Category: Uncategorized

Kuri uyu wa Mbere tariki ya 2 Nzeri, nibwo Minisitiri Biruta na mugenzi we wa Jordanie, Mazin Abudullah Al Farrayeh, bakurikiranye umuhango wo gusinya amasezerano y'ubufatanye, yashyizweho umukono na IGP Namuhoranye na Maj. Gen. Abeidallah A. Maaytah, Umuyobozi ushinzwe umutekano rusange muri Jordanie.

Uyu muhango witabiriwe kandi na Ambasaderi w'u Rwanda muri Jordanie, Urujeni Bakuramutsa.

Amasezerano yashyizweho umukono akubiyemo ubufatanye mu kubaka ubushobozi mu bijyanye n'amahugurwa, guhanahana amakuru n'ubunararibonye, n'ubufatanye mu zindi ngeri z'ibikorwa by'umutekano nko kurwanya iterabwoba, icuruzwa ry'abantu n'ibiyobyabwenge, ibyaha bikorwa hifashishijwe ikoranabuhanga n'ibindi bitandukanye.

Inzego z'umutekano z'u Rwanda na Jordanie zigiye gufatanya mu birimo kurwanya iterabwoba

Kuri uyu wa Mbere tariki ya 2 Nzeri, nibwo Minisitiri Biruta na mugenzi we wa Jordanie, Mazin Abudullah Al Farrayeh, bakurikiranye umuhango wo gusinya amasezerano y'ubufatanye

Umushinga 'GREATER' ugamije kwimakaza ikoreshwa ry'ingufu zisubira binyuze mu burezi, aho abarimu n'abanyeshuri bongererwa ubumenyi hagamijwe gufasha abaturage gusonanukirwa akamaro k'izo ngufu.

Uhurije hamwe kaminuza enye zo mu Rwanda n'enye z'i Burayi zigisha amasomo ajyanye n'ingufu zisubira ukaba uzamara imyaka itatu kugeza mu 2025.

Mu nama yahuje abagenerwabikorwa b'uyu mushinga kuri itariki ya 2 Nzeri 2024, Umuyobozi Mukuru wungirije ushinzwe amasomo n'amahugurwa muri IPRC Tumba, Dr. Muhirwa Alexis yavuze ko kongera ubumenyi kuri izi ngufu muri iri shuri rikuru byatangiye gukorwa.

Yagize ati 'Tumaze kohereza abarimu batatu i Burayi bagiye mu cyiciro cya mbere. Turi gutegura icyiciro cya kabiri kizaba kirimo abantu barindwi harimo abarimu n'abanyeshuri kugira ngo n'abari ku ntebe y'ishuri na bo babashe kunguka ubumenyi'.

Aba boherezwa i Burayi bahabwa amasomo y'igihe gito banakorera ingendo shuri muri kaminuza ziri muri uwo mushinga bakahakura ubumenyi baza gukoresha hano mu Rwanda. Ni na ko bigenda ku baturuka muri izo kaminuza z'i Burayi baza mu zo mu Rwanda kwigira ku mikorere n'imyigishizirize y'ibijyanye n'ingufu zisubira.

Umwe mu barimu ba IPRC Tumba baherewe ayo masomo i Burayi, Hirwa Jean Luc yavuze ko bafite umushinga wo kwegera abaturage bakabasobanurira ingufu zisubira binyuze mu kubaka ikigo gikoreshwamo izo ngufu kibaha umuriro w'amashanyarazi ariko kinatangirwamo amakuru ku buryo bazasonukirwa akamaro k'izo ngufu kuko bazaba bazikoresha.

Iki kigo kizubakwa mu Mudugugu wa Muyanza mu Karere ka Rulindo.

Umuhuzabikorwa wa 'GREATER, Prof. Paolo Giampolini yavuze ko u Rwanda ari igihugu gikataje muri gahunda yo guha abaturage bose amashanyarazi kandi harimo n'akomoka ku ngufu zitangiza ibidukikije.

Ibyo ngo ni byo byatumye izo kaminuza zishyira hamwe kugira ngo zongere ubumenyi kuri izo ngufu kandi zegere n'abaturage zibasobanurire akamaro kazo binyuze mu bigo bizubakwa na buri kaminuza muri enye zo mu Rwanda ziri muri uyu mushinga.

Ubuyobozi bwa IPRC Tumba butangaza ko bwongereye umubare w'ababyeshuri biga iby'ingufu zisubira bava hagati ya 20 na 30 buri mwaka bagera kuri 150 kugira ngo babashe kuza ku isoko ry'umurimo bafashe mu cyerekezo cy'Igihugu cyo guha umuriro abaturage bose kandi utangiza ibidukikije.

Minisiteri y'Ibikorwaremezo igaragaza ko u Rwanda rugeze ku gipimo cya 54% by'ingufu zisubira zikoreshwa ziganjemo izituruka ku zuba n'izituruka mu mazi.

Dr. Muhirwa Alexis yavuze ko kongera ubumenyi ku ngufu zisubira muri IPRC Tumba byatangiye gukorwa

Baganiriye ku buryo bwo guteza imbere ingufu zisubira mu Rwanda

Prof. Paolo Giampolini yavuze ko u Rwanda ari igihugu gikataje muri gahunda yo guha abaturage bose amashanyarazi kandi harimo n'akomoka ku ngufu zitangiza ibidukikije

APR FC yamaze gushyira hanze ibiciro by’umukino izakiramo Pyramids FC yo mu Misiri muri CAF Champions League.

APR FC izakira Pyramids FC mu mukino ubanza wa CAF Champions League w’ijonjora rya kabiri tariki ya 14 Nzeri 2024.

Iyi kipe y’ingabo z’igihugu yageze muri iki cyiciro isezereye Azam FC yo muri Tanzania ikaba yashyize hanze ibiciro byo kuri uyu mukino.

Uko ubiciro bihagaze, ahasanzwe muri “Regular Lower” na “Regular Upper” ni ibihumbi 2, muri VIP ni ibihumbi 10, VVIP ni ibihumbi 30 hari kandi “Executive Box” y’imyaka 12 ni ibihumbi 900 n’aho “Executive Seat” ni ibihumbi 100.

Ibiciro byo kwinjira ku mukino wa APR FC

APR FC yashyize hanze ibiciro byo ku mukino wa Pyramids

Nyuma y’uko ku wa 05 Nyakanga 2024 abakunzi ba Hip Hop bizihije isabukuru y'imyaka 37 yakabaye Jay Polly yari kuba agize iyaba akiriho.Tariki ya 02 Nzeri 2024 umuryango n'abakunzi b'uyu muraperi bazirakanye imyaka 3 ishize uyu mugabo atabarutse.

Mu bitabiriye iki gikorwa harimo Bull Dogg wagendanye na we.Uyu muraperi agaruka ku buzima bwa Jay Poll, yagize  ati'Yari umunyeshuri w'ubuzima, yari umuhungu wihangana, ugira inama abandi bantu, akagira ukwihanga. Yahuye n'ibintu bikomeye cyane mu buzima bwe kuva akiri umwana muto kugeza igihe yatabarutse.'

Agaruka ku rugendo bagendanye, yagize ati'Yambereye inshuti nziza, twagendanye urugendo rw'ubuzima akangisha inama, nkamugisha inama.'

Ubu ngubu imyaka 3 ishize, tukaba turi hano, bishatse kuvuga ngo twebwe ntabwo twibagiwe amateka ye, ntabwo twibagiwe uwo ari we kuko uwo ari we birazwi kandi abantu bose barabizi.'

Avuga ko yemereye umuryango wa Jay Polly kuzakomeza kubaba hafi akababera aho atari, atanga urugero rw'uburyo aba yifuza kuganiriza abana be ku mateka ya se.

Ati'Ngushimishe ntuzihebe muri wowe, n'ubu turi kuza hano namubwiye ndashaka kubonana n’uriya mukobwa kuko uriya ni umwana wanjye niyo tutabonana cyane ariko njye nzi ubwenge bwa Se, nzi ubugenge bwa Se kuko twaragendanye na Se.'

Kugeza ubu agaragaza ko hari ibyo babwira uyu mukobwa w'imfura na murumuna we bijyanye n'imyaka yabo ariko hari n'ibyo bazagenda bakomeza kumubwira uko imyaka izajya igenda yigira imbere.

Yagarutse no ku kuba mu buzima bwe nka Bull Dogg azakora igishoboka cyose kugira ngo akomeze kugirana umubano mwiza n'umuryango Jay Polly yasize kuko ari wo ashyira imbere kurusha ibindi byose.

Bull Dogg ari mu batangiranye na Jay Polly itsinda ry'ibigwi rya Tuff Gang bari bahuriyemo na Fireman, P Fla na Green P ndetse avuga ko ubwo bizaba bikunze abantu bazumva uyu muraperi kuri Album y'iri tsinda ubwo izaba igiye hanze.

KANDA HANO UREBE IJAMBO RYA BULL DOGG MU KWIBUKA JAY POLLY

“>

Bull Dogg ari mu baraperi bamaze kugwiza ibigwi kandi bagendanye kuva mu buto na Jay PollyBull Dogg n’imfura ya Jay Polly avuga ko abana ba mugenzi we abafata nka be kandi azakora igishoboka ngo ababere aho Se atari

Ni ibirori bizaba ku wa Gatandatu tariki 7 Nzeri 2024, muri Kigali Convention Center, aho bizahuzwa no gukusanya inkunga yo gufasha abana batishoboye babarizwa muri uyu muryango wabaye ikiraro kibafasha gukuza impano zabo, yaba mu kubyina, kuririmba, ubugeni n'ibindi.

Bruce Melodie yari yatangajwe nk'umwe mu bahanzi bazaririmba muri ibi birori, ni mu gihe The Ben yashyizwe mu bazatanga ikiganiro. Byari kuba ari ubwa mbere bombi bahuriye mu birori, nyuma y'igihe badacana uwaka, kandi buri umwe agaragaza ko atiteguye kwiyunga kuri mugenzi we.

Sherrie Silver uri gutegura ibi birori yabwiye InyaRwanda ko Bruce Melodie aherutse kubabwira ko atazaboneka 'kubera ko afite ikindi gitaramo kuri uriya munsi'. Ati 'Yatumenyesheje ku munota wa nyuma.'

Bruce Melodie ari ku rutonde rw'abahanzi bari kuririmba mu bitaramo bya MTN Iwacu Muzika Festival byatewe inkunga n'uruganda rwenga ibinyobwa bisembuye n'ibidasembuye rwa Bralirwa. Ni ibitaramo bigaragara ko bizakomereza mu Karere ka Gicumbi, ku wa Gatandatu tariki 7 Nzeri 2024.

Ni ibitaramo ari guhuriramo n'abandi bahanzi barimo nka Kenny Sol, Bwiza, Ruti Joel, n'abandi. Ni ibitaramo bitangira ku gicamunsi, bikarangira mu masaha y'umugoroba.

Iyi mpamvu yatumye Bruce Melodie ahitamo kutazagaragara muri ibi birori bya Sherrie Silver, kuko byahuriranye no kuririmba muri MTN Iwacu Muzika Festival ku nshuro ye ya kabiri.

Si Bruce Melodie gusa ufashe icyemezo nk'iki, kuko Ruti Joel nawe ataririmbye mu bitaramo bya MTN Iwacu Muzika Festival, kubera ko yagombaga gufasha Massamba Intore mu gitaramo cye cyabaye ku wa Gatandatu tariki 23 Kanama 2024 muri BK Arena.

Kandi Ruti Joel yari yamenyesheje abateguye ibi bitaramo ko batangaje ibi bitaramo, nyuma ya Massamba Intore kuko igitaramo cyari kimaze igihe kizwi.

Abazitabira ibi birori bazasusurutswa n'umuziki uzavangwa na Dj Toxxyk uzasimburana na Dj Sonia usanzwe ukorera Ikigo cy'Igihugu cy'Itangazamakuru.

Sherrie Silver asobanura ko kwitabira ibi birori bizasaba kwambara imyambaro yihariye, ndetse bizarangwa n'umusangiro uzahuza ibihumbi by'abantu.

Yagaragaje ko bizayoborwa n'umunyarwenya Nkusi Arthur ndetse n'umunyamakuru Makeda, ni mu gihe Nishimwe Naomie wabaye Nyampinga w'u Rwanda 2020, azayobora ibirori byo gutambuka ku itapi itukura bizwi nka 'Red Carpet'.

Uyu mukobwa wavukiye i Huye, ariko akamamara ku rwego mpuzamahanga binyuze mu kubyina, amaze iminsi agaragaza bamwe mu bantu bazamufasha muri ibi birori, avuga ko byihariye mu rugendo rwe rw'ubuzima, kuko bizahuriza hamwe abahanzi, abanyamideli, abavuga rikijyana mu ngeri zinyuranye z'ubuzima, abanyapolitiki n'abandi.

Bruce Melodie yamenyesheje Sherrie Silver ko atazaboneka kubera ibitaramo bya MTN Iwacu Muzika Festival

Sherrie Silver aherutse gutangaza ko ibi birori yateguye bizitabirwa n'ibyamamare mpuzamahanga

The Ben ari mu bazatanga ibiganiro muri ibi birori bigiye kuba ku nshuro ya mbere

Ibi birori bizaba ku wa Gatandatu tariki 7 Nzeri 2024, ku munsi umwe n'ibitaramo bya MTN Iwacu Muzika Festival 

MASSAMBA INTORE YASUYE UMURYANGO SHERRIE SILVER FOUNDATION

Ku itariki 2 Nzeri 2024 ni bwo umunyarwanda Sibomana Patrick yasinyiye ikipe ya Elettihad Almisraty SC yo muri Libya nyuma yo gutandukana na Gor Mahia Maria yo muri Kenya. 

Iyi nkuru yabaye kimomo nyuma y’uko kipe ya Elettihad Almisraty SC ariyo yavuze ko yamaze gusinyisha uyu mukinnyi ibinyujije ku mbuga nkoranyambaga. Yatandukanye na Gor Mahia yari ayimazemo umwaka umwe kuko mu mpeshyi ya 2023 ni bwo yayigezemo avuye muri Police FC. 

Sibomana Patrick aganira na InyaRwanda, twagize amatsiko yo kumenya igihe yasinye mu ikipe ya Elettihad Almisraty SC, ndetse n’amasezerano yari asigaje muri Gor Mahia.

Yagize ati “Namaze gusinya, nasinye umwaka umwe. Hano muri Libya usinya umwaka umwe, bitewe n’uko witwaye ukaba wakongera cyangwa ukabona ikipe nziza kurusha iyo wari urimo.

Muri Gor Mahia ho, amasezerano yanjye yari yarangiye, nari nasinye umwaka umwe. Icyatumye mva muri Gor Mahia, numvaga ko ari igihe kigeze ngo njye gukina ahantu hisumbuyeho. Buri gihe, umuntu aba ashaka kujya ahantu hisumbuye aho yari ari, ni cyo cyatumye mva muri Gor Mahia.

Ntabwo bizeze banyirukana, amasezerano yange yari yarangiye, turicara turumvikana, ntibyacamo, ahasigaye mpita ntangira gutekereza gushaka ahandi.”

Sibomana Patrick ukina anyuze ku mpande by’umwihariko iburyo, yavuze impamvu yahisemo kujya muri Libya kandi ari igihugu kitifashe neza ku mutekano muri iki gihe. 

Ati: “Mu mupira w’amaguru, buri gihugu cyose nta kintu kiba kigoye. Urugero ni nka Kapiteni w’ikipe y’igihugu Bizimana Djihard ukina muri Ukraine kandi hariyo intambara. Mu mupira w’amaguru, nta kintu kiba gikomeye, kandi ahanini dufata imyanzuro ikakaye, bitewe n’imiryango tuba tureberera.

Nta kintu na kimwe kiba kigoyeyo, iyo umuntu ataragera ahantu aba azi ko ibintu byose biba bigoye, ariko siko bimeze. Libya ni igihugu cyiza cy’umupira, ni abarabu, ni abana beza cyane kandi bagira urukundo kurusha abandi. Nasanze ari ahantu heza, nishyimiye, kandi banyakiriye neza.”

Patrick Sibomana yavuze ko yerekeje muri Libya akubita agatoki ku kandi, avuga ko agiye kwitwara neza. Ati: “Intego zinjyanye muri Libya ni ugukora cyane kwitwara neza. Kwitwara neza kwa njye, nzaba ndi kwifungurira imiryango muri ibi bihugu by’abarabu.

Ni ugukomeza gushaka uburyo nakwitwara neza, nkaguma gutera imbere, gukomeza kwitwara neza muri rusange, kugerageza gutsinda ibitego, gutanga imipira ivamo ibitego, gutanga buri kimwe cyose nifitemo kugira ngo ikipe yanjye ibe yagera kure.”

Sibomana Patrick Pappy, nubwo atahamagawe mu ikipe y’igihugu “Amavubi” iri kwitegura gucakirana na Libya, yayageneye ubutumwa. Ati: “Ubutumwa naha ikipe y’igihugu, icya mbere nabifuriza amahirwe masa nk’uko bisanzwe intego ni ugutsinda.

Ni ukugerageza kwitwara neza inaha muri Libya, tumaze kumenyera ko gukinira hanze, bitewe n’abantu baza kudushigikira biradufasha cyane. 

Inama cyangwa impanuro nabaha, ni ugushyiramo imbaraga, byose birashoboka nk’uko twagiye tubyerekana mu munsi ishize, byose birashoboka. Libya ni ikipe ikinika, kandi twanatsinda, ni cyo kintu nababwira kandi nizeye ko bizashoboka cyane, Hamwe n’Imana byose bizagenda neza.”

Sibomana Patrick nyuma yo gusinya amasezerano y’umwaka umwe muri Elettihad Almisraty SC yo muri Libya 

Sibomana Patrick yajyanye intego zo kwitwara neza muri Elettihad Almisraty SC 

Sibomana Patrick yavuze ko yatandukanye na Gor Mahia nta kibazo bafitanye 

Sibomana Patrick yifurije ikipe y’igihugu y’u Rwanda ‘Amavubi’ gutsinda Libya 

Sibomana Patrick yahishuye icyamukuye muri Gor Mahia akajya muri Libya

Kugeza ubu umutoza w’ikipe y’igihugu afite ihurizo ry’uko abakinnyi batatu bose ngenderwaho nta n’umwe urakora imyitozo mu gihe umukino wa Libya ari ejo.

Amavubi amaze iminsi 3 muri Libya aho irimo yitegura umukino wo gushaka itike y’igikombe cy’Afurika cya 2025 aho azakina n’iki gihugu ejo ku wa Gatatu tariki ya 4 Nzeri 2024 saa 18h00′ kuri Stade du 11 Juin.

Umutoza w’ikipe y’igihugu Amavubi, Frank Spittler afite ihurizo ry’uko yatinze kubona bamwe mu bakinnyi be kandi babanzamo barimo na Kapiteni Bizimana Djihad wa Kryvbas muri Ukraine utaragera muri Libya ariko akaba ari buhagere uyu munsi.

Ni nako kandi na Mutsinzi Ange Jimmy wa FK Zira muri Azerbaijan na Jojea Kwizera wa Rhode Island muri Leta Zunze Ubumwe za Amerika bahageze uyu munsi bakaba nta mwitozo n’umwe barakora kandi ni abakinnyi bose babanza mu kibuga.

Ibi rero bikaba bishobora kugira ingaruka muri 11 bashobora kubanza mu kibuga bitewe n’umunaniro aba bakinnyi bashobora kuba bafite aho ashobora kubazanamo mu gice cya kabiri, gusa amakuru avuga ko Mutsinzi Ange Jimmy we agomba kubanzamo na Thierry.

Biragoye ko kandi kuba Bizimana Djihad nubwo ari kapiteni, kuba ataragera muri Libya ejo yazabanza mu kibuga atarakoze umwitozo n’umwe.

Umutoza w’ikipe y’igihugu Amavubi afite ihurizo ryo gutinda kubona abakinnyi bose

Ibi yabigarutseho ku wa 02 Nzeri 2024, ubwo hasozwaga Inama Nkuru y'Igihugu ya 17 y'Abana y'iminsi itatu, yabereye mu Karere ka Huye, ku nsanganyamatsiko igira iti 'Ejo ni Njye'.

Minisitiri Uwimana yavuze ko kuba igihugu gitekereza inama nk'iyi bishimangira ko kizirikana iterambere rishingiye ku mwana.

Agaruka ku nsanganyamatsiko y'uyu mwaka, Minisitiri Uwimana yavuze ko u Rwanda rwifuza abana bafite ejo hazaza heza kandi bafata inshingano zo kumva ko ejo bakenewe.

Ati 'Tuzi ko 44,5% by'abaturage b'u Rwanda ari abana. Ndifuza ko abana bose bumva ko ejo h'u Rwanda ari bo hareba, buri wese yibaze, yifuze icyo yumva azaba, maze yisubize. Ejo ni Perezida, ni njye Minisitiri, ejo ni njye muganga mukuru mu bitaro, ejo ni njye mupilote muri RwandAir, ejo nzaba ndi guverineri cyangwa Jenerari mu ngabo z'u Rwanda.''

Yakomeje avuga ko yifuriza abana bose kuzakabya inzozi zabo, ariko anabibutsa ko n'ubwo hari ibyo basaba nk'abana, nabo hari ibyo basabwa.

Ati 'Kugira ngo muzagere ku byo mwifuza, mwirinde inzoga n'ibiyobyabwenge, mwirinde ubuzererezi n'ubusambanyi, imikino y'amahirwe imwe bita 'betting' n'indi mico mibi, munirinde kandi ibigare, mwumvire abarezi n'abayobozi banyu, mwige cyane munasubire mu masomo, kandi munagire ikinyabupfura.''

Kalimpinya Queen wigeze guhatana mu marushanwa ya Nyampinga w'u Rwanda, akaba anakina umukino wo gutwara imodoka, yaganirije abana ibyiza byo kugira intego no guharanira kugira inshuti nziza zikuyobora mu byiza kuko ari byo bifasha umuntu kugira icyo ageraho mu buzima.

Ashingiye ku buzima bwe, yabwiye abana uko inshuti biganaga ari yo yatumye afata intego yo kuzatsinda neza ibizamini bya Leta mu mushuri yisumbuye, kubera uburyo yamuteraga imbaraga, asaba aba bana nabo kujya bisunga abantu babaganisha aheza.

Kalimpinya, yanakomoje ku buryo yagiye mu irushanwa rya nyampinga w'u Rwanda, asa n'utabyumva, ariko bagenzi be bakamusaba kujya kugerageza, bikarangira bimugiriye akamaro mu bundi buzima.

Ati 'Nakuyemo isomo namwe nshaka kubasangiza, burya nta gihombo kiri mu kugerageza ikintu kidafite icyo kiguhombya, kuko iyo cyanze ntuba ubombye kurusha kutagerageza.''

Mu bindi biganiro byatanzwe, abana cyane cyane abakobwa baganarijwe ku buryo bwo kwirinda ababashuka babashora mu busambanyi n'ibindi bishuko byose byabicira ejo hazaza habo.

Guverinoma y'u Rwanda ibinyujije mu Kigo cy'Igihugu Gishinzwe Imikurire no Kurengera Umwana (NCDA) n'abafatanyabikorwa, ni bo bategura Inama Nkuru y'Igihugu y'Abana, ikaba yitabirwa n'abana bahagarariye abandi ku rwego rw'umurenge n'akarere. Igamije guha urubuga abana bagatanga ibitekerezo kuri gahunda z'Igihugu no kugira uruhare mu bibakorerwa.

Mu nama iheruka yabereye mu kigo cy'Ubutore cya Nkumba mu Karere ka Burera, abana bahagarariye abandi batanze ibitekerezo byitaweho mu gutegura gahunda ya Guverinoma yo kwihutisha Iterambere (NST2), indi mpamvu ishimangira agaciro kabo.

Inama Nkuru y'Igihugu y'Abana yatangiye mu mwaka wa 2004, ikaba yitabirwa n'abana bahagararira abandi batorwa binyuze mu mahuriro ya komite z'abana kuva ku rwego rw'umudugudu kugeza ku rwego rw'akarere, batorerwa manda y'imyaka ine.

Ubusanzwe, komite y'ihuriro ry'abana kuri buri rwego iba igizwe na Perezida, Visi Perezida, Umunyamabanga, Abajyanama 2 n'uhagarariye abafite ubumuga.

Kuri iyi nshuro ya 17, abana basaga 2000 bahagarariye abandi mu baturutse mu gihugu hose, ni bo bitabiriye iyi nama

Iyi nama itegurwa na NCDA ifatanyije n’abafatanyabikorwa bayo batandukanye

Muri iyi nama kandi abana basabana n’abayobozi

Minisitiri Uwimana yasabye abana kudapfusha ubusa amahirwe igihugu kibaha