Category: Uncategorized

Aya marushanwa abera mu kigo King Abdullah II Special Operations Training Center (KASOTC) buri mwaka. Mu 2024 yahuje amatsinda 35 yo mu bihugu 20 byo hirya no hino ku Isi ariko 32 yo mu bihugu 18 ni yo yabashije kuyarangiza.

Abarushanwaga muri uyu mwaka bakoreraga ahantu hari ubushyuhe bwa dogere 40°C, ndetse bitewe n'imiterere y'aho amarushanwa yaberaga ubushyuhe bwashoboraga no kwiyongera.

Amakipe yombi yahagarariye u Rwanda yasoje amarushanwa, Special Operations Forces Team 1 iri ku mwanya wa 10 mu gihe Special Operations Forces Team 2 yabaye iya 30.

Muri rusange ku mwanya wa mbere hari Rejimen Pasukan Khas Team 1 yo muri Brunei, ku mwanya wa kabiri hari Royal Guard yo muri Jordanie, ku mwanya wa gatatu haza Royal Guard yo muri Qatar.

Aba baturutse muri Brunei

Aba ni abasirikare baturutse muri Slovakia

Ubucukuzi bw'amabuye y'agaciro mu Rwanda ni urwego uwavuga ko rumaze kuba ishyiga ry'inyuma mu bukungu bw'u Rwanda ataba yibeshye, ubihakana yanyomozwa n'ibibare ya vuba aha mu 2023.

Ni imibare igaragaza ko muri uwo mwaka uru rwego ruri gutezwa imbere umunsi ku wundi rwasaruwemo arenga miliyari 1,1 Frw avuye kuri miliyoni 772 Frw mu 2022.

Bijyanye n'uko amabuye y'agaciro akenewe cyane muri iki kinyejana cya 21 kubera ibikoresho bigize uruhare runini mu buzima bwa muntu bikorwamo, u Rwanda rwashyizeho gahunda zitandukanye zirufasha kwinjiza menshi aruvuyeho.

U Rwanda ni rumwe mu bihugu bikize kuri uwo mutungo. Icyakora kugira ngo uwo mutungo wose ubyazwe umusaruro, bisaba gushyira imbaraga mu mategeko agenga ubucukuzi, afasha abiyeguriye gukora iyo mirimo kinyamwuga, imirimo itemewe igacibwa, icyizere cy'abashoramari kigatumbagira.

Ku wa 24 Nyakanga 2024 ni bwo itegeko rishya nimero 072/2024 ryo ku wa 26 Kamena 2024 ryatangiye gushyirwa mu bikorwa, itegeko rije kuziba ibyuho bimwe na bimwe byari mu risanzweho ryo mu 2018.

Kimwe mu bibazo bikomeye byagaragaraga mu itegeko ryo mu 2018 cyari ibihano byahabwaga abakora ubucukuzi ndetse bagacuruza amabuye mu buryo butemewe.

Byagaragaraga ko bidakemura ikibazo, aho umuntu wabikoze yahabwaga igihano kiri munsi y'amezi atandatu n'ihazabu iri munsi ya miliyoni 1 Frw, icyakora ubu ibintu byarahindutse ndetse byitezwe ko bizajya mu buryo.

Ubu ibyaha nko gukora ubucukuzi bw'amabuye y'agaciro butemewe, bihanishwa igifungo cy'imyaka igera kuri itanu n'ihazabu ya miliyoni 80 Frw, mu gihe gucuruza amabuye y'agaciro mu buryo butemewe, ubikora ashobora guhanishwa igifungo kigera ku myaka 10 n'ihazabu igera kuri miliyoni 150 Frw.

Ibyo bigaragaza uburyo Guverinoma y'u Rwanda irajwe ishinga no kurandura ibibazo byose biganisha ku gukora imirimo y'ubucukuzi itemewe mu guteza imbere uru rwego.

Ikindi ni uko gusanganwa amabuye y'agaciro cyangwa gukorera ubucukuzi mu butaka bw'undi nta ruhushya ubikora yahawe na byo byashyiriweho ibihano biremereye, aho uwabikoze agahamwa n'icyaha ahanishwa igifungo kigera ku myaka itatu n'ihazabu ya miliyoni zigera kuri 80 Frw.

Ikindi cyiza ni uko leta ifite uburenganzira bwo kwambura ububasha ibigo byasanzwe muri ibyo bikorwa bigayitse.

Ni ibikorwa bizatuma ibigo by'ubucukuzi bibazwa inshingano, cyane ko biba bizi ko bitakomeza gukora mu gihe byijanditse mu bikorwa bitemewe.

Itegeko kandi ryashyize umuco ku mabuye y'ingenzi cyane cyane akoreshwa mu bikoresho by'ikoranabuhanga rigezweho nka za batiri, bitanga izindi ngufu zisubira n'ibindi by'ikoranabuhanga bitandukanye.

Mu gihe ibihugu byinshi biri gukora uko bishoboye ngo bizigame bene ayo mabuye bifite ndetse bigashaka uko biyabona hagamijwe kwimakaza iterambere ry'ubukungu ry'igihe kirekire, u Rwanda na rwo rukomeje kuzamukira muri uwo murongo, ibizatuma rurinda inyungu zarwo ari na ko rukomeza guhangana ku ruhando mpuzamahanga.

Mu bindi iri tegeko ryazanye ni uko rishyira imbaraga mu bushobozi bwa Guverinoma bwo kugira uruhare cyangwa imigabane mu bikorwa by'ubucukuzi, uruhare ariko rudasaba inyungu.

Ibi bisobanuye ko mu bihe runaka Guverinoma ishobora kugira imigabane mu bikorwa by'ubucukuzi bitayisabye ko ishora amafaranga runaka. Ni ingamba zigamije kubungabunga inyungu za leta ariko zikanateza imbere ishoramari mpuzamahanga ryibanda kandi ku mahame mpuzamahanga y'ubusugire buhoraho ku mutungo w'igihugu.

Itegeko kandi ntiryibagiwe kureba ingingo ijyanye no kurengera ibidukikije n'abaturage, aho ryibanda ku mibereho myiza yabo, kurengera ibidukikije no kwita mu ihame ry'uburinganire n'ubwuzuzanye.

Ibyo byatekerejwe kugira ngo ubucukuzi bukorerwa mu Rwanda bihuze n'ubukorwa ku rwego mpuzamahanga, harebwa niba iterambere ryabwo ritazamurwa no kubangamira abaturage cyangwa kwangiza ibidukikije.

Mu bindi byatekerejweho ndetse byiza ni uko urugendo rwo guhabwa uruhushya rwo gukora ubucukuzi bw'amabuye y'agaciro bizajya bikorerwa hamwe, bimwe ujya ku biro runaka ukahava serivisi uzibonye uko zakabaye nta byo gusiragira aha ngo nuhava ujye ahandi.

Ni ibintu bizatuma iyi mirimo ikorwa neza ndetse n'amanyanga arwanywe uko bishoboka.

Gusa nk'uko bimera no ku yandi mategeko akamaro iri tegeko rishya rizagirira abakora iyo mirimo bizareberwa ku ishyirwa mu bikorwa ryaryo.

Aha bivuze ko Urwego rw'Igihugu rushinzwe Mine, Peteroli na Gaz (RMB) rufite inshingano z'ingenzi kugira ngo rushyireho uburyo bwiza ndetse bunoze kugira ngo iri tegeko rizashyirwe mu bikorwa.

Nubwo uburyo bw'amategeko bureba ikigo runaka busobanutse, gushyira mu bikorwa ayo mabwiriza bisaba ubwitange n'ubufatanye burambye hagati ya Guverinoma, inzego z'abikorera n'abaturage.

Mu mezi ashize leta yakoze igikorwa cy'ingenzi cyo guhangana n'ibikorwa by'ubucukuzi bw'amabuye y'agaciro no kuyacuruza bitemewe, icyakora kugira ngo ibyo bikorwa bikomeze hakwiriye ubukangurambaga bwigisha, ni ingenzi kuko abafatanyabikorwa bose barebwa n'iryo tegeko bagomba kurimenya ariko bakanamenya inshingano zabo.

Itegeko rishya ryashyizweho ni intambwe nziza ariko kurishyira mu bikorwa ni byo bizagaragaza uko riri gukurikizwa neza no gutanga umusaruro.

Mu gihe ibihugu bitandukanye bikataje mu guteza imbere ubucukuzi bw'amabuye y'agaciro ngo bibone umusaruro wisumbuye, iri tegeko rishya u Rwanda rwashyizeho rizarufasha gukomeza guhangana muri iki kibuga kigari.

Ibihano biremereye ku bikorwa by'ubucukuzi bw'amabuye y'agaciro bitemewe no kwimakaza imikorere irambye ifite intego, n'amategeko afasha mu kurengera inyungu za leta bigaragaza uburyo u Rwanda ruri mu murongo mwiza wo kubyaza umusaruro amahirwe yose ari mu bucukuzi.

Icyakora nk'uko bisanzwe ntabwo umusaruro w'ibyo uzava ku bijyanye n'uko ryashyizweho n'uko ryanditse gusa, ahubwo uzaturuka mu ishyirwa mu bikorwa ryaryo. Ahazaza h'ubucukuzi ndetse n'ubukire buzabuturukaho byose bishingiye kuri iryo tegeko.

Imirimo y’ubucukuzi bw’amabuye y’agaciro iherutse gushyirirwaho itegeko rishya rizafasha mu guteza imbere urwo rwego mu buryo bwisumbuye

Ibi bigezweho nyuma y'uko muri Mata uyu mwaka Inama y'Abaminisitiri yayobowe na Perezida Paul Kagame, yemeje iteka ririmo gahunda yo gutangira gukorera impushya za burundu zo gutwara ibinyabiziga hakoreshejwe imodoka za 'automatique'.

Nyuma muri Nyakanga 2024 hasohotse iteka rishya rya Perezida riha impushya z'imodoka za 'automatique' umwihariko mu Rwanda.

Uzajya atsinda ikizamini cyo gushaka uruhushya rwa burundu rwo gutwara ibinyabiziga hakoreshejwe ikinyabiziga cya 'automatique', ku ruhushya rwe hazajya hongerwaho inyuguti 'AT', bivuga 'Automatic Transmission'.

Ku munsi wa mbere hakozwe iki kizamini, abakandida 28 ni bo biyandikishije, aho 22 muri bo bakoreye kuri site ya Busanza abandi batandatu bakoreye ku zindi site zisigaye.

Ku ikubitiro abakora ibizamini by'impushya za 'B AT' ni bo batangiranye n'iyi gahunda, mu gihe mu minsi iri imbere n'ibindi byiciro bizitabwaho.

Ku bakorera uruhushya rwo mu cyiciro cya 'B' bakora ibizamini bine, ndetse bizakomeza kuba bityo no ku cyiciro cya 'B AT'.

Ibi bizamini birimo guca mu makona usubira inyuma, guparika, guhagarara no guhaguruka ahahanamye 'démarrage' ndetse no kuzenguruka mu muhanda 'circulation'.

Mu kizamini cya 'démarrage' umukandida azajya akoresha feri gusa kuko iyo imodoka ya automatique igeze ahazamuka ihita yishyiriramo 'vitesse'.

Ni mu gihe ku kizamini cya 'circulation' umukandida azajya yibanda gusa ku kubahiriza amategeko y'umuhanda n'andi mabwiriza ahabwa, bitandukanye n'abakoresha imodoka za 'manuel' baba basabwa no guhinduranya 'vitesse'.

Ku bizamini bikorerwa kuri Site ya Busanza, abakora ikizamini cya 'manuel' bari gukoresha imodoka zo mu cyiciro cya Polo mu gihe abakoresha imodoka za 'automatique' bari gukoresha imodoka za Passat zose zikorwa n'uruganda rwa Volkswagen.

Umuyobozi ushinzwe Ibizamini mu Ishami rya Polisi y'u Rwanda, rishinzwe ibizamini n'impushya zo gutwara ibinyabiziga, CSP Emmanuel Hitayezu, yavuze ko ibizamini byose ari kimwe bityo hadakwiye kubamo kwirara.

Ati 'Burya kugira ngo ujye mu kizamini ni uko uba wabanjije kwiga. Nk'andi masomo yandi ugomba kubanza ukiga ukabyitegurira.'

Abarenga 100 bashobora gukora iki kizamini ku munsi

Ishami rya Polisi y'u Rwanda, rishinzwe ibizamini n'impushya zo gutwara ibinyabiziga, ryatangaje ko magingo aya hari ubushobozi bwo gukoresha ibizamini abakandida barenga 100 ku munsi ku bakora iby'impushya za burundu za 'B AT'.

Kuri ubu site za Busanza, Gahanga, Nyarugenge na Musanze ni zo zifite imodoka zishobora kwifashishwa muri ibi bizamini, ariko Ishami rya Polisi y'u Rwanda, rishinzwe ibizamini n'impushya zo gutwara ibinyabiziga, ryatangaje ko riri mu biganiro n'abafatanyabikorwa ku buryo n'izindi site zisigaye zabona ibikoresho nkenerwa ibizamini bigakorwa nk'uko bisanzwe.

CSP Emmanuel Hitayezu, yagize ati 'Turimo turakorana na ba nyiri na auto école tubashishikariza gushaka ibindi binyabiziga ku buryo no ku yandi ma site duteganya kuba twashyiraho umurongo ku buryo uwakenera gukorera Rubavu cyangwa Rusizi n'ahandi dufite site yabasha gukora.'

CSP Hitayezu, yavuze ko uko ubushobozi buzajya bwiyongera hakaboneka imodoka zihagije ari na ko hazajya hongerwa umubare w'abakora ibizamini.

Abaturage bashyizwe igorora

Basil Abdallah, ni umwe mu baturage babaye aba mbere bakoze iki kizamini mu Rwanda. N'ubwo atabashije gutsinda, yatugaragarije ko iki kizamini cyaziye igihe.

Ati 'Ni cyiza twese twagishakaga kubera ko muri iyi minsi abantu benshi bakoresha imodoka za automatique. Ibizamini ni ibizamini byose ni kimwe, nkanjye ubu byanze kubera imiterere y'imodoka ariko ejo nzagaruka nongere nkore ariko twabyakiriye neza cyane.'

Ndahinyuka Lionel, na we ni umusore twaganiriye amaze gutsinda ibindi bizamini byose asigaje icya circulation gusa. Ni ubwa mbere yari akoze ikizamini cyo kubona uruhushya rwa burundu rwo gutwara ikinyabiziga.

Ati 'Nabonye itangazo rya Polisi ndabyishimira cyane, urebye izi modoka ni zo zigezweho. Imodoka ya manuel nayitwayeho ariko iya automatique uyitwara urushijeho kubohoka udasabwa gukora ibintu byinshi bitandukanye.'

Iteka rya perezida rigaragaza ko umuntu wahawe uruhushya rwo gutwara ibinyabiziga rwa burundu akoresheje ikinyabiziga cya 'automatique' mu kizamini, yemerewe gutwara ibinyabiziga bya 'automatique' gusa byo mu rwego afitiye uruhushya.

Icyakora ryongera kuvuga ko uwahawe uruhushya rwo gutwara ibinyabiziga akoresheje ikinyabiziga cya 'manuel' mu kizamini, yemerewe gutwara ibinyabiziga bya 'automatique' n'ibya 'manuel' ariko byo mu rwego afitiye uruhushya.

Iki kibuga ni cyo gikorerwamo ibizamini bitatu, kuko circulation ibera mu muhanda usanzwe

Abanyeshuri bahabwa umwanya uhagije wo kwitegura bakanasobanukirwa byimbitse

Aha basobanurirwaga uko ikizamini cyo guhagarara no guuhagurukira ahahanamye gikorwa ku modoka za automatique

Abari kujya gukora ibizamini bari kubanza gusobanurirwa uko bikorwa

Iyi nyubako ni yo igenzurirwamo uko ibizamini by’imodoka bijya mbere

Izi modoka zo mu cyiciro cya Passat za Volkswagen ni zo ziri mu gukoresha mu bizamini by’imodoka za ‘automatique’ kuri Site ya Busanza

Iyo ibizamini bikorwa bigenzurwa hifashishijwe ikoranabuhanga

Site ya Busanza ni imwe mu zatangirijweho ibizamini byo kubona impushya za B AT

Amafoto: Kasiro Claude

Ibi Minisitiri w'Intebe yabitangaje kuri uyu wa 9 Nzeri 2024, ubwo yagezaga ku Nteko Ishinga Amategeko gahunda ya Guverinoma y'imyaka itanu (2024-2029).

Dr. Ngirente yavuze ko mu myaka itanu iri imbere, urwego rw'ubwikorezi ruzashyirwamo imbaraga, aho hazongerwa ibikorwa remezo by'ubwikorezi mu mijyi n'ahandi, gukomeza guteza imbere ubwikorezi bwo mu kirere no mu mazi, by'umwihariko hakazanozwa uburyo bwo gutwara abantu mu buryo bwa rusange mu mujyi wa Kigali.

Ati 'Hagamijwe kunoza serivisi zo gutwara abantu mu buryo rusange, mu Mujyi wa Kigali hazashyirwaho imihanda yihariye izajya ikoreshwa na za bisi, hazanatangizwa uburyo bw'ikoranabuhanga bwo kuyobora ibinyabiziga mu mihanda, hagamijwe kugabanya ubucucike mu masaha akunze guhurirwamo n'ibinyabiziga byinshi (Smart traffic management).'

Yavuze kandi ko Guverinoma izakomeza kubaka no gusana imihanda mu rwego rwo kugabanya umuvundo w'ibinyabiziga mu mijyi, guteza imbere ubuhahirane mu turere twose tw'igihugu no mu bihugu duhana imbibi, aho hazubakwa imihanda ireshya nibura n'ibirometero 300.

Yongeyeho ko 'Mu rwego rwo guteza imbere ubwikorezi bwo mu kirere, hazongerwa ibyerekezo Rwandair yajyaga ijyamo, ibi bizajyana no kwiyongera k'umubare w'abagenzi bagenda na Rwandair duteganya ko uwo mubare wazikuba kabiri […] Hazanarangizwa imirimo yo kubaka ikibuga cy'indege cya Bugesera ndetse n'ibindi bibuga byo kucyunganira hirya no hino mu gihugu.'

Mu bindi bizakorwa mu myaka itanu iri imbere, Minisitiri w'Intebe Dr. Ngirente yavuze ko hazanubakwa ishuri ryigisha gutwara indege (aviation skills academy), hazarangizwa imirimo yo kubaka ibyambu mu turere twa Rusizi, Karongi na Rutsiro.

Minisitiri w'Intebe kandi yagaragarije Inteko Ishinga Amategeko ko mu bindi bizashyirwamo imbaraga mu myaka itanu iri imbere, harimo kunoza imiturire, hihutishwa ibishushanyo mbonera bigaragaza ahagenewe imiturire n'ibikorwa remezo bijyanye, hashyirwe imbaraga ku miturire yo mijyi, abatuye ahashobora gushyira ubuzima bwabo mu kaga.

Yongeyeho ko 'Ku bufatanye n'abikorera hazakomeza kubakwa inzu zijyanye n'ubushobozi bw'Abanyarwanda ku byiciro bitandukanye, ibi bizakorwa hubakwa inzu yo gukodesha n'izo kugura [..] Hazongerwa kandi ibikorwa bizamura ubukungu mu Mujyi wa Kigali, mu mijyi yunganira Kigali no mu yindi mijyi binyuze mu mishinga minini itandukanye.'

Minisitiri w’Intebe, Dr. Ngirente, yavuze ko hazashyirwa imbaraga mu kunoza uburyo bwo gutwara abantu mu buryo rusange

Ubwo Minisitiri w’Intebe yagezaga ku bagize Inteko Ishinga Amategeko gahunda ya Guverinoma y’Imyaka itanu

Umunyamabanga wa Leta muri Minisiteri y’Uburezi, Irere Claudette, Minisitiri w’Ubuhinzi, Dr. Musafiri Ildephonse, Minisitiri w’Ubutegetsi bw’Igihugu, Musabyimana Jean Claude na Minisitiri w’Imari n’Igenamigambi, Murangwa Yusuf, bari baherekeje Minisitiri w’Intebe mu Nteko

Amafoto: Kwizera Remy Moise

Uyu Mukuru wa Guverinoma y’u Rwanda, yabigarutseho kuri uyu wa Mbere tariki 9 Nzeri 2024, ubwo yagezaga ku Inteko Ishinga Amategeko imitwe yombi Gahunda ya Guverinoma y’Imyaka itanu, NST2.

Iyi gahunda yatangiranye n'umwaka w'ingengo y'imari wa 2024/25, ikazarangira mu 2029. Minisitiri w’Intebe Dr. Ngirente yavuze ko imirimo mishya ihangwa iba ari umusaruro uvuye muri gahunda zose zateganyijwe gukorwa zubakiye ku nkingi eshatu zirimo ubukungu, imibereho myiza n'imiyoborere.

Aragira ati 'Ariko imirimo mishya nk’ikintu kiva muri ibyo byose twavuze nabyo dufite intego twifuza kugeraho. Ntabwo ari ugukora gusa ngo imirimo mishyashya yikore, tuba dufite n’intego twifuza, tukavuga tuti ariko nidukora izi ntego tuvuze, twumva twabona imirimo mishya yagibwa n’abanyarwanda, kandi imirimo itanga inyungu.'

Ngirente yavuze ko nk'Igihugu hifuzwa guhangwa imirimo mishya nibura Miliyoni 1,250,000 mu myaka itanu. Ni ukuvuga ko buri mwaka hazajya hahangwa imirimo mishya ibihumbi 250,000.

Ati “Nicyo twifuza! Nicyo kiri mu igenamigambi ryacu. Kandi iyo mirimo izahangwa ivuye muri izo nzego zose twavuze z’ubukungu.”

Ariko kandi hazongerwa amahirwe yo kumenyereza imyuga ndetse no kwiyungura ubumenyi mu myuga itandukanye hibandwa cyane cyane ku rubyiruko rw’u Rwanda.

Dr. Ngirente yavuze ko kugirango Guverinoma izabashe guhanga iriya mirimo, hazongerwa imbaraga mu guteza imbere ibigo bito n’ibiciriritse by’abikorera bitanga imirimo ku bantu benshi.   

Hazanozwa kandi uburyo bwo gushyigikira no korohereza ba rwiyemezamirimo n’ibigo by’abikorera kubona serivisi zibafasha kwagura ibikorwa byabo, nko guhaba amahugurwa, imari no kubona ibikoresho.

Yasobanuye ko inzego zigenzi zizibandwaho muri gahunda yo guhanga imirimo mishya ibyara inyungu zirimo urwego rwo gutunganya ibintu mu nganda bikomoka ku buhinzi n’ubworozi (Agro-Processing); serivisi zirimo n’izambukiranya imipaka.

Hari kandi ibigo bito bitanga serivizi z’ikoranabuhanga, ndetse ‘n’ubuhanzi n’imyidagaduro’.

Yijeje ko hazanozwa uburyo bwo kumenya amakuru ari ku isoko. Bityo, bizafasha guhuza abatanga imirimo ndetse n’abayikeneye.

Ati “Ibiteganyijwe kandi muri gahunda yo guhanga imirimo ibyara inyungu bizaherekezwa no kunoza uburyo bwo kwinjiza ihame ryo guhanga imirimo mu nzego za Leta n’iz’abikorera n’izindi. Hazashyirwaho kandi uburyo buhamye bwo gukurikirana ry’iyi gahunda yo guhanga imirimo.”

Muri rusange Gahunda ya 2 y'Igihugu yo Kwihutisha Iterambere, NST2 izibanda ku: Guhanga imirimo mishya, Guteza imbere ubucuruzi bw'ibyoherezwa mu mahanga, Kunoza ireme ry'uburezi, Kurwanya igwingira n'imirire mibi no Kunoza imitangire ya servivisi.

Minisitiri w’Intebe Dr Ngirente yatangaje ko mu guhanga imirimo mishya, ubuhanzi n'imyidagaduro biri mu nzego zizibandwaho

Uyu mukobwa w'i Nyamata, yageze muri ibi birori byabereye muri Kigali Convention Center, ku wa Gatandatu tariki 7 Nzeri 2024, ahagana saa tatu z'ijoro, avuye kuririmba mu bitaramo bya MTN Iwacu Muzika Festival byabereye i Gucumbi.

Yahageze anyurana n'abandi ku itapi itukura akomereza aho ibirori byabereye. Yari yambaye ikanzu ifite amababa amutwikiriye, ndende mu burebure, ku buryo yari yitwaje umusore w'ibigango wagendaga amufashije kugirango abashe gutambuka.

Ubwo yinjiraga ahabereye ibi birori, yahuriye mu nzira n'abarimo Miss Mutesi Jolly wabaye Miss Rwanda 2016, Nshuti Divine Muheto wabaye Miss Rwanda 2022, ndetse na Nishimwe Naomie wabaye Miss Rwanda 2020.

Umuhangamideli, Niyigena Maurice washinze inzu y’imideli ya Matheo wahanze iriya kanzu Bwiza yaserukanye yabwiye InyaRwanda, ko yakozwe mu gihe cy'amezi abiri.

Kandi bayikoze bajyanishije n'ikirango cy'iyi nzu y'imideli. Yavuze ati 'Yatangiye gukorwa nko ku wa 25 Kamena 2024, nibwo twatangiye ibintu byose byasabwaga. Twayikoze muri icyo gihe kingana gutyo, kandi ariya mabara asobanura ikirango cyanjye, umukara ndetse n'ibara rya zahabu, imeze nk'ishashagirana cyane.'

Yavuze ko iriya kanzu yahize iyo yambitse Mucyo Sandrine kubera ko  'twashakaga kwibutsa abantu kwita ku bidukikije'.

Ati 'Urabona ko hari nk'imyenda tuba dukora ugasanga amasaro amwe na mwe yangiza ikirere, yangiza ubutaka… nakoresheje amacupa ya Pulasitike y'uruganda rwa Inyange yatunganyijwe avamo indabo.'

'Mbese, iriya kanzu yo ubwayo yari iyo gukangurira abantu kwita ku bidukikije cyane cyane, kuko twakoresheje ibikoresho bidasanzwe bikora imyenda ariko urabona ko twakozemo umwenda mwiza.'

Niyigena yavuze ko indabo zigaragara kuri uyu mwambaro zikoze mu macupa ya Pulasite, harimo kandi ibikwasi n'ibitambaro bitangiza ubutaka. Kandi igura amadorali 1700, uyashyize mu manyarwanda ni hafi 2,289,133.30 Frw.

Asobanura ko ishobora kuba yarahize izindi inkumi zaserukanye, bitewe n'uburyo yari ikozemo, no kuba yarahanzwe mu bikoresho bitangiza ikirere nk'uko izindi zimeze.

Bwiza yageze mu cyiciro cya nyuma ahaganiye igikombe n'umunyamideli witwa Mucyo Sandrine. Ikanzu Sandrine ikoze mu buryo bwo kwishimira ibimera, ari nayo mpamvu yari igizwe cyane n'amabara y'icyatsi.

Yari ikoresheje ibikoresho birimo rase (amarase) y'inkweto, amasaro, amatisi (tissue) akoreshwa ku myambaro y'abageni. Ni akanzu igura amadorali 2300, uyashyize mu manyarwanda ni Miliyoni 3,097,062.70 Frw.

Niyigena Maurice washinze 'Matheo', si izina rishya mu bangamideli, kuko yagiye akorana n'abahanzi barimo Kevin Kade, Aline Gahongayire, Uwitonze Clementine [Tonzi], Ariel Wayz, umunya-Korea, Jinkyoung Hong, umukinnyi w'umupira, Osagie Christopher, gafotozi Hugo Arvizu n'abandi.

Bwiza yahize bagenzi be yegukanye igikombe cy'umukobwa wari wambaye ikanzu nziza 

Mucyo Sandrine yashyikirije igikombe Bwiza nyuma y’uko amuhize

Ikanzu Bwiza yaserukanye yari ikoze mu macupa ya Pulasitike y'uruganda rwa Inyange 

Ubwo Bwiza yageraga kuri Kigali Convention Center, yaramukanyije na Miss Mutesi Jolly, Miss Nishimwe Naomie na Miss Nshuti Dive Muheto

Bwiza yaserutse mu ikanzu ihagaze arenga Miliyoni 2 Frw, ndetse yahanzwe mu mezi abiri ashize 

Iyi kanzu ya Bwiza iriho amasaro n’indi mirimbo y’ubwiza itandukanye

Mucyo Sandrine yaserukanye ikanzu ihagaze arenga Miliyoni 3 Frw, ariko ntiyabashije gutwara igikombe

Kanda hano urebe amafoto yaranze ibirori ‘The Silver Gala’ muri Kigali Convention Center

Pastor Hortense Mazimpaka ni Umushumba Mukuru wa Believers Worship Centre. Ari mu bapasiteri bakunzwe cyane mu gihugu kubera inyigisho ze zubaka imitima ya benshi. Mu butumwa bwe, arasaba abanyarwanda bose kuzitabira igiterane Rwanda Shima Imana 2024 gitegerejwe na benshi muri Stade Amahoro kuwa 29 Nzeri 2024.

Ati “Ni umwanya wacu twese wo gushima Imana. Umwihariko w’uyu mwaka wa 2024 ni uko tumaze imyaka 30 dufite amahoro. Dufite impamvu nyinshi zo gushima Imana. Abakuru muri twebwe twabonye n’amaso yacu aho igihugu cyacu cyavuye, namwe abatoya mwariyumviye uburyo igihugu cyacu cyacuye mu rupfu”.

Uyu mushumba yakomeje agira ati “Dufite impamvu zo gushima Imana. Turashimira Imana yakoresheje abayobozi bacu, tukaba dufite amahoro duhagazemo uyu munsi. Turashimira Imana ku bw’umunyarwanda wese ukunda igihugu, wagize uruhare mu kugira ngo tugire ibyiza duhagazemo uyu munsi.

Rwanda Shima Imana ni umwanya ukomeye ku Banyarwanda wo guteranira hamwe bagashimira Imana “ku bintu byinshi byiza igihugu cyacu cyagezeho mu myaka 30 ishize nyuma ya Jenoside yakorewe Abatutsi mu 1994”.

Iki gikorwa kizahuriza hamwe abayobozi mu nzego za Leta, abikorera n'imyemerere kimwe n'abaturage b'ingeri zose, mu gushimira Imana ku mahoro, umutekano, n'iterambere ry'ubukungu igihugu cyacu gifite muri iki gihe.

Abayobozi b'amatorero ya Gikristo ndetse n'abahanzi b'abaramyi b'ibyamamare bazayobora iki gikorwa mu kuramya no gushimira Imana bivuye ku mutima. Mu bahanzi bamaze kumenyekana bazaririmba muri iki giterane harimo Israel Mbonyi na Gaby Kamanzi.

Aba bahanzi bakunzwe cyane mu muziki wa Gospel batangaje ko banyotewe no kuzitabira iki giterane ndetse amakuru ahari ni uko ari bamwe mu baramyi benshi bazaririmba muri iki giterane cyo gushima Imana ku bwa byinshi byiza yakoreye u Rwanda mu myaka 30 ishize.

Israel Mbonyi yaragize ati “Nyuma y’imyaka 30 yo kwibohora, Abanyarwanda twese dufite amashimwe adasanzwe. […] Ndabatumiye mwese muzaze duhimbaze Imana tubwire Imana ko tuyishimye ku mirimo myiza yakoze nyuma y’imyaka 30 yose.

Kandi tunayiragize n’imyaka yose iri imbere. Nzaba mpari, n’abandi baramyi badasanzwe n’abakozi b’Imana hirya no hino. Muzaze mwese, abanyarwanda tuzaterana nk’umuntu umwe, tuvuge kugira neza kw’Imana hanyuma tunasengere n’igihugu cyacu”.

Gaby Kamanzi ati “Dufite impamvu nyinshi nk’abanyarwanda zo gushima Imana. Imana yakoze ibintu byinshi kandi bikomeye mu gihugu cyacu. Turi amahoro kandi tumeze neza, twabonye iterambere. Hari impamvu nyinshi nk’abanyarwanda tugomba guhurira hamwe tugashima Imana, cyane cyane nyuma y’imyaka 30. Nzaba mpari n’abandi baramyi”.

Umuyobozi Mukuru wa PEACE Plan yateguye iki giterane mpuzamatorero gisanzwe kiba muri mwaka ariko hakaba hari hashize imyaka 5 kitaba, Arikiyepisikopi Dr. Laurent Mbanda, yavuze ko bagiteguye mu kwishimira ibyiza Imana yakoreye Abanyarwanda kuko “Uyu mwaka wa 2024 uruzuza imyaka 30 y'amahoro n'iterambere ridasanzwe mu Rwanda”.

Yakomeje agira ati “Ni umwaka u Rwanda rwagizemo amatora ya Perezida n'ay'Abadepite yabaye mu mahoro no mu byishimo birenze urugero. Ni muri urwo rwego, dufite impamvu nyinshi zo gushimira Imana. Turashishikariza abaturage bose kwitabira kugira ngo bazafatanye natwe muri iki gikorwa gifite agaciro gakomeye”.

Pastor Hortense Mazimpaka asanga hari impamvu nyinshi zo gushima Imana nk’Abanyarwanda

Igiterane Rwanda Shima Imana kizabera muri Stade Amahoro kuwa 29 Nzeri 2024