Category: Uncategorized

Dwayne Carter umuraperi akaba n’umwanditsi w’indirimbo wamamaye ku izina rya Lil Wayne yasezeranije abakunzi be ko mu minsi mike umuzingo we yise Carter VI ugiye kujya hanze nyuma y'igihe kirekire abakunzi bamutegerereje amaso agahera mu kirere. Yabivuze mu mashusho yanyujije kuri Instagram ari muri studio avuga ko Carter VI (6) igeze kure.

Carter VI yagiye ihura n'ubukererwe bwinshi kubera amakimbirane y'amasezerano hagati ya Lil Wayne na Cash Money Records, ndetse n'amakimbirane menshi ye bwite n'umuyobozi w'iyo nzu itunganya umuziki, Birdman wahoze ari inshuti ye nyuma bagashwana.

Uyu munzingop yatangiye kuwusezaranya abakunzi be mu mpera ya 2021, mu 2022 ntiyawusohora, yongera kuvuga ko ugomba gusohoka mu Gushyingo 2023 gusa nabwo ntiyawusohora.

Lil Wayne yateguje isohoka ry’umuzingo mushya ‘Carter VI’ yaramaze igihe asezeranije abafana be

Sherrie Silver yaserutse mu ikanzu y’ibara ry’umukara ndende, kandi ifite ikindi gitambaro kinini inyuma, ku buryo byasabaga rimwe na rimwe kumuteruza inyuma kugirango itamutega muri ibi birori.

Ni ikanzu yari ikoranywe ubuhanga, iriho imirimbo y’ubwiza, imeze nk’amababa, indi iri mu rucyenkerero, harimo indi mirimbo imeze nk’irereta. Kandi yari ikoze mu buryo isa n’aho imuzengurutse igapfuka igice cy’inyuma cy’umutwe we n'imbere mu gituza cye kugeza ku maboko ariko ntabwo ipfutse amaboko yose.

Niyo kanzu yaserukanye ku itapi itukura (Red Carpet), ubwo yari kumwe n’umunya-Nigeria, Runtonw yari yatumiye muri ibi birori. Ni nayo yinjiranye mu birori bye byabereye muri Kigali Convention Center, ku wa Gatandtau tariki 7 Nzeri 2024.

Ndetse, ubwo yaganiraga na Miss Nishimwe Naomie kuri 'Red Carpet' ni iyi kanzu yari yambaye. Ariko bigezemo hagati yagiye guhindura, yambara indi.

Umuhangamideli Niyigena Maurice washinze ‘Matheo’ ari nayo yambitse Sherrie Silver, yabwiye InyaRwanda, ko iriya kanzu yakozwe mu gihe cy’iminsi 2 n’abantu 12, bari bahuriye ku kujyanisha n’ibyifuzo by’uyu mukobwa n'izina rye.

Yavuze ko ikoze mu bwoko butatu bwa 'tissue' (soma tisi), wongeyeho mwambaro uri mu gice cye cy’umugongo n'imbere mu gituza. Niyigena Maurice anavuga ko iyi kanzu “yari itakishijwe amasaro n’indabo zakozwe n’intoki zashyizwe mu buryo butandukanye, kugirango igaragare uko mwayibonaga.”

Yavuze ko yakoze iyi kanzu “kugirango njyanishe n’igisobanuro cy’izana rye ndetse n’ukuntu sosiyete imufata muri rusange’.

Yungamo ati “Nanabitekerejeho ngendeye ku izina rye ‘Silver’, no kuba byari ibirori by’imyambarire n'umusangiro wihariye ‘Gala’, kandi nanahuje biriya byose, kugirango mpuze n’uwo ariwe n’uko abantu bamuzi muri rusange’. 

Matheo yavuze ko iyi kanzu itari ku isoko ari nayo mpamvu atatangaza igiciro cyayo, kuko yakozwe ari imwe. Ati “Iriya rero ntabwo iri ku isoko, kubera ko yari iye, niwe wasabye uko ikorwa, ntabwo igiciro nagishyira hanze, kubera y’uko nyine yarayitwaye.”- Bisobanuye ko nta yindi kanzu nk’iyi wabona ku isoko, kuko iriya yakorewe Sherrie Silver gusa.

Sherrie ni umukobwa w'imyaka 28 wavutse mu mwaka 1994. Ni ikinege mu muryango. Afite mama we witwa Florence Silver.

Kubera ukunu yakunzwe cyane byatumye ahabwa igihembo kiswe 'The Best Choreography' cyatanzwe mu marushanwa yo mu 2018 ya MTV Music Awards.

Yagaragaye mu ndirimbo nyinshi abyina. Ariko yaje guca agahigo ubwo yagaragaraga abyina mu ndirimbo y'umuhanzi Childish Gambino yise’ 'This Is American.'

Muri Gashyantare 2022, yubakiwe ikibumbano mu Mujyi wa London ateze amaboko nk'urimo kubyina, mu buryo Abanyarwanda babyina bateze amaboko.

Icyo gihe yanditse kuri konti ye ya Instagram agira ati 'London ifite ibibumbano (Statues) byinshi by'inyamaswa kurusha abagore, none ubu mfite ikibumbano cyanjye i London, uburyo kiremye ni ugutega amaboko nk'uko mu ndirimbo gakondo z'Abanyarwanda babikora. Ntewe ishema no kuba ndi Umunyafurika kandi nshaka kuyihagarira aho ari ho hose hashoboka'.

Iki kibumbano yari yakizanye i Kigali mu birori byabereye muri Kigali Convention Center. Bisanzwe bikorwa n'uruganda rwa Adidas mu rwego rwo guha agaciro no gushyigikira abagore b'indashyikirwa, babaye urugero mu rubyiruko.

Mu 2019, uyu mukobwa w'i Huye yagizwe Ambasaderi w'Ikigega Mpuzamahanga cy'Iterambere ry'Ubuhinzi (IFAD). Ndetse yahuye na Papa Francis.

Umunyarwandakazi Sherrie Silver wamamaye mu mbyino yaserutse mu birori bye yambaye ikanzu yakozweho n'abantu 12 

Ikanzu ya Sherrie Silver yakozwe mu gihe cy'iminsi ibiri – Aha yari kumwe na Runtown kuri 'Red Carpet'

Umuhangamideli Niyigena Maurice washinze ‘Matheo’, yatangaje ko ikanzu yambitse Sherrie Silver yahise ikurwa ku isoko kubera ubusabe bw'uyu mukobwa

Miss Nishimwe Naomie yakiriye Sherrie Silver kuri 'Red Carpet' bagirana ikiganiro cyagarutse kuri ibi birori

Sherrie Silver yaserutse muri ibi birori yambaye ikanzu yariho indabo zakozwe n'intoki n'indi mirimbo y'ubwiza 

Sherrie Silver ari kumwe n’abarimo Noopja washinze Country Records

KANDA HANO UBASHE KUREBA IBYARANZE IBIRORI ‘THE SILVER GALA’

AMAFOTO: TNT

Kuri uyu wa Kabiri Tariki 10 Nzeri 2024, u Rwanda rurakira Kagoma za Nigeria mu mukino wa kabiri wo gushaka itike y’Igikombe cya Africa AFCON ya 2025, kizabera muri Morocco. 

Umukino wa mbere, u Rwanda rwanganyije na Libya igitego kimwe kuri kimwe naho ikipe y’igihugu ya Nigeria, mu mukino wa mbere itsinda Benin ibitego bitatu ku busa. 

Kuri uyu munsi tugiye kugaruka kuri bimwe mu bihe bitanu byiza ikipe y’igihugu y’u Rwanda, Amavubi yagize bishobora kujyana u Rwanda mu mukino wa Nigeria rukubita agatoki ku kandi. 

5. Imitwe itatu ya Daddy Birori

Ku itariki 19 Mutarama 2014, u Rwanda rwari rwakiriye Libya mu mukino wa kabiri wo kwishyura mu gushaka itike y’Igikombe cya Africa AFCON cya 2015. Ni igikombe cyari kubera muri Morocco, birangira kibereye muri Guinea Equatorial kubera icyorezo cya Ebola cyari cyaribasiriye Africa yo mu Burengerazuba.

Umukino wari wabanje, u Rwanda rwanganyije na Libya ubusa ku busa mu mukino wabereye mu mujyi wa Tunis mu gihugu cya Tunisia. Umukino wa kabiri, u Rwanda rubifashijwemo na Rutahizamu Daddy Birori watsinze ibitego bitatu muri uwo mukino, rwasezereye Libya nuko umukino urangira ari ibitego bitatu ku busa.

U Rwanda rukimara gusezerera Libya, rwahise rubona itike yo gukina na Congo Brazzaville mu cyiciro gikurikiyeho. Byarangiye ikipe y’igihugu isezereye Congo Brazzaville, ariko ikurwa mu marushanwa kubera ibibazo by’abanyamahanga bitari bisobanutse.. 

Daddy birori yishimira gufasha u Rwanda gutsinda Libya ibitego bitatu ku busa 

Daddy Birori yari yabukereye ashaka gususurutsa abanyarwanda 

Daddy Birori 

4. Ibitego bya Nshuti Innocent na Barafinda i Huye

Ku itariki 21 Ugushyingo 2023 ubwo u Rwanda rwari rwakiriye ikipe y’igihugu ya Africa y’Epfo mu mukino wa kabiri wo gushaka itike y’Igikombe cy’Isi kizabera muri Leta Zunze Ubumwe za Amerika, Canada na Mexico muri 2026, abanyarwanda baranezerewe cyane kuko u Rwanda rwikuye mu nzara za Africa y’Epfo. 

Ni umukino warangiye ari ibitego bibiri by’u Rwanda ku busa bwa Africa y’Epfo. Ni ibitego byatsinzwe na Nshuti Innocent na Mugisha Gilbert mu mukino warangiye u Rwanda rubonye amanota atatu. 

Gutsinda uwo mukino wa Africa y’Epfo, byatumye u Rwanda ruyobora itsinda rya H mu gushaka itike yo kujya mu gikombe cy’Isi kizabera muri Leta Zunze Ubumwe za Amerika, Canada na Mexico muri 2026. 

Nyuma y’uwo mukino wa Africa y’Epfo, u Rwanda rwakinnye indi mikino ibiri, gusa ni rwo rwa mbere mu itsinda aho runganya amanota 7 na Benin. Ni itsinda ririmo Nigeria, Lesotho, Africa y’Epfo, Benin, u Rwanda na Mozambique. 

Ikipe y’igihugu y’u Rwanda yitegura gucakirana na Africa y’Epfo 

Umukino warangiye ari ibitego bibiri bya Amavubi ku busa bwa Africa y’Epfo 

3.  Kufura ya Emery Bayisenge ku munota wa 15

Ku itariki 16 Mutarama 2016 mu mukino utangiza irushanwa rya CHAN 2016, u Rwanda rwatsinze Côte d'Ivoire igitego kimwe ku busa cyabonetse ku munota wa 15 w'igice cya mbere gitsinzwe na Emery Bayisenge. 

Nubwo ari umukino waranzwe n’imitima ihagaze ku banyarwanda kubera uko Cote d’Ivoire yatakaga ishaka kwishyura igitego yari yatsinzwe, umunyezamu Jean Luc Ndayishimiye yagaragaje ubuhanga bukomeye, umukino urangira gutyo u Rwanda rutahukanye intsinzi.

Iyo ntsinzi yazamuye icyizere ku banyarwanda bituma umukino wa kabiri Amavubi atsinda ikipe y’igihugu ya Gabon ibitego 2-1, bidasubirwaho aba abonye itike yo gukina kimwe cya Kane kandi ayoboye itsinda. 

Ibyakurikiyeho nyuma y’izo ntsinzi ebyiri, sitwabigarukaho cyane kuko imikino ibiri yakurikiyeho, Amavubi yatsinzwe na Morocco ibitego 4-2, mu mukino wa nyuma mu matsinda naho muri kimwe cya Kane asezererwa Repubulika Iharanira Demokarasi ya Congo itsinze u Rwanda ibitego 2-1.

Emery Bayisenge yatsinze igitego cyatumye u Rwanda rutangirana amanota atatu muri CHAN ya 2016

Perezida Kagame yari yitabiriye uwo mukino u Rwanda rwagaraguyemo Cote d’Ivoire 

Abakinnyi b’amavubi bishimiye gutsinda Cote d’Ivoire 

Nubwo Emery Bayisenge yatsinze kufura ku munota wa 15, ku wa 63 yananiwe gutsinda Penaliti, gusa ntibyagira icyo bihungabanya ku ntsinzi y’u Rwanda 

2. CECAFA 1999

Bimwe mu bihe byiza bitazibagirana u Rwanda rwagize mu mupira w’amaguru, harimo kuba Rwanda B yaregukanye irushanwa rihuza ibihugu byo ku karere ka Afurika y'Iburasirazuba n'iyo hagati (CECAFA) mu mwaka wa 1999. 

U Rwanda rwabigezeho nyuma yo gutsinda ku mukino wa nyuma Kenya ibitego 3-1, ibitego bya Ndindiri Mugaruka, Nshizirungu Hubert Bebe na Ndizeye. Ni mu gihe Kenya yatsindiwe na Kimuyu. Icyo gihe u Rwanda rwari rufitemo amakipe 2, Rwanda A na Rwanda B, impamvu ni uko igihugu cyabaga cyakiriye cyahabwaga amahirwe yo kugiramo amakipe 2.

Rwanda B yegukanye CECAFA – uhereye ibumoso abahagaze: Umunyezamu Ishimwe Claude, Batu Jean, Ndindiri Mugaruka na Gishweka Faustin, abapfukamye ni Sibo Abdul, Munyaneza Djuma, Habimana Sostene. Abicaye ni Rusanganwa Fredy Ntare, Mupimbi Yves, Nshizirungu Hubert Bebe na Muronda Jean Pierre

1. Umutwe wa Jmmy Gatete atsinda Ghana

Igitego cy'umutwe cya Jimmy Gatete ku mupira wari uvuye kuri Ntaganda Elias cyahesheje u Rwanda intsinzi imbere ikipe y’igihugu ya Ghana kuri Stade Amahoro tariki ya 6 Nyakanga 2003. 

Icyo gitego cyafashije u Rwanda kubona itike y'igikombe cy'Afurika cya 2004 cyabereye muri Tunisia, ni na cyo gikombe rukumbi u Rwanda rwitabiriye, ndetse benshi bakurikirana umupira w'amaguru bemeza ko ari byo byishimo bikomeye cyangwa intsinzi ikomeye Amavubi yagize.

Muri iki gikombe cy'Afurika ntabwo u Rwanda rwabashije kurenga itsinda A rwari rwisanzemo kuko rwasoje ruri ku mwanya wa 3 n'amanota 4, nyuma ya Guinea ya kabiri yari ifite 5, Tunisia yari ifite 7. Ni mu gihe DRC yasoje ifite ubusa iri ku mwanya wa nyuma.

Ubwo byari byayoberanye, Jimmy Gatete yatsinze Ghana umutwe w’akataraboneka, u Rwanda ruhita rujya mu gikombe cya Africa 

Umutwe wa Jimmy Gatete watumye Amavubi ajya mu gikombe cya Africa AFCON ya 2004. Aba ni abakinnyi babanje mu kibuga mu mukino wo gufungura iri rushanwa wahuje u Rwanda na Tunisia. 

Uhereye iburyo abahagaze ni Nkunzingoma Ramazan, Bizagwira Leandre, Ndikumana Kataut, Said Abed, Karekezi Olivier na Nshimiyimana Eric. Abasutamye ni Ntaganda Elias, Nshimiyimana Canisius, Mbonabucya Desire, Manamana Kizito na Sibo Abdul.

Bralirwa Plc yishimiye gutangaza ko ikinyobwa cya ‘Cheetah Energy Malt’ cyashyizwe mu icupa ry’ibirahure guhera uyu munsi, mu rwego rwo kubungabunga ibidukikije, mu gihe iki kinyobwa cyari gisanzwe mu macupa ya purasitike (Plastique).

Abaguzi hirya no hino mu Rwanda barashobora kwishimira uburyohe bukomeye hamwe n’imbaraga za Cheetah banywa iki kinyobwa cyongera ingufu ku giciro gishya cya 550 Frw gusa kumacupa y’ikirahure.

Uku gutangiza aya macupa y’ibirahure bishimangira ko Bralirwa yiiyemeje guha abaguzi bayo ibintu byiza no guhitamo kuramba ntaguteshuka ku bwiza.

Amacupa y’ikirahure ntabwo atanga uburyo bushya bwo kwishimira ibinyobwa ukunda gusa ahubwo kandi ifasha kugabanya imyanda no kuzamura inshingano z'ibidukikije.

Abaguzi bazakomeza kugira amahitamo kugura iki kinyobwa mu macupa y’umwimerere. Icupa, riboneka ku mafaranga 600 y’amanyarwanda. Hamwe no mu macupa y’ikirahure.

Ubu iki kinyobwa cyashyizwe mu macupa mashya y’ikirahure kiraboneka mu bacuruzi bose mu Rwanda, biroroshye kubona ikinyobwa cyongera ingufu cya Cheetah Energy Malt aho waba uri hose.

Ikinyobwa cyongera ingufu cya 'Cheetah Energy Malt' cyashyizwe mu icupa rishya ry'ikirahure

Kapiteni w’ikipe y’igihugu Amavubi, Bizimana Djihad yasabye Abanyarwanda kuza kubashyigikira ari benshi ku mukino wa Nigeria ko batazicuza.

Ejo ku wa Kabiri tariki ya 10 Nzeri, Amavubi azakira Nigeria mu mukino w’umunsi wa kabiri w’itsinda D mu gushaka itike y’igikombe cy’Afurika cya 2025. Ni umukino uzabera kuri Stade Amahoro saa 15h00′.

Kapiteni w’ikipe y’igihugu Amavubi, Bizimana Djihad yavuze ko ejo bazatanga ibishoboka byose ariko Abanyarwanda batazasubira mu rugo bicuza.

Ati “ejo tuzatanga 120%, 150% kuko dutanze ibiri munsi byazatugora. Abanyarwanda ndabasaba kuzaza kudushyigikira ari benshi kandi ntabwo bazasubira mu rugo bicuza kuko tuzaba twatanze ibyo dufite byose.”

Kuba ari wo mukino wa mbere bazaba bagiye gukinira kuri Stade Amahoro nyuma yo kuvugururwa, yavuze ko ari ikindi kibatera imbaraga bakumva ko batagomba kuhatsindirwa.

Ati “kuba ugiye gukinira kuri Stade bwa mbere mu rugo nabyo bigutera imbaraga ukumva ko utagomba gutsindwa, ntabwo wakifuza gutsindwa ubona ibintu byose ari byiza, ntekereza ko kugira ngo umuntu abishimangire anashimira Perezida Kagame wayiduhaye, umukino wa mbere tugomba gukora ibishoboka ngo dutsinde.”

Amavubi agiye gukina na Nigeria yatsinze Benin 3-0, ni mu gihe yo yanyanyije na Libya 1-1.

Djihad Bizimana yasabye Abanyarwanda kuza kubashyigikira ku mukino wa Nigeria

Abo bajura biganjemo abo mu mirenge ya Nyakarenzo na Nkungu yo mu Karere ka Rusizi, berekanywe kuri uyu wa 09 Nzeri 2024 ku cyicaro gikuru cya RIB.

Umuvugizi wa RIB, Dr. Murangira B. Thierry yatangaje ko abo bantu bafashwe mu bihe bitandukanye, bari hagati y'imyaka 20 na 35 y'ubukure.

Kugira ngo bibe abantu bakoreshaga amanyanga, nko guhamagara umuntu bakamubwira imibare akanda atabyitaho aye akaba aragiye.

Bakoraga nk'itsinda bafite n'aba-agent b'ibigo by'itumanaho bitandukanye bagahita babafasha kubikura ayo bibye mu gihe nk'icyo guhumbya.

Abo bajura biyise 'Abameni' babanzaga guhurira ahantu runaka, bakiga ku mugambi bagiye gukora mbese uko akazi k'umunsi kari buze kugenda ubundi bakigaba mu bice bitandukanye.

Mbere yo gufatwa, habanje gukorwa iperereza ryimbitse bamenywa uko bakora kugira ngo bafatirwe rimwe, nyuma bose batabwa muri yombi ndetse ubu bafungiye kuri sitasiyo za RIB zitandukanye.

Bakurikiranyweho ibyaba bitanu, birimo gushyiraho umutwe w'abagizi ba nabi cyangwa kuwujyamo, kwihesha ikintu cy'undi hakoreshejwe uburiganya, kwiyitirira umwirondoro w'undi, kudasobanura inkomoko y'umutungo n'iyezandonke, ibyaha bihanishwa ibifungo biri hagati y'imyaka ibiri na 10.

Dr. Murangira ati 'Mu mezi arindwi kugeza muri Nyakanga 2024 bari bamaze kwiba 424, 493, 991 Frw. Abo ni abatanze ibirego. Bajyaga kuyakoresha ibikorwa bitandukanye birimo no kuguriramo ababyeyi babo inzu n'ibindi, ari na yo mpamvu ababyeyi babo batashakaga gufatanya na twe ngo bafatwe.'

Uretse Rusizi, hari n'abafatiwe mu turere twa Gicumbi, Ruhango, Gasabo, Rubavu, Nyarugenge Kirehe na Muhanga.

Dr. Murangira yavuze ko ibyo byaha bishobora kwirindwa kuko ahenshi abajura baba bakina n'amarangamutima y'abantu, aho usanga biyitirira inzego n'ibigo runaka, utagira amakenga akakubwira imibare ukanda ku bwa serivisi abeshya ko agiye kuguha, wayuzuzamo amafaranga akaba aragiye.

Murangira ari 'Hari uguhamagara akakubwira ati 'hano ni ku ishuri umwana wawe yigaho, twakumenyeshaga ko bamugonze'. Agahita akupa, undi akaguhamagara ati 'hano ni kwa muganga bakaguhamagara mu izina, bakagusaba amafaranga yo kumwitaho', kwa guhungabana kwawe kutagira amakenga ukaba urayatanze, ukibuka ko washutswe nyuma yo kukwiba.'

Umuvugizi wa Polisi y'u Rwanda, ACP Boniface Rutikanga yagaragaje ko abo bajura biyitirira inzego zitandukanye, zaba iza leta iz'abikorera ndetse n'iz'iyobokamana.

Uyu muyobozi yagaragaje ko nubwo hari abibwe bashutswe, hari n'abagize uruhare mu kwibwa kwabo, atanga ingero nk'uwo biba yumvaga ko ari guha ruswa nk'umuntu ushobora kumuha serivisi agombwa ku buntu.

Yatanze urugero nko kuri Polisi y'Igihugu aho abajura bajyaga ahakorewe ibizamini byo gutwara ibinyabiziga bakihererana uwatsinzwe, bakamwizeza ko bazamufasha gukora ikizamini cyihariye.

Icyo gihe bahitaga batwara nimero ye, bagakora ubutumwa buhimbano bakabumwoherereza bamumenyesha ko azaza gukora ku itariki runaka, nyuma bakamusaba amafaranga y'iyo serivisi ahawe, uwashutswe akisanga amafaranga yarariwe n'abajura.

ACP Rutikanga ati 'Uwo araza akagera ku kibuga, agasanga yarabeshywe. Bene uwo ntavuga ko yibwe, n'iyo wamuhamagara ntashobora kuza kuko na we yisanze ari mu cyaha cya ruswa.'

Umuyobozi ushinzwe Ikoranabuhanga mu Rwego Ngenzuramikorere, RURA, Gahungu Charles yavuze ko mu bugenzuzi bakoze basanze ubwo bujura butizwa umurindi n'abakoresha simukadi zitabanditseho kugira ngo badatahurwa.

Uyu muyobozi yavuze ko habonetse icyuho mu kubarura simukadi z'abaturage, ari yo mpamvu uyu munsi nta muntu wemerewe kubarurira simukadi ku muhanda.

Mu bayobozi bari mu gikorwa cyo kwerekana abajura 45 biba abantu bakoresheje amayeri, uhereye iburyo barimo Umuyobozi ushinzwe ikoranabuhanga mu Rwego Ngenzuramikorere RURA, Gahungu Charles, Umuvugizi wa RIB, Dr. Murangira B.Thierry n’Umuvugizi wa Polisi y’u Rwanda, ACP Rutikanga Bonface

Umuvugizi wa RIB, Dr. Murangira B.Thierry yaburiye abiba abantu bifashishijwe amanyanga, avuga ko nta kabuza bazatahurwa bose uko bakabaye bakaryoza amabi bakoze

Umuvugizi wa Polisi y'u Rwanda, ACP Boniface Rutikanga yatangaje ko hari n’abibwe bumvaga ko bari gutanga ruswa

Umuyobozi ushinzwe ikoranabuhanga mu Rwego Ngenzuramikorere RURA, Gahungu Charles yagaragaje ko abajura bibaga abaturage bifashihijwe simukadi zitababaruyeho, yemeza ko icyo kibazo ubu cyahagurukiwe

Abajura 45 batawe muri yombi

Abajura 45 batawe muri yombi batuye mu turere twa Rusizi, Gicumbi, Ruhango, Gasabo, Rubavu, Nyarugenge, Kirehe na Muhanga

Amafoto: Kwizera Remy Moses

Uyu ni umwe mu mikoro yahaye abacamanza bateraniye i Kigali mu nama yahuje abacamanza bo mu Muryango w'Ibihugu bikoresha Icyongereza, Commonwealth.

Ni inama yahurije hamwe ba Perezida b'Inkiko z'Ikirenga barenga 20 ndetse n'abacamanza bo kuva ku Rukiko rw'Ikirenga kugeza ku Nkiko z'Ibanze. Abayitabiriye bose hamwe barenga 300 baturutse mu bihugu 45.

Abayitabiriye bagamije kwigira hamwe uko ubucamanza burengera ibidukikije bwarushaho gutezwa imbere, ndetse no kuganira ku bibazo byugarije urwego rw'ubutabera.

Uretse gushyira imbaraga mu butabera bugamije kurengera ibidukikije, Perezida Kagame yasabye aba bacamanza no kwiga ku bibazo bya ruswa n'imanza zitinda kuko biri mu byugarije ubutabera.

Ati 'Ndabasaba gukoresha uru rubuga mu kuganira ku kibazo gikomeje gukura cya ruswa mu butabera n'imanza zitinda. Ubunyamwuga bw'urwego rw'ubutabera bushingira ku cyizere abaturage barufitemo.'

Perezida Kagame yavuze ko iyi mikorere myiza ari yo ituma urukiko rwose rugira ubushobozi bwo gukemura ikibazo runaka cyavutse, ashimangira ko 'hatari uyu musingi ntabwo dushobora kugira Isi itabogama kandi idatekanye.'

Umuryango mpuzamahanga urwanya ruswa n'akarengane, Transparency International, uherutse gushyira u Rwanda ku mwanya wa 49 ku rutonde rushya rwo kurwanya ruswa, ruvuye ku wa 54 rwariho mu mwaka wa 2022.

Ku Rwanda, bigaragara ko ari igihugu cyateye intambwe mu kurwanya ruswa kuko cyavuye ku mwanya wa 54 n'amanota 51% mu 2022, kigera kuri 49 n'amanota 53% mu 2023.

Muri Afurika, u Rwanda rwagumye ku mwanya wa kane, inyuma ya Seychelles ifite 71%, Cap Vert ifite 64% na Botswana ifite 59%. Ibi bihugu byose uko ari bine byazamutse kuri uru rutonde.

Gusa nubwo bimeze gutyo, Leta y'u Rwanda ikomeje gushyiraho ingamba zitandukanye zo kurwanya no gukumira ruswa ikunze kumvikana mu nzego zigize urunana rw'ubutabera; ari zo ubugenzacyaha, ubushinjacyaha n'ubucamanza.

Raporo 'Rwanda Bribery Index' yashyizwe hanze na Transparency International Rwanda mu Ukuboza 2023, igaragaza ishami rya Polisi rishinzwe umutekano wo mu muhanda nk'iri imbere mu kugaragaramo ruswa kuko ryihariye 16.4%.

Iyi raporo kandi yagaragaje ko urwego rw'ubugenzacyaha, RIB, ari rwo rufite abakozi bakiriye ruswa nyinshi. Muri 4,527,000 Frw yatanzwe n'abantu 16, agera kuri 3,860,000 Frw ni iy'abasabaga ko ababo bari bafungiwe muri za kasho bafungurwa.

Uru rwego rwakurikiwe n'urw'ubushinjacyaha bufite abakozi bakiriye ruswa iri ku mpuzandengo ya 200,000 Frw, ubucamanza bufite abakozi bakiriye iri ku mpuzandengo ya 153,000 Frw buza ku mwanya wa gatatu.

Perezida Paul Kagame yasabye abacamanza kwiga ku kibazo cya ruswa ndetse n'imanza zitinda, biri mu byugarijwe urwego rw'ubutabera

Iyi nama yahurije hamwe ba Perezida b'Inkiko z'Ikirenga barenga 20 ndetse n'abacamanza bo kuva ku Rukiko rw'Ikirenga kugeza ku Nkiko z'Ibanze. Abayitabiriye bose hamwe barenga 300 baturutse mu bihugu 45