 31 Kanama 2024, yizihirijemo imyaka 40 ishize ari mu muziki.
Sentore yavuze ko “Kidum ni moteri w’umuziki wanjye” kuko yamenye indirimbo ze mbere y’uko yinjira mu muziki. Yavuze ko kuba Kidum yaratangaje ko yiteguye gukorana indirimbo nawe ari umusaruro w’ibiganiro bagiranye mbere.
Ati “Kuba yarabitangaje ni uko nabanje kuganira nawe mubwira ko nifuza gukorana nawe indirimbo, kandi akunda ibihangano byanjye. Akunda, uburyo ndirimba, aranshyigikira. Tumaze no guhura, kuko no mu Bubiligi yari ahafite igitaramo, turaririmbana, rero Kidum ni umuntu wanjye.”
Jules Sentore yakuriye mu biganza bya Massamba Intore, ndetse avuga ko yanyuranye muri byinshi nawe, bituma n’uyu munsi yumva ko afite umukoro wo gukora ibintu byinshi cyane.
Yavuze ko muri aya mezi ane asigaye atazicisha abafana be irungu, kuko yarangije Album ye nshya. Ati “Ubu, tuvugana Album yanjye nayirangije, nayishyizeho akadomo. Ni Album ya Gatatu, niyo ndibushyira hanze, kandi ndayishyira hanze muri uyu mwaka.”
Uyu muhanzi wamamaye mu ndirimbo nka ‘Udatsikira’, avuga ko iyi Album yakozweho na Producer Madebeats ubarizwa mu Bwongereza. Ati “Madebeats niwe uyifite mu biganza, bikunze najya kumureba nkamusanga aho ari tukareba ukuntu tubinoza neza.
Jules avuga ko yarangije imyiteguro kuri iyi Album ijyanye n’uburyo buri ndirimbo ye ikoze ndetse n’uko iririmbye. Kandi avuga ko muri uyu mwaka yiteguye kuyimurikira abakunzi be.   Â
Ateguje Album ya Gatatu, mu gihe muri Gashyantare 2017 yashyize hanze Album ya Kabiri yise 'Indashyikirwa' yatunganyijwe n'aba Producers batandukanye barimo Bob Pro, Pastor P, Nicolas ndetse na Producer Piano.
Ni Album iriho indirimbo 11 zirimo Umpe akanya, Kora akazi, Umpe akanya, Indashyikirwa, Mumaranyota, Akayama, uburyohe n'izindi.
Muri muzika, Jules Sentore aherutse gusohora amashusho y'indirimbo 'Basore', 'Dawe', 'Icyeza' n'izindi zinyuranye. Uyu muhanzi amaze kubaka izina mu njyana Gakondo afite ubuhanga bw'umwimerere mu kuririmba adategwa.
Yakunzwe mu ndirimbo 'Umpe akanya', 'Kora akazi', 'Diarabi', ‘Gakondo' n’izindi. Mu 2013 yasohoye Album yise 'Muraho neza', mu 2017 amurika iyo yise 'Indashyikirwa' yazirikanyemo umurage yasigiwe na Sentore.
Ni umwe mu bahanzi bahatanye mu marushanwa akomeye mu muziki nyarwanda. Yahatanye muri Primus Guma Guma Super Stars ndetse no muri Salax Awards n'andi.
Jules Sentore yatangaje ko muri uyu mwaka agiye kumurika Album ye ya Gatatu
Sentore yashimye Massamba ku bwo kumushyigikira mu rugendo rwe rw'umuziki
Sentore yavuze ko Album ye yose yakozweho na Producer Madebeats
KANDA HANO UREBE IKIGANIRO TWAGIRANYE NA JULES SENTORE
 “>
Ikipe ya Etincelle FC yo mu karere ka Rubavu, izwiho kuba imwe mu makipe amaze igihe kinini abayeho mu mupira w'amaguru mu Rwanda, yatangiye gahunda idasanzwe yo kumenyekanisha amakayi yanditseho amafoto y'abakinnyi bayo. Iyi gahunda yashyizwe mu bikorwa ku bufatanye na kompanyi yitwa Oliverson Global, ikora ibikoresho by'ishuri.
Perezida wa Etincelle FC, Bwana Singirankabo, yavuze byinshi kuri iyi gahunda, yemeza ko ari igitekerezo cyatekerejweho mu buryo bwimbitse kandi kigamije guteza imbere ikipe n'abakinnyi bayo. Mu magambo ye, yagize ati:
'Amakayi ni poroje Etincelle ifitanye n'uruganda rukora amakayi kuko Etincelle ubwayo nta ruganda ifite rukora amakayi. Gusa umufatanyabikorwa wacu igihe cyo kumutangaza ntabwo kiragera, ariko amakayi azajya hanze azaba ariho amafoto y'abakinnyi bacu.'
Yakomeje asobanura ko uburyo bwo gukorana na kompanyi ya Oliverson Global bugizwe n'uko ikipe izajya ibona 30% ku kayi kose kazagurwa. Muri gahunda zabo, bashyize imbere gucuruza aya makayi cyane mu karere ka Rubavu ndetse no mu ntara y'Uburengerazuba, ariko no mu tundi turere, ushobora kuzituma zikakugeraho.
Bwana Singirankabo yakomeje agira ati: 'Amakayi ahantu ari kubarizwa ni i Rubavu, mu murenge wa Majengo. Ubu twabanje ku makayi, ariko mu minsi iri imbere tuzakora n'ibindi bikoresho abanyeshuri bakenera nka amakaramu n'impapuro. Ibi ni intangiriro gusa, tuzakomeza kongera ibindi bikoresho mu gihe kizaza.'
Ku rundi ruhande, Umuhire Eric uhagarariye kompanyi ya Oliverson Global, yagaragaje ko iyi mikoranire ari uburyo bwiza bwo kumenyekanisha ibikorwa byabo, anasaba abandi bashoramari gukorana n'amakipe y'umupira w'amaguru.
Mu magambo ye, yagize ati: 'Turi kompanyi ya Oliverson Global, dukunda umupira w'amaguru kandi tuzi ko ari ahantu heza ho kumenyekanisha ibikorwa. Twahisemo gukorana na Etincelle FC kuko ari ikipe ifite abakunzi benshi kandi imaze igihe kinini ibayeho. Iki gikorwa cy'amakayi ni intangiriro, ariko twifuza gukorana n'andi makipe menshi ahagarariye uturere.'
Eric yakomeje ashimangira ko amakayi atangiye kugurishwa kuva ku wa mbere w'iki cyumweru, kandi ubwitabire buri hejuru, anavuga ko bafite gahunda yo guha abakiriya bataragera i Rubavu uburyo bwo kubona amakayi yabo binyuze mu gutumiza kuri telefoni.
Yasoje asaba ba rwiyemezamirimo gushora imari mu mupira w'amaguru, agaragaza urugero rwa Skol muri Rayon Sports nk'icyitegererezo cy'uburyo ubucuruzi n'umupira w'amaguru bishobora gufatanya neza. Yavuze kandi ko abashoramari bakwiye kugana umupira bafite imishinga y'igihe kirekire aho kureba inyungu yihuse mu gihe gito.
Iyi mikoranire hagati ya Etincelle FC na Oliverson Global, ni urugero rwiza rw'ubufatanye hagati y'imikino n'ubucuruzi, bikaba bifite intego yo guteza imbere ikipe ndetse no kumenyekanisha ibikorwa by'umufatanyabikorwa. Kuri ubu, aya makayi aboneka i Rubavu mu murenge wa Majengo, kandi hari icyizere ko ibikorwa nk'ibi bizafasha iyi kipe kugera ku rwego rwo hejuru mu buryo bw'imari n'imiyoborere.
Amafoto Yuko amakayi ameze
Source : https://yegob.rw/etincelle-fc-yabonye-umuterankunga-mushya/
Iyi gahunda igamije kugabanya impu n'ibizikomokaho bitumizwa mu mahanga no guteza imbere urwego rw'impu imbere mu gihugu, yatangijwe na Minisiteri y'Ubucuruzi n'Inganda ariko kuyishyira mu bikorwa bigenda biguru ntege kubera ibibazo birimo n'amikoro.
Ubu ingengo y'imari ikenewe mu kubaka uru ruganda no gushyira mu myanya ibikoresho bizakenerwamo birimo n'ibizifashishwa mu gutunganya imyanda izajya ivamo [hagamijwe kuyihumanura] ni miliyoni 15.1 z'amadolari ya Amerika [Angana na 20,155,253,500 Frw].
Ubu hamaze kuboneka icyanya cyo kuzubakamo uru ruganda, kikaba giherereye mu Karere ka Bugesera, Umurenge wa Kamabuye, Akagari ka Kampeta mu Mudugudu wa Rutete.
Umukozi Ushinzwe Iterambere ry'Inganda muri Minisiteri y'Ubucuruzi n'Inganda [MINICOM], Mugabe Fred, yabwiye The New Times ko 'Uruganda rutunganya impu cyangwa ibizikomokaho rugomba kuba byibuze rutari hafi y'aho abantu bakorera ibikorwa byabo, nibura rugomba kuba mu ntera ya kilometero imwe kugira ngo imyanda ishobora guturukamo itagira ingaruka mbi ku birukikije dore ko izi nganda zigira imyanda myinshi ihumanya.'
Mu Rwanda hahoze uruganda rutunganya impu ariko kubera kutuzuza ibisabwa rurafungwa.
Mugabe yavuze ko icyakurikiye nyuma yo kubona iki cyanya, kwari ugukora inyigo igamije kureba inyungu izazanwa n'uru ruganda mu gihe rwaba rwubatswe.
Ati 'Inyigo zamaze gukorwa ubu twatangiye gushaka abashoramari bo gukorana na bo. Abashoramari batandukanye barimo n'amasosiyete akomeye akora imyenda bamaze kugaragaza inyota yo gushora imari muri uyu mushinga.'
Mugabe yavuze ko bari no gukorana na Banki Nyafurika Itsura Amajyambere [AfDB], yemeye gutanga amafaranga yo kuzifashishwa mu gukora izindi nyigo zikenewe kugira ngo uru ruganda rubeho.
Ati 'Izi nyigo zizibanda ku gukora igishushanyo mbonera, ibisabwa mu by'ubwubatsi, ndetse n'ahashobora kuva inkunga.'
Urwego rw'impu mu Rwanda rwarazahaye
Mu Rwanda haboneka impu nyinshi ahanini ziva ku nka zirenga amagana zibagwa buri munsi. Icyakora kugira ngo izi mpu zikorwemo bya bikoresho dukenera zibanza kugurishwa hanze mu bindi bihugu kugira ngo zitunganywe hanyuma zikongera kugurwa ku giciro kitari gito n'abatunganya ibikomoka ku mpu kugira ngo bakore bya bikoresho dukenera mu buzima.
Mbere ya 2014 uruhu rwari imari ishyushye mu Rwanda. Ubucuruzi bwazo bwatangaga inyungu ku kigero cyo hejuru ku bantu benshi uhereye ku mworozi, uzikusanya, uzicuruza, amabagiro ndetse n'abazijyanaga hanze y'igihugu.
Ibi ahanini byaterwaga n'uko uruhu rw'inka zo mu Rwanda ruba ari rwiza kubera ko ziba zororewe mu biraro bizirinda kwibasirwa n'udukoko ndetse zikaba zigaburirwa umunyu byose bifasha impu zizikomokaho gukomera bikanazongerera ubuziranenge.
Icyakora nyuma ya 2014 ngo ubucuruzi bw'impu mu Rwanda bwatakaje agaciko ku kigero cyo hejuru ku buryo abantu benshi bari mu ruhererekane rwazo babihagaritse bakayoboka indi mirimo.
Abari basanzwe bakora ubucuruzi bw'impu bavuga ko muri uwo mwaka nta mucuruzi wo muri kimwe mu bihugu bigize Umuryango wa Afurika y'Iburasirazuba [EAC] wari wemerewe gucuruza impu kanze y'ibyo bihugu.
Ushatse kuzigurisha hanze ya kimwe muri ibyo bihugu yatangiye gusabwa kwishyura amafaranga 0.52 y'Amadorali ya Amerika ku kilo kimwe agurishije.
Bavuga ko byatumye uruhu rutakaza agaciro kuko ngo mbere ikilo cyagurishwaga 1,500 Frw ariko kuva muri uwo mwaka kugeza ubu kigurishwa 100 Frw cyangwa 200 Frw gusa.
Ku bufatanye bwa MINICOM na RDB, muri Gicurasi 2023 byashyizeho Ihuriro Kigali Leather Cluster rizafasha gukurikirana ibikorwa byo kwitegurira uru ruganda no gukurikirana ibindi bikorwa byo gutunganya impu n'ibizikomokaho bikorerwa hirya no hino mu gihugu.
Mu kiganiro yigeza guha IGIHE, Umuyobozi wa Kigali Leather Cluster, Kamayirese Jean D'amour, yavuze ko mu gihe gahunda zo kubaka uru ruganda zihutishijwe agaciro k'impu kakongera kakazamuka na za nganda zikora ibyo gutunganya ibizikomokaho ntizongere guhenda na gahunda yo guteza imbere ibikorerwa mu gihugu ikarushaho kwimakazwa.
Amafoto: AI
Ibyo byakozwe muri gahunda yo gushyira mu bikorwa Itegeko ryerekeye kubuza ikorwa, itumizwa mu mahanga, ikoreshwa n'icuruzwa ry'amasashe n'ibikoresho bikozwe muri pulasitiki bikoreshwa inshuro imwe ryemejwe mu 2019.
The Newtimes yatangaje ko ikusanywa ry'iyo myanda ituruka kuri pulasitike ryatangiye muri Gicurasi 2022 aho ibigo bibiri ari byo byabishyize mu bikorwa ari byo Enviroserve Rwanda Green Park na We Can Recycle.
Ikigo cya We Can Recycle cyakusanyije ibikomoka kuri pulasitiki zikoreshwa inshuro imwe nyuma y'amasezerano ya Enviroserve yarangiye muri Nzeri 2023 agasiga ikusanyije toni 930.
Umuhuzabikorwa w'umushinga wo kongera kubyaza umusaruro ibikoresho byakozwe n'imicungire y'imyanda muri REMA, Nkurunziza Philbert, yagaragaje ko kugeza ku wa 8 Kanama 2024, Ikigo cya We Can Recycle cyari kimaze gukusanya toni 1350 za Pulasitiki zikoreshwa inshuro imwe gusa.
Ibigo bitunganya iyo myanda bikayikoramo ibindi bikoresho byo bigaragaza ko nibura u Rwanda rukeneye gukusanya irenga toni 6000 buri mwaka.
Pulasitiki zikoreshwa inshuro imwe zishobora kongera gutunganywamo ibindi bikoresho birimo nk'ububiko bw'imyanda, ijerekani, ibyo gupfunyikamo n'ibindi bitandukanye.
Ku rundi ruhande ariko Nkurunziza yagaragaje ko binatanga akazi kuri benshi, nk'aho We Can Recycle yabashije gutanga akazi ku bantu 350 ndetse itanga n'amahugurwa ku bagera kuri 700 ku micungire y'imyanda ya pulasitike.
Nubwo bimeze bityo ariko mu bice by'ibyaro usanga imyanda ikomoka kuri pulasitike ikiri ikibazo ku baturage cyane ko nk'imyanda ibora usanga ishobora kwifashishwa nk'ifumbire.
Bisaba ko ibigo bikusanya imyanda byagura imikorere yabyo bikagera hirya no hino mu gihugu ku buryo imyanda yose ya pulasitiki ikusanywa uko bikwiye kugira ngo ibyazwe umusaruro.
Umuyobozi Uhagarariye Enviroserve Rwanda, Olivier Mbera, yagaragaje ko bagiye kwagura gukora ibikorwa byabo bageza amashami yabo hiry no hino mu gihugu.
Ati 'Ubu dufite amashami 14 mu gihugu ariko turifuza kugira aho dukusanyiriza imyanda 30 mu mpera z'uyu mwaka. Enviroserve iri kubaka amakusanyirizo menshi y'imyanda mu Ntara y'Amajyepfo n'ibice by'Iburasirazuba.'
Mu 2023, Minisiteri y'Ibidukikije yatangaje ko gahunda y'ibikorwa bijyanye no guteza imbere ubukungu butabangamiye ibidukikije no guhangana n'imihindagurikire y'ibihe, ishimangira ko hazajya hakoreshwa miliyari 2$ buri mwaka kugeza mu 2050.
Iki ni ikibazo cyagutse, gifite imizi kuva ku birimo imyumvire, imiyoborere, ubumenyi n'ibindi bibazo bitandukanye. Muri ibyo bibazo byose, harimo n'ikijyanye no kutabyaza umusaruro ubutaka bwiza kandi bwera bw'uyu Mugabane.
Ujya uca ku muhinzi ukumva arakubwiye ati 'ubu butaka ntabwo bucyera nk'uko byahoze mu myaka 10 cyangwa 20 ishize.' Ibi ntabwo ari ukwiganirira kuko ari ikibazo kiriho, ndetse iyi ni imwe mu mpamvu itera ya nzara twavugaga, kabone nubwo Afurika ifite abantu benshi bakora mu buhinzi ikagira n'ubutaka buhagije bwakorerwaho.
Igiteye impungenge ni uko munsi ya 20% by'ubutaka buhingwa muri Afurika, ari bwo bushobora kubyazwa umusaruro ku kigero cyiza, mu gihe ubundi busigaye butabyazwa umusaruro ukwiriye. Ibi bivuze ko kuri hegitari, Afurika itakaza nibura ibilo biri hagati ya 30 na 60, ari na yo mpamvu tubona ubuso duhingaho ari bunini, ariko umusaruro dukuramo ukaba muke ugereranyije n'ibindi bihugu.
Bipfira he?
Ubutaka ni nk'umubiri, nk'uko byagarutsweho na Ousmane Kone, umwe mu bitabiriye Inama Nyafurika yiga ku biribwa (AFSF). Nk'uko wita ku mubiri wawe kugira ngo ugire ubuzima bwiza, ni na ko Afurika ikwiriye kwita ku butaka bwayo kugira ngo buyihe umusaruro yifuza.
Ibi ariko si ko bimeze magingo aya. 8.2% y'ubutaka bwa Afurika ni bwo buhingwaho mu buryo butuma buzakomeza gutanga umusaruro mu bihe biri imbere, bivuze ko bwuhirwa, bugakorerwa ubushakashatsi, bugaterwa imbuto itabwangiza, bukarindwa isuri n'ibindi.
Kone avuga ko 'Ibi bituma Umugabane wacu utagira ubushobozi bwo kwihaza mu biribwa, kuko ishoramari rijya mu bijyanye n'ubuhinzi riracyari rito, kandi iyi ntabwo ari inshingano y'abikorera gusa, ni inshingano yacu twese dufatanyije.'
Kuri iki cy'ishoramari rya leta mu bijyanye n'ubuhinzi, ni ikindi cyiciro Afurika ititwaramo neza na gato.
Nk'ubu turebye ku bijyanye n'ingengo y'imari ibihugu bya Afurika bishyira mu rwego rw'ubuhinzi, usanga ibihugu bine gusa ari byo byari byarageze ku ntego yo gushora 10% by'ingengo y'imari yabyo mu bijyanye n'ubuhinzi mu 2020.
Mu yandi magambo, impuzandengo y'ingengo y'imari ishorwa mu bijyanye n'ubuhinzi ku Mugabane wa Afurika yari kuri 2,1% gusa mu 2020.
Ishoramari rike gutya birumvikana ko ritanga n'umusaruro muke, kuko inyongeragaciro ku buhinzi bwa Afurika ryari ku mpuzandengo ya 2,6% mu 2020.
Daniel Mwenda uri mu bitabiriye iyi Nama, yavuze ko iki atari cyo kibazo cyonyine, 'Kuko ikibazo cy'ubumenyi buke mu bahinzi gikumira iterambere ry'uru rwego, kandi ubushobozi leta zishyira mu guteza imbere ubumenyi muri uru rwego buracyari buke.'
Afurika iri gukanguka
Mu gihe Afurika ihanganye n'ibi bibazo byose, umubare w'Abanyafurika na wo witezweho kwiyongera mu bihe biri imbere ku buryo Abanyafurika bazaba bikubye kabiri mu 2050, bageze kuri miliyari 2,5.
Ibi biri mu bituma abayobozi ba Afurika bakanguka, bagatangira gushyiraho uburyo bwo guhangana n'iki kibazo.
Umuyobozi w'Ishami rishinzwe Ubutaka muri Varda gikusanya amakuru y'ubutaka, Simone Solo, yavuze ko abayobozi b'ibihugu bya Afurika bakomeje gukangukira guteza imbere ibijyanye no gushaka amakuru y'ubutaka, gusa avuga ko uyu Mugabane usabwa gukora gukomeza gukoresha imbaraga nyinshi.
Ati 'Uburaziranenge bw'ubutaka (soil health) ni ikintu ibihugu bya Afurika bishyize imbere cyane ku buryo Umuryango w'Ubumwe bwa Afurika wateguye Inama kuri iyi ngingo, byerekana ko ihangayikishije ibihugu bya Afurika. Afurika irasabwa kugira uruhare mu kuzamura umusaruro muri rusange ndetse no kuzamura ubuziranenge bw'umusaruro usanzwe uhari. Ni ikintu kitoroshye.'
Ku kijyanye n'ubumenyi bukiri buke bw'abahinzi bw'Abanyafurika, yavuze ko hari ubushake bw'abahinzi bwo kuzamura umusaruro wabo, ikibazo kikaba kubagezaho ibisubizo byiza, bihendutse kandi mu gihe gito.
Ati 'Hari ibisubizo byinshi byakoreshwa, ikibazo gikomeye ni ukugeza ibyo bisubizo ku bahinzi kandi bikabageraho bihendutse. Amahirwe ni uko hari kuza ikoranabuhanga rihendutse, rishobora gufasha ibihugu bya Afurika kugenzura ubutaka ku buryo haboneka amakuru yatuma bubyazwa umusaruro kurushaho.'
Bimwe mu bisubizo byagaragajwe harimo nk'urubuga rwa 'Soil Hive' rwa Yara, ikigo gikora mu bijyanye no guteza imbere ubuhinzi, cyibanda ku ifumbire ndetse n'ubuziranenge bw'ubutaka.
Uru rubuga rukubiyeho amakuru yaturutse mu bipimo by'ubutaka biba byagiye bifatwa hirya no hino muri Afurika, akaba ashobora kwifashishwa n'inzego zifata ibyemezo ndetse n'abahinzi, kugira ngo bamenye uburyo bashobora kubyaza umusaruro ubutaka bwabo, bijyanye n'imiterere yabwo yihariye.
Simone avuga ko 'Uru ni urubuga rw'abantu bose, aho dushyiraho amakuru ajyanye n'ubutaka dushobora kubona, tukibanda cyane muri Afurika y'Iburasizuba. Ushobora kubona amakuru yose, ibi bigafasha inzego za leta kubona ibyo zikwiriye gukora mu guteza imbere umusaruro wabo.'
Yongeyeho ko 'Abahinzi bo muri Afurika bafite ishyaka ryo kubona umusaruro wabo wiyongereye, hari iby'ibanze nk'ikoranabuhanga ririmo nka telefoni zigendanwa zitangiye kugera hose, twizeye ko iryo koranabuhanga rizifashishwa mu kubagezaho amakuru atuma bateza imbere umusaruro wabo.'
Umuryango ushinzwe Iterambere rya Afurika, NEPAD, uvuga ko mu gihe nta cyaba gikozwe, hafi 50% by'ubutaka bwera muri Afurika byazagera icyo gihe butagitanga umusaruro mu 2050, ibyumvikanisha uburyo imbaraga zishyirwa muri uru rwego zikwiriye kwiyongera.
Nk'uko bisanzwe bigenda buri gihe ku mpera z'ukwezi, InyaRwanda ibagezaho indirimbo zakanyujijeho zigasusurutsa abanyarwanda muri rusange ndetse n'abakunzi b'umuziki wo mu Rwanda byumwihariko.
Mu bahanzi bakoze mu nganzo indirimbo zigakundwa cyane harimo Kevin Kade wahuje imbaraga na The Ben ndetse na Element, Kenny Sol wiyambaje Dj Neptine uri mu bahanzi bagezweho muri Nigeria, Alyn Sano, Bwiza n'abandi.
'Sikosa' iyoboye uru rutonde, ni indirimbo nshya Kevin Kade yahuriyemo n'abarimo The Ben na Element Eleeeh ikaba imwe mu zimaze iminsi ziri kubica hano hanze.
Ni indirimbo iri mu njyana ya Afrozouk yifashishijwemo Umunyamideli wo muri Tanzania ufite n'inkomoko mu Rwanda, Jacinta Makwabe.
Mu buryo bw'amajwi yakozwe na Element Eleeeh mu gihe amashusho yakozwe na Director Gad na Joma. Yanditswe na Junior Rumaga, Kenny K Shot na Diez Dola. Imbyino zirimo zatunganyijwe na Titi Brown.
Mu minsi mike imaze igiye hanze, 'Sikosa' imaze kurebwa n'abarenga miliyoni imwe n'ibihumbi Magana ane kuri YouTube.
Mu ndirimbo ibihumbi n'ibihumbi zagiye ahagaragara muri kwezi gushize kwa Kanama, InyaRwanda yaguhitiyemo 30 gusa zarinde irungu abanyarwanda:
1. Sikosa â” Kevin Kade ft The Ben, ELEMENT EleéeH
2. No One â” Kenny Sol ft Dj Neptune
3. Head â” Alyn Sano
4. Ahazaza â” Bwiza
5. Tamba â” Zeo Trap
6. Bailando – Shaffy
7. Jolie Nana â” Davy Scott
8. See â” Run Up
9. Ndotsa â” Deejay Pius ft Platini, Uncle Austin
10. Hip Hop – Riderman ft BullDogg
11. Ikitanyishe â” Papa Cyangwe ft BullDogg, P-Fla , Fireman & Green P
12. Mon Bebe – Marina
13. Forever â” Yverry
14. Ndabakwepa â” Danny Vumbi
15. Amakashi â” Mr Kagame
16. Sibyange – Yampano
17. Smile For Me â” Fela Music
18. Akarara â” Flyest Music ft Igor Mabano
19. Hold You â” Eesam ft Riderman
20. Ibyo Birabareba – Yago Pondat
21. I Can Fly â” Khalfan Govinda
22. Heri Taifa â” Israel Mbonyi
23. Inzira â” Danny Mutabazi
24.Kubera Imana – Emmy Vox, Peace hozy, Hirwa, Richard keen, Yves, Ella, Bidandi
25.Inzira, Ukuri n'Ubugingo â” Sharon Gatete ft Jonathan Ngenzi
26.I'm Free â” Alpfa Rwirangira
27.Siendi Bila Asante â” Josh Ishimwe
28.Uramvura â” Giramata Music
29.Sinamuhomba â” Nessa ft Beat Killer
30. Rugaba â” Alicia & Germaine
Ibi yabitangaje kuri uyu wa Mbere taliki ya 2 Nzeri 2024 ubwo yari mu nama y’igihugu y’Abana iri kubera muri Kaminuza y’u Rwanda ishami rya Huye ku nshuro yayo ya 17 aho ifite insanganyamatsiko igira iti: “Ejo Ni njye”.
Mu ijambo rye Minisitiri w’Uburinganire n’iterambere ry’Umuryango yavuze ko iyi nama ari ikimenyetso kigaragaza ko Leta y’u Rwanda izirikana iterambere ry’umwana ndetse anashimira Perezida Kagame watanze urubuga rutuma abana nabo batanga ibitekerezo.
Ati: “Iyi nama ni ikimenyetso kigaragaza ko Leta y’u Rwanda izirikana ko iterambere ry’umwana mu Rwanda ndetse n’iterambere ry’u Rwanda muri rusange rishingiye kuri mwe nk’abana cyane uko uko ibarura ry’abaturage ryabigaragaje abana bagize 44.5 by’abaturage b’u Rwanda.Â
Ndagira ngo mumfashe dushimire cyane Nyakubahwa Perezida wa Repubilika waduhaye urubuga nk’urunguru rutuma mwe abana mubona umwanya wo gutanga ibitekerezo ku bibakorerwa”.
Yakomeje ashimira abahisemo insanganyamatsiko y’iyi nama avuga ko yifuza ko buri mwana wese ayigira iye. Ati: “Ndagira ngo mbashimire kandi insanganyamatsiko mwahisemo itwibutsa kwita kuri ejo hazaza, insanganyamatsiko iragira iti: “Ejo ni njye”.Â
Ndifuza ku buri mwana wese uraha ndetse n’udukurikiye hirya no hino ko iyi nsanganyamatsiko ayigira iye ubundi buri wese yibaze icyo yifuza kuzaba maze yisubize.
Ndabiziko ko hari ibisubizo mwihaye birimo ejo ni njye Perezida wa Repubilika, ejo ni njye Minisitiri, ejo ni njye uzaba uri Muganga ku bitaro bikuru ahantu, ejo ni njye uzaba uri umupirote, ejo nzaba ndi Guverineri, ejo nzaba ndi General muri RDF”.
Uwimana Consolée yavuze ko yifuriza aba bana kuzagera ku nzozi zabo, gusa avuga ko basabwa kugira ibyo birinda birimo no gukina imikino y’amahirwe izwi nka ‘Betting’.
Ati: “Ndabifuriza ko izi nzozi zanyu zizaba impamo ejo hanyu muhafite mu biganza, kandi kugira ngo inzozi zanyu zizabe impamo hari ibyo musaba ariko hari n’ibyo musabwa.Â
Ibyinshi musabwa murabizi harimo kwirinda inzoga n’ibiyobyabwenge, murasabwa kwirinda inzoga n’ubusambanyi, imikino y’amahirwe “Betting”, murasabwa kwirinda ibigare, murasabwa kumvira ababyeyi n’abarezi banyu;
Murasabwa kwiga cyane mugafata n’umwanya wo gusubira mu masomo muba mwahawe, murasabwa muri rusange kurangwa n’ikinyabupfura mukaba urugero rwiza ku mashuri n’aho mutuye”.
Yakomeje asaba abageze mu kigero cy’ubugimbi kwirinda ababashuka anasaba abagize ibyago byo guhohoterwa gutinyuka bakagaragaza ababahohoteye. Ati: “By’umwihariko abageze mu kigero cy’ubugimbi n’ubwangavu, ndagira ngo mbasabe mwirinde ababashuka. Nibajya kubashuka muzasubize oya.
Ni oya kubera ko usibye kubicira inzozi nta kindi kintu baba babifuriza. Umunyarwanda yarabivuze ati ‘urusha nyina w’umwana imbabazi aba shaka kumwica’. Abagize ibyago rero mugahohoterwa mutinyuke mugaragaze ababahohoteye icyaha cyo gusambanya umwana mu mategeko y’u Rwanda ntabwo gisaza”.
Minisitiri w’Uburinganire n’iterambere ry’Umuryango yabwiye abana ko bafite amahirwe yo kuvukira mu gihugu cyifuza iterambere ryabo. Ati: “Mufite amahirwe yo kuvukira no gukurira mu gihugu kibakunda cyifuza iterambere ryanyu.Â
Mwahawe amahirwe n’ubushobozi bwo kugera ku nzozi zanyu ngo mubibyaze umusaruro mugaragaze ibyo mwifuza, mugaragaze impano zanyu maze mukomeze kubaka ejo heza hanyu n’ah’igihugu cyacu”.Â
Yanababwiye ko kugera ku nzozi zabo bishoboka maze atanga urugero kuri Queen Kalimpinya wabaye igisonga cya gatatu cya Nyampinga w’u Rwanda mu 2017. Miss Kalimpinya yasabye abana gukunda kwiga kandi bakarangwa n’ikinyabupfura.
Iyi nama y’igihugu y’Abana yitabiriwe n’abana barenga ibihumbi bibiri (2,000) bahagarariye abandi mu mirenge yose y’igihugu.
Minisitiri w’Uburinganire n’iterambere ry’Umuryango yasabye Abana kwirinda ibirimo ‘Betting’ kugira ngo bazagere ku nzozi zaboÂ
Abana barenga ibihumbi 2 nibo bitabiriye Inama y’Igihugu y’Abana iri kuba ku nshuro ya 17